ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠬᠡᠰᠢᠭᠳᠡᠨ ᠪᠦᠬᠡ ᠱᠤᠮᠪᠤ ᠶᠢᠨ ᠲᠤᠮᠤᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2014/3/13
        ᠡᠷᠳᠡ ᠦᠶ᠎ᠡ ᠳᠤ ︵1800 ᠤᠨ ᠤ ᠪᠠᠷᠤᠭ︶ ᠬᠡᠰᠢᠭᠳᠡᠨ ᠬᠤᠰᠢᠭᠤ ᠨᠤᠳᠤᠭ ᠲᠤ ᠨᠡᠷ᠎ᠡ ᠠᠯᠳᠠᠷᠰᠢᠭᠰᠠᠨ ᠱᠤᠮᠪᠤ ᠭᠡᠳᠡᠭ ᠠᠪᠤᠷᠭᠤ ᠪᠦᠬᠡᠴᠢᠨ ᠪᠠᠶᠢᠵᠦ ᠬᠡᠨ᠎ᠡ᠃ ᠲᠡᠷᠡ ᠪᠤᠯᠤᠷ ᠲᠤᠩᠭᠠᠯᠠᠭ ᠤᠰᠤ ᠲᠠᠢ ᠬᠦᠩᠭᠡᠷ ᠤᠨ ᠭᠤᠤᠯ ᠤᠨ ᠲᠡᠭᠡᠳᠦ ᠤᠷᠤᠰᠬᠠᠯ ᠤᠨ ᠬᠠᠷ᠎ᠠ ᠤᠰᠤᠨ ᠲᠤᠬᠤᠢ ᠤᠷᠴᠢᠮ ᠢᠶᠠᠷ ᠨᠤᠳᠤᠭᠯᠠᠨ ᠰᠠᠭᠤᠵᠦ ᠮᠠᠯ ᠮᠠᠯᠵᠢᠨ ᠡᠷᠦᠬᠡ ᠭᠡᠷ ᠤᠨ ᠠᠮᠢᠳᠤᠷᠠᠯ ᠢᠶᠠᠨ ᠲᠤᠳᠤᠮᠳᠠᠵᠦ ᠪᠠᠶᠢᠵᠠᠢ᠃        ᠲᠡᠷᠡ ᠬᠠᠷᠠᠬᠠᠨ ᠪᠠᠭ᠎ᠠ ᠠᠴᠠ ᠪᠠᠨ ᠠᠳᠤᠭᠤ ᠮᠠᠯ ᠬᠠᠷᠢᠭᠤᠯᠤᠨ ᠶᠠᠪᠤᠬᠤ ᠳᠠᠭᠠᠨ ᠦᠶ᠎ᠡ ᠬᠤᠷᠠᠭ ᠤᠨ ᠪᠠᠭᠠᠴᠤᠳ ᠲᠠᠢ ᠪᠠᠨ ᠪᠦᠬᠡ ᠪᠠᠷᠢᠯᠳᠤᠨ ᠨᠠᠭᠠᠳᠳᠠᠭ ᠪᠠᠶᠢᠵᠠᠢ᠂ ᠢᠩᠭᠢᠭᠰᠡᠭᠡᠷ ᠪᠠᠶᠢᠳᠠᠯ᠎ᠠ ᠴᠢᠳᠠᠯ ᠬᠦᠴᠦᠨ ᠨᠢ ᠨᠡᠮᠡᠭᠳᠡᠨ ᠪᠠᠷᠤᠭ ᠤᠨ ᠵᠠᠯᠠᠭᠤᠴᠤᠳ ᠲᠡᠭᠦᠨ ᠢ ᠲᠠᠶᠢᠯᠳᠡᠭ ᠦᠭᠡᠢ ᠪᠤᠯᠤᠭᠰᠠᠨ ᠬᠡᠨ᠎ᠡ᠃ ᠠᠷᠪᠠᠨ ᠨᠠᠢᠮᠠᠨ ᠨᠠᠰᠦ ᠬᠦᠷᠬᠦ ᠳᠤ ᠡᠷ᠎ᠡ ᠴᠢᠳᠠᠯ ᠨᠢ ᠪᠠᠳᠠᠷᠠᠵᠦ᠂ ᠠᠵᠠ ᠬᠡᠶᠢᠮᠦᠷᠢ ᠨᠢ ᠲᠡᠭᠳᠡᠵᠦ᠂ ᠠᠬᠠᠮᠠᠳ ᠪᠦᠬᠡᠴᠢᠳ ᠤᠨ ᠮᠡᠭᠡ ᠡᠷᠳᠡᠮ ᠢ ᠡᠵᠡᠮᠰᠢᠨ᠂ ᠬᠤᠰᠢᠭᠤ ᠲᠠᠶᠠᠭᠠᠷ ᠶᠠᠪᠤᠭᠳᠠᠳᠠᠭ ᠤᠪᠤᠭᠠᠨ ᠲᠠᠬᠢᠯᠭ᠎ᠠ ᠶᠢᠨ ᠨᠠᠶᠢᠷ᠂ ᠬᠤᠰᠢᠭᠤ ᠵᠠᠰᠠᠭ ᠨᠤᠶᠠᠨ ᠤ ᠨᠠᠶᠢᠷ ᠤᠨ ᠪᠦᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠤᠯᠠᠨ ᠤᠳᠠᠭ᠎ᠠ ᠲᠡᠷᠢᠭᠦᠯᠡᠪᠡ᠃ ᠢᠩᠭᠢᠭᠡᠳ ᠲᠡᠭᠦᠨ ᠤ ᠨᠠᠷ᠎ᠡ ᠬᠤᠰᠢᠭᠤ ᠨᠤᠳᠤᠭ ᠲᠠᠭᠠᠨ ᠠᠯᠳᠠᠷᠰᠢᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠵᠡᠷᠭᠡᠯᠡᠳᠡᠭᠡ ᠬᠤᠰᠢᠭᠤᠨ ᠳᠤ ᠴᠦ ᠠᠯᠳᠠᠷᠰᠢᠵᠠᠢ᠃        ᠨᠢᠭᠡᠨ ᠤᠳᠠᠭ᠎ᠠ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ ᠵᠤᠤ ᠤᠳᠠ ᠴᠢᠭᠤᠯᠭᠠᠨ ᠤ ᠦᠪᠡᠳᠡᠭᠰᠢ ᠶᠡᠭᠡ ᠨᠠᠶᠢᠷ ᠬᠢᠭᠰᠡᠨ ᠬᠡᠨ᠎ᠡ᠃ ᠶᠡᠭᠡ ᠨᠠᠶᠢᠷ ᠲᠤ ᠴᠢᠭᠤᠯᠭᠠᠨ ᠤ ᠰᠠᠶᠢᠨ ᠪᠦᠬᠡᠴᠢᠳ ᠴᠤᠭᠯᠠᠷᠠᠭᠰᠠᠨ ᠎ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠭᠠᠳᠠᠨ᠎ᠠ ᠬᠤᠰᠢᠭᠤ ᠴᠢᠭᠤᠯᠭᠠᠨ ᠤ ᠨᠡᠷᠡᠳᠦ ᠪᠦᠭᠡᠴᠢᠳ ᠴᠦ ᠮᠠᠰᠢ ᠤᠯᠠᠨ ᠢᠷᠡᠭᠰᠡᠨ ᠭᠡᠨ᠎ᠡ᠃ ᠡᠭᠦᠨ ᠳᠤ ᠦᠵᠦᠮᠦᠴᠢᠨ ᠠᠴᠠ ᠢᠷᠡᠭᠰᠡᠨ ᠨᠢᠭᠡᠨ ᠴᠤᠤᠳᠦ ᠪᠦᠬᠡᠴᠢᠨ ᠢ ᠤᠨᠠᠭᠠᠬᠤ ᠭᠡᠵᠦ ᠪᠦᠬᠡ ᠶᠢᠨ ᠲᠠᠭᠠᠭᠠᠮᠠᠯ ᠎ ᠤᠳ ᠲᠡᠷᠢᠬᠢ ᠪᠠᠨ ᠰᠢᠪᠬᠠᠵᠦ ᠶᠠᠮᠠᠷ ᠴᠦ ᠠᠷᠭ᠎ᠠ ᠤᠯᠳᠠᠭᠰᠠᠨ ᠦᠭᠡᠢ ᠬᠡᠨ᠎ᠡ᠃ ᠲᠡᠭᠡᠭᠡᠳ ᠨᠠᠶᠢᠷ ᠡᠬᠢᠯᠡᠬᠦ ᠡᠳᠦᠷ ᠢ ᠬᠡᠳᠤᠨ ᠬᠤᠨᠤᠭ ᠬᠤᠶᠢᠰᠢᠯᠠᠭᠤᠯᠵᠦ ᠪᠠᠶᠢᠭᠠᠳ ᠬᠡᠰᠢᠭᠳᠡᠨ ᠨᠤᠳᠤᠭ ᠲᠤ ᠨᠢᠭᠡᠨ ᠠᠯᠳᠠᠷᠳᠦ ᠪᠦᠬᠡᠴᠢᠨ ᠪᠠᠶᠢᠬᠤ ᠶᠢ ᠤᠯᠵᠦ ᠮᠡᠳᠡᠭᠡᠳ ᠲᠤᠰᠬᠠᠢ ᠬᠦᠮᠦᠨ ᠶᠠᠪᠤᠭᠤᠯᠵᠦ ᠬᠡᠨ᠎ᠡ᠃ ᠡᠨᠡ ᠬᠢᠷᠢ ᠪᠦᠬᠡᠴᠢᠨ ᠱᠤᠮᠪᠤ ᠶᠢᠨ ᠬᠡᠷ ᠲᠤᠨᠢ ᠴᠢᠬᠤᠯᠠ ᠤᠴᠢᠷ ᠲᠤᠬᠢᠶᠠᠯᠳᠤᠭᠰᠠᠨ ᠪᠤᠯᠪᠠᠴᠦ ᠴᠢᠭᠤᠯᠭᠠᠨ ᠨᠤᠶᠠᠨ ᠤ ᠬᠠᠳᠠᠭᠤ ᠵᠠᠷᠯᠢᠭ ᠬᠦᠷᠴᠦ ᠢᠷᠡᠭᠰᠡᠨ ᠲᠤᠯᠠ ᠠᠷᠭ᠎ᠠ ᠪᠤᠰᠦ ᠵᠠᠷᠯᠢᠭ ᠢ ᠬᠦᠯᠢᠶᠡᠵᠦ ᠡᠷᠦᠬᠡ ᠭᠡᠷ ᠤᠨ ᠴᠢᠬᠤᠯᠠ ᠤᠴᠢᠷ ᠢᠶᠠᠨ ᠤᠷᠬᠢᠵᠦ ᠪᠠᠭᠠᠷᠢᠨ ᠳᠤ ᠶᠠᠪᠤᠭᠳᠠᠭᠰᠠᠨ ᠴᠢᠭᠤᠯᠭᠠᠨ ᠨᠠᠶᠢᠷ ᠲᠤ ᠲᠤᠭᠳᠠᠭᠰᠠᠨ ᠴᠠᠭ ᠲᠤᠨᠢ ᠬᠦᠷᠴᠠᠢ᠃ ᠪᠦᠬᠡᠴᠢᠨ ᠱᠤᠮᠪᠤ ᠨᠠᠶᠢᠷ ᠡᠬᠢᠯᠡᠬᠦ ᠶᠢᠨ ᠲᠦᠷᠦᠭᠦᠦ ᠡᠳᠦᠷ ᠨᠢ ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠳᠤ ᠬᠦᠷᠴᠦ ᠦᠨᠦᠬᠢ ᠦᠵᠦᠮᠦᠴᠢᠨ ᠤ ᠴᠤᠤᠳᠦ ᠪᠦᠬᠡᠴᠢᠨ ᠲᠠᠢ ᠠᠭᠤᠯᠵᠠᠵᠦ᠂ ᠲᠤᠮᠤ ᠰᠢᠷᠡᠮᠦᠨ ᠲᠤᠭᠤᠭᠠᠨ ᠳᠤ ᠴᠢᠨᠠᠭᠰᠠᠨ ᠭᠤᠨ᠎ᠠ ᠦᠭᠡᠷ ᠤᠨ ᠰᠢᠭᠦᠰᠦ ᠶᠢ ᠬᠤᠶᠠᠭᠤᠯᠠ ᠪᠠᠨ ᠬᠤᠪᠢᠶᠠᠯᠴᠢᠨ ᠢᠳᠡᠵᠦ ᠲᠠᠭᠤᠰᠬᠠᠭᠰᠠᠨ ᠬᠡᠨ᠎ᠡ᠃ ᠦᠵᠦᠮᠦᠴᠢᠨ ᠤ ᠠᠯᠳᠠᠷᠳᠦ ᠪᠦᠬᠡᠴᠢᠨ ᠲᠤᠮᠳᠠ ᠴᠢᠮᠦᠭᠡ ᠶᠢ ᠬᠤᠭᠤ ᠮᠤᠰᠬᠢᠨ᠂ ᠢᠳᠡ ᠬᠦᠴᠦᠨ ᠢᠶᠠᠨ ᠭᠠᠶᠢᠬᠠᠭᠤᠯᠵᠦ᠂ ᠴᠢᠮᠦᠬᠡ ᠶᠢᠨ ᠲᠤᠰᠦ ᠶᠢ ᠨᠢ ᠰᠤᠷᠤᠵᠦ ᠢᠳᠡᠬᠦ ᠳᠤ ᠪᠦᠬᠡᠴᠢᠨ ᠱᠤᠮᠪᠤ ᠪᠤᠭᠳᠤᠰ ᠴᠢᠮᠦᠭᠡ ᠶᠢ ᠬᠤᠭᠤ ᠡᠪᠦᠳᠦᠭᠯᠡᠵᠦ ᠢᠳᠡᠯᠡᠭᠰᠡᠨ ᠬᠦᠴᠦᠨ ᠳᠡᠭᠡᠨ ᠬᠤᠶᠠᠷ ᠲᠤᠬᠤᠢ ᠪᠠᠷ ᠢᠶᠠᠨ ᠦᠵᠦᠮᠦᠴᠢᠨ ᠤ ᠴᠤᠤᠳᠦ ᠪᠦᠬᠡ ᠶᠢᠨ ᠲᠡᠷᠢᠭᠦᠨ ᠱᠠᠩ ᠬᠢᠬᠦ ᠭᠡᠵᠦ ᠪᠡᠯᠡᠳᠭᠡᠭᠰᠡᠨ ᠰᠦᠬᠦᠮ ᠵᠤᠵᠠᠭᠠᠨ ᠽᠠᠨᠳᠠᠨ ᠮᠤᠳᠤᠨ ᠠᠪᠳᠠᠷ᠎ᠠ ᠶᠢ ᠨᠢ ᠴᠦᠮᠦ ᠨᠦᠳᠦᠭᠰᠡᠨ ᠬᠡᠨ᠎ᠡ᠃        ᠨᠠᠶᠢᠷ ᠬᠡᠳᠦᠨ ᠡᠳᠦᠷ ᠦᠷᠭᠦᠯᠵᠢᠯᠡᠨ ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠶᠠᠪᠤᠭᠳᠠᠵᠦ ᠰᠢᠪᠳᠤᠷᠭᠠᠨ ᠎ ᠳᠠᠭᠠᠨ ᠤᠷᠤᠬᠤ ᠳᠤ ᠲᠠᠷᠢᠭᠦᠨ ᠲᠠᠳ᠋ ᠲᠤ ᠡᠳᠡ ᠬᠤᠶᠠᠭᠤᠯᠠ ᠪᠠᠨ ᠦᠯᠡᠳᠡᠵᠠᠢ᠃ ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠳᠠᠬᠢ ᠴᠢᠭᠤᠯᠭᠠᠨ ᠨᠤᠶᠠᠳ ᠤᠨ ᠨᠢᠳᠤᠨ ᠬᠠᠷᠠᠴᠠ ᠬᠤᠶᠠᠷ ᠪᠦᠬᠡᠴᠢᠨ ᠲᠡᠭᠡᠷ᠎ᠡ ᠲᠤᠭᠳᠠᠵᠦ᠂ ᠨᠠᠶᠢᠷ ᠰᠤᠨᠢᠷᠬᠠᠭᠴᠢᠳ ᠴᠦᠮ ᠬᠤᠶᠠᠷ ᠪᠦᠬᠡᠴᠢᠨ ᠤ ᠢᠯᠠᠵᠦ ᠢᠯᠠᠭᠳᠠᠬᠤ ᠶᠢ ᠨᠢᠳᠦ ᠴᠠᠪᠴᠢᠯ ᠦᠭᠡᠢ ᠰᠢᠷᠳᠡᠨ᠎ᠡ᠃ ᠱᠤᠮᠪᠤ ᠪᠤᠯ ᠬᠦᠳᠡᠷ ᠲᠤᠮᠤ ᠪᠡᠶ᠎ᠡ ᠲᠠᠢ᠂ ᠬᠦᠴᠦ ᠲᠤᠷᠪᠢᠯᠢᠭ ᠮᠦᠷᠳᠡᠭᠡᠨ ᠤᠬᠠᠭᠠᠨ ᠪᠢᠯᠢᠭ ᠬᠤᠷᠴᠠᠯᠢᠭ ᠡᠷ᠎ᠡ ᠶᠤᠮ᠃ ᠲᠡᠳᠡ ᠬᠤᠶᠠᠭᠤᠯᠠ ᠶᠢᠨ ᠴᠢᠳᠠᠯ ᠬᠦᠴᠦᠨ᠂ ᠮᠡᠭᠡ ᠡᠷᠳᠡᠮ ᠬᠡᠨ ᠠᠯᠢᠨ ᠠᠴᠠ ᠪᠠᠨ ᠲᠡᠮᠡᠢ ᠲᠤᠳᠠᠬᠤ ᠦᠭᠡᠢ᠂ ᠶᠤᠰᠤᠳᠠᠢ ᠴᠢᠳᠠᠯ ᠬᠦᠴᠦᠨ ᠲᠡᠩᠴᠡᠭᠰᠡᠨ ᠬᠤᠶᠠᠷ ᠰᠤᠳᠤᠨ ᠪᠦᠬᠡᠴᠢᠨ ᠪᠠᠶᠢᠵᠠᠢ᠃ ᠬᠤᠶᠠᠭᠤᠯᠠ ᠪᠠᠷᠤᠭ ᠡᠳᠦᠷ ᠰᠢᠬᠠᠮ ᠦᠵᠡᠯᠴᠡᠭᠡᠳ ᠬᠡᠨ ᠠᠯᠢ ᠪᠠᠨ ᠲᠡᠶᠢᠯᠬᠦ ᠦᠭᠡᠢ ᠨᠠᠷᠠ ᠰᠢᠩᠭᠡᠬᠦ ᠶᠢᠨ ᠪᠠᠷᠤᠭ ᠪᠤᠯᠬᠤ ᠳᠤ ᠪᠦᠬᠡᠴᠢᠨ ᠱᠤᠮᠪᠤ ᠶᠢᠨ ᠬᠡᠨᠡᠳᠳᠡ ᠶᠢᠨ ᠬᠦᠴᠦᠳᠦ ᠲᠠᠳᠠᠭ᠎ᠠ ᠳᠤ ᠦᠵᠦᠮᠦᠴᠢᠨ ᠪᠦᠬᠡ ᠬᠠᠷᠢᠨ ᠪᠤᠳᠠ ᠡᠪᠡᠰᠦᠨ ᠳᠤ ᠪᠦᠷᠦᠷᠢᠵᠦ ᠤᠶᠢᠴᠢᠭᠰᠠᠨ ᠬᠡᠨ᠎ᠡ᠃ ᠢᠩᠭᠢᠭᠡᠳ ︽ᠪᠦᠬᠡ ᠬᠦᠮᠦᠨ ᠪᠦᠳᠦᠭᠦᠨ ᠡᠪᠡᠰᠦᠨ ᠳᠤ ᠪᠦᠳᠦᠷᠢᠨ᠎ᠡ︾ ᠭᠡᠳᠡᠭ ᠬᠡᠯᠡᠯᠬᠡ ᠪᠤᠢ ᠪᠤᠯᠤᠭᠰᠠᠨ ᠬᠡᠳᠡᠭ᠃        ᠠᠯᠳᠠᠷᠳᠦ ᠪᠦᠬᠡᠴᠢᠨ ᠱᠤᠮᠪᠤ ᠴᠢᠭᠤᠯᠭᠠᠨ ᠨᠤᠶᠠᠨ ᠤ ᠵᠠᠷᠯᠢᠭ ᠢ ᠪᠡᠶᠡᠯᠡᠬᠦᠯᠵᠦ᠂ ᠭᠠᠪᠢᠶ᠎ᠡ ᠪᠠᠶᠢᠭᠤᠯᠤᠨ᠂ ᠬᠤᠰᠢᠭᠤ ᠨᠤᠳᠤᠭ ᠤᠨ ᠢᠶᠠᠨ ᠨᠡᠷ᠎ᠡ ᠠᠯᠳᠠᠷ ᠢ ᠮᠠᠨᠳᠤᠭᠤᠯᠵᠦ᠂ ᠡᠷᠦᠬᠡ ᠬᠡᠷ ᠲᠡᠭᠡᠨ ᠶᠠᠭᠠᠷᠠᠥ ᠬᠠᠷᠢᠵᠦ ᠢᠷᠡᠭᠰᠡᠨ ᠬᠡᠨ᠎ᠡ᠃        ᠠᠯᠳᠠᠷᠳᠦ ᠪᠦᠬᠡᠴᠢᠨ ᠱᠤᠮᠪᠤ ᠴᠢᠭᠤᠯᠭᠠᠨ ᠨᠠᠶᠢᠷ ᠠᠴᠠ ᠬᠠᠷᠢᠵᠦ ᠢᠷᠡᠭᠰᠡᠨ ᠤ ᠲᠠᠷᠠᠭ᠎ᠠ ᠵᠢᠷᠦᠬᠡ ᠭᠤᠤᠯ ᠨᠢ ᠰᠠᠪᠠᠵᠦ ᠬᠡᠪᠳᠡᠵᠦ ᠰᠠᠭᠤᠭᠠᠳ ᠲᠤᠭᠳᠠᠭᠤᠷᠢ ᠦᠭᠡᠢ ᠭᠤᠷᠪᠠ ᠬᠤᠨᠤᠵᠦ ᠠᠷᠭ᠎ᠠ ᠮᠤᠬᠤᠷᠳᠠᠬᠤ ᠎ ᠳᠠᠭᠠᠨ ᠠᠭᠳᠠ ᠮᠤᠷᠢᠨ ᠳᠠᠭᠠᠨ ᠮᠤᠷᠳᠠᠵᠦ ᠭᠠᠷ ᠲᠠᠭᠠᠨ ᠤᠷᠭ᠎ᠠ ᠪᠠᠨ ᠲᠤᠬᠤᠶᠢᠯᠠᠵᠦ ᠬᠤᠩᠭᠤ ᠶᠢᠨ ᠠᠭᠤᠯᠠ ᠶᠢᠨ ᠠᠷᠦ ᠪᠠᠷ ᠠᠪᠠ ᠬᠢᠵᠠᠢ᠃ ᠰᠢᠵᠢᠷ ᠭᠤᠤᠯ ᠤᠨ ᠲᠤᠬᠤᠢ ᠳᠠᠬᠢ ᠪᠠᠯᠠᠷ ᠪᠤᠷᠭᠠᠰᠤᠨ ᠳᠤ ᠮᠤᠷᠢ ᠪᠠᠨ ᠨᠢᠭᠤᠨ ᠤᠶᠠᠵᠦ ᠂ ᠭᠤᠤᠯ ᠤᠨ ᠬᠦᠪᠡᠬᠡᠨ ᠤ ᠪᠢᠳᠡᠭᠦᠦ ᠪᠤᠷᠭᠠᠰᠤᠨ ᠳᠤ ᠪᠡᠶ᠎ᠡ ᠲᠠᠯᠳᠠᠯᠠᠨ ᠦᠳᠡ ᠶᠢᠨ ᠬᠠᠯᠠᠭᠤᠨ ᠳᠤ ᠤᠰᠦ ᠤᠤᠭᠤᠬᠤ ᠪᠠᠷ ᠢᠷᠡᠬᠦ ᠪᠤᠭᠤ ᠶᠢ ᠤᠷᠭᠠᠯᠠᠬᠤ ᠪᠠᠷ ᠬᠦᠯᠢᠶᠡᠵᠦ ᠪᠠᠶᠢᠭᠠᠳ ᠨᠢᠭᠡᠨ ᠬᠠᠨᠳᠠᠭᠠᠢ ᠪᠤᠭᠤ ᠶᠢ ᠤᠷᠭᠠᠯᠠᠨ ᠠᠪᠤᠪᠠ᠃ ᠲᠡᠭᠡᠬᠦ ᠳᠤ ᠠᠭᠤᠯᠠ ᠶᠢᠨ ᠵᠡᠷᠯᠢᠭ ᠬᠠᠨᠳᠠᠭᠠᠢ ᠪᠤᠭᠤ ᠦᠵᠡᠭᠡ ᠦᠭᠡᠢ ᠪᠠᠨ ᠦᠵᠡᠵᠦ᠂ ᠦᠷᠭᠦᠨ ᠨᠠᠳᠬᠤᠵᠦ ᠤᠷᠤᠭᠰᠢ ᠬᠦᠶᠦᠬᠦ ᠳᠤ ᠪᠦᠬᠡᠴᠢᠨ ᠱᠤᠮᠪᠤ ᠪᠤᠷᠪᠢ ᠪᠠᠷ ᠢᠶᠠᠨ ᠬᠤᠶᠢᠰᠢ ᠪᠠᠨ ᠢᠳᠡᠯᠡᠨ ᠰᠠᠭᠤᠭᠰᠠᠨ ᠬᠡᠪ ᠎ ᠢᠶᠠᠷ ᠴᠢᠷᠦᠭᠳᠡᠭᠡᠳ ᠬᠤᠶᠠᠷ ᠭᠠᠵᠠᠷ ᠢᠯᠡᠭᠦᠦ ᠶᠠᠪᠤᠭᠰᠠᠨ ᠴᠢᠨᠢ ᠬᠤᠶᠠᠷ ᠬᠦᠯ ᠤᠨ ᠬᠢᠨᠢ ᠪᠤᠷᠪᠢ ᠶᠢᠨ ᠮᠦᠷ ᠢᠶᠠᠷ ᠎ ᠨᠢ ᠬᠤᠶᠠᠷ ᠬᠦᠨ ᠰᠤᠪᠠᠭ ᠭᠠᠷᠴᠦ ᠬᠡᠨ᠎ᠡ᠃ ᠡᠨᠡ ᠭᠠᠵᠠᠷ ᠢ ᠤᠳᠤ ᠪᠤᠯᠳᠠᠯ᠎ᠠ ᠱᠤᠮᠪᠤ ᠶᠢᠨ ᠭᠤᠤ ᠶᠢᠨ ᠰᠤᠪᠠᠭ ᠭᠡᠵᠦ ᠨᠡᠷᠡᠶᠢᠳᠦᠭᠰᠡᠭᠡᠷ ᠪᠢᠯᠡ᠃ ᠪᠤᠭᠤ ᠤᠷᠭᠠᠯᠠᠭᠠᠳ ᠲᠡᠮᠡᠢ ᠭᠡᠳᠦ ᠬᠤᠨᠤᠯ ᠦᠭᠡᠢ ᠠᠯᠳᠠᠷᠳᠦ ᠪᠦᠬᠡᠴᠢᠨ ᠱᠤᠮᠪᠤ ᠠᠯᠳᠠᠨ ᠲᠡᠯᠡᠭᠡᠢ ᠳᠤ ᠨᠡᠷ᠎ᠡ ᠪᠠᠨ ᠦᠯᠡᠳᠡᠭᠡᠵᠦ ᠡᠨᠡ ᠬᠤᠷᠸ᠎ᠠ ᠠᠴᠠ ᠠᠶᠠᠷᠯᠠᠵᠠᠢ᠃ ᠡᠨᠡ ᠨᠢ ᠪᠦᠬᠡ ᠢᠳᠤᠭᠠᠨ ᠤ ᠬᠠᠷᠢᠶᠠᠯ ᠬᠤᠤᠷᠯᠠᠯ ᠠᠴᠠ ᠪᠤᠯᠤᠯ᠎ᠠ ᠭᠡᠵᠦ ᠶᠠᠷᠢᠭᠳᠠᠳᠠᠭ ᠰᠠᠨ᠃         ︵︽ᠬᠡᠰᠢᠭᠳᠡᠨ ᠤ ᠨᠠᠶᠢᠷ ᠨᠠᠭᠠᠳᠤᠮ︾᠎ ᠳᠠᠬᠢ ᠭ᠊᠂ ᠮᠦᠩᠭᠡᠨᠠᠰᠦᠨ ᠤ ︽ᠱᠤᠮᠪᠤ ᠠᠪᠤᠷᠭᠤ ᠎ ᠶᠢᠨ ᠲᠤᠮᠤᠭ︾᠎ ᠢ ᠦᠨᠳᠦᠰᠦᠯᠡᠨ ᠨᠠᠶᠢᠷᠠᠭᠤᠯᠪᠠ︶  
  
ᠢᠷᠡᠯᠲᠡ᠄ ᠰᠢᠯᠢ ᠶᠢᠨ ᠭᠤᠤᠯ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备09001939号