| | | ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ ᠲᠡᠤᠬᠡᠨ ᠲᠡᠭᠡᠷᠡ ᠬᠠᠮᠤᠭ ᠤᠨ ᠲᠡᠷᠢᠬᠦᠨ ᠳᠤ ᠬᠠᠭᠠᠨ ᠴᠤᠯᠠ | ᠤᠯᠤᠭᠰᠠ ᠬᠦᠮᠦᠨ ᠪᠤᠯ ᠬᠠᠶᠢᠳᠤ ᠶᠢᠨ ᠤᠮᠪᠤᠯ ᠲᠤᠪᠢᠨᠠᠢ ᠰᠡᠴᠡᠨ ᠤ ᠶᠡᠭᠡ ᠬᠦᠦ ᠬᠠᠪᠤᠯ ᠪᠠᠶᠢᠵᠠᠢ᠃ ᠬᠠᠮᠤᠭ | ᠮᠤᠩᠭᠤᠯ ᠢ ᠬᠠᠪᠤᠯ ᠬᠠᠭᠠᠨ ᠵᠠᠬᠢᠷᠴᠤ ᠶᠠᠪᠤᠪᠠ᠃ | ᠲᠡᠷᠡ ᠦᠶᠡ ᠳᠤ ᠵᠦᠷᠴᠢᠨ ᠠᠶᠢᠮᠠᠭ ᠤᠨ ᠠᠯᠳᠠᠨ ᠤᠯᠤᠰ ᠬᠦᠴᠦᠷᠬᠡᠭᠵᠢᠵᠤ᠂ ᠰᠦᠩ | ᠤᠯᠤᠰ ᠢ ᠲᠤᠪᠳᠤᠯᠵᠤ ᠪᠠᠶᠢᠭᠰᠠᠨ ᠲᠤᠯᠠ ᠮᠤᠩᠭᠤᠯ ᠠᠶᠢᠮᠠᠭ ᠤᠨ ᠮᠠᠨᠳᠤᠯ ᠬᠦᠭᠵᠢᠯ ᠨᠢ ᠲᠡᠳᠡᠨ ᠤ ᠠᠩᠬᠠᠷᠤᠯ ᠢ | ᠲᠠᠳᠠᠬᠤ ᠦᠭᠡᠢ ᠪᠠᠶᠢᠬᠤ ᠠᠷᠭᠠ ᠦᠭᠡᠢ ᠠᠵᠢ᠃ ᠲᠡᠶᠢᠮᠤ ᠠᠴᠠ ᠵᠦᠷᠴᠢᠨ ᠤ ᠨᠤᠶᠠᠷᠬᠠᠭᠴᠢᠳ ᠡᠯᠳᠡᠪ ᠠᠷᠭᠠ | ᠬᠡᠷᠡᠭᠯᠡᠵᠤ ᠮᠤᠩᠭᠤᠯ ᠠᠶᠢᠮᠠᠭ ᠢ ᠪᠡᠶᠡ ᠳᠡᠭᠡᠨ ᠲᠠᠳᠠᠬᠤ ᠪᠤᠶᠤ ᠲᠤᠷᠤᠶᠢᠳᠠᠭᠤᠯᠬᠤ ᠪᠠᠷ ᠤᠷᠤᠯᠳᠤᠳᠠᠭ ᠪᠠᠶᠢᠪᠠ᠃ | ᠡᠬᠦᠨ ᠳᠤ ᠬᠠᠪᠤᠯ ᠬᠠᠭᠠᠨ ᠶᠡᠭᠡ ᠰᠡᠷᠡᠮᠵᠢᠳᠠᠢ ᠪᠠᠶᠢᠪᠠ᠃ | ᠨᠢᠬᠡᠨ ᠤᠳᠠᠭᠠ᠂ ᠬᠠᠪᠤᠯ ᠬᠠᠭᠠᠨ ᠠᠯᠳᠠᠨ ᠤᠯᠤᠰ ᠤᠨ ᠡᠵᠡᠨ ᠤ ᠵᠠᠷᠯᠢᠭ ᠢᠶᠠᠷ ᠲᠡᠬᠦᠨ ᠳᠤ | ᠪᠠᠷᠠᠭᠠᠯᠠᠬᠤ ᠪᠠᠷ ᠤᠴᠢᠭᠰᠠᠨ ᠳᠤ ᠠᠯᠳᠠᠨ ᠤᠯᠤᠰ ᠤᠨ ᠡᠵᠡᠨ ᠮᠠᠰᠢ ᠲᠤᠳᠤᠨᠤ ᠡᠯᠢᠬᠡᠰᠡᠭ ᠠᠭᠠᠰᠢᠯᠠᠵᠤ ᠦᠪᠳᠡᠭᠰᠢ | ᠶᠡᠭᠡ ᠬᠤᠷᠢᠮ ᠪᠡᠯᠡᠳᠬᠡᠨ ᠲᠠᠶᠢᠯᠠᠪᠠ᠃ ᠵᠦᠷᠴᠢᠨ ᠤ ᠨᠤᠶᠠᠷᠬᠠᠭᠴᠢᠳ ᠶᠡᠷᠤ ᠠᠴᠠ ᠵᠠᠯᠢ ᠮᠡᠭᠡ ᠶᠡᠬᠡᠳᠠᠢ ᠲᠤᠯᠠ | ᠬᠠᠪᠤᠯ ᠬᠠᠭᠠᠨ ᠢᠳᠡᠵᠤ ᠤᠤᠭᠤᠬᠤ ᠳᠠᠭᠠᠨ ᠲᠤᠩ ᠪᠤᠯᠭᠤᠮᠵᠢᠯᠠᠨ᠂ ᠬᠤᠷᠢᠮ ᠤᠨ ᠲᠤᠮᠳᠠ ᠡᠯᠳᠡᠪ ᠰᠢᠯᠳᠠᠭ ᠵᠢᠭᠠᠨ | ᠤᠯᠠᠨ ᠤᠳᠠᠭᠠ ᠭᠠᠳᠠᠨᠡ ᠭᠠᠷᠴᠤ᠂ ᠢᠳᠡᠭᠰᠡᠨ ᠶᠢᠨ ᠪᠦᠷ ᠪᠦᠬᠡᠯᠵᠢᠨ ᠭᠠᠷᠭᠠᠵᠤ ᠲᠠᠬᠢᠨ ᠤᠷᠤᠵᠤ ᠬᠤᠷᠢᠮ ᠤᠨ | ᠰᠢᠷᠡᠬᠡᠨ ᠳᠤ ᠰᠠᠭᠠᠤᠳᠠᠭ ᠪᠠᠶᠢᠪᠠ᠃ ᠡᠬᠦᠨ ᠳᠤ ᠠᠯᠳᠠᠨ ᠤᠯᠤᠰ ᠤᠨ ᠡᠵᠡᠨ ᠲᠡᠬᠦᠨ ᠤ ᠬᠤᠳᠤᠭᠤᠳᠤ ᠬᠡᠳᠡᠰᠤᠨ ᠤ | ᠶᠡᠭᠡ ᠶᠢ ᠭᠠᠶᠢᠬᠠᠵᠤ᠄ | ︽ᠬᠠᠪᠤᠯ ᠬᠠᠭᠠᠨ ᠴᠦ ᠶᠤᠰᠤᠳᠠᠢ | ᠭᠤᠨᠵᠢᠨ ᠦᠬᠡᠷ ᠢᠳᠡᠪᠡᠴᠤ | ᠴᠠᠳᠬᠤ ᠦᠭᠡᠢ ᠬᠤᠳᠤᠭᠤᠳᠤ ᠲᠠᠢ | ᠭᠤᠷᠪᠠᠨ ᠬᠤᠨᠢ ᠵᠡᠯᠬᠢᠪᠠᠴᠤ | ᠲᠤᠷᠬᠤ ᠦᠭᠡᠢ ᠬᠡᠬᠡᠯᠢ① ᠲᠠᠢ ᠬᠦᠮᠦᠨ ᠪᠠᠶᠢᠨᠠ ᠰᠢᠤ︕︾ ᠬᠡᠵᠤ ᠬᠤᠱᠤᠩᠨᠠᠪᠠ᠃ | ᠬᠠᠪᠤᠯ ᠬᠠᠭᠠᠨ ᠲᠤᠭᠰᠢᠨ ᠵᠠᠩ ᠲᠠᠢ ᠬᠦᠮᠦᠨ ᠪᠤᠯᠪᠠᠴᠤ ᠬᠦᠮᠦᠨ ᠤ ᠬᠤᠷᠢᠮ ᠳᠤ ᠰᠠᠭᠤᠵᠤ ᠪᠠᠶᠢᠭᠠ ᠲᠤᠯᠠ | ᠢᠴᠢᠬᠦᠷᠢ ᠶᠢ ᠲᠡᠰᠪᠦᠷᠢᠯᠡᠨ ᠲᠤᠭᠤᠢ ᠰᠠᠭᠤᠵᠤ ᠡᠮᠤᠨᠡᠬᠢ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠪᠠᠨ ᠬᠦᠨᠳᠡᠷᠴᠤ ᠯᠡ ᠪᠠᠶᠢᠪᠠ᠃ | ᠲᠡᠭᠡᠭᠡᠳ ᠬᠠᠪᠤᠯ ᠬᠠᠭᠠᠨ ᠱᠠᠯ ᠰᠤᠭᠳᠤᠵᠤ᠂ ᠬᠡᠨᠡᠳᠳᠠ ᠦᠰᠦᠷᠦᠨ ᠪᠤᠰᠤᠭᠠᠳ ᠠᠯᠳᠠᠨ ᠤᠯᠤᠰ ᠤᠨ ᠡᠵᠡᠨ ᠤ | ᠰᠠᠬᠠᠯ ᠠᠴᠠ ᠰᠢᠪᠳᠤᠷᠤᠨ ᠪᠠᠷᠢᠵᠤ᠄ | ︽ᠭᠤᠨᠵᠢᠨ ᠦᠬᠡᠷ ᠢᠳᠡᠪᠡᠴᠤ | ᠴᠠᠳᠬᠤ ᠦᠭᠡᠢ ᠬᠡᠯᠡ ᠤᠤ ᠴᠢ︖ | ᠭᠤᠷᠪᠠᠨ ᠬᠤᠨᠢ ᠵᠠᠯᠬᠢᠪᠠᠴᠤ | ᠲᠤᠷᠬᠤ ᠦᠭᠡᠢ ᠬᠡᠯᠡ ᠤᠤ ᠴᠢ︖ ᠤᠳᠤ ᠲᠤᠷᠴᠤ ᠪᠠᠶᠢᠨᠠ︕︾ ᠬᠡᠳ ᠬᠠᠳᠠᠭᠠᠨᠠᠳᠠᠯᠠ | ᠢᠨᠢᠶᠡᠪᠡ᠃ ᠬᠤᠷᠢᠮ ᠤᠨ ᠬᠦᠮᠦᠰ ᠰᠤᠴᠢᠨ ᠬᠡᠯᠮᠡᠭᠳᠡᠵᠤ᠂ ᠪᠡᠶᠡ ᠪᠡᠶᠡ ᠪᠠᠨ ᠰᠢᠷᠳᠡᠯᠴᠡᠵᠤ ᠶᠠᠭᠠᠬᠢᠬᠤ ᠪᠠᠨ ᠤᠯᠬᠤ | ᠦᠭᠡᠢ ᠪᠤᠯᠪᠠ᠃ ᠬᠡᠳᠡᠯᠡ ᠠᠯᠳᠠᠨ ᠤᠯᠤᠰ ᠤᠨ ᠡᠵᠡᠨ ᠬᠠᠷᠢᠨ ᠮᠤᠩᠭᠤᠯ ᠠᠶᠢᠮᠠᠭ ᠢ ᠪᠡᠶᠡ ᠳᠡᠭᠡᠨ ᠲᠠᠳᠠᠬᠤ ᠶᠢᠨ | ᠲᠦᠯᠦᠬᠡ᠂ ᠬᠠᠪᠤᠯ ᠬᠠᠭᠠᠨ ᠤ ᠡᠨᠡ ᠬᠦ ᠵᠢᠯᠤᠭᠤ ᠵᠤᠳᠤᠭ ᠦᠭᠡᠢ ᠦᠢᠯᠡ ᠬᠦᠳᠡᠯᠬᠡᠬᠡᠨ ᠢ ᠦᠯᠦ ᠬᠠᠶᠢᠬᠤᠷᠤᠨ | ᠠᠵᠢᠭ ᠦᠭᠡᠢ ᠰᠠᠭᠤᠵᠤ ᠪᠠᠶᠢᠯᠠ᠃ ᠲᠡᠷᠡ ᠴᠦ ᠪᠠᠶᠢᠳᠤᠭᠠᠢ ᠬᠤᠷᠢᠮ ᠲᠠᠷᠬᠠᠭᠰᠠᠨ ᠤ ᠲᠠᠷᠠᠭᠠ᠂ ᠠᠯᠳᠠᠨ ᠤᠯᠤᠰ | ᠤᠨ ᠡᠵᠡᠨ ᠬᠠᠪᠤᠯ ᠬᠠᠭᠠᠨ ᠳᠤ ᠵᠤᠵᠠᠭᠠᠨ ᠪᠡᠯᠡᠭ ᠦᠭᠴᠤ ᠮᠤᠷᠳᠠᠭᠤᠯᠪᠠ᠃ ᠬᠡᠪᠡᠴᠤ ᠬᠠᠪᠤᠯ ᠬᠠᠭᠠᠨ ᠪᠤᠴᠠᠭᠰᠠᠨ ᠤ | ᠲᠠᠷᠠᠭᠠ᠂ ᠠᠯᠳᠠᠨ ᠤᠯᠤᠰ ᠤᠨ ᠰᠢᠳᠠᠷ ᠲᠦᠰᠢᠮᠡᠳ ᠬᠠᠪᠤᠯ ᠬᠠᠭᠠᠨ ᠢ ᠠᠯᠠᠬᠤ ᠦᠭᠡᠢ ᠪᠤᠯ ᠮᠤᠩᠭᠤᠯ ᠠᠶᠢᠮᠠᠭ | ᠬᠤᠵᠢᠮ ᠠᠶᠤᠯ ᠪᠤᠯᠵᠤ ᠮᠡᠳᠡᠨᠡ ᠬᠡᠵᠤ ᠠᠶᠢᠯᠠᠳᠬᠠᠭᠰᠠᠨ ᠳᠤ᠂ ᠠᠯᠳᠠᠨ ᠤᠯᠤᠰ ᠤᠨ ᠡᠵᠡᠨ ᠰᠢᠳᠠᠷ ᠲᠦᠰᠢᠮᠡᠳ | ᠤᠨ ᠢᠶᠠᠨ ᠰᠠᠨᠠᠯ ᠢᠶᠠᠷ ᠲᠡᠬᠦᠨ ᠢ ᠲᠠᠭᠤᠳᠠᠭᠤᠯᠬᠤ ᠪᠠᠷ ᠬᠤᠶᠢᠨᠡ ᠠᠴᠠ ᠨᠢ ᠡᠯᠴᠢ ᠲᠤᠪᠳᠤᠯᠭᠠᠪᠠ᠃ ᠬᠠᠪᠤᠯ | ᠬᠠᠭᠠᠨ ᠠᠯᠳᠠᠨ ᠤᠯᠤᠰ ᠤᠨ ᠡᠵᠡᠨ ᠤ ᠰᠠᠶᠢᠨ ᠰᠠᠨᠠᠭᠠ ᠡᠪᠤᠷᠯᠡᠵᠤ ᠪᠠᠶᠢᠬᠤ ᠦᠭᠡᠢ ᠬᠡᠳᠡᠭ ᠢ ᠮᠡᠳᠡᠵᠤ ᠵᠠᠪ ᠤᠯᠵᠤ | ᠲᠤᠳᠠᠭᠠᠵᠤ ᠶᠠᠪᠤᠪᠠ᠃ | ᠬᠠᠪᠤᠯ ᠬᠠᠭᠠᠨ ᠦᠬᠦᠭᠰᠡᠨ ᠤ ᠲᠠᠷᠠᠭᠠ᠂ ᠲᠡᠬᠦᠨ ᠤ ᠲᠦᠷᠦᠯ ᠤᠨ ᠲᠡᠬᠦᠦ ᠠᠮᠪᠠᠭᠠᠢ ᠬᠠᠭᠠᠨ | ᠪᠤᠯᠪᠠ᠃ ᠦᠨᠡᠨ ᠳᠡᠭᠡᠨ ᠬᠠᠪᠤᠯ ᠬᠠᠭᠠᠨ ᠤᠬᠢᠨᠪᠠᠷᠬᠠᠭ᠂ ᠪᠠᠷᠳᠠᠨ ᠪᠠᠭᠠᠳᠤᠷ᠂ ᠬᠤᠳᠤᠭᠳᠤ ᠮᠤᠩᠬᠤᠷ᠂ ᠬᠤᠳᠠᠯᠠ᠂ | ᠬᠤᠯᠠᠨ᠂ ᠬᠠᠳᠠᠭᠠᠨ᠂ ᠲᠤᠳᠤᠶᠢᠨ ᠤᠳᠴᠢᠬᠢᠨ ᠬᠡᠬᠦ ᠲᠤᠯᠤᠭᠠᠨ ᠬᠦᠦ ᠲᠠᠢ ᠪᠢᠯᠡ᠂ ᠬᠡᠳᠡᠯᠡ ᠶᠠᠭᠠᠬᠢᠭᠠᠳ ᠲᠡᠬᠦᠨ | ᠤ ᠬᠡᠤᠬᠡᠳ ᠬᠠᠭᠠᠨ ᠪᠤᠯᠤᠭᠰᠠᠨ ᠦᠭᠡᠢ ᠬᠠᠷᠢᠨ ᠠᠮᠪᠠᠭᠠᠢ ᠬᠠᠭᠠᠨ ᠪᠤᠯᠪᠠ︖ ᠬᠡᠪᠡᠯ᠂ ᠬᠠᠪᠤᠯ ᠬᠠᠭᠠᠨ ᠦᠬᠦᠬᠦ | ᠠᠴᠠ ᠡᠮᠤᠨᠡ ᠠᠮᠪᠠᠭᠠᠢ ᠶᠢ ᠬᠠᠭᠠᠨ ᠡᠷᠬᠦᠮᠵᠢᠯᠡᠬᠦ ᠪᠠᠷ ᠬᠡᠷᠢᠶᠡᠰᠦᠯᠡᠭᠰᠨ ᠶᠤᠮ᠃ ᠬᠠᠪᠤᠯ ᠬᠠᠭᠠᠨ ᠠᠮᠢᠳᠤ ᠪᠠᠶᠢᠬᠤ | ᠳᠠᠭᠠᠨ ᠪᠤᠶᠢᠷ ᠬᠦᠯᠦᠨ ᠬᠤᠶᠠᠷ ᠨᠠᠭᠤᠷ ᠢ ᠬᠤᠯᠪᠤᠨ ᠤᠷᠤᠰᠬᠤ ᠨᠤᠷᠱᠤᠨ ᠮᠦᠷᠡᠨ ᠤ ᠬᠠᠪᠢ ᠭᠠᠵᠠᠷ ᠨᠤᠳᠤᠭᠯᠠᠬᠤ | ᠠᠶᠢᠷᠭᠤᠳ᠂ ᠪᠤᠶᠢᠷᠭᠤᠳ ᠤᠪᠤᠭ ᠤᠨ ᠲᠠᠲ᠋ᠠᠷ ᠠᠶᠢᠮᠠᠭ ᠲᠠᠢ ᠦᠰᠢᠶᠡ ᠵᠠᠩᠬᠢᠳᠤᠭᠰᠠᠨ ᠠᠵᠢ᠃ | ᠠᠮᠪᠠᠭᠠᠢ ᠬᠠᠭᠠᠨ ᠪᠤᠯᠤᠭᠰᠠᠨ ᠤ ᠲᠠᠷᠠᠭᠠ᠂ ᠲᠠᠲ᠋ᠠᠷᠴᠤᠳ ᠲᠠᠢ ᠡᠶᠡᠳᠦᠬᠦ ᠪᠤᠳᠤᠯᠭᠠ ᠠᠪᠴᠤ | ᠦᠪᠡᠷ ᠤᠨ ᠦᠬᠢᠨ ᠢᠶᠠᠨ ᠲᠠᠲ᠋ᠠᠷ ᠲᠤ ᠦᠭᠬᠦᠨ ᠪᠡᠶᠡ ᠪᠠᠷ ᠢᠶᠠᠨ ᠬᠦᠷᠬᠡᠵᠤ ᠤᠴᠢᠪᠠ᠃ ᠲᠠᠲ᠋ᠠᠷᠴᠤᠳ ᠡᠬᠦᠨ ᠢ | ᠠᠰᠢᠭᠯᠠᠨ ᠤᠷᠢᠳᠤ ᠶᠢᠨ ᠦᠰᠢᠶᠡ ᠪᠠᠨ ᠠᠪᠬᠤ ᠬᠡᠵᠤ ᠠᠮᠪᠠᠭᠠᠢ ᠬᠠᠭᠠᠨ ᠢ ᠪᠠᠷᠢᠵᠤ ᠬᠦᠯᠢᠬᠡᠳ ᠠᠯᠳᠠᠨ ᠤᠯᠤᠰ | ᠲᠤ ᠬᠦᠷᠬᠡᠪᠡ᠃ ᠡᠨᠡ ᠦᠶᠡ ᠳᠤ ᠠᠮᠪᠠᠭᠠᠢ ᠬᠠᠭᠠᠨ ᠰᠠᠶ᠋ᠢ ᠤᠬᠠᠭᠠᠷᠠᠵᠤ᠂ ᠪᠠᠰᠤᠳ ᠤᠪᠤᠭ ᠤᠨ ᠪᠠᠯᠠᠭᠴᠢ ᠬᠡᠳᠡᠭ | ᠬᠦᠮᠦᠨ ᠢ ᠲᠠᠭᠤᠳᠠᠨ ᠰᠡᠮᠡᠬᠡᠷ ᠬᠡᠯᠡᠵᠤ ᠢᠯᠡᠭᠡᠭᠰᠡᠨ ᠨᠢ᠄ | ︽ᠬᠠᠪᠤᠯ ᠬᠠᠭᠠᠨ ᠤ ᠲᠤᠯᠤᠭᠠᠨ ᠬᠦᠦ ᠶᠢᠨ ᠲᠤᠮᠳᠠᠬᠢ ᠬᠤᠳᠠᠯᠠ ᠳᠤ᠂ ᠠᠮᠪᠠᠭᠠᠢ ᠮᠢᠨᠤ | ᠠᠷᠪᠡᠨ ᠬᠦᠦ ᠶᠢᠨ ᠲᠤᠮᠳᠠᠬᠢ ᠬᠠᠳᠠᠭᠠᠨ ᠳᠤ ᠤᠴᠢᠵᠤ ᠬᠡᠯᠡᠵᠤ ᠦᠭᠳᠦᠬᠡᠢ᠄ ᠬᠠᠮᠤᠭ ᠤᠨ ᠬᠠᠭᠠᠨ ᠤᠯᠤᠰ ᠤᠨ | ᠡᠵᠡᠨ ᠪᠠᠶᠢᠳᠠᠯᠠ ᠦᠬᠢᠨ ᠢᠶᠠᠨ ᠪᠤᠰᠤᠳ ᠲᠤ ᠦᠭᠴᠤ ᠦᠪᠡᠷ ᠢᠶᠠᠨ ᠬᠦᠷᠬᠡᠨ ᠤᠳᠬᠤ ᠭᠤᠳᠤᠮᠰᠢᠭ ᠢ ᠨᠠᠳᠠ ᠪᠠᠷ | ᠴᠡᠬᠡᠷᠯᠡᠯ ᠪᠤᠯᠭᠠᠭᠳᠤᠨ᠃ ᠪᠢ ᠲᠠᠲ᠋ᠠᠷ ᠠᠶᠢᠮᠠᠭ ᠲᠤ ᠦᠬᠢᠨ ᠢᠶᠠᠨ ᠬᠦᠷᠬᠡᠵᠤ ᠢᠷᠡᠬᠡᠳ ᠬᠡᠳᠡᠷᠬᠦ ᠪᠠᠨ ᠲᠡᠳᠡᠨ ᠳᠤ | ᠪᠠᠷᠢᠭᠳᠠᠵᠤ ᠠᠯᠳᠠᠨ ᠤᠯᠤᠰ ᠲᠤ ᠬᠦᠯᠢᠭᠳᠡᠨ ᠢᠷᠡᠪᠡ᠃ ᠡᠨᠡ ᠰᠤᠷᠭᠠᠮᠵᠢ ᠶᠢ ᠪᠠᠳᠤ ᠴᠡᠭᠡᠵᠢᠯᠡ᠂ ᠦᠰᠢᠶᠡ ᠶᠢ | ᠮᠢᠨᠢ ᠠᠪᠤᠭᠳᠤᠨ︕︾ ᠬᠡᠪᠡ᠃ | ᠠᠮᠪᠠᠭᠠᠢ ᠬᠠᠭᠠᠨ ᠠᠯᠳᠠᠨ ᠤᠯᠤᠰ ᠲᠤ ᠠᠯᠠᠭᠳᠠᠭᠰᠠᠨ ᠤ ᠲᠠᠷᠠᠭᠠ᠂ ᠬᠠᠳᠠᠭᠠᠨ᠂ ᠬᠤᠳᠠᠯᠠ | ᠬᠤᠶᠠᠷ ᠢ ᠬᠠᠭᠠᠨ ᠡᠷᠬᠦᠮᠵᠢᠯᠡᠬᠦ ᠪᠠᠷ ᠨᠡᠷᠡ ᠵᠢᠭᠠᠭᠰᠠᠨ ᠲᠤᠯᠠ ᠬᠠᠮᠤᠭ ᠮᠤᠩᠭᠤᠯ ᠬᠢᠬᠡᠳ ᠲᠠᠶᠢᠴᠢᠭᠤᠳ ᠨᠠᠷ | ᠤᠨᠤᠨ ᠮᠦᠷᠡᠨ ᠤ ᠬᠤᠷᠬᠤᠨᠠᠭ ᠵᠦᠪᠦᠷ② ᠬᠡᠬᠦ ᠭᠠᠵᠠᠷ ᠴᠤᠭᠯᠠᠷᠠᠵᠤ ᠬᠡᠯᠡᠯᠴᠡᠬᠡᠳ ᠬᠤᠳᠠᠯᠠ ᠶᠢ ᠬᠠᠭᠠᠨ | ᠡᠷᠬᠦᠮᠵᠢᠯᠡᠵᠤ᠂ ᠬᠠᠳᠠᠭᠠᠨ ᠢ ᠲᠠᠶᠢᠰᠢ ᠪᠤᠯᠭᠠᠪᠠ᠃ ᠮᠤᠩᠭᠤᠯ ᠬᠦᠮᠦᠨ ᠤ ᠴᠡᠩᠬᠡᠯ ᠨᠠᠶᠢᠷ ᠨᠢ ᠪᠦᠵᠢᠭ ᠬᠤᠷᠢᠮ | ᠪᠠᠶᠢᠭᠰᠠᠨ ᠲᠤᠯᠠ ᠬᠤᠳᠠᠯᠠ ᠶᠢ ᠬᠠᠭᠠᠨ ᠡᠷᠬᠦᠮᠵᠢᠯᠡᠭᠰᠡᠨ ᠤ ᠲᠠᠷᠠᠭᠠ᠂ ᠬᠤᠷᠬᠤᠨᠠᠭ ᠵᠦᠪᠦᠷ ᠤᠨ ᠰᠠᠭᠯᠠᠭᠠᠷ | ᠮᠤᠳᠤᠨ ᠤ ᠲᠤᠤᠷᠠ ᠡᠪᠤᠳᠦᠭ ᠴᠢᠨᠡᠬᠡᠨ ᠭᠤᠤ ᠭᠠᠷᠳᠠᠯᠠ᠂ ᠬᠠᠪᠢᠷᠭᠠ ᠴᠢᠨᠡᠬᠡᠨ ᠬᠠᠯᠴᠠᠭᠠᠢ ᠪᠤᠯᠳᠠᠯᠠ ᠲᠡᠪᠰᠡᠨ | ᠪᠦᠵᠢᠭᠯᠡᠪᠠ③᠃ | ᠬᠤᠳᠠᠯᠠ ᠬᠠᠭᠠᠨ ᠪᠤᠯᠤᠭᠠᠳ ᠬᠠᠳᠠᠭᠠᠨ ᠲᠠᠶᠢᠰᠢ ᠲᠠᠢ ᠬᠤᠶᠠᠭᠤᠯᠠ ᠲᠠᠲ᠋ᠠᠷ ᠠᠶᠢᠮᠠᠭ ᠲᠠᠢ | ᠠᠷᠪᠠᠨ ᠭᠤᠷᠪᠠ ᠤᠳᠠᠭᠠ ᠪᠠᠶᠢᠯᠳᠤᠵᠤ᠂ ᠲᠠᠲ᠋ᠠᠷ ᠠᠶᠢᠮᠠᠭ ᠢ ᠶᠡᠬᠡᠳᠠ ᠲᠡᠶᠢᠯᠦᠭᠰᠡᠨ ᠪᠠᠶᠢᠨᠠ᠃ ᠬᠤᠳᠠᠯᠠ ᠪᠠᠰᠠ | ᠠᠯᠳᠠᠨ ᠤᠯᠤᠰ ᠤᠨ ᠨᠤᠶᠠᠷᠬᠠᠵᠤ ᠪᠠᠶᠢᠭᠰᠠᠨ ᠨᠤᠳᠤᠭ ᠲᠤ ᠲᠤᠪᠳᠤᠯᠤᠨ ᠤᠷᠤᠵᠤ᠂ ᠲᠡᠳᠡᠨ ᠢ ᠶᠡᠷᠤ ᠠᠮᠤᠷ | ᠪᠠᠶᠢᠯᠭᠠᠬᠤ ᠦᠭᠡᠢ ᠲᠤᠯᠠ᠂ ᠠᠯᠳᠠᠨ ᠤᠯᠤᠰ ᠶᠡᠭᠡ ᠴᠡᠷᠢᠭ ᠬᠦᠳᠡᠯᠬᠡᠵᠤ ᠮᠤᠩᠭᠤᠯ ᠠᠶᠢᠮᠠᠭ ᠢ ᠲᠤᠪᠳᠤᠯᠪᠠ᠃ | ᠬᠡᠪᠡᠴᠤ ᠬᠤᠳᠠᠯᠠ ᠬᠠᠭᠠᠨ ᠤ ᠪᠠᠭᠠᠳᠤᠷᠯᠢᠭ ᠲᠡᠮᠡᠴᠡᠯ ᠢᠶᠠᠷ ᠠᠯᠳᠠᠨ ᠤᠯᠤᠰ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠤᠯᠵᠤ | ᠡᠴᠤᠰ ᠲᠤ ᠬᠤᠳᠠᠯᠠ ᠬᠠᠭᠠᠨ ᠲᠠᠢ ᠡᠪᠰᠡᠪᠡ᠃ | ᠲᠡᠭᠡᠭᠡᠳ ᠬᠤᠳᠠᠯᠠ ᠬᠠᠭᠠᠨ ᠤ ᠨᠡᠷᠡ ᠠᠯᠳᠠᠷ ᠬᠤᠯᠠ ᠤᠶᠢᠷᠠ ᠲᠠᠭᠤᠷᠢᠰᠴᠤ᠂ ᠲᠡᠬᠦᠨ ᠤ | ᠲᠤᠬᠠᠢ ᠲᠤᠮᠤᠭ ᠤᠯᠠᠨ ᠭᠠᠷᠤᠯᠠ᠃ | ᠤᠯᠠᠮᠵᠢᠯᠡᠨ ᠶᠠᠷᠢᠯᠴᠠᠬᠤ ᠪᠠᠷ᠂ ᠨᠢᠬᠡᠨ ᠡᠳᠤᠷ ᠬᠤᠳᠠᠯᠠ ᠬᠠᠭᠠᠨ ᠠᠯᠳᠠᠨ ᠤᠯᠤᠰ ᠲᠠᠢ | ᠲᠤᠯᠤᠯᠳᠤᠭᠠᠳ ᠪᠤᠴᠠᠵᠤ ᠢᠷᠡᠬᠦ ᠳᠡᠭᠡᠨ ᠰᠢᠳᠡᠷ ᠴᠡᠷᠢᠭ ᠤᠨ ᠢᠶᠠᠨ ᠬᠠᠮᠳᠤ ᠠᠪᠠ ᠬᠢᠵᠤ ᠶᠠᠪᠤᠵᠤ ᠪᠠᠶᠢᠭᠠᠳ | ᠬᠡᠨᠡᠳᠳᠠ ᠲᠦᠷᠪᠡᠨ④ ᠠᠶᠢᠮᠠᠭ ᠤᠨ ᠬᠦᠮᠦᠰ ᠲᠠᠢ ᠲᠠᠭᠠᠷᠠᠯᠳᠤᠵᠤ ᠬᠡᠨᠡ᠃ ᠰᠢᠳᠡᠷ ᠴᠡᠷᠢᠭ ᠤᠳ ᠨᠢ ᠲᠡᠪᠬᠢᠨ | ᠲᠤᠳᠠᠭᠠᠭᠰᠠᠨ ᠪᠤᠯᠪᠠᠴᠤ ᠬᠤᠳᠠᠯᠠ ᠬᠠᠭᠠᠨ ᠤ ᠮᠤᠷᠢ ᠨᠠᠮᠤᠭ ᠲᠤ ᠰᠢᠪᠠᠷᠳᠠᠨ ᠤᠷᠤᠨ ᠠᠴᠠ ᠪᠠᠨ ᠬᠦᠳᠡᠯᠬᠦ ᠦᠭᠡᠢ | ᠪᠤᠯᠪᠠ᠃ ᠬᠤᠳᠠᠯᠠ ᠬᠠᠭᠠᠨ ᠰᠠᠨᠳᠤᠷᠬᠤ ᠳᠠᠭᠠᠨ ᠮᠤᠷᠢᠨ ᠲᠡᠭᠡᠷᠡ ᠠᠴᠠ ᠪᠠᠨ ᠨᠢᠬᠡ ᠯᠡ ᠦᠰᠦᠷᠦᠨ ᠨᠠᠭᠤᠷ ᠤᠨ | ᠴᠢᠨᠠᠳᠤ ᠢᠷᠮᠡᠭ ᠲᠤ ᠭᠠᠷᠪᠠ᠃ ᠲᠦᠷᠪᠡᠨ ᠠᠶᠢᠮᠠᠭ ᠤᠨ ᠬᠢᠨ ᠲᠡᠬᠦᠨ ᠤ ᠮᠤᠷᠢ ᠦᠭᠡᠢ ᠪᠤᠯᠤᠭᠰᠠᠨ ᠢ ᠦᠵᠡᠬᠡᠳ᠄ | ︽ᠮᠤᠩᠭᠤᠯ ᠬᠦᠮᠦᠨ ᠮᠤᠷᠢ ᠠᠴᠠ ᠪᠠᠨ ᠰᠠᠯᠪᠠᠯ ᠶᠠᠮᠠᠷ ᠲᠤᠰᠠ ᠪᠠᠶᠢᠬᠤ ᠪᠤᠢ︖︾ ᠬᠡᠵᠤ ᠴᠢᠨᠠᠭᠰᠢ ᠨᠡᠬᠡᠬᠦ ᠪᠠᠨ | ᠪᠠᠶᠢᠪᠠ᠃ | ᠬᠤᠳᠠᠯᠠ ᠬᠠᠭᠠᠨ ᠠᠮᠢᠳᠤ ᠭᠠᠷᠴᠤ ᠪᠤᠴᠠᠵᠤ ᠢᠷᠡᠬᠦ ᠳᠤ᠂ ᠲᠡᠬᠦᠨ ᠤ ᠬᠡᠷ ᠲᠤ ᠲᠠᠬᠢᠯ | ᠲᠠᠪᠢᠭ ᠪᠡᠯᠡᠳᠬᠡᠨ ᠭᠠᠰᠢᠭᠤᠳᠠᠯ ᠬᠢᠬᠦ ᠬᠡᠵᠤ ᠪᠠᠶᠢᠪᠠ᠃ ᠬᠤᠳᠠᠯᠠ ᠬᠠᠭᠠᠨ ᠶᠡᠬᠡᠳᠠ ᠭᠠᠶᠢᠬᠠᠨ ᠤᠴᠢᠷ ᠢ ᠠᠰᠠᠭᠤᠪᠠᠯ | ᠂ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠨᠠᠷ᠄ ︽ᠪᠢᠳᠠ ᠴᠢᠮᠠᠢᠢ ᠲᠦᠷᠪᠡᠨ ᠠᠶᠢᠮᠠᠭ ᠤᠨ ᠬᠦᠮᠦᠨ ᠳᠤ ᠠᠯᠠᠭᠳᠠᠵᠤ ᠬᠡᠵᠤ ᠁︾ | ᠬᠡᠳ ᠴᠢᠨᠠᠭᠰᠢ ᠶᠠᠭᠤ ᠬᠡᠵᠤ ᠬᠡᠯᠡᠬᠦ ᠪᠠᠨ ᠤᠯᠬᠤ ᠦᠭᠡᠢ ᠪᠤᠯᠪᠠ᠃ ᠬᠤᠳᠠᠯᠠ ᠬᠠᠭᠠᠨ ᠤᠴᠢᠷ ᠢ ᠮᠡᠳᠡᠵᠤ᠂ | ᠬᠠᠳᠠᠭᠠᠨᠳᠠᠯᠠ ᠢᠨᠢᠶᠡᠨ᠄ | ︽ᠬᠤᠳᠠᠯᠠ ᠪᠢ ᠲᠡᠶᠢᠮᠤ ᠠᠮᠠᠷᠬᠠᠨ ᠦᠬᠦᠬᠦ ᠬᠦᠮᠦᠨ ᠮᠦᠨ ᠤᠤ︖ ᠵᠠ ᠲᠡᠬᠡᠪᠡᠯ ᠠᠮᠤᠷ | ᠮᠡᠨᠳᠤ ᠵᠤᠯᠭᠠᠭᠰᠠᠨ ᠳᠠᠭᠠᠨ ᠬᠤᠷᠢᠮᠯᠠᠨ ᠨᠠᠶᠢᠷᠠᠯᠵᠠᠭᠠᠶᠠ︕︾ ᠬᠡᠰᠡᠨ ᠳᠤ ᠬᠦᠮᠦᠰ ᠤᠨ ᠰᠡᠳᠬᠢᠯ ᠭᠠᠰᠢᠭᠤᠳᠠᠯ | ᠠᠴᠠ ᠪᠠᠨ ᠪᠡᠶᠠᠷ ᠪᠤᠯᠤᠨ ᠬᠤᠪᠢᠷᠠᠵᠤ᠂ ᠲᠡᠬᠢᠯ ᠲᠠᠪᠢᠭ ᠢ ᠬᠤᠷᠢᠶᠠᠨ ᠠᠪᠴᠤ᠂ ᠦᠪᠳᠡᠭᠰᠢ ᠶᠡᠭᠡ ᠬᠤᠷᠢᠮ | ᠪᠡᠯᠡᠳᠬᠡᠵᠤ ᠬᠤᠳᠠᠯᠠ ᠬᠠᠭᠠᠨ ᠤ ᠠᠮᠤᠷ ᠮᠡᠨᠳᠤ ᠪᠤᠴᠠᠵᠤ ᠢᠷᠡᠭᠰᠡᠨ ᠢ ᠪᠡᠯᠬᠡᠯᠡᠨ᠂ ᠲᠡᠬᠦᠨ ᠤ ᠠᠯᠳᠠᠷ ᠭᠠᠪᠢᠶᠡ ᠶᠢ | ᠮᠠᠭᠳᠠᠨ ᠲᠠᠭᠤᠯᠠᠭᠰᠠᠨ ᠨᠢ᠄ | ᠪᠠᠷᠰ ᠢᠷᠪᠢᠰ ᠲᠠᠭᠠᠷᠠᠯᠳᠤᠪᠠᠯ | ᠪᠠᠭᠠᠯᠵᠤᠷᠳᠠᠨ ᠨᠤᠴᠤᠯᠳᠤᠳᠠᠭ ᠬᠤᠳᠠᠯᠠ | ᠪᠠᠶᠢᠯᠳᠤᠭᠠᠨ ᠲᠤᠯᠤᠯᠳᠤᠭᠠᠨ ᠪᠤᠯᠪᠠᠯ | ᠪᠠᠶᠠᠷᠯᠠᠨ ᠬᠠᠷᠠᠶᠢᠳᠠᠭ ᠬᠤᠳᠠᠯᠠ | ᠭᠠᠩ ᠲᠡᠮᠤᠷ ᠬᠤᠶᠠᠭ ᠢᠶᠠᠨ ᠡᠮᠤᠰᠴᠤ | ᠭᠠᠳᠠᠰᠤ ᠴᠦᠴᠡᠨ ᠵᠢᠳᠠ ᠪᠠᠨ ᠪᠠᠷᠢᠵᠤ | ᠭᠠᠯ ᠪᠤᠳᠠᠷᠠᠭᠤᠯᠤᠨ | ᠭᠠᠪᠰᠢᠭᠠᠶᠢᠯᠠᠨ ᠪᠠᠶᠢᠯᠳᠤᠬᠤ ᠳᠤ | ᠵᠠᠮ ᠳᠤᠨᠢ ᠲᠠᠭᠠᠷᠠᠯᠳᠤᠭᠰᠠᠨ ᠬᠦᠮᠦᠨ | ᠵᠠᠶᠢᠯᠠᠬᠤ ᠵᠠᠪ ᠤᠯᠬᠤ ᠦᠭᠡᠢ | ᠵᠠᠬᠠ ᠳᠤᠨᠢ ᠬᠠᠪᠢᠳᠠᠭᠰᠠᠨ ᠬᠦᠮᠦᠨ | ᠵᠢᠭᠤᠳᠠᠬᠤ ᠴᠢᠯᠦᠬᠡ ᠤᠯᠬᠤ ᠦᠭᠡᠢ | ᠤᠬᠤᠰᠬᠢᠨ ᠵᠢᠳᠠᠯᠠᠬᠤ ᠳᠤᠨᠢ | ᠤᠬᠠᠭᠠ ᠠᠯᠳᠠᠨ ᠦᠬᠦᠵᠡᠬᠡᠨᠡ | ᠤᠷᠪᠠᠭᠠᠳ ᠬᠠᠷᠪᠤᠬᠤ ᠳᠤᠨᠢ | ᠤᠨᠳᠤᠢ ᠰᠤᠨᠳᠤᠢ ᠬᠡᠪᠳᠡᠵᠡᠬᠡᠨᠡ ᠁ | | | | ᠲᠠᠶᠢᠯᠪᠤᠷᠢ | ① ᠬᠡᠬᠡᠯᠢ — ᠡᠷᠳᠡ ᠲᠡᠭᠡᠷᠡ ᠦᠶᠡ ᠳᠤ ᠬᠦᠮᠦᠨ ᠤ ᠬᠡᠪᠡᠯᠢ ᠶᠢ ᠬᠡᠬᠡᠯᠢ ᠬᠡᠵᠤ ᠴᠦ | ᠬᠡᠯᠡᠳᠡᠭ ᠪᠠᠶᠢᠵᠠᠢ᠃ | ② ᠵᠦᠪᠦᠷ — ᠬᠡᠬᠡᠷᠡ ᠲᠠᠯᠠ᠃ | ③ ᠲᠡᠪᠰᠡᠨ ᠪᠦᠵᠢᠭᠯᠡᠪᠡ — ᠡᠷᠳᠡᠨ ᠤ ᠮᠤᠩᠭᠤᠯᠴᠤᠳ ᠤᠨ ᠪᠦᠵᠢᠭᠯᠡᠬᠦ ᠨᠢᠬᠡᠨ ᠬᠡᠯᠪᠡᠷᠢ | ᠃ ᠪᠠᠰᠠ ᠲᠡᠪᠰᠡᠬᠦ ᠪᠦᠵᠢᠭ ᠴᠦ ᠬᠡᠳᠡᠭ᠃ | ④ ᠲᠦᠷᠪᠡᠨ — ᠤᠪᠤᠭ ᠠᠶᠢᠮᠠᠭ ᠤᠨ ᠨᠡᠷᠡ᠂ ᠲᠤᠸᠠ ᠰᠤᠬᠤᠷ ᠤᠨ ᠬᠤᠶᠢᠴᠢ ᠦᠶᠡ | ᠪᠤᠶᠤ᠃ | | | | ᠡᠮᠤᠨᠡᠬᠢ ᠦᠯᠢᠬᠡᠷ᠄ ᠬᠠᠶᠢᠳᠤ ᠶᠢ ᠠᠪᠤᠷᠠᠭᠰᠠᠨ | ᠬᠤᠶᠢᠨᠠᠡᠬᠢ ᠦᠯᠢᠬᠡᠷ᠄ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠦᠬᠡᠯᠤᠨ ᠦᠵᠢᠨ ᠢ ᠤᠯᠤᠭᠰᠠᠨ | |