| | | | ᠬᠡᠦᠬᠡᠳ ᠢᠶᠠᠨ ᠡᠷᠡᠭᠦᠯ ᠡᠩᠬᠡ᠂ ᠰᠡᠴᠡᠨ ᠰᠡᠷᠭᠦᠯᠡᠩ᠂ ᠤᠢ ᠪᠢᠯᠢᠭ ᠬᠤᠷᠴᠠ᠂ ᠦᠩᠭᠡ | ᠵᠢᠰᠤ ᠳᠡᠭᠰᠢ ᠲᠦᠪᠯᠡᠭᠦᠨ᠂ ᠭᠤᠸᠠ ᠦᠵᠡᠰᠭᠦᠯᠡᠩ᠂ ᠶᠤᠰᠤ ᠨᠤᠮ ᠲᠠᠢ᠂ ᠨᠡᠩ ᠴᠤ ᠤᠳᠤᠮ ᠤᠭᠰᠠᠭᠠ᠂ | ᠦᠨᠳᠦᠰᠦᠳᠡᠨ ᠶᠠᠰᠤᠳᠠᠨ ᠢᠶᠠᠨ ᠵᠠᠯᠭᠠᠮᠵᠢᠯᠠᠭᠰᠠᠨ ᠬᠦᠮᠦᠨ ᠪᠤᠯᠭᠠᠨ ᠦᠰᠭᠡᠨ ᠬᠦᠮᠦᠵᠢᠭᠦᠯᠬᠦ ᠨᠢ ᠡᠬᠡ ᠡᠴᠢᠭᠡ | ᠪᠤᠯᠤᠭᠰᠠᠳ ᠨᠢᠬᠡᠪᠦᠷᠢ ᠶᠢᠨ ᠬᠦᠰᠡᠨ ᠰᠠᠨᠠᠬᠤ ᠶᠠᠪᠤᠳᠠᠯ ᠪᠤᠯᠤᠨᠡ᠃ ᠮᠠᠨ ᠤ ᠮᠤᠩᠭᠤᠯᠴᠤᠳ ᠠᠯᠢ ᠡᠷᠳᠡ ᠠᠴᠠ | ᠤᠯᠠᠮᠵᠢᠯᠡᠯᠲᠤ ᠴᠡᠭᠡᠷ ᠶᠤᠰᠤ ᠪᠠᠷ ᠦᠷᠡ ᠬᠡᠤᠭᠡᠳ ᠢᠶᠠᠨ ᠰᠤᠷᠭᠠᠳᠠᠭ ᠨᠢᠭᠡᠨ ᠠᠷᠭᠠ ᠪᠠᠶᠢᠭᠰᠠᠨ ᠢ ︽ᠮᠤᠩᠭᠤᠯ ᠤᠨ | ᠨᠢᠭᠤᠴᠠ ᠲᠤᠪᠴᠢᠶᠠᠨ︾᠂ ︽ᠬᠤᠪᠢᠯᠠᠢ ᠬᠠᠭᠠᠨ︾᠂ ︽ᠲᠡᠯᠡᠬᠡᠢ ᠶᠢᠨ ᠪᠠᠶᠢᠯᠳᠤᠨ ᠲᠠᠭᠠᠭᠤᠯᠤᠭᠴᠢ ᠶᠢᠨ ᠲᠡᠤᠬᠡ︾ | ᠵᠡᠷᠭᠡ ᠨᠤᠮ ᠳᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ᠂ ᠲᠤᠯᠤᠢ ᠶᠢᠨ ᠰᠤᠷᠬᠠᠭᠳᠠᠨᠢ ᠬᠠᠳᠤᠨ ᠬᠦᠪᠡᠭᠦᠳᠢᠶ᠋ᠠᠨ ᠬᠠᠭᠠᠨᠴᠠᠯ ᠵᠠᠳᠠᠷᠠᠯ ᠢ | ᠰᠡᠷᠡᠮᠵᠢᠭᠦᠯᠵᠤ ᠡᠪᠯᠡᠷᠡᠯ ᠨᠢᠬᠡᠳᠦᠯ ᠢ ᠴᠢᠬᠤᠯᠠᠴᠢᠯᠠᠨ᠂ ᠬᠡᠳᠡᠷ ᠲᠤᠭᠰᠢᠨ ᠢ ᠡᠰᠡᠷᠬᠦᠴᠡᠵᠤ ᠦᠭᠭᠢᠶᠡᠮᠦᠷᠴᠢ | ᠴᠠᠶᠢᠯᠠᠭᠠᠨ ᠢ ᠲᠡᠮᠵᠢᠨ᠂ ᠠᠯᠵᠢᠭᠤ ᠵᠠᠯᠬᠠᠭᠤ ᠶᠢ ᠵᠢᠭ᠍ᠰᠢᠵᠤ ᠠᠵᠢᠯᠴᠢ ᠬᠦᠳᠡᠯᠮᠦᠷᠢᠴᠢ ᠶᠢ ᠡᠷᠬᠢᠮᠯᠡᠵᠤ᠂ ᠡᠷᠬᠡ ᠰᠦᠷ | ᠂ ᠡᠳ᠋ ᠮᠦᠩᠭᠦ ᠳᠤ ᠰᠢᠨᠤᠬᠤ ᠶᠢ ᠴᠡᠭᠡᠷᠯᠡᠵᠤ᠂ ᠤᠳᠤᠮ ᠤᠭᠰᠠᠭᠠ᠂ ᠨᠤᠳᠤᠭ ᠤᠷᠤᠨ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠬᠤ ᠶᠢ | ᠬᠡᠴᠢᠶᠡᠨ ᠰᠤᠷᠭᠠᠭᠰᠡᠨ ᠤᠯᠠ ᠮᠦᠷ ᠪᠠᠶᠢᠳᠠᠭ ᠪᠦᠭᠡᠳ ᠡᠳᠦᠭᠡ ᠳᠤ ᠬᠦᠷᠳᠡᠯᠡ ᠤᠯᠠᠷᠢᠨ ᠬᠦᠭᠵᠢᠵᠤ᠂ | ᠤᠯᠠᠮᠵᠢᠯᠠᠭᠳᠠᠨ ᠬᠡᠷᠡᠭᠯᠡᠭᠳᠡᠭᠰᠡᠭᠡᠷ ᠢᠷᠡᠵᠡᠢ᠃ ᠡᠬᠦᠨ ᠤ ᠰᠢᠮᠡ ᠪᠠᠷ ᠦᠰᠴᠤ ᠲᠤᠷᠨᠢᠭᠰᠡᠨ ᠮᠤᠩᠭᠤᠯᠴᠤᠳ ᠠᠯᠢ | ᠴᠤ ᠤᠯᠤᠰ ᠦᠨᠳᠦᠰᠦᠳᠡᠨ ᠠᠴᠠ ᠲᠤᠤᠷᠡ ᠦᠭᠡᠢ ᠪᠤᠯᠪᠠᠰᠤᠨ ᠰᠤᠶᠤᠯ ᠲᠠᠢ ᠶᠠᠪᠤᠭᠰᠠᠨ ᠢ ᠲᠡᠤᠬᠡ ᠪᠢᠳᠠᠨ ᠳᠤ | ᠬᠡᠷᠡᠴᠢᠯᠡᠵᠤ ᠪᠤᠢ︕ ᠡᠨᠡᠬᠦ ᠦᠩ ᠰᠢᠮᠡᠯᠢᠭ ᠰᠤᠶᠤᠯ ᠤᠨ ᠬᠦᠷᠦᠰᠦᠨ ᠠᠴᠠ ᠤᠳᠤ ᠦᠶᠡ ᠶᠢᠨ ᠭᠡᠷ ᠤᠨ ᠠᠬᠠᠮᠠᠳ | ᠪᠤᠯᠤᠭᠰᠠᠳ ᠬᠡᠤᠬᠡᠳ ᠪᠠᠭᠠᠴᠤᠳ ᠲᠤ ᠪᠠᠨ ᠮᠡᠳᠡᠭᠦᠯᠪᠡᠰᠦ ᠵᠤᠬᠢᠬᠤ ᠨᠢᠭᠡ ᠪᠦᠯᠦᠭ ᠤᠯᠠᠮᠵᠢᠯᠠᠯᠳᠤ ᠰᠤᠷᠭᠠᠯ ᠢ | ᠠᠳᠡ ᠵᠤᠷᠪᠤᠰᠤᠯᠠᠨ ᠲᠠᠶᠢᠯᠪᠤᠷᠢᠯᠠᠶᠠ᠂ ᠠᠮᠢᠳᠤᠷᠠᠯ ᠰᠤᠷᠤᠯᠭᠠ ᠳᠤ ᠪᠠᠨ ᠠᠩᠬᠠᠷᠤᠨ ᠬᠢᠴᠢᠶᠡᠮᠦ︕ | 1. ᠡᠪᠦᠭᠡ ᠲᠡᠭᠡᠳᠦᠰ ᠤᠨ ᠢᠶᠠᠨ ᠦᠯᠡᠳᠡᠭᠡᠭᠰᠡᠨ ᠰᠤᠷᠭᠠᠯ ᠵᠠᠬᠢᠶᠠ ᠶᠢ ᠨᠠᠰᠤᠨ ᠲᠤᠷᠰᠢᠳᠠ | ᠪᠠᠳᠤ ᠴᠡᠭᠡᠵᠢᠯᠡᠵᠤ ᠶᠠᠪᠤ᠃ ᠡᠰᠡᠪᠡᠯ ᠭᠤᠯᠤᠮᠳᠠ ᠬᠠᠷᠠᠯᠠᠨᠠ ᠭᠡᠳᠡᠭ᠃ | 2. ᠠᠶᠠᠨ ᠵᠠᠮ ᠳᠤ ᠴᠢᠨᠢ ᠤᠪᠤᠭᠠ ᠲᠠᠭᠠᠷᠠᠯᠳᠤᠪᠠᠯ ᠴᠢᠯᠠᠭᠤ ᠨᠡᠮᠡᠬᠦ ᠪᠤᠶᠤ ᠨᠠᠷᠠ ᠵᠦᠪ | ᠭᠤᠷᠪᠠ ᠲᠤᠭᠤᠷᠢᠵᠤ ᠮᠦᠷᠬᠦᠭᠡᠳ ᠶᠠᠪᠤ᠃ ᠡᠰᠡᠪᠡᠯ ᠰᠠᠨᠠᠭᠰᠠᠨ ᠦᠢᠯᠡ ᠡᠰᠡ ᠪᠦᠳᠦᠨᠡ ᠭᠡᠳᠡᠭ᠃ | 3. ᠶᠠᠭᠤ ᠬᠢᠭᠰᠡᠨ ᠴᠤ ᠪᠤᠰᠤᠳ ᠲᠤ ᠲᠤᠰᠠ ᠲᠠᠢ ᠪᠠᠶᠢᠬᠤ ᠶᠢ ᠪᠤᠳᠤ᠃ ᠪᠤᠰᠤᠳ ᠲᠤ | ᠨᠢᠭᠡ ᠮᠠᠭᠤ ᠬᠢᠪᠡᠯ ᠦᠪᠡᠷ ᠲᠤ ᠨᠢ ᠭᠤᠷᠪᠡᠨ ᠮᠠᠭᠤ ᠢᠷᠡᠨᠡ ᠬᠡᠳᠡᠭ᠃ | 4. ᠬᠡᠤᠬᠡᠳ ᠬᠦᠮᠦᠨ ᠪᠤᠷᠪᠢ ᠲᠤᠶᠢᠭ ᠤᠨ ᠮᠢᠬᠠ ᠢᠳᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠡᠰᠡᠪᠡᠯ | ᠵᠠᠯᠬᠠᠭᠤ ᠪᠤᠯᠤᠨᠠ ᠭᠡᠳᠡᠭ᠃ | 5. ᠬᠤᠭᠤᠯᠠ ᠪᠤᠳᠠᠭᠠ ᠪᠠᠨ ᠢᠳᠡᠮᠡᠭᠴᠡ ᠴᠢᠨᠠᠭᠰᠢ ᠤᠨᠳᠠᠵᠤ ᠠᠮᠠᠷᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ | ᠡᠰᠡᠪᠡᠯ ᠪᠤᠶᠠᠨ ᠢᠶᠠᠨ ᠲᠠᠭᠠᠭᠠᠬᠤ ᠦᠭᠡᠢ ᠪᠤᠯᠤᠨᠡ ᠬᠡᠳᠡᠭ᠃ | 6. ᠦᠩᠭᠡᠨ ᠳᠤ ᠰᠢᠨᠤᠪᠠᠯ ᠶᠠᠰᠤ ᠬᠡᠤᠷᠰᠢᠵᠤ᠂ ᠮᠦᠩᠭᠦᠨ ᠳᠤ ᠰᠢᠨᠤᠪᠠᠯ ᠠᠮᠢ | ᠪᠤᠭᠤᠨᠢᠰᠤᠨᠠ ᠬᠡᠳᠡᠭ᠃ | 7. ᠬᠤᠳᠠᠯ ᠬᠡᠯᠡᠵᠤ ᠬᠤᠪ ᠬᠤᠩᠰᠢᠶᠠᠷ ᠵᠦᠭᠡᠭᠡᠪᠡᠯ ᠬᠡᠯᠡᠭᠡᠢ ᠪᠤᠯᠤᠨᠠ ᠭᠡᠳᠡᠭ᠃ | 8. ᠬᠡᠷ ᠲᠤ ᠴᠢᠨᠢ ᠬᠡᠶᠢᠴᠢᠨ ᠲᠠᠢ ᠦᠶᠡ ᠰᠢᠪᠡᠨᠡᠯᠴᠡᠬᠦ ᠪᠤᠶᠤ ᠬᠠᠰᠬᠢᠷᠤᠯᠴᠠᠬᠤ᠂ ᠳᠤᠭᠤᠰᠤ | ᠬᠦᠳᠡᠯᠬᠡᠬᠦ᠂ ᠬᠠᠭᠠᠯᠭᠠ ᠡᠬᠦᠳᠡ ᠪᠠᠨ ᠰᠠᠪᠠᠭ᠋ᠤ᠂ ᠳᠤᠭᠤᠭᠠ ᠰᠢᠨᠠᠭᠠ ᠪᠠᠨ ᠲᠤᠤᠭᠠᠷᠭᠠᠬᠤ ᠵᠡᠷᠬᠡ ᠶᠢ ᠴᠡᠬᠡᠷᠯᠡᠳᠡᠭ᠃ | ᠡᠰᠡ ᠲᠡᠶᠢᠮᠤ ᠪᠤᠯ ᠬᠦᠨᠳᠤ ᠪᠠᠨ ᠪᠠᠷᠠᠨᠠ ᠭᠡᠳᠡᠭ᠃ | 9. ᠪᠤᠰᠤᠳ ᠬᠦᠮᠦᠨ ᠤ ᠲᠡᠷᠭᠡᠳᠡ ᠰᠢᠪᠡᠨᠡᠯᠳᠦᠨ ᠶᠠᠷᠢᠯᠴᠠᠬᠤ ᠦᠭᠡᠢ᠃ ᠪᠤᠰᠤᠳ ᠲᠤ | ᠶᠠᠭᠤᠮᠠ ᠦᠭᠬᠦ ᠳᠤ ᠪᠠᠨ ᠪᠤᠷᠤᠭᠤ ᠭᠠᠷ ᠢᠶᠠᠷ ᠢᠶᠠᠨ ᠪᠤᠶᠤ ᠬᠤᠷᠤᠭᠤᠨ ᠰᠠᠯᠠᠭᠠᠨ ᠳᠤ ᠪᠠᠨ ᠬᠠᠪᠴᠢᠭᠤᠯᠵᠤ | ᠡᠯᠬᠦᠵᠤ ᠦᠭᠬᠦ ᠶᠢ ᠴᠡᠬᠡᠷᠯᠡᠳᠡᠭ᠂ ᠠᠪᠬᠤ ᠦᠶᠡ ᠳᠤ ᠴᠤ ᠪᠤᠷᠤᠭᠤ ᠭᠠᠷ ᠪᠤᠶᠤ ᠦᠷᠦᠬᠡᠰᠦᠨ ᠭᠠᠷ ᠢᠶᠠᠷ ᠢᠶᠠᠨ | ᠳᠤᠰᠬᠤ ᠶᠢ ᠴᠡᠬᠡᠷᠯᠡᠳᠡᠭ᠃ ᠢᠩᠬᠢᠭᠦ ᠨᠢ ᠲᠤᠳᠤᠮ ᠰᠤᠷᠭᠠᠯ ᠢᠶᠠᠷ ᠲᠤᠳᠠᠮᠠᠭ ᠲᠤ ᠲᠤᠭᠠᠭᠴᠠᠭᠳᠠᠨᠠ᠃ | 10. ᠬᠦᠳᠡᠭᠡ ᠬᠡᠬᠡᠷᠡ᠂ ᠵᠡᠬᠡᠯᠢ ᠭᠤᠳᠤᠮᠵᠢᠨ ᠳᠤ ᠠᠬᠠᠮᠠᠳ ᠨᠠᠰᠤᠳᠠᠨ ᠪᠤᠶᠤ ᠳᠠᠨᠢᠵᠤ | ᠮᠡᠳᠡᠬᠦ ᠬᠦᠮᠦᠨ ᠵᠤᠯᠭᠠᠪᠠᠯ ᠤᠨᠠᠭᠠ ᠬᠦᠰᠬᠡ ᠠᠴᠠ ᠪᠠᠨ ᠪᠠᠭᠤᠵᠤ ᠠᠮᠤᠷ ᠮᠡᠨᠳᠤ ᠠᠰᠠᠭᠤᠵᠤ ᠪᠠᠶᠢᠳᠠᠭ ᠬᠡᠤᠬᠡᠳ | ᠶᠤᠰᠤ ᠨᠤᠮ ᠲᠠᠢ ᠳᠤ ᠳᠤᠭᠠᠴᠠᠭᠳᠠᠨᠠ᠃ | 11. ᠠᠶᠠᠭᠠᠨ ᠳᠤ ᠪᠠᠨ ᠬᠡᠵᠢᠶᠡᠳᠡ ᠪᠤᠳᠠᠭᠠ ᠦᠯᠡᠳᠡᠬᠡᠬᠦ ᠪᠤᠶᠤ ᠭᠠᠳᠠᠭᠤᠷ ᠳᠤᠳᠤᠭᠤᠷ ᠨᠢ | ᠠᠰᠬᠠᠭᠠᠳ ᠪᠠᠶᠢᠳᠠᠭ ᠬᠡᠤᠬᠡᠳ ᠪᠤᠶᠠᠨ ᠢᠶᠠᠨ ᠪᠠᠷᠠᠨᠠ ᠬᠡᠳᠡᠭ᠃ | 12. ᠪᠤᠳᠠᠭᠠ ᠢᠳᠡᠬᠦ ᠪᠤᠶᠤ ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠪᠠᠨ ᠳᠠᠩᠳᠠ ᠬᠦᠯ ᠢᠶᠠᠨ | ᠬᠦᠳᠡᠯᠬᠡᠬᠡᠳ ᠪᠠᠶᠢᠪᠠᠯ ᠠᠮᠠᠨ ᠬᠦᠨᠡᠰᠤ ᠨᠢ ᠪᠠᠷᠤᠭᠳᠠᠴᠢᠬᠠᠨᠠ ᠬᠡᠬᠦ ᠪᠤᠶᠤ ᠠᠪᠤ ᠡᠵᠢ ᠶᠢᠨ ᠴᠢᠨᠢ ᠬᠢᠳᠡᠯ ᠠᠵᠢᠯ | ᠤᠯᠠᠳᠠᠨᠠ ᠬᠡᠳᠡᠭ︕ | 13. ᠬᠤᠭᠤᠯᠠᠨ ᠤ ᠳᠠᠷᠠᠭᠠ ᠠᠶᠠᠭᠠ ᠰᠢᠨᠠᠭᠠ᠂ ᠳᠤᠭᠤᠭᠠ ᠰᠠᠪᠠ ᠪᠠᠨ ᠴᠠᠭ ᠳᠠᠷᠤᠢ ᠳᠤ | ᠨᠢ ᠤᠬᠢᠶᠠᠵᠤ ᠴᠡᠪᠡᠷᠯᠡᠬᠦ ᠦᠬᠡᠢ ᠬᠡᠷᠡᠭᠯᠡᠭᠰᠡᠨ ᠢᠶᠠᠷ ᠨᠢ ᠬᠠᠶᠠᠪᠠᠯ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠪᠤᠯᠤᠨᠠ ᠬᠡᠵᠤ ᠬᠡᠯᠡᠳᠡᠭ | ᠃ | 14. ᠲᠠᠯᠤᠨᠮᠢᠬᠠ ᠶᠢ ᠳᠠᠶᠠᠭᠠᠷ ᠢᠳᠡᠳᠡᠭ ᠠᠴᠠ ᠪᠢᠰᠢ ᠭᠠᠭᠴᠠᠭᠠᠷ ᠢᠳᠡᠳᠡᠭ ᠦᠬᠡᠢ᠂ | ᠮᠦᠬᠡᠷᠰᠤ ᠶᠢ ᠨᠢ ᠢᠳᠡᠬᠦ ᠠᠴᠠ ᠨᠡᠩ ᠴᠤ ᠴᠡᠬᠡᠷᠯᠡᠳᠡᠭ᠃ ᠦᠬᠡᠢ ᠪᠤᠯ ᠠᠶᠠᠨ ᠵᠠᠮ ᠤᠷᠤᠭᠰᠢ ᠦᠭᠡᠢ ᠬᠡᠳᠡᠭ︕ | 15. ᠪᠤᠰᠤᠳ ᠤᠨ ᠮᠠᠯᠠᠭᠠᠢ ᠶᠢ ᠳᠤᠷᠠ ᠪᠠᠷ ᠮᠤᠯᠳᠤᠯᠤᠨ ᠠᠪᠴᠤ ᠵᠡᠬᠦᠬᠦ ᠶᠢ ᠳᠠᠰᠤ | ᠴᠡᠬᠡᠷᠯᠡᠳᠡᠭ᠃ ᠮᠦᠨᠴᠤ ᠬᠡᠬᠡᠵᠤ ᠤᠷᠬᠢᠭᠰᠠᠨ ᠮᠠᠯᠠᠭᠠᠢ ᠢ ᠳᠡᠬᠦᠵᠤ ᠠᠪᠳᠠᠭ ᠦᠬᠡᠢ᠂ ᠳᠤᠭᠤᠭᠰᠢ ᠬᠠᠨᠳᠤᠭᠰᠠᠨ | ᠠᠮᠠ ᠲᠠᠢ ᠰᠠᠪᠠ ᠬᠡᠵᠤ ᠬᠠᠶᠠᠳᠠᠭ ᠶᠤᠰᠤ ᠲᠠᠢ︕ ᠠᠪᠤᠪᠠᠯ ᠴᠢᠳᠭᠦᠷ ᠲᠠᠭᠠᠨᠠ ᠭᠡᠳᠡᠭ᠃ | 16. ᠮᠤᠩᠭᠤᠯᠴᠤᠳ ᠳᠡᠪᠡᠯ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠪᠡᠯ ᠮᠠᠬᠠᠢ ᠭᠤᠳᠤᠯ᠂ ᠮᠠᠯᠠᠭᠠᠢ | ᠠᠯᠴᠢᠭᠤᠷ ᠪᠦᠰᠡ ᠬᠡᠳ ᠪᠦᠷᠢᠨ ᠡᠮᠦᠰᠬᠦ ᠠᠴᠠ ᠪᠢᠰᠢ ᠬᠠᠷᠢᠨ ᠳᠡᠬᠡᠳᠤ ᠪᠡᠶᠡᠨ ᠳᠤ ᠪᠠᠨ ᠮᠤᠩᠭᠤᠯ ᠬᠤᠪᠴᠠᠰᠤ᠂ | ᠬᠦᠯ ᠳᠤ ᠪᠠᠨ ᠳᠠᠮᠢᠷ ᠤᠨ ᠱᠠᠬᠠᠢ ᠬᠡᠵᠤ ᠦᠨᠳᠦᠰᠦᠳᠡᠨ ᠶᠠᠰᠤᠳᠠᠨ ᠤ ᠢᠯᠭᠠᠭᠠ ᠦᠬᠡᠢ ᠡᠮᠦᠰᠬᠦ ᠨᠢ ᠳᠤᠩ ᠡᠪ | ᠦᠬᠡᠢ ᠬᠠᠷᠠᠭᠳᠠᠵᠤ ᠪᠤᠰᠤᠳ ᠤᠨ ᠡᠯᠡᠭ ᠳᠤᠭᠤᠬᠢ ᠪᠤᠯᠳᠠᠭ᠃ | 17. ᠳᠡᠭᠷᠢ ᠢ ᠬᠤᠮᠤᠭᠠᠶᠢᠳᠠᠬᠤ ᠪᠤᠶᠤ ᠬᠠᠷᠢᠶᠠᠬᠤ ᠠᠴᠠ ᠴᠡᠬᠡᠷᠯᠡᠳᠡᠭ᠂ ᠨᠡᠩ ᠢᠯᠠᠩᠭᠤᠶᠠ | ᠳᠡᠭᠷᠢ ᠳᠤᠩᠭᠤᠳᠬᠤ ᠦᠶᠡ ᠶᠡᠭᠡ ᠪᠠᠭᠠ ᠳᠤᠤᠭᠠᠷᠬᠤ ᠬᠠᠰᠭᠢᠷᠬᠤ ᠠᠴᠠ ᠴᠦ ᠪᠤᠯᠭᠤᠮᠵᠢᠯᠠᠳᠠᠭ᠃ ᠡᠰᠡᠪᠡᠯ ᠲᠡᠭᠷᠢ | ᠪᠤᠷᠬᠠᠨ ᠠᠭᠤᠷᠯᠠᠨᠡᠭᠡᠳᠡᠭ᠃ | 18. ᠱᠦᠬᠦᠷ᠂ ᠳᠤᠤᠵᠤᠤ ᠶᠢ ᠳᠤᠯᠤᠭᠠᠢ ᠶᠢᠨ ᠳᠡᠷᠬᠡᠳᠡ ᠳᠠᠯᠪᠢᠵᠤ ᠤᠨᠳᠠᠪᠠᠯ ᠬᠠᠷᠠ | ᠳᠠᠷᠤᠨᠠ ᠬᠡᠳᠡᠭ᠃ | 19. ᠪᠤᠰᠤᠳ ᠠᠴᠠ ᠵᠢᠬᠡᠯᠡᠭᠰᠡᠨ ᠰᠡᠪᠡ ᠤᠭᠤᠳᠠ ᠶᠢ ᠬᠤᠭᠤᠰᠤᠨ ᠪᠤᠴᠠᠭᠠᠬᠤ ᠶᠢ | ᠴᠡᠬᠡᠷᠯᠡᠵᠤ ᠵᠠᠪᠠᠯ ᠠᠳᠬᠤ ᠪᠤᠳᠠᠭᠠ ᠪᠤᠶᠤ ᠢᠳᠡᠬᠡᠨ ᠬᠢᠵᠤ ᠦᠭᠳᠡᠭ᠃ ᠡᠰᠡᠪᠡᠯ ᠬᠤᠭᠤᠰᠤᠷᠠᠨᠠ ᠭᠡᠳᠡᠭ᠃ | 20. ᠬᠢᠳᠤᠭᠠ ᠰᠢᠪᠦᠭᠡ᠂ ᠡᠬᠡᠷᠤᠤᠯ ᠬᠠᠶᠢᠴᠢ᠂ ᠵᠡᠬᠦᠦ ᠬᠠᠳᠠᠭᠠᠰᠤ ᠵᠡᠷᠬᠡ ᠦᠵᠦᠬᠦᠷ ᠱᠤᠷᠤ | ᠲᠠᠢ ᠶᠠᠭᠤᠮᠠ ᠶᠢ ᠦᠵᠦᠬᠦᠷ ᠢᠶᠠᠷ ᠨᠢ ᠪᠤᠰᠤᠳ ᠲᠤ ᠦᠭᠬᠦ ᠶᠢ ᠴᠡᠭᠡᠷᠯᠡᠵᠤ᠂ ᠪᠠᠷᠢᠭᠤᠯ ᠲᠠᠯᠠ ᠶᠢ ᠨᠢ ᠦᠭᠬᠦ | ᠬᠦᠮᠦᠨ ᠳᠤ ᠪᠠᠨ ᠬᠠᠨᠳᠤᠭᠤᠯᠤᠨ ᠭᠠᠷᠳᠠᠭᠤᠯᠳᠠᠭ ᠶᠤᠰᠤ ᠲᠠᠢ᠃ ᠡᠰᠡᠪᠡᠯ ᠡᠪᠡᠳᠴᠢᠨ ᠲᠤᠰᠤᠨᠠ ᠭᠡᠳᠡᠭ᠃ | 21. ᠠᠬᠠ ᠡᠬᠡᠴᠢ ᠪᠤᠯᠤᠭᠰᠠᠳ ᠵᠠᠪᠠᠯ ᠳᠡᠬᠦᠦ ᠪᠠᠨ ᠬᠠᠶᠢᠷᠠᠯᠠᠵᠤ ᠬᠠᠷᠭᠠᠯᠵᠠᠵᠤ᠂ | ᠬᠠᠪᠰᠤᠷᠴᠤ ᠳᠡᠮᠵᠢᠬᠦ ᠶᠤᠰᠤᠲᠠᠢ ᠪᠠᠶᠢᠳᠠᠭ᠃ ᠬᠠᠷᠢᠨ ᠳᠡᠬᠦᠦ ᠠᠴᠠ ᠪᠠᠨ ᠦᠪᠡᠷ ᠤᠨ ᠢᠶᠠᠨ ᠨᠠᠭᠠᠳᠤᠮ ᠳᠤᠭᠯᠠᠭᠠᠮ᠂ | ᠠᠮᠳᠠᠳᠤ ᠢᠳᠡᠬᠡᠨ ᠵᠡᠷᠬᠡ ᠪᠠᠨ ᠬᠠᠷᠠᠮᠨᠠᠳᠠᠭ ᠦᠬᠡᠢ ᠪᠠᠶᠢᠬᠤ ᠶᠤᠰᠤ ᠲᠠᠢ᠂ ᠡᠰᠡ ᠪᠤᠯ ᠠᠬᠠ ᠡᠬᠡᠴᠢ ᠶᠢᠨ ᠮᠠᠶ᠋ᠢᠭ | ᠦᠬᠡᠢ ᠬᠡᠳᠡᠭ᠃ | 22. ᠬᠡᠤᠬᠡᠳ ᠲᠤ ᠨᠡᠷᠡ ᠦᠭᠬᠦ ᠳᠤ ᠪᠠᠨ᠂ ᠳᠡᠬᠡᠷᠡ ᠳᠦᠷᠪᠡᠨ ᠦᠶᠡ ᠶᠢᠨ ᠠᠬᠠᠮᠠᠳ ᠤᠨ | ᠨᠡᠷᠡ ᠲᠠᠢ ᠠᠳᠠᠯᠢ ᠨᠡᠷᠡ ᠦᠭᠳᠡᠭ ᠦᠬᠡᠢ ᠶᠢ ᠪᠤᠤ ᠬᠡᠯᠡ᠂ ᠨᠡᠷᠡ ᠶᠢᠨ ᠬᠢᠨᠢ ᠨᠢᠬᠡᠳᠦᠬᠡᠷ ᠦᠶᠡ ᠤᠷᠤᠭᠰᠠᠨ ᠨᠡᠷᠡ | ᠶᠢ ᠴᠤ ᠦᠭᠳᠡᠭ ᠦᠬᠡᠢ ᠶᠤᠰᠤ ᠲᠠᠢ᠃ ᠡᠰᠡᠪᠡᠯ ᠲᠡᠭᠡᠷᠡ ᠲᠤᠤᠷᠠ ᠦᠬᠡᠢ ᠭᠡᠳᠡᠭ᠃ | 23. ᠤᠷᠭᠤᠮᠠᠯ ᠳᠠᠷᠢᠮᠠᠯ᠂ ᠴᠡᠴᠡᠭ ᠬᠤᠸᠠᠷ᠂ ᠦᠨᠳᠡᠭᠡ ᠵᠤᠯᠵᠠᠭᠠ ᠶᠢ ᠬᠤᠷᠤᠭᠤᠵᠤ | ᠬᠦᠨᠦᠬᠡᠪᠡᠯ ᠦᠪᠡᠷ ᠤᠨ ᠠᠮᠢ ᠨᠠᠰᠤ ᠪᠠᠨ ᠦᠷᠡᠵᠤ᠂ ᠦᠩᠬᠡ ᠵᠢᠰᠤ ᠪᠠᠨ ᠡᠪᠳᠡᠨᠡ ᠬᠡᠳᠡᠭ᠃ | 24. ᠵᠠᠮ ᠮᠦᠷ᠂ ᠬᠤᠳᠳᠤᠭ ᠤᠰᠤ᠂ ᠭᠤᠤᠯ ᠭᠤᠷᠤᠬᠠ ᠳᠤ ᠰᠢᠬᠡᠵᠤ ᠪᠠᠭᠠᠬᠤ ᠪᠤᠶᠤ | ᠪᠤᠵᠠᠷ ᠶᠠᠭᠤᠮᠠ ᠬᠠᠶᠠᠪᠠᠯ ᠪᠦᠭᠰᠡᠨ ᠳᠡᠭᠡᠷᠡ ᠨᠢ ᠡᠳᠡᠬᠡᠷᠡᠰᠢ ᠦᠬᠡᠢ ᠶᠠᠷᠠ ᠭᠠᠷᠤᠨᠠ ᠬᠡᠳᠡᠭ᠃ | 25. ᠪᠤᠳᠠᠭᠠ ᠢᠳᠡᠵᠤ ᠪᠠᠶᠢᠭᠠᠳ ᠭᠠᠳᠠᠭᠰᠢ ᠳᠤᠳᠤᠭᠰᠢ ᠤᠷᠤᠬᠤ ᠭᠠᠷᠬᠤ᠂ ᠰᠢᠬᠡᠵᠤ | ᠪᠠᠭᠠᠬᠤ ᠨᠢ ᠨᠠᠰᠤᠨ ᠬᠤᠳᠤᠭ᠂ ᠠᠮᠠᠨ ᠬᠦᠨᠡᠰᠤ ᠬᠤᠷᠤᠭᠳᠠᠨᠠ ᠬᠡᠵᠤ ᠦᠵᠡᠳᠡᠭ᠃ | 26. ᠨᠢᠬᠡ ᠮᠦᠬᠦᠯᠢᠭ ᠪᠤᠳᠠᠭᠠ ᠶᠢ ᠴᠦ ᠬᠠᠮᠢᠶᠠ ᠦᠭᠡᠢ ᠠᠰᠬᠠᠵᠤ ᠬᠡᠬᠡᠪᠡᠯ ᠳᠡᠭᠷᠢ ᠳᠤ | ᠨᠢᠬᠡ ᠬᠤᠨᠢᠨ ᠴᠢᠨᠡᠬᠡᠨ ᠲᠤᠮᠤ ᠪᠤᠯᠵᠤ ᠦᠵᠡᠭᠳᠡᠬᠦ ᠳᠤᠯᠠ᠂ ᠬᠠᠷᠠ ᠲᠤᠯᠤᠭᠠᠶᠢᠳᠤ ᠬᠦᠮᠦᠨ ᠪᠤᠶᠠᠨ ᠢᠶᠠᠨ ᠳᠠᠭᠠᠭᠠᠬᠤ | ᠦᠬᠡᠢ ᠪᠠᠶᠢᠨᠠ ᠬᠡᠵᠤ ᠪᠤᠷᠬᠠᠨ ᠳᠡᠭᠷᠢ ᠪᠤᠷᠤᠭᠤ ᠪᠠᠷ ᠦᠵᠡᠨᠡ ᠬᠡᠳᠡᠭ᠃ | 27. ᠤᠨᠳᠠᠬᠤ ᠤᠷᠤ ᠳᠤ ᠪᠠᠨ ᠤᠷᠤᠭᠰᠠᠨ ᠤ ᠳᠠᠷᠠᠭᠠ ᠤᠯᠠᠨ ᠦᠬᠡ ᠶᠠᠷᠢᠪᠠᠯ ᠬᠡᠷᠡᠬᠦᠯ | ᠴᠤᠤᠬᠢᠶᠠᠨ ᠪᠤᠯᠤᠨᠠ ᠬᠡᠳᠡᠭ᠃ | 28. ᠪᠤᠰᠤᠳ ᠤᠨ ᠤᠷᠤᠭᠤ ᠨᠢᠯᠪᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠡᠰᠡᠪᠡᠯ ᠠᠮᠠᠨ ᠬᠡᠰᠢᠭ ᠢᠶᠠᠨ | ᠦᠭᠴᠢᠭᠡᠯᠡ ᠭᠡᠳᠡᠭ᠃ | 29. ᠦᠬᠦᠭᠰᠡᠨ ᠬᠦᠮᠦᠨ ᠢ ᠴᠤᠩᠬᠤ ᠪᠠᠷ ᠭᠠᠷᠭᠠᠳᠠᠭ ᠲᠠᠳᠬᠠᠯ ᠲᠠᠢ ᠲᠤᠯᠠ ᠶᠡᠷᠦᠳᠡ ᠶᠢᠨ | ᠬᠦᠮᠦᠨ ᠴᠤᠩᠬᠤ ᠪᠠᠷ ᠤᠷᠤᠵᠤ ᠭᠠᠷᠬᠤ ᠶᠢ ᠮᠠᠭᠤ ᠶᠤᠷᠤ ᠬᠡᠮᠡᠨᠴᠡᠬᠡᠷᠯᠡᠬᠦᠯᠳᠡᠭ᠃ | 30. ᠲᠡᠷᠡᠨ ᠳᠡᠬᠡᠷᠡ ᠪᠠᠨ ᠰᠠᠭᠤᠬᠤ ᠪᠤᠶᠤ ᠬᠢᠰᠬᠢᠪᠡᠯ ᠪᠡᠶᠡ ᠦᠰᠬᠦ ᠦᠬᠡᠢ ᠪᠤᠯᠤᠨᠠ᠂ | ᠪᠤᠶᠠᠨ ᠨᠢ ᠪᠠᠭᠤᠷᠠᠨᠠ ᠬᠡᠮᠡᠨ ᠴᠡᠬᠡᠷᠯᠡᠬᠦᠯᠳᠡᠭ᠃ | 31. ᠦᠷᠦᠬᠡᠰᠦᠨ ᠬᠦᠯ ᠳᠤ ᠪᠠᠨ ᠱᠠᠬᠠᠢ ᠪᠤᠶᠤ ᠭᠤᠳᠤᠯ ᠡᠮᠤᠰᠴᠤ ᠪᠤᠳᠠᠭᠠ ᠢᠳᠡᠪᠡᠯ | ᠬᠤᠯᠠᠭᠠᠶᠢᠴᠢ ᠵᠠᠩ ᠲᠠᠢ ᠪᠤᠯᠤᠨᠡᠬᠡᠮᠡᠨ ᠴᠡᠭᠡᠷᠯᠡᠳᠡᠭ᠃ | 32. ᠰᠢᠯᠦᠰᠤ ᠪᠠᠷ ᠢᠶᠠᠨ ᠨᠠᠭᠠᠳᠪᠠᠯ ᠦᠯᠦᠰᠬᠦᠯᠡᠩ ᠶᠠᠪᠤᠨᠠ ᠬᠡᠵᠤ ᠴᠡᠬᠡᠷᠯᠡᠬᠦᠯᠳᠡᠭ᠃ | 33. ᠬᠡᠤᠬᠡᠳ ᠢᠶᠠᠨ ᠳᠠᠩᠳᠠ ᠶᠠᠩᠰᠢᠵᠤ ᠬᠠᠷᠢᠶᠠᠬᠤ᠂ ᠵᠢᠮᠡᠯᠡᠵᠤ ᠵᠤᠳᠤᠪᠠᠯ᠂ ᠬᠡᠤᠬᠡᠳ | ᠵᠤᠷᠢᠬᠦᠳ ᠵᠠᠩ ᠲᠠᠢ ᠪᠤᠯᠤᠨᠡ ᠬᠡᠮᠡᠨ ᠬᠢᠴᠢᠶᠡᠳᠡᠭ | 34. ᠬᠡᠤᠬᠡᠳ ᠭᠠᠯ ᠢᠶᠠᠷ ᠨᠠᠭᠠᠳᠬᠤ᠂ ᠭᠠᠯ ᠳᠤ ᠨᠢᠯᠪᠤᠬᠤ᠂ ᠭᠠᠯ ᠢ ᠴᠢᠴᠢᠵᠤ ᠨᠠᠭᠠᠳᠪᠠᠯ | ᠭᠠᠯ ᠤᠨ ᠪᠤᠷᠬᠠᠨ ᠠᠭᠤᠷᠯᠠᠳᠠᠭ ᠬᠡᠮᠡᠨ ᠴᠡᠬᠡᠷᠯᠡᠬᠦᠯᠳᠡᠭ᠃ | 35. ᠰᠤᠷ ᠬᠠᠷᠪᠤᠬᠤ ᠳᠤ ᠬᠦᠮᠦᠨ ᠤ ᠦᠬᠡᠳᠡ ᠤᠨᠢᠯᠠᠬᠤ ᠶᠢ ᠴᠡᠬᠡᠷᠯᠡᠬᠦᠯᠵᠤ᠂ ᠡᠰᠡ | ᠳᠠᠭᠠᠪᠠᠯ ᠦᠪᠡᠷ ᠤᠨ ᠨᠢᠳᠤ ᠰᠤᠬᠤᠷᠤᠨᠠ ᠬᠡᠮᠡᠨ ᠡᠷᠡᠰ ᠲᠡᠪᠴᠢᠳᠡᠭ᠃ | 36. ᠰᠢᠳᠠᠷᠠ ᠳᠠᠯᠪᠢᠬᠤ ᠳᠤ ᠶᠤᠰᠤ ᠬᠤᠷᠢᠭᠠ ᠶᠢ ᠵᠦᠷᠢᠴᠡᠬᠦ᠂ ᠬᠦᠯᠬᠡ ᠰᠢᠳᠠᠷᠠ ᠪᠠᠨ | ᠴᠤᠬᠢᠯᠠᠪᠠᠯ ᠤᠬᠠᠭᠠᠨ ᠴᠢᠳᠠᠯ ᠨᠢ ᠮᠡᠬᠦᠰᠳᠡᠨᠡ ᠬᠡᠵᠤ ᠴᠡᠬᠡᠷᠯᠡᠬᠦᠯᠳᠡᠭ᠃ | 37. ᠬᠡᠷ ᠤᠨ ᠰᠠᠷᠠᠪᠴᠢᠨ ᠳᠤᠤᠷᠠ ᠰᠠᠭᠤᠬᠤ ᠪᠤᠶᠤ ᠴᠤᠩᠬᠤ ᠡᠬᠦᠳᠡ ᠪᠠᠨ ᠴᠦᠮ | ᠤᠩᠭᠤᠶᠢᠯᠭᠠᠵᠤ ᠰᠠᠭᠤᠳᠠᠭ ᠦᠬᠡᠢ᠂ ᠬᠤᠯᠠᠭᠠᠢ ᠰᠠᠯᠬᠢᠨ ᠳᠤ ᠳᠠᠭᠠᠷᠢᠭᠳᠠᠵᠤ ᠬᠡᠯᠡ ᠠᠮᠠ ᠮᠤᠷᠤᠶᠢᠬᠤ ᠡᠪᠡᠳᠴᠢᠨ | ᠳᠤᠰᠤᠨᠠ ᠬᠡᠳᠡᠭ᠃ | 38. ᠠᠶᠤᠩᠭᠠᠳᠤ ᠪᠤᠷᠤᠭᠠᠨ ᠳᠤ ᠬᠠᠭᠠᠯᠭᠠ ᠨᠡᠬᠡᠬᠡᠨ ᠡᠬᠦᠳᠡ ᠠᠰᠯᠠᠨ ᠵᠤᠬᠰᠤᠬᠤ᠂ | ᠤᠷᠭᠤᠭᠠ ᠮᠤᠳᠤᠨ ᠲᠤᠤᠷᠡ ᠵᠤᠬᠰᠤᠬᠤ᠂ ᠬᠡᠷᠡᠮ ᠳᠤᠪᠤ ᠳᠡᠬᠡᠷᠡ ᠵᠤᠬᠰᠤᠬᠤ᠂ ᠳᠤᠯᠤᠭᠠᠢ ᠨᠢᠴᠦᠬᠦᠨ ᠭᠠᠳᠠᠨᠠ | ᠭᠠᠷᠬᠤ᠂ ᠭᠠᠷ ᠲᠤ ᠪᠠᠨ ᠳᠡᠮᠦᠷ᠂ ᠭᠠᠤᠯᠢ᠂ ᠵᠡᠰ ᠤᠨ ᠵᠦᠢᠯᠡᠰ ᠢ ᠠᠪᠴᠤ ᠶᠠᠪᠤᠬᠤ ᠠᠴᠠ ᠤᠨᠴᠠ ᠴᠡᠬᠡᠷᠯᠡᠳᠡᠭ᠂ | ᠡᠰᠡᠪᠡᠰᠤ ᠳᠡᠭᠷᠢ ᠳᠤ ᠨᠢᠷᠬᠡᠭᠳᠡᠵᠤ᠂ ᠬᠢᠯᠪᠠᠭᠠᠨ ᠳᠤ ᠴᠤᠬᠢᠭᠳᠠᠨᠠ ᠬᠡᠳᠡᠭ᠃ | 39. ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠤ ᠪᠠᠨ ᠬᠡᠷᠡᠭᠯᠡᠬᠦ ᠨᠤᠮ ᠳᠡᠪᠳᠡᠷ ᠪᠤᠶᠤ ᠪᠢᠴᠢᠭ ᠦᠰᠦᠭ ᠲᠠᠢ | ᠴᠠᠭᠠᠰᠤᠨ ᠳᠡᠬᠡᠭᠦᠷ ᠠᠯᠬᠤᠯᠠᠵᠤ ᠬᠢᠰᠬᠢᠯᠡᠬᠦ ᠠᠴᠠ ᠴᠡᠬᠡᠷᠯᠡᠳᠡᠭ᠂ ᠨᠤᠮ ᠪᠢᠴᠢᠭ ᠰᠤᠷᠬᠤ ᠦᠬᠡᠢ ᠡᠷᠬᠢᠬᠦᠦ ᠮᠤᠨᠤᠭ | ᠪᠤᠯᠤᠨᠠ ᠬᠡᠳᠡᠭ᠃ | 40 ᠡᠯᠢᠬᠡ ᠳᠦᠷᠦᠬᠦᠯᠡᠨ ᠨᠤᠮ ᠪᠢᠴᠢᠭ ᠦᠵᠡᠬᠦ᠂ ᠶᠠᠪᠠᠭᠠᠨ ᠶᠠᠪᠤᠵᠤ ᠪᠠᠶᠢᠬᠤ ᠪᠤᠶᠤ | ᠤᠨᠤᠭᠠ᠂ ᠳᠡᠷᠭᠡ ᠬᠦᠰᠬᠡᠨ ᠳᠡᠭᠡᠷᠡ ᠨᠤᠮ ᠪᠢᠴᠢᠭ ᠱᠠᠭᠠᠶᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ ᠡᠰᠡᠪᠡᠯ ᠨᠢᠳᠤ ᠰᠤᠬᠤᠷᠤᠨᠠ | ᠬᠡᠳᠡᠭ᠃ | 41. ᠨᠤᠮ ᠪᠢᠴᠢᠭ ᠪᠤᠶᠤ ᠤᠷᠢᠯᠭᠠ ᠶᠢᠨ ᠪᠢᠴᠢᠭ ᠤᠨ ᠳᠤᠯᠤᠭᠠᠢ ᠶᠢ ᠨᠢ ᠬᠦᠮᠦᠨ ᠤ | ᠦᠬᠡᠳᠡ ᠬᠠᠨᠳᠤᠭᠤᠯᠵᠤ ᠭᠠᠷᠳᠠᠭᠤᠯᠳᠠᠭ ᠦᠬᠡᠢ᠂ ᠬᠠᠷᠢᠨ ᠤᠩᠰᠢᠬᠤ ᠴᠢᠭᠯᠡᠯ ᠢᠶᠠᠷ ᠨᠢ ᠳᠠᠭᠠᠷᠠᠭᠤᠯᠵᠤ ᠦᠭᠳᠡᠭ᠃ | ᠡᠰᠡᠪᠡᠯ ᠶᠤᠰᠤ ᠮᠡᠳᠡᠬᠦ ᠪᠠᠶᠢᠨᠠ ᠬᠡᠳᠡᠭ᠃ | 42. ᠴᠢᠰᠤ ᠲᠠᠢ ᠴᠠᠭᠠᠰᠤ ᠶᠢ ᠢᠯᠡ ᠬᠠᠶᠠᠳᠠᠭ ᠦᠬᠡᠢ᠂ ᠵᠠᠪᠠᠯ ᠪᠤᠯᠠᠵᠤ ᠳᠠᠯᠪᠢᠳᠠᠭ᠃ | ᠡᠰᠡᠪᠡᠯ ᠴᠢᠳᠭᠦᠷ ᠬᠤᠪᠢᠯᠤᠨᠠ ᠬᠡᠳᠡᠭ᠃ | 43. ᠬᠠᠭᠠᠨ ᠤ ᠵᠠᠷᠯᠢᠭ ᠢ ᠰᠢᠷᠠ ᠪᠠᠷ᠂ ᠳᠠᠷᠨᠢ ᠶᠢ ᠤᠯᠠᠭᠠᠨ ᠢᠶᠠᠷ ᠪᠢᠴᠢᠳᠡᠭ ᠳᠤᠯᠠ | ᠵᠠᠬᠢᠳᠠᠯ ᠪᠤᠶᠤ ᠳᠠᠰᠬᠠᠯ ᠪᠤᠯᠪᠠᠰᠤᠷᠠᠯ ᠢᠶᠠᠨ ᠬᠠᠷᠠ ᠪᠤᠶᠤ ᠬᠦᠬᠡ ᠪᠤᠳᠤᠭ ᠢᠶᠠᠷ ᠪᠢᠴᠢᠳᠡᠭ᠃ | 44. ᠭᠠᠯ ᠢ ᠠᠷᠢᠭᠤᠨ ᠪᠠᠶᠢᠯᠭᠠᠬᠤ ᠶᠢ ᠮᠠᠰᠢᠳᠠ ᠡᠷᠬᠢᠮᠯᠠᠨ ᠭᠠᠯ ᠳᠤ ᠰᠤᠩᠬᠢᠨᠠ᠂ | ᠰᠠᠷᠢᠮᠰᠠᠭ ᠤᠨ ᠬᠠᠯᠢᠰᠤ᠂ ᠰᠢᠪᠠᠭᠤ ᠱᠠᠭᠠᠵᠠᠭᠠᠢ ᠶᠢᠨ ᠦᠳᠤ᠂ ᠨᠤᠬᠠᠢ ᠭᠠᠭ᠋ᠠᠢ ᠶᠢᠨ ᠪᠠᠭᠠᠰᠤ ᠵᠡᠷᠭᠡ ᠪᠤᠵᠠᠷ | ᠶᠠᠭᠤᠮᠠᠰ ᠳᠦᠯᠡᠬᠦ ᠶᠢ ᠴᠡᠬᠡᠷᠯᠡᠳᠡᠭ᠃ ᠡᠰᠡ ᠲᠡᠬᠡᠪᠡᠯ ᠮᠠᠯ ᠤᠨ ᠨᠢᠳᠦ ᠰᠤᠬᠤᠷᠠᠨᠠ ᠬᠡᠮᠡᠳᠡᠭ᠃ | 45. ᠦᠭᠡᠯᠵᠢᠨ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠠᠴᠠ ᠪᠢᠳᠡᠬᠦᠦ ᠪᠤᠯᠳᠠᠯᠠ ᠰᠦᠨᠢ ᠤᠷᠤᠢ | ᠭᠠᠳᠠᠨᠠ ᠭᠠᠭᠴᠠᠭᠠᠷ ᠶᠠᠪᠤᠬᠤ ᠦᠬᠡᠢ᠂ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠭᠠᠳᠠᠨᠠ ᠤᠷᠬᠢᠵᠤ ᠬᠤᠨᠤᠭᠤᠯᠬᠤ ᠦᠬᠡᠢ | ᠪᠠᠶᠢᠳᠠᠭ᠃ ᠡᠰᠡ ᠪᠤᠯ ᠠᠳᠠ ᠴᠢᠳᠭᠦᠷ ᠡᠵᠡᠯᠡᠨᠡ ᠭᠡᠳᠡᠭ᠃ | 46. ᠪᠢᠳᠡᠬᠦᠨ ᠤ ᠰᠦᠨᠢ ᠠᠶᠢᠯ ᠳᠤᠭᠤᠷᠢᠬᠤ᠂ ᠶᠠᠭᠤᠮᠠ ᠢᠳᠡᠵᠤ ᠭᠠᠳᠠᠨᠠ ᠭᠠᠷᠬᠤ᠂ | ᠵᠤᠳᠤᠯᠴᠠᠵᠤ ᠬᠠᠷᠢᠶᠠᠯᠴᠠᠬᠤ᠂ ᠶᠡᠭᠡ ᠪᠠᠭᠠ ᠳᠤᠤᠭᠠᠷᠬᠤ ᠶᠢ ᠴᠦᠮ ᠴᠡᠬᠡᠷᠯᠡᠳᠡᠭ᠂ ᠮᠠᠭᠤ ᠢᠷᠸᠠ ᠪᠤᠯᠤᠨᠠ ᠬᠡᠳᠡᠭ᠃ | | 47. ᠰᠢᠨᠠ ᠶᠢᠨ ᠨᠢᠬᠡᠨ ᠳᠤ ᠬᠡᠷᠡᠭᠦᠯ ᠴᠤᠤᠬᠢᠶᠠᠨ ᠬᠢᠬᠦ ᠪᠤᠶᠤ ᠡᠮ ᠳᠠᠩ ᠤᠤᠭᠤᠬᠤ ᠶᠢ | ᠴᠡᠭᠡᠷᠯᠡᠳᠡᠭ᠃ ᠡᠰᠡᠪᠡᠯ ᠲᠤᠰ ᠨᠢᠭᠡ ᠵᠢᠯ ᠤᠴᠢᠷ ᠶᠠᠪᠤᠳᠠᠯ ᠤᠷᠤᠭᠰᠢ ᠦᠭᠡᠢ᠂ ᠪᠡᠶᠡ ᠮᠠᠬᠠᠪᠤᠳ ᠡᠪᠡᠳᠴᠢᠨ | ᠵᠤᠪᠠᠯᠠᠩ ᠳᠤ ᠤᠷᠢᠶᠠᠭᠳᠠᠨᠠ ᠭᠡᠳᠡᠭ᠃ | 48. ᠵᠡᠮᠳᠡᠭ ᠬᠦᠮᠦᠨ ᠢ ᠳᠠᠭᠤᠷᠢᠶᠠᠬᠤ ᠪᠤᠶᠤ ᠡᠯᠡᠭᠯᠡᠵᠤ ᠢᠨᠢᠶᠡᠬᠦ ᠶᠢ ᠶᠡᠬᠡᠳᠡ ᠬᠤᠷᠢᠬᠯᠠᠳᠠᠭ | ᠶᠤᠮ᠃ ᠡᠰᠡ ᠪᠤᠯ ᠦᠪᠡᠷ ᠠᠴᠠ ᠴᠢᠨᠢ ᠲᠠᠶᠢᠮᠤ ᠬᠡᠤᠬᠡᠳ ᠭᠠᠷᠤᠨᠠ ᠭᠡᠳᠡᠭ᠃ | 49. ᠦᠬᠡᠷᠡ ᠪᠤᠰᠤᠳ ᠢ ᠪᠤᠤ ᠬᠠᠷᠢᠶᠠ᠂ ᠬᠠᠷᠢᠶᠠᠪᠠᠯ ᠬᠡᠯᠡᠨ ᠳᠡᠭᠡᠷᠡ ᠨᠢ ᠶᠠᠷᠠ ᠭᠠᠷᠤᠨᠠ | ᠬᠡᠳᠡᠭ᠃ | 50. ᠠᠳᠡ ᠳᠡᠨᠳᠡ ᠦᠬᠡᠢ ᠨᠦᠬᠡ ᠪᠤᠤ ᠮᠠᠯᠳᠠ᠂ ᠡᠴᠢᠬᠡ ᠡᠬᠡ ᠴᠢᠨᠢ ᠳᠦᠯᠦᠬᠡᠳ | ᠳᠠᠭᠤᠰᠤᠰᠢ ᠦᠬᠡᠢ ᠦᠷᠢ ᠯᠠᠷᠢ ᠳᠤ ᠳᠠᠷᠤᠭᠳᠠᠨᠠ ᠬᠡᠳᠡᠭ᠃ | 51.ᠭᠠᠵᠠᠷ ᠢ ᠮᠤᠳᠤ ᠪᠠᠷ ᠰᠢᠪᠬᠠᠳᠠᠬᠤ᠂ ᠳᠠᠰᠢᠭᠤᠷ ᠢᠶᠠᠷ ᠳᠠᠰᠢᠭᠤᠷᠳᠠᠬᠤ᠂ ᠳᠡᠬᠡᠰᠤ ᠪᠠᠷ | ᠭᠤᠶᠠᠳᠠᠪᠠᠯ ᠯᠤᠤᠰ ᠠᠭᠤᠷᠯᠠᠨᠠ ᠬᠡᠵᠤ ᠴᠡᠬᠡᠷᠯᠡᠳᠡᠭ᠃ | ᠮᠤᠩᠭᠤᠯᠴᠤᠳ ᠤᠨ ᠴᠡᠭᠡᠷ ᠶᠤᠰᠤᠨ ᠠᠴᠠ ᠦᠵᠡᠬᠦ ᠳᠤ ︽ᠪᠤᠶᠠᠨ ᠢᠶᠠᠨ ᠪᠠᠷᠠᠨᠠ︾᠂ ︽ | ᠲᠡᠭᠷᠢ ᠪᠤᠷᠤᠭᠤ ᠦᠵᠡᠨᠡ︾᠂ ︽ᠨᠢᠭᠦᠯ ᠪᠤᠯᠤᠨᠠ︾᠂ ︽ᠶᠠᠷᠠ ᠭᠠᠷᠤᠨᠠ︾᠂ ︽ᠬᠡᠯᠡᠭᠡᠢ ᠪᠤᠯᠤᠨᠠ︾᠂ ︽ | ᠠᠮᠠᠨ ᠬᠦᠨᠡᠰᠤ ᠪᠠᠨ ᠠᠯᠳᠠᠨᠠ︾᠂ ︽ᠢᠷᠸᠠ ᠪᠡᠯᠭᠡ ᠦᠭᠡᠢ ᠪᠤᠯᠤᠨᠠ︾ ︽ᠤᠬᠠᠭᠠᠨ ᠴᠢᠨᠢ ᠬᠠᠭᠠᠭᠳᠠᠨᠠ︾᠂ | ︽ᠦᠷᠢ ᠰᠢᠷᠢ ᠳᠤ ᠤᠷᠢᠶᠠᠭᠳᠠᠨᠠ︾᠂ ︽ᠦᠢᠯᠠ ᠬᠡᠷᠡᠭ ᠪᠦᠲᠦᠮᠵᠢ ᠠᠯᠳᠠᠷᠠᠨᠠ︾᠂ ︽ᠤᠲᠤᠢ ᠪᠤᠯᠤᠨᠠ︾᠂ | ︽ᠬᠡᠯᠡ ᠠᠮᠠ ᠲᠠᠲᠠᠨᠠ︾᠂ ︽ᠬᠤᠯᠠᠭᠠᠢ ᠬᠤᠳᠠᠯᠴᠢ ᠪᠤᠯᠤᠨᠠ︾᠂ ︽ᠦᠨᠦᠴᠢᠨ ᠵᠤᠯᠪᠢᠨ ᠲᠠᠭᠠᠷᠢᠨᠠ︾᠂ ︽ | ᠵᠢᠰᠤ ᠡᠪᠳᠡᠷᠡᠨᠠ︾᠂ ︽ᠭᠠᠯ ᠤᠨ ᠪᠤᠷᠬᠠᠨ ᠠᠭᠤᠷᠯᠠᠨᠠ︾᠂ ︽ᠡᠷᠭᠢᠭᠦᠦ ᠲᠡᠨᠡᠭ ᠪᠤᠯᠴᠢᠬᠠᠨᠠ︾᠂ ︽ᠬᠤᠵᠢᠭᠢᠷ | ᠬᠠᠯᠵᠠᠨ ᠪᠤᠯᠴᠢᠬᠠᠨᠠ︾᠂ ︽ᠨᠢᠰᠤ ᠪᠠᠨ ᠭᠤᠭᠤᠵᠢᠭᠤᠯᠤᠨᠠ︾᠂ ︽ᠭᠠᠯ ᠭᠤᠯᠤᠮᠲᠠ ᠬᠠᠷᠠᠯᠠᠨᠠ︾᠂ ︽ᠠᠪᠤ | ᠡᠵᠢ ᠴᠢᠨᠢ ᠵᠤᠪᠠᠨᠠ︾᠂ ︽ᠲᠡᠭᠷᠢ ᠪᠤᠷᠬᠠᠨ ᠠᠭᠤᠷᠯᠠᠨᠠ︾ ᠭᠡᠬᠦ ᠮᠡᠲᠤ ᠪᠠᠷ ᠰᠦᠷᠲᠡᠭᠦᠯᠦᠨ ᠴᠡᠭᠡᠷᠯᠡᠭᠦᠯᠬᠦ | ᠦᠵᠡᠭᠳᠡᠯ ᠴᠦ ᠨᠠᠶᠢᠲᠠᠮ ᠤᠷᠤᠰᠢᠳᠠᠭ ᠪᠦᠭᠡᠳ ᠠᠯᠢ ᠨᠢᠭᠡ ᠨᠢ ᠴᠦ ᠭᠡᠳ ᠰᠢᠨᠵᠢᠯᠡᠭᠦ ᠤᠬᠠᠭᠠᠨ ᠢᠶᠠᠷ | ᠪᠠᠲᠤᠯᠠᠭᠳᠠᠭᠰᠠᠨ ᠦᠭᠡᠢ ᠪᠠᠶᠢᠯᠠ ᠴᠦ ᠲᠤᠷᠰᠢᠯᠭᠠ ᠬᠤᠷᠠᠮᠳᠤᠭᠤᠯᠭᠠ ᠪᠠᠷ ᠨᠤᠲᠠᠯᠠᠭᠳᠠᠭᠰᠠᠨ ᠵᠦᠪ ᠤᠨᠤᠪᠴᠢᠲᠤ | ᠲᠠᠯᠠ ᠲᠠᠢ ᠮᠦᠷᠲᠡᠭᠡᠨ ᠬᠡᠦᠬᠡᠳ ᠤᠨ ᠠᠮᠢᠳᠤᠷᠠᠬᠤᠢ ᠶᠢᠨ ᠤᠬᠠᠭᠠᠨ᠂ ᠬᠦᠮᠦᠨᠴᠢ ᠴᠢᠨᠠᠷ᠂ ᠠᠮᠤᠷ ᠲᠦᠪᠰᠢᠨ᠂ | ᠠᠷᠪᠢᠯᠠᠨ ᠭᠠᠮᠨᠠᠬᠤ᠂ ᠦᠨᠡᠨ ᠶᠤᠰᠤ᠂ ᠬᠢᠴᠢᠶᠡᠯ ᠰᠤᠷᠤᠯᠴᠠᠯᠭᠠ᠂ ᠬᠦᠮᠦᠵᠢᠯ ᠪᠤᠯᠪᠠᠰᠤᠷᠠᠯ ᠵᠡᠷᠭᠡ ᠠᠯᠢ ᠨᠢᠭᠡ ᠲᠠᠯᠠ | ᠠᠴᠠ ᠲᠠᠯᠳᠠ ᠦᠢᠯᠡᠴᠢᠯᠡᠵᠤ ᠪᠠᠶᠢᠳᠠᠭ ᠢ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠨ ᠵᠠᠭᠤᠨ ᠵᠢᠯ ᠤᠨ ᠲᠤᠷᠰᠢ ᠦᠪᠡᠷ ᠤᠨ ᠬᠡᠰᠡᠨ | ᠠᠮᠢᠳᠤᠷᠠᠯ ᠤᠨ ᠤᠷᠲᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠦᠢᠯᠡᠳᠤᠯᠭᠡ ᠪᠠᠷ ᠲᠠᠮᠵᠢᠨ ᠭᠡᠷᠡᠴᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠡᠪᠦᠭᠡ ᠲᠡᠭᠡᠳᠤᠰ ᠠᠴᠠ ᠮᠠᠨ ᠳᠤ ᠤᠯᠠᠮᠵᠢᠯᠠᠵᠤ ᠦᠯᠡᠳᠡᠭᠡᠭᠰᠡᠨ ᠭᠡᠷ ᠤᠨ ᠰᠤᠷᠭᠠᠯ ᠢᠶᠠᠷ | ᠦᠪᠡᠷ ᠤᠨ ᠬᠡᠤᠬᠡᠳ ᠢᠶᠠᠨ ᠰᠤᠷᠭᠠᠵᠤ ᠲᠤᠳᠤᠮᠳᠤᠵᠤ ᠴᠢᠳᠠᠳᠠᠭ ᠲᠤ ᠬᠦᠷᠪᠡᠯ ᠲᠠᠨ ᠤ ᠬᠡᠤᠬᠡᠳ ᠯᠠᠪᠳᠠᠶᠢᠶᠠ | ᠬᠦᠮᠦᠨ ᠰᠢᠭ ᠬᠦᠮᠦᠨ ᠪᠤᠯᠵᠤ ᠴᠢᠳᠠᠨᠠ ᠬᠡᠳᠡᠭ ᠲᠤ ᠡᠷᠡᠭᠡᠯᠵᠡᠭᠰᠡᠨ ᠤ ᠬᠡᠷᠡᠭ ᠠᠯᠠᠭᠠ᠃ ᠦᠪᠡᠷ ᠲᠤ ᠪᠠᠨ ᠪᠠᠶᠢᠬᠤ | ᠡᠷᠬᠢᠮ ᠰᠤᠶᠤᠯ ᠢᠶᠠᠨ ᠭᠤᠯᠤᠴᠢᠬᠠᠭᠠᠳ ᠦᠷᠦᠭᠡᠯ ᠤᠨ ᠶᠠᠮᠠᠷ ᠶᠠᠭᠤᠮᠠ ᠨᠢ ᠪᠢᠳᠠᠨ ᠳᠤ ︽ᠬᠦᠨᠡᠰᠦ︾ ᠪᠤᠯᠬᠤ ᠶᠢ | ᠪᠢ ᠢᠳᠡᠭᠡᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠨᠠ᠃ ᠦᠨᠦᠳᠦᠷ ᠤᠨᠡᠴᠢᠭᠡ ᠡᠬᠡᠴᠤᠤᠯ ᠭᠠᠭᠴᠠ ᠬᠤᠶᠠᠷᠬᠠᠨ ᠬᠡᠤᠬᠡᠳ ᠢᠶᠠᠨ | ᠬᠠᠶᠢᠷᠠ ᠬᠠᠯᠠᠮᠵᠢ ᠪᠠᠷ ᠬᠡᠲᠤᠷᠬᠡᠶᠢᠯᠡᠵᠤ᠂ ᠬᠡᠦᠬᠡᠳ ᠤᠨ ᠠᠭᠠᠰᠢ ᠠᠷᠠᠨᠰᠢᠨ ᠢ ᠡᠪᠳᠡᠵᠤ᠂ ᠪᠤᠯᠤᠮᠠᠷᠬᠠᠨ ᠰᠢᠭ᠋ | ᠰᠤᠷᠳᠠᠭ ᠮᠦᠷᠲᠡᠭᠡᠨ ᠵᠦᠭᠡᠷᠬᠡᠨ ᠰᠢᠭ ᠢᠷᠡᠭᠡᠳᠤᠢ ᠲᠠᠢ ᠬᠡᠦᠬᠡᠳ ᠢᠶᠠᠨ ᠪᠦᠲᠦᠯ ᠦᠭᠡᠶᠢᠳᠡᠭᠦᠯᠦᠭᠰᠡᠨ ᠵᠢᠱᠢᠶᠡ | ᠬᠠᠵᠠᠭᠤ ᠬᠠᠪᠢ ᠳᠤ ᠬᠤᠪᠤᠷ ᠪᠤᠰᠤ ᠪᠠᠶᠢᠭᠠ ᠶᠢ ᠪᠢᠳᠠ ᠵᠠᠪᠠᠯ ᠮᠡᠳᠡᠷᠡᠨ ᠲᠠᠨᠢᠵᠤ ᠰᠤᠷᠭᠠᠮᠵᠢ ᠪᠤᠯᠭᠠᠬᠤ ᠬᠡᠷᠡᠭᠳᠡᠢ᠃ | ᠪᠡᠶᠡ ᠪᠡᠶᠡ ᠳᠤ ᠪᠠᠨ ᠬᠠᠨᠢ ᠲᠦᠰᠢᠭ ᠪᠤᠯᠵᠤ ᠶᠠᠪᠤᠬᠤ ᠬᠠᠮᠳᠤᠴᠢ ᠦᠵᠡᠯ᠂ ᠨᠢᠭᠡ ᠨᠢᠭᠡᠨ ᠳᠤ ᠪᠠᠨ ᠲᠤᠰᠠ ᠳᠡᠮ | ᠦᠵᠡᠭᠦᠯᠵᠤ ᠠᠮᠢᠳᠤᠷᠠᠬᠤ ᠦᠭᠭᠢᠶᠡᠮᠦᠷᠴᠢ ᠠᠷᠠᠨᠰᠢᠨ᠂ ᠬᠡᠨ ᠬᠡᠨ ᠤ ᠬᠢ ᠰᠠᠶᠢᠬᠠᠨ ᠢ ᠦᠵᠡᠬᠦ ᠴᠠᠶᠢᠯᠠᠭᠠᠨ ᠴᠠᠭᠠᠨ | ᠰᠡᠳᠬᠢᠯ᠂ ᠤᠳᠤ ᠶᠢᠨ ᠬᠦᠮᠦᠨ ᠳᠤ ᠲᠤᠩ ᠴᠤ ᠤᠮᠳᠤᠭᠠᠶᠢᠯᠠᠭᠳᠠᠵᠤ᠂ ᠬᠠᠷᠢᠨ ᠵᠤᠭᠤᠰ ᠲᠠᠢ ᠯᠠ ᠶᠤᠮ ᠪᠤᠯ | ᠪᠦᠳᠦᠬᠦ ᠦᠭᠡᠢ ᠶᠠᠭᠤᠮᠠ ᠦᠬᠡᠢ ᠬᠡᠰᠡᠨ ᠡᠷᠡᠮᠳᠡᠭ ᠰᠡᠳᠬᠢᠴᠠ ᠭᠠᠵᠠᠷ ᠡᠵᠡᠯᠡᠵᠤ ᠪᠠᠶᠢᠭᠠ ᠡᠨᠡ ᠡᠷᠢᠨ ᠳᠤ | ᠮᠤᠩᠭᠤᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠴᠡᠭᠡᠷ ᠶᠤᠰᠤᠨ ᠢᠶᠠᠷ ᠬᠡᠦᠬᠡᠳ ᠢᠶᠠᠨ ᠰᠤᠷᠭᠠᠨ ᠬᠦᠮᠦᠵᠢᠭᠦᠯᠬᠦ ᠠᠷᠭᠠ ᠮᠠᠰᠢ ᠠᠴᠢ | ᠲᠤᠰᠠᠲᠠᠢ ᠪᠤᠯᠬᠤ ᠶᠢ ᠦᠨᠡᠮᠰᠢᠳᠦᠭᠡᠢ᠂ ᠪᠢᠰᠢᠷᠡᠳᠦᠭᠡᠢ︕ | |