| | | ᠭᠠᠯᠳᠠᠰᠤᠳᠠᠢ ᠷᠠᠰᠢᠶᠠᠨ ᠤ ᠲᠤᠬᠠᠢ ᠶᠠᠩᠵᠤ ᠪᠦᠷᠢ ᠶᠢᠨ ᠲᠤᠮᠤᠭ ᠪᠤᠢ᠃ ᠲᠡᠬᠦᠨ ᠤ | ᠲᠤᠳᠤᠷᠠ ᠡᠶᠢᠮᠤ ᠨᠢᠬᠡᠨ ᠰᠤᠨᠢᠷᠬᠠᠯᠳᠠᠢ ᠤᠯᠠᠮᠵᠢᠯᠠᠯ ᠶᠠᠷᠢᠶᠠ ᠪᠠᠶᠢᠳᠠᠭ᠄ ᠡᠷᠳᠡ ᠲᠡᠭᠡᠳᠤ ᠦᠶᠡ ᠳᠤ ᠠᠳᠠ ᠢᠭ᠌ᠴᠢ | ᠰᠠᠬᠤᠯᠠᠭ ᠤᠢ ᠮᠤᠳᠤ ᠲᠠᠢ ᠰᠠᠶᠢᠬᠠᠨ ᠨᠤᠳᠤᠭ ᠪᠠᠶᠢᠭᠰᠠᠨ ᠬᠡᠨᠡ᠃ ᠤᠢ ᠳᠤ ᠪᠠᠶᠡᠷ ᠬᠡᠮᠡᠬᠦ ᠨᠡᠷᠡ ᠲᠠᠢ ᠨᠢᠬᠡ | ᠠᠩᠴᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ᠃ ᠨᠢᠬᠡ ᠡᠳᠤᠷ ᠪᠠᠶᠠᠷ ᠭᠤᠸᠠᠢ ᠠᠩ ᠬᠦᠷᠦᠬᠡ ᠬᠢᠵᠤ ᠶᠠᠪᠤᠵᠤ ᠪᠠᠶᠢᠳᠠᠯᠠ | ᠪᠦᠳᠦᠬᠦᠨ ᠬᠦᠬᠡ ᠴᠢᠨ᠋ᠸᠠ ᠪᠢᠴᠢᠬᠠᠨ ᠨᠦᠷᠡ ᠶᠢ ᠴᠢᠨᠡᠭᠡ ᠮᠡᠳᠡᠨ ᠲᠠᠭᠤᠵᠤ ᠪᠠᠷᠢᠵᠤ ᠢᠳᠡᠮᠡᠷ ᠪᠠᠶᠢᠭᠠ ᠶᠢ ᠬᠠᠷᠠᠵᠤ | ᠦᠷᠦ ᠡᠪᠡᠳᠬᠦ ᠰᠡᠳᠬᠢᠯ ᠲᠦᠷᠦᠨ ᠨᠤᠮᠤ ᠪᠠᠨ ᠤᠨᠢᠯᠠᠨ ᠴᠢᠨ᠋ᠸᠠ ᠶᠢ ᠠᠯᠠᠵᠤ ᠨᠦᠷᠡ ᠶᠢ ᠠᠪᠤᠷᠠᠵᠠᠢ᠃ ᠢᠩᠬᠢᠬᠡᠳ | ᠲᠡᠷᠡ ᠬᠡᠷ ᠲᠡᠭᠡᠨ ᠪᠤᠴᠠᠭᠰᠠᠨ ᠤ ᠲᠠᠷᠠᠭᠠ ᠪᠡᠶᠡ ᠨᠢ ᠡᠪ ᠦᠬᠡᠶᠢᠷᠡᠨ ᠡᠪᠡᠷᠰᠢᠶᠡᠬᠡᠳ ᠤᠷᠤ ᠲᠡᠭᠡᠷᠡ ᠠᠴᠠ ᠪᠠᠨ | ᠪᠤᠰᠴᠤ ᠲᠠᠶᠢᠯᠬᠦ ᠪᠠᠨ ᠪᠤᠯᠢᠵᠠᠢ᠃ ᠲᠡᠭᠡᠵᠤ ᠪᠠᠶᠢᠳᠠᠯᠠ ᠰᠠᠷᠠ ᠮᠡᠯᠳᠡᠬᠡᠨᠡᠭᠰᠡᠨ ᠨᠢᠬᠡᠨ ᠰᠦᠨᠢ ᠭᠤᠸᠠᠯᠢᠭ ᠲᠦᠷᠦᠭᠰᠡᠨ | ᠨᠢᠬᠡᠨ ᠦᠬᠢᠨ ᠪᠠᠶᠠᠷ ᠤᠨ ᠤᠷᠤ ᠶᠢᠨ ᠲᠡᠷᠬᠡᠳᠡ ᠢᠷᠡᠬᠡᠳ᠄ ︽ᠲᠡ ᠪᠤᠯ ᠮᠢᠨᠤ ᠠᠮᠢ ᠶᠢ ᠠᠪᠤᠷᠠᠭᠰᠠᠨ ᠠᠴᠢᠳᠠᠨ᠂ | ᠪᠢ ᠲᠠᠨ ᠳᠤ ᠡᠪᠡᠳᠴᠢᠨ ᠢ ᠴᠢᠨᠢ ᠡᠳᠡᠬᠡᠬᠦ ᠨᠢᠭᠤᠴᠠ ᠵᠤᠷ ᠬᠡᠯᠡᠵᠤ ᠦᠭᠬᠦᠶᠡ᠃ ᠲᠠᠨ ᠤ ᠬᠡᠷ ᠤᠨ ᠵᠡᠬᠦᠨᠳᠠᠢ ᠤᠳᠠ | ᠮᠤᠳᠤᠨ ᠤ ᠲᠡᠷᠬᠡᠳᠡ ᠨᠢᠬᠡᠨ ᠬᠠᠪᠳᠠᠭᠠᠢ ᠬᠦᠬᠡ ᠴᠢᠯᠠᠭᠤ ᠪᠤᠢ᠂ ᠲᠡᠷᠡ ᠴᠢᠯᠠᠭᠤᠨ ᠤ ᠲᠤᠤᠷᠠ ᠤᠨᠳᠤᠷᠤᠭᠠᠳ | ᠪᠠᠷᠠᠰᠢ ᠦᠭᠡᠢ ᠰᠠᠬᠢᠭᠤᠯᠰᠤᠨ ᠰᠦᠨᠡᠰᠤ ᠲᠠᠢ ᠭᠠᠶᠢᠬᠠᠮᠰᠢᠭᠳᠤ ᠤᠰᠤᠨ ᠪᠤᠢ᠃ ᠲᠡ ᠲᠡᠬᠦᠨ ᠢᠶᠠᠷ ᠭᠤᠷᠪᠠ | ᠲᠤᠯᠤᠭᠠᠨ ᠬᠤᠨᠤᠭ ᠪᠡᠶᠡ ᠪᠠᠨ ᠤᠬᠢᠶᠠᠪᠠᠯ ᠡᠪᠡᠳᠴᠢᠨ ᠴᠢᠨᠢ ᠠᠶᠠᠨᠳᠠᠭᠠᠨ ᠡᠳᠡᠬᠡᠷᠡᠬᠦ ᠶᠤᠮ᠂ ᠬᠡᠪᠡᠴᠤ ᠵᠤᠷ ᠢ | ᠦᠷᠦᠬᠡᠯ ᠪᠤᠰᠤᠳ ᠲᠤ ᠬᠡᠯᠡᠵᠤ ᠪᠤᠯᠬᠤ ᠦᠭᠡᠢ᠂ ᠬᠡᠯᠡᠪᠡᠯ ᠲᠠ ᠲᠡᠷᠡ ᠲᠠᠷᠤᠢ ᠠᠮᠢ ᠨᠠᠰᠤ ᠪᠠᠨ ᠠᠯᠳᠠᠬᠤ ᠪᠤᠯᠤᠨᠡ︾ | ᠬᠡᠵᠤ ᠬᠡᠯᠡᠬᠡᠳ ᠲᠦᠳᠡᠬᠡᠨ ᠵᠠᠭᠤᠷᠠ ᠠᠯᠠᠭᠠ ᠪᠤᠯᠤᠭᠰᠠᠨ ᠬᠡᠨᠡ᠃ ᠪᠠᠶᠠᠷ ᠭᠤᠸᠠᠢ ᠦᠬᠢᠨ ᠤ ᠬᠡᠯᠡᠭᠰᠡᠨ ᠶᠤᠰᠤᠭᠠᠷ | ᠬᠦᠢᠴᠡᠳᠬᠡᠭᠰᠡᠨ ᠴᠢᠨᠢ ᠡᠪᠡᠳᠴᠢᠨ ᠨᠢ ᠨᠡᠬᠡᠷᠡᠨ ᠡᠳᠡᠬᠡᠷᠡᠪᠠ ᠬᠡᠨᠡ᠃ ᠬᠡᠳᠡᠯᠡ ᠲᠡᠳᠤᠢ ᠤᠳᠠᠯ ᠦᠭᠡᠢ ᠠᠶᠢᠯ | ᠰᠠᠭᠠᠬᠠᠯᠳᠠ ᠶᠢᠨ ᠬᠢᠨᠢ ᠮᠦᠨ ᠪᠠᠶᠠᠷ ᠲᠠᠢ ᠡᠬᠡᠬᠡ ᠠᠳᠠᠯᠢᠬᠠᠨ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠨ ᠰᠢᠨᠠᠯᠤᠨ ᠵᠤᠪᠠᠵᠠᠢ᠃ | ᠡᠨᠡᠬᠦ ᠪᠠᠶᠢᠳᠠᠯ ᠢ ᠠᠵᠢᠭᠰᠠᠨ ᠠᠩᠴᠢᠨ ᠪᠠᠶᠠᠷ ᠨᠢᠳᠤ ᠬᠠᠯᠢᠷᠠᠨ ᠵᠢᠷᠦᠬᠡ ᠡᠪᠡᠳᠴᠤ᠂ ᠨᠢᠭᠤᠴᠠ ᠵᠤᠷ ᠢᠶᠠᠨ ᠨᠤᠳᠤᠭ | ᠤᠰᠤᠨ ᠤ ᠢᠷᠬᠡᠳ ᠲᠦᠮᠡᠨ ᠳᠡᠭᠡᠨ ᠬᠡᠯᠡᠵᠤ ᠦᠭᠬᠦ ᠳᠤ ᠬᠦᠬᠡ ᠴᠢᠯᠠᠭᠤᠨ ᠤ ᠲᠤᠤᠷᠠᠬᠢ ᠷᠠᠰᠢᠶᠠᠨ ᠤᠰᠤ ᠶᠢ | ᠤᠤᠭᠤᠭᠰᠠᠨ ᠬᠦᠮᠦᠰ ᠢᠯᠡᠷᠢ ᠪᠤᠯᠵᠤ᠂ ᠪᠠᠶᠠᠷ ᠵᠤᠭᠰᠤᠭᠠ ᠪᠠᠷ ᠢᠶᠠᠨ ᠨᠢᠬᠡᠨ ᠰᠠᠭᠤᠷᠢ ᠮᠤᠳᠤ ᠪᠤᠯᠤᠨ ᠬᠤᠪᠢᠯᠵᠤ᠂ | ᠭᠠᠯᠳᠠᠰᠤᠳᠠᠢ ᠷᠠᠰᠢᠶᠠᠨ ᠤ ᠬᠤᠶᠢᠳᠤ ᠠᠭᠤᠯᠠᠨ ᠲᠡᠭᠡᠷᠡ ᠮᠦᠩᠬᠡᠷᠡᠨ ᠤᠷᠭᠤᠵᠠᠢ ᠬᠡᠨᠡ᠃ ᠤᠳᠤ ᠭᠠᠯᠳᠠᠰᠤᠳᠠᠢ | ᠷᠠᠰᠢᠶᠠᠨ ᠤ ᠬᠤᠶᠢᠳᠤ ᠠᠭᠤᠯᠠᠨ ᠲᠡᠭᠡᠷᠡ ᠦᠨᠡᠬᠡᠷ ᠨᠢᠬᠡ ᠰᠠᠭᠤᠷᠢ ᠲᠤᠮᠤ ᠬᠠᠶᠢᠯᠠᠰᠤᠨ ᠮᠤᠳᠤ ᠪᠠᠶᠢᠬᠤ ᠪᠦᠬᠡᠳ | ᠠᠳᠠ ᠢᠷᠡᠵᠤ ᠷᠠᠰᠢᠶᠠᠨ ᠵᠠᠰᠠᠯ ᠬᠢᠭᠰᠡᠳ ᠡᠨᠡ ᠮᠤᠳᠤᠨ ᠳᠤ ᠬᠦᠨᠳᠤᠳᠬᠡᠯ ᠤᠨ ᠶᠤᠰᠤ ᠬᠦᠢᠴᠡᠳᠬᠡᠳᠡᠭ ᠪᠦᠬᠡᠳ | ᠲᠠᠷᠴᠢᠯᠠᠭᠠᠳᠤ ᠡᠪᠡᠳᠴᠢᠨ ᠤ ᠪᠠᠷᠴᠢᠳ ᠠᠴᠠ ᠰᠠᠯᠤᠭᠰᠠᠳ ᠲᠤᠯᠵᠤ ᠢᠷᠡᠭᠰᠡᠨ ᠲᠠᠶᠠᠭ ᠢᠶᠠᠨ ᠡᠨᠡ ᠮᠤᠳᠤᠨ ᠤ | ᠲᠡᠷᠬᠡᠳᠡ ᠬᠤᠴᠤᠷᠭᠠᠨ ᠬᠠᠶᠠᠳᠠᠭ ᠢᠶᠠᠷ ᠬᠦᠮᠦᠰ ᠡᠨᠡ ᠠᠭᠤᠯᠠ ᠶᠢ ︽ᠲᠠᠶᠠᠭ ᠤᠨ ᠤᠪᠤᠭᠠ︾ ᠬᠡᠵᠤ | ᠲᠤᠳᠤᠨᠤᠴᠢᠯᠠᠨ ᠨᠡᠷᠡᠯᠡᠬᠦ ᠪᠤᠯᠵᠠᠢ᠃ | | ︽ᠬᠡᠰᠢᠭᠳᠡᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠰᠤᠶᠤᠯ︾ ᠬᠡᠮᠡᠬᠦ ᠨᠤᠮ | ᠠᠴᠠ ᠬᠡᠰᠡᠭᠯᠡᠪᠡ | |