| | ᠲᠡᠭᠡᠷᠡ ᠵᠠᠭᠤᠨ ᠤ ᠲᠠᠯᠠᠭᠠᠳ ᠤᠨ ᠤ ᠰᠡᠬᠦᠯᠴᠢ ᠪᠠᠷ ᠬᠠᠭᠤᠴᠢᠴᠤᠳ ᠤᠨ ᠵᠤᠭᠤᠭ ᠲᠤ᠂ | ᠡᠷᠳᠡ ᠦᠶᠡ ᠪᠠᠷ ᠬᠡᠰᠢᠭᠳᠡᠨ ᠨᠤᠳᠤᠭ ᠲᠤ ᠳ᠋ᠠᠸᠠ᠂ ᠬᠦᠷᠡᠯᠠᠤᠩᠭᠤᠨ᠂ ᠲᠡᠯᠡᠬᠡᠶᠢᠬᠤᠩᠭᠤᠷ᠂ ᠱᠠᠷᠯᠠᠢ᠂ | ᠰᠡᠷᠡᠩᠪᠠᠯᠵᠢᠷ ᠁ ᠬᠡᠬᠦ ᠮᠡᠳᠤ ᠨᠡᠷᠡᠳᠤ ᠠᠪᠤᠷᠭᠤ ᠰᠠᠶᠢᠬᠠᠨ ᠪᠦᠬᠡᠴᠢᠳ ᠶᠠᠷᠢᠭᠳᠠᠵᠤ ᠪᠠᠶᠢᠭᠰᠠᠨ᠃ ᠡᠨᠡ ᠲᠤᠬᠠᠢ | ᠲᠤᠷᠠ ᠰᠤᠨᠢᠷᠬᠠᠯ ᠲᠠᠢ ᠪᠠᠶᠢᠭᠰᠠᠨ ᠲᠤᠯᠠ ᠨᠡᠯᠢᠶᠡᠳ ᠡᠷᠳᠡ ᠲᠡᠯᠡᠬᠡᠶᠢᠬᠤᠩᠭᠤᠷ ᠤᠨ ᠬᠡᠤᠬᠡᠨ ᠪᠠ ᠲᠡᠬᠦᠨ ᠢ | ᠤᠶᠢᠯᠠᠭᠠᠵᠤ ᠮᠡᠳᠡᠳᠡᠭ ᠬᠡᠳᠤᠨ ᠨᠠᠰᠤᠳᠠᠳ ᠢ ᠰᠤᠷᠪᠤᠯᠵᠢᠯᠠᠵᠤ ᠲᠡᠮᠳᠡᠭᠯᠡᠭᠰᠡᠨ ᠪᠤᠶᠤ ᠲᠡᠳᠡᠨ ᠠᠴᠠ ᠰᠤᠨᠤᠰᠤᠭᠰᠠᠨ | ᠵᠦᠢᠯᠡᠰ ᠢᠶᠠᠨ ᠠᠳᠠ ᠤᠩᠰᠢᠭᠴᠢ ᠤᠯᠠᠨ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠶᠠ᠃ | ᠤᠤᠯ ᠤᠨ ᠵᠡᠬᠦᠨ ᠠᠷᠤ ᠨᠤᠳᠤᠭ ᠤᠨ ᠲᠦᠰᠢᠶᠡᠳᠤ ᠠᠶᠢᠯ ᠤᠨ ᠠᠷᠤ ᠲᠦᠰᠢᠭ ᠪᠤᠯᠤᠭᠰᠠᠨ | ᠨᠢᠬᠡᠨ ᠠᠭᠤᠯᠠ ᠬᠠᠳᠠ ᠪᠠᠶᠢᠳᠠᠭ᠃ ᠡᠬᠦᠨ ᠢ ︽ᠶᠤᠯᠤ ᠶᠢᠨ ᠬᠠᠳᠠ︾ ᠬᠡᠵᠤ ᠨᠡᠷᠡᠯᠡᠳᠡᠭ᠃ ᠡᠨᠡ ᠬᠠᠳᠠᠨ ᠳᠤ | ᠡᠷᠳᠡ ᠳᠡᠭᠡᠨ ᠶᠤᠯᠤ ᠰᠢᠪᠠᠭᠤ ᠤᠯᠠᠨ ᠪᠠᠶᠢᠳᠠᠭ ᠢᠶᠠᠷ ᠢᠩᠬᠢᠵᠤ ᠨᠡᠷᠡᠯᠡᠵᠠᠢ᠃ ︽ᠶᠤᠯᠤ ᠶᠢᠨ ᠮᠢᠬᠠ ᠶᠢ ᠢᠳᠡᠪᠡᠯ | ᠶᠤᠯᠤ ᠶᠢᠨ ᠬᠤᠳᠤᠭᠤᠳᠤ ᠲᠠᠢ ᠪᠤᠯᠳᠠᠭ︾᠂ ︽ᠶᠤᠯᠤ ᠰᠢᠪᠠᠭᠤ ᠦᠬᠡᠷ ᠤᠨ ᠴᠢᠮᠦᠬᠡ ᠶᠢ ᠵᠠᠯᠬᠢᠭᠠᠳ ᠤᠷᠤᠭᠤᠯᠪᠠᠯ | ᠬᠠᠶᠢᠯᠴᠢᠬᠠᠳᠠᠭ︾᠂ ︽ᠶᠤᠯᠤ ᠶᠢᠨ ᠮᠢᠬᠠ ᠪᠠ ᠪᠠᠭᠠᠰᠤ ᠨᠢ ᠡᠮ ᠳᠤ ᠤᠷᠤᠵᠤ ᠤᠯᠠᠨ ᠵᠦᠢᠯ ᠤᠨ ᠬᠤᠳᠤᠭᠤᠳᠤᠨ | ᠡᠪᠡᠳᠴᠢᠨ ᠢ ᠵᠠᠰᠠᠳᠠᠭ︾ ᠁ ᠬᠡᠬᠦ ᠮᠡᠳᠤ ᠪᠠᠷ ᠪᠤᠭᠤᠷᠤᠯᠴᠤᠳ ᠶᠠᠷᠢᠳᠠᠭ ᠪᠠᠶᠢᠭᠰᠠᠨ᠃ ᠡᠨᠡᠬᠦ ︽ᠶᠤᠯᠤ ᠶᠢᠨ | ᠬᠠᠳᠠᠨ︾ ᠤ ᠤᠶᠢᠷᠠ ᠤᠷᠴᠢᠮ ᠢᠶᠠᠷ ᠠᠷᠠᠳ ᠤᠯᠠᠨ ᠤ ᠲᠤᠮᠳᠠ ᠪᠠᠨ ᠠᠯᠳᠠᠷ ᠨᠡᠷᠡ ᠪᠠᠨ ᠮᠠᠨᠳᠤᠭᠤᠯᠵᠤ ᠶᠠᠪᠤᠭᠰᠠᠨ | ᠠᠪᠤᠷᠭᠤ ᠲᠡᠯᠡᠬᠡᠶᠢᠬᠤᠩᠭᠤᠷ ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ᠃ | ᠳᠡᠯᠡᠬᠡᠶᠢᠬᠤᠩᠭᠤᠷ ︵ᠪᠠᠷᠤᠭ 1898 — 1947︶ ᠪᠤᠯ ᠬᠦᠳᠡᠷᠯᠢᠭ ᠲᠤᠮᠳᠠ ᠶᠢᠨ ᠪᠡᠶᠡ | ᠲᠠᠢ᠂ ᠬᠦᠴᠦ ᠴᠢᠳᠠᠯ ᠶᠡᠭᠡ ᠲᠠᠢ᠂ ᠬᠤᠷᠠᠭᠠᠨ ᠰᠢᠬᠦᠰᠤ ᠪᠠᠷ ᠴᠠᠭ ᠤᠨ ᠬᠤᠭᠤᠯᠠ ᠪᠤᠯᠭᠠᠵᠤ ᠮᠢᠩᠭᠠᠨ ᠵᠢᠩ ᠤᠨ | ᠲᠠᠪᠤᠰᠤ ᠲᠡᠭᠡᠭᠡᠪᠤᠷᠢᠯᠡᠭᠰᠡᠨ ᠦᠬᠡᠷ ᠲᠡᠷᠬᠡ ᠶᠢ ᠪᠤᠯᠤᠳᠠᠵᠤ ᠪᠤᠰᠬᠠᠳᠠᠭ ᠰᠠᠶᠢᠨ ᠡᠷᠡ ᠪᠠᠶᠢᠯᠠ ᠬᠡᠳᠡᠭ᠃ | ᠲᠡᠭᠦᠨ ᠤ ᠤᠨᠴᠠᠭᠠᠢ ᠠᠪᠢᠶᠠᠰ ᠬᠡᠪᠡᠯ ᠬᠦᠳᠡᠯᠬᠦ ᠨᠢ ᠲᠤᠶᠢᠯ ᠤᠨ ᠬᠤᠷᠳᠤᠨ ᠪᠠᠶᠢᠵᠤ ᠬᠦᠯ ᠨᠢ | ᠭᠠᠷ ᠠᠴᠠ ᠨᠢ ᠰᠠᠶᠢᠨ ᠬᠡᠳᠡᠭ᠃ ᠲᠡᠷᠡ ᠦᠶᠡᠰ ᠪᠦᠬᠡᠴᠢᠨ ᠲᠡᠯᠡᠬᠡᠶᠢᠬᠤᠩᠭᠤᠷ ᠲᠠᠢ ᠨᠢᠬᠡ ᠬᠤᠳᠠ ᠤᠰᠤᠨ ᠳᠤ | ᠬᠠᠮᠳᠤ ᠪᠠᠶᠢᠭᠰᠠᠨ ᠰᠤᠩᠭᠠᠷᠠᠢ ︵ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠬᠡᠤᠬᠡᠳ ᠪᠠᠶᠢᠵᠠᠢ︶ ᠨᠠᠰᠤᠳᠠᠨ ᠤ ᠶᠠᠷᠢᠬᠤ ᠪᠠᠷ | ᠳᠡᠯᠡᠬᠡᠶᠢᠬᠤᠩᠭᠤᠷ ᠨᠢᠬᠡ ᠤᠳᠠᠭᠠ ᠲᠡᠬᠦᠨ ᠢ ᠡᠬᠦᠷᠤᠬᠡᠳ ᠶᠠᠪᠤᠵᠤ ᠪᠠᠶᠢᠬᠤ ᠳᠤ ᠬᠡᠨᠡᠳᠲᠡ ᠬᠤᠶᠠᠷ ᠵᠠᠭᠤᠳᠠᠭ ᠨᠤᠬᠠᠢ | ᠲᠠᠭᠠᠷᠢᠭᠠᠳ ᠢᠷᠡᠬᠦ ᠳᠤ ᠠᠪᠤᠷᠭᠤ ᠶᠢᠨ ᠬᠦᠯ ᠬᠦᠳᠡᠯᠬᠦ ᠨᠢ ᠬᠤᠷᠴᠠ ᠱᠠᠯᠠᠮᠠᠭᠠᠢ ᠲᠤᠯᠠ ᠨᠢᠬᠡ ᠨᠤᠬᠠᠢ ᠶᠢᠨ ᠬᠠᠷᠠ | ᠬᠤᠩᠰᠢᠶᠠᠷ ᠨᠢ ᠤᠨᠠᠵᠤ᠂ ᠲᠤᠩᠭᠤᠷᠴᠤ ᠭᠠᠰᠠᠯᠲᠠᠯᠠ ᠢᠰᠬᠦᠯᠬᠦ ᠳᠤ ᠨᠦᠭᠦᠭᠡ ᠨᠤᠬᠠᠢ ᠨᠢ ᠠᠶᠤᠭᠠᠳ ᠭᠤᠳ | ᠭᠠᠷᠴᠤ ᠲᠤᠳᠠᠭᠠᠵᠤ ᠬᠡᠨᠡ᠃ | 1998 ᠤᠨ ᠤ 8 ᠰᠠᠷᠠ ᠶᠢᠨ 17 ᠤ ᠡᠳᠤᠷ ᠠᠪᠤᠷᠭᠤ ᠶᠢᠨ ᠪᠠᠭᠠ ᠦᠬᠢᠨ ᠫᠠᠯᠵᠢᠳ | ᠨᠠᠰᠤᠳᠠᠨ ︵ᠲᠤᠬᠠᠢ ᠶᠢᠨ ᠵᠢᠯ ᠵᠢᠷᠠᠨ ᠲᠤᠯᠤᠭᠠᠳᠠᠢ ᠪᠠᠶᠢᠭᠰᠠᠨ︶ ᠢ ᠰᠤᠷᠪᠤᠯᠵᠢᠯᠠᠵᠤ ᠦᠩᠭᠡᠷᠡᠭᠰᠡᠨ ᠶᠤᠮ᠃ ᠲᠡᠭᠦᠨ | ᠤ ᠶᠠᠷᠢᠬᠤ ᠪᠠᠷ᠂ ᠲᠡᠷᠡ ᠠᠪᠤ ᠠᠴᠠ ᠪᠠᠨ ᠬᠤᠴᠤᠷᠬᠤ ᠳᠤ ᠰᠠᠶ᠋ᠢ ᠲᠠᠪᠤᠬᠠᠨ ᠨᠠᠰᠤᠳᠠᠢ︔ ᠡᠭᠡᠴᠢ ᠲᠡᠬᠦᠦ | ᠭᠤᠷᠪᠠᠭᠤᠯᠠ ᠬᠤᠴᠤᠷᠤᠭᠰᠠᠨ᠂ ᠶᠡᠭᠡ ᠬᠦᠦ ᠪᠠᠯᠮᠤ᠂ ᠬᠤᠶᠠᠳᠤᠭᠠᠷ ᠡᠬᠡᠴᠢ ᠷᠠᠰᠢᠮᠧᠳᠡᠭ ᠭᠡᠵᠤ ᠪᠠᠶᠢᠭᠰᠠᠨ ᠨᠢ ᠪᠦᠷ | ᠨᠠᠰᠤ ᠪᠠᠷᠠᠭᠰᠠᠨ᠃ ᠠᠪᠤ ᠨᠢ ᠰᠠᠶᠢᠨ ᠪᠦᠬᠡᠴᠢᠨ ᠬᠦᠮᠦᠨ᠂ ᠰᠤᠯᠤᠭᠠᠢ ᠠᠪᠤᠳᠠᠯ ᠲᠠᠢ ᠪᠠᠶᠢᠯᠠ ᠬᠡᠳᠡᠭ᠃ ᠨᠠᠰᠤ | ᠪᠠᠷᠠᠬᠤ ᠳᠤ ᠪᠠᠷᠤᠭ ᠭᠤᠴᠢᠨ ᠲᠤᠯᠤᠭᠠᠳᠠᠢ ᠪᠠᠶᠢᠭᠰᠠᠨ︔ ᠨᠠᠰᠤ ᠪᠠᠭᠠ ᠮᠡᠳᠡᠭᠡ ᠤᠷᠤᠭᠠᠳᠠᠢ ᠪᠠᠶᠢᠭᠰᠠᠨ ᠲᠤᠯᠠ | ᠤᠯᠠᠨ ᠤᠴᠢᠷ ᠢ ᠮᠡᠳᠡᠭᠰᠡᠨ ᠦᠭᠡᠢ ᠪᠤᠶᠤ ᠮᠠᠷᠳᠠᠴᠢᠬᠠᠯᠠ ᠬᠡᠵᠤ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠁ | ᠠᠪᠤᠷᠭᠤ ᠳᠡᠯᠡᠬᠡᠶᠢᠬᠤᠩᠭᠤᠷ᠂ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ | ᠠᠷᠪᠠᠨ ᠭᠤᠷᠪᠠᠨ ᠤ ᠡᠳᠤᠷ ᠶᠠᠪᠤᠭᠳᠠᠳᠠᠭ ᠬᠤᠰᠢᠭᠤ ᠤᠪᠤᠭᠠᠨ ᠤ ᠨᠠᠶᠢᠷ ᠪᠠ ᠵᠡᠬᠦᠨ ᠬᠠᠶᠢᠷᠬᠠᠨ ᠤ ᠲᠠᠬᠢᠯᠭᠠ ᠶᠢᠨ | ᠨᠠᠶᠢᠷ ᠵᠡᠷᠬᠡ ᠳᠤ ᠨᠠᠶᠢᠳᠠ 13 ᠤᠳᠠᠭᠠ ᠲᠡᠷᠢᠬᠦᠯᠡᠭᠰᠡᠨ ᠬᠡᠳᠡᠭ᠃ | 1944 ᠤᠨ ᠤ ᠭᠠᠯᠳᠠᠰᠤᠳᠠᠢ ᠷᠠᠰᠢᠶᠠᠨ ᠰᠦᠮᠡ ︵ᠬᠤᠳᠠᠯᠠ ᠪᠢᠯᠢᠭᠳᠦ ᠰᠦᠮᠡ︶ ᠶᠢᠨ | ᠭᠡᠭᠡᠨ ᠤ ᠲᠠᠯᠠᠨ ᠭᠤᠷᠪᠠᠨ ᠨᠠᠰᠤᠨ ᠤ ᠪᠠᠶᠠᠷ ᠤᠨ 128 ᠪᠦᠬᠡ ᠳᠤ ᠲᠡᠷᠢᠬᠦᠯᠡᠪᠡ᠃ | ᠰᠢᠯᠢᠨ ᠭᠤᠤᠯ ᠳᠤ ᠤᠯᠤᠭᠰᠠᠨ ᠳ᠋ᠦᠢᠩᠬᠤᠷ ᠸᠠᠩ ᠤᠨ ᠨᠤᠮ ᠲᠠᠯᠪᠢᠬᠤ ᠠᠶᠢᠮᠠᠭ ᠤᠨ ᠶᠡᠭᠡ | ᠨᠠᠶᠢᠷ ᠲᠤ 512 ᠪᠦᠬᠡ ᠳᠤ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠵᠠᠯᠠᠭᠤ ᠠᠪᠤᠷᠭᠤ ᠪᠠᠶᠢᠭᠰᠠᠨ ᠠᠷᠢᠶᠠᠰᠢᠰᠧᠹᠵᠢᠩ᠂ | ᠰᠤᠳᠨᠠᠮ ᠵᠡᠷᠬᠡ ᠪᠦᠬᠡᠴᠢᠳ ᠢ ᠬᠠᠶᠠᠵᠤ ᠲᠡᠷᠢᠬᠦᠯᠡᠭᠰᠡᠨ ᠪᠠᠶᠢᠨᠠ᠃ | 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠲᠦᠴᠢᠬᠡᠳ ᠤᠨ ᠤ ᠪᠠᠷᠤᠭ ᠢᠶᠠᠷ ᠵᠠᠬᠠ ᠵᠡᠷᠭᠡᠯᠳᠡᠭᠡ ᠦᠵᠦᠮᠤᠴᠢᠨ | ᠬᠤᠰᠢᠭᠤᠨ ᠤ ᠶᠡᠭᠡ ᠨᠠᠶᠢᠷ ᠲᠤ ᠬᠦᠷᠴᠤ ᠸᠠᠩ ᠤᠨ ᠪᠦᠬᠡ ᠶᠢ ᠠᠶᠤᠮᠰᠢᠭ ᠦᠭᠡᠢ ᠬᠠᠶᠠᠵᠤ ᠲᠡᠷᠢᠬᠦᠯᠡᠭᠰᠡᠨ ᠠᠴᠠ | ᠲᠠᠷᠤᠶᠢᠬᠠᠨ ᠲᠤᠳᠠᠭᠠᠵᠤ ᠬᠠᠷᠢᠭᠰᠠᠨ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠠᠳᠠᠭᠠ ᠵᠢᠳᠦᠬᠡ ᠶᠡᠭᠡ ᠲᠠᠢ ᠬᠠᠷᠠ ᠰᠠᠨᠠᠭᠠ ᠲᠠᠢ | ᠸᠠᠩ ᠲᠦᠰᠢᠮᠡᠯ ᠨᠠᠷ ᠬᠦᠰᠢᠬᠡ ᠲᠠᠳᠠᠵᠤ ᠳ᠋ᠧᠩ ᠵᠤᠯᠠ ᠠᠰᠠᠭᠠᠨ ᠠᠷᠤ ᠬᠤᠶᠢᠨᠠ ᠠᠴᠠ ᠨᠢ ᠬᠠᠷᠢᠶᠠᠯ ᠬᠢᠯᠭᠡᠭᠰᠡᠨ | ᠠᠴᠠ ᠡᠨᠡᠬᠦ ᠨᠢᠬᠡᠨ ᠦᠶᠡ ᠠᠯᠳᠠᠷ ᠮᠠᠨᠳᠤᠭᠰᠠᠨ ᠬᠡᠰᠢᠭᠳᠡᠨ ᠠᠪᠤᠷᠭᠤ ᠬᠠᠷᠢᠵᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠵᠠᠮ ᠳᠠᠭᠠᠨ | ᠨᠠᠰᠤ ᠪᠠᠷᠠᠭᠰᠠᠨ ᠬᠡᠨᠡ᠃ ᠬᠤᠶᠠᠷ ᠵᠢᠯ ᠤᠨ ᠲᠠᠷᠠᠭᠠ ᠲᠡᠬᠦᠨ ᠤ ᠬᠡᠬᠦᠷ ᠨᠢ ᠢᠯᠡᠷᠡᠵᠤ᠂ ᠴᠡᠬᠡᠵᠢᠨ ᠬᠦᠨᠳᠠᠢ ᠳᠤᠨᠢ | ᠴᠢᠨ᠋ᠸᠠ ᠡᠬᠦᠷᠯᠡᠵᠤ ᠦᠷᠡ ᠵᠤᠯᠵᠠᠭᠠ ᠨᠢ ᠦᠶᠦᠭ ᠲᠠᠪᠠᠳᠠᠢ ᠪᠠᠷ ᠨᠢᠭᠤᠭᠳᠠᠵᠤ ᠪᠠᠶᠢᠭᠰᠠᠨ ᠢ ᠦᠵᠦᠮᠤᠴᠢᠨ ᠬᠦᠮᠦᠨ | ᠤᠯᠵᠤ ᠮᠡᠳᠡᠬᠡᠳ ᠨᠠᠷᠢᠨ ᠠᠵᠢᠭᠯᠠᠵᠤ ᠦᠵᠡᠬᠦ ᠳᠤ ᠴᠡᠭᠡᠵᠢᠨ ᠶᠠᠰᠤ ᠨᠢ ᠪᠢᠳᠡᠬᠦᠦ ᠪᠠᠶᠢᠵᠤ ᠬᠡᠨᠡ᠃ ᠡᠬᠦᠨ ᠤ | ᠦᠵᠦᠮᠤᠴᠢᠨᠴᠤᠳ ᠰᠠᠶᠢᠨ ᠡᠷᠡ ᠰᠠᠶᠢᠨ ᠪᠦᠬᠡᠴᠢᠨ ᠬᠡᠳᠡᠭ ᠢ ᠮᠡᠳᠡᠭᠡᠳ ᠯᠠᠮᠠ ᠬᠤᠸᠠᠷᠠᠭ ᠵᠠᠯᠠᠵᠤ ᠡᠳᠤᠷ ᠰᠤᠳᠤᠷ | ᠦᠵᠡᠬᠦᠯᠦᠨ᠂ ᠡᠨᠡᠬᠦ ᠬᠡᠬᠦᠷ ᠶᠠᠰᠤ ᠶᠢ ᠨᠤᠳᠤᠭ ᠲᠠᠭᠠᠨ ᠰᠢᠯᠵᠢᠬᠦᠯᠦᠨ ᠬᠡᠰᠢᠭᠳᠡᠨ ᠤ ᠠᠭᠤᠯᠠ ᠬᠠᠶᠢᠷᠬᠠᠨ | ᠦᠵᠡᠭᠳᠡᠬᠦ ᠦᠭᠡᠢ ᠲᠠᠯᠳᠠ ᠭᠠᠵᠠᠷ ᠬᠦᠨᠳᠤᠳᠬᠡᠨ ᠤᠷᠤᠰᠢᠭᠤᠯᠵᠤ ᠲᠠᠬᠢᠯᠭᠠ ᠲᠠᠯᠪᠢᠭᠰᠠᠨ ᠬᠡᠨᠡ᠃ | ᠲᠡᠬᠦᠨ ᠠᠴᠠ ᠬᠤᠶᠢᠰᠢ ᠪᠦᠬᠡ ᠶᠢᠨ ᠬᠡᠶᠢᠮᠤᠷᠢ ᠬᠡᠰᠢᠭᠳᠡᠨ ᠠᠴᠠ ᠰᠢᠯᠵᠢᠵᠤ ᠨᠡᠷᠡᠳᠤ ᠪᠦᠬᠡ | ᠭᠠᠷᠬᠤ ᠦᠭᠡᠢ ᠪᠤᠶᠤ ᠴᠦᠬᠡᠷᠡᠵᠤ᠂ ᠦᠵᠦᠮᠤᠴᠢᠨ ᠨᠤᠳᠤᠭ ᠲᠤ ᠤᠯᠠᠨ ᠨᠡᠷᠡᠳᠤ ᠪᠦᠬᠡ ᠭᠠᠷᠬᠤ ᠪᠤᠯᠤᠭᠰᠠᠨ ᠬᠡᠵᠤ | ᠨᠤᠳᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠶᠠᠷᠢᠳᠠᠭ᠃ | | | ᠬᠠᠶ᠋ᠢᠭ᠄ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ | |