| | | ᠮᠣᠩᠭᠤᠯ ᠡᠮ ᠬᠡᠷᠡᠭᠯᠡᠬᠦ ᠠᠷᠭᠠ ᠨᠢ ᠭᠤᠣᠯᠳᠠᠭᠤ ᠮᠣᠩᠭᠤᠯ ᠡᠮ ᠢ ᠬᠡᠷᠡᠭᠯᠡᠬᠦ ᠳᠤ ᠵᠢᠷᠣᠮᠯᠠᠬᠤ | ᠶᠣᠰᠣ ᠪᠣᠯᠣᠨ ᠠᠩᠬᠠᠷᠬᠤ ᠵᠦᠢᠯ ᠢ ᠵᠢᠭᠠᠨᠠ᠃ ᠶᠡᠷᠦ ᠳᠡᠭᠡᠨ ᠡᠮ ᠨᠠᠶᠢᠷᠠᠯᠭᠠ ᠶᠢ ᠵᠦᠪ ᠣᠨᠣᠪᠴᠢᠳᠠᠢ ᠬᠡᠷᠡᠭᠯᠡᠬᠦ | ᠪᠣᠯ ᠡᠮᠴᠢᠯᠡᠪᠦᠷᠢ ᠶᠢᠨ ᠠᠴᠢ ᠲᠣᠰᠠ ᠶᠢ ᠪᠠᠳᠣᠯᠠᠬᠤ ᠮᠦᠷᠳᠡᠭᠡᠨ ᠠᠮᠣᠷ ᠲᠦᠪᠰᠢᠨ ᠢᠶᠠᠷ ᠡᠮ ᠬᠡᠷᠡᠭᠯᠡᠬᠦ ᠳᠤ | ᠰᠢᠭᠤᠳ ᠬᠤᠯᠪᠣᠭᠳᠠᠨᠠ᠃ ᠮᠣᠩᠭᠤᠯ ᠡᠮ ᠤᠨ ᠬᠡᠷᠡᠭᠯᠡᠬᠦ ᠠᠷᠭᠠ ᠶᠢ ᠡᠮ ᠣᠣᠭᠤᠯᠭᠠᠬᠤ ᠠᠷᠭᠠ ᠪᠣᠯᠣᠨ ᠭᠠᠳᠠᠷ | ᠬᠡᠷᠡᠭᠯᠡᠬᠦ ᠠᠷᠭᠠ ᠭᠡᠵᠣ ᠬᠤᠶᠠᠷ ᠶᠡᠭᠡ ᠵᠦᠢᠯ ᠬᠤᠪᠢᠶᠠᠵᠣ ᠪᠣᠯᠣᠨᠠ᠃ ᠲᠣᠣᠷᠠ ᠡᠮ ᠣᠣᠭᠤᠯᠭᠠᠬᠤ ᠠᠷᠭᠠ ᠶᠢᠨ | ᠲᠣᠬᠠᠢ ᠲᠦᠭᠦᠮ ᠲᠠᠨᠢᠯᠴᠠᠭᠤᠯᠵᠣ ᠦᠷᠭᠡᠨ ᠣᠯᠠᠨ ᠡᠪᠡᠳᠴᠢᠳᠡᠨ ᠳᠤ ᠲᠦᠭᠦᠮ ᠪᠣᠯᠭᠠᠬᠤ ᠶᠢ ᠵᠣᠷᠢᠪᠠ᠃ | ᠡᠮ ᠣᠣᠭᠤᠯᠭᠠᠬᠤ ᠠᠷᠭᠠ ᠪᠣᠯ ᠡᠪᠡᠳᠴᠢᠨ ᠤ ᠣᠷᠣᠰᠢᠯᠳᠠ᠂ ᠡᠪᠡᠳᠴᠢᠨ ᠤ ᠪᠡᠯᠭᠡ ᠴᠢᠨᠠᠷ᠂ | ᠡᠪᠡᠳᠴᠢᠨ ᠬᠦᠳᠡᠯᠬᠦ ᠴᠠᠭ ᠵᠡᠷᠭᠡ ᠶᠢ ᠣᠶᠠᠯᠳᠣᠭᠤᠯᠵᠣ ᠡᠮ ᠣᠣᠭᠤᠬᠤ ᠪᠣᠯᠣᠨ ᠬᠤᠭᠤᠯᠠ ᠢᠳᠡᠬᠦ ᠴᠠᠭ ᠢ | ᠲᠣᠬᠢᠷᠠᠭᠤᠯᠵᠣ ᠡᠮ ᠬᠡᠷᠡᠭᠯᠡᠬᠦ ᠠᠷᠭᠠ ᠪᠣᠯᠣᠨᠠ᠃ ᠲᠣᠬᠠᠶᠢᠯᠠᠪᠠᠯ᠄ | 1᠂ ᠦᠯᠦᠰᠭᠦᠯᠡᠩ ᠲᠡᠭᠡᠷᠡ ᠡᠮ ᠣᠣᠭᠤᠯᠭᠠᠬᠤ᠄ ᠬᠤᠷᠣᠬᠠᠢ ᠡᠪᠡᠳᠴᠢᠨ ᠪᠠ ᠪᠠᠳᠭᠠᠨ ᠤ | ᠬᠤᠪᠢ ᠶᠡᠭᠡ ᠪᠣᠶᠣ ᠪᠠᠳᠭᠠᠨ ᠬᠦᠢᠳᠡᠨ ᠤ ᠬᠦᠴᠦ ᠶᠡᠬᠡᠳᠡᠭᠡᠳ ᠴᠠᠭ ᠠᠴᠠ ᠪᠠᠨ ᠬᠡᠳᠦᠷᠡᠭᠰᠡᠨ ᠴᠣ᠋ ᠡᠪᠡᠳᠴᠢᠳᠡᠨ ᠤ | ᠲᠠᠮᠢᠷ ᠰᠠᠶᠢᠨ ᠪᠣᠯ ᠦᠷᠯᠦᠭᠡ ᠡᠷᠳᠡ ᠬᠤᠭᠤᠯᠠ ᠢᠳᠡᠭᠦᠯᠬᠦ ᠦᠬᠡᠢ ᠪᠠᠷ ᠡᠮ ᠣᠣᠭᠤᠯᠭᠠᠵᠣ᠂ ᠲᠡᠷᠡ ᠲᠣᠣᠷᠠ ᠨᠢ | ᠲᠦᠷ ᠴᠠᠭ ᠬᠤᠭᠤᠯᠠ ᠢᠳᠡᠭᠦᠯᠬᠦ ᠦᠬᠡᠢ ᠪᠠᠶᠢᠯᠭᠠᠨᠠ᠃ ᠢᠩᠭᠢᠪᠡᠯ ᠡᠮ ᠤᠨ ᠬᠦᠴᠦᠨ ᠡᠪᠡᠳᠴᠢᠨ ᠳᠤᠨᠢ ᠰᠢᠭᠤᠳ | ᠬᠦᠶᠦᠨᠡ᠃ | 2᠂ ᠬᠤᠭᠤᠯᠠᠨ ᠤ ᠡᠮᠦᠨᠡ ᠣᠣᠭᠤᠯᠭᠠᠬᠤ᠄ ᠲᠠᠮᠢᠷ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠪᠠ ᠣᠷᠣᠭᠤ | ᠠᠷᠢᠯᠭᠠᠭᠴᠢ ᠬᠡᠢ ᠶᠢᠨ ᠡᠪᠡᠳᠴᠢᠨ ᠢ ᠠᠷᠢᠯᠭᠠᠬᠤ ᠳᠤ ᠬᠤᠭᠤᠯᠠᠨ ᠤ ᠡᠮᠦᠨᠡ ᠡᠮ ᠣᠣᠭᠤᠯᠭᠠᠭᠠᠳ ᠲᠡᠷᠡ ᠲᠠᠷᠣᠢ | ᠳᠤᠨᠢ ᠬᠤᠭᠤᠯᠠ ᠢᠳᠡᠭᠦᠯᠦᠨᠡ᠃ ᠣᠴᠢᠷ ᠨᠢ ᠣᠷᠣᠭᠤ ᠠᠷᠢᠯᠭᠠᠭᠴᠢ ᠬᠡᠢ ᠬᠤᠰᠬᠢᠨᠠᠭ ᠲᠤ ᠣᠷᠣᠰᠢᠳᠠᠭ᠂ | ᠡᠪᠡᠳᠴᠢᠨ ᠤ ᠣᠷᠣᠰᠢᠯᠳᠠ ᠪᠣᠯᠣᠨ ᠰᠢᠩᠭᠡᠭᠰᠡᠨ ᠤ ᠰᠡᠭᠦᠯᠡᠷ ᠬᠡᠢ ᠡᠪᠡᠳᠴᠢᠨ ᠬᠦᠳᠡᠯᠬᠦ ᠡᠪᠡᠳᠴᠢᠨ ᠤ ᠪᠡᠯᠭᠡ | ᠴᠢᠨᠠᠷ ᠤᠨ ᠵᠢᠮᠡ ᠶᠣᠰᠣ ᠶᠢ ᠦᠨᠳᠦᠰᠦᠯᠡᠵᠣ ᠬᠤᠭᠤᠯᠠᠨ ᠤ ᠡᠮᠦᠨᠡ ᠡᠮ ᠣᠣᠭᠤᠯᠭᠠᠭᠠᠳ ᠶᠡᠷᠦᠨᠳᠡᠭ ᠢ ᠡᠪᠡᠳᠴᠢᠨ | ᠬᠦᠳᠡᠯᠬᠦ ᠦᠶᠡ ᠳᠤ ᠦᠭᠴᠦ ᠪᠠᠶᠢᠭᠠ ᠪᠣᠯᠣᠨᠠ᠃ | 3᠂ ᠬᠤᠭᠤᠯᠠᠨ ᠤ ᠲᠣᠮᠳᠠ ᠡᠮ ᠣᠣᠭᠤᠯᠭᠠᠬᠤ᠄ ᠭᠠᠯ ᠲᠡᠭᠰᠢᠳᠭᠡᠭᠴᠢ ᠬᠡᠢ ᠡᠪᠡᠳᠴᠢᠨ ᠢ | ᠠᠨᠠᠭᠠᠬᠤ ᠳᠤ ᠴᠠᠭ ᠤᠨ ᠬᠤᠭᠤᠯᠠᠨ ᠤ ᠬᠠᠭᠠᠰ ᠢ ᠢᠳᠡᠭᠦᠯᠵᠣ ᠡᠮ ᠣᠣᠭᠤᠯᠭᠠᠭᠠᠳ ᠲᠠᠷᠠᠭᠠ ᠨᠢ ᠰᠠᠶ᠋ᠢ ᠬᠠᠭᠠᠰ ᠢ | ᠨᠢ ᠢᠳᠡᠭᠦᠯᠦᠨᠡ᠃ ᠣᠴᠢᠷ ᠨᠢ ᠭᠠᠯ ᠲᠡᠭᠰᠢᠳᠭᠡᠭᠴᠢ ᠬᠡᠢ ᠡᠪᠡᠳᠴᠢᠨ ᠤ ᠣᠷᠣᠰᠢᠯᠳᠠ ᠪᠣᠯᠣᠨ ᠰᠢᠩᠭᠡᠭᠰᠡᠨ ᠤ | ᠰᠡᠭᠦᠯ ᠳᠤ ᠬᠡᠢ ᠡᠪᠡᠳᠴᠢᠨ ᠬᠦᠳᠡᠯᠬᠦ ᠵᠢᠮᠡ ᠶᠣᠰᠣ ᠶᠢ ᠮᠦᠷᠳᠡᠵᠣ ᠡᠮ ᠣᠣᠭᠤᠯᠭᠠᠬᠤ ᠠᠴᠠ ᠡᠮᠦᠨᠡ ᠬᠤᠭᠤᠯᠠᠨ | ᠤ ᠬᠠᠭᠠᠰ ᠢ ᠢᠳᠡᠭᠦᠯᠵᠣ᠂ ᠡᠮ ᠤᠨ ᠬᠦᠴᠦᠨ ᠢ ᠡᠪᠡᠳᠴᠢᠨ ᠣᠷᠣᠰᠢᠬᠤ ᠣᠷᠣᠨ ᠳᠤ ᠣᠳᠠᠭᠠᠨ ᠦᠢᠯᠡᠴᠢᠯᠡᠭᠦᠯᠬᠦ | ᠶᠢᠨ ᠲᠦᠯᠦᠭᠡ ᠶᠣᠮ᠃ | 4᠂ ᠬᠤᠭᠤᠯᠠᠨ ᠤ ᠰᠡᠭᠦᠯ ᠳᠤ ᠡᠮ ᠣᠣᠭᠤᠯᠭᠠᠬᠤ᠄ ᠲᠦᠭᠡᠮᠡᠯ ᠭᠦᠶᠦᠭᠴᠢ ᠬᠡᠢ ᠡᠪᠡᠳᠴᠢᠨ | ᠢ ᠠᠨᠠᠭᠠᠬᠤ ᠳᠤ ᠶᠡᠷᠣ ᠳᠡᠭᠡᠨ ᠡᠷᠳᠡ ᠪᠣᠶᠣ ᠣᠷᠣᠢ ᠶᠢᠨ ᠬᠤᠭᠤᠯᠠ ᠢᠳᠡᠭᠰᠡᠨ ᠲᠠᠷᠣᠢ ᠳᠤ ᠡᠮ ᠣᠣᠭᠤᠯᠭᠠᠨᠠ᠃ | ᠣᠴᠢᠷ ᠨᠢ ᠲᠦᠭᠡᠮᠡᠯ ᠭᠦᠶᠦᠭᠴᠢ ᠬᠡᠢ ᠪᠦᠬᠦ ᠪᠡᠶᠡ ᠳᠤ ᠲᠦᠭᠡᠵᠣ ᠬᠦᠶᠦᠬᠦ ᠪᠣᠯᠪᠠᠴᠣ ᠭᠤᠣᠯᠳᠠᠭᠤ ᠵᠢᠷᠣᠬᠡᠨ ᠳᠤ | ᠣᠷᠣᠰᠢᠵᠣ᠂ ᠡᠪᠡᠳᠴᠢᠨ ᠤ ᠣᠷᠣᠰᠢᠯᠳᠠ ᠪᠡᠶᠡ ᠶᠢᠨ ᠲᠡᠭᠡᠳᠣ ᠬᠡᠰᠡᠭ ᠲᠤ ᠪᠣᠯᠬᠤ ᠲᠣᠯᠠ ᠬᠤᠭᠤᠯᠠᠨ ᠤ | ᠲᠠᠷᠠᠭᠠᠬᠠᠨ ᠳᠤ ᠡᠮ ᠣᠣᠭᠤᠯᠭᠠᠵᠣ ᠡᠮ ᠤᠨ ᠬᠦᠴᠦ ᠶᠢ ᠪᠡᠶᠡ ᠶᠢᠨ ᠲᠡᠭᠡᠳᠣ ᠬᠡᠰᠡᠭ ᠲᠤ ᠦᠢᠯᠡᠴᠢᠯᠡᠬᠦ ᠴᠠᠭ ᠢ | ᠣᠷᠳᠣᠳᠬᠠᠬᠤ ᠪᠣᠯᠣᠨ ᠰᠢᠩᠭᠡᠭᠰᠡᠨ ᠤ ᠰᠡᠭᠦᠯᠡᠷ ᠪᠣᠶᠣ ᠦᠷᠯᠦᠭᠡ ᠦᠳᠡᠰᠢ ᠳᠤ ᠬᠡᠢ ᠬᠦᠳᠡᠯᠬᠦ ᠵᠢᠮᠡ ᠶᠣᠰᠣ ᠲᠠᠢ | ᠣᠶᠠᠯᠳᠣᠭᠤᠯᠵᠠᠢ᠃ | 5᠂ ᠡᠮ ᠢ ᠬᠤᠭᠤᠯᠠ ᠲᠠᠢ ᠡᠭᠡᠯᠵᠢᠯᠡᠭᠦᠵᠣ ᠣᠣᠭᠤᠯᠭᠠᠬᠤ᠄ ᠠᠮᠢ ᠪᠠᠷᠢᠭᠴᠢ ᠬᠡᠢ ᠡᠪᠡᠳᠴᠢᠨ | ᠢ ᠠᠨᠠᠭᠠᠬᠤ ᠳᠤ ᠨᠢᠭᠡ ᠡᠮᠬᠦ ᠬᠤᠭᠤᠯᠠ ᠢᠳᠡᠭᠦᠯᠦᠭᠡᠳ ᠡᠮ ᠢᠶᠠᠨ ᠪᠠᠭᠠ ᠣᠣᠭᠤᠯᠭᠠᠬᠤ ᠮᠡᠳᠣ ᠪᠠᠷ ᠬᠤᠭᠤᠯᠠ | ᠢᠳᠡᠭᠦᠯᠬᠦ ᠪᠣᠯᠣᠨ ᠡᠮ ᠣᠣᠭᠤᠯᠭᠠᠬᠤ ᠪᠠᠨ ᠡᠭᠡᠯᠵᠢᠯᠡᠭᠦᠯᠦᠨᠡ᠃ ᠣᠴᠢᠷ ᠨᠢ ᠠᠮᠢ ᠪᠠᠷᠢᠭᠴᠢ ᠬᠡᠢ ᠪᠣᠯ ᠣᠷᠣᠢ ᠳᠤ | ᠣᠷᠣᠰᠢᠵᠣ ᠦᠩᠭᠡᠯᠣᠣᠷ᠂ ᠬᠤᠭᠤᠯᠠᠢ᠂ ᠡᠪᠴᠢᠭᠦᠨ ᠤ ᠭᠤᠣᠯ ᠢᠶᠠᠷ ᠭᠦᠶᠦᠵᠣ ᠵᠠᠯᠭᠢᠭᠤᠯᠬᠤ᠂ ᠠᠮᠢᠰᠬᠤᠭᠤᠯᠬᠤ | ᠵᠡᠷᠭᠡ ᠦᠢᠯᠡᠳᠣᠯ ᠲᠠᠢ ᠲᠣᠯᠠ ᠲᠡᠭᠦᠨ ᠤ ᠣᠷᠣᠰᠢᠯᠳᠠ᠂ ᠬᠦᠶᠦᠬᠦ ᠮᠦᠷ ᠵᠢᠴᠢ ᠦᠢᠯᠡ ᠠᠵᠢᠯᠯᠠᠭᠠ ᠲᠠᠢ | ᠣᠶᠠᠯᠳᠣᠭᠤᠯᠵᠣ ᠴᠢᠳᠠᠭᠰᠠᠨ ᠢᠶᠠᠷ ᠡᠮ ᠤᠨ ᠰᠢᠩᠭᠡᠯᠳᠡ ᠵᠢᠭᠠᠬᠠᠨ ᠠᠭᠠᠵᠢᠮ ᠪᠣᠯᠵᠣ ᠡᠪᠡᠳᠴᠢᠨ ᠤ ᠣᠷᠣᠰᠢᠯᠳᠠ | ᠪᠣᠯᠣᠨ ᠬᠦᠶᠦᠬᠦ ᠮᠦᠷ ᠲᠤᠨᠢ ᠦᠢᠯᠡᠳᠣᠯ ᠦᠵᠡᠬᠦᠯᠬᠦ ᠪᠠᠷ ᠰᠠᠶᠢᠨ ᠶᠣᠮ᠃ | 6᠂ ᠬᠤᠭᠤᠯᠠᠨ ᠤ ᠵᠠᠪᠰᠠᠷ ᠲᠤ ᠡᠮ ᠣᠣᠭᠤᠯᠭᠠᠬᠤ᠄ ᠲᠡᠭᠡᠭᠰᠢ ᠭᠦᠶᠦᠭᠴᠢ ᠬᠡᠢ ᠡᠪᠡᠳᠴᠢᠨ | ᠢ ᠠᠨᠠᠭᠠᠬᠤ ᠳᠤ ᠶᠡᠷᠣ ᠳᠡᠭᠡᠨ ᠢᠳᠡᠭᠡᠨ ᠰᠢᠩᠭᠡᠭᠰᠡᠨ ᠦᠶᠡ ᠳᠤ ᠡᠮ ᠣᠣᠭᠤᠯᠭᠠᠨᠠ᠃ ᠣᠴᠢᠷ ᠨᠢ ᠲᠡᠭᠡᠭᠰᠢ | ᠬᠦᠶᠦᠭᠴᠢ ᠬᠡᠢ ᠪᠣᠯ ᠡᠪᠴᠢᠬᠦᠨ ᠳᠤ ᠣᠷᠣᠰᠢᠵᠣ ᠬᠠᠮᠠᠷ ᠬᠡᠯᠡ᠂ ᠪᠠᠭᠠᠯᠵᠠᠭᠤᠷ ᠬᠤᠭᠤᠯᠠᠢ ᠪᠠᠷ ᠭᠦᠶᠦᠳᠡᠭ ᠪᠦᠭᠡᠳ | ᠢᠳᠡᠭᠡᠨ ᠰᠢᠩᠭᠡᠭᠰᠡᠨ ᠤ ᠰᠡᠭᠦᠯ ᠳᠤ ᠬᠡᠢ ᠬᠦᠳᠡᠯᠬᠦ ᠵᠢᠮᠡ ᠶᠣᠰᠣ ᠲᠠᠢ ᠣᠶᠠᠯᠳᠣᠭᠤᠯᠵᠣ᠂ ᠡᠮ ᠤᠨ ᠬᠦᠴᠦᠨ ᠢ | ᠡᠪᠡᠳᠴᠢᠨ ᠤ ᠣᠷᠣᠰᠢᠯᠳᠠ ᠪᠣᠯᠣᠨ ᠬᠦᠶᠦᠬᠦ ᠮᠦᠷ ᠲᠤᠨᠢ ᠴᠢᠭᠯᠡᠬᠦᠯᠵᠠᠢ᠃ | 7᠂ ᠲᠣᠭᠳᠠᠮᠠᠯ ᠴᠠᠭ ᠦᠬᠡᠢ ᠪᠠᠷ ᠲᠠᠬᠢᠨ ᠲᠠᠪᠳᠠᠨ ᠡᠮ ᠣᠣᠭᠤᠯᠭᠠᠬᠤ᠄ ᠬᠤᠣᠷ ᠢᠳᠡᠭᠰᠡᠨ | ᠪᠠ ᠪᠦᠭᠡᠯᠵᠢᠬᠦᠯᠬᠦ ᠴᠢᠬᠤᠯᠠ ᠲᠠᠢ ᠡᠪᠡᠳᠴᠢᠨ᠂ ᠠᠮᠢᠰᠬᠤᠭᠠ ᠠᠮᠣᠷ ᠦᠬᠡᠢ᠂ ᠣᠮᠳᠠᠭᠠᠰᠬᠤ᠂ ᠴᠡᠷ ᠢ ᠠᠷᠢᠯᠭᠠᠬᠤ | ᠳᠤ ᠬᠤᠭᠤᠯᠠ ᠢᠳᠡᠭᠰᠡᠨ ᠡᠰᠡᠬᠦ ᠶᠢ ᠬᠠᠮᠢᠶᠠᠷᠣᠯ ᠦᠬᠡᠢ ᠡᠮ ᠢᠶᠠᠨ ᠪᠠᠭᠠ ᠪᠠᠭᠠ ᠪᠠᠷ ᠲᠠᠬᠢᠨ ᠲᠠᠪᠳᠠᠨ | ᠦᠷᠭᠦᠯᠵᠢᠯᠡᠨ ᠣᠣᠭᠤᠯᠭᠠᠨᠠ᠃ ᠣᠴᠢᠷ ᠨᠢ ᠡᠪᠡᠳᠴᠢᠨ ᠪᠣᠯᠣᠨ ᠮᠠᠬᠠᠪᠣᠳ ᠤᠨ ᠡᠷᠬᠡ ᠪᠠᠷ ᠴᠠᠭ ᠢᠮᠠᠭᠳᠠ | ᠲᠠᠰᠣᠷᠠᠯ ᠦᠬᠡᠢ ᠲᠣᠰᠠᠯᠠᠮᠵᠢ ᠦᠵᠡᠬᠦᠯᠬᠦ ᠴᠢᠬᠤᠯᠠ ᠲᠠᠢ ᠲᠣᠯᠠ ᠡᠮ ᠢᠶᠠᠨ ᠪᠠᠭᠠ ᠪᠠᠭᠠ ᠪᠠᠷ ᠦᠷᠭᠦᠯᠵᠢᠯᠡᠨ | ᠣᠣᠭᠤᠯᠭᠠᠵᠣ ᠡᠮ ᠤᠨ ᠬᠦᠴᠦᠨ ᠪᠡᠶᠡ ᠳᠤ ᠲᠠᠰᠣᠷᠠᠯ ᠦᠬᠡᠢ ᠦᠢᠯᠡᠳᠣᠯ ᠦᠵᠡᠬᠦᠯᠬᠦ ᠵᠣᠷᠢᠯᠭᠠ ᠳᠤ ᠬᠦᠷᠭᠡᠨᠡ᠃ | 8᠂ ᠢᠳᠡᠭᠡᠨ ᠲᠠᠢ ᠬᠤᠯᠢᠵᠣ ᠡᠮ ᠣᠣᠭᠤᠯᠭᠠᠬᠤ᠄ ᠲᠣᠷᠠ ᠪᠣᠯᠭᠢᠬᠤ ᠵᠡᠷᠭᠡ ᠵᠠᠷᠢᠮ | ᠡᠪᠡᠳᠴᠢᠨ ᠢ ᠠᠨᠠᠭᠠᠬᠤ ᠳᠤ ᠡᠮ ᠢᠶᠠᠨ ᠶᠠᠮᠠᠷ ᠨᠢᠭᠡᠨ ᠵᠣᠬᠢᠰᠳᠠᠢ ᠢᠳᠡᠭᠡᠨ ᠲᠠᠢ ᠬᠤᠯᠢᠵᠣ ᠢᠳᠡᠭᠦᠯᠦᠨᠡ᠃ ᠣᠴᠢᠷ | ᠨᠢ ᠡᠮ ᠳᠤ ᠬᠠᠰᠢᠷᠠᠭᠰᠠᠨ ᠪᠣᠶᠣ ᠮᠠᠬᠠᠪᠣᠳ ᠬᠢᠮᠣᠷᠠᠵᠣ ᠲᠣᠷᠠ ᠪᠣᠯᠭᠢᠬᠤ ᠵᠡᠷᠭᠡ ᠳᠤ ᠲᠣᠷᠠ ᠲᠠᠢ ᠢᠳᠡᠭᠡᠨ ᠪᠣᠯᠣᠨ | ᠵᠣᠬᠢᠷᠠᠬᠤ ᠢᠳᠡᠭᠡᠨ ᠳᠤᠨᠢ ᠶᠠᠮᠠᠷ ᠨᠢᠭᠡᠨ ᠲᠣᠰᠠᠯᠠᠬᠤ ᠡᠮ ᠢ ᠬᠤᠯᠢᠵᠣ ᠦᠭᠪᠡᠯ ᠡᠮ ᠤᠨ ᠦᠨᠦᠷ ᠠᠮᠳᠠ ᠳᠤ ᠲᠣᠷᠠ | ᠪᠣᠯᠭᠢᠬᠤ ᠶᠢ ᠵᠣᠭᠰᠣᠭᠠᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠴᠢᠨᠠᠭᠰᠢᠯᠠᠪᠠᠯ ᠪᠣᠰᠣᠳ ᠲᠣᠷᠠ ᠪᠣᠯᠭᠢᠬᠤ ᠡᠪᠡᠳᠴᠢᠨ ᠢ ᠴᠣ᠋ | ᠡᠮᠨᠡᠬᠦ ᠪᠣᠯᠣᠨᠠ᠃ | 9᠂ ᠬᠤᠭᠤᠯᠠ ᠶᠢ ᠬᠠᠪᠴᠢᠵᠣ ᠡᠮ ᠣᠣᠭᠤᠯᠭᠠᠬᠤ᠄ ᠬᠤᠭᠤᠯᠠ ᠢᠳᠡᠬᠦ ᠨᠢ ᠮᠠᠭᠤᠳᠠᠭᠰᠠᠨ | ᠪᠣᠶᠣ ᠵᠣᠬᠢᠰᠬᠤ ᠡᠪᠡᠳᠴᠢᠨ ᠵᠡᠷᠭᠡ ᠶᠢ ᠠᠨᠠᠭᠠᠬᠤ ᠳᠤ ᠡᠮ ᠢ ᠢᠳᠡᠭᠡᠨ ᠤ ᠡᠮᠦᠨᠡ ᠬᠤᠶᠢᠨᠠ ᠬᠠᠪᠴᠢᠵᠣ | ᠣᠣᠭᠤᠯᠭᠠᠨᠠ᠃ ᠣᠴᠢᠷ ᠨᠢ ᠢᠳᠡᠭᠡᠨ ᠤ ᠣᠷᠢᠳ ᠡᠮ ᠣᠣᠭᠤᠯᠭᠠᠵᠣ ᠲᠣᠷᠠᠰᠢᠯ ᠢ ᠨᠡᠭᠡᠭᠡᠵᠣ ᠵᠣᠬᠢᠰᠬᠤ ᠶᠢ | ᠬᠤᠷᠢᠭᠯᠠᠭᠠᠳ ᠲᠠᠬᠢᠨ ᠢᠳᠡᠭᠡᠨ ᠢᠶᠠᠨ ᠢᠳᠡᠭᠦᠯᠵᠣ ᠡᠮ ᠢᠶᠠᠨ ᠣᠣᠭᠤᠯᠭᠠᠬᠤ ᠲᠣᠯᠠ ᠬᠤᠳᠣᠭᠤᠳᠣ᠂ ᠦᠷᠦᠴᠡ | ᠵᠡᠷᠭᠡ ᠪᠡᠶᠡ ᠶᠢᠨ ᠲᠡᠭᠡᠳᠣ ᠬᠡᠰᠡᠭ ᠲᠤ ᠡᠮ ᠤᠨ ᠦᠢᠯᠡᠳᠣᠯ ᠦᠵᠡᠬᠦᠯᠬᠦ ᠴᠠᠭ ᠢ ᠣᠷᠳᠣᠳᠬᠠᠨᠠ᠃ | 10᠂ ᠰᠦᠨᠢ ᠡᠮ ᠣᠣᠭᠤᠯᠭᠠᠬᠤ᠄ ᠨᠢᠳᠣ ᠡᠪᠡᠳᠬᠦ᠂ ᠴᠡᠷ ᠬᠤᠪᠬᠤᠯᠠᠬᠤ᠂ ᠬᠤᠣᠷ ᠲᠠᠢ | ᠮᠢᠨᠴᠦᠭᠦᠷᠡᠭᠦᠯᠬᠦ ᠡᠮ ᠪᠣᠯᠣᠨ ᠲᠠᠶᠢᠳᠬᠤᠷᠠᠭᠤᠯᠬᠤ ᠡᠮ ᠢ ᠰᠦᠨᠢ ᠣᠨᠳᠠᠬᠤ ᠦᠶᠡ ᠳᠤ ᠣᠣᠭᠤᠯᠭᠠᠨᠠ᠂ ᠡᠳᠡᠭᠡᠷ | ᠡᠪᠡᠳᠴᠢᠨ ᠪᠣᠯ ᠪᠡᠶᠡ ᠶᠢᠨ ᠲᠡᠭᠡᠳᠣ ᠬᠡᠰᠡᠭ ᠲᠤ ᠣᠷᠣᠰᠢᠬᠤ ᠲᠣᠯᠠ ᠬᠤᠭᠤᠯᠠᠨ ᠤ ᠲᠠᠷᠠᠭᠠ᠂ ᠢᠯᠠᠩᠭᠤᠶᠠ | ᠦᠳᠡᠰᠢ ᠣᠨᠳᠠᠬᠤ ᠦᠶᠡ ᠳᠤ ᠡᠮ ᠣᠣᠭᠤᠯᠭᠠᠪᠠᠯ ᠡᠮ ᠤᠨ ᠰᠢᠩᠭᠡᠯᠳᠡ ᠶᠢ ᠣᠳᠠᠭᠠᠰᠢᠷᠠᠭᠤᠯᠣᠨ ᠬᠡᠰᠡᠭ ᠭᠠᠵᠠᠷ | ᠲᠤ ᠡᠮ ᠤᠨ ᠦᠢᠯᠡᠳᠣᠯ ᠦᠵᠡᠬᠦᠯᠬᠦ ᠴᠠᠭ ᠢ ᠣᠷᠳᠣᠳᠬᠠᠵᠣ ᠠᠨᠠᠭᠠᠯᠳᠠ ᠶᠢᠨ ᠦᠷᠡ ᠳ᠋ᠦᠩ ᠰᠠᠶᠢᠵᠢᠷᠠᠨᠠ᠃ | ᠮᠦᠨ ᠲᠠᠶᠢᠳᠬᠤᠷᠠᠭᠤᠯᠬᠤ ᠪᠣᠶᠣ ᠬᠤᠣᠷ ᠲᠠᠢ ᠮᠢᠨᠴᠦᠭᠦᠷᠡᠭᠦᠯᠬᠦ ᠡᠮ ᠢ ᠦᠳᠡᠰᠢ ᠣᠨᠳᠠᠬᠤ ᠦᠶᠡ ᠳᠤ | ᠣᠣᠭᠤᠯᠭᠠᠪᠠᠯ ᠠᠭᠠᠵᠢᠮ ᠢᠶᠠᠷ ᠰᠢᠩᠭᠡᠭᠡᠭᠳᠡᠵᠣ ᠦᠢᠯᠡᠳᠣᠯ ᠦᠵᠡᠬᠦᠯᠬᠦ ᠲᠣᠯᠠ ᠡᠪᠡᠳᠴᠢᠳᠡᠨ ᠤ ᠵᠣᠪᠠᠭᠤᠷᠢ ᠶᠢ | ᠪᠠᠭᠠᠰᠬᠠᠵᠣ᠂ ᠲᠠᠶᠢᠳᠬᠤᠷᠠᠭᠤᠯᠬᠤ ᠦᠢᠯᠡᠳᠣᠯ ᠴᠣ᠋ ᠰᠠᠶᠢᠨ ᠪᠣᠯᠬᠤ ᠶᠣᠮ᠃ | |