| | ᠤᠰᠤᠨ ᠲᠠᠷᠭᠤ — ᠮᠠᠯ ᠤᠨ ᠳᠤ ᠤᠷᠤᠵᠦ ᠬᠠᠪᠤᠷ ᠨᠤᠭᠤᠭᠠ ᠲᠠᠢ ᠵᠠᠯᠭᠠᠵᠦ᠂ ᠬᠤᠯᠢᠮᠠᠭ ᠪᠤᠷᠤᠭ | ᠨᠤᠭᠤᠭᠠᠨ ᠳᠤ ᠮᠠᠯ ᠴᠠᠳᠤᠵᠦ ᠢᠷᠡᠬᠦ ᠦᠶᠡ ᠳᠤ ᠮᠠᠯ ᠤᠨ ᠪᠡᠶᠡ ᠮᠠᠬᠠᠪᠤᠳ ᠳᠠᠬᠢ ᠤᠰᠤᠨ ᠪ᠊ ᠬᠡᠮᠵᠢᠶᠡ ᠶᠡᠬᠡᠰᠴᠦ | ᠪᠤᠳᠠᠰ ᠤᠨ ᠰᠤᠯᠢᠯᠴᠠᠭᠠ ᠡᠷᠴᠢᠮᠵᠢᠵᠦ᠂ ᠦᠩᠭᠡ ᠵᠢᠰᠦ ᠦᠭᠡᠷᠡᠴᠢᠯᠡᠭᠳᠡᠵᠦ᠂ ᠪᠡᠶᠡ ᠨᠢ ᠲᠤᠮᠤᠷᠴᠤ ᠡᠬᠢᠯᠡᠬᠦ ᠶᠢ | ᠤᠰᠤᠨ ᠪᠠᠳᠠᠢ ᠰᠠᠭᠤᠵᠦ ᠪᠠᠶᠢᠨᠠ ᠭᠡᠳᠡᠭ᠃ | ᠮᠢᠬᠠᠨ ᠲᠠᠷᠭᠤ — ᠮᠠᠯ ᠨᠤᠭᠤᠭᠠᠨ ᠳᠤ ᠪᠦᠷᠢᠨ ᠴᠠᠳᠤᠵᠦ᠂ ᠬᠤᠨᠢᠨ ᠪ᠊ ᠨᠤᠤᠰᠤ ᠬᠦᠭᠡᠷᠴᠦ ᠰᠡᠬᠦᠯ ᠨᠢ | ᠮᠤᠯᠲᠤᠷᠴᠤ᠂ ᠬᠤᠨᠢ ᠢᠮᠠᠭᠠ ᠦᠨᠢᠶᠡ ᠰᠦ ᠤᠷᠤᠵᠦ ᠡᠬᠢᠯᠡᠬᠦ ᠳᠤ ᠮᠢᠬᠠᠨ ᠲᠠᠷᠭᠤ ᠠᠪᠴᠤ ᠪᠠᠶᠢᠨᠠ ᠭᠡᠳᠡᠭ᠃ | ᠡᠨᠡ ᠦᠶᠡ ᠳᠤ ᠮᠠᠯ ᠢᠶᠠᠨ ᠪᠡᠯᠴᠢᠭᠡᠷ ᠲᠤ ᠨᠢ ᠠᠯᠢ ᠪᠤᠯᠬᠤ ᠪᠠᠷ ᠤᠳᠠᠭᠠᠨ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠪᠠᠶᠢᠯᠭᠠᠬᠤ | ᠨᠢ ᠴᠢᠬᠤᠯᠠ᠃ | ᠦᠭᠡᠬᠦᠨ ᠪᠤᠶᠤ ᠲᠤᠰᠤᠨ ᠲᠠᠷᠭᠤ — ᠮᠠᠯ ᠡᠪᠡᠰᠦᠨ ᠪ᠊ ᠰᠦᠯ ᠭᠠᠩᠳᠠᠬᠤ ᠦᠶᠡ ᠪᠠᠷ ᠡᠪᠡᠰᠦᠨ ᠪ᠊ ᠰᠢᠮᠡ | ᠲᠡᠵᠢᠭᠡᠯ ᠳᠤᠷᠤᠭᠰᠢ ᠪᠠᠨ ᠪᠠᠭᠤᠵᠦ ᠠᠮᠲᠠ ᠴᠢᠨᠠᠷ᠂ ᠰᠢᠮᠡ ᠲᠡᠵᠢᠭᠡᠯ ᠨᠢ ᠰᠠᠶᠢᠵᠢᠷᠠᠵᠦ ᠮᠠᠯ ᠤᠨ ᠭᠠᠳᠠᠷ | ᠳᠤᠲᠤᠷᠠ ᠦᠭᠡᠬᠦ ᠶᠢ ᠡᠷᠡᠰ ᠨᠡᠮᠡᠭᠳᠡᠭᠦᠯᠳᠡᠭ᠃ ᠲᠠᠷᠭᠤᠯᠠᠵᠦ ᠪᠠᠶᠢᠭᠠ ᠬᠤᠨᠢᠨ ᠪ᠊ ᠦᠩᠭᠡ ᠵᠢᠰᠦ ᠨᠢ ᠬᠦᠷᠡᠩ | ᠪᠤᠷᠤᠨᠲᠤᠵᠦ ᠲᠤᠰᠤ ᠳᠠᠭᠠᠭᠠᠪᠦᠷᠢᠯᠠᠨ᠂ ᠬᠦᠳᠡᠯᠭᠡᠭᠡᠨ ᠨᠢ ᠤᠳᠠᠭᠠᠰᠢᠷᠠᠵᠦ ᠰᠡᠷᠡᠮᠡᠭᠦᠨ ᠭᠠᠵᠠᠷ ᠲᠠᠷᠠᠤ ᠬᠡᠪᠲᠡᠵᠦ | ᠢᠷᠠᠭᠯᠠᠵᠦ ᠡᠬᠢᠯᠡᠨᠡ᠃ ᠦᠬᠡᠷ ᠤᠨ ᠵᠤ ᠨᠢᠷᠤᠭᠤ ᠬᠠ ᠭᠤᠶᠠ ᠨᠢ ᠪᠦᠳᠦᠭᠦᠷᠴᠦ ᠭᠡᠳᠡᠰᠦ ᠨᠢ ᠲᠤᠮᠤᠷᠤᠭᠠᠳ | ᠳᠦᠷᠪᠡᠨ ᠮᠦᠴᠢ ᠪᠠᠨ ᠲᠡᠷᠡᠶᠢᠯᠭᠡᠭᠡᠳ ᠬᠡᠪᠲᠡᠵᠦ ᠶᠠᠳᠠᠨᠠ᠃ | ᠬᠠᠯᠢᠮᠠᠨ ᠲᠠᠷᠭᠤ — ᠮᠠᠯ ᠤᠨ ᠲᠠᠷᠭᠤ ᠳᠡᠭᠡᠳᠦ ᠴᠡᠭ ᠲᠡᠭᠡᠨ ᠬᠦᠷᠴᠦ ᠠᠷᠠᠰᠤ ᠰᠢᠷᠠ ᠮᠢᠬᠠ ᠬᠤᠶᠠᠷ ᠤᠨ | ᠵᠠᠪᠰᠠᠷ ᠢᠶᠠᠷ ᠬᠠᠯᠢᠮ ᠡᠭᠦᠰᠴᠦ ᠡᠬᠢᠯᠡᠨᠡ᠃ ᠡᠨᠡ ᠦᠶᠡ ᠳᠤ ᠮᠠᠯ ᠤᠨ ᠢᠶᠠᠨ ᠲᠠᠷᠭᠤ ᠬᠦᠴᠦ ᠶᠢ ᠤᠯᠠᠮ | ᠴᠢᠮᠪᠠᠶᠢᠷᠠᠭᠤᠯᠵᠦ᠂ ᠲᠠᠷᠭᠤ ᠬᠦᠴᠦ ᠶᠢ ᠨᠢ ᠲᠤᠭᠲᠠᠭᠠᠵᠦ ᠦᠭᠭᠦᠨᠡ᠃ ᠬᠤᠯᠠ ᠪᠡᠯᠴᠢᠭᠡᠷᠯᠡᠭᠦᠯᠬᠦ᠂ ᠬᠤᠷᠳᠤᠨ | ᠲᠠᠭᠤᠬᠤ᠂ ᠦᠷᠭᠦᠭᠡᠵᠦ ᠰᠤᠴᠢᠭᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠦ ᠮᠠᠯ ᠢᠶᠠᠨ ᠲᠤᠭᠲᠠᠭᠠᠨ ᠬᠠᠷᠢᠭᠤᠯᠤᠨᠠ᠃ ᠬᠤᠨᠢ ᠪᠠᠨ | ᠲᠠᠭᠤᠬᠤ ᠰᠡᠭᠦᠯ ᠤᠯᠠᠮ ᠲᠤᠮᠤᠷᠴᠤ ᠬᠠᠲᠠᠭᠤᠷᠠᠨ ᠬᠤᠩᠬᠤᠷᠴᠤᠭ ᠪᠤᠢ ᠪᠤᠯᠵᠦ ᠡᠮᠡ ᠬᠤᠨᠢ ᠰᠢᠭᠡᠭᠲᠡᠵᠦ ᠢᠷᠡᠨᠡ᠃ | | ᠮᠠᠯᠴᠢᠨ ᠬᠦᠮᠦᠰ ᠬᠠᠪᠤᠷ ᠵᠤᠨ ᠨᠠᠮᠤᠷ ᠤᠨ ᠢᠶᠠᠨ ᠠᠵᠢᠯ ᠢ ᠳ᠋ᠦᠩᠨᠡᠵᠦ ᠡᠪᠦᠯ ᠳᠤ ᠪᠡᠯᠡᠳᠭᠡᠵᠦ ᠮᠠᠯ ᠤᠨ | ᠢᠶᠠᠨ ᠲᠠᠷᠭᠤ ᠬᠦᠴᠦ ᠶᠢ ᠰᠢᠨᠵᠢᠳᠡᠭ᠃ ᠮᠠᠯ ᠤᠨ ᠲᠠᠷᠭᠤ ᠬᠦᠴᠦ ᠪᠣᠯ ᠪᠦᠲᠦᠨ ᠭᠤᠷᠪᠠᠨ ᠤᠯᠠᠷᠢᠯ ᠤᠨ ᠠᠵᠢᠯ | ᠦᠷᠡ ᠳ᠋ᠦᠩ ᠲᠡᠳᠦᠢ ᠦᠭᠡᠢ ᠢᠷᠡᠬᠦ ᠡᠪᠦᠯ ᠬᠠᠪᠤᠷ ᠢ ᠲᠤᠭᠤᠯᠵᠦ ᠦᠩᠭᠡᠷᠡᠭᠦᠯᠬᠦ ᠨᠦᠭᠡᠴᠡ ᠬᠦᠴᠦ ᠪᠤᠯᠳᠠᠭ᠃ | | ᠢᠩᠭᠢᠭᠡᠳ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠲᠠᠷᠭᠤ ᠬᠦᠴᠦ ᠬᠡᠷᠬᠢᠨ ᠲᠤᠭᠲᠠᠭᠰᠠᠨ ᠢ ᠲᠤᠳᠤᠷᠬᠠᠶᠢᠯᠠᠳᠠᠭ ᠮᠠᠯᠴᠢᠨ | ᠬᠦᠮᠦᠰ ᠤᠨ ᠪᠤᠷᠤ ᠠᠷᠭᠠ ᠪᠠᠷ ᠰᠢᠨᠵᠢᠯᠡᠬᠦ ᠲᠤᠬᠠᠢ ᠦᠭᠦᠯᠡᠶᠡ᠄ | ᠨᠢᠭᠡ᠂ ᠠᠳᠤᠭᠤᠨ ᠪ᠊ ᠲᠠᠷᠭᠤ ᠬᠦᠴᠦ ᠶᠢ ᠦᠨᠳᠡᠭᠡᠨ ᠬᠠᠰᠠ ᠭᠤᠶᠠ᠂ ᠬᠠᠪᠢᠷᠭᠠ᠂ ᠳᠡᠯ ᠤᠨ ᠳᠠᠯᠠᠩ | ᠵᠡᠷᠭᠡ ᠪᠠᠷ ᠰᠢᠨᠵᠢᠯᠡᠵᠦ ᠲᠤᠳᠤᠷᠬᠠᠶᠢᠯᠠᠳᠠᠭ᠃ | ◇ ᠲᠤᠷᠠᠩᠬᠠᠢ ᠠᠳᠤᠭᠤᠨ ᠪ᠊ ᠲᠠᠷᠭᠤ ᠬᠦᠴᠦ ᠶᠢ ᠦᠨᠳᠡᠭᠡᠨ ᠬᠠᠰᠠ ᠶᠢ ᠨᠢ ᠭᠤᠤᠯ ᠪᠤᠯᠭᠠᠨ ᠰᠢᠨᠵᠢᠬᠦ | ᠳᠤ ᠬᠦᠵᠦᠭᠦᠦ ᠨᠢ ᠭᠤᠤᠨᠤᠶᠢᠵᠦ᠂ ᠬᠠᠪᠢᠷᠭᠠ ᠨᠢ ᠬᠡᠷᠳᠡᠶᠢᠭᠰᠡᠨ᠂ ᠲᠠᠰᠢᠶᠠ ᠨᠢ ᠶᠤᠷᠳᠤᠶᠢᠵᠦ ᠭᠡᠳᠡᠰᠦ ᠬᠡᠪᠡᠯᠢ | ᠮᠠᠭᠤ ᠪᠤᠯᠪᠠᠴᠤ ᠬᠠᠰᠠ ᠨᠢ ᠳᠦᠭᠦᠷᠡᠩ ᠪᠠᠶᠢᠨᠠ᠃ | ◇ ᠳᠤᠮᠳᠠ ᠵᠡᠷᠭᠡ ᠶᠢᠨ ᠲᠠᠷᠭᠤ ᠬᠦᠴᠦ ᠲᠠᠢ ᠠᠳᠤᠭᠤᠨ ᠪ᠊ ᠲᠠᠷᠭᠤ ᠬᠦᠴᠦ ᠶᠢ ᠬᠠᠪᠢᠷᠭᠠ ᠪᠠᠷ ᠨᠢ | ᠭᠤᠤᠯ ᠪᠤᠯᠭᠠᠨ ᠰᠢᠨᠵᠢᠯᠡᠬᠦ ᠳᠤ ᠵᠤ ᠨᠢ ᠪᠦᠭᠡᠷᠡᠩᠬᠡᠶᠢᠯᠡᠨ᠂ ᠲᠠᠰᠢᠶᠠ ᠨᠢ ᠶᠤᠷᠳᠤᠶᠢᠬᠤ ᠦᠭᠡᠢ᠂ ᠬᠠᠪᠢᠷᠭᠠ ᠨᠢ | ᠬᠡᠷᠳᠦᠶᠢᠬᠦ ᠦᠭᠡᠢ ᠪᠤᠯᠪᠠᠴᠤ ᠪᠠᠭᠠ ᠵᠡᠷᠭᠡ ᠮᠡᠳᠡᠭᠳᠡᠬᠦ ᠪᠠ ᠪᠦᠬᠦ ᠪᠡᠶᠡ ᠨᠢ ᠨᠡᠯᠢᠶᠡᠳ ᠵᠤᠵᠠᠭᠠᠷᠠᠵᠦ ᠵᠤᠷᠠᠭᠠ ᠨᠢ | ᠮᠡᠳᠡᠭᠳᠡᠬᠦ ᠲᠡᠳᠦᠢ ᠪᠠᠶᠢᠨᠠ᠃ | ◇ ᠲᠠᠷᠭᠤ ᠬᠦᠴᠦ ᠭᠦᠢᠴᠡᠭᠰᠡᠨ ᠠᠳᠤᠭᠤ ᠶᠢ ᠳᠡᠯ ᠤᠨ ᠳᠠᠯᠠᠩ ᠢᠶᠠᠷ ᠨᠢ ᠭᠤᠤᠯ ᠪᠤᠯᠭᠠᠨ ᠦᠵᠡᠬᠦ ᠳᠤ | ᠳᠠᠯᠠᠩ ᠨᠢ ᠳᠠᠯᠠᠭᠨᠠᠨ ᠪᠤᠰᠴᠤ᠂ ᠵᠤᠷᠠᠭᠠ ᠨᠢ ᠭᠦᠪᠡᠶᠢᠨ ᠳᠦᠭᠦᠷᠡᠭᠡᠳ ᠰᠡᠭᠦᠯ ᠨᠢ ᠰᠢᠭᠢᠳᠦᠵᠦ ᠤᠮᠠᠯᠳᠠᠭ ᠤᠨ | ᠦᠰᠦ ᠨᠢ ᠦᠵᠡᠭᠳᠡᠵᠦ ᠵᠤ ᠨᠢᠷᠤᠭᠤ ᠨᠢ ᠭᠤᠪᠢᠯᠠᠨ ᠦᠵᠡᠭᠳᠡᠨᠡ᠃ | ᠬᠤᠶᠠᠷ᠂ ᠦᠬᠡᠷ ᠤᠨ ᠲᠠᠷᠭᠤ ᠬᠦᠴᠦ ᠶᠢ ᠰᠡᠭᠡᠷ᠂ ᠳᠦᠷᠪᠡᠨ ᠦᠨᠳᠦᠷ ᠬᠠᠪᠢᠷᠭᠠ ᠤᠮᠠᠯᠳᠠᠭ ᠤᠨ ᠦᠭᠡᠬᠦ | ᠵᠡᠷᠭᠡ ᠶᠢ ᠭᠤᠤᠯ ᠪᠤᠯᠭᠠᠨ ᠰᠢᠨᠵᠢᠳᠡᠭ᠃ | ◇ ᠲᠤᠷᠠᠩᠬᠠᠢ ᠦᠬᠡᠷ ᠤᠨ ᠬᠠᠪᠢᠷᠭᠠ ᠨᠢ ᠬᠠ ᠳᠠᠭᠠᠨ ᠬᠡᠷᠳᠡᠶᠢᠵᠦ ᠲᠠᠰᠢᠶᠠ ᠨᠢ ᠶᠤᠷᠳᠤᠶᠢᠨ ᠬᠦᠵᠦᠭᠦᠦ | ᠨᠢ ᠭᠤᠤᠨᠤᠶᠢᠵᠦ ᠭᠤᠶᠠ ᠨᠢ ᠱᠤᠯᠳᠠᠶᠢᠵᠦ ᠰᠡᠭᠡᠷ ᠤᠨ ᠶᠠᠰᠤ ᠨᠢ ᠲᠡᠮᠲᠡᠷᠢᠬᠦ ᠳᠤ ᠭᠠᠷ ᠲᠤ ᠪᠠᠷᠢᠭᠳᠠᠨᠠ᠃ | ◇ ᠳᠤᠮᠳᠠ ᠵᠡᠷᠭᠡ ᠶᠢᠨ ᠲᠠᠷᠭᠤ ᠬᠦᠴᠦ ᠠᠪᠤᠭᠰᠠᠨ ᠦᠬᠡᠷ ᠢ ᠲᠡᠭᠦᠨ ᠪ᠊ ᠳᠦᠷᠪᠡᠨ ᠦᠨᠳᠦᠷ ᠬᠠᠪᠢᠷᠭᠠ | ᠪᠠᠷ ᠨᠢ ᠭᠤᠤᠯᠯᠠᠨ ᠰᠢᠨᠵᠢᠯᠡᠬᠦ ᠳᠤ ᠭᠤᠶᠠ ᠨᠢ ᠪᠦᠳᠦᠭᠦᠨ᠂ ᠴᠡᠭᠡᠵᠢ ᠨᠢ ᠵᠤᠵᠠᠭᠠᠨ᠂ ᠳᠦᠷᠪᠡᠨ ᠦᠨᠳᠦᠷ | ᠬᠠᠪᠢᠷᠭᠠ ᠨᠢ ᠮᠡᠳᠡᠭᠳᠡᠬᠦ ᠲᠡᠳᠦᠢ ᠪᠠᠶᠢᠨᠠ᠃ | ◇ ᠲᠠᠷᠭᠤ ᠬᠦᠴᠦ ᠨᠢ ᠭᠦᠢᠴᠡᠭᠰᠡᠨ ᠦᠬᠡᠷ ᠭᠦᠢᠴᠡᠭᠰᠡᠨ ᠦᠬᠡᠷ ᠢ ᠤᠮᠠᠯᠳᠠᠭ ᠤᠨ ᠦᠭᠡᠬᠦ ᠶᠢ ᠭᠤᠤᠯ | ᠪᠤᠯᠭᠠᠨ ᠦᠵᠡᠬᠦ ᠳᠤ ᠰᠡᠭᠡᠷ ᠤᠨ ᠮᠢᠬᠠ ᠨᠢ ᠬᠠᠪᠲᠠᠭᠠᠶᠢᠷᠠᠨ ᠳᠠᠯᠠᠩᠨᠠᠵᠦ᠂ ᠠᠬᠠᠷ ᠰᠡᠭᠦᠯ ᠨᠢ ᠰᠢᠭᠢᠳᠦᠭᠰᠡᠨ | ᠲᠠᠰᠢᠶᠠ ᠨᠢ ᠳᠦᠷᠪᠡᠯᠵᠢᠨ᠂ ᠳᠦᠷᠪᠡᠨ ᠮᠦᠴᠢ ᠶᠢᠨ ᠦᠵᠦᠭᠦᠷ ᠲᠤ ᠮᠢᠬᠠ ᠨᠢ ᠴᠤᠯᠴᠠᠶᠢᠵᠦ ᠤᠮᠠᠯᠳᠠᠭ ᠨᠢ | ᠤᠨᠵᠢᠵᠦ ᠪᠠᠶᠢᠨᠠ᠃ | ᠭᠤᠷᠪᠠ᠂ ᠬᠤᠨᠢ᠂ ᠢᠮᠠᠭᠠᠨ ᠪ᠊ ᠲᠠᠷᠭᠤ ᠬᠦᠴᠦ ᠶᠢ ᠦᠵᠡᠬᠦ᠂ ᠰᠡᠭᠦᠯ᠂ ᠵᠤ ᠨᠢᠷᠤᠭᠤ ᠰᠡᠷᠪᠡᠭᠡ ᠰᠦᠪᠡᠭᠡᠨ | ᠪ᠊ ᠬᠠᠪᠢᠷᠭᠠ ᠵᠡᠷᠭᠡ ᠶᠢ ᠠᠵᠢᠵᠦ ᠰᠢᠨᠵᠢᠨᠡ᠃ | ◇ ᠲᠤᠷᠠᠩᠬᠠᠢ ᠬᠤᠨᠢᠨ ᠪ᠊ ᠬᠦᠵᠦᠭᠦᠦ ᠨᠢ ᠭᠤᠤᠨᠤᠶᠢᠵᠦ᠂ ᠰᠡᠭᠦᠯ ᠨᠢ ᠱᠤᠯᠪᠤᠶᠢᠵᠦ ᠠᠷᠠᠰᠤ ᠨᠢ | ᠰᠤᠯᠠᠷᠴᠤ ᠭᠦᠶᠦᠬᠦ ᠳᠤ ᠨᠢ ᠰᠡᠭᠦᠯ ᠨᠢ ᠪᠦᠭᠰᠡ ᠪᠠᠨ ᠠᠯᠠᠭᠠᠳᠠᠨ ᠨᠢᠷᠤᠭᠤ ᠨᠢ ᠬᠡᠷᠳᠡᠶᠢᠵᠦ ᠪᠠᠶᠢᠳᠠᠭ᠃ | ◇ ᠳᠤᠮᠳᠠ ᠵᠡᠷᠭᠡ ᠶᠢᠨ ᠲᠠᠷᠭᠤ ᠬᠦᠴᠦ ᠲᠠᠢ ᠪᠠᠶᠢᠪᠠᠯ ᠪᠦᠬᠦ ᠪᠡᠶᠡ ᠨᠢ ᠮᠢᠬᠠᠯᠢᠭ᠂ ᠰᠡᠭᠦᠯ ᠨᠢ | ᠳᠦᠭᠦᠷᠡᠩ᠂ ᠠᠯᠬᠤᠵᠦ ᠶᠠᠪᠤᠬᠤ ᠳᠠᠭᠠᠨ ᠬᠠᠵᠠᠭᠤ ᠲᠡᠰᠢ ᠪᠠᠨ ᠵᠠᠶᠢᠯᠠᠵᠦ ᠶᠠᠪᠤᠬᠤ ᠪᠤᠯᠪᠠᠴᠤ ᠭᠦᠶᠦᠬᠦ ᠦᠶᠡ | ᠳᠡᠭᠡᠨ ᠲᠡᠭᠰᠢ ᠤᠷᠤᠭᠰᠢ ᠬᠦᠳᠡᠯᠦᠨᠡ᠃ ᠵᠤ ᠨᠢᠷᠤᠭᠤ ᠶᠢ ᠨᠢ ᠪᠠᠷᠢᠵᠦ ᠦᠵᠡᠬᠦ ᠳᠤ ᠶᠠᠰᠤ ᠨᠢ ᠲᠤᠳᠤᠷᠬᠠᠢ | ᠮᠡᠳᠡᠭᠳᠡᠳᠡᠭ᠃ ᠦᠰᠦ ᠨᠢ ᠪᠠᠭᠠ ᠵᠡᠷᠭᠡ ᠢᠷᠠᠭᠳᠠᠵᠦ ᠪᠠᠶᠢᠳᠠᠭ᠃ | ◇ ᠲᠠᠷᠭᠤ ᠬᠦᠴᠦ ᠭᠦᠢᠴᠡᠭᠰᠡᠨ ᠬᠤᠨᠢᠨ ᠪ᠊ ᠵᠤ ᠨᠢᠷᠤᠭᠤ ᠬᠠᠪᠢᠷᠭᠠ ᠴᠡᠭᠡᠵᠢ ᠶᠢ ᠨᠢ ᠳᠠᠷᠤᠵᠦ ᠦᠵᠡᠬᠦ | ᠳᠤ ᠪᠦᠭᠡᠷᠡᠩᠬᠡᠢ᠂ ᠶᠠᠰᠤ ᠮᠡᠳᠡᠭᠳᠡᠬᠦ ᠦᠭᠡᠢ᠂ ᠰᠡᠭᠦᠯ ᠨᠢ ᠬᠦᠳᠡᠯᠡᠬᠦ ᠦᠭᠡᠢ᠂ ᠦᠰᠦ ᠨᠢ ᠬᠠᠭᠠᠷᠠᠬᠤ ︵ | ᠢᠷᠠᠭᠳᠠᠬᠤ︶ ᠦᠭᠡᠢ ᠨᠢᠬᠲᠠ ᠰᠢᠪᠡᠭᠡᠯᠡᠭᠰᠡᠨ ᠬᠦᠷᠡᠩ ᠪᠤᠷᠤ ᠲᠤᠰᠤᠷᠬᠠᠭ ᠦᠩᠭᠡ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠰᠦᠪᠡᠭᠡᠨ ᠪ᠊ ᠬᠠᠪᠢᠷᠭᠠ ᠨᠢ ᠪᠠᠷᠢᠭᠳᠠᠬᠤ ᠦᠭᠡᠢ᠃ | ◇ ᠢᠮᠠᠭᠠᠨ ᠪ᠊ ᠲᠠᠷᠭᠤ ᠬᠦᠴᠦ ᠶᠢ ᠵᠤ ᠨᠢᠷᠤᠭᠤ ᠬᠠᠪᠢᠷᠭᠠ ᠰᠡᠭᠡᠷ ᠢ ᠳᠠᠷᠤᠵᠦ ᠦᠵᠡᠬᠦ ᠳᠤ ᠵᠤ ᠨᠢᠷᠤᠭᠤ | ᠨᠢ ᠪᠦᠭᠡᠷᠡᠩᠬᠡᠢ ᠬᠠᠪᠢᠷᠭᠠ ᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ ᠡᠪᠴᠢᠭᠦᠨ ᠪ᠊ ᠬᠡᠷᠰᠡᠩ ᠨᠢ ᠵᠤᠵᠠᠭᠠᠨ᠂ ᠰᠡᠭᠦᠯ ᠤᠨ ᠦᠵᠦᠭᠦᠷ | ᠤᠨ ᠶᠠᠰᠤ ᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ ᠪᠠᠶᠢᠨᠠ᠃ | ᠳᠦᠷᠪᠡ᠂ ᠲᠡᠮᠡᠭᠡᠨ ᠪ᠊ ᠲᠠᠷᠭᠤ ᠬᠦᠴᠦ ᠶᠢ ᠰᠢᠨᠵᠢᠬᠦ ᠳᠡᠭᠡᠨ ᠰᠠᠯᠲᠠᠭᠠ᠂ ᠭᠤᠶᠠ ᠪᠦᠬᠦ ᠬᠤᠮ ᠵᠡᠷᠭᠡ ᠶᠢ ᠠᠵᠢᠵᠦ | ᠦᠵᠡᠨᠡ᠃ | ◇ ᠲᠤᠷᠠᠩᠬᠠᠢ ᠲᠡᠮᠡᠭᠡᠨ ᠪ᠊ ᠪᠦᠬᠦ ᠨᠢ ᠬᠡᠪᠲᠡᠭᠡ᠂ ᠭᠤᠨᠢ ᠨᠢ ᠱᠤᠯᠳᠤᠭᠤᠷ ᠪᠤᠯᠪᠠᠴᠤ ᠰᠠᠯᠲᠠᠭᠠᠨ ᠳᠠᠭᠠᠨ | ᠠᠷᠠᠰᠤ ᠪᠠᠶᠢᠬᠤ ᠦᠭᠡᠢ᠃ | ◇ ᠳᠤᠮᠳᠠ ᠵᠡᠷᠭᠡ ᠶᠢᠨ ᠲᠠᠷᠭᠤ ᠬᠦᠴᠦ ᠲᠠᠢ ᠲᠡᠮᠡᠭᠡᠨ ᠪ᠊ ᠬᠤᠶᠠᠷ ᠪᠦᠬᠦ ᠳᠦᠭᠦᠷᠡᠩ ᠦᠭᠡᠬᠦ ᠲᠠᠢ ᠪᠤᠯᠵᠦ | ᠪᠤᠰᠤᠭᠰᠠᠨ ᠪᠠᠶᠢᠬᠤ ᠪᠠ ᠪᠡᠶᠡ ᠨᠢ ᠪᠦᠳᠦᠭᠦᠷᠴᠦ ᠨᠤᠤᠰᠤ ᠨᠢ ᠵᠢᠭᠳᠡ ᠰᠠᠶᠢᠬᠠᠨ ᠤᠷᠭᠤᠭᠰᠠᠨ ᠪᠠᠶᠢᠨᠠ᠃ | ◇ ᠭᠦᠢᠴᠡᠳ ᠲᠠᠷᠭᠤᠯᠠᠭᠰᠠᠨ ᠲᠡᠮᠡᠭᠡᠨ ᠪ᠊ ᠬᠤᠶᠠᠷ ᠪᠦᠬᠦ ᠨᠢ ᠪᠤᠰᠤᠭᠠ᠂ ᠬᠤᠮ ᠨᠢ ᠳᠦᠭᠦᠷᠡᠭᠰᠡᠨ᠂ | ᠦᠰᠦ ᠨᠢ ᠨᠢᠬᠲᠠ ᠤᠷᠭᠤᠵᠦ᠂ ᠦᠩᠭᠡ ᠵᠢᠰᠦ ᠨᠢ ᠬᠦᠷᠡᠩᠲᠡᠵᠦ ᠬᠢᠯᠠᠭᠠᠰᠤᠨ ᠰᠤᠷ ᠤᠳ ᠨᠢ ᠤᠷᠲᠤ | ᠤᠷᠭᠤᠭᠰᠠᠨ ᠪᠠᠶᠢᠨᠠ᠃ ᠮᠠᠯ ᠤᠨ ᠲᠠᠷᠭᠤ ᠬᠦᠴᠦ ᠶᠢ ᠢᠩᠭᠢᠵᠦ ᠰᠢᠨᠵᠢᠯᠡᠬᠦ ᠨᠢ ᠨᠤᠲᠤᠭ ᠨᠤᠲᠤᠭ ᠲᠤ | ᠤᠶᠢᠷᠠᠯᠴᠠᠭᠠ ᠪᠤᠯᠪᠠᠴᠤ ᠮᠠᠯᠴᠢᠨ ᠬᠤᠪᠢ ᠬᠦᠮᠦᠰ ᠶᠠᠩᠵᠦ ᠶᠠᠩᠵᠦ ᠪᠠᠶᠢᠳᠠᠭ᠃ | | ᠬᠤᠯᠪᠤᠭᠠ ᠰᠦᠯᠵᠢᠶᠠ ᠳᠠᠬᠢ ᠲ᠊ · ᠨᠠᠮᠵᠢᠯᠰᠦ᠋ᠷᠥᠩ ᠤᠨ ᠪᠦᠷᠭᠡ ᠠᠴᠠ | |