| | | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠨᠢ ᠲᠤᠮᠳᠠ ᠰᠡᠷᠢᠬᠦᠨ ᠪᠦᠰᠡᠨ ᠤ ᠭᠠᠩ ᠬᠠᠭᠤᠷᠠᠢ ᠤᠷᠤᠨ ᠳᠤ ᠤᠷᠤᠰᠢᠵᠤ᠂ | ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠦᠨᠳᠤᠷ ᠲᠠᠷᠤᠯᠳᠠ ᠪᠠ ᠲᠤᠶᠢᠯ ᠤᠨ ᠤᠷᠤᠨ ᠤ ᠡᠬᠡ ᠭᠠᠵᠠᠷ ᠤᠨ ᠠᠭᠠᠷ ᠤᠨ | ᠪᠦᠬᠡᠮ᠂ ᠦᠷᠬᠡᠷᠢᠭ ᠪᠠ ᠲᠠᠯᠠᠢ ᠬᠠᠭᠤᠷᠠᠢ ᠶᠢᠨ ᠪᠠᠶᠢᠷᠢᠯᠠᠯ ᠤᠨ ᠨᠦᠯᠦᠬᠡ ᠶᠢ ᠬᠦᠷᠳᠡᠵᠤ ᠠᠭᠤᠷ ᠠᠮᠢᠰᠬᠤᠯ ᠬᠠᠬᠢᠷ | ᠬᠦᠢᠳᠠᠨ᠂ ᠭᠠᠩ ᠬᠠᠭᠤᠷᠠᠢ᠂ ᠲᠤᠨᠤᠳᠠᠰᠤ ᠴᠦᠬᠡᠨ᠃ ᠤᠮᠠᠷᠠᠳᠤ ᠳᠡᠳ᠋ ᠬᠠᠯᠠᠭᠤᠨ ᠪᠦᠰᠡᠨ ᠤ ᠤᠯᠠᠷᠢᠯ ᠤᠨ | ᠰᠠᠯᠬᠢᠨ ᠤ ᠤᠷᠴᠢᠯ ᠤᠷᠤᠰᠬᠠᠯ ᠪᠤᠯ ᠪᠦᠬᠦ ᠬᠤᠰᠢᠭᠤᠨ ᠤ ᠠᠭᠤᠷ ᠠᠮᠢᠰᠬᠤᠯ ᠤᠨ ᠪᠤᠢ ᠪᠤᠯᠬᠤ ᠭᠤᠤᠯ ᠡᠵᠡᠮᠳᠡᠬᠦ | ᠡᠯᠧᠮᠧᠨ᠋ᠲ ᠶᠤᠮ᠃ ᠲᠡᠬᠦᠨ ᠤ ᠨᠦᠯᠦᠬᠡᠨ ᠲᠤᠤᠷᠠ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠵᠤᠨ ᠤ ᠤᠯᠠᠷᠢᠯ ᠤᠬᠤᠷ᠂ ᠲᠤᠯᠠᠭᠠᠨ | ᠬᠠᠯᠠᠭᠤᠨ᠂ ᠪᠤᠷᠤᠭᠠᠨ ᠠᠷᠪᠢᠨ︔ ᠡᠪᠤᠯ ᠤᠷᠳᠤ᠂ ᠬᠠᠬᠢᠷ ᠬᠦᠢᠳᠡᠨ᠂ ᠲᠤᠨᠤᠳᠠᠰᠤ ᠴᠦᠬᠡᠨ︔ ᠬᠠᠪᠤᠷ ᠨᠠᠮᠤᠷ ᠤᠨ | ᠤᠯᠠᠷᠢᠯ ᠳᠤ ᠴᠠᠭ ᠠᠭᠤᠷ ᠤᠨ ᠬᠤᠪᠢᠷᠠᠯᠳᠠ ᠶᠡᠭᠡ ᠪᠠᠶᠢᠵᠤ᠂ ᠰᠡᠷᠢᠬᠦᠨ ᠪᠦᠰᠡᠨ ᠤ ᠡᠬᠡ ᠭᠠᠵᠠᠷ ᠤᠨ ᠴᠢᠨᠠᠷᠳᠠᠢ | ᠤᠯᠠᠷᠢᠯ ᠤᠨ ᠰᠠᠯᠬᠢᠨ ᠤ ᠠᠭᠤᠷ ᠠᠮᠢᠰᠬᠤᠯ ᠳᠤ ᠬᠠᠷᠢᠶᠠᠯᠠᠭᠳᠠᠨᠠ᠃ | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠠᠭᠤᠷ ᠠᠮᠢᠰᠬᠤᠯ ᠲᠠᠷᠠᠭᠠᠬᠢ ᠮᠡᠳᠤ ᠬᠡᠳᠤᠨ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ᠃ | | | ︵ᠨᠢᠭᠡ︶ ᠲᠦᠷᠪᠡᠨ ᠤᠯᠠᠷᠢᠯ ᠢᠯᠡ ᠲᠤᠳᠤ᠂ ᠨᠠᠷᠠᠨ ᠤ ᠲᠤᠰᠤᠯᠳᠠ ᠬᠦᠢᠴᠡᠳ | | | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠬᠠᠪᠤᠷ᠂ ᠵᠤᠨ᠂ ᠨᠠᠮᠤᠷ᠂ ᠡᠪᠤᠯ ᠤᠨ ᠤᠯᠠᠷᠢᠯ ᠢᠯᠡ ᠲᠤᠳᠤ᠃ ᠲᠦᠷᠪᠡᠨ | ᠤᠯᠠᠷᠢᠯ ᠤᠨ ᠲᠤᠳᠤᠷᠠ ᠡᠪᠤᠯ ᠤᠨ ᠤᠯᠠᠷᠢᠯ ᠨᠡᠯᠢᠶᠡᠳ ᠤᠷᠳᠤ︔ ᠬᠠᠪᠤᠷ ᠵᠤᠨ᠂ ᠨᠠᠮᠤᠷ ᠨᠡᠯᠢᠶᠡᠳ ᠤᠬᠤᠷ᠃ | ᠤᠯᠠᠷᠢᠯ ᠤᠨ ᠬᠤᠪᠢᠶᠠᠷᠢᠯᠠᠯ ᠨᠢ ᠲᠠᠷᠠᠭᠠᠬᠢ ᠮᠡᠳᠤ᠄ ᠵᠢᠯ ᠪᠦᠷᠢ ᠶᠢᠨ 3᠂ 4᠂ 5 ᠰᠠᠷᠠ ᠨᠢ ᠬᠠᠪᠤᠷ ᠤᠨ | ᠤᠯᠠᠷᠢᠯ︔ 6᠂ 7᠂ 8 ᠰᠠᠷᠠ ᠨᠢ ᠵᠤᠨ ᠤ ᠤᠯᠠᠷᠢᠯ︔ 9᠂ 10 ᠰᠠᠷᠠ ᠨᠢ ᠨᠠᠮᠤᠷ ᠤᠨ ᠤᠯᠠᠷᠢᠯ︔ 11 | ᠰᠠᠷᠠ ᠠᠴᠠ ᠲᠠᠷᠠᠭᠠ ᠠᠴᠠ ᠲᠠᠷᠠᠭᠠ ᠵᠢᠯ ᠤᠨ 2 ᠰᠠᠷᠠ ᠬᠦᠷᠳᠡᠯᠡᠬᠢ ᠨᠢ ᠡᠪᠤᠯ ᠤᠨ ᠤᠯᠠᠷᠢᠯ ᠪᠤᠯᠤᠨᠠ᠃ | | 【 ᠴᠤᠬᠤᠯᠳᠠ 】 ᠤᠯᠠᠷᠢᠯ ᠤᠨ ᠬᠤᠪᠢᠶᠠᠷᠢᠯᠠᠯᠳᠠ ᠶᠢ ︽ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠠᠭᠤᠷ ᠠᠮᠢᠰᠬᠤᠯ | ᠤᠨ ᠮᠠᠲ᠋ᠧᠷᠢᠶᠡᠯ︾ ᠤᠨ ᠪᠠᠷᠢᠮᠵᠢᠶᠡ ᠪᠠᠷ᠄ ᠬᠡᠮ ︵hem︶ ︵ᠲᠡᠪᠤᠨ ᠡᠳᠤᠷ ᠢ ᠨᠢᠬᠡ ᠬᠡᠮ︶ ᠲᠤᠮᠳᠠᠴᠢ ᠠᠭᠠᠷ | ᠤᠨ ᠲᠤᠯᠠᠭᠠᠨ ᠲᠤᠭᠳᠠᠭᠤᠨ ᠢᠶᠠᠷ 10℃ ᠠᠴᠠ ᠲᠤᠤᠷᠠ ᠪᠠᠶᠢᠪᠠᠯ ᠡᠪᠤᠯ ᠤᠨ ᠤᠯᠠᠷᠢᠯ ᠬᠡᠵᠤ᠂ 20℃ ᠠᠴᠠ | ᠲᠡᠭᠡᠭᠰᠢ ᠪᠠᠶᠢᠪᠠᠯ ᠵᠤᠨ ᠤ ᠤᠯᠠᠷᠢᠯ ᠬᠡᠵᠤ᠂ 10℃ ᠲᠡᠭᠡᠭᠰᠢᠯᠡᠬᠡᠳ 20℃ ᠲᠤ ᠬᠦᠷᠪᠡᠯ ᠬᠠᠪᠤᠷ ᠤᠨ ᠤᠯᠠᠷᠢᠯ᠂ | 20℃ ᠠᠴᠠ ᠲᠤᠷᠤᠭᠰᠢᠯᠠᠭᠠᠳ 10℃ ᠲᠤ ᠬᠦᠷᠪᠡᠯ ᠨᠠᠮᠤᠷ ᠤᠨ ᠤᠯᠠᠷᠢᠯ ᠬᠡᠵᠤ ᠲᠤᠭᠳᠠᠭᠠᠪᠠ᠃ | | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠨᠠᠷᠠᠨ ᠤ ᠲᠤᠰᠤᠯᠳᠠ ᠬᠦᠢᠴᠡᠳ᠃ ᠪᠦᠬᠦ ᠬᠤᠰᠢᠭᠤᠨ ᠤ ᠲᠤᠮᠳᠠᠴᠢ ᠨᠠᠷᠠᠨ ᠤ | ᠲᠤᠰᠤᠯᠳᠠ ᠶᠢᠨ ᠲᠤᠭᠠ 2600~ 2950 ᠴᠠᠭ᠂ ᠵᠡᠬᠦᠨ ᠡᠮᠤᠨᠡᠳᠤ ᠬᠡᠰᠡᠭ ᠨᠢ ᠪᠠᠷᠠᠭᠤᠨ ᠬᠤᠶᠢᠳᠤ ᠬᠡᠰᠡᠭ | ᠠᠴᠠ ᠪᠠᠨ ᠠᠷᠪᠢᠨ᠃ ᠨᠠᠷᠠᠨ ᠤ ᠲᠤᠰᠤᠯᠳᠠ ᠶᠢᠨ ᠵᠠᠭᠤᠨ ᠤ ᠬᠤᠪᠢ ᠲᠠᠶᠢᠯᠪᠤᠷᠢ ᠨᠢ 62~65%᠃ ᠡᠬᠦᠨ ᠳᠤ | 4 ᠰᠠᠷᠠ ᠠᠴᠠ 9 ᠰᠠᠷᠠ ᠬᠦᠷᠳᠡᠯᠡᠬᠢ ᠨᠢ 60% ᠶᠢ ᠡᠵᠡᠯᠡᠵᠤ᠂ ᠪᠤᠰᠤᠳ ᠰᠠᠷᠠ ᠳᠤ 40% ᠶᠢ ᠡᠵᠡᠯᠡᠳᠡᠭ᠃ | ᠨᠠᠷᠠᠨ ᠤ ᠲᠤᠰᠤᠯᠳᠠ ᠬᠦᠢᠴᠡᠳ᠂ ᠬᠡᠷᠡᠯ ᠤᠨ ᠡᠨᠧᠷᠬᠢ ᠶᠢᠨ ᠰᠤᠷᠪᠤᠯᠵᠢ ᠡᠯᠪᠡᠭ ᠪᠠᠶᠢᠳᠠᠭ ᠨᠢ ᠲᠤᠰ ᠬᠤᠰᠢᠭᠤᠨ ᠤ | ᠲᠠᠷᠢᠶᠠᠯᠠᠩ ᠤᠨ ᠤᠨᠠᠯᠳᠠ ᠪᠠ ᠲᠤᠭᠳᠠᠭᠤᠨ ᠤᠨᠠᠯᠳᠠ ᠶᠢ ᠪᠠᠳᠤᠯᠠᠬᠤ ᠳᠤ ᠠᠰᠢᠭᠳᠠᠢ ᠨᠦᠬᠦᠴᠡᠯ ᠬᠠᠩᠭᠠᠵᠤ ᠦᠭᠪᠡ | ᠃ | | | ︵ᠬᠤᠶᠠᠷ︶ ᠢᠯᠴᠢ ᠶᠢᠨ ᠬᠡᠮᠵᠢᠶᠡ ᠬᠦᠢᠴᠡᠳ᠂ ᠬᠢᠷᠠᠭᠤ ᠦᠭᠡᠢ ᠬᠤᠭᠤᠴᠠᠭᠠ ᠤᠬᠤᠷ | | | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠤᠷᠤᠰᠢᠬᠤ ᠦᠷᠬᠡᠷᠢᠭ ᠨᠢ ᠨᠠᠯᠢᠶᠡᠳ ᠦᠨᠳᠤᠷ᠂ ᠨᠠᠷᠠᠨ ᠤ ᠰᠠᠴᠤᠷᠠᠯᠳᠠ | ᠨᠡᠯᠢᠶᠡᠳ ᠪᠠᠭᠤᠷᠠᠢ᠂ ᠭᠠᠵᠠᠷ ᠤᠨ ᠨᠢᠭᠤᠷ ᠤᠨ ᠬᠦᠷᠳᠡᠬᠦ ᠢᠯᠴᠢ ᠶᠢᠨ ᠬᠡᠮᠵᠢᠶᠡ ᠨᠡᠯᠢᠶᠡᠳ ᠪᠠᠭᠠ᠂ ᠠᠭᠠᠷ ᠤᠨ | ᠲᠤᠯᠠᠭᠠᠨ ᠨᠡᠯᠢᠶᠡᠳ ᠲᠤᠤᠷᠠ᠂ ᠵᠢᠯ ᠤᠨ ᠲᠡᠭᠰᠢᠳᠬᠡᠯ ᠠᠭᠠᠷ ᠤᠨ ᠲᠤᠯᠠᠭᠠᠨ — 2℃ ~ 5℃ ᠬᠤᠭᠤᠷᠤᠨᠳᠤ | ᠪᠠᠶᠢᠳᠠᠭ᠃ ᠵᠤᠨ ᠤ ᠤᠯᠠᠷᠢᠯ ᠳᠤ ᠨᠠᠷᠠ ᠤᠮᠠᠷᠠᠳᠤ ᠪᠤᠴᠠᠯᠳᠠ ᠶᠢᠨ ᠱᠤᠭᠤᠮ ᠤᠷᠴᠢᠮ ᠲᠡᠭᠡᠷᠡ ᠡᠭ᠍ᠴᠠ ᠲᠤᠰᠬᠤ | ᠦᠶᠡ ᠳᠤ ᠭᠤᠤᠯ ᠦᠳᠡ ᠶᠢᠨ ᠨᠠᠷᠠᠨ ᠤ ᠦᠨᠳᠤᠷ ᠶᠡᠭᠡ᠂ ᠴᠠᠭ ᠠᠭᠤᠷ ᠠᠭᠠᠬᠢᠮᠡ ᠬᠠᠯᠠᠭᠤᠨ᠃ 6᠂ 7᠂ 8 | ᠰᠠᠷᠠ ᠶᠢᠨ ᠲᠤᠮᠳᠠᠴᠢ ᠠᠭᠠᠷ ᠤᠨ ᠲᠤᠯᠠᠭᠠᠨ ᠨᠢ 15℃~ 19℃᠃ ᠡᠬᠦᠨ ᠤ ᠲᠤᠳᠤᠷᠠ 7 ᠳ᠋ᠤᠭᠠᠷ ᠰᠠᠷᠠ | ᠶᠢᠨ ᠠᠭᠠᠷ ᠤᠨ ᠲᠤᠯᠠᠭᠠᠨ ᠬᠠᠮᠤᠭ ᠶᠡᠭᠡ ᠳᠡᠭᠡᠨ 22℃ ᠬᠦᠷᠳᠡᠭ᠃ ᠡᠪᠤᠯ ᠤᠨ ᠤᠯᠠᠷᠢᠯ ᠨᠠᠷᠠ ᠡᠮᠤᠨᠡᠳᠤ | ᠪᠤᠴᠠᠯᠳᠠ ᠶᠢᠨ ᠱᠤᠭᠤᠮ ᠤᠷᠴᠢᠮ ︵ᠡᠮᠤᠨᠡᠳᠤ ᠬᠠᠭᠠᠰ ᠪᠦᠮᠪᠦᠷᠴᠡᠭ︶ ᠳᠤ ᠡᠭ᠍ᠴᠡ ᠲᠤᠰᠬᠤ ᠦᠶᠡ ᠳᠤ ᠨᠠᠷᠠᠨ ᠤ | ᠦᠨᠳᠤᠷ ᠲᠤᠤᠷᠠ᠂ ᠠᠭᠠᠷ ᠤᠨ ᠲᠤᠯᠠᠭᠠᠨ ᠨᠡᠯᠢᠶᠡᠳ ᠲᠤᠤᠷᠠ᠃ ᠪᠦᠬᠦ ᠵᠢᠯ ᠤᠨ 4 ᠰᠠᠷᠠ ᠶᠢᠨ ᠬᠢᠨᠢ ᠲᠤᠮᠳᠠᠴᠢ | ᠠᠭᠠᠷ ᠤᠨ ᠲᠤᠯᠠᠭᠠᠨ ᠨᠢ — 12℃~ — 19℃᠃ ᠡᠬᠦᠨ ᠳᠤ 1 ᠳ᠋ᠤᠬᠡᠷ ᠰᠠᠷᠠ ᠶᠢᠨ ᠲᠤᠮᠳᠠᠴᠢ ᠠᠭᠠᠷ ᠤᠨ | ᠲᠤᠯᠠᠭᠠᠨ ᠨᠢ ᠬᠠᠮᠤᠭ ᠤᠨ ᠲᠤᠤᠷᠠ᠂ ᠰᠠᠷᠠ ᠶᠢᠨ ᠲᠤᠮᠳᠠᠴᠢ ᠠᠭᠠᠷ ᠤᠨ ᠲᠤᠯᠠᠭᠠᠨ ᠨᠢ — 20℃ ᠤᠷᠴᠢᠮ᠃ | 1959~ 1990 ᠤᠨ ᠬᠦᠷᠳᠡᠯᠡᠬᠢ ᠴᠠᠭ ᠠᠭᠤᠷ ᠤᠨ ᠮᠠᠲ᠋ᠧᠷᠢᠶᠡᠯ ᠤᠨ ᠪᠦᠷᠢᠳᠬᠡᠯ ᠢ ᠦᠨᠳᠤᠰᠤᠯᠠᠪᠠᠯ | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠠᠭᠠᠷ ᠤᠨ ᠲᠤᠯᠠᠭᠠᠨ ᠤ ᠵᠢᠯ ᠤᠨ ᠬᠤᠪᠢᠷᠠᠯᠳᠠ ᠶᠡᠭᠡ ᠪᠢᠰᠢ᠂ ᠢᠯᠴᠢ ᠶᠢᠨ ᠬᠡᠮᠵᠢᠶᠡ | ᠨᠡᠯᠢᠶᠡᠳ ᠲᠤᠭᠳᠠᠪᠤᠷᠢᠳᠠᠢ᠃ 80% ᠶᠢᠨ ᠵᠢᠯ ᠤᠨ ᠲᠤᠮᠳᠠᠴᠢ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠨᠢ 2.6℃ ᠤᠷᠴᠢᠮ᠂ | ᠬᠠᠮᠤᠭ ᠦᠨᠳᠤᠷ ᠵᠢᠯ ︵1989︶ ᠳᠡᠭᠡᠨ 3.9᠃ ᠬᠠᠮᠤᠭ ᠲᠤᠤᠷᠠ ᠵᠢᠯ ︵1969︶ ᠳᠡᠭᠡᠨ 1.4℃᠂ ᠵᠢᠯ | ᠤᠨ ᠬᠠᠮᠤᠭ ᠶᠡᠭᠡ ᠵᠦᠷᠢᠶᠡ ᠨᠢ 2.5℃᠂ ᠭᠤᠴᠢᠨ ᠵᠢᠯ ᠤᠨ ᠲᠤᠳᠤᠷᠠ ᠲᠤᠶᠢᠯ ᠤᠨ ᠦᠨᠳᠤᠷ ᠠᠭᠠᠷ ᠤᠨ | ᠲᠤᠯᠠᠭᠠᠨ 37.8℃ ︵1981 ᠤᠨ ᠤ 7 ᠰᠠᠷᠠ︶᠂ ᠲᠤᠶᠢᠯ ᠤᠨ ᠲᠤᠤᠷᠠ ᠠᠭᠠᠷ ᠤᠨ ᠲᠤᠯᠠᠭᠠᠨ — 36. | 7℃ ︵1971 ᠤᠨ ᠤ 1 ᠰᠠᠷᠠ︶᠃ | | 【 ᠴᠤᠬᠤᠯᠳᠠ 】 ᠨᠠᠷᠠᠨ ᠤ ᠲᠤᠰᠤᠯᠳᠠ ᠶᠢᠨ ᠵᠠᠭᠤᠨ ᠤ ᠬᠤᠪᠢ ᠪᠤᠯ ᠪᠤᠳᠠᠳᠠᠢ ᠨᠠᠷᠠᠨ ᠤ ᠲᠤᠰᠤᠯᠳᠠ | ᠶᠢᠨ ᠴᠠᠭ ᠤᠨ ᠲᠤᠭᠠ ᠪᠠ ᠡᠳᠤᠷ ᠤᠨ ᠶᠡᠷᠦᠩᠬᠡᠢ ᠴᠠᠭ ᠤᠨ ᠲᠤᠭᠠ ᠶᠢᠨ ᠬᠠᠷᠢᠴᠠᠯ ᠢ ᠵᠢᠭᠠᠳᠠᠭ᠃ | | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠬᠢᠷᠠᠭᠤ ᠦᠭᠡᠢ ᠬᠤᠭᠤᠴᠠᠭᠠ ᠨᠡᠯᠢᠶᠡᠳ ᠤᠬᠤᠷ᠂ ᠡᠮᠤᠨᠡ ᠤᠮᠠᠷᠠ ᠶᠢᠨ | ᠵᠦᠷᠢᠶᠡ ᠶᠡᠭᠡ᠂ ᠲᠤᠮᠳᠠᠴᠢ ᠪᠠᠷ ᠵᠢᠯ ᠪᠦᠷᠢ 60 ~130 ᠡᠳᠤᠷ᠂ ᠤᠷᠭᠤᠬᠤ ᠬᠤᠭᠤᠴᠠᠭᠠ 140 ᠡᠳᠤᠷ | ᠤᠷᠴᠢᠮ᠂ ᠠᠰᠢᠭᠳᠤ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠲᠤᠯᠠᠭᠠᠨ ᠨᠢ 1800℃ ~ 2200℃᠃ | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠢᠯᠴᠢ ᠶᠢᠨ ᠬᠡᠮᠵᠢᠶᠡ ᠬᠦᠢᠴᠡᠳ᠂ ᠲᠠᠷᠢᠮᠠᠯ ᠤᠨ ᠤᠷᠭᠤᠬᠤ ᠬᠤᠭᠤᠴᠠᠭᠠᠨ | ᠲᠤᠳᠤᠷᠠ ᠢᠯᠴᠢ᠂ ᠬᠡᠷᠡᠯ ᠤᠨ ᠲᠤᠰᠤᠯᠳᠠ᠂ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠲᠤᠯᠠᠭᠠᠨ ᠨᠢ ᠬᠦᠢᠴᠡᠳ ᠪᠠᠶᠢᠳᠠᠭ᠃ ᠠᠭᠠᠷ | ᠤᠨ ᠲᠤᠯᠠᠭᠠᠨ ᠤ ᠵᠢᠯ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠤᠪᠢᠷᠠᠯᠳᠠ ᠪᠠᠭᠠ᠂ ᠢᠯᠴᠢ ᠶᠢᠨ ᠬᠡᠮᠵᠢᠶᠡᠨ ᠤ ᠡᠬᠢ ᠪᠠᠶᠠᠯᠢᠭ | ᠨᠡᠯᠢᠶᠡᠳ ᠲᠤᠭᠳᠠᠪᠤᠷᠢᠳᠠᠢ ᠪᠠᠶᠢᠳᠠᠭ ᠨᠢ ᠲᠠᠷᠢᠮᠠᠯ ᠤᠨ ᠲᠦᠷᠦᠯ ᠵᠦᠢᠯ ᠤᠨ ᠲᠠᠷᠢᠬᠤ ᠲᠦᠷᠢᠮᠵᠢᠯ ᠳᠤ ᠠᠰᠢᠭᠳᠠᠢ | ᠪᠤᠯᠵᠠᠢ᠃ ᠲᠠᠷᠢᠮᠠᠯ ᠵᠢᠯ ᠳᠤ 1 ᠤᠳᠠᠭᠠ ᠲᠠᠷᠢᠵᠤ 1 ᠤᠳᠠᠭᠠ ᠪᠤᠯᠪᠠᠰᠤᠷᠠᠨᠠ᠃ | | | ︵ᠭᠤᠷᠪᠠ︶ ᠲᠤᠨᠤᠳᠠᠰᠤ ᠬᠦᠢᠴᠡᠳ ᠪᠤᠰᠤ᠂ ᠬᠤᠪᠢᠶᠠᠷᠢᠯᠠᠯᠳᠠ ᠨᠢ ᠵᠢᠭᠳᠡ ᠪᠤᠰᠤ | | | ᠬᠡᠰᠢᠭᠳᠡᠨ ᠬᠤᠰᠢᠭᠤ ᠨᠢ ᠲᠠᠯᠠᠢ ᠠᠴᠠ ᠬᠤᠯᠠ᠂ ᠨᠤᠮᠤᠬᠠᠨ ᠲᠠᠯᠠᠢ ᠠᠴᠠ ᠢᠷᠡᠬᠦ ᠴᠢᠬᠢᠭᠯᠢᠭ ᠠᠭᠠᠷ ᠤᠨ | ᠨᠦᠯᠦᠬᠡ ᠶᠢ ᠬᠦᠷᠳᠡᠬᠦ ᠨᠢ ᠪᠠᠭᠠ ᠲᠤᠯᠠ ᠠᠭᠤᠷ ᠠᠮᠢᠰᠬᠤᠯ ᠭᠠᠩ ᠬᠠᠭᠤᠷᠠᠢ᠂ ᠲᠤᠨᠤᠳᠠᠰᠤ ᠴᠦᠬᠡᠨ᠃ ᠤᠯᠠᠨ | ᠵᠢᠯ ᠤᠨ ᠲᠤᠮᠳᠠᠴᠢ ᠲᠤᠨᠤᠳᠠᠰᠤ ᠶᠢᠨ ᠬᠡᠮᠵᠢᠶᠡ ᠨᠢ 387 ᠮᠢᠯᠢᠮᠧᠲᠷ᠃ ᠵᠤᠨ ᠤ ᠤᠯᠠᠷᠢᠯ ᠤᠨ ᠰᠠᠯᠬᠢᠨ ᠤ ᠴᠢᠩᠭᠠ | ᠰᠤᠯᠠ ᠲᠡᠭᠰᠢ ᠪᠤᠰᠤ ᠠᠴᠠ ᠪᠤᠯᠵᠤ ᠲᠤᠨᠤᠳᠠᠰᠤᠨ ᠤ ᠬᠡᠮᠵᠢᠶᠡ ᠲᠤᠭᠳᠠᠭᠤᠨ ᠦᠭᠡᠢ᠂ ᠵᠢᠯ ᠤᠨ ᠬᠤᠭᠤᠷᠤᠨᠳᠤᠬᠢ | ᠬᠤᠪᠢᠷᠠᠯᠳᠠ ᠶᠡᠭᠡ᠃ 30 ᠵᠢᠯ ᠤᠨ ᠲᠤᠳᠤᠷᠠ 1959 ᠤᠨ ᠤ ᠵᠢᠯ ᠲᠤᠨᠤᠳᠠᠰᠤ ᠶᠢᠨ ᠬᠡᠮᠵᠢᠶᠡ ᠬᠠᠮᠤᠭ ᠠᠷᠪᠢᠨ᠂ | 566.7 ᠮᠢᠯᠢᠮᠧᠲᠷ ᠲᠤ ᠬᠦᠷᠴᠠᠢ᠃ 1969 ᠤᠨ ᠳᠤ ᠬᠠᠮᠤᠭ ᠤᠨ ᠴᠦᠬᠡᠨ᠂ 219.6 ᠮᠢᠯᠢᠮᠧᠲᠷ ᠲᠤ | ᠬᠦᠷᠪᠡ᠃ ᠵᠢᠯ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠤᠪᠢᠷᠠᠯᠳᠠ ᠬᠠᠮᠤᠭ ᠤᠨ ᠶᠡᠭᠡ ᠵᠦᠷᠢᠶᠡ ᠬᠡᠮᠵᠢᠭᠳᠡᠯ ᠨᠢ 347.1 | ᠮᠢᠯᠢᠮᠧᠲᠷ ᠲᠤ ᠬᠦᠷᠪᠡ᠃ | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠲᠤᠨᠤᠳᠠᠰᠤ ᠶᠢᠨ ᠰᠠᠷᠠ ᠶᠢᠨ ᠬᠤᠪᠢᠶᠠᠷᠢᠯᠠᠯᠳᠠ ᠵᠢᠭᠳᠡ ᠪᠤᠰᠤ᠃ ᠵᠤᠨ ᠤ | ᠤᠯᠠᠷᠢᠯ ᠳᠤ ᠵᠡᠬᠦᠨ ᠡᠮᠤᠨᠠᠳᠤ ᠶᠢᠨ ᠤᠯᠠᠷᠢᠯ ᠤᠨ ᠰᠠᠯᠬᠢᠨ ᠤ ᠨᠦᠯᠦᠬᠡᠨ ᠲᠤᠤᠷᠠ ᠲᠤᠨᠤᠳᠠᠰᠤ ᠠᠷᠪᠢᠨ᠃ ᠡᠬᠦᠨ | ᠳᠤ 7 ᠰᠠᠷᠠ ᠳᠤ ᠲᠤᠨᠤᠳᠠᠰᠤ ᠬᠠᠮᠤᠭ ᠤᠨ ᠠᠷᠪᠢᠨ᠂ ᠰᠠᠷᠠ ᠶᠢᠨ ᠲᠤᠮᠳᠠᠴᠢ ᠲᠤᠨᠤᠳᠠᠰᠤ ᠶᠢᠨ ᠬᠡᠮᠵᠢᠶᠡ ᠨᠢ | 100~170 ᠮᠢᠯᠢᠮᠧᠲᠷ᠃ ᠡᠪᠤᠯ ᠤᠨ ᠤᠯᠠᠷᠢᠯ ᠳᠤ ᠪᠠᠷᠠᠭᠤᠨ ᠬᠤᠶᠢᠳᠤ ᠶᠢᠨ ᠤᠯᠠᠷᠢᠯ ᠤᠨ ᠰᠠᠯᠬᠢᠨ ᠤ | ᠨᠦᠯᠦᠬᠡᠨ ᠲᠤᠤᠷᠠ ᠲᠤᠨᠤᠳᠠᠰᠤ ᠴᠦᠬᠡᠨ᠂ 12 ᠰᠠᠷᠠ ᠳᠤ ᠲᠤᠨᠤᠳᠠᠰᠤ ᠬᠠᠮᠤᠭ ᠤᠨ ᠴᠦᠬᠡᠨ᠂ ᠰᠠᠷᠠ ᠶᠢᠨ | ᠲᠤᠮᠳᠠᠴᠢ ᠲᠤᠨᠤᠳᠠᠰᠤᠨ ᠤ ᠬᠡᠮᠵᠢᠶᠡ ᠨᠢ 1.9 ᠮᠢᠯᠢᠮᠧᠲᠷ᠃ | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠲᠤᠨᠤᠳᠠᠰᠤᠨ ᠤ ᠵᠢᠯ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠤᠪᠢᠷᠠᠯᠳᠠ ᠪᠠ ᠤᠯᠠᠷᠢᠯ ᠤᠨ | ᠬᠤᠪᠢᠶᠠᠷᠢᠯᠠᠯᠳᠠ ᠬᠡᠳᠦᠶᠢᠪᠡᠷ ᠵᠦᠷᠢᠶᠡ ᠨᠢ ᠨᠡᠯᠢᠶᠡᠳ ᠶᠡᠭᠡ ᠪᠤᠯᠪᠠᠰᠤ 80% ᠶᠢᠨ ᠵᠢᠯ ᠤᠨ ᠲᠤᠨᠤᠳᠠᠰᠤᠨ ᠤ | ᠬᠡᠮᠵᠢᠶᠡ ᠨᠢ 200 ~400 ᠮᠢᠯᠢᠮᠧᠲᠷ ᠤᠨ ᠬᠤᠭᠤᠷᠤᠨᠳᠤ ᠪᠠᠶᠢᠳᠠᠭ᠃ ᠲᠤᠨᠤᠳᠠᠰᠤ ᠨᠢ ᠵᠤᠨ ᠤ ᠤᠯᠠᠷᠢᠯ ᠳᠤ | ᠲᠦᠪᠯᠡᠷᠡᠵᠤ ᠪᠤᠷᠤᠭᠠᠨ ᠢᠯᠴᠢ ᠠᠳᠠᠯᠢ ᠬᠤᠭᠤᠴᠠᠭᠠᠨ ᠳᠤ ᠲᠠᠭᠠᠷᠠᠵᠤ ᠲᠠᠷᠢᠮᠠᠯ ᠤᠨ ᠤᠷᠭᠤᠯᠳᠠ ᠳᠤ ᠠᠰᠢᠭᠳᠠᠢ᠃ | | | ︵ᠲᠦᠷᠪᠡ︶ ᠤᠨᠴᠠᠭᠠᠢ ᠴᠢᠨᠠᠷᠳᠠᠢ ᠴᠠᠭ ᠠᠭᠤᠷ | | | ᠤᠨᠴᠠᠭᠠᠢ ᠴᠢᠨᠠᠷᠳᠠᠢ ᠴᠠᠭ ᠠᠭᠤᠷ ᠤᠯᠠᠨ ᠪᠠᠶᠢᠳᠠᠭ ᠨᠢ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠠᠭᠤᠷ ᠠᠮᠢᠰᠬᠤᠯ ᠤᠨ | ᠨᠢᠬᠡᠨ ᠲᠤᠪᠤᠶᠢᠭᠰᠠᠨ ᠤᠨᠴᠠᠯᠢᠭ ᠶᠤᠮ᠃ ᠡᠪᠤᠯ ᠬᠠᠪᠤᠷ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠦᠢᠳᠡᠨ ᠤᠷᠤᠰᠬᠠᠯ ᠪᠠ ᠲᠤᠤᠷᠠ | ᠲᠤᠯᠠᠭᠠᠨ᠂ ᠬᠠᠪᠤᠷ ᠵᠤᠨ ᠤ ᠭᠠᠩ ᠬᠠᠪᠰᠠᠷᠭᠠᠨ᠂ ᠶᠡᠭᠡ ᠰᠠᠯᠬᠢ ᠵᠢᠴᠢ ᠬᠡᠰᠡᠭ ᠭᠠᠵᠠᠷ ᠤᠷᠤᠨ ᠤ ᠮᠦᠨᠳᠤᠷ᠂ | ᠬᠠᠷᠠ ᠴᠠᠭᠠᠨ ᠵᠤᠳ ᠵᠡᠷᠭᠡ ᠴᠠᠭ ᠠᠭᠤᠷ ᠨᠢ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠤᠨᠴᠠᠭᠠᠢ ᠴᠢᠨᠠᠷᠳᠠᠢ ᠴᠠᠭ ᠠᠭᠤᠷ ᠪᠤᠯᠵᠤ᠂ | ᠪᠦᠬᠦ ᠬᠤᠰᠢᠭᠤᠨ ᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ᠂ ᠠᠵᠤ ᠦᠢᠯᠡᠳᠪᠤᠷᠢᠯᠡᠯ ᠪᠠ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠳᠤ | ᠪᠦᠷ ᠵᠤᠬᠢᠬᠤ ᠨᠦᠯᠦᠬᠡ ᠦᠵᠡᠬᠦᠯᠳᠡᠭ᠃ ᠵᠠᠷᠢᠮ ᠤᠨᠴᠠᠭᠠᠢ ᠴᠢᠨᠠᠷᠳᠠᠢ ᠴᠠᠭ ᠠᠭᠤᠷ ᠨᠢ ᠦᠢᠯᠡᠳᠪᠤᠷᠢ᠂ | ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠦᠢᠯᠡᠳᠪᠤᠷᠢᠯᠡᠯ ᠳᠤ ᠵᠤᠬᠢᠬᠤ ᠬᠤᠤᠷ ᠬᠦᠨᠦᠬᠡᠯ ᠤᠴᠠᠷᠠᠭᠤᠯᠵᠤ᠂ ᠭᠠᠮᠰᠢᠭᠳᠤ | ᠴᠢᠨᠠᠷᠳᠠᠢ ᠴᠠᠭ ᠠᠭᠤᠷ ᠪᠤᠯᠪᠠ᠃ |