ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠨᠢᠯᠪᠤᠰᠤ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2014/12/25
       ᠳ᠋ᠠᠮᠪᠢ ᠰᠤᠮᠤ ᠤᠷᠤᠵᠤ ᠡᠮᠴᠢ ᠳᠤ ᠪᠡᠶ᠎ᠠ ᠪᠠᠨ ᠦᠵᠡᠬᠦᠯᠦᠭᠡᠳ ᠪᠤᠴᠠᠵᠤ ᠶᠠᠪᠤᠯ᠎ᠠ᠃ ᠲᠠᠷᠢᠬᠢ ᠲᠤᠯᠤᠭᠠᠢ ᠮᠠᠨᠠᠷᠠᠵᠤ ᠨᠢᠳᠤ ᠪᠦᠷᠦᠯᠵᠡᠭᠰᠡᠨ ᠬᠠᠯᠠᠭᠤᠨ ᠨᠠᠷᠠᠨ ᠲᠤᠤᠷ᠎ᠠ ᠰᠤᠭᠤᠨᠠᠭᠯᠠᠬᠤ ᠭᠠᠩ ᠤᠨ ᠤᠯᠠᠭᠠᠨ ᠤᠨᠢᠶᠠᠷ ᠎ ᠢ ᠬᠠᠷᠠᠬᠤ ᠪᠦᠷᠢ ᠦᠯᠦᠨ ᠬᠠᠭᠤᠷᠠᠢ ᠲᠤᠭᠤᠰᠤ ᠬᠤᠭᠤᠯᠠᠢ ᠳᠤ ᠠᠷᠭᠠᠨ᠂ ᠠᠮᠠᠨ ᠳᠤ ᠱᠤᠷᠪᠤᠭ ᠲᠠᠪᠤᠰᠤ ᠠᠮᠳᠠᠭᠳᠠᠬᠤ ᠰᠢᠭ᠋ ᠪᠤᠯᠤᠨ᠎ᠠ᠃      ᠨᠠᠷᠠᠰᠢᠵᠤ ᠴᠠᠩᠭᠠᠬᠤ ᠶᠢᠨ ᠴᠠᠭ ᠲᠤ ᠲᠦᠷᠦᠭᠡᠨ ᠲᠡᠭᠡᠷ᠎ᠠ ᠪᠠᠨ ᠪᠤᠰᠴᠤ ᠰᠡᠳᠬᠢᠯ ᠤᠨ ᠦᠵᠦᠬᠦᠷ ᠰᠡᠪᠢᠯᠵᠡᠬᠦᠯᠦᠨ ᠰᠠᠶᠢᠬᠠᠨ ᠲᠠᠭᠤᠤ ᠠᠶᠠᠯᠤᠨ ᠲᠠᠪᠬᠢᠮᠠᠷ ᠰᠠᠨᠠᠭᠳᠠᠪᠠᠴᠤ᠂ ᠠᠷᠬᠠᠭ ᠬᠠᠭᠤᠴᠢ ᠡᠪᠡᠳᠴᠢᠨ ᠎ ᠳᠤ ᠪᠠᠷᠢᠭᠳᠠᠭᠰᠠᠨ ᠬᠢᠵᠢᠶᠡᠯ ᠡᠷ᠎ᠠ᠂ ᠡᠴᠡᠭᠰᠡᠨ ᠬᠦᠭᠰᠢᠨ ᠮᠤᠷᠢ ᠬᠤᠶᠠᠷ ᠬᠡᠳᠦᠶᠢᠭᠡᠨ ᠬᠤᠯᠨ ᠬᠠᠷᠠᠶᠢᠬᠤ ᠰᠠᠨ ᠪᠢᠯᠨ ᠃ ᠬᠡᠷ ᠬᠦᠷᠳᠡᠯ᠎ᠠ ᠡᠳᠦᠷᠴᠢ ᠶᠢᠨ ᠭᠠᠵᠠᠷ ᠲᠤᠯᠨ ᠨᠠᠷᠠᠨ ᠤ ᠭᠤᠤᠯ ᠲᠠᠢ ᠳᠤ ᠠᠷᠤ ᠭᠤᠪᠢ ᠶᠢ ᠲᠤᠭᠤᠯᠬᠤ ᠰᠠᠨ ᠬᠡᠵᠤ ᠶᠠᠭᠠᠷᠠᠪᠠᠴᠤ ᠤᠯᠠᠳᠠᠵᠤ ᠰᠤᠯᠠᠳᠠᠭᠰᠠᠨ ᠮᠤᠷᠢ ᠤᠷᠤᠭᠰᠢ ᠠᠯᠬᠤᠬᠤ ᠤᠷᠮ᠎ᠠ ᠵᠤᠷᠢᠭ ᠮᠤᠬᠤᠭᠰᠠᠨ ᠪᠤᠯᠤᠯᠳᠠᠢ᠃ ᠬᠦᠯ ᠲᠤᠤᠷ᠎ᠠ ᠠᠴᠠ ᠪᠠᠨ ᠰᠢᠪᠠᠭᠤ ᠲᠡᠷᠬᠢᠨ ᠨᠢᠰᠦᠭᠰᠡᠨ ᠴᠤ ᠦᠷᠬᠦᠵᠤ ᠴᠤᠴᠢᠬᠤ ᠨᠢ ᠦᠭᠡᠢ᠃      ᠨᠠᠰᠤ ᠵᠠᠯᠠᠭᠤ᠂ ᠪᠡᠶ᠎ᠠ ᠡᠷᠡᠬᠦᠯ ᠴᠠᠭ ᠲᠤ ᠳ᠋ᠠᠮᠪᠢ ᠭᠠᠯ᠂ ᠲᠦᠢᠮᠡᠷ ᠭᠠᠷᠤᠭᠰᠠᠨ ᠮᠡᠳᠤ ᠮᠤᠲ᠋ᠤᠽᠢᠺᠯ ᠤᠨ ᠢᠶᠠᠨ ᠮᠤᠲ᠋ᠤᠷ ᠢ ᠡᠭᠡᠷᠡᠳᠡᠯ᠎ᠠ ᠲᠠᠪᠬᠢᠳᠠᠭ ᠪᠠᠶᠢᠵᠠᠢ᠃ ᠤᠳᠤ ᠶᠠᠭᠤᠨ ᠳᠠᠭᠠᠨ ᠲᠡᠭᠡᠳᠡᠯ᠎ᠠ ᠶᠠᠭᠠᠷᠠᠵᠤ ᠠᠮᠢᠨ ᠠᠴᠠ ᠪᠠᠨ ᠤᠶᠢᠳᠠᠭᠰᠠᠨ ᠶᠤᠮ ᠰᠢᠭ᠋ ᠪᠤᠳᠠ ᠰᠤᠨᠳᠤᠤᠯᠨ ᠲᠡᠭᠡᠬᠦᠷ ᠬᠠᠷᠠᠶᠢᠯᠭᠠᠨ ᠲᠤᠪᠳᠤᠯᠭᠠᠵᠤ ᠶᠠᠪᠤᠭᠰᠠᠨ ᠶᠤᠮ ᠪᠤᠯ᠃      ᠡᠳᠦᠭᠡ ᠲᠡᠶᠢᠨᠬᠦ ᠲᠡᠷᠭᠡᠨ ᠤ ᠪᠠᠨ ᠲᠠᠭᠤ ᠶᠢ ᠰᠤᠨᠤᠰᠬᠤ ᠦᠭᠡᠢ ᠪᠤᠯᠳᠠᠯ᠎ᠠ ᠲᠠᠪᠬᠢᠵᠤ ᠬᠡᠮᠡᠨ ᠰᠠᠯᠬᠢᠨ ᠳᠤᠨᠢ ᠬᠠᠳᠬᠤᠭ᠎ᠠ ᠲᠤᠰᠴᠤ ᠦᠬᠦᠬᠦ ᠪᠢᠵᠠ᠃ ᠮᠠᠯ ᠤᠨ ᠡᠮᠴᠢ ᠬᠦᠮᠦᠨ ᠬᠠᠪᠤᠷ ᠮᠠᠯ ᠲᠦᠯᠯᠡᠬᠦ ᠦᠶ᠎ᠠ ᠎ ᠠᠴᠠ ᠨᠠᠮᠤᠷ ᠤᠨ ᠬᠡᠭᠡᠯᠳᠦᠬᠦᠯᠭᠡ ᠬᠦᠷᠳᠡᠯ᠎ᠠ ᠬᠡᠷ ᠤᠨ ᠪᠠᠷ᠎ᠠ ᠲᠤᠭᠠᠳᠠᠶᠢᠬᠠᠨ ᠬᠠᠷᠠᠨ᠎ᠠ᠃ ᠴᠤᠬᠤᠮ ᠯᠡ ᠲᠡᠪᠡᠯ ᠤᠨ ᠎ ᠢᠶᠠᠨ ᠦᠩᠭᠡ ᠶᠢ ᠤᠩᠭᠤᠵᠤ ᠭᠠᠩᠳᠠᠳᠠᠯ᠎ᠠ ᠬᠡᠳᠦᠨ ᠪᠠᠭ ᠤᠨ ᠨᠤᠳᠤᠭ ᠬᠡᠰᠦᠵᠤ ᠠᠶᠢᠯ ᠤᠨ ᠠᠷᠭᠠᠯ᠂ ᠤᠰᠤ ᠵᠦᠭᠡᠭᠡᠬᠦ ᠠᠴᠠ ᠪᠤᠰᠤᠳ ᠢ ᠬᠦᠢᠴᠡᠭᠡᠵᠤ ᠪᠠᠶᠢᠮᠠᠨᠵᠢᠨ ᠵᠤᠨ ᠤ ᠲᠤᠮᠳᠠ ᠰᠠᠷ᠎ᠠ ᠶᠢᠨ ᠰᠢᠪᠳᠤᠷᠠᠭ᠎ᠠ ᠪᠠᠷ ᠮᠠᠯ ᠤᠭᠢᠶᠠᠯᠭ᠎ᠠ ᠶᠢᠨ ᠶᠡᠭᠡ ᠠᠵᠢᠯ ᠤᠨ ᠠᠷᠤ ᠳᠤ ᠨᠢᠭᠡ ᠭᠠᠷᠬᠤ᠃ ᠳ᠋ᠠᠮᠪᠢ ᠮᠠᠯ ᠢ ᠮᠠᠯ ᠪᠢᠰᠢ᠂ ᠶᠠᠭ ᠯᠡ ᠬᠦᠮᠦᠨ ᠰᠢᠭ ᠬᠠᠶᠢᠷᠠᠯᠠᠵᠤ᠂ ᠪᠦᠰᠨ ᠪᠠᠨ ᠲᠠᠶᠢᠯᠬᠤ ᠵᠠᠪ ᠦᠭᠡᠢ ᠵᠢᠳᠬᠦᠳᠡᠭ ᠪᠠᠶᠢᠵᠠᠢ᠃ ᠡᠩᠭᠡᠷ ᠴᠤᠭᠤᠯᠤᠭ᠎ᠠ ᠦᠭᠡᠢ ᠪᠤᠯᠬᠤ ᠎ ᠠᠴᠠ ᠪᠢᠰᠢ ᠬᠡᠨ ᠠᠪᠤᠭᠠᠢ ᠶᠢᠨ ᠴᠤ ᠦᠭᠡᠳᠠ ᠠᠴᠠ ᠡᠭᠴᠡᠯᠡᠨ ᠬᠠᠷᠠᠬᠤ ᠳᠤ ᠨᠢᠭᠤᠷ ᠬᠠᠯᠠᠬᠤ ᠪᠠᠷ ᠦᠭᠡᠢ ᠨᠡᠷᠡᠳᠠᠢ ᠡᠮᠴᠢ ᠶᠠᠪᠤᠯ᠎ᠠ᠃ ᠬᠡᠳᠡᠯ᠎ᠠ ᠤᠯᠤᠰ ᠤᠨ ᠠᠯᠪᠠ ᠶᠢ ᠵᠠᠯᠭᠠᠭᠤᠯᠬᠤ ᠰᠠᠨ ᠬᠡᠬᠦ ᠳᠡᠭᠡᠨ ᠪᠡᠶ᠎ᠠ ᠪᠠᠨ ᠤᠭᠤᠷᠤᠨ᠂ ᠵᠠᠬ᠎ᠠ ᠎ ᠶᠢᠨ ᠡᠮ ᠲᠠᠩ ᠢᠶᠠᠷ ᠠᠷᠭᠠᠴᠠᠭᠠᠨ ᠶᠠᠪᠤᠭᠰᠠᠨ ᠠᠷᠬᠠᠭ ᠬᠠᠭᠤᠴᠢ ᠡᠪᠡᠳᠴᠢᠨ ᠭᠠᠵᠠᠷ ᠠᠪᠴᠤ ᠰᠡᠬᠦᠯ ᠤᠨ ᠬᠡᠳᠦᠨ ᠵᠢᠯ ᠤᠷᠤ ᠲᠡᠷ᠎ᠠ ᠮᠠᠨᠠᠭᠰᠠᠨ ᠭᠡᠷ ᠤᠨ ᠬᠦᠮᠦᠨ ᠪᠤᠯᠪᠠ᠃ ᠶᠠᠳᠠᠬᠤ ᠳᠠᠭᠠᠨ ᠤᠷᠤᠶᠢᠳᠠᠵᠤ ᠬᠡᠷᠯᠡᠭᠰᠡᠨ ᠢ ᠬᠡᠯᠡᠬᠦ ᠦᠦ᠂ ᠲᠠᠪᠤ ᠶᠢᠨ ᠲᠠᠪᠤᠨ ᠬᠡᠨᠵᠡ ᠬᠡᠦᠭᠡᠳ ᠲᠠᠢ᠂  ᠲᠡᠭᠡᠯ᠎ᠡ ᠭᠡᠳ ᠦᠪᠡᠷ ᠠᠴᠠ ᠪᠠᠨ ᠤᠯᠠᠨ ᠲᠡᠬᠦᠤ ᠵᠠᠯᠠᠭᠤ ᠠᠪᠠᠭᠠᠢ ᠠᠪᠤᠭᠰᠠᠨ ᠤ ᠪᠠᠨ ᠵᠤᠪᠠᠯᠠᠩ ᠢ ᠦᠵᠡᠭᠰᠡᠨ ᠦᠭᠡᠢ᠃ ᠡᠬᠡᠨᠡᠷ ᠨᠢ ᠵᠠᠯᠠᠭᠤ ᠪᠦᠰᠡᠬᠦᠢ ᠶᠢᠨ ᠬᠠᠯᠠᠭᠤᠨ ᠬᠠᠶᠢᠷ᠎ᠠ ᠪᠠᠷ ᠨᠦᠬᠦᠷ ᠲᠡᠭᠡᠨ ᠬᠡᠳᠦᠨ ᠬᠡᠦᠭᠡᠳ ᠠᠴᠠ ᠪᠠᠨ ᠲᠤᠳᠠᠭᠤ ᠦᠭᠡᠢ ᠡᠷᠬᠡᠯᠡᠳᠡᠭ ᠲᠤᠮᠤᠭ᠎ᠠ ᠦᠭᠡᠢ ᠬᠤᠩᠭᠤᠷ ᠠᠭᠠᠰᠢ ᠎ ᠲᠠᠢ ᠴᠤ ᠬᠡᠰᠡᠨ ᠳ᠋ᠠᠮᠪᠢ ᠶᠢ ᠨᠢᠯᠬ᠎ᠠ ᠬᠡᠦᠭᠡᠳ ᠠᠳᠠᠯᠢ ᠪᠦᠭᠡᠴᠡᠶᠢᠯᠡᠨ ᠠᠰᠠᠷᠠᠳᠠᠭ ᠬᠤᠪᠤᠷᠬᠠᠨ ᠬᠡᠦᠭᠡᠨ ᠶᠤᠮᠰᠠᠨᠵᠠᠢ᠃ ᠡᠨᠡ ᠤᠯᠠᠭᠠᠨ ᠭᠠᠩ ᠤᠨ ᠲᠤᠮᠳᠠᠭᠤᠷ ᠪᠡᠶ᠎ᠠ ᠪᠠᠨ ᠲᠠᠭᠠᠷᠠᠤᠬᠠᠨ ᠪᠠᠶᠢᠬᠤ ᠳᠤ ᠰᠤᠮᠤ ᠵᠠᠪᠠᠯ ᠶᠠᠪᠤᠬᠤ ᠬᠡᠵᠤ ᠵᠢᠳᠬᠦᠭᠡᠳ ᠶᠠᠭᠠᠬᠢᠬᠤ ᠶᠤᠮ ᠪᠤᠢ᠃ ᠡᠮᠴᠢ ᠪᠡᠶ᠎ᠠ ᠶᠢ ᠴᠢᠨᠢ ᠦᠵᠡᠭᠡᠳ ᠨᠦᠬᠦᠭᠡ ᠯᠡ ᠤᠯᠢᠭ ᠪᠤᠯᠤᠭᠰᠠᠨ ᠬᠡᠯᠡᠳᠡᠭ ᠦᠭᠡ ᠪᠠᠨ ᠬᠡᠯᠡᠵᠤ ᠦᠭᠬᠦᠳᠡᠭ ᠡᠮ ᠢᠶᠠᠨ ᠦᠭᠬᠦᠨ᠎ᠠ ᠪᠢᠵᠠ᠃ ᠶᠠᠳᠠᠵᠤ ᠵᠠᠮ ᠳᠤ ᠴᠢᠨᠢ ᠠᠶᠢᠯ᠂ ᠮᠠᠯ ᠪᠠᠶᠢᠬᠤ ᠦᠭᠡᠢ᠃ ᠤᠳᠤᠷ ᠨᠡᠬᠦᠳᠡᠯ᠂ ᠨᠠᠭᠤᠷ ᠨᠤᠭᠤᠭ᠎ᠠ ᠬᠦᠭᠡᠭᠡᠳ ᠲᠠᠯ᠎ᠠ ᠲᠠᠯ᠎ᠠ ᠲᠡᠶᠢᠰᠢ ᠪᠠᠨ ᠨᠡᠬᠦᠭᠡᠳ ᠶᠠᠪᠤᠵᠠᠭᠠᠴᠢᠬᠠᠭᠰᠠᠨ᠃ ᠡᠵᠡᠬᠦᠢ ᠬᠡᠭᠡᠷ᠎ᠠ ᠪᠡᠶ᠎ᠠ ᠴᠢᠨᠢ ᠬᠡᠨᠡᠳᠳᠠ ᠮᠠᠭᠤᠳᠠᠵᠤ ᠬᠦᠯ᠂ ᠭᠠᠷ ᠴᠢᠨᠢ ᠬᠡᠷᠦᠵᠤ ᠲᠠᠳᠠᠪᠠᠯ ᠶᠠᠭᠠᠬᠢᠨ᠎ᠠ ᠬᠡᠵᠤ ᠡᠬᠡᠨᠡᠷ ᠢᠶᠠᠨ ᠬᠤᠷᠢᠭᠯᠠᠭᠰᠠᠭᠠᠷ ᠪᠠᠶᠢᠬᠤ ᠳᠤ ᠳ᠋ᠠᠮᠪᠢ ︽ᠨᠢᠭᠡᠳᠦᠯ ᠤᠨ ᠲᠠᠷᠤᠭ᠎ᠠ ᠲᠠᠢ ᠠᠭᠤᠯᠵᠠᠬᠤ ᠠᠮᠢ᠂ ᠠᠯᠪᠠᠨ ᠤ ᠠᠵᠢᠯ ᠪᠠᠶᠢᠨ᠎ᠠ᠂ ᠪᠠᠰᠠ ᠲᠠᠮᠠᠬᠢ ᠴᠦᠳᠡᠨᠵᠠ ᠴᠤ ᠲᠠᠭᠤᠰᠬᠤ ᠨᠢ︾ ᠬᠡᠵᠤ ᠡᠨᠡ ᠲᠠᠷᠨ ᠶᠠᠯᠢᠬᠤ ᠱᠠᠯᠢᠬᠤ ᠦᠭᠡᠢ ᠶᠠᠭᠤᠮᠠᠬᠠᠨ ᠢᠶᠠᠷ ᠰᠢᠯᠳᠠᠭᠯᠠᠨ ᠪᠠᠶᠢᠵᠤ ᠰᠤᠮᠤ ᠤᠷᠤᠭᠤ ᠶᠠᠪᠤᠵᠠᠢ᠃ ᠦᠨᠡᠨᠳᠡᠭᠡᠨ ᠨᠢᠭᠡᠳᠦᠯ ᠤᠨ ᠲᠠᠷᠤᠭ᠎ᠠ ᠨᠠᠷ ᠲᠠᠢ ᠠᠭᠤᠯᠵᠠᠬᠤ ᠶᠠᠷᠢᠶ᠎ᠠ ᠬᠦᠭᠡᠷᠦᠭᠡ ᠲᠡᠬᠦᠨ ᠳᠤ ᠨᠢᠭᠡᠭᠡᠨ ᠴᠤ ᠪᠠᠶᠢᠭᠰᠠᠨ ᠦᠭᠡᠢ᠃ ᠳ᠋ᠠᠮᠪᠢ ᠶᠢ ᠡᠷᠡᠬᠦᠯ ᠰᠠᠷᠠᠭᠤᠯ ᠪᠠᠶᠢᠬᠤ ᠳᠤ ᠰᠤᠮᠤ ᠶᠢᠨ ᠬᠦᠮᠦᠨ ᠤ ᠶᠡᠭᠡ ᠡᠮᠴᠢ ᠠᠴᠠ ᠲᠡᠭᠡᠬᠦᠷ ᠰᠢᠬᠠᠮ ᠡᠷᠬᠦᠮᠵᠢᠯᠡᠨ ᠨᠠᠭᠠᠨ᠎ᠠ ᠴᠠᠭᠠᠨ᠎ᠠ ᠬᠡᠯᠴᠡᠨ ᠠᠯᠢᠪᠠ ᠶᠡᠭᠡ ᠪᠠᠭ᠎ᠠ ᠠᠵᠢᠯ ᠲᠡᠭᠡᠷ᠎ᠠ ᠠᠮᠢ ᠶᠢ ᠨᠢ ᠬᠠᠷᠠᠳᠠᠭ ᠪᠠᠶᠢᠭᠰᠠᠨ ᠰᠢᠳᠠᠷ ᠲᠠᠷᠤᠭ᠎ᠠ ᠨᠠᠷ ᠡᠳᠦᠭᠡ ᠲᠡᠬᠦᠨ ᠢ ᠪᠠᠷᠤᠭ ᠮᠠᠷᠳᠠᠵᠠᠢ᠃ ︽ᠬᠦᠮᠦᠨ ᠶᠠᠭᠠᠬᠢᠬᠤ ᠪᠤᠢ᠂ ᠤᠯᠤᠰ ᠤᠨ ᠲᠦᠯᠦᠪᠯᠡᠭᠡ ᠲᠠᠰᠤᠷᠠᠬᠤ ᠪᠢᠰᠢ ᠂ ᠭᠠᠭᠴᠠᠬᠠᠨ ᠮᠠᠯ ᠁ ᠮᠠᠯ ᠬᠤᠪᠤᠷᠳᠠᠪᠠᠯ ᠡᠨᠡ ᠰᠤᠮᠤ ᠨᠢᠭᠡᠳᠦᠯ᠂ ᠴᠢ ᠪᠢᠳᠡᠨ ᠤ ᠨᠡᠷ᠎ᠠ ᠬᠦᠭᠡᠷᠦᠬᠦᠢ ᠪᠤᠯᠤᠨ᠎ᠠ︾ ᠬᠡᠵᠤ ᠰᠢᠭᠤᠳ ᠤᠯᠠᠭᠠᠨ᠂ ᠴᠠᠭᠠᠨ ᠬᠡᠯᠡᠬᠦ ᠦᠭᠡᠢ ᠬᠢᠷᠢᠨ᠎ᠠ ᠶᠠᠭᠤᠬᠠᠨ ᠲᠡᠭᠡᠷ᠎ᠠ ᠪᠤᠯᠪᠠᠴᠤ ᠪᠢᠳᠡᠬᠦᠭᠡᠨ ᠪᠠᠶᠢᠨ ᠪᠠᠶᠢᠨ ᠰᠠᠨᠠᠭᠤᠯᠳᠠᠭ ᠪᠠᠶᠢᠭᠰᠠᠨ ᠲᠡᠷᠨ ᠬᠦᠮᠦᠰ ᠲᠤ ᠳ᠋ᠠᠮᠪᠢ ᠭᠤᠮᠤᠳᠠᠭᠰᠠᠨ ᠦᠭᠡᠢ᠃ ᠤᠷᠤ ᠲᠡᠷ᠎ᠠ ᠮᠠᠯᠯᠠᠭᠰᠠᠨ ᠭᠡᠷ ᠎ ᠤᠨ ᠬᠦᠮᠦᠨ ᠢ ᠲᠡᠳᠠ ᠮᠠᠷᠳᠠᠬᠤ ᠦᠭᠡᠢ ᠭᠡᠳ ᠶᠠᠭᠠᠬᠢᠬᠤ ᠪᠢᠯᠨ᠃ ᠶᠠᠮᠠᠷ ᠲᠡᠶᠢᠮᠤ ᠶᠡᠭᠡ ᠦᠭᠡᠶᠢᠯᠡᠭᠳᠡᠵᠤ ᠬᠦᠨᠳᠦᠯᠡᠬᠦᠯᠬᠦ ᠪᠠᠷ ᠠᠯᠳᠠᠷ ᠭᠠᠪᠢᠶ᠎ᠠ ᠲᠠᠢ ᠬᠦᠮᠦᠨ ᠪᠢᠰᠢ᠃ ᠭᠷᠦ᠋ᠫ  ①᠎ ᠲᠤ ᠤᠷᠤᠭᠠᠳ ᠭᠤᠷᠪᠠᠨ ᠵᠢᠯ ᠤᠨ ᠨᠢᠭᠤᠷ ᠦᠵᠡᠬᠦ ᠳᠤ ᠨᠢᠭᠡᠳᠦᠯ ᠤᠨ ᠲᠠᠷᠤᠭ᠎ᠠ ᠨᠠᠷ ᠠᠴᠠ ᠳ᠋ᠠᠮᠪᠢ ᠶᠢᠨ ᠪᠡᠶ᠎ᠠ ᠶᠢ ᠠᠰᠠᠭᠤᠵᠤ ᠤᠷᠤᠵᠤ ᠢᠷᠡᠭᠰᠡᠨ ᠬᠦᠮᠦᠨ ᠬᠤᠷᠤᠭᠤ ᠲᠠᠷᠤᠮᠠᠷ ᠬᠤᠪᠤᠷᠬᠠᠨ᠃ ᠡᠪᠡᠳᠴᠢᠨ ᠲᠠᠢ ᠬᠦᠮᠦᠨ ᠦᠭᠡᠨᠳᠡᠭᠴᠢ  ② ᠭᠤᠮᠤᠳᠠᠮᠠᠳᠠᠭᠠᠢ ᠪᠠᠶᠢᠳᠠᠭ ᠪᠤᠯᠤᠭᠠᠳ ᠴᠤ ᠲᠡᠷᠨ ᠶᠤᠮᠰᠠᠨ ᠦᠦ ᠲᠠᠬᠤᠯ ᠲᠤᠮᠤᠭ᠎ᠠ ᠭᠠᠷᠤᠭᠰᠠᠨ ᠶᠤᠮᠰᠢᠭ ᠯᠡ ᠬᠠᠶᠠᠭ᠎ᠠ ᠪᠠᠷ ᠲᠤᠭᠤᠰᠤ ᠲᠠᠳᠠᠭᠤᠯᠤᠨ ᠲᠠᠪᠬᠢᠨ ᠦᠩᠭᠡᠷᠡᠨ᠎ᠠ᠃ ᠭᠡᠷ ᠠᠴᠠ ᠭᠠᠷᠬᠤ ᠦᠭᠡᠢ᠂ ᠤᠨᠢ ᠰᠢᠷᠳᠡᠨ ᠪᠡᠶ᠎ᠠ ᠪᠠᠨ ᠴᠢᠩᠨᠠᠵᠤ ᠬᠡᠪᠳᠡᠭᠰᠡᠭᠡᠷ ᠪᠠᠶᠢᠭᠠᠳ ᠪᠢ ᠭᠡᠳᠡᠭ ᠬᠦᠮᠦᠨ ᠤᠶᠠᠭᠠᠨ ᠤ ᠨᠤᠬᠠᠢ ᠠᠳᠠᠯᠢ ᠪᠤᠬᠢᠮᠳᠠᠭᠤ ᠪᠤᠯᠤᠭᠰᠠᠨ ᠶᠤᠮ ᠪᠠᠶᠢᠯᠬᠦᠢ ᠬᠡᠵᠤ ᠰᠡᠳᠬᠢᠯ ᠢᠶᠠᠨ ᠵᠠᠰᠠᠨ ᠪᠤᠳᠤᠭᠰᠠᠨ ᠢᠶᠠᠨ ᠮᠤᠷᠢ ᠲᠠᠪᠢᠷᠠᠨ ᠪᠦᠭ ᠪᠦᠭ ᠱᠤᠭᠰᠢᠭᠤᠯᠤᠯ᠎ᠠ᠃ ᠪᠤᠳᠠ᠂ ᠰᠦᠭᠡᠭ ᠎ ᠠᠴᠠ ᠦᠭᠡᠷ᠎ᠠ ᠮᠠᠯ ᠤᠨ ᠬᠠᠮᠠᠷ ᠬᠠᠳᠬᠤᠬᠤ ᠡᠪᠡᠰᠤ ᠦᠭᠡᠢ ᠤᠯᠠᠭᠠᠨ ᠭᠤᠪᠢ ᠳᠤ ᠤᠭᠤᠳᠤᠨ᠎ᠠ᠂ ᠵᠤᠷᠠᠮ᠎ᠠ ᠴᠤ ᠦᠯᠤ ᠦᠵᠡᠭᠳᠡᠨ᠎ᠠ᠃ ᠬᠠᠪᠤᠷ ᠤᠨ ᠬᠠᠪᠤᠷ ᠲᠤ ᠬᠠᠪᠰᠠᠷᠭ᠎ᠠ ᠰᠠᠯᠬᠢᠨ ᠳᠤ ᠪᠠᠯᠪᠠᠭᠤᠯᠤᠭᠰᠠᠭᠠᠷ ᠡᠪᠡᠰᠦᠨ ᠤ ᠦᠨᠳᠦᠰᠦ ᠰᠡᠶᠢᠷᠡᠭᠰᠢᠵᠤ ᠴᠢᠬᠢᠭ ᠬᠤᠯᠠᠳᠠᠭᠰᠠᠨ ᠤᠴᠢᠷ ᠲᠡᠷᠡᠰᠤ ᠬᠦᠷᠳᠡᠯ᠎ᠠ ᠱᠠᠯᠢᠳᠠᠢ ᠤᠷᠭᠤᠬᠤ ᠶᠢ ᠪᠠᠶᠢᠵᠠᠢ᠃ ᠬᠤᠳᠳᠤᠭ ᠤᠨ ᠤᠩᠭᠤᠴᠨ ᠬᠠᠭ᠎ᠠ ᠬᠠᠭᠰᠠᠮᠠᠷ ᠰᠠᠯᠬᠢᠨ ᠳᠤ ᠲᠡᠩᠭᠡᠯᠳᠦᠵᠤ ᠡᠴᠡᠭᠰᠡᠨ ᠮᠤᠷᠢ ᠬᠦᠰᠢᠵᠤ ᠬᠦᠨᠳᠦᠷᠡᠭᠰᠡᠨ ᠬᠦᠯ ᠢᠶᠠᠨ ᠲᠠᠭᠠᠵᠤ ᠶᠠᠳᠠᠭᠰᠠᠨ ᠶᠠᠩᠵᠤᠳᠠᠢ ᠵᠠᠯᠬᠠᠭᠤᠳᠠᠶᠢᠬᠠᠨ ᠬᠡᠯᠳᠦᠷᠢᠬᠦ ᠪᠦᠭᠡᠳ ᠢᠰᠭᠡᠷᠡᠬᠦ ᠰᠠᠨ ᠬᠡᠪᠡᠴᠤ ᠳ᠋ᠠᠮᠪᠢ ᠶᠢᠨ ᠤᠷᠤᠭᠤᠯ ᠨᠢ ᠡᠷᠳᠠ ᠬᠠᠭᠠᠷᠠᠵᠠᠢ᠃ ᠲᠡᠷᠡᠪᠡᠷ ᠰᠠᠭᠤᠳᠠᠯ ᠢᠶᠠᠨ ᠬᠡᠳᠦᠨᠳᠠ ᠵᠠᠰᠠᠨ ᠬᠠᠭᠤᠴᠢᠨ ᠮᠠᠭᠤ ᠪᠦᠷᠬᠦ ᠮᠠᠯᠠᠭᠠᠢ ᠢᠶᠠᠨ ᠠᠷᠤ ᠲᠠᠭᠵᠠ ᠤᠷᠤᠭᠤ ᠪᠠᠨ ᠬᠤᠶᠢᠰᠢᠯᠠᠭᠤᠯᠤᠭᠰᠠᠨ ᠪᠤᠯᠪᠠᠴᠤ ᠨᠢᠳᠤ ᠰᠤᠷᠮᠤᠤᠰᠤ ᠰᠡᠷᠬᠦᠭᠡᠬᠦ ᠰᠡᠷᠢᠬᠦᠨ ᠰᠠᠯᠬᠢ ᠨᠢᠭᠡᠨ ᠢᠮᠠᠬᠤ ᠶᠢᠨ ᠲᠡᠳᠦᠢ ᠳᠤ ᠴᠤ ᠦᠯᠤ ᠰᠡᠪᠬᠢᠬᠦ ᠠᠵᠠᠢ᠃ ᠮᠠᠷᠳᠠᠭᠰᠠᠨ ᠴᠠᠭᠠᠨ᠎ᠠ ᠎ ᠪᠠᠨ ᠭᠠᠭᠴᠨ ᠨᠢᠭᠡᠨ ᠪᠢᠯᠵᠤᠤᠬᠠᠢ ᠵᠢᠷᠬᠢᠬᠦ ᠲᠤᠭᠤᠯᠳᠠᠨ᠎ᠠ᠃       ᠡᠪᠡᠳᠴᠢᠳᠠᠢ ᠬᠦᠮᠦᠨ ᠤ ᠭᠠᠶᠢᠬᠠᠰᠢ ᠲᠠᠰᠤᠷᠠᠭᠰᠠᠨ ᠭᠤᠨᠢᠭᠳᠠᠢ ᠬᠠᠷᠠᠴᠨ ᠳᠤ ᠦᠷᠳᠦᠭᠰᠡᠨ ᠶᠠᠭᠤᠮ᠎ᠠ ᠪᠦᠬᠦᠨ ᠤᠶᠢᠳᠬᠠᠷᠳᠠᠢ ᠦᠵᠡᠭᠳᠡᠨ᠎ᠠ᠃ ᠬᠦᠮᠦᠨ ᠤ ᠲᠤᠯᠤᠭᠠᠢ ᠳᠤ ᠴᠡᠯᠮ᠎ᠠ ᠨᠢᠭᠡᠯᠨ ᠤᠭᠯᠠᠭᠰᠠᠨ ᠪᠤᠯ  ᠪᠷᠦ᠋ᠼᠧᠯ  ᠬᠡᠮᠡᠬᠦ ᠡᠪᠡᠳᠴᠢᠨ ᠡᠷᠳᠠ ᠤᠷᠤᠢ ᠬᠡᠵᠢᠶ᠎ᠠ ᠪᠤᠯᠪᠠᠴᠤ ᠠᠪᠰᠠᠨ ᠳᠤ ᠬᠠᠮᠳᠤ ᠤᠷᠤᠵᠤ ᠪᠠᠶᠢᠵᠤ ᠯᠡ ᠰᠠᠯᠳᠠᠭ ᠬᠡᠳᠡᠭ ᠢ ᠳ᠋ᠠᠮᠪᠢ ᠬᠡᠨ ᠠᠴᠠ ᠴᠤ ᠲᠤᠳᠠᠭᠤ ᠦᠭᠡᠢ ᠮᠡᠳᠡᠬᠦ ᠪᠤᠯᠪᠠᠴᠤ ᠰᠠᠨᠠᠭ᠎ᠠ ᠪᠠᠷ ᠤᠨᠠᠭᠰᠠᠨ ᠦᠭᠡᠢ᠃ ᠪᠢ ᠴᠤ ᠶᠠᠭᠠᠬᠢᠬᠤ ᠪᠤᠢ ᠬᠡᠳᠦᠨ ᠵᠢᠯ ᠠᠳᠤᠭᠤ ᠲᠠᠭᠠᠭᠰᠠᠨ ᠦᠷᠦᠭᠡᠯ ᠲᠠᠢ ᠮᠤᠷᠢ ᠰᠢᠭ᠋ ᠪᠦᠳᠦᠴᠢᠵᠤ ᠶᠠᠪᠤᠭᠠᠳ ᠦᠬᠦᠨ᠎ᠠ᠃ ᠬᠠᠷᠢᠨ ᠨᠠᠳᠠ ᠠᠴᠠ ᠬᠤᠶᠢᠰᠢ ᠬᠡᠳᠦᠨ ᠬᠡᠦᠭᠡᠳ ᠡᠬᠡᠨᠡᠷ ᠮᠢᠨᠢ ᠶᠠᠭᠠᠬᠢᠵᠤ ᠰᠢᠤᠬᠠᠨ ᠠᠮᠢ ᠵᠢᠭᠤᠳᠠᠭ ᠪᠤᠯ ᠬᠡᠬᠦ ᠠᠴᠠ ᠵᠡᠬᠦᠳᠤ ᠨᠤᠶᠢᠷ ᠤᠨ ᠦᠵᠡᠭᠳᠡᠯ ᠠᠳᠠᠯᠢ ᠶᠠᠭᠤᠮ᠎ᠠ ᠪᠦᠬᠦᠨ ᠪᠦᠷᠦᠩᠭᠡᠢ᠃ ᠵᠠᠯᠠᠭᠤ ᠬᠦᠮᠦᠨ ᠬᠤᠷᠸ᠎ᠠ ᠎ ᠶᠢ ᠶᠠᠭᠠᠬᠢᠵᠤ ᠭᠠᠭᠴᠠᠭᠠᠷ ᠢᠶᠠᠨ ᠪᠠᠷᠠᠬᠤᠪ᠃ ᠦᠬᠦᠭᠰᠡᠨ ᠤ ᠪᠠᠨ ᠬᠤᠶᠢᠨ᠎ᠠ ᠠᠴᠠ ᠦᠬᠦᠯᠳᠠᠢ ᠪᠢᠰᠢ᠃ ᠬᠡᠵᠢᠶ᠎ᠠ ᠪᠤᠯᠪᠠᠴᠤ ᠬᠡᠨ ᠨᠢᠭᠡᠨ ᠲᠠᠢ ᠠᠮᠢᠳᠤᠷᠠᠯ ᠬᠤᠯᠪᠤᠨ᠎ᠠ᠃ ᠲᠡᠷᠨ ᠴᠠᠭ ᠲᠤ ᠶᠠᠮᠠᠷ ᠬᠦᠮᠦᠨ ᠮᠠᠨ ᠤ ᠪᠤᠱᠤᠭ᠎ᠠ ᠪᠠᠷ ᠠᠯᠬᠤᠨ ᠤᠷᠤᠵᠤ ᠢᠷᠡᠳᠡᠭ ᠪᠤᠯ ᠬᠡᠵᠤ ᠰᠠᠨᠠᠬᠤ ᠠᠴᠠ ᠨᠤᠶᠢᠷ ᠲᠤᠮᠳᠠ ᠰᠤᠭᠳᠤᠭᠤ ᠬᠦᠮᠦᠨ ᠬᠠᠷ᠎ᠠ ᠲᠡᠩᠭᠡᠭᠡ ᠪᠠᠷ ᠎ ᠢᠶᠠᠨ ᠬᠠᠭᠠᠯᠭ᠎ᠠ ᠪᠠᠯᠪᠠᠭ᠋ᠤ ᠮᠡᠳᠤ ᠲᠦᠭᠰᠢᠬᠦᠷᠢᠳᠠᠢ ᠪᠦᠭᠡᠳ ᠦᠶ᠎ᠠ ᠦᠶ᠎ᠠ ᠵᠢᠷᠦᠭᠡ ᠪᠠᠵᠠᠯᠠᠨ ᠡᠪᠡᠳᠬᠦ ᠨᠢ ᠠᠷᠬᠠᠭ ᠬᠠᠭᠤᠴᠢ ᠡᠪᠡᠳᠴᠢᠨ ᠠᠴᠠ ᠨᠢ ᠲᠤᠯᠤᠭᠠᠨ ᠲᠤᠤᠷ᠎ᠠ ᠰᠢᠨᠠᠯᠭᠠᠳᠠᠢ᠃ ᠵᠢᠩ ᠦᠳᠠ ᠶᠢᠨ ᠰᠢᠷᠭᠠᠯ ᠬᠠᠯᠠᠭᠤᠨ ᠮᠠᠨᠠᠨ ᠲᠦᠷᠪᠡᠨ ᠵᠦᠭ ᠠᠯᠳᠠᠷᠠᠭᠰᠠᠨ ᠡᠨᠡ ᠬᠠᠶᠠᠭ᠎ᠠ ᠬᠢᠵᠠᠭᠠᠷ ᠦᠭᠡᠢ᠂ ᠬᠦᠯ ᠦᠭᠡᠢ ᠶᠡᠭᠡ ᠭᠤᠪᠢ ᠳᠤ ᠪᠠᠷᠢᠬᠤ ᠲᠠᠯᠪᠢᠬᠤ ᠪᠠᠷᠢᠮᠵᠢᠶ᠎ᠠ ᠨᠢᠭᠡᠭᠡᠨ ᠴᠤ ᠦᠭᠡᠢ᠃ ᠳ᠋ᠠᠮᠪᠢ ᠲᠠᠰᠢᠭᠤᠷ ᠢᠶᠠᠨ ᠶᠤᠰᠤ ᠲᠡᠳᠦᠢ ᠬᠦᠳᠡᠯᠭᠡᠨ ᠢᠯᠠᠭ᠎ᠠ ᠦᠷᠬᠦᠭᠡᠵᠤ ᠮᠤᠷᠢᠨ ᠤ ᠪᠠᠨ ᠠᠶᠠᠰ ᠢ ᠲᠠᠭᠠᠨ ᠭᠠᠵᠠᠷ ᠱᠠᠭᠠᠶᠢᠨ ᠬᠡᠯᠳᠦᠷᠢᠬᠦᠯᠦᠨ᠎ᠠ᠃ ᠵᠠᠳᠠᠭᠠᠢ ᠭᠠᠯ ᠤᠨ ᠨᠦᠭᠡᠯᠭᠡ ᠎ ᠲᠠᠢ ᠵᠦᠢᠷᠯᠡᠮ᠎ᠠ ᠬᠠᠯᠠᠭᠤᠨ ᠰᠠᠯᠬᠢᠨ ᠳᠤ ᠨᠢᠳᠤ ᠠᠨᠢᠯᠳᠤᠬᠤ ᠨᠢ ᠵᠠᠯᠬᠠᠭᠤᠳᠠᠢ᠃ ᠵᠢᠯ ᠤᠨ ᠵᠢᠯ ᠳᠤ ᠭᠠᠩ ᠪᠤᠯᠵᠤ ᠪᠤᠷᠤᠭ᠎ᠠ ᠬᠤᠷ᠎ᠠ ᠬᠤᠯᠠᠳᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠲᠤᠭᠤᠷᠢᠮ ᠬᠦᠷᠳᠡᠯ᠎ᠠ ᠬᠠᠭ᠎ᠠ ᠬᠠᠳᠠᠵᠤ ᠪᠤᠯᠠᠭ ᠲᠠᠭᠠᠭᠠᠴᠨ ᠭᠠᠵᠠᠷ ᠎ ᠲᠤ ᠰᠢᠷᠭᠤᠨ ᠤᠰᠤ ᠴᠢᠬᠢᠭ ᠤᠨ ᠦᠨᠦᠷ ᠨᠢᠳᠦᠨ ᠤ ᠬᠡᠮ ᠪᠤᠯᠪᠠ᠃ ᠤᠷᠴᠢᠯᠠᠩ ᠤᠨ ᠶᠠᠭᠤᠮ᠎ᠠ ᠪᠦᠬᠦᠨ ᠲᠤᠭ᠎ᠠ ᠬᠡᠮᠵᠢᠶ᠎ᠠ ᠲᠠᠢ ᠪᠠᠶᠢᠳᠠᠭ ᠶᠤᠮ ᠬᠡᠰᠡᠨ᠃ ᠬᠡᠪᠡᠴᠤ ᠭᠠᠵᠠᠷ ᠲᠡᠯᠡᠭᠡᠢ ᠶᠢᠨ ᠨᠠᠰᠤ ᠰᠡᠬᠦᠳᠡᠷ ᠤᠨ ᠲᠡᠷᠭᠡᠳᠠ ᠬᠦᠮᠦᠨ ᠪᠢᠳᠠ ᠴᠢᠨᠢ ᠨᠢᠳᠤ ᠢᠷᠮᠡᠬᠦ ᠶᠢᠨ ᠵᠠᠭᠤᠷ᠎ᠠ ᠳᠤ ᠠᠭᠤᠷᠰᠢᠵᠤ ᠬᠠᠳᠠᠳᠠᠭ ᠭᠠᠭᠴᠨ ᠲᠤᠰᠤᠯ ᠤᠰᠤ᠃ ᠡᠪᠤᠭᠡᠳ ᠲᠡᠭᠡᠳᠦᠰ ᠤᠨ ᠡᠨᠡ ᠦᠭᠡ ᠶᠠᠭᠠᠬᠢᠪᠠᠴᠤ ᠦᠨᠡᠨ ᠤ ᠬᠤᠪᠢ ᠲᠠᠢ ᠪᠢᠵᠠ᠃ ᠤᠳᠤ ᠴᠤ ᠠᠪᠬᠤ ᠡᠵᠡᠨ ᠯᠡ ᠪᠠᠶᠢᠨ᠎ᠠ ᠦᠦ ᠬᠡᠬᠦ ᠠᠴᠠ ᠪᠢᠰᠢ᠂ ᠠᠭᠤᠯᠨ ᠤᠪᠤᠭᠠᠨ ᠳᠠᠭᠠᠨ ᠴᠠᠢ᠂ ᠰᠦᠨ ᠤ ᠪᠠᠨ ᠲᠡᠭᠡᠵᠢ ᠶᠢ ᠡᠷᠬᠦᠵᠤ ᠰᠦᠰᠦᠭᠯᠡᠨ ᠵᠠᠯᠪᠠᠷᠢᠳᠠᠭ ᠬᠦᠮᠦᠨ ᠴᠦᠭᠡᠷᠡᠵᠤ ᠳ᠋ᠧ ᠬᠦᠭᠡᠷᠦᠬᠦᠢ᠃ ᠡᠷᠳᠠ ᠲᠡᠭᠡᠷ᠎ᠠ ᠦᠶ᠎ᠠ ᠠᠴᠠ ᠡᠴᠢᠭᠡ ᠲᠡᠭᠡᠳᠦᠰ ᠤᠨ ᠢᠶᠠᠨ ᠤᠩᠭᠤᠯᠠᠵᠤ ᠲᠠᠬᠢᠳᠠᠭ ᠠᠭᠤᠯᠨ ᠤᠪᠤᠭ᠎ᠠ ᠶᠢ ᠬᠦᠷᠳᠡᠯ᠎ᠠ ᠵᠠᠷᠢᠮ ᠬᠦᠮᠦᠨ ᠲᠤᠨᠤᠵᠤ ᠲᠤᠷᠤᠮᠵᠢᠯᠠᠳᠠᠭ ᠪᠤᠯᠵᠠᠢ᠃ ᠲᠡᠭᠡᠬᠦ ᠪᠠᠷ ᠯᠤᠤᠰ ᠰᠠᠪᠳᠠᠭ ᠭᠠᠵᠠᠷ ᠲᠡᠯᠡᠭᠡᠢ ᠭᠤᠮᠤᠳᠠᠯ ᠦᠭᠡᠢ ᠴᠤ ᠶᠠᠭᠠᠬᠢᠬᠤᠪ ᠳ᠋ᠧ ᠬᠡᠮᠡᠨ ᠳ᠋ᠠᠮᠪᠢ ᠬᠠᠷᠠᠮᠰᠠᠵᠤ᠂ ᠪᠤᠬᠢᠮᠳᠠᠬᠤ ᠬᠤᠤᠰᠯᠠᠨ ᠰᠠᠯ ᠰᠠᠯ ᠱᠤᠭᠰᠢᠭᠤᠯᠵᠤ ᠶᠠᠪᠤᠯ᠎ᠠ᠃       ᠲᠡᠭᠡᠳᠡᠯ᠎ᠠ ᠬᠤᠯᠨ ᠦᠭᠡᠶᠢᠭᠡᠨ ᠭᠠᠵᠠᠷ ᠠᠳᠤᠭᠤ ᠦᠦᠷᠰᠡᠨ ᠢᠨᠴᠠᠭᠠᠬᠤ ᠰᠢᠭ᠋ ᠰᠤᠨᠤᠰᠤᠭᠳᠠᠬᠤ ᠎ ᠳᠤ ᠲᠡᠷᠨ ᠵᠦᠭ ᠰᠠᠷᠠᠪᠴᠢᠯᠠᠨ ᠬᠠᠷᠠᠪᠠᠯ ᠤᠶᠢᠷᠠᠬᠠᠨ ᠰᠠᠭᠠᠬᠠᠯᠳᠠ ᠶᠢᠨ ᠴᠢᠨᠠᠳᠤ ᠳᠤ ᠬᠠᠳᠠᠵᠤ ᠬᠠᠭᠰᠠᠭᠰᠠᠨ ᠬᠤᠵᠢᠷᠳᠠᠢ ᠲᠤᠭᠤᠷᠢᠮ ᠤᠨ ᠵᠠᠬ᠎ᠠ ᠳᠤ ᠭᠠᠭᠴᠨ ᠠᠳᠤᠭᠤ᠂ ᠮᠤᠷᠢᠳᠠᠢ ᠬᠦᠮᠦᠨ ᠤ ᠪᠠᠷ᠎ᠠ ᠪᠠᠷ ᠲᠤᠯᠤᠭᠠᠢ ᠡᠷᠬᠦᠨ ᠰᠡᠷᠪᠡᠯᠵᠡᠨ ᠵᠤᠭᠰᠤᠵᠤ ᠪᠠᠶᠢᠬᠤ ᠨᠢ ᠲᠡᠷᠨ᠃ ᠠᠶᠢᠯ ᠮᠠᠯ᠂ ᠤᠰᠤ  ᠱᠠᠯᠪᠠ ᠦᠭᠡᠢ ᠭᠠᠵᠠᠷ ᠶᠠᠭᠤᠨ ᠭᠠᠭᠴᠨ ᠠᠳᠤᠭᠤ ᠡᠶᠢᠨᠬᠦ ᠵᠤᠭᠰᠤᠵᠤ ᠪᠠᠶᠢᠳᠠᠭ ᠰᠠᠨ ᠪᠢᠯᠨ᠃ ᠠᠯᠢ ᠨᠢᠭᠡ ᠭᠠᠵᠠᠷ ᠠᠴᠠ ᠨᠤᠳᠤᠭ ᠤᠰᠤ ᠪᠠᠨ ᠲᠡᠮᠡᠴᠡᠨ ᠬᠦᠶᠦᠵᠤ ᠶᠠᠪᠤᠭ᠎ᠠ ᠠᠮᠢᠳᠠᠨ ᠪᠤᠯᠪᠠ ᠦᠦ ᠬᠡᠵᠤ ᠭᠠᠶᠢᠬᠠᠰᠬᠢᠨ ᠬᠠᠷᠠᠭᠰᠠᠨ ᠢᠶᠠᠨ ᠵᠢᠯᠤᠭᠤ ᠪᠠᠨ ᠲᠡᠷᠨ ᠵᠦᠭ ᠡᠷᠬᠢᠬᠦᠯᠪᠡ᠃ ᠬᠡᠳᠡᠯ᠎ᠠ ᠮᠦᠨᠦᠬᠢ ᠠᠳᠤᠭᠤᠨ ᠤ ᠬᠠᠵᠠᠭᠤ ᠶᠢᠨ ᠬᠡᠰᠡᠭᠬᠡᠨ ᠪᠤᠳᠠ ᠰᠤᠨᠳᠤᠤᠯᠨ ᠲᠤᠳᠤᠷ᠎ᠠ ᠠᠴᠠ ᠬᠠᠯᠠᠭᠤᠨ ᠨᠠᠷᠠᠨ ᠳᠤ ᠰᠡᠬᠦᠳᠡᠷ ᠲᠤ ᠬᠢᠷᠦᠨ ᠬᠡᠪᠳᠡᠵᠤ ᠪᠠᠶᠢᠭᠰᠠᠨ ᠬᠡᠳᠦᠨ ᠬᠡᠷᠢᠶ᠎ᠠ ᠴᠤᠴᠢᠭᠰᠠᠨ ᠳᠠᠭᠠᠨ ᠲᠠᠯᠠᠪᠴᠢ ᠎ ᠪᠠᠨ ᠡᠪ ᠬᠠᠪᠤ ᠦᠭᠡᠢ ᠲᠦᠷᠭᠡᠨ ᠲᠦᠷᠭᠡᠨ ᠰᠠᠪᠠᠴᠢᠨ ᠭᠤᠸᠠᠭᠯᠠᠨ ᠨᠢᠰᠦᠯ᠎ᠠ᠃ ᠭᠡᠪᠡᠴᠤ ᠦᠳᠤ ᠨᠤᠯᠤᠤᠷ ᠪᠤᠵᠢᠬᠢᠨᠠᠭᠤᠯᠤᠨ ᠲᠡᠷᠬᠢᠨ ᠭᠤᠸᠠᠭᠯᠠᠨ ᠨᠢᠰᠬᠦ ᠲᠡᠷᠨ ᠰᠦᠷᠦᠭ ᠰᠢᠪᠠᠭᠤᠳ ᠠᠴᠠ ᠮᠦᠨᠦᠬᠢ ᠮᠤᠷᠢ ᠦᠷᠬᠦᠵᠤ ᠪᠤᠰᠬᠠᠭᠰᠠᠨ ᠦᠭᠡᠢ ᠨᠢ ᠶᠠᠭᠠᠬᠢᠪᠠᠴᠤ ᠡᠷᠡᠬᠦᠯ ᠦᠭᠡᠢ ᠰᠢᠨᠵᠢᠳᠠᠢ᠃ ᠳ᠋ᠠᠮᠪᠢ ᠬᠤᠵᠢᠷ ᠮᠠᠷ᠎ᠠ  ③ ᠤᠷᠭᠤᠭᠰᠠᠨ ᠱᠠᠯᠨ ᠲᠤᠭᠤᠷᠢᠮ ᠲᠤᠮᠳᠠᠭᠤᠷ ᠭᠠᠵᠠᠷ ᠤᠨ ᠬᠦᠷᠦᠰᠤ ᠶᠢ ᠦᠮᠤ ᠴᠦᠮᠤ ᠬᠢᠰᠬᠢᠨ ᠲᠠᠪᠬᠢᠨ ᠦᠩᠭᠡᠷᠡᠭᠰᠡᠨ ᠤᠯᠠᠨ ᠠᠳᠤᠭᠤᠨ ᠤ ᠮᠦᠷ᠂  ᠴᠠᠷᠬᠢᠨ ᠲᠡᠭᠡᠷ᠎ᠠ ᠦᠯᠦᠨ ᠬᠠᠭᠤᠷᠠᠢ ᠰᠢᠷᠤᠢ ᠦᠨᠦᠷᠯᠡᠨ ᠦᠷᠦᠭᠡᠰᠦᠨ ᠬᠦᠯ ᠢᠶᠠᠨ ᠡᠷᠬᠦᠰᠬᠢᠨ ᠵᠤᠭᠰᠤᠵᠤ ᠪᠤᠢ ᠲᠤᠬᠤᠮ ᠤᠨ ᠬᠦᠯᠦᠰᠤ ᠲᠠᠢ ᠡᠴᠡᠩᠭᠡᠢ ᠵᠡᠭᠡᠷᠳᠠ ᠮᠤᠷᠢᠨ ᠤ ᠵᠦᠪ ᠲᠠᠯ᠎ᠠ ᠪᠠᠷ ᠲᠤᠭᠤᠷᠢᠵᠤ ᠲᠠᠮᠠᠭ᠎ᠠ ᠶᠢ ᠨᠢ ᠬᠠᠷᠠᠭᠠᠳ ᠮᠤᠷᠢᠨ ᠠᠴᠠ ᠪᠠᠨ ᠪᠠᠭᠤᠯ᠎ᠠ᠃ ᠦᠷᠦᠭᠡᠰᠦᠨ ᠬᠦᠯ ᠨᠢ ᠲᠤᠯᠤᠮ ᠪᠤᠯᠳᠠᠯ᠎ᠠ ᠬᠠᠪᠤᠳᠤᠵᠤ ᠤᠰᠤ᠂ ᠡᠪᠡᠰᠤ ᠠᠮᠰᠠᠭ᠎ᠠ ᠦᠭᠡᠢ ᠤᠳᠠᠭᠰᠠᠨ ᠠᠴᠠ ᠤᠬᠤᠷᠬᠠᠢ ᠨᠢ ᠰᠢᠷᠬᠢᠭᠰᠡᠨ ᠲᠡᠷᠨ ᠮᠤᠷᠢᠨ ᠤ ᠨᠤᠤᠬ᠎ᠠ ᠲᠠᠢ ᠪᠤᠯᠠᠩᠬᠢᠷᠳᠤᠭᠰᠠᠨ ᠨᠢᠳᠦᠨ ᠲᠡᠭᠡᠷ᠎ᠠ ᠨᠤᠭᠤᠭᠠᠨ ᠤ ᠵᠢᠵᠢᠭ ᠬᠠᠷ᠎ᠠ ᠢᠯᠠᠭ᠎ᠠ ᠪᠦᠴᠢᠵᠠᠢ᠃ ᠤᠯᠠᠨ ᠠᠳᠤᠭᠤᠨ ᠤ ᠲᠠᠪᠬᠢᠨ ᠦᠩᠭᠡᠷᠡᠭᠰᠡᠨ ᠰᠢᠨᠡᠭᠡᠨ ᠮᠦᠷ ᠢ ᠶᠠᠮᠠᠷ ᠨᠢᠭᠡᠨ ᠶᠠᠭᠠᠷᠠᠯᠳᠠᠢ ᠵᠠᠷ ᠪᠢᠴᠢᠭ ᠬᠦᠶᠦᠯᠭᠡᠨ ᠤᠩᠰᠢᠬᠤ ᠶᠢᠨ ᠠᠳᠠᠯᠢ ᠨᠢᠭᠡᠨᠳᠠ ᠲᠠᠭᠠᠭᠤᠯᠤᠨ ᠬᠠᠷᠠᠭᠰᠠᠨ ᠳ᠋ᠠᠮᠪᠢ ᠰᠤᠮᠤ ᠶᠢᠨ ᠪᠡᠯᠡᠳᠭᠡᠯ ᠤᠨ ᠠᠳᠤᠭᠤ ᠶᠢ ᠰᠠᠶ᠋ᠢᠬᠠᠨ ᠡᠨᠡ ᠭᠤᠪᠢ ᠪᠠᠷ ᠲᠠᠭᠤᠵᠤ ᠦᠩᠭᠡᠷᠡᠭᠰᠡᠨ ᠪᠤᠯᠬᠤ ᠶᠢ ᠮᠠᠳᠠᠭ ᠦᠭᠡᠢ ᠲᠠᠭᠠᠯ᠎ᠠ᠃ ᠡᠨᠡᠬᠦ ᠮᠦᠴᠨ ᠳᠤ ᠬᠡᠳᠤ ᠬᠤᠨᠤᠭ ᠤᠨ ᠡᠮᠦᠨ᠎ᠠ ᠰᠤᠮᠤ ᠶᠢᠨ ᠬᠤᠷᠰᠢᠶᠠᠨ ᠤ ᠭᠠᠳᠠᠭ᠎ᠠ ᠪᠡᠯᠡᠳᠭᠡᠯ ᠤᠨ ᠠᠳᠤᠭᠤ ᠲᠠᠭᠤᠬᠤ ᠠᠯᠪᠠᠨ ᠳᠤ ᠲᠤᠬᠤᠭᠠᠨ ᠲᠤᠮᠢᠯᠠᠭᠳᠠᠭᠰᠠᠨ ᠬᠡᠳᠦᠨ ᠬᠠᠯᠠᠮᠴᠠᠭᠤᠬᠠᠨ ᠵᠠᠯᠠᠭᠤᠰ ᠤᠷᠭ᠎ᠠ᠂ ᠲᠠᠰᠢᠭᠤᠷ ᠬᠦᠨᠳᠡᠯᠢᠳᠦᠬᠦᠯᠦᠨ ᠰᠢᠯ ᠎ ᠲᠠᠢ ᠠᠷᠢᠬᠢ ᠪᠠᠷ ᠪᠡᠶ᠎ᠠ ᠪᠡᠶ᠎ᠠ ᠪᠠᠨ ᠲᠠᠶᠢᠯᠠᠨ ᠲᠦᠷᠦᠭᠡ ᠴᠢᠩᠭᠠᠯᠠᠬᠤ ᠵᠠᠭᠤᠷ᠎ᠠ ᠴᠢᠬᠢᠨ ᠳᠤ ᠤᠨᠠᠴᠨ ᠮᠠᠭᠤᠳᠠᠢ ᠪᠦᠳᠦᠯ ᠵᠡᠬᠡᠢ④ ᠦᠬᠡᠰ ᠬᠡᠯᠡᠯᠴᠡᠨ ᠬᠠᠩᠬᠠᠯᠵᠠᠵᠤ ᠰᠠᠭᠤᠭᠰᠠᠨ ᠨᠢ ᠬᠠᠷᠠᠭᠳᠠᠬᠤ ᠰᠢᠭ᠋ ᠪᠤᠯᠪᠠ᠃ ︽ᠢᠵᠢᠯ ᠪᠤᠷᠤᠭᠤ ᠤᠯᠠᠨ ᠶᠠᠩᠵᠤ ᠶᠢᠨ ᠠᠭᠠᠰᠢ ᠠᠷᠠᠨᠰᠢᠨ ᠲᠠᠢ ᠠᠳᠤᠭᠤ ᠰᠦᠨᠢ ᠲᠠᠯ᠎ᠠ ᠲᠠᠯ᠎ᠠ ᠲᠡᠶᠢᠰᠢ ᠪᠠᠨ ᠬᠡᠳᠤ ᠭᠤᠷᠪᠠ ᠎ ᠪᠠᠷ ᠪᠤᠴᠠᠵᠤ ᠵᠢᠭᠤᠳᠠᠬᠤ ᠬᠡᠵᠤ ᠵᠤᠪᠠᠭᠠᠭᠠᠳ ᠪᠠᠶᠢᠵᠤ ᠮᠠᠭᠠᠳ ᠦᠭᠡᠢ᠃ ᠲᠠᠶᠢᠮᠤ ᠪᠤᠯᠬᠤᠷ ᠲᠡᠷᠨ ᠵᠠᠳᠠᠷᠠᠭᠰᠠᠨ ᠠᠳᠠᠰᠬ᠎ᠠ ᠨᠤᠭᠤᠳ ᠢ ᠤᠰᠤ᠂ ᠡᠪᠡᠰᠤ ᠪᠠᠷ ᠦᠬᠦᠬᠦᠯᠵᠤ ᠪᠠᠶᠢᠮᠠᠨᠵᠢᠨ ᠭᠠᠷ ᠲᠠᠭᠠᠨ ᠤᠷᠤᠭᠤᠯᠵᠤ ᠠᠪᠬᠤ ᠦᠭᠡᠢ ᠪᠤᠯ ᠪᠤᠯᠬᠤ ᠦᠭᠡᠢ︾ ᠬᠡᠵᠤ ᠶᠠᠷᠢᠵᠠᠭᠠᠵᠤ ᠪᠢᠯᠨ᠃       ᠪᠤᠳᠠ᠂ ᠰᠤᠨᠳᠤᠤᠯᠨ ᠲᠤᠮᠳᠠᠭᠤᠷ ᠬᠤᠯᠨ ᠬᠤᠯᠨ ᠬᠠᠷᠠᠶᠢᠨ ᠬᠤᠷᠴᠨ ᠴᠤᠮᠪᠤᠩ ᠲᠤᠭᠤᠷᠢ ᠪᠠᠷ ᠎ ᠢᠶᠠᠨ ᠭᠠᠵᠠᠷ ᠤᠨ ᠬᠦᠷᠦᠰᠤ ᠶᠢ ᠦᠮᠤ ᠴᠦᠮᠤ ᠤᠩᠬᠢᠴᠢᠨ ᠤᠯᠠᠭᠠᠨ ᠬᠠᠷᠭᠤᠢ ᠲᠠᠳᠠᠭᠤᠯᠤᠨ ᠲᠠᠪᠬᠢᠭᠰᠠᠨ ᠲᠠᠭᠤᠪᠤᠷᠢ ᠶᠢᠨ ᠠᠳᠤᠭᠤᠨ ᠤ ᠮᠦᠷ ᠢ ᠬᠠᠷᠠᠵᠤ ᠰᠠᠭᠤᠭᠰᠠᠨ ᠳ᠋ᠠᠮᠪᠢ ᠶᠢᠨ ᠴᠢᠬᠢᠨ ᠳᠤ ᠠᠳᠤᠭᠤᠨ ᠤ ᠬᠦᠯ ᠤᠨ ᠲᠦᠪᠡᠷᠭᠡᠨ᠂ ᠲᠠᠰ ᠨᠢᠰ ᠤᠷᠢᠶᠠᠯᠭᠠᠬᠤ ᠤᠷᠭ᠎ᠠ᠂ ᠰᠢᠯᠪᠢᠬᠦᠷ ᠤᠨ ᠬᠤᠶᠢᠪᠢᠨ ᠤ ᠴᠢᠮᠡᠭᠡ᠂ ᠰᠢᠪᠭᠡᠷᠡᠭᠡᠵᠤ ᠬᠦᠩᠭᠡᠷᠡᠭᠰᠡᠨ ᠮᠤᠷᠢᠳ ᠤᠨ ᠢᠶᠠᠨ ᠠᠭᠠᠭ ᠤᠮᠤᠭ ᠢᠶᠠᠷ ᠰᠠᠪᠢᠷᠠᠵᠤ ⑤ᠬᠤᠴᠤᠷᠤᠭᠰᠠᠨ ᠭᠠᠭᠴᠨ ᠨᠢᠭᠡᠨ ᠦᠷᠢᠶ᠎ᠠ᠂ ᠪᠠᠶᠢᠳᠠᠰᠤ ᠶᠢ ᠬᠤᠭᠤ ᠨᠤᠭᠤ ᠡᠷᠬᠢᠬᠦᠯᠦᠨ  ᠠᠩᠭᠠᠯᠠᠨ ⑥ᠬᠦᠭᠡᠭᠡᠵᠤ ᠶᠠᠪᠤᠭ᠎ᠠ ᠬᠦᠮᠦᠰ ᠤᠨ ᠭᠤᠤᠭᠯᠠᠨ ᠬᠠᠰᠬᠢᠷᠬᠤ ᠵᠡᠷᠯᠢᠭ ᠲᠤᠭᠰᠢᠨ ᠲᠠᠭᠤ ᠵᠡᠷᠭᠡ ᠰᠤᠨᠤᠰᠤᠭᠳᠠᠵᠤ ᠠᠳᠤᠭᠤᠨ ᠤ ᠬᠠᠯᠠᠭᠤᠨ ᠬᠦᠯᠦᠰᠤ ᠵᠢᠭᠠᠷ᠂ ᠲᠤᠭᠤᠰᠤ ᠰᠢᠷᠤᠢ ᠦᠨᠦᠷᠳᠡᠨ ᠰᠠᠯᠬᠢ ᠰᠢᠭᠤᠷᠭ᠎ᠠ ᠲᠠᠭᠠᠷᠢᠨ ᠦᠩᠭᠡᠷᠡᠬᠦ ᠰᠠᠨᠠᠭᠳᠠᠯ᠎ᠠ᠃ ᠲᠡᠷᠨ ᠵᠢᠷᠦᠭᠡ ᠨᠢ ᠬᠦᠭᠡᠷᠦᠭᠰᠡᠨ ᠬᠠᠯᠠᠮᠴᠠᠭᠤ ᠬᠦᠮᠦᠰ ᠯᠡ ᠬᠠᠷᠠᠩᠭᠤᠢ ᠰᠦᠨᠢ ᠠᠳᠤᠭᠤ ᠬᠦᠭᠡᠭᠡᠨ ᠰᠠᠯᠬᠢ᠂ ᠰᠠᠪᠳᠠᠭ ᠠᠳᠠᠯᠢ ᠤᠤᠯᠭᠠᠯᠠᠨ ᠲᠤᠪᠳᠤᠯᠭᠠᠵᠤ ᠶᠠᠪᠤᠭᠠᠳ ᠡᠨᠡ ᠠᠮᠢᠳᠠᠨ ᠤ ᠬᠦᠯ ᠢ ᠦᠯᠢᠢ ⑦᠂ ᠨᠦᠭᠡᠨ ᠳᠤ ᠤᠨᠠᠭᠠᠵᠤ ᠬᠡᠮᠳᠦᠭᠡᠭᠰᠡᠨ ᠪᠠᠶᠢᠬᠤ ᠠᠴᠠ ᠵᠠᠶᠢᠯᠠᠬᠤ ᠦᠭᠡᠢ ᠬᠡᠵᠤ ᠪᠤᠳᠤᠬᠤ ᠵᠠᠭᠤᠷ᠎ᠠ ᠨᠠᠷᠠᠰᠢᠵᠤ ᠴᠠᠩᠭᠠᠭᠰᠠᠨ ᠠᠴᠠ ᠠᠯᠢ ᠡᠷᠳᠠ ᠰᠢᠳᠤ ᠨᠢ ᠵᠢᠭᠤᠷᠠᠭᠰᠠᠨ ᠮᠦᠨᠦᠭᠡᠨ ᠵᠡᠭᠡᠷᠳᠠ ᠮᠤᠷᠢᠨ ᠤ ᠬᠦᠯ ᠢ ᠪᠠᠷᠢᠵᠤ ᠦᠵᠡᠪᠡᠯ ᠨᠠᠷᠢᠨ ᠰᠢᠯᠪᠢᠨ ᠤ ᠬᠢᠨᠢ ᠶᠠᠰᠤ ᠬᠤᠭᠤᠷᠠᠭᠠᠳ ᠵᠦᠷᠢᠭᠡᠳ ᠬᠠᠪᠤᠳᠤᠴᠢᠬᠠᠭᠰᠠᠨ ᠪᠠᠶᠢᠯ᠎ᠠ᠃ ᠡᠪᠡᠳᠴᠢᠨ ᠳᠡᠭᠡᠨ ᠡᠮᠵᠡᠭᠯᠡᠨ ᠲᠠᠰᠤᠯᠳᠤᠩᠭᠤᠢ ᠬᠦᠨᠳᠤ ᠎ ᠪᠠᠷ ᠠᠮᠢᠰᠬᠤᠯᠯᠠᠬᠤ ᠲᠡᠷᠨ ᠬᠦᠭᠡᠷᠦᠬᠦᠢ ᠠᠳᠤᠭᠤᠰᠤᠨ ᠤ ᠭᠠᠯ ᠨᠢ ᠪᠦᠬᠦᠵᠤ ᠬᠦᠯᠢᠷᠡᠭᠰᠡᠨ ᠨᠢᠳᠤ ᠠᠭᠱᠠᠨ ᠪᠦᠬᠦᠨ ᠎ ᠳᠤ ᠳ᠋ᠠᠮᠪᠢ ᠠᠴᠠ ᠤᠰᠤ ᠨᠡᠭᠡᠨ᠂ ᠦᠰᠤ ᠪᠠᠨ ᠵᠤᠮᠠᠷᠠᠳᠠᠯ᠎ᠠ ᠬᠠᠯᠠᠭᠤᠷᠠᠭᠰᠠᠨ ᠳᠠᠭᠠᠨ ᠬᠠᠮᠤᠭ ᠪᠡᠶ᠎ᠠ ᠨᠢ ᠲᠠᠭᠵᠢᠨ ᠴᠡᠴᠡᠷᠵᠤ ᠪᠠᠶᠢᠪᠠ᠃ ᠳ᠋ᠠᠮᠪᠢ ᠲᠡᠬᠦᠨ ᠤ ᠬᠤᠭᠤᠷᠠᠭᠰᠠᠨ ᠬᠦᠯ ᠢ ᠡᠪ ᠎ ᠲᠤᠨᠢ ᠤᠷᠤᠭᠤᠯᠤᠨ ᠴᠢᠭ ᠪᠠᠷᠢᠵᠤ ᠪᠤᠭᠤᠬᠤ ᠬᠡᠵᠤ ᠲᠠᠮᠢᠷ ᠢᠶᠠᠨ ᠲᠠᠰᠤᠷᠠᠳᠠᠯ᠎ᠠ ᠨᠤᠴᠤᠯᠳᠤᠭᠰᠠᠨ ᠪᠤᠯᠪᠠᠴᠤ ᠭᠠᠭᠴᠠᠭᠠᠷᠳᠠᠭᠠᠳ ᠭᠠᠷ ᠤᠨ ᠬᠢᠨᠢ ᠴᠢᠳᠠᠯ ᠬᠦᠷᠦᠭᠰᠡᠨ ᠦᠭᠡᠢ᠃ ᠳ᠋ᠠᠮᠪᠢ ᠬᠡᠮᠰᠢᠵᠤ ᠪᠤᠬᠢᠮᠳᠠᠬᠤ ᠳᠠᠭᠠᠨ ᠦᠪᠡᠷ ᠢ ᠪᠠᠨ ᠲᠦᠮᠡᠨᠳᠠ ᠵᠢᠮᠡᠯᠡᠨ ᠵᠦᠭᠡᠭᠡᠳ ᠭᠠᠷ ᠎ ᠤᠨ ᠲᠡᠩᠭᠡᠯ ᠲᠠᠰᠤᠷᠠᠵᠤ ᠠᠮᠢᠳᠤ ᠰᠦᠭ⑧ ᠪᠤᠯᠤᠭᠰᠠᠨ ᠳᠠᠭᠠᠨ ᠭᠤᠳᠤᠷᠠᠨ ᠨᠢᠯᠪᠤᠰᠤ ᠪᠠᠨ ᠲᠤᠳᠤᠭᠰᠢ ᠪᠠᠨ ᠵᠠᠯᠬᠢᠨ ᠪᠠᠶᠢᠵᠤ ᠴᠡᠭᠡᠵᠢᠨ ᠳᠡᠭᠡᠨ ᠮᠡᠭᠰᠢᠨ ᠭᠠᠰᠠᠯᠤᠯ᠎ᠠ᠃ ᠲᠡᠭᠡᠭᠡᠳ ᠠᠷᠭ᠎ᠠ ᠪᠠᠷᠠᠭᠳᠠᠬᠤ ᠳᠠᠭᠠᠨ ᠮᠦᠳᠳᠤ ᠳᠡᠭᠡᠨ ᠪᠤᠷᠤᠭᠠᠨ ᠬᠤᠷ᠎ᠠ ᠤᠷᠤᠬᠤ ᠨᠢ ᠦᠦ᠂ ᠦᠭᠡᠢ ᠦᠦ ᠬᠡᠵᠤ ᠭᠤᠷᠢᠳᠠᠨ ᠲᠡᠭᠷᠢ ᠶᠢᠨ ᠬᠤᠷᠮᠤᠢ ᠤᠷᠤᠭᠤ ᠬᠠᠷᠠᠭ᠎ᠠ ᠪᠠᠨ ᠨᠠᠷᠢᠰᠬᠠᠨ ᠰᠠᠷᠠᠪᠴᠢᠯᠠᠨ ᠬᠠᠷᠠᠭᠠᠳ ᠡᠬᠦᠯᠨ ᠶᠢᠨ ᠴᠦᠪᠤᠳᠡᠯ ᠴᠤ ᠡᠰᠨ ᠤᠯᠵᠤ ᠦᠵᠡᠪᠡ᠃ ᠤᠶᠢᠷ᠎ᠠ ᠬᠠᠪᠢ ᠳᠤ ᠤᠰᠤ ᠲᠠᠢ ᠰᠠᠨ ᠪᠤᠯ ᠶᠠᠳᠠᠬᠤ ᠳᠠᠭᠠᠨ ᠡᠨᠡ ᠠᠮᠢᠳᠠᠨ ᠤ ᠭᠤᠤᠯ ᠢ ᠨᠢᠭᠡ ᠲᠡᠪᠳᠦᠭᠡᠭᠡᠳ ᠦᠬᠦᠬᠦᠯᠴᠢᠭᠡᠬᠦ ᠶᠤᠮᠰᠠᠨ᠃ ᠶᠠᠭᠠᠬᠢᠭᠰᠠᠨ ᠭᠠᠰᠠᠯᠠᠩᠳᠠᠢ ᠬᠠᠳᠠᠭᠤ ᠬᠠᠷᠢᠭ ᠬᠤᠷᠸ᠎ᠠ ᠪᠤᠢ ᠬᠡᠵᠤ ᠠᠮᠠᠨ ᠳᠠᠭᠠᠨ ᠨᠢᠭᠡᠨᠳᠠ ᠰᠢᠪᠡᠨᠡᠨ ᠦᠭᠦᠯᠡᠭᠰᠡᠨ ᠎ ᠢᠶᠠᠨ ᠪᠤᠰᠴᠤ ᠡᠮᠡᠭᠡᠯ ᠤᠨ ᠢᠶᠠᠨ ᠭᠠᠨᠵᠤᠭᠠᠨ ᠳᠤ ᠨᠢᠮᠪᠠᠶᠢᠯᠠᠨ ᠡᠪᠬᠡᠵᠤ ᠤᠶᠠᠭᠰᠠᠨ ᠡᠷ᠎ᠠ ᠰᠤᠷᠤᠨ ᠨᠤᠭᠳᠤ ᠶᠢ ᠲᠠᠶᠢᠯᠤᠯ᠎ᠠ᠃ ᠠᠳᠤᠭᠤ ᠲᠠᠭᠤᠵᠤ ᠶᠠᠪᠤᠭᠰᠠᠨ ᠲᠡᠷᠨ ᠬᠦᠮᠦᠰ ᠡᠨᠡ ᠮᠤᠷᠢᠨ ᠤ ᠲᠠᠮᠢᠷ ᠢ ᠲᠠᠰᠤᠷᠠᠭ᠎ᠠ ᠦᠭᠡᠢ ᠪᠠᠶᠢᠬᠤ ᠎ ᠳᠤ ᠬᠦᠯ ᠢ ᠨᠢ ᠬᠤᠭᠤᠷᠠᠭᠰᠠᠨ ᠲᠠᠷᠤᠢ ᠳᠤ ᠬᠠᠪᠤᠳᠠᠷ ᠪᠤᠭᠤᠴᠢᠬᠠᠬᠤ ᠠᠴᠠ ᠨᠢ ᠡᠮᠦᠨ᠎ᠠ ᠴᠢᠭ ᠪᠠᠷᠢᠭᠠᠳ ᠪᠤᠭᠤᠴᠢᠬᠠᠬᠤ ᠦᠭᠡᠢ ᠶᠠᠭᠠᠬᠢᠪᠠ ᠳ᠋ᠠ᠃ ᠲᠡᠭᠡᠭᠰᠡᠨ ᠪᠤᠯ ᠡᠨᠡ ᠮᠤᠷᠢ ᠢᠵᠢᠯᠢ ᠰᠦᠷᠦᠭ ᠤᠨ ᠢᠶᠠᠨ ᠬᠠᠯᠠᠭᠤᠨ ᠮᠦᠷ ᠎ ᠢᠶᠠᠷ ᠲᠡᠭᠡᠭᠰᠡᠭᠡᠷ ᠶᠠᠪᠤᠭᠠᠳ ᠡᠳᠦᠢ ᠳᠤ ᠡᠷᠭᠡᠪᠰᠢ ᠨᠢᠭᠡ ᠤᠰᠤ ᠲᠠᠢ ᠭᠠᠵᠠᠷ ᠤᠴᠢᠭᠰᠠᠨ ᠪᠠᠶᠢᠵᠤ ᠶᠠᠭᠤᠨ ᠮᠠᠭᠠᠳ᠃ ᠬᠡᠳᠡᠯ᠎ᠠ ᠁ ᠬᠡᠳᠡᠯ᠎ᠠ ᠲᠡᠶᠢᠮᠤ ᠦᠷᠤ ᠨᠢᠮᠭᠡᠨ ᠬᠦᠮᠦᠨ ᠲᠡᠳᠡᠨ ᠤ ᠲᠤᠳᠤᠷ᠎ᠠ ᠪᠠᠶᠢᠭᠰᠠᠨ ᠦᠭᠡᠢ᠂ ᠬᠦᠯ ᠢ ᠨᠢ ᠬᠤᠭᠤᠷᠠᠮᠠᠭᠴᠨ ᠯᠡ ᠤᠯᠠᠭ᠎ᠠ ᠨᠡᠭᠡᠵᠤ ᠶᠠᠪᠤᠭ᠎ᠠ ᠡᠯᠴᠢ᠂ ᠵᠠᠷᠤᠯᠭ᠎ᠠ ᠰᠢᠭ᠋ ᠡᠮᠡᠭᠡᠯ ᠢᠶᠠᠨ ᠨᠢᠷᠤᠭᠤᠨ ᠠᠴᠠ ᠨᠢ ᠬᠠᠭᠤ ᠲᠠᠳᠠᠨ ᠠᠪᠤᠭᠠᠳ ᠦᠭᠡᠷ᠎ᠠ ᠮᠤᠷᠢᠨ ᠳᠤ ᠲᠤᠬᠤᠭᠠᠳ ᠮᠤᠷᠳᠠᠭᠰᠠᠨ ᠪᠠᠶᠢᠬᠤ ᠨᠢ ᠬᠡᠵᠤ ᠪᠤᠬᠢᠮᠳᠠᠬᠤ ᠰᠠᠴᠠᠭᠤ ᠠᠮᠢᠰᠬᠤᠯ ᠤᠨ ᠢᠶᠠᠨ ᠲᠤᠭ᠎ᠠ ᠶᠢ ᠬᠡᠵᠢᠶ᠎ᠠ ᠲᠠᠭᠤᠰᠬᠤ ᠶᠢ ᠬᠦᠯᠢᠶᠡᠨ ᠵᠤᠭᠰᠤᠵᠤ ᠪᠤᠢ ᠡᠨᠡ ᠮᠤᠷᠢᠨ ᠳᠤ ᠦᠪᠡᠷ ᠎ ᠢᠶᠠᠨ ᠶᠠᠮᠠᠷᠴᠤ ᠲᠤᠰᠨ ᠬᠦᠷᠭᠡᠵᠤ ᠴᠢᠳᠠᠭ᠎ᠠ ᠦᠭᠡᠢ ᠳᠡᠭᠡᠨ ᠡᠵᠡᠨ ᠦᠭᠡᠢ ᠬᠡᠭᠡᠷ᠎ᠠ ᠲᠠᠯ᠎ᠠ ᠳᠤ ᠤᠨᠤᠭᠠᠨ ᠠᠴᠠ ᠪᠠᠨ ᠬᠠᠭᠠᠴᠠᠨ ᠶᠠᠪᠠᠭᠠᠷᠠᠭᠰᠠᠨ ᠠᠴᠠ ᠲᠤᠳᠠᠭᠤ ᠦᠭᠡᠢ ᠭᠠᠰᠢᠭᠤᠳᠠᠨ ᠲᠡᠬᠦᠨ ᠤ ᠨᠢᠳᠤ ᠶᠢ ᠬᠠᠷᠠᠬᠤ ᠠᠴᠠ ᠪᠠᠨ ᠦᠷᠦᠪᠳᠦᠨ ᠬᠠᠯᠭᠠᠵᠤ ᠨᠢᠭᠤᠷ ᠪᠤᠷᠤᠭᠤᠯᠠᠪᠠ᠃       ᠬᠠᠯᠠᠭᠤᠨ ᠡᠳᠦᠷ ᠶᠡᠭᠡ ᠨᠠᠭᠤᠷ ᠤᠨ ᠪᠠᠷ᠎ᠠ ᠬᠠᠷᠠᠵᠤ ᠤᠰᠤᠨ ᠤ ᠰᠡᠷᠢᠬᠦᠨ ᠰᠠᠯᠬᠢ ᠦᠨᠦᠷᠯᠡᠨ ᠴᠠᠩᠭᠠᠭᠰᠠᠨ ᠤᠯᠠᠨ ᠬᠤᠨᠢ ᠨᠢᠷᠤᠭᠤ ᠪᠠᠨ ᠬᠦᠪᠡᠯᠵᠡᠬᠦᠯᠦᠨ ᠴᠤᠪᠤᠷᠠᠨ ᠴᠤᠭᠬᠢᠵᠤ ᠶᠠᠪᠤᠨ᠎ᠠ ᠦᠦ ᠬᠡᠯᠳᠠᠢ ᠵᠤᠨ ᠤ ᠲᠤᠮᠳᠠ ᠰᠠᠷ᠎ᠠ ᠶᠢᠨ ᠵᠢᠩ ᠦᠳᠠ ᠶᠢᠨ ᠶᠠᠪᠠᠭᠠᠨ ᠵᠡᠷᠭᠡᠯᠭᠡ ᠲᠡᠭᠷᠢ᠂ ᠭᠠᠵᠠᠷ ᠤᠨ ᠰᠠᠪᠰᠠᠯᠭ᠎ᠠ ᠪᠠᠷ ᠲᠤᠩᠭᠤᠴᠢᠨ ᠲᠤᠭᠯᠠᠬᠤ ᠰᠠᠴᠠᠭᠤ ᠨᠠᠷᠠᠨ ᠳᠤ ᠤᠯᠠᠶᠢᠳᠠᠨ ᠬᠠᠯᠠᠭᠰᠠᠨ ᠲᠦᠷᠦᠭᠡᠨ ᠲᠠᠪᠠᠭ ᠠᠴᠠ ᠬᠠᠯᠠᠭᠤᠨ ᠲᠡᠮᠦᠷ ᠤᠨ ᠦᠨᠦᠷ ᠬᠠᠩ ᠬᠢᠨ᠎ᠠ᠃ ᠲᠡᠷᠳᠡᠭᠡ ᠲᠡᠭᠡᠷ᠎ᠠ ᠰᠡᠬᠦᠳᠡᠷ ᠢᠶᠠᠨ ᠭᠠᠵᠠᠷ ᠲᠤ ᠤᠨᠠᠮ᠎ᠠ ᠦᠭᠡᠢ ᠦᠨᠳᠦᠷ ᠲᠤ ᠬᠡᠳᠦᠨ ᠪᠠᠷᠠᠭᠠᠨ ᠰᠢᠪᠠᠭᠤ ᠠᠮᠠᠨ ᠳᠠᠭᠠᠨ ᠤᠰᠤ ᠪᠠᠯᠭᠤᠭᠰᠠᠨ ᠮᠡᠳᠤ ᠠᠨᠢᠷ ᠴᠢᠮᠡᠭᠡ ᠦᠭᠡᠶᠢᠬᠡᠨ ᠡᠯᠢᠨ ᠬᠠᠯᠢᠨ ᠡᠷᠬᠢᠯᠳᠦᠨ᠎ᠠ᠃ ᠮᠢᠬ᠎ᠠ ᠴᠢᠰᠤᠨ ᠳᠤ ᠲᠦᠷᠦᠭᠰᠡᠨ ᠠᠮᠢᠳᠠᠨ ᠳᠤ ᠬᠠᠳᠠᠵᠤ ᠦᠬᠦᠬᠦ‍ ᠰᠢᠭ ᠠᠶᠤᠮᠰᠢᠭᠳᠠᠢ ᠶᠠᠭᠤᠮ᠎ᠠ ᠶᠢᠷᠳᠢᠨᠴᠤ ᠳᠤ ᠦᠭᠡᠢ ᠬᠡᠵᠤ ᠬᠠᠯᠠᠭᠯᠠᠨ ᠪᠤᠳᠤᠭᠰᠠᠨ ᠢᠶᠠᠨ ᠳ᠋ᠠᠮᠪᠢ ᠨᠤᠭᠳᠤ ᠪᠠᠨ ᠲᠠᠶᠢᠯᠤᠨ ᠵᠡᠭᠡᠷᠳᠠ ᠮᠤᠷᠢᠨ ᠤ ᠲᠤᠯᠤᠭᠠᠢ ᠳᠤ ᠤᠭᠯᠠᠬᠤ ᠎ ᠳᠠᠭᠠᠨ ᠲᠡᠬᠦᠨ ᠤ ᠬᠤᠨᠳᠤᠯᠠᠢ ᠲᠡᠭᠡᠷ᠎ᠠ ᠬᠤᠩ ᠬᠡᠷᠢᠶᠡᠨ ᠤ ᠰᠠᠩᠭᠠᠰᠤ᠂ ᠪᠠᠭᠠᠰᠤ ᠴᠠᠶᠢᠷᠠᠨ ᠪᠠᠶᠢᠬᠤ ᠶᠢ ᠤᠯᠵᠤ ᠬᠠᠷᠠᠭᠠᠳ ᠵᠤᠯᠳᠠᠢ ᠯᠡ ᠭᠠᠯᠵᠠᠭᠤᠷᠠᠭᠰᠠᠨ ᠦᠭᠡᠢ᠃ ᠬᠡᠷᠢᠶ᠎ᠠ ᠠᠯᠢᠪᠠ ᠠᠮᠢᠳᠠᠨ ᠢ ᠡᠯᠡᠭ ᠪᠠᠷᠢᠵᠤ  ᠨᠤᠮᠤᠬᠠᠴᠢᠯᠠᠨ ᠲᠤᠬᠤᠭᠤᠷᠬᠠᠬᠤ ᠳᠠᠭᠠᠨ ᠢᠩᠬᠢᠵᠤ ᠰᠠᠩᠭᠠᠰᠤ ᠪᠠᠭᠠᠰᠤ ᠪᠠᠷ ᠢᠶᠠᠨ ᠪᠤᠳᠤᠵᠤ ᠭᠤᠳᠤᠭᠠᠳᠠᠭ ᠮᠠᠭᠤ ᠢᠷᠸ᠎ᠠ ᠶᠢᠨ ᠰᠢᠪᠠᠭᠤ᠃ ᠪᠤᠷᠬᠠᠨ ᠴᠤ ᠠᠮᠢ ᠶᠢ ᠨᠢ ᠠᠪᠤᠷᠠᠬᠤ ᠠᠴᠠ ᠦᠩᠭᠡᠷᠡᠭᠰᠡᠨ ᠡᠨᠡ ᠮᠤᠷᠢ ᠶᠢ ᠲᠡᠩᠭᠡᠯ ᠢᠶᠠᠨ ᠪᠠᠷᠠᠵᠤ ᠦᠭᠡᠳᠠ ᠪᠠᠨ ᠤᠨᠠᠬᠤ ᠶᠢᠨ ᠴᠠᠭ ᠲᠤ ᠨᠢᠳᠤ ᠶᠢ ᠨᠢ ᠠᠮᠢᠳᠤ ᠪᠠᠷ ᠤᠬᠤᠵᠤ ᠲᠤᠭᠰᠢᠬᠤ ᠰᠠᠨ ᠬᠡᠵᠤ ᠪᠠᠶᠢᠵᠤ ᠶᠠᠳᠠᠨ ᠬᠤᠷᠤᠬᠠᠶᠢᠰᠴᠤ ᠲᠤᠩᠭᠤᠳᠬᠤ ᠳᠠᠭᠠᠨ ᠬᠢᠮᠤᠰᠤ᠂ ᠬᠤᠰᠢᠭᠤ ᠪᠠᠨ ᠪᠢᠯᠡᠬᠦᠳᠡᠨ ᠲᠡᠶᠢᠨᠬᠦ ᠲᠤᠬᠤᠭᠤᠷᠬᠠᠭᠰᠠᠨ ᠎ ᠨᠢ ᠯᠠᠪᠳᠠᠢ᠃ ᠬᠠᠯᠠᠭᠤᠨ ᠠᠮᠢᠨ ᠠᠴᠠ ᠬᠠᠷ᠎ᠠ ᠨᠢᠳᠤ ᠡᠮᠵᠡᠭ ᠬᠡᠵᠤ ᠡᠷᠳᠡᠨ ᠤ ᠦᠭᠡ ᠪᠤᠢ᠃ ᠨᠠᠮᠠᠢᠢ ᠶᠠᠪᠤᠴᠢᠬᠠᠬᠤ ᠎ ᠪᠠᠷ ᠡᠨᠡ ᠮᠤᠷᠢᠨ ᠤ ᠨᠢᠳᠤ ᠶᠢ ᠬᠡᠷᠢᠶ᠎ᠠ ᠠᠮᠢᠳᠤ ᠪᠠᠷ ᠨᠢ ᠤᠬᠤᠵᠤ ᠲᠠᠷᠴᠢᠯᠠᠭᠠᠨ᠎ᠠ ᠬᠡᠵᠤ ᠪᠤᠳᠤᠬᠤ ᠠᠴᠠ ᠳ᠋ᠠᠮᠪᠢ ᠪᠦᠬᠦᠨ ᠢ ᠪᠤᠷᠬᠠᠨ᠂ ᠴᠢᠳᠬᠦᠷ ᠬᠤᠶᠠᠷ ᠲᠤ ᠲᠠᠭᠠᠳᠬᠠᠨ ᠮᠤᠷᠳᠠᠭᠠᠳ ᠶᠠᠪᠤᠴᠢᠬᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠲᠡᠭᠡᠭᠡᠳ ᠪᠢ ᠯᠡ ᠡᠨᠡ ᠬᠦᠭᠡᠷᠦᠬᠦᠢ ᠪᠤᠯᠤᠭᠰᠠᠨ ᠬᠡᠯᠨ ᠦᠭᠡᠢ ᠠᠳᠤᠭᠤᠰᠤ ᠶᠢ ᠵᠤᠪᠠᠯᠠᠩ ᠠᠴᠠ ᠡᠰᠨ ᠰᠠᠯᠭᠠᠪᠠᠯ ᠬᠡᠨ ᠲᠤᠰᠨ ᠬᠦᠷᠭᠡᠬᠦ ᠰᠠᠨ ᠪᠢᠯᠨ᠃ ᠪᠢ ᠴᠢᠨᠢ ᠦᠷᠦᠭᠡᠯ ᠲᠤᠳᠠᠭᠤ ᠡᠪᠡᠳᠴᠢᠨ ᠲᠠᠢ ᠴᠤ ᠬᠡᠰᠡᠨ ᠮᠠᠯ ᠢᠶᠠᠨ ᠯᠡ ᠬᠡᠭᠰᠡᠭᠡᠷ ᠶᠠᠪᠤᠭᠠᠳ ᠲᠠᠭᠤᠰᠤᠭᠰᠠᠨ ᠮᠠᠯ ᠤᠨ ᠡᠮᠴᠢ ᠬᠦᠮᠦᠨ᠃ ᠠᠮᠢᠳᠠᠨ ᠢ ᠡᠶᠢᠮᠤ ᠪᠤᠯᠭᠠᠴᠢᠬᠠᠭᠠᠳ ᠨᠠᠵᠢᠳ ⑨ ᠎ ᠢᠶᠠᠨ ᠡᠵᠡᠯᠡᠨ ᠲᠠᠷᠴᠢᠯᠠᠵᠤ ᠪᠠᠶᠢᠬᠤ ᠳᠤ ᠵᠢᠷᠦᠭᠡ ᠠᠯᠳᠠᠨ ᠨᠢᠭᠤᠷ ᠪᠤᠷᠤᠭᠤᠯᠤᠭᠠᠳ ᠮᠤᠷᠳᠠᠭᠠᠳ ᠶᠠᠪᠤᠴᠢᠬᠠᠪᠠᠯ ᠨᠢᠭᠡ ᠨᠠᠰᠤᠨ ᠤ ᠵᠤᠪᠠᠯᠠᠩ ᠪᠤᠯᠤᠨ᠎ᠠ ᠬᠡᠵᠤ ᠪᠤᠳᠤᠭᠰᠠᠨ ᠢᠶᠠᠨ ᠡᠯᠢ ᠡᠷᠳᠡ ᠮᠦᠷ᠂ ᠰᠡᠬᠦᠳᠡᠷ ᠦᠭᠡᠢ ᠨᠢᠰᠦᠨ ᠤᠳᠤᠭᠰᠠᠨ ᠬᠡᠳᠦᠨ ᠬᠤᠩ ᠬᠡᠷᠢᠶᠡᠨ ᠤ ᠠᠷᠤ ᠠᠴᠠ ᠵᠦᠭᠡᠨ ᠬᠠᠷᠠᠵᠤ ᠵᠤᠷᠢᠭ ᠢᠶᠠᠨ ᠴᠢᠩᠭᠠᠯᠠᠪᠠ᠃       ᠳ᠋ᠠᠮᠪᠢ ᠵᠡᠭᠡᠷᠳᠠ ᠮᠤᠷᠢ ᠶᠢ ᠨᠤᠭᠳᠤᠯᠤᠭᠠᠳ ᠠᠮᠠ ᠶᠢ ᠨᠢ ᠤᠷᠬᠠᠳᠠᠨ ᠪᠤᠭᠤᠵᠤ ᠪᠠᠶᠢᠬᠤ ᠳᠠᠭᠠᠨ ᠲᠡᠬᠦᠨ ᠤ ᠨᠢᠳᠤ ᠤᠷᠤᠭᠤ ᠡᠭᠴᠡᠯᠡᠵᠤ ᠬᠠᠷᠠᠭᠰᠠᠨ ᠦᠭᠡᠢ᠃ ᠶᠡᠭᠡ ᠭᠤᠪᠢ ᠶᠢᠨ ᠬᠠᠯᠠᠭᠤᠨ ᠵᠡᠷᠭᠡᠯᠭᠡᠨ ᠳᠤ ᠦᠶ᠎ᠠ ᠦᠶ᠎ᠠ ᠭᠠᠵᠠᠷ ᠠᠴᠠ ᠲᠠᠰᠤᠷᠠᠨ ᠦᠨᠳᠡᠯᠵᠡᠬᠦ ᠨᠠᠮᠬᠠᠨ ᠪᠤᠷᠤ ᠲᠤᠯᠤᠭᠠᠳ ᠢ ᠰᠢᠷᠳᠡᠨ ᠴᠠᠴᠡᠷᠭᠡᠶᠢᠯᠡᠭᠰᠡᠨ ᠭᠠᠷ ᠢᠶᠠᠷ ᠨᠤᠭᠳᠤ ᠪᠠᠨ ᠴᠢᠩᠭᠠᠯᠠᠵᠤ ᠵᠤᠭᠤᠬᠤ ᠳᠠᠭᠠᠨ ᠡᠨᠡ ᠭᠠᠵᠠᠷ᠂ ᠲᠡᠭᠷᠢ ᠬᠤᠶᠠᠷ ᠮᠢᠨᠢ ᠵᠦᠪ ᠪᠤᠷᠤᠭᠤ᠂ ᠨᠢᠬᠦᠯ ᠪᠤᠶᠠᠨ ᠢ ᠡᠷᠭᠡᠪᠰᠢ ᠢᠯᠭᠠᠬᠤ ᠪᠠᠶᠢᠯᠬᠦᠢ ᠬᠡᠵᠤ ᠦᠪᠡᠷ ᠢ ᠪᠠᠨ ᠴᠠᠭᠠᠳᠬᠠᠨ ᠪᠤᠳᠤᠭᠰᠠᠨ ᠢᠶᠠᠨ ᠨᠢᠳᠤ ᠪᠠᠨ ᠲᠠᠰᠤ ᠠᠨᠢᠨ ᠬᠦᠯ ᠦᠭᠡᠢ ᠮᠤᠷᠢ ᠶᠢ ᠭᠤᠷᠪᠠᠨᠳᠠ ᠰᠦᠬᠦᠷᠡᠬᠦᠯᠦᠨ ᠭᠤᠳ ᠲᠠᠳᠠᠨ ᠤᠨᠠᠭᠠᠭᠠᠳ ᠨᠤᠭᠳᠤ ᠶᠢᠨ ᠢᠶᠠᠨ ᠴᠤᠯᠪᠤᠭᠤᠷ ᠢ ᠲᠠᠰᠤᠷᠠᠳᠠᠯ᠎ᠠ ᠴᠢᠩᠭᠠᠯᠠᠪᠠ᠃ ᠳ᠋ᠠᠮᠪᠢ ᠨᠢᠭᠡ ᠬᠡᠰᠡᠭ ᠲᠡᠭᠡᠨ ᠨᠢᠳᠤ ᠪᠠᠨ ᠨᠡᠭᠡᠭᠡᠵᠤ ᠵᠢᠷᠦᠭᠡᠯᠡᠭᠰᠡᠨ ᠦᠭᠡᠢ᠃ ᠭᠠᠷ ᠎ ᠲᠠᠭᠠᠨ ᠠᠳᠬᠤᠭᠰᠠᠨ ᠴᠤᠯᠪᠤᠭᠤᠷ ᠢᠶᠠᠨ ᠰᠤᠯᠠᠳᠬᠠᠨ ᠬᠤᠶᠠᠷ ᠤᠨ ᠬᠤᠭᠤᠷᠤᠨᠳᠤ ᠠᠮᠢᠳᠠᠨ ᠲᠠᠮᠤᠯᠠᠴᠢᠬᠠᠬᠤ ᠪᠤᠢ ᠬᠡᠬᠦ ᠳᠡᠭᠡᠨ ᠬᠠᠷ᠎ᠠ ᠬᠦᠯᠦᠰᠤ ᠪᠠᠨ ᠴᠢᠬᠢᠷᠳᠡᠯ᠎ᠠ ᠬᠠᠮᠤᠭ ᠪᠡᠶᠡᠰ ᠢᠶᠠᠨ ᠬᠦᠪᠴᠢᠯᠡᠨ ᠪᠤᠳᠠ ᠰᠤᠨᠳᠤᠤᠯᠨ ᠲᠠᠭᠠᠷᠢᠯᠳᠤᠭᠰᠠᠨ ᠪᠤᠯᠭᠠᠨ ᠢ ᠢᠰᠬᠦᠯᠦᠨ ᠤᠯᠠᠯᠠᠨ ᠲᠠᠳᠠᠭᠰᠠᠭᠠᠷ ᠪᠠᠶᠢᠯ᠎ᠠ᠃ ᠠᠯᠢ ᠡᠷᠳᠠ ᠰᠦᠬᠦᠷᠡᠨ ᠤᠨᠠᠭᠰᠠᠨ ᠬᠢᠷᠢ ᠨᠢ ᠠᠮᠢ ᠨᠢ ᠲᠡᠮᠡᠴᠡᠬᠦ ᠳᠡᠭᠡᠨ ᠡᠴᠦᠰ ᠤᠨ ᠢᠶᠠᠨ ᠬᠦᠴᠤ ᠶᠢ ᠲᠠᠰᠤ ᠰᠢᠪᠬᠠᠨ ᠦᠷᠦᠭᠡᠯ ᠲᠠᠢ ᠶᠤᠮᠰᠢᠭ ᠲᠤᠤᠷ᠎ᠠ ᠪᠠᠨ ᠪᠦᠳᠦᠴᠢᠨ ᠲᠡᠯᠴᠢᠯᠡᠵᠤ ᠪᠠᠶᠢᠭᠰᠠᠨ ᠬᠦᠯ ᠦᠭᠡᠢ ᠮᠤᠷᠢ ᠶᠢ ᠬᠦᠳᠡᠯᠬᠦ ᠪᠠᠨ ᠪᠤᠯᠢᠵᠤ ᠤᠳᠤ ᠯᠡ ᠠᠮᠢᠰᠬᠤᠯ ᠬᠤᠷᠢᠶᠠᠭ᠎ᠠ ᠪᠤᠯᠪᠠ ᠦᠦ ᠬᠡᠬᠦ ᠶᠢᠨ ᠠᠯᠳᠠ ᠳᠤ ᠨᠢᠳᠤ ᠪᠠᠨ ᠠᠯᠭᠤᠷᠬᠠᠨ ᠨᠡᠬᠡᠭᠡᠪᠡᠯ ᠲᠦᠷᠦᠭᠦᠬᠡᠨ ᠵᠡᠷᠭᠡᠯᠭᠡᠨ ᠲᠤᠮᠳᠠ ᠲᠤᠩᠭᠤᠴᠢᠨ ᠪᠠᠶᠢᠭᠰᠠᠨ ᠬᠡᠳᠦᠨ ᠨᠠᠮᠬᠠᠨ ᠪᠤᠷᠤ ᠲᠤᠯᠤᠭᠠᠳ ᠨᠢᠭᠡᠨ ᠠᠭᠱᠠᠨ ᠳᠤ ᠦᠵᠡᠭᠳᠡᠭᠡᠳ ᠬᠦᠯ ᠦᠭᠡᠢ ᠬᠦᠭᠡ ᠲᠠᠯᠠᠢ ᠳᠤ ᠵᠢᠪᠪᠤᠨ ᠲᠠᠯᠳᠠ ᠤᠷᠤᠪᠠ᠃ ᠡᠨᠡᠭᠡᠨ ᠬᠤᠷᠤᠮ ᠳᠤ ᠳ᠋ᠠᠮᠪᠢ ᠶᠢᠨ ᠬᠦᠯ ᠲᠤᠤᠷᠠᠬᠢ ᠭᠠᠵᠠᠷ ᠴᠦᠮᠦᠷᠡᠬᠦ‍ ᠰᠢᠭ ᠪᠤᠯᠵᠤ ᠭᠠᠵᠠᠷ ᠲᠡᠯᠡᠭᠡᠢ ᠳᠤ ᠤᠰᠤᠨ ᠭᠠᠯᠪᠠ ᠶᠡᠬᠦᠯᠡᠴᠢᠭᠡᠪᠡ ᠦᠦ ᠬᠡᠵᠤ ᠰᠠᠨᠳᠤᠷᠬᠤ ᠎ ᠳᠠᠭᠠᠨ ᠪᠤᠳᠤᠯ ᠳᠠᠭᠠᠨ ᠲᠦᠭᠡᠷᠢᠭᠰᠡᠨ ᠨᠢᠳᠤ ᠪᠠᠷ  ᠰᠤᠴᠢᠨ ᠬᠠᠷᠠᠪᠠᠯ ᠨᠦᠭᠦᠭᠡ ᠬᠦᠯ ᠦᠭᠡᠢ ᠶᠡᠭᠡ ᠤᠰᠤ ᠦᠪᠡᠷ ᠎ ᠤᠨ ᠬᠢᠨᠢ ᠨᠢᠯᠪᠤᠰᠤ ᠪᠠᠶᠢᠭᠰᠠᠨ ᠶᠤᠮᠰᠠᠨᠵᠠᠢ᠃ ᠤᠬᠠᠭᠠᠨ ᠴᠡᠭᠴᠡᠷᠡᠵᠤ ᠠᠭᠤᠵᠢᠷᠠᠭᠰᠠᠨ ᠬᠤᠶᠢᠨ᠎ᠠ ᠶᠠᠭᠤ ᠬᠢᠭᠰᠡᠨ ᠎ ᠢᠶᠠᠨ ᠪᠤᠯᠭᠤᠭᠠᠨ ᠠᠮᠢᠰᠬᠤᠯ ᠲᠠᠷᠤᠨ ᠵᠤᠭᠰᠤᠬᠤ ᠳᠠᠭᠠᠨ ᠬᠡᠳᠦᠨ ᠮᠦᠴᠨ ᠶᠢᠨ ᠡᠮᠦᠨ᠎ᠠ ᠳ᠋ᠠᠮᠪᠢ ᠠᠴᠠ ᠨᠢᠳᠤ ᠪᠠᠷ ᠎ ᠢᠶᠠᠨ ᠤᠰᠤ ᠨᠡᠭᠡᠨ ᠪᠠᠶᠢᠭᠰᠠᠨ ᠵᠡᠭᠡᠷᠳᠠ ᠮᠤᠷᠢ᠂ ᠢᠵᠢᠯᠢ ᠰᠦᠷᠦᠭ ᠤᠨ ᠢᠶᠠᠨ ᠬᠤᠶᠢᠨ᠎ᠠ ᠠᠴᠠ ᠨᠡᠭᠡᠨ ᠨᠡᠭᠡᠨ ᠬᠦᠶᠦᠬᠦ ᠪᠠᠷ ᠬᠠᠯᠠᠭᠤᠨ ᠮᠦᠷ ᠲᠡᠭᠡᠷ᠎ᠠ ᠨᠢ ᠭᠠᠵᠠᠷ ᠦᠨᠦᠷᠯᠡᠨ ᠬᠦᠷᠪᠡᠵᠤ ᠪᠠᠶᠢᠨ᠎ᠠ ᠦᠦ ᠬᠡᠯᠳᠠᠢ ᠠᠭᠠᠷ ᠰᠠᠯᠬᠢ ᠬᠦᠭᠯᠡᠨ ᠬᠠᠳᠠᠷᠢᠳᠠᠭ ᠰᠠᠮᠪᠠᠢ ᠲᠤᠷᠭᠠᠨ ᠰᠡᠬᠦᠯ ᠎ ᠶᠦᠭᠡᠨ ᠦᠯᠦᠨ ᠰᠢᠷᠤᠶᠢᠨ ᠲᠡᠭᠡᠷ᠎ᠠ ᠲᠡᠪᠢᠰᠦᠨ ᠤᠨᠠᠭᠰᠠᠨ ᠪᠠᠶᠢᠯ᠎ᠠ᠃ ᠳ᠋ᠠᠮᠪᠢ ᠲᠦᠭᠡᠷᠢᠵᠤ ᠲᠡᠨᠦᠭᠰᠡᠨ ᠡᠯᠦᠢ ᠪᠠᠯᠠᠢ ᠬᠠᠷᠠᠴᠨ ᠪᠠᠷ ᠬᠦᠯ ᠤᠨ ᠢᠶᠠᠨ ᠲᠤᠤᠷ᠎ᠠ ᠬᠦᠭᠡ ᠮᠢᠬ᠎ᠠ ᠨᠢ ᠲᠠᠳᠠᠯᠳᠤᠨ ᠦᠬᠦᠵᠤ ᠪᠤᠢ ᠠᠳᠤᠭᠤᠨ ᠤ ᠨᠢᠯᠪᠤᠰᠤᠳᠠᠢ ᠨᠢᠳᠤ ᠶᠢ ᠠᠯᠮᠠᠶᠢᠷᠠᠨ ᠬᠠᠯᠳᠤᠬᠠᠨ ᠬᠠᠷᠠᠭᠰᠠᠨ ᠢᠶᠠᠨ ᠬᠡᠨᠡᠳᠳᠠ ᠬᠠᠷ᠎ᠠ ᠲᠡᠩᠭᠡᠭᠡ ᠪᠠᠷ ᠲᠠᠷᠢᠬᠢ ᠪᠠᠨ ᠰᠢᠭᠠᠪᠠ᠃ ᠲᠡᠭᠡᠭᠡᠳ ᠰᠦᠬᠦᠷᠡᠨ ᠤᠨᠠᠵᠤ ᠵᠡᠭᠡᠷᠳᠠ ᠮᠤᠷᠢᠨ ᠤ ᠲᠤᠯᠤᠭᠠᠢ ᠶᠢ ᠨᠢᠭᠡᠨᠳᠠ ᠬᠦᠭᠡᠷᠦᠬᠦᠶᠢᠯᠡᠨ ᠢᠯᠢᠭᠡᠳ ᠪᠠᠯᠴᠢᠷ ᠬᠡᠦᠭᠡᠳ ᠠᠳᠠᠯᠢ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠨᠢᠭᠤᠷ ᠎ ᠢᠶᠠᠨ ᠲᠠᠷᠤᠵᠤ ᠲᠤᠮᠤ ᠲᠤᠮᠤ ᠨᠢᠯᠪᠤᠰᠤ ᠤᠨᠠᠭᠠᠨ ᠬᠠᠩᠬᠢᠨᠠᠳᠠᠯ᠎ᠠ ᠤᠬᠢᠯᠠᠯ᠎ᠠ᠃ ᠲᠡᠷᠳᠡᠭᠡ ᠲᠡᠭᠷᠢ᠂ ᠭᠠᠵᠠᠷ ᠤᠨ ᠰᠠᠪᠰᠠᠯᠭ᠎ᠠ ᠤᠯᠠᠨ ᠪᠦᠭᠡᠭᠡᠨ⑩᠎ ᠲᠠᠢ ᠠᠳᠤᠭᠤ ᠤᠰᠤ ᠤᠷᠤᠭᠤ ᠲᠤᠭᠤᠰᠤ ᠲᠠᠳᠠᠭᠤᠯᠤᠨ ᠲᠡᠷᠬᠢᠨ ᠲᠡᠷᠬᠢᠨ ᠬᠠᠳᠠᠷᠢᠬᠤ ᠮᠡᠳᠤ ᠮᠤᠷᠢᠨ ᠵᠡᠷᠭᠡᠯᠭᠡ ᠲᠡᠯᠭᠡᠬᠦᠯᠦᠨ ᠴᠤᠭᠬᠢᠨ᠎ᠠ᠃       ᠲᠠᠶᠢᠯᠪᠤᠷᠢ᠄      ① ᠭᠷᠦ᠋ᠫ — ᠲᠤᠭᠤᠶᠢᠯᠠᠩ᠂  ᠪᠦᠯᠬᠦᠮ᠃      ② ᠦᠭᠡᠨᠳᠡᠭᠴᠢ — ᠢᠮᠠᠭᠳᠠ ᠬᠦᠮᠦᠨ ᠳᠤ ᠲᠠᠷᠤᠯᠠᠭᠳᠠᠵᠤ ᠪᠠᠶᠢᠭ᠎ᠠ ᠮᠡᠳᠤ ᠰᠠᠨᠠᠭᠳᠠᠬᠤ ᠪᠠᠶᠢᠳᠠᠯ᠂ ᠪᠤᠰᠤᠳ ᠤᠨ ᠲᠤᠷᠤᠮᠵᠢᠯᠠᠯ ᠲᠠᠷᠤᠯᠠᠯ ᠳᠤ ᠰᠡᠷᠡᠮᠡᠳᠡᠭᠡᠢ᠄ ᠬᠦᠮᠦᠨ ᠤ ᠲᠤᠤᠷ᠎ᠠ ᠪᠠᠶᠢᠭᠰᠠᠭᠠᠷ ～ ᠪᠤᠯᠪᠠ᠃      ③ ᠮᠠᠷ᠎ᠠ — ᠬᠤᠵᠢᠷᠯᠢᠭ ᠭᠠᠵᠠᠷ᠃      ④ ᠵᠡᠭᠡᠢ — ᠠᠯᠢᠪᠠ ᠶᠠᠭᠤᠮᠠᠨ ᠤ ᠨᠦᠬᠦᠭᠡ ᠠᠴᠠ ᠪᠠᠨ ᠲᠤᠳᠠᠭᠤ᠂ ᠮᠠᠭᠤᠬᠠᠨ᠂ ᠪᠠᠷᠤᠭᠳᠠᠶᠢᠬᠠᠨ ᠪᠠᠶᠢᠳᠠᠯ᠃      ⑤ ᠰᠠᠪᠢᠷᠠᠬᠤ —  ᠰᠤᠨᠵᠤᠷᠤᠨ ᠭᠤᠭᠤᠵᠢᠬᠤ᠄ ᠰᠢᠯᠦᠰᠤ ～᠃      ⑥ ᠠᠩᠭᠠᠯᠠᠬᠤ — ︵ᠬᠦᠮᠦᠨ ᠪᠤᠶᠤ ᠠᠮᠢᠳᠠᠨ ᠢ ᠬᠦᠢᠴᠡᠬᠦ ᠪᠠᠷ︶ ᠬᠤᠶᠠᠷ ᠲᠠᠯ᠎ᠠ ᠪᠠᠷ ᠵᠠᠮ ᠬᠤᠪᠢᠶᠠᠨ ᠤᠷᠤᠬᠤ᠃      ⑦ ᠦᠯᠢᠢ — ᠭᠠᠵᠷ ᠢ ᠰᠠᠨᠳᠠᠶᠢᠯᠡᠨ ᠮᠠᠯᠳᠠᠭᠰᠠᠨ ᠬᠤᠯᠤᠭᠠᠨ᠎ᠠ ᠪᠤᠶᠤ ᠤᠭᠤᠳᠤᠨ᠎ᠠ ᠵᠡᠷᠭᠡ ᠠᠮᠢᠳᠠᠨ ᠤ ᠨᠦᠭᠡ᠄ ～ ᠴᠦᠮᠦᠷᠡᠬᠦ᠃      ⑧ ᠰᠦᠭ — ⑴ ᠴᠢᠳᠬᠦᠷ ⑵ ᠰᠦᠨᠡᠰᠤ᠃      ⑨ ᠨᠠᠵᠢᠳ — ᠵᠤᠪᠠᠯᠠᠩ᠃      ⑩ ᠪᠦᠭᠡᠭᠡᠨ — ᠴᠠᠶᠢᠷᠤᠤ᠂ ᠪᠠᠷᠠᠭᠠᠨ ᠪᠢᠰᠢ᠄ ～ ᠦᠩᠭᠡᠳᠠᠢ ᠮᠤᠷᠢ᠂ ～ ᠵᠢᠰᠦᠮ ᠤᠨ ᠮᠤᠷᠢ᠃             ︵www.biirbeh.mn᠎ ᠠᠴᠠ ᠬᠦᠷᠪᠡᠬᠦᠯᠪᠡ︶ 
  
ᠢᠷᠡᠯᠲᠡ᠄ ᠬᠡᠰᠢᠭᠳᠡᠨ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备09001939号