| | | ︵ᠪᠠᠷᠢᠮᠳᠠᠳᠣ ᠦᠬᠦᠯᠡᠯᠬᠡ︶ | | | ᠦᠨᠡᠬᠡᠨ ᠬᠠᠷᠠᠩᠭᠤᠢ ᠰᠠᠭᠤᠯᠠᠭᠠ ᠲᠠᠢ ᠣᠰᠣᠨ ᠳᠤ ᠰᠦ ᠲᠣᠰᠣᠭᠠᠬᠤ ᠮᠡᠳᠣ ᠲᠣᠷᠣᠨᠠ ᠵᠦᠭ ᠠᠴᠠ | ᠠᠭᠠᠵᠢᠮ ᠢᠶᠠᠷ ᠴᠠᠶᠢᠷᠠᠨ ᠣᠶᠢᠷᠠ ᠲᠣᠭᠤᠷᠢᠮ ᠤᠨ ᠶᠠᠭᠤᠮᠠ ᠬᠡᠣᠮᠡ ᠪᠦᠳᠡᠬᠢ ᠰᠦᠳᠡᠬᠢ ᠬᠠᠷᠠᠭᠳᠠᠬᠤ ᠲᠠᠢ ᠪᠣᠯᠪᠠ᠃ | ᠪᠣᠷᠭᠠᠰᠣᠨ ᠬᠠᠰᠢᠶᠠ ᠶᠢᠨ ᠨᠦᠮᠦᠷᠢ ᠳᠤ ᠰᠦᠨᠢᠵᠢᠨ ᠰᠢᠳᠣ ᠪᠠᠨ ᠬᠠᠪᠢᠷᠣᠨ ᠠᠭᠰᠣᠮᠨᠠᠨ ᠬᠤᠨᠣᠭᠰᠠᠨ ᠬᠠᠷᠠ | ᠪᠣᠣᠷᠠ ᠡᠷᠬᠢᠨ ᠲᠣᠭᠤᠷᠢᠨ ᠤ ᠪᠣᠳᠠ ᠪᠣᠷᠭᠠᠰᠣ ᠬᠠᠰᠢᠶᠠ ᠰᠠᠷᠠᠪᠴᠢ ᠶᠢ ᠢᠵᠢᠯᠢ ᠰᠦᠷᠦᠭ ᠬᠡᠮᠡᠨ ᠠᠳᠡᠬᠦᠷᠡᠨ | ᠬᠠᠷᠠᠭᠰᠠᠨ ᠮᠡᠳᠣ ᠣᠬᠤᠰᠬᠢᠨ ᠪᠣᠰᠴᠦ ᠡᠪᠦᠯ ᠤᠨ ᠬᠦᠢᠳᠡᠨ ᠵᠢᠪᠡᠷ ᠢ ᠰᠦᠷᠦᠨ ᠣᠴᠣᠶᠢᠨ ᠰᠠᠭᠤᠵᠣ ᠪᠠᠶᠢᠭᠠᠯᠢ | ᠠᠴᠠ ᠵᠠᠶᠠᠭᠠᠭᠰᠠᠨ ᠢᠵᠢᠯ ᠪᠣᠰᠣ ᠬᠦᠢᠰᠦᠳᠡᠨ ᠢ ᠬᠦᠰᠡᠬᠦ ᠬᠤᠷᠢᠭᠯᠠᠭᠳᠠᠰᠢ ᠦᠬᠡᠢ ᠲᠠᠴᠢᠶᠠᠯ ᠳᠤ ᠪᠠᠨ | ᠬᠦᠳᠦᠯᠦᠭᠳᠡᠨ ᠭᠠᠯᠵᠠᠭᠤᠷᠠᠮᠠ ᠮᠡᠳᠣ ᠬᠢᠯᠢᠩᠨᠡᠨ ᠬᠢᠯᠢᠩᠨᠡᠨ ᠵᠢᠳᠬᠦᠪᠡᠴᠦ ᠬᠤᠯᠣᠰᠣᠨ ᠪᠣᠶᠢᠯᠠ᠂ ᠰᠢᠷᠪᠣᠰᠣᠨ ᠲᠡᠪ᠂ | ᠲᠡᠮᠦᠷ ᠭᠠᠷᠠᠬᠠ ᠲᠠᠢ ᠬᠢᠯᠭᠠᠰᠣᠨ ᠪᠣᠷᠠᠨᠳᠠᠭ ᠢ ᠲᠠᠰᠣᠳᠠᠨ ᠴᠢᠳᠠᠬᠤ ᠦᠬᠡᠢ ᠬᠦᠯ ᠢᠶᠠᠨ ᠲᠡᠪᠰᠡᠯᠡᠨ ᠲᠡᠪᠰᠡᠯᠡᠨ | ᠲᠣᠭᠳᠠᠨ ᠶᠠᠳᠠᠵᠣ ᠪᠠᠬᠢ ᠣᠶᠠᠭᠠ ᠪᠠᠨ ᠡᠷᠬᠢᠨ ᠡᠷᠬᠢᠨ ᠭᠤᠩᠬᠢᠨᠠᠬᠤ ᠠᠵᠠᠢ᠃ | ᠣᠶᠣᠨᠠ ᠠᠷᠭᠠᠯ ᠠᠪᠴᠢᠷᠠᠵᠣ ᠭᠠᠯ ᠢᠶᠠᠨ ᠦᠷᠳᠡᠭᠰᠡᠨ ᠢᠶᠠᠨ ᠴᠢᠪ ᠬᠦᠢᠳᠡᠨ ᠭᠠᠷ ᠢᠶᠠᠷ ᠢᠶᠠᠨ | ᠠᠮᠳᠠᠳᠠᠶᠢᠬᠠᠨ ᠣᠨᠳᠠᠵᠣ ᠪᠠᠶᠢᠭᠠ ᠡᠷᠡ ᠨᠦᠬᠦᠷ ᠢᠳᠡᠷ ᠤᠨ ᠢᠶᠠᠨ ᠬᠠᠴᠠᠷ ᠢ ᠬᠦᠩᠬᠡᠬᠡᠨ ᠢᠯᠢᠭᠰᠡᠨ ᠳᠤ ᠢᠳᠡᠷ | ᠰᠣᠴᠢᠨ ᠰᠡᠷᠢᠭᠰᠡᠨ ᠪᠣᠯᠪᠠᠴᠣ ᠦᠯᠦ ᠣᠴᠠᠭᠠᠷᠯᠠᠨ ᠡᠬᠡᠨᠡᠷ ᠤᠨ ᠢᠶᠠᠨ ᠭᠠᠷ ᠠᠴᠠ ᠲᠠᠪ ᠬᠢᠨ ᠪᠠᠷᠢᠵᠣ ᠪᠡᠶᠡ ᠵᠦᠭ | ᠢᠶᠠᠨ ᠣᠶᠢᠷᠠᠳᠣᠭᠤᠯᠬᠤ ᠳᠤ ᠣᠶᠣᠨᠠ ᠴᠣ᠋ ᠡᠷᠬᠡᠯᠡᠨ ᠢᠨᠠᠭᠰᠢᠵᠦ ᠬᠦᠢᠳᠡᠨ ᠬᠠᠴᠠᠷ ᠢᠶᠠᠨ ᠢᠳᠡᠷ ᠤᠨ ᠬᠠᠯᠠᠭᠤᠨ | ᠬᠠᠴᠠᠷ ᠲᠤ ᠨᠠᠭᠠᠪᠠ᠃ ︽ᠬᠤᠷᠳᠣᠨ ᠪᠣᠰᠣᠭᠠᠷᠠᠢ᠂ ᠵᠠᠮ ᠬᠤᠯᠠ ᠰᠢᠦ ᠳ᠋ᠠ︾ ᠬᠡᠵᠦ ᠣᠶᠣᠨᠠ ᠡᠷᠡ ᠶᠢᠨ ᠢᠶᠠᠨ | ᠴᠢᠬᠢᠨ ᠳᠤ ᠰᠡᠮᠬᠡᠨ ᠰᠢᠪᠡᠨᠡᠭᠰᠡᠨ ᠢᠶᠠᠨ ᠡᠷᠡ ᠨᠦᠬᠦᠷ ᠤᠨ ᠢᠶᠠᠨ ᠠᠭᠠᠯᠢᠬᠦᠶᠢᠳᠡᠨᠰᠠᠷᠪᠠᠯᠵᠠᠬᠤ ᠭᠠᠷ ᠢ ᠬᠦᠩᠬᠡᠨ | ᠲᠦᠯᠬᠢᠨ ᠵᠢᠷᠭᠠᠯᠳᠠᠶᠢᠬᠠᠨ ᠮᠦᠰᠢᠶᠡᠪᠡ᠃ ᠠᠶᠠᠨ ᠳᠤ ᠶᠠᠪᠣᠬᠤ ᠪᠠᠨ ᠰᠠᠶ᠋ᠢ ᠰᠠᠨᠠᠵᠣ ᠣᠯᠣᠭᠰᠠᠨ ᠢᠳᠡᠷ | ᠶᠠᠭᠠᠷᠠᠪᠴᠢᠯᠠᠨ ᠪᠣᠰᠣᠯᠠ᠂ ᠬᠡᠷ ᠲᠤ ᠭᠠᠯ ᠤᠨ ᠢᠯᠴᠢ ᠪᠠᠳᠠᠷᠠᠨ ᠲᠠᠷᠬᠢᠯᠡᠨ ᠪᠣᠴᠠᠯᠬᠤ ᠴᠠᠢ ᠠᠴᠠ ᠠᠭᠤᠷ ᠰᠠᠪᠰᠠᠨ | ᠪᠠᠶᠢᠪᠠ᠃ | ᠢᠳᠡᠷ ᠲᠣᠯᠠᠭᠠᠨ ᠬᠡᠷ ᠠᠴᠠ ᠪᠠᠨ ᠭᠠᠷᠬᠤ ᠳᠤ ᠶᠢᠰᠦ ᠶᠢᠨ ᠭᠤᠣᠯ ᠤᠨ ᠬᠦᠢᠳᠡᠨ ᠵᠢᠪᠠᠷ ᠬᠠᠴᠠᠷ ᠢ | ᠬᠠᠭᠠᠷᠢᠨ ᠠᠮᠠᠨ ᠠᠴᠠ ᠨᠢ ᠴᠠᠭᠠᠨ ᠠᠭᠤᠷ ᠰᠠᠪᠰᠠᠬᠤ ᠠᠵᠠᠢ᠃ ᠦᠬᠡᠷ ᠬᠤᠨᠢ ᠨᠢ ᠬᠦᠢᠳᠡᠨ ᠠᠴᠠ ᠰᠢᠷᠬᠢᠢᠵᠦ | ᠲᠣᠯᠠᠭᠠᠨ ᠬᠠᠰᠢᠶᠠᠨ ᠳᠤ ᠪᠠᠨ ᠲᠠᠶᠢᠪᠣᠩ ᠬᠡᠪᠳᠡᠵᠦ ᠲᠠᠪᠠᠳᠠᠶᠢᠬᠠᠨ ᠬᠡᠪᠢᠵᠦ ᠡᠵᠡᠨ ᠢᠶᠠᠨ ᠠᠮᠣᠭᠤᠯᠠᠩ ᠰᠢᠷᠳᠡᠵᠦ | ᠪᠠᠶᠢᠯᠠ᠃ ᠭᠠᠭᠴᠠ ᠬᠦ ᠲᠣᠭᠰᠢᠨ ᠬᠠᠷᠠ ᠪᠣᠣᠷᠠ ᠨᠢ ᠡᠵᠡᠨ ᠢᠶᠠᠨ ᠬᠠᠷᠠᠵᠣ ᠡᠷᠬᠡᠯᠡᠵᠦ ᠲᠣᠨᠢᠷᠬᠠᠭᠰᠠᠨ ᠪᠣᠯᠪᠠᠣ | ᠬᠡᠮᠡᠷ ᠰᠢᠳᠣ ᠪᠠᠨ ︽ᠵᠢᠣᠷᠳ᠋ ᠵᠢᠣᠷᠳ᠋︾ ᠬᠠᠪᠢᠷᠴᠣ ᠠᠮᠠᠨ ᠠᠴᠠ ᠪᠠᠨ ᠬᠦᠬᠡᠰᠦ ᠰᠠᠬᠠᠷᠠᠭᠤᠯᠣᠨ ᠬᠤᠶᠢᠳᠣ ᠬᠤᠶᠠᠷ | ᠬᠦᠯ ᠲᠡᠬᠡᠷᠡ ᠪᠠᠨ ᠴᠢᠨᠡᠭᠡ ᠪᠠᠷ ᠢᠶᠠᠨ ᠰᠠᠭᠤᠵᠣ ᠯᠣᠣ ᠡᠷᠳᠡᠨᠢ ᠶᠢᠨ ᠬᠦᠵᠦᠬᠦᠦ ᠪᠠᠨ ᠴᠢᠨᠡᠭᠡ ᠪᠠᠷ ᠢᠶᠠᠨ ᠰᠣᠩᠭᠠᠨ | ᠰᠢᠬᠡᠰᠦ ᠰᠠᠪᠢᠷᠠᠭᠤᠯᠵᠣ ᠭᠠᠭ᠋ᠠᠢ ᠡᠷᠳᠡᠨᠢ ᠶᠢᠨ ᠰᠡᠬᠦᠯ ᠢᠶᠠᠷ ᠢᠶᠠᠨ ᠰᠢᠪᠰᠢᠪᠠᠴᠣ ᠡᠵᠡᠨ ᠨᠢ ᠰᠡᠬᠦᠯ ᠢ ᠨᠢ ᠪᠦᠬᠦ ᠲᠠᠢ | ᠨᠢ ᠬᠤᠯᠪᠣᠨ ᠣᠶᠠᠭᠰᠠᠨ ᠲᠣᠯᠠ ᠰᠡᠬᠦᠯ ᠢᠶᠠᠨ ᠲᠡᠮᠡᠶᠢᠯᠡ ᠰᠠᠪᠠᠯᠠᠬᠤ ᠠᠵᠠᠢ᠃ ᠡᠵᠡᠨ ᠨᠢ ᠲᠣᠭᠰᠢᠨ ᠰᠦᠷᠳᠣ | ᠲᠡᠮᠡᠭᠡ ᠪᠠᠨ ᠰᠦᠷᠯᠢᠭ ᠪᠣᠯᠭᠠᠬᠤ ᠬᠡᠮᠡᠨ ᠲᠠᠬᠢᠶᠠ ᠡᠷᠳᠡᠨᠢ ᠶᠢᠨ ᠦᠪᠦᠩ ᠲᠡᠬᠡᠷᠡ ᠨᠢ ᠣᠯᠠᠭᠠᠨ ᠪᠦᠰ ᠣᠶᠠᠭᠰᠠᠨ ᠨᠢ | ᠪᠣᠣᠷᠠ ᠶᠢ ᠣᠯᠠᠮ ᠣᠮᠣᠭᠰᠢᠭᠤᠨ ᠪᠣᠯᠭᠠᠵᠠᠢ᠃ ᠢᠳᠡᠷ ᠨᠣᠳᠤᠭ ᠤᠨ ᠵᠠᠭᠠᠨ ᠬᠡᠮᠡᠭᠳᠡᠭᠰᠡᠨ ᠰᠦᠷᠯᠢᠭ ᠲᠣᠮᠣ ᠬᠠᠷᠠ | ᠪᠣᠣᠷᠠ ᠪᠠᠨ ᠪᠠᠭ᠋ᠠᠷᠬᠠᠨ ᠬᠠᠷᠠᠵᠣ᠄ ︽ᠡᠪᠡᠰᠦ ᠣᠰᠣᠨ ᠠᠴᠠ ᠭᠠᠷᠴᠢᠬᠠᠭᠰᠠᠨ ᠠᠮᠢᠳᠠᠨ ᠳ᠋ᠠ᠂ ᠰᠢᠷᠡᠭᠡ ᠪᠣᠰᠤᠭᠠ | ᠪᠦᠬᠦ ᠨᠢ ᠠᠯᠢ ᠡᠳᠣᠷ ᠰᠢᠪᠳᠣᠷᠣᠭᠰᠠᠨ ᠬᠡᠳᠡᠰᠦ ᠮᠡᠳᠣ ᠬᠠᠮᠰᠠᠶᠢᠵᠦ ᠲᠣᠷᠤᠭ ᠪᠡᠶᠡ ᠨᠢ ᠶᠠᠰᠣᠨ ᠬᠡᠳᠡᠷᠡᠭᠡ ᠪᠣᠯᠬᠤ | ᠪᠣᠢ︾ ᠬᠡᠵᠦ ᠬᠠᠷᠠᠮᠰᠠᠨ ᠪᠣᠳᠣᠪᠠ᠃ ᠶᠡᠭᠡ ᠪᠠᠶᠢᠭᠠᠯᠢ ᠠᠴᠠ ᠵᠠᠶᠠᠭᠠᠭᠰᠠᠨ ᠡᠷᠡ ᠬᠦᠢᠰᠦᠳᠡᠨ ᠤ ᠣᠷᠤᠭᠠ ᠬᠡᠶᠢᠷᠬᠡᠯ | ᠳᠤ ᠪᠠᠨ ᠡᠵᠡᠯᠡᠬᠦᠯᠦᠭᠰᠡᠨ ᠲᠣᠭᠰᠢᠨ ᠬᠠᠷᠠ ᠪᠣᠣᠷᠠ ᠴᠡᠬᠡᠵᠢ ᠬᠦᠷᠴᠢᠬᠢᠨᠡᠬᠦᠯᠦᠨ ᠬᠦᠯ ᠲᠡᠪᠰᠡᠯᠡᠨ ᠬᠠᠪᠢᠳᠠᠭᠰᠠᠨ | ᠪᠦᠬᠦᠨ ᠢ ᠬᠡᠮᠬᠡ ᠪᠡᠯᠪᠡ ᠬᠢᠰᠬᠢᠵᠦ ᠬᠠᠶᠠᠮᠠᠷ ᠠᠭᠠᠰᠢᠯᠠᠨᠠᠮ᠃ ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠳᠤ ᠣᠮᠤᠭ ᠰᠢᠳᠠᠵᠣ ᠠᠷᠰᠯᠠᠨ | ᠪᠠᠷᠰ ᠮᠡᠳᠣ ᠲᠡᠪᠢᠵᠦ ᠶᠠᠪᠣᠭᠰᠠᠨ ᠢᠳᠡᠷ ᠠᠭᠰᠣᠮᠨᠠᠬᠤ ᠪᠣᠣᠷᠠ ᠪᠠᠨ ᠪᠠᠭ᠋ᠠᠷᠬᠠᠨ ᠬᠠᠷᠠᠵᠣ᠄ ︽ᠦᠨᠦᠳᠦᠷ | ᠬᠤᠶᠠᠭᠤᠯᠠ ᠪᠠᠨ ᠪᠠᠶᠠᠨᠳᠣᠬᠤᠢ ᠳᠤ ᠣᠴᠢᠵᠦ ᠬᠢᠳᠠᠳ ᠠᠶᠢᠯ ᠠᠴᠠ ᠠᠮᠦ ᠪᠣᠳᠠᠭᠠ ᠣᠯᠵᠣ ᠢᠷᠡᠨᠡ ᠳ᠋ᠠ︾ ᠬᠡᠵᠦ | ᠪᠣᠣᠷᠠᠨ ᠳᠤ ᠪᠠᠨ ᠬᠡᠯᠡᠬᠡᠳ ᠬᠡᠷ ᠲᠤ ᠪᠠᠨ ᠣᠷᠣᠪᠠ᠃ | ᠨᠠᠷᠠ ᠮᠠᠨᠳᠣᠵᠦ ᠵᠢᠪᠡᠷ ᠰᠠᠯᠬᠢ ᠨᠠᠮ ᠬᠢᠪᠡ᠃ ᠠᠶᠢᠪᠣᠭᠤ ᠲᠠᠶᠢᠪᠣᠭᠤ ᠡᠨᠡ ᠨᠣᠳᠤᠭ ᠤᠨ | ᠦᠷᠯᠦᠬᠡᠣᠷᠣᠭᠰᠠᠨ ᠪᠣᠣᠷᠠ ᠶᠢᠨ ᠬᠦᠷᠴᠢᠬᠢᠨᠡᠨ ᠬᠦᠷᠬᠢᠷᠡᠬᠦ ᠲᠠᠰᠣᠯ ᠲᠠᠭᠤᠨ ᠢᠶᠠᠷ ᠨᠠᠶᠢᠷᠯᠠᠯ ᠬᠦᠭᠵᠢᠮ ᠪᠣᠯᠭᠠᠨ | ᠡᠬᠢᠯᠡᠪᠡ᠃ ᠣᠯᠠᠩᠭᠠᠰᠣᠨ ᠬᠦᠷᠬᠢᠷᠡᠬᠦ ᠪᠣᠣᠷᠠ ᠶᠢᠨ ᠲᠠᠭᠤ ᠴᠢᠮᠡᠭᠡ ᠬᠤᠶᠠᠷ ᠭᠠᠵᠠᠷ ᠤᠨ ᠲᠡᠷᠳᠡᠭᠡ ᠴᠣᠣᠷᠢᠶᠠᠯᠠᠬᠤ | ᠨᠢ ᠮᠠᠭᠠᠳ ᠲᠠᠢ᠃ ᠢᠳᠡᠷ ᠣᠶᠣᠨᠠ ᠬᠤᠶᠠᠭᠤᠯᠠ ᠮᠠᠯ ᠠᠬᠤᠢ ᠶᠢᠨ ᠢᠶᠠᠨ ᠲᠣᠬᠠᠢ ᠲᠦᠩᠬᠡᠷ ᠲᠠᠩᠭᠠᠷ | ᠵᠣᠭᠤᠭᠳᠠᠵᠣ ᠡᠷᠳᠡ ᠶᠢᠨ ᠴᠠᠢ ᠪᠠᠨ ᠣᠣᠭᠤᠪᠠ᠃ ᠣᠶᠣᠨᠠ ᠬᠡᠷ ᠲᠡᠷᠬᠡ ᠪᠠᠨ ᠴᠡᠪᠡᠷᠯᠡᠵᠦ ᠦᠨᠡᠰᠦ ᠬᠤᠭ ᠢᠶᠠᠨ | ᠬᠡᠬᠡᠵᠦ᠂ ᠢᠳᠡᠷ ᠰᠢᠷᠢᠳᠡᠭ ᠲᠣᠬᠤᠮ ᠣᠭᠤᠳᠠ ᠰᠢᠭᠤᠳᠠᠢ ᠪᠠᠨ ᠪᠡᠯᠡᠳᠬᠡᠪᠡ᠃ ᠣᠶᠣᠨᠠ᠂ ᠡᠷᠡ ᠨᠦᠬᠦᠷ ᠤᠨ | ᠢᠶᠠᠨ ᠡᠮᠦᠰᠬᠦ ᠨᠡᠬᠡᠢ ᠲᠡᠪᠡᠯ᠂ ᠦᠨᠡᠬᠡᠨ ᠯᠣᠪᠣᠣᠵᠠ᠂ ᠢᠰᠡᠬᠡᠢ ᠣᠶᠢᠮᠣᠰᠣ ᠲᠠᠢ ᠭᠤᠳᠣᠯ ᠢ ᠨᠢ ᠭᠠᠷᠭᠠᠵᠣ ᠢᠷᠡᠪᠡ᠃ | ᠢᠳᠡᠷ ᠨᠡᠬᠡᠢ ᠲᠡᠪᠡᠯ ᠢᠶᠠᠨ ᠬᠡᠳᠦᠷᠴᠦ ᠪᠦᠬᠡᠴᠢᠨ ᠬᠦᠮᠦᠨ ᠤ ᠶᠣᠰᠣᠭᠠᠷ ᠦᠷᠬᠡᠨᠴᠡᠬᠡᠵᠢ ᠪᠠᠨ ᠬᠠᠩᠬᠠᠯᠵᠠᠭᠤᠯᠣᠨ | ᠰᠦᠪᠡᠭᠡ ᠲᠠᠷᠣᠨ ᠬᠡᠩᠬᠦᠯᠵᠡᠬᠦ ᠳᠤ ᠣᠶᠣᠨᠠ ᠰᠢᠷᠠ ᠲᠣᠷᠭᠠᠨ ᠪᠦᠰᠡ ᠶᠢ ᠨᠢ ᠣᠷᠠᠨ ᠡᠪᠯᠢᠭ ᠭᠠᠷ ᠢᠶᠠᠷ ᠢᠶᠠᠨ ᠴᠢᠪ | ᠴᠢᠩᠭᠠ ᠣᠷᠢᠶᠠᠵᠣ ᠵᠠᠩᠬᠢᠳᠣᠳᠠᠯᠠ ᠢᠳᠡᠷ ᠬᠡᠨᠡᠳᠳᠡ ᠡᠬᠡᠨᠡᠷ ᠢᠶᠠᠨ ᠴᠢᠩᠭᠠ ᠠᠴᠠ ᠴᠢᠩᠭᠠ ᠲᠡᠪᠡᠷᠢᠵᠦ ᠬᠡᠷᠡᠯ ᠬᠡᠬᠡ | ᠲᠠᠳᠠᠭᠰᠠᠨ ᠴᠠᠰᠣ ᠴᠠᠭᠠᠨ ᠬᠦᠵᠦᠬᠦᠦ ᠲᠡᠬᠡᠷᠡ ᠨᠢ ᠣᠷᠣᠭᠤᠯ ᠢᠶᠠᠨ ᠨᠠᠭᠠᠨ ᠰᠢᠨᠣᠭᠯᠠᠨ ᠦᠨᠦᠰᠦᠯᠡ᠃ ᠪᠦᠬᠡᠴᠢᠨ | ᠡᠷᠡ ᠶᠢᠨ ᠬᠠᠩᠬᠠᠭᠠᠷ ᠴᠡᠬᠡᠵᠢᠨ ᠳᠤ ᠲᠠᠰᠣ ᠨᠠᠭᠠᠯᠳᠣᠭᠰᠠᠨ ᠣᠶᠣᠨᠠ ᠮᠦᠨ ᠬᠦ ᠲᠡᠪᠡᠷᠢ ᠪᠠᠭᠳᠠᠮᠠ ᠦᠬᠡᠢ ᠬᠦᠳᠡᠷ | ᠲᠣᠮᠣ ᠪᠡᠶᠡ ᠶᠢ ᠨᠢ ᠬᠦᠴᠦᠯᠡᠨ ᠲᠡᠪᠡᠷᠢᠵᠦ ᠦᠷᠬᠡᠨ ᠮᠦᠷᠦ ᠶᠢ ᠨᠢ ᠲᠡᠷᠡᠯᠡᠨ ᠨᠢᠳᠣ ᠪᠠᠨ ᠬᠦᠩᠬᠡᠬᠡᠨ ᠠᠨᠢᠪᠠ᠃ | ᠬᠡᠰᠡᠭ ᠣᠳᠠᠭᠰᠠᠨ ᠢᠶᠠᠨ ᠣᠶᠣᠨᠠ᠄ ︽ᠡᠳᠦᠷ ᠰᠦᠨᠢ ᠦᠬᠡᠢ ᠲᠡᠪᠡᠷᠢᠯᠴᠡᠬᠡᠳ ᠦᠨᠡᠬᠡᠷ ᠢᠴᠢᠮᠡᠷ︕︾ ᠬᠡᠵᠦ | ᠡᠷᠬᠡᠯᠡᠩᠬᠦᠢ ᠲᠣᠣᠭᠠᠷᠴᠦ ᠢᠳᠡᠷ ᠢ ᠬᠦᠩᠬᠡᠨ ᠲᠦᠯᠬᠢᠨ ᠵᠠᠶᠢᠯᠠᠭᠤᠯᠵᠣ ᠦᠰᠦ ᠬᠡᠵᠢᠬᠡ ᠪᠠᠨ ᠶᠠᠩᠵᠣᠯᠠᠪᠠ᠃ | ᠪᠦᠬᠡᠴᠢᠨᠢᠳᠡᠷ ᠬᠡᠷ ᠤᠨ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠵᠠᠪᠠᠭ ᠲᠤ ᠬᠠᠪᠴᠢᠭᠤᠯᠣᠭᠰᠠᠨ ᠡᠷᠡ ᠬᠠᠷᠠ ᠰᠣᠷ ᠢᠶᠠᠷ | ᠮᠣᠰᠬᠢᠭᠰᠠᠨ ᠪᠦᠳᠦᠬᠦᠨ ᠲᠠᠰᠢᠭᠤᠷ ᠢᠶᠠᠨ ᠲᠣᠬᠤᠮ ᠰᠢᠷᠢᠳᠡᠭ ᠤᠨ ᠬᠠᠮᠳᠣ ᠠᠪᠴᠦ ᠭᠠᠷᠪᠠ᠃ | ᠴᠡᠬᠡᠵᠢ ᠬᠦᠷᠴᠢᠬᠢᠨᠡᠬᠦᠯᠦᠨ ᠰᠢᠳᠣ ᠵᠠᠵᠢᠬᠢᠨᠠᠭᠤᠯᠣᠭᠰᠠᠨ ᠲᠣᠭᠰᠢᠨ ᠬᠠᠷᠠ ᠪᠣᠣᠷᠠ ᠣᠯᠠᠭᠠᠨ ᠰᠠᠴᠤᠭ ᠲᠠᠢ | ᠲᠣᠮᠣ ᠲᠣᠯᠣᠭᠠᠢ ᠪᠠᠨ ᠴᠠᠭᠠᠨ ᠬᠦᠬᠡᠰᠦ ᠪᠠᠷ ᠪᠣᠯᠠᠵᠣ᠂ ᠬᠤᠷᠢᠭᠯᠠᠭᠳᠠᠰᠢ ᠦᠬᠡᠢ ᠴᠢᠩᠭᠠ ᠰᠢᠨᠦᠯ ᠳᠤ ᠪᠠᠨ | ᠲᠣᠭᠳᠠᠨ ᠶᠠᠳᠠᠨ ᠵᠢᠳᠬᠦᠵᠦ ᠪᠦᠬᠡᠴᠢᠨᠡᠵᠡᠨ ᠤ ᠢᠳᠡ ᠬᠦᠴᠦ᠂ ᠰᠣᠷ ᠲᠠᠰᠢᠭᠤᠷ ᠤᠨ ᠴᠢᠩᠭᠠ ᠬᠠᠳᠠᠭᠤ ᠶᠢ | ᠬᠡᠳᠦᠶᠢᠨᠢ ᠣᠮᠠᠷᠳᠠᠭᠰᠠᠨ ᠮᠡᠳᠣ᠃ ᠢᠳᠡᠷ ᠪᠦᠳᠦᠬᠦᠨ ᠲᠠᠰᠢᠭᠤᠷ ᠢᠶᠠᠨ ᠲᠡᠬᠡᠷᠡ ᠲᠠᠯᠠᠶᠢᠵᠦ ︽ᠬᠠᠢ︕︾ ᠬᠡᠮᠡᠨ | ᠴᠢᠩᠭᠠ ᠲᠣᠣᠭᠠᠷᠴᠣ ᠭᠠᠯᠵᠠᠭᠤᠷᠠᠮᠠ ᠪᠣᠯᠣᠭᠰᠠᠨ ᠪᠣᠣᠷᠠ ᠶᠢᠨ ᠪᠣᠷᠠᠨᠳᠠᠭ ᠠᠴᠠ ᠲᠣᠭᠳᠣᠷᠬᠤ ᠳᠤ ᠣᠯᠠᠩᠭᠠᠰᠠᠭᠰᠠᠨ | ᠪᠣᠣᠷᠠ ᠬᠡᠨᠡᠳᠳᠡ ᠦᠬᠡᠳᠡ ᠠᠴᠠ ᠨᠢ ᠢᠪᠡᠵᠦ ᠢᠷᠡᠬᠦᠶᠡ ᠬᠠᠷᠠᠵᠣ ᠵᠣᠭᠰᠣᠭᠰᠠᠨ ᠣᠶᠣᠨᠠ ᠲᠠᠭᠤ ᠠᠯᠳᠠᠨ | ᠬᠠᠰᠬᠢᠷᠬᠤ ᠭᠱᠡᠨᠡ ᠪᠦᠬᠡᠴᠢᠨ ᠡᠷᠡ ᠬᠡᠳᠦᠶᠢᠨᠢ ᠬᠠᠯᠢᠰᠬᠢᠨ ᠵᠠᠶᠢᠯᠠᠵᠣ ᠰᠣᠷ ᠲᠠᠰᠢᠭᠤᠷ ᠢᠶᠠᠷ ᠪᠣᠣᠷᠠ ᠶᠢᠨ ᠪᠡᠴᠢᠨ | ᠡᠷᠳᠡᠨᠢ ᠶᠢᠨ ᠭᠤᠶᠠ ᠣᠷᠣᠭᠤ ︽ᠲᠠᠰ ᠨᠢᠰ︾ ᠬᠢᠳᠡᠯᠡ ᠬᠡᠳᠦᠨᠳᠡ ᠣᠷᠢᠶᠠᠯᠭᠠᠭᠰᠠᠨ ᠳᠤ ᠠᠷᠠᠰᠣ ᠮᠢᠬᠠᠨ ᠤ | ᠡᠪᠡᠷᠰᠢᠶᠡᠯ ᠳᠤ ᠣᠴᠠᠷᠠᠭᠰᠠᠨ ᠲᠣᠭᠰᠢᠨ ᠪᠣᠣᠷᠠ ᠠᠷᠠᠢ ᠬᠡᠮᠡᠨ ᠡᠵᠠᠨ ᠢᠶᠠᠨ ᠲᠠᠨᠢᠵᠦ ᠡᠷᠬᠡ ᠦᠬᠡᠢ ᠨᠣᠮᠣᠬᠠᠷᠠᠪᠠ᠃ | ᠡᠵᠡᠨ ᠤ ᠰᠦᠷ ᠰᠣᠷ ᠲᠠᠰᠢᠭᠤᠷ ᠤᠨ ᠬᠦᠴᠦ ᠪᠠᠷ ᠪᠣᠣᠷᠠ ᠶᠢᠨ ᠣᠮᠤᠭ ᠢ ᠲᠠᠷᠣᠵᠣ ᠰᠦᠬᠦᠳᠬᠡᠭᠰᠡᠨ ᠢᠶᠠᠨ | ᠪᠦᠬᠡᠴᠢᠨ ᠢᠳᠡᠷ ᠲᠣᠬᠤᠮ ᠰᠢᠷᠢᠳᠡᠭ ᠢᠶᠠᠨ ᠲᠣᠬᠤᠵᠣ ᠣᠭᠤᠳᠠ ᠰᠢᠭᠤᠳᠠᠢ ᠪᠠᠨ ᠠᠴᠢᠨ ᠲᠣᠭᠰᠢᠨ ᠪᠣᠣᠷᠠ ᠶᠢᠨ | ᠨᠢᠳᠣᠨ ᠳᠤ ᠰᠣᠷ ᠲᠠᠰᠢᠭᠤᠷ ᠢᠶᠠᠨ ᠢᠮᠠᠭᠳᠠ ᠦᠵᠡᠬᠦᠯᠵᠦ ᠴᠢᠬᠢᠨ ᠳᠤ ᠨᠢ ᠴᠢᠩᠭᠠ ᠲᠠᠭᠤ ᠪᠠᠨ ᠢᠮᠠᠭᠳᠠ | ᠰᠣᠨᠣᠰᠬᠠᠵᠦ ︽ᠡᠵᠡᠨ ᠴᠢᠨᠢ ᠠᠳᠡ ᠪᠣᠢ᠂ ᠪᠢᠳᠡᠬᠡᠢ ᠲᠡᠮᠡᠶᠢᠷᠠ︾ ᠬᠡᠵᠦ ᠴᠠᠭ ᠢᠮᠠᠭᠳᠠ ᠰᠠᠨᠠᠭᠤᠯᠵᠣ ᠪᠠᠶᠢᠪᠠ᠃ | ᠬᠠᠷᠠ ᠪᠣᠣᠷᠠ ᠶᠢᠨ ᠪᠡᠶᠠ ᠠᠴᠠ ᠰᠢᠬᠡᠰᠦ ᠰᠢᠩᠬᠡᠭ ᠰᠡᠪᠡᠰᠦ ᠪᠣᠬᠢ ᠶᠢᠨ ᠦᠨᠦᠷ ᠶᠢᠰᠦ ᠶᠢᠨ ᠬᠦᠢᠳᠡᠨ ᠳᠤ ᠬᠦᠯᠳᠡᠨ | ᠠᠯᠳᠠᠨ ᠲᠠᠷᠬᠠᠬᠤ ᠨᠢ ᠣᠶᠣᠨᠠ ᠶᠢᠨ ᠬᠠᠮᠠᠷ ᠲᠤ ᠬᠦᠷᠴᠦ ᠪᠠᠶᠢᠪᠠ᠃ ︽ᠣᠷᠣᠭᠰᠠᠨ ᠪᠣᠣᠷᠠ ᠪᠠᠨ ᠬᠡᠴᠢᠶᠠ ᠳ᠋ᠡ︾ | ᠬᠡᠵᠦ ᠣᠶᠣᠨᠠ ᠠᠶᠣᠳᠠᠰᠣ ᠬᠦᠷᠣᠨ ᠰᠠᠨᠠᠭᠤᠯᠳᠠᠯᠠ ᠢᠳᠡᠷ ᠬᠡᠳᠦᠶᠢᠨᠢ ᠰᠢᠷᠡᠭᠡ ᠪᠣᠰᠤᠭᠠ ᠬᠤᠶᠠᠷ ᠪᠦᠬᠦ ᠶᠢᠨ | ᠬᠤᠭᠤᠷᠣᠨᠳᠣ ᠠᠯᠠᠪᠬᠢᠨ ᠮᠣᠷᠳᠠᠪᠠ᠃ ᠬᠠᠷᠠ ᠪᠣᠣᠷᠠ ᠶᠢᠨ ᠬᠦᠴᠦᠷᠬᠡᠭ ᠬᠤᠶᠠᠷ ᠭᠤᠶᠠ ᠲᠣᠮᠣ ᠲᠠᠪᠠᠭ᠋ᠠᠢ ᠬᠦᠯᠳᠡᠬᠦᠦ | ᠭᠠᠵᠠᠷ ᠢ ᠲᠠᠴᠢᠬᠢᠨᠠᠳᠠᠯᠠ ᠠᠯᠠᠭᠠᠳᠠᠨ ᠪᠣᠰᠬᠤ ᠳᠤ ᠢᠳᠡᠷ ᠡᠮᠦᠨᠡᠰᠢ ᠱᠣᠩᠭᠤᠰᠬᠢᠨ ᠭᠤᠳᠣᠷᠴᠦ ᠪᠦᠬᠦ ᠠᠴᠠ ᠨᠢ | ᠲᠠᠰᠣ ᠵᠢᠭᠤᠷᠠᠨᠠᠷᠠᠢ ᠲᠣᠭᠳᠠᠳᠠᠯᠠ ᠬᠠᠷᠠ ᠪᠣᠣᠷᠠ ᠬᠤᠶᠠᠷ ᠬᠠ ᠪᠠᠨ ᠨᠢᠬᠡᠨᠳᠡ ᠦᠨᠳᠡᠶᠢᠨ ᠦᠰᠦᠴᠢᠬᠦ ᠮᠡᠳᠣ ᠬᠡᠢ | ᠲᠠᠪᠠᠷᠠᠨᠵᠣᠭᠰᠣᠬᠤ ᠳᠤ ᠢᠳᠡᠷ ᠬᠤᠶᠢᠰᠢ ᠬᠠᠨᠳᠣᠷᠠᠨ ᠭᠤᠯᠰᠠᠵᠣ ᠠᠷᠠᠢ ᠯᠠ ᠰᠢᠳᠡᠭᠳᠡᠭᠰᠡᠨ ᠦᠬᠡᠢ ᠡ᠃ ᠶᠡᠭᠡ | ᠪᠠᠶᠢᠭᠠᠯᠢ ᠠᠴᠠ ᠵᠠᠶᠠᠭᠠᠭᠰᠠᠨ ᠬᠤᠷᠢᠭᠯᠠᠭᠳᠠᠰᠢ ᠦᠬᠡᠢ ᠠᠷᠳᠠᠭ ᠰᠢᠨᠣᠯ ᠳᠤ ᠪᠠᠨ ᠬᠦᠳᠦᠯᠦᠬᠦᠯᠦᠭᠰᠡᠨ ᠬᠠᠷᠠ ᠪᠣᠣᠷᠠ | ᠶᠢ ᠪᠦᠬᠡᠴᠢᠨ ᠢᠳᠡᠷ ᠣᠮᠤᠭ ᠰᠦᠷ ᠢᠶᠠᠷ ᠠᠶᠣᠯᠭᠠᠨ ᠵᠠᠬᠢᠷᠴᠦ ᠵᠠᠭᠠᠨ ᠬᠦᠯᠦᠭᠯᠡᠭᠰᠡᠨ ᠵᠠᠩᠵᠣᠨ ᠮᠡᠳᠣ ᠡᠮᠦᠨᠡ | ᠵᠦᠭ ᠢ ᠵᠣᠷᠢᠪᠠ᠃ ︽ᠡᠵᠡᠨ ᠣᠨᠤᠭᠠ ᠬᠤᠶᠠᠭᠤᠯᠠ ᠪᠠᠨ ᠡᠰᠡᠨ ᠮᠡᠨᠳᠣ ᠢᠷᠡᠬᠦ ᠪᠣᠯᠳᠣᠭᠠᠢ︕︾ ᠬᠡᠵᠦ ᠲᠡᠭᠷᠢ | ᠪᠣᠷᠬᠠᠨ ᠳᠤ ᠪᠠᠨ ᠲᠠᠭᠠᠳᠬᠠᠭᠰᠠᠨ ᠣᠶᠣᠨᠠ ᠦᠬᠡᠷ ᠬᠤᠨᠢ ᠪᠠᠨ ᠪᠡᠯᠴᠢᠬᠡᠷᠯᠡᠬᠦᠯᠬᠦ ᠪᠠᠷ ᠬᠤᠶᠢᠰᠢ ᠡᠷᠬᠢᠪᠡ᠃ | ᠡᠪᠦᠯ ᠤᠨ ᠬᠦᠢᠲᠡᠨ ᠤ ᠡᠷᠴᠢ ᠴᠢᠩᠭᠠᠷᠠᠵᠦ ᠪᠠᠶᠢᠭᠠ ᠴᠤ ᠦᠨᠳᠦᠷ ᠪᠤᠰᠤᠭᠠ ᠪᠦᠬᠦ ᠶᠢᠨ ᠳᠣᠮᠳᠠ | ᠰᠠᠭᠤᠵᠦ᠂ ᠦᠨᠡᠭᠡᠨ ᠯᠣᠪᠣᠵᠠ ᠪᠠᠨ ᠪᠠᠭᠤᠯᠭᠠᠭᠰᠠᠨ ᠢᠳᠡᠷ ᠲᠤ ᠳᠠᠭᠠᠷᠠᠬᠤ ᠤᠴᠢᠷ ᠦᠭᠡᠢ᠃ ᠨᠡᠬᠡᠢ ᠲᠡᠪᠡᠯ | ᠢᠰᠡᠭᠡᠢ ᠤᠶᠢᠮᠤᠰᠤ ᠲᠠᠢ ᠭᠤᠲᠤᠯ ᠡᠮᠦᠰᠳᠡᠭ ᠲᠡᠷᠡ ᠪᠠᠷ ᠳᠠᠭᠠᠷᠠᠵᠦ ᠪᠡᠭᠡᠷᠡᠨᠡ ᠭᠡᠳᠡᠭ ᠢ ᠶᠡᠷᠤ ᠦᠵᠡᠭᠡ ᠦᠭᠡᠢ | ᠶᠠᠪᠣᠳᠠᠭ ᠠᠵᠠᠢ᠃ ᠡᠪᠦᠯ ᠤᠨ ᠬᠠᠲᠠᠭᠤ ᠳᠤ ᠨᠠᠪᠴᠢ ᠨᠠᠮᠠᠭᠠ ᠪᠠᠨ ᠱᠤᠯᠠᠭᠤᠯᠤᠭᠰᠠᠨ ᠪᠤᠷᠭᠠᠰᠤ ᠮᠤᠳᠤ ᠡᠷᠪᠡᠶᠢᠨ | ᠲᠡᠷᠪᠡᠶᠢᠨ ᠦᠩᠭᠡ ᠦᠭᠡᠢ ᠬᠠᠷᠠᠭᠳᠠᠬᠤ ᠨᠢ ᠦᠰᠦ ᠵᠤᠭᠳᠣᠷ ᠬᠦᠢᠴᠡᠳ ᠦᠩᠰᠢᠭ ᠲᠠᠷᠭᠤ ᠲᠠᠢ ᠬᠠᠷᠠ ᠪᠤᠤᠷᠠ ᠶᠢ | ᠨᠢ ᠨᠡᠩᠳᠡ ᠤᠮᠤᠭᠰᠢᠭᠤᠯᠬᠤ ᠮᠡᠲᠤ ᠪᠣᠯᠵᠣ ᠵᠣᠭᠳᠣᠷ ᠬᠦᠳᠡᠯᠬᠡᠨ ᠲᠡᠰᠢᠭᠦᠯᠪᠡ᠃ | ᠪᠦᠬᠡᠴᠢᠨ ᠢᠳᠡᠷ ᠤᠨ ᠬᠠᠷᠠ ᠪᠤᠤᠷᠠ ᠶᠢ ᠰᠤᠨᠤᠰᠣᠮᠠᠭᠴᠠ ᠠᠶᠢᠯ ᠤᠨ ᠬᠢᠨ ᠣᠯᠠᠨ ᠳᠤ ᠪᠠᠭ᠋ᠠᠷᠬᠠᠬᠤ | ᠰᠦᠷᠳᠡᠬᠦ ᠪᠤᠳᠤᠯ ᠵᠡᠷᠭᠡ ᠪᠠᠭᠤᠳᠠᠭ ᠠᠪᠠᠢ᠃ ᠬᠠᠷᠠ ᠪᠤᠤᠷᠠ ᠶᠢᠨ ᠪᠡᠶᠡ ᠭᠠᠯᠪᠢᠷ ᠨᠢ ᠲᠡᠮᠡᠭᠡᠨ ᠤ ᠳᠣᠲᠤᠷᠠ ᠪᠠᠨ | ᠲᠤᠮᠤ ᠠᠴᠠ ᠲᠤᠮᠤ᠂ ᠠᠭᠠᠰᠢ ᠠᠷᠠᠨᠰᠢᠨ ᠲᠣᠯᠬᠢᠨᠲ᠋ᠤᠭᠰᠢᠨ᠂ ᠬᠦᠴᠦᠨ ᠴᠢᠳᠠᠯ ᠶᠡᠭᠡ ᠠᠴᠠ ᠶᠡᠭᠡ ᠲᠤᠯᠠ ᠰᠦᠷᠦᠭ | ᠤᠨ ᠮᠠᠩᠯᠠᠢ ᠪᠣᠯᠵᠣ ᠲᠠᠶᠢᠯᠤᠭ ᠪᠠᠶᠢᠬᠤ ᠳᠤ ᠪᠠᠨ ᠲᠤᠮᠤ ᠪᠤᠤᠷᠠ ᠢ ᠬᠠᠵᠠᠨ ᠰᠢᠷᠬᠠᠲᠤᠭᠤᠯᠵᠦ ᠲᠡᠪᠢᠰᠦᠨ ᠠᠯᠠᠭᠰᠠᠨ | ᠠᠴᠠ ᠬᠤᠯᠠ ᠤᠶᠢᠷᠠ ᠳᠤ ᠴᠤᠤ ᠮᠠᠨᠳᠣᠵᠣ᠂ ᠤᠷᠤᠭᠰᠠᠨ ᠪᠤᠤᠷᠠ ᠨᠤᠭᠤᠳ ᠪᠠᠷᠠ ᠪᠠᠷ ᠨᠢ ᠵᠠᠶᠢᠯᠠᠵᠦ ᠶᠠᠪᠤᠳᠠᠭ | ᠪᠦᠭᠡᠳ ᠠᠶᠢᠯ ᠠᠶᠢᠮᠠᠭ ᠤᠨ ᠬᠡᠤᠬᠡᠳ ᠪᠠᠭᠠᠴᠤᠤᠯ ︽ᠬᠠᠷᠠ ᠪᠤᠤᠷᠠ ᠢᠷᠡᠯᠡ︾ ᠭᠡᠪᠡᠯ ᠤᠬᠢᠯᠠᠬᠤ ᠪᠠᠨ ᠵᠤᠭᠰᠤᠳᠠᠭ | ᠠᠪᠠᠢ᠃ | ᠦᠨᠦ ᠦᠷᠯᠦᠬᠡ ᠬᠠᠷᠠ ᠪᠤᠤᠷᠠ ᠤᠶᠠᠭᠠᠨ ᠠᠴᠠ ᠪᠠᠨ ᠠᠷᠠᠢ ᠰᠠᠯᠪᠠ ᠭᠡᠰᠡᠨ ᠮᠠᠶ᠋ᠢᠭ ᠲᠠᠢ ᠪᠡᠶᠡ ᠶᠢᠨ | ᠴᠢᠯᠡᠭᠡ ᠭᠠᠷᠭᠠᠨ ᠴᠡᠭᠡᠵᠢ ᠬᠦᠷᠴᠢᠭᠡᠨᠡᠭᠦᠯᠦᠨ ᠰᠢᠳᠤ ᠬᠠᠪᠢᠷᠤᠨ ᠬᠦᠭᠡᠰᠦ ᠰᠠᠬᠠᠷᠠᠭᠤᠯᠤᠨ ᠬᠦᠵᠦᠭᠦᠤ ᠲᠠᠯᠪᠢᠨ | ᠲᠤᠯᠠᠬᠤ ᠨᠢ ᠡᠭᠦᠯᠡ ᠬᠦᠯᠦᠭᠯᠡᠨ ᠳᠠᠯᠠᠢ ᠳᠤ ᠤᠮᠪᠠᠭ᠋ᠤ ᠮᠡᠲᠤ᠃ ᠤᠯᠠᠨ ᠵᠠᠭᠤᠨ ᠭᠠᠩᠭᠠᠩ ᠢᠩᠭᠡ᠂ ᠡᠷᠡᠯᠬᠡᠭ ᠠᠳᠠ | ᠶᠢᠨ ᠳᠣᠮᠳᠠ ᠰᠦᠷᠦᠭ ᠤᠨ ᠲᠦᠷᠦᠭᠦᠤ ᠪᠤᠯᠵᠦ ᠲᠡᠩᠬᠢᠢᠵᠦ ᠶᠠᠪᠤᠭᠰᠠᠨ ᠲᠡᠭᠦᠨ ᠢ ᠢᠳᠡ ᠤᠷᠤᠭᠠ ᠶᠢᠨ ᠦᠶᠡ ᠳᠤ | ᠡᠵᠡᠨ ᠨᠢ ᠶᠠᠭᠤᠨ ᠳᠤ ᠬᠦᠴᠤ ᠪᠠᠷ ᠰᠠᠯᠭᠠᠵᠦ ᠳᠣᠷᠠ ᠬᠦᠰᠡᠯ ᠢ ᠨᠢ ᠬᠠᠰᠢᠵᠦ ᠬᠤᠷᠢᠭᠰᠠᠨ ᠢ ᠤᠭᠲᠤ ᠤᠬᠠᠭᠠᠷᠠᠯ | ᠦᠭᠡᠢ ᠶᠠᠪᠤᠭᠰᠠᠨ ᠬᠠᠷᠠ ᠪᠤᠤᠷᠠ ᠲᠠᠭᠠᠷᠠᠭᠰᠠᠨ ᠪᠦᠬᠦᠨ ᠢ ᠳᠡᠯᠪᠡ ᠳᠠᠭᠠᠷᠢᠵᠦ ᠦᠷᠢᠲᠦᠭᠰᠡᠨ ᠪᠦᠬᠦᠨ ᠢ ᠨᠢᠴᠠ | ᠭᠢᠰᠬᠢᠵᠦ᠂ ᠣᠶᠢᠷᠠᠲᠤᠭᠰᠠᠨ ᠪᠤᠯᠭᠠᠨ ᠢ ᠬᠡᠮᠬᠡ ᠬᠠᠵᠠᠬᠤ ᠠᠴᠠ ᠦᠯᠦ ᠪᠣᠴᠠᠨᠠᠮ᠃ ᠭᠡᠲᠡᠯᠡ ᠰᠣᠷ ᠲᠠᠰᠢᠭᠤᠷ | ᠲᠠᠰᠢᠶᠠ ᠤᠷᠤᠭᠤ ᠨᠢ ︽ᠲᠠᠰ ᠨᠢᠰ︾ ᠪᠠᠭᠤᠬᠤ ᠳᠤ ᠯᠡ ᠬᠠᠷᠠ ᠪᠤᠤᠷᠠ ᠨᠤᠶᠢᠷ ᠠᠴᠠ ᠪᠠᠨ ᠰᠡᠷᠢᠵᠦ ᠡᠵᠡᠨ ᠤ | ᠬᠢᠨᠢ ︽ᠬᠠᠢ︾ ᠬᠡᠬᠦ ᠤᠮᠤᠭᠲᠠᠢ ᠰᠦᠷᠳᠡᠮᠡ ᠵᠠᠩᠳᠣᠷᠣᠯᠲᠠ ᠳᠤ ᠵᠡᠭᠦᠳᠦᠨ ᠠᠴᠠ ᠪᠠᠨ ᠰᠠᠯᠵᠦ ᠠᠷᠠᠢ ᠵᠠᠮ ᠢᠶᠠᠨ | ᠣᠯᠵᠦ ᠶᠠᠪᠤᠭᠠ ᠠᠵᠠᠢ᠃ ᠢᠳᠡᠷ ᠲᠤ ᠭᠤᠷᠪᠠᠨ ᠭᠠᠶᠢᠬᠠᠭᠤᠯᠬᠤ ᠶᠠᠭᠤᠮᠠ ᠲᠠᠢ ᠭᠡᠵᠦ ᠦᠶᠡ ᠶᠢᠨ ᠬᠢᠨ | ᠱᠣᠣᠯᠠᠳᠠᠭ᠃ ᠬᠤᠰᠢᠭᠤ ᠨᠠᠶᠢᠷ ᠲᠤ ᠲᠦᠷᠦᠭᠦᠯᠡᠵᠦ ᠬᠤᠲᠠᠯᠠ ᠤᠯᠠᠨ ᠳᠤ ᠪᠢᠰᠢᠷᠡᠭᠳᠡᠭᠰᠡᠨ ᠲᠤᠯᠠ ᠪᠦᠬᠡᠴᠢᠨ ᠢᠶᠠᠷ | ᠢᠶᠠᠨ ᠪᠠᠭ᠋ᠠᠷᠬᠠᠬᠤ ᠨᠢ ᠭᠠᠭᠴᠠ ᠢᠳᠡᠷ ᠪᠤᠰᠤ ᠣᠯᠠᠨ ᠤ ᠪᠠᠭ᠋ᠠᠷᠬᠠᠯ᠃ ᠭᠡᠷ ᠨᠡᠪᠲᠡ ᠭᠡᠬᠡ ᠴᠠᠭᠠᠨ ᠴᠢᠷᠠᠢ ᠲᠠᠢ | ᠬᠠᠴᠠᠷ ᠭᠤᠸᠠ ᠪᠦᠰᠡᠭᠦᠢ ᠤᠶᠤᠨᠠ ᠪᠠᠷ ᠢᠶᠠᠨ ᠭᠠᠶᠢᠬᠠᠭᠤᠯᠬᠤ ᠨᠢ ᠯᠠᠪᠲᠠᠶᠢᠶᠠ ᠢᠳᠡᠷ ᠤᠨ ᠤᠮᠤᠭᠰᠢᠯ᠃ | ᠲᠦᠷᠯᠡᠬᠡᠷ ᠬᠠᠷᠠ ᠨᠢᠳᠦ ᠪᠠᠷ ᠢᠶᠠᠨ ᠲᠤᠭᠯᠠᠨ ᠢᠨᠢᠶᠡᠵᠦ᠂ ᠲᠤᠭᠤᠷ ᠤᠨ ᠴᠡᠴᠡᠭ ᠮᠡᠲᠤ ᠤᠷᠤᠭᠤᠯ ᠳᠤ ᠪᠠᠨ | ᠮᠦᠰᠢᠶᠡᠯ ᠬᠠᠳᠠᠭᠠᠯᠠᠵᠦ ᠶᠠᠪᠤᠳᠠᠭ ᠤᠶᠤᠨᠠ ᠶᠢ ᠢᠳᠡᠷ ᠦᠵᠡᠮᠡᠭᠴᠡ ᠪᠠᠨ ᠰᠦᠨᠡᠰᠦ ᠪᠠᠨ ᠲᠠᠯᠠᠯᠤᠭᠤᠯᠤᠭᠰᠠᠨ ᠮᠡᠲᠤ | ᠪᠤᠯᠵᠦ ︽ᠡᠶᠢᠮᠦ ᠰᠠᠶᠢᠬᠠᠨ ᠬᠦᠮᠦᠨ ᠢ ᠪᠣᠷᠬᠠᠨ ᠨᠠᠮᠠ ᠳᠤ ᠢᠯᠡᠬᠡᠵᠡᠢ︾ ᠬᠡᠵᠦ ᠲᠠᠰᠣ ᠦᠨᠡᠮᠰᠢᠨᠨᠠᠶᠢᠷ ᠤᠨ | ᠲᠠᠯᠠᠪᠠᠢ ᠳᠤ ᠡᠪᠦᠳᠦᠭ ᠰᠢᠷᠣᠶᠢᠳᠠᠭᠠ ᠦᠭᠡᠢ ᠶᠠᠪᠤᠭᠰᠠᠨ ᠵᠤᠷᠢᠭᠲᠤ ᠡᠷᠡ ᠮᠠᠨᠢ ᠦᠵᠡᠰᠭᠦᠯᠡᠩᠲᠤ ᠦᠬᠢᠨ ᠤ ᠡᠮᠦᠨᠡ | ᠰᠡᠳᠬᠢᠯ ᠨᠢᠯᠬᠠᠷᠠᠨ ᠠᠷᠠᠢ ᠯᠡ ᠰᠦᠭᠦᠷᠡᠭᠰᠡᠨ ᠦᠭᠡᠢ᠃ ᠦᠵᠡᠰᠬᠦᠯᠡᠩᠳᠣ ᠣᠶᠣᠨᠠ ᠨᠢ ᠵᠠᠭᠤᠨ ᠡᠷᠡ ᠵᠢᠷᠦᠬᠡ | ᠰᠡᠳᠬᠢᠯ ᠢᠶᠠᠨ ᠦᠭᠬᠦᠶᠡ ᠭᠡᠵᠦ ᠦᠬᠦᠵᠦ ᠬᠠᠲᠠᠮᠠᠷ ᠭᠤᠶᠤᠭᠰᠠᠨ ᠴᠤ ᠦᠨᠳᠦᠷ ᠰᠦᠷᠯᠢᠭ ᠪᠡᠶᠡ ᠲᠠᠢ ᠦᠷᠭᠡᠨ | ᠬᠠᠩᠬᠠᠭᠠᠷ ᠴᠡᠭᠡᠵᠢ ᠲᠠᠢ᠂ ᠰᠡᠳᠬᠢᠯ ᠤᠨ ᠤᠭ ᠠᠴᠠ ᠪᠠᠨ ᠭᠬᠢᠷ ᠦᠭᠡᠢ ᠴᠠᠭᠠᠨ ᠢᠶᠠᠷ ᠢᠶᠠᠨ ᠢᠨᠢᠶᠡᠵᠦ ᠶᠠᠪᠣᠳᠠᠭ | ᠵᠠᠯᠠᠭᠤ ᠭᠠᠴᠣᠷᠠ ᠰᠢᠭ᠋ ᠰᠠᠶᠢᠬᠠᠨ ᠪᠡᠶᠠ ᠲᠠᠢ ᠰᠢᠯᠤᠭᠤᠨ ᠵᠠᠩ ᠲᠠᠢ ᠢᠳᠡᠷ ᠲᠤ ᠬᠠᠯᠠᠭᠤᠨ ᠬᠠᠷᠠᠴᠠ ᠪᠠᠨ | ᠱᠠᠩᠨᠠᠭᠰᠠᠨ ᠠᠵᠠᠢ᠃ ᠲᠡᠷᠡ ᠡᠪᠦᠯ ᠢᠳᠡᠷ ᠮᠦᠨ ᠬᠦ ᠬᠠᠷᠠ ᠪᠣᠣᠷᠠ ᠪᠠᠨ ᠲᠡᠰᠢᠬᠦᠯᠦᠭᠰᠡᠬᠡᠷ ᠬᠤᠨᠢᠨ ᠳᠤ ᠶᠠᠪᠣᠭᠠ | ᠣᠶᠣᠨᠠ ᠶᠢᠨ ᠲᠡᠷᠬᠡᠳᠡ ᠠᠩᠬᠠ ᠢᠷᠡᠵᠦ ︽ᠪᠡᠷᠢ ᠲᠠᠢ ᠪᠤᠯᠪᠠᠯ ᠦᠭᠬᠦᠶᠡ︾ ᠭᠡᠵᠦ ᠡᠵᠢ ᠶᠢᠨ ᠢᠶᠠᠨ | ᠬᠠᠳᠠᠭᠠᠯᠠᠭᠰᠠᠨ ᠤᠭ᠍ᠶᠤ ᠰᠢᠳᠬᠢᠭᠡᠷᠢ ᠲᠠᠢ ᠮᠦᠩᠭᠦᠨ ᠪᠦᠭᠡᠵᠢ ᠪᠠᠨ ᠤᠶᠤᠨᠠ ᠶᠢᠨ ᠰᠦᠮᠪᠦᠨ ᠴᠠᠭᠠᠨ ᠬᠤᠷᠤᠭᠤᠨ | ᠳᠤ ᠬᠦᠷᠵᠡ ᠮᠡᠲᠦ ᠲᠤᠮᠤ ᠭᠠᠷ ᠢᠶᠠᠷ ᠢᠶᠠᠨ ᠡᠪ ᠬᠠᠪᠤ ᠦᠭᠡᠢ ᠵᠡᠭᠦᠯᠭᠡᠨ ᠦᠭᠬᠦ ᠳᠤ ᠪᠦᠬᠡᠴᠢᠨ ᠡᠷᠡ ᠶᠢᠨ ᠪᠦᠬᠦ | ᠪᠡᠶᠡ ᠴᠡᠴᠡᠷᠡᠵᠦ ᠠᠷᠠᠢ ᠯᠡ ᠮᠡᠳᠡᠭᠡ ᠠᠯᠳᠠᠭᠰᠠᠨ ᠦᠭᠡᠢ᠃ ᠬᠡᠬᠦ ᠳᠤ ᠴᠠᠰᠣ ᠴᠠᠭᠠᠨ ᠴᠢᠷᠠᠢ ᠨᠢ ᠴᠢᠰᠤᠨ ᠣᠯᠠᠭᠠᠨ | ᠪᠤᠯᠵᠦ ᠶᠠᠭᠠᠷᠠᠭᠰᠠᠨ ᠤᠶᠤᠨᠠ ᠭᠤᠷᠪᠠ ᠪᠠᠷ ᠲᠠᠷᠤᠭᠤᠯᠤᠭᠰᠠᠨ ᠤᠷᠲᠤ ᠬᠠᠷᠠ ᠭᠡᠵᠢᠭᠡ ᠪᠠᠨ ᠤᠷᠤᠯᠳᠣᠵᠦ | ᠵᠤᠭᠰᠣᠬᠤ ᠳᠤ ᠪᠠᠨ ᠮᠦᠨ ᠯᠡ ᠠᠯᠠᠭ ᠨᠢᠳᠤ ᠪᠠᠷ ᠢᠶᠠᠨ ᠠᠶᠠᠳᠠᠶᠢᠬᠠᠨ ᠢᠨᠢᠶᠡᠮᠰᠦᠭᠯᠡᠵᠦ᠂ ᠲᠤᠭᠰᠢᠷᠠᠨ ᠤᠴᠤᠶᠢᠵᠦ | ᠬᠦᠷᠴᠢᠭᠢᠨᠡᠨ ᠬᠦᠷᠬᠢᠷᠡᠬᠦ ᠬᠠᠷᠠ ᠪᠤᠤᠷᠠ ᠶᠢ ᠨᠢ ᠵᠠᠩᠭᠠᠵᠦ ︽ᠬᠤᠶᠠᠭᠤᠯᠠ ᠪᠠᠨ ᠬᠠᠷᠠ ᠪᠤᠤᠷᠠ ᠳᠤ ᠪᠠᠨ | ᠰᠣᠨᠳᠠᠯᠠᠵᠣ ᠦᠵᠡᠬᠦ ᠤᠤ︖ ᠭᠠᠭᠴᠠᠭᠠᠷ ᠤᠨᠤᠬᠤ ᠠᠴᠠ ᠠᠶᠤᠨᠠ︾ ᠭᠡᠵᠦ ᠨᠠᠮᠬᠠᠨ ᠰᠢᠪᠡᠨᠡᠬᠦ ᠳᠤ ᠢᠳᠡᠷ ᠮᠠᠨᠢ | ᠵᠢᠯᠤᠭᠤ ᠠᠯᠳᠠᠨ ᠬᠡᠭᠡᠷᠡ ᠶᠢᠨ ᠰᠠᠯᠬᠢ ᠠᠴᠠ ᠦᠭᠡᠷᠡ ᠬᠦᠷᠦᠭᠰᠡᠨ ᠶᠠᠭᠤᠮᠠ ᠦᠭᠡᠢ ᠠᠷᠢᠭᠤᠨ ᠭᠤᠸᠠ ᠪᠡᠶᠡ ᠳᠤ | ᠨᠢ ᠭᠠᠷ ᠬᠦᠷᠴᠦ ᠠᠩᠬᠢᠯᠤᠮᠠ ᠲᠤᠷᠭᠠᠨ ᠤᠷᠤᠭᠤᠯ ᠳᠤᠨᠢ ᠤᠷᠤᠭᠤᠯ ᠬᠦᠷᠴᠤ ᠬᠠᠨᠤᠰᠢ ᠦᠭᠡᠢ ᠦᠨᠦᠰᠦᠨ | ᠬᠠᠭᠠᠴᠠᠰᠢ ᠦᠭᠡᠢ ᠲᠡᠪᠡᠷᠢᠯᠳᠦᠭᠰᠡᠨ ᠢᠶᠠᠨ ᠣᠳᠣ ᠡᠷᠬᠢᠨ ᠰᠠᠨᠠᠬᠤ ᠳᠤ ᠪᠤᠯᠴᠢᠩ ᠰᠢᠷᠪᠦᠰᠦ ᠨᠢ ᠴᠢᠩᠭᠠᠷᠠᠵᠣ ᠪᠠᠶᠠᠷ | ᠵᠢᠷᠭᠠᠯ ᠨᠡᠮᠡᠭᠳᠡᠬᠦ ᠮᠡᠲᠤ ᠪᠤᠯᠵᠦ ᠪᠠᠶᠢᠪᠠ᠃ ᠬᠠᠷᠠ ᠪᠤᠤᠷᠠ ᠨᠢ ᠬᠦᠴᠦ ᠴᠢᠳᠠᠯ ᠬᠦᠳᠡᠷ ᠪᠡᠶᠠ ᠪᠠᠷ ᠢᠶᠠᠨ ᠬᠤᠯᠠ | ᠣᠶᠢᠷᠠ ᠳᠤ ᠠᠯᠳᠠᠷᠰᠢᠨ ︽ᠣᠰᠣᠨ ᠳᠤ ᠪᠠᠨ ᠪᠠᠶᠢᠪᠠᠯ ᠰᠦᠷᠦᠭ ᠢᠶᠠᠨ ᠴᠢᠮᠡᠳᠡᠭ᠂ ᠣᠣᠭᠤᠭᠠᠳ ᠭᠠᠷᠪᠠᠯ | ᠪᠡᠯᠴᠢᠬᠡᠷ ᠢᠶᠠᠨ ᠴᠢᠮᠡᠳᠡᠭ᠂ ᠣᠶᠠᠭᠠᠨ ᠳᠤ ᠪᠠᠨ ᠪᠠᠶᠢᠪᠠᠯ ᠬᠤᠳᠠ ᠪᠠᠨ ᠴᠢᠮᠡᠳᠡᠭ᠂ ᠣᠨᠣᠭᠠᠳ ᠭᠠᠷᠪᠠᠯ ᠡᠵᠡᠨ ᠢᠶᠠᠨ | ᠴᠢᠮᠡᠳᠡᠭ︾ ᠲᠣᠯᠠ ᠢᠳᠡᠷ ᠤᠨ ᠪᠠᠭ᠋ᠠᠷᠬᠠᠯ ᠪᠣᠯᠬᠤ ᠨᠢ ᠶᠠᠷᠢᠶᠠᠨ ᠦᠬᠡᠢ᠃ ᠦᠨᠡᠨ ᠳᠤ ᠪᠠᠨ ᠢᠳᠡᠷ ᠲᠤ ᠡᠨᠡ | ᠪᠦᠬᠦᠨ ᠠᠴᠠ ᠢᠯᠡᠬᠦᠦ ᠪᠠᠭ᠋ᠠᠷᠬᠠᠯ ᠪᠣᠯᠬᠤ ᠵᠦᠢᠯ ᠪᠠᠰᠠ ᠨᠢᠬᠡᠨ ᠡᠷᠬᠢᠮ ᠵᠦᠢᠯ ᠪᠠᠶᠢᠳᠠᠭ ᠢ ᠦᠶᠡᠴᠣᠣᠯ ᠨᠢ | ᠲᠡᠳᠦᠶᠢᠯᠡ ᠠᠩᠵᠠᠭᠠᠷᠠᠳᠠᠭ ᠦᠬᠡᠢ ᠠᠪᠠᠢ᠃ ᠲᠠᠷᠠ ᠪᠣᠯᠪᠠᠰᠣ ᠲᠡᠬᠦᠨ ᠤ ᠠᠮᠢᠨ ᠬᠠᠶᠢᠷᠠᠳᠠᠢ ᠨᠣᠳᠤᠭ ᠣᠰᠣᠨ | ᠪᠦᠯᠦᠬᠡ᠃ ᠡᠨᠡ ᠨᠣᠳᠤᠭ ᠤᠨ ᠠᠯᠳᠠᠨ ᠰᠢᠷᠣᠢ ᠳᠤ ᠣᠨᠠᠵᠣ᠂ ᠷᠠᠰᠢᠶᠠᠨ ᠣᠰᠣ ᠶᠢ ᠨᠢ ᠣᠣᠭᠤᠵᠣ᠂ ᠠᠷᠢᠭᠤᠨ | ᠠᠭᠠᠷ ᠢ ᠨᠢ ᠠᠮᠢᠰᠬᠤᠵᠣ ᠦᠰᠦᠭᠰᠡᠨ ᠤ ᠬᠢ ᠪᠣᠯᠪᠠᠣ ᠳ᠋ᠠ᠂ ᠨᠣᠳᠤᠭ ᠣᠰᠣᠨ ᠳᠤ ᠪᠠᠨ ᠬᠡᠳᠦᠷᠬᠡᠢ ᠬᠠᠶᠢᠷᠠ | ᠬᠦᠷᠳᠡᠭ ᠨᠢ ᠢᠳᠡᠷ ᠤᠨ ᠦᠨᠢᠳᠡ ᠶᠢᠨ ᠠᠷᠠᠨᠰᠢᠨ ᠪᠢᠯᠡ᠃ ᠡᠨᠡ ᠨᠣᠳᠤᠭ ᠨᠢ ᠪᠦᠬᠡᠴᠢᠨ ᠢᠳᠡᠷ ᠲᠤ ᠬᠤᠷᠸᠠ ᠶᠢᠨ | ᠬᠠᠮᠢᠭᠠ ᠠᠴᠠ ᠴᠣ᠋ ᠣᠯᠳᠠᠰᠢ ᠦᠬᠡᠢ ᠢᠳᠡᠬᠡᠰᠢᠨ ᠲᠠᠰᠣᠭᠰᠠᠨ ᠦᠵᠡᠰᠬᠦᠯᠡᠩᠳᠣ ᠨᠣᠳᠤᠭ ᠨᠢ ᠪᠣᠯᠬᠤ ᠶᠣᠮ᠃ ᠡᠨᠡ | ᠨᠣᠳᠤᠭ ᠲᠤ ᠠᠭᠤᠯᠠ ᠭᠤᠣᠯ ᠲᠠᠯᠠ ᠬᠡᠵᠦ ᠦᠬᠡᠢ᠃ ᠬᠠᠷᠢᠨ ᠮᠠᠩᠬᠠ ᠵᠢᠯᠠᠭᠠ᠂ ᠲᠣᠪᠤ ᠲᠣᠯᠣᠭᠠᠳ᠂ ᠲᠡᠪᠡᠭᠡ | ᠬᠤᠩᠬᠤᠷ᠂ ᠪᠦᠷᠢᠳᠣ ᠴᠢᠬᠢᠭ ᠲᠠᠢ ᠪᠣᠷᠣᠬᠠᠨ ᠬᠦᠳᠡᠭᠡ ᠪᠣᠶᠢᠳᠠ ᠭᠤᠪᠢ ᠪᠢᠯᠡ᠃ ᠬᠡᠬᠦ ᠳᠤ ᠠᠳᠡ ᠶᠡᠷᠳᠢᠨᠴᠦ ᠶᠢᠨ | ᠣᠷᠭᠤᠮᠠᠯ ᠪᠦᠬᠦᠨ ᠬᠤᠷᠠᠨ ᠴᠣᠭᠯᠠᠷᠠᠭᠰᠠᠨ ᠮᠡᠳᠣ ᠡᠯᠳᠡᠪ ᠶᠠᠩᠵᠣ ᠵᠢᠨᠡᠪᠡᠰᠣ ᠴᠡᠴᠡᠭ᠂ ᠣᠯᠠᠨ ᠵᠣᠶᠢᠯ ᠤᠨ ᠮᠣᠳᠣ | ᠪᠣᠷᠭᠠᠰᠣ ᠣᠷᠭᠤᠵᠣ᠂ ᠲᠠᠪᠣᠨ ᠰᠦᠷᠦᠭ ᠤᠨ ᠲᠠᠭᠠᠳᠠᠢ ᠢᠳᠡᠰᠢ ᠪᠣᠯᠵᠣ ᠪᠠᠶᠢᠳᠠᠭ᠃ ᠵᠦᠢᠯ ᠵᠦᠢᠯ ᠤᠨ ᠠᠮᠢᠳᠠᠨ | ᠭᠤᠣᠯᠳᠠᠨ ᠣᠷᠣᠰᠢᠨ ᠰᠠᠭᠤᠵᠣ ᠠᠮᠢᠳᠣᠷᠠᠯ ᠣᠨᠳᠣᠷᠣᠯ ᠢᠶᠠᠨ ᠬᠢᠳᠡᠭ᠃ ᠨᠡᠩ ᠴᠣ᠋ ᠮᠦᠩᠬᠡ ᠨᠣᠭᠤᠭᠠᠨ ᠠᠷᠴᠠ | ᠮᠣᠳᠣ ᠠᠳᠡ ᠨᠣᠳᠣᠭᠯᠠᠵᠦ ᠵᠢᠯ ᠤᠨ ᠲᠦᠷᠪᠡᠨ ᠣᠯᠠᠷᠢᠯ ᠳᠤ ᠲᠣᠪᠤ ᠲᠣᠯᠣᠭᠠᠳ ᠢᠶᠠᠨ ᠴᠢᠮᠡᠨ ᠮᠦᠩᠬᠡ | ᠨᠣᠭᠤᠭᠠᠷᠠᠳᠠᠭ ᠨᠢ ᠦᠬᠡᠷᠡ ᠬᠠᠮᠢᠭᠠ ᠴᠣ᠋ ᠦᠬᠡᠢ ᠪᠣᠶ ᠶᠠ᠃ ᠬᠠᠷᠢᠶᠠᠴᠠᠢ ᠪᠣᠷᠬᠠᠨ ᠪᠠᠭᠰᠢ ᠠᠴᠠ ᠮᠦᠩᠬᠡ ᠶᠢᠨ | ᠷᠠᠰᠢᠶᠠᠨ ᠢ ᠭᠤᠶᠣᠨ ᠣᠯᠵᠣ ᠬᠦᠮᠦᠨ ᠳᠤ ᠠᠪᠴᠢᠷᠠᠬᠤ ᠵᠠᠮ ᠳᠤ ᠪᠠᠨ ᠣᠰᠣᠯᠳᠠᠵᠣ ᠠᠷᠴᠠᠨ ᠮᠣᠳᠣᠨ ᠲᠡᠬᠡᠷᠡ | ᠠᠰᠠᠬᠠᠯᠠ ᠬᠡᠳᠡᠭ ᠦᠯᠢᠬᠡᠷ ᠢ ᠢᠳᠡᠷ ᠲᠠᠩᠴᠦ ᠦᠨᠡᠮᠰᠢᠵᠦ ᠶᠠᠪᠣᠳᠠᠭ ᠠᠵᠠᠢ᠃ ᠠᠷᠴᠠ ᠡᠨᠡ ᠨᠣᠳᠤᠭ ᠤᠨ ᠡᠷᠳᠡᠨᠢ | ᠪᠣᠯᠬᠤᠷ ᠨᠣᠳᠤᠭ ᠤᠨ ᠬᠦᠮᠦᠰ ᠴᠣ᠋ ᠮᠠᠰᠢᠳᠠ ᠬᠢᠮᠠᠭᠠᠳᠠᠨ ᠬᠠᠶᠢᠷᠠᠯᠠᠵᠣ ᠮᠠᠯ ᠣᠨᠤᠭᠠ ᠪᠠᠷ ᠰᠦᠢᠳᠦᠬᠦᠯᠳᠡᠭ ᠦᠬᠡᠢ᠂ | ᠬᠦᠮᠦᠨ ᠬᠠᠷᠠ ᠪᠠᠷ ᠡᠪᠳᠡᠬᠦᠯᠳᠡᠭ ᠦᠬᠡᠢ ᠵᠠᠩ ᠵᠢᠷᠣᠮ ᠲᠠᠢ ᠪᠣᠯᠵᠠᠢ᠃ ᠬᠦᠮᠦᠰ ᠭᠠᠯ ᠪᠣᠷᠬᠠᠨ ᠪᠣᠶᠣ ᠲᠦᠯᠡᠰᠢ | ᠲᠣᠶ᠋ᠢᠩ ᠳᠤ ᠠᠷᠴᠠ ᠡᠷᠬᠦᠬᠦ ᠬᠡᠮᠡᠨ ᠠᠪᠬᠤ ᠪᠣᠯᠪᠠᠴᠣ ᠬᠠᠳᠠᠵᠣ ᠣᠨᠠᠭᠰᠠᠨ ᠦᠴᠦᠬᠡᠨ ᠰᠠᠯᠠᠭᠠ ᠨᠠᠮᠠᠭᠠ ᠶᠢ ᠠᠳᠢᠰ | ᠪᠣᠯᠭᠠᠨ ᠠᠪᠳᠠᠭ ᠠᠴᠠ ᠪᠣᠰᠣ ᠬᠤᠭᠤᠴᠢᠨ ᠲᠠᠰᠣᠯᠠᠬᠤ ᠶᠢ ᠡᠷᠡᠰ ᠴᠡᠬᠡᠷᠯᠡᠳᠡᠭ ᠪᠠᠶᠢᠯᠠ᠃ ᠴᠠᠭᠠᠨ ᠮᠠᠩᠬᠠ ᠨᠢ | ᠨᠣᠭᠤᠭᠠᠨ ᠠᠷᠴᠠ ᠳᠤ ᠪᠦᠷᠬᠦᠭᠳᠡᠨ ᠬᠤᠪᠢ ᠶᠢᠨ ᠭᠠᠳᠠᠨᠠ ᠦᠵᠡᠰᠬᠦᠯᠡᠩᠳᠡᠢ ᠲᠣᠯᠠ ᠡᠨᠡ ᠨᠣᠳᠤᠭ ︽ᠠᠷᠴᠠᠨ | ᠪᠡᠷᠬᠡ︾ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨᠠᠪᠠᠢ᠃ ᠨᠣᠳᠤᠭ ᠣᠰᠣ ᠨᠢ ᠢᠳᠡᠷ ᠲᠤ ᠡᠷᠡ ᠶᠢᠨ ᠬᠡᠶᠢᠮᠦᠷᠢ ᠦᠭᠴᠦ ᠡᠩᠬᠦᠷᠡᠢ | ᠭᠤᠸᠠ ᠪᠦᠰᠡᠬᠦᠢ ᠲᠦᠷᠦᠬᠦᠯᠵᠦ ᠡᠩᠬᠡ ᠲᠣᠩᠬᠠ ᠶᠠᠪᠣᠭᠤᠯᠵᠣ ᠦᠩᠬᠡ ᠲᠠᠢ ᠦᠬᠡᠳᠡ ᠲᠠᠢ ᠵᠢᠷᠭᠠᠭᠤᠯᠵᠣ ᠪᠠᠶᠢᠭᠠ | ᠪᠦᠯᠦᠬᠡ᠃ ᠢᠳᠡᠷ᠂ ᠣᠶᠣᠨᠠ ᠡᠨᠡ ᠨᠣᠳᠤᠭ ᠤᠨ ᠣᠣᠭᠠᠯ ᠪᠦᠬᠡᠳ ᠬᠠᠷᠠ ᠪᠣᠣᠷᠠ ᠴᠣ᠋ ᠡᠨᠡ ᠨᠣᠳᠤᠭ ᠤᠨ | ᠪᠣᠳᠣᠭᠤ ᠠᠵᠣᠭᠤ᠃ ᠦᠨᠦᠳᠦᠷ ᠴᠣ᠋ ᠬᠡᠰᠡᠨ ᠠᠷᠴᠠᠨ ᠪᠡᠷᠬᠡ ᠨᠢ ᠡᠪᠦᠯ ᠤᠨ ᠬᠦᠢᠳᠡᠨ ᠰᠢᠭᠤᠷᠭᠠ ᠶᠢ ᠦᠯᠦ | ᠣᠶᠢᠰᠢᠶᠠᠨ ᠲᠣᠪᠤ ᠲᠣᠯᠣᠭᠠᠳ ᠢ ᠪᠦᠷᠬᠦᠨ ᠠᠯᠣᠰ ᠬᠤᠯᠠ ᠠᠴᠠ ᠰᠦᠮᠡᠨ ᠰᠦᠮᠡᠨ ᠬᠠᠷᠠᠯᠠᠨ ᠨᠣᠭᠤᠭᠠᠷᠠᠬᠤ ᠠᠵᠠᠢ᠃ | | ᠲᠦᠮᠡᠨ ᠭᠠᠵᠠᠷ ᠲᠣᠪᠳᠣᠯᠪᠠᠴᠣ ᠲᠣᠶᠢᠯᠳᠣᠨ ᠶᠠᠳᠠᠷᠠᠬᠤ ᠶᠢ ᠦᠯᠦ ᠮᠡᠳᠡᠬᠦ ᠲᠣᠭᠰᠢᠨ ᠬᠠᠷᠠ ᠪᠣᠣᠷᠠ ᠨᠢ | ᠪᠦᠮ ᠪᠦᠮ ᠲᠡᠰᠢᠬᠦᠯᠦᠭᠰᠡᠬᠡᠷ ᠪᠦᠬᠡᠴᠢᠨ ᠢᠳᠡᠷ ᠤᠨ ᠡᠷᠬᠢᠮᠨᠡᠨ ᠰᠢᠳᠣᠳᠡᠭ ᠠᠷᠴᠠᠨ ᠪᠡᠷᠬᠡ ᠬᠦᠷᠴᠦ ᠢᠷᠡᠯᠡ᠃ | ᠮᠦᠩᠬᠡ ᠨᠣᠭᠤᠭᠠᠨ ᠠᠷᠴᠠ ᠵᠡᠯᠡᠯᠡᠨ ᠣᠷᠭᠤᠵᠣ ᠭᠠᠵᠠᠷ ᠤᠨ ᠬᠦᠷᠦᠰᠦ ᠶᠢ ᠨᠣᠭᠤᠭᠠᠨᠲ᠋ᠣᠷᠭᠠᠨ ᠬᠦᠨᠵᠢᠯᠡ ᠪᠠᠷ | ᠦᠪᠴᠢ ᠪᠦᠳᠡᠬᠡᠭᠰᠡᠨ ᠮᠡᠳᠣ᠃ ᠲᠠᠣᠯᠠᠢ ᠭᠤᠷᠭᠤᠣᠯ ᠪᠣᠯᠵᠣᠮᠣᠷ ᠰᠢᠪᠠᠭᠤ ᠵᠡᠷᠬᠡ ᠠᠮᠢᠳᠠᠨ ᠭᠤᠣᠯᠳᠠᠨ ᠠᠷᠴᠠᠨ | ᠲᠣᠳᠣᠷᠠ ᠨᠢᠭᠤᠭᠳᠠᠨ ᠬᠤᠷᠭᠤᠳᠠᠵᠣ᠂ ᠰᠠᠯᠬᠢ ᠲᠣᠭᠤᠰᠣ ᠦᠴᠦᠬᠡᠨ ᠴᠣ᠋ ᠬᠦᠳᠡᠯᠬᠦ ᠦᠬᠡᠢ᠂ ᠬᠠᠮᠢᠭᠠᠰᠢ | ᠬᠠᠷᠠᠭᠰᠠᠨ ᠴᠣ᠋ ᠨᠠᠯ ᠨᠣᠭᠤᠭᠠᠨ ᠴᠡᠯ ᠬᠦᠬᠡ ᠠᠵᠠᠢ᠃ ᠮᠦᠩᠬᠡ ᠠᠷᠴᠠ ᠠᠴᠠ ᠠᠩᠬᠢᠯᠬᠤ ᠠᠷᠢᠭᠤᠨ ᠰᠠᠶᠢᠬᠠᠨ | ᠦᠨᠦᠷ ᠬᠠᠮᠠᠷ ᠠᠮᠠ ᠪᠠᠷ ᠨᠢ ᠣᠷᠣᠵᠣ ᠵᠢᠷᠦᠬᠡ ᠰᠡᠳᠬᠢᠯ ᠳᠤ ᠨᠢ ᠰᠢᠩᠬᠡᠬᠦᠶᠡ ᠢᠳᠡᠷ ᠤᠨ ᠰᠡᠳᠬᠢᠯ ᠵᠢᠷᠦᠬᠡ ᠣᠯᠠᠮ | ᠴᠡᠪᠡᠷ ᠠᠷᠢᠭᠤᠨ ᠪᠣᠯᠬᠤ ᠮᠠᠳᠣ᠃ ᠠᠷᠭᠠ ᠦᠬᠡᠢ ᠳ᠋ᠠ᠂ ᠪᠣᠷᠬᠠᠨ ᠤ ᠡᠮᠦᠨᠡ ᠣᠩᠭᠠᠰᠬᠠᠳᠠᠭ ᠠᠩᠬᠢᠯᠣᠮᠠ | ᠦᠨᠦᠷᠳᠡᠨ ᠰᠢᠦ ᠳ᠋ᠠ᠃ ᠡᠨᠡ ᠨᠣᠳᠤᠭ ᠲᠤ ᠯᠡ ᠴᠣᠬᠤᠮ ᠡᠨᠡ ᠨᠣᠳᠤᠭ ᠲᠤ ᠯᠡ ᠡᠶᠢᠮᠦᠷᠬᠦ ᠠᠷᠢᠭᠤᠨ ᠲᠠᠭᠰᠢᠨ | ᠶᠠᠭᠤᠮᠠ ᠪᠠᠶᠢᠳᠠᠭ ᠠᠵᠠᠢ᠃ ᠠᠷᠴᠠ ᠶᠢᠨ ᠦᠨᠦᠷ ᠠᠩᠬᠢᠯᠣᠭᠰᠠᠨ ᠪᠣᠷᠬᠠᠨ ᠪᠣᠮᠪᠠ ᠶᠢᠨ ᠣᠷᠣᠨ ᠦᠬᠡᠷᠡ ᠬᠠᠮᠢᠭᠠ | ᠪᠠᠶᠢᠨᠠ ᠬᠡᠳᠡᠭ ᠢ ᠢᠳᠡᠷ ᠶᠠᠷᠦ ᠰᠣᠨᠣᠰᠤᠭᠠ ᠦᠬᠡᠢ᠃ ᠡᠬᠦᠨ ᠠᠴᠠ ᠰᠠᠶᠢᠬᠠᠨ ᠨᠣᠳᠤᠭ ᠪᠠᠶᠢᠨᠠ ᠬᠡᠵᠦ ᠬᠠᠷᠠ | ᠪᠣᠣᠷᠠ ᠴᠣ᠋ ᠰᠠᠨᠠᠳᠠᠭ ᠦᠬᠡᠢ ᠨᠢ ᠡ ᠁ | ᠠᠷᠴᠠ ᠶᠢᠨ ᠦᠨᠦᠷ ᠲᠠᠢ ᠰᠠᠯᠬᠢ ᠵᠠᠯᠬᠢᠯᠠᠵᠣ ᠶᠠᠪᠣᠭᠰᠠᠨ ᠢᠳᠡᠷ᠂ ᠬᠠᠷᠠ ᠪᠣᠣᠷᠠ ᠬᠤᠶᠠᠭᠤᠯᠠ ᠨᠣᠳᠤᠭ ᠤᠨ ᠵᠠᠬᠠ | ᠳᠤ ᠬᠦᠷᠴᠦ ᠪᠣᠷᠭᠠᠰᠣᠳᠣ ᠵᠢᠯᠠᠭᠠ ᠶᠢ ᠲᠠᠪᠠᠵᠣ ᠪᠠᠶᠠᠨᠳᠣᠬᠤᠢ ᠬᠡᠮᠡᠬᠦ ᠭᠠᠵᠠᠷ ᠢ ᠵᠣᠷᠢᠪᠠ᠃ ᠪᠠᠶᠠᠨᠳᠣᠬᠤᠢ ᠬᠡᠳᠡᠭ | ᠡᠨᠡ ᠭᠠᠵᠠᠷ ᠲᠠᠪᠢᠨ ᠵᠢᠯ ᠤᠨ ᠲᠡᠷᠳᠡᠭᠡ ᠮᠣᠩᠭᠤᠯ ᠨᠣᠳᠤᠭ ᠪᠠᠶᠢᠭᠰᠠᠨ ᠪᠣᠯᠪᠠᠴᠣ ᠣᠯᠠᠭᠠᠨ ᠮᠠᠯᠠᠭᠠᠶᠢᠳᠠᠨ ᠤ | ᠣᠷᠪᠠᠯᠭᠠᠨ ᠠᠴᠠ ᠪᠣᠯᠵᠣ ᠮᠣᠩᠭᠤᠯᠴᠣᠳ ᠨᠣᠳᠤᠭ ᠠᠴᠠ ᠪᠠᠨ ᠰᠠᠯᠵᠦ ᠣᠮᠠᠷᠠᠰᠢ ᠲᠦᠷᠪᠡᠭᠰᠡᠨ ᠳᠤ ᠬᠢᠳᠡᠳ | ᠲᠡᠷᠢᠶᠡᠴᠢᠨ ᠢᠷᠡᠵᠦ ᠭᠠᠵᠠᠷ ᠰᠡᠨᠳᠡᠯᠡᠨ ᠭᠠᠭ᠋ᠠᠢ ᠮᠠᠯᠯᠠᠨ ᠰᠠᠭᠤᠷᠢᠰᠢᠭᠰᠠᠨ ᠠᠵᠠᠢ᠃ | ᠪᠠᠶᠠᠨᠳᠣᠬᠤᠢ ᠶᠢᠨ ᠪᠠᠷᠠ ᠣᠶᠢᠷᠠᠳᠣᠬᠤ ᠳᠤ ᠢᠳᠡᠷ ᠪᠠᠶᠠᠰᠴᠦ ᠬᠠᠷᠠ ᠪᠣᠣᠷᠠ ᠳᠤ ᠪᠠᠨ ᠲᠠᠰᠢᠭᠤᠷ | ᠨᠡᠮᠡᠬᠦᠶᠡ ᠡᠵᠡᠨ ᠤ ᠪᠠᠨ ᠰᠠᠨᠠᠭᠠ ᠶᠢ ᠤᠶᠢᠯᠠᠭᠠᠭᠰᠠᠨ ᠬᠠᠷᠠ ᠪᠣᠣᠷᠠ ᠬᠦᠷᠴᠢᠭᠢᠨᠡᠬᠦ ᠳᠠᠭᠤ ᠪᠠᠨ ᠬᠤᠯᠠ ᠳᠤ | ᠰᠣᠨᠤᠷᠲᠤᠭᠤᠯᠤᠨ ᠯᠡᠭᠰᠡᠭ ᠯᠡᠭᠰᠡᠭ ᠲᠡᠰᠢᠬᠦᠯᠪᠡ᠃ ᠬᠢᠲᠠᠳᠢᠷᠬᠡᠨ ᠪᠦᠭᠡᠮᠨᠡᠷᠡᠨ ᠰᠠᠭᠤᠳᠠᠭ ᠵᠠᠩᠰᠢᠯ ᠲᠠᠢ | ᠪᠦᠭᠡᠳ ᠬᠦᠮᠦᠨ ᠤᠯᠠᠨ ᠬᠦᠭᠵᠢᠶᠡᠨ ᠶᠡᠭᠡ ᠪᠠᠶᠢᠵᠦ ᠮᠠᠯ ᠤᠨᠤᠭᠠ ᠶᠢᠨ ᠳᠠᠭᠤ ᠪᠤᠰᠤ ᠬᠠᠷᠢᠨ ᠨᠤᠭᠤᠰᠤ ᠭᠠᠯᠠᠭᠤ᠂ | ᠡᠯᠵᠢᠭᠡ ᠭᠠᠭ᠋ᠠᠢ ᠶᠢᠨ ᠳᠠᠭᠤ᠂ ᠲᠠᠷᠢᠶᠠᠴᠢᠨ ᠡᠮᠡᠭᠲᠠᠶᠢᠴᠤᠤᠳ ᠤᠨ ᠬᠤᠭᠤᠯᠠᠢ ᠰᠢᠬᠠᠨ ᠬᠠᠰᠬᠢᠷᠣᠯᠳᠣᠬᠤ ᠲᠠᠭᠤ | ᠬᠤᠯᠠ ᠠᠴᠠ ᠰᠤᠨᠤᠰᠳᠠᠨᠠᠮ᠃ ᠢᠳᠡᠷ ᠪᠤᠷᠠᠨᠲᠠᠭ ᠢᠶᠠᠨ ᠲᠠᠲᠠᠵᠦ᠂ ᠪᠦᠳᠦᠬᠦᠨᠲ᠋ᠠᠰᠢᠭᠤᠷ ᠢᠶᠠᠷ ᠢᠶᠠᠨ ᠬᠠᠷᠠ ᠪᠤᠤᠷᠠ | ᠶᠢᠨ ᠲᠠᠰᠢᠶᠠ ᠤᠷᠣᠭᠤ ᠬᠤᠶᠠᠷᠲᠠ ᠴᠢᠩᠭᠠ ᠰᠢᠪᠰᠢᠷᠳᠠᠭᠰᠠᠨ ᠳᠤ ᠬᠠᠷᠠ ᠪᠤᠤᠷᠠ ᠬᠤᠷᠳᠣᠴᠠ ᠪᠠᠨ ᠰᠠᠭᠠᠷᠠᠭᠤᠯᠵᠣ | ᠳ᠋ᠦᠮᠡᠨ ᠳ᠋ᠦᠮᠡᠨ ᠠᠯᠬᠤᠯᠠᠵᠦ ᠲᠣᠭᠰᠢᠨ ᠰᠦᠷ ᠢᠶᠠᠨ ᠮᠠᠨᠳᠣᠭᠤᠯᠣᠭᠰᠠᠭᠠᠷ ᠠᠶᠢᠯ ᠤᠷᠤᠭᠤ ᠤᠷᠤᠪᠠ᠃ ᠠᠪᠤᠷᠭᠤ | ᠲᠡᠮᠡᠭᠡ ᠶᠢ ᠬᠠᠷᠠᠭᠰᠠᠨ ᠠᠶᠢᠯ ᠤᠨ ᠤᠶᠠᠭᠠᠨ ᠳᠠᠬᠢ ᠯᠠᠭᠤᠰᠠ ᠡᠯᠵᠢᠬᠡ ᠴᠢᠳᠬᠦᠷ ᠬᠠᠷᠠᠭᠰᠠᠨ ᠮᠡᠲᠦ ᠠᠶᠣᠵᠣ | ᠰᠤᠴᠢᠨ ᠣᠶᠠᠳᠠᠯ ᠨᠣᠭᠳᠣ ᠪᠠᠨ ᠲᠠᠰᠣᠳᠠᠨ ᠣᠶᠠᠭᠠ ᠪᠣᠯᠠᠭᠠ ᠪᠠᠨ ᠴᠢᠷᠦᠨ ᠭᠤᠳ ᠲᠣᠳᠠᠭᠠᠬᠤᠶᠠ ᠨᠤᠬᠠᠢ ᠬᠤᠴᠠᠨ | ᠂ ᠨᠤᠭᠤᠰᠤ ᠭᠠᠭᠠᠯᠠᠨ ᠱᠣᠣᠭᠢᠶᠠᠨ ᠲᠡᠭᠳᠡᠪᠡᠢ᠃ ᠡᠨᠡ ᠦᠶᠡ ᠳᠤ ᠡᠷᠦᠬᠡ ᠪᠦᠷᠢ ᠠᠴᠠ ᠡᠮᠡᠰ ᠬᠡᠤᠬᠡᠳ ᠭᠦᠶᠦᠯᠳᠦᠨ | ᠭᠠᠷᠴᠤ ᠢᠷᠡᠨ ᠦᠢᠮᠡᠭᠡᠨ ᠲᠡᠪᠵᠢᠶᠡᠨ ᠪᠤᠯᠵᠦ ᠲᠠᠶᠢᠨᠡᠭᠦᠰᠦᠭᠰᠡᠨ ᠠᠴᠠ ᠲᠣᠣᠷᠠ ᠦᠬᠡᠢ ᠱᠤᠤᠬᠢᠯᠳᠣᠪᠠ᠃ ᠡᠨᠡ | ᠪᠠᠶᠢᠳᠠᠯ ᠢ ᠬᠠᠷᠠᠭᠰᠠᠨ ᠬᠠᠷᠠ ᠪᠤᠤᠷᠠ ᠨᠡᠩᠲᠡ ᠰᠣᠷᠲᠤᠭᠤᠯᠠᠬᠤ ᠮᠡᠲᠦ ᠳᠦᠷᠪᠡᠯᠵᠢᠯᠡᠭᠦᠯᠬᠦ ᠨᠢ ᠪᠦᠬᠡᠴᠢᠨ ᠢᠳᠡᠷ ᠤᠨ | ᠢᠨᠢᠶᠡᠳᠦ ᠶᠢ ᠬᠦᠷᠭᠡᠨ ᠣᠮᠤᠭ ᠢ ᠬᠦᠭᠵᠢᠬᠡᠬᠦ ᠪᠦᠯᠦᠬᠡ᠃ | ᠠᠪᠣᠷᠭᠤ ᠲᠡᠮᠡᠭᠡ ᠶᠢ ᠠᠩᠬᠠ ᠬᠠᠷᠠᠭᠰᠠᠨ ᠲᠠᠷᠢᠶᠠᠴᠢᠨ ᠠᠶᠢᠯ ᠤᠨ ᠬᠢᠨ ᠳᠣᠣᠷᠠ ᠪᠠᠨ ᠠᠳᠡ ᠲᠡᠨᠳᠡ | ᠠᠴᠠ ᠪᠦᠭᠡᠮᠨᠡᠷᠡᠨ ᠢᠷᠡᠵᠦ ᠬᠠᠷᠠ ᠪᠣᠣᠷᠠ ᠶᠢ ᠭᠠᠶᠢᠬᠠᠨ ᠬᠠᠷᠠᠵᠦ ᠨᠠᠶᠢᠷ ᠨᠠᠭᠠᠳᠤᠮ ᠪᠤᠯᠤᠭᠰᠠᠨ ᠮᠡᠳᠦ ᠴᠤᠭᠯᠠᠷᠠᠯᠠ᠃ | ᠬᠡᠤᠬᠡᠳ ᠮᠤᠳᠤ ᠰᠢᠳᠠᠮ᠂ ᠰᠢᠪᠠᠷ ᠴᠢᠯᠠᠭᠤ ᠪᠠᠷᠢᠵᠦ ᠲᠤᠮᠤᠴᠤᠤᠯ ᠤᠨ ᠢᠶᠠᠨ ᠠᠷᠤ ᠳᠤ ᠵᠤᠭᠰᠤᠨ ᠬᠠᠷᠠ ᠪᠤᠤᠷᠠ | ᠶᠢ ᠪᠢᠴᠢᠬᠠᠨ ᠬᠤᠷᠣᠭᠤ ᠪᠠᠷ ᠢᠶᠠᠨ ᠵᠢᠭᠠᠵᠣ ᠭᠠᠶᠢᠬᠠᠰᠢᠷᠠᠨ ᠰᠢᠷᠲᠡᠨᠡ᠃ ᠬᠢᠲᠠᠳ ᠡᠮᠡᠰ ᠨᠠᠷᠢᠨ ᠦᠨᠳᠦᠷ ᠳᠠᠭᠤᠨ | ᠢᠶᠠᠷ ᠦᠷᠢᠰᠦᠨ ᠬᠠᠰᠭᠢᠷᠤᠯᠳᠣᠵᠦ ᠬᠡᠤᠬᠡᠳ ᠢᠶᠠᠨ ︽ᠲᠡᠮᠡᠭᠡᠨ ᠳᠤ ᠪᠤᠤ ᠤᠶᠢᠷᠠᠳᠣ︾ ᠬᠡᠮᠡᠨ ᠴᠢᠩᠭᠠ ᠵᠠᠬᠢᠨᠠ᠃ | ᠡᠷᠡᠴᠣᠣᠯ ᠨᠢ ᠬᠠᠷᠠ ᠪᠤᠤᠷᠠ᠂ ᠪᠦᠬᠡᠴᠢᠨ ᠡᠷᠡ ᠶᠢᠨ ᠰᠦᠷᠯᠢᠭ ᠲᠤᠮᠤ ᠶᠢ ᠠᠲᠠᠭᠠᠷᠬᠠᠬᠤ ᠮᠡᠲᠤ ᠬᠠᠷᠠᠵᠦ ᠦᠯᠦ | ᠲᠣᠭᠤᠮᠰᠣᠷᠯᠠᠬᠤ ᠪᠠᠶᠢᠳᠠᠯ ᠭᠠᠷᠭᠠᠪᠠᠴᠦ ᠭᠠᠶᠢᠬᠠᠬᠤ ᠪᠠᠶᠢᠳᠠᠯ ᠢᠶᠠᠨ ᠨᠢᠭᠤᠵᠣ ᠲᠡᠶᠢᠯᠬᠦ ᠦᠬᠡᠢ ᠪᠠᠶᠢᠪᠠ᠃ ᠢᠳᠡᠷ | ᠲᠡᠮᠡᠭᠡ ᠪᠠᠨ ᠰᠦᠭᠦᠳᠭᠡᠯ ᠦᠭᠡᠢ ᠪᠠᠷ ᠭᠤᠯᠭᠤᠷᠢᠨ ᠪᠠᠭᠤᠵᠦ ᠲᠠᠰᠢᠭᠤᠷ ᠢᠶᠠᠨ ᠮᠦᠨ ᠲᠡᠮᠡᠭᠡᠨ ᠳᠤ ᠪᠠᠨ | ᠦᠵᠡᠭᠦᠯᠦᠨ ᠴᠢᠩᠭᠠ ᠵᠠᠩᠳᠣᠷᠴᠤ ᠨᠤᠮᠤᠬᠠᠨ ᠪᠠᠶᠢᠬᠤ ᠶᠢ ᠰᠠᠨᠠᠭᠤᠯᠵᠣ ᠪᠠᠶᠢᠪᠠ᠃ ᠬᠠᠷᠠ ᠪᠤᠤᠷᠠ ᠶᠢᠨ ᠲᠤᠭᠰᠢᠨ | ᠰᠦᠷ ᠲᠤ ᠤᠶᠢᠷᠠᠲᠤᠵᠦ ᠦᠯᠦ ᠴᠢᠳᠠᠬᠤ ᠬᠢᠲᠠᠳ ᠲᠠᠷᠢᠶᠠᠴᠢᠨ ᠢ ᠬᠠᠷᠠᠭᠰᠠᠨ ᠢᠳᠡᠷ ᠲᠡᠭᠰᠢ ᠴᠠᠭᠠᠨ ᠰᠢᠳᠦ ᠪᠠᠨ | ᠢᠷᠠᠯᠵᠠᠭᠤᠯᠤᠨ ᠢᠨᠢᠶᠡᠵᠦ ︽ᠨᠠᠭᠠᠰᠢ ᠢᠷᠡᠭᠳᠤᠨ︾ ᠬᠡᠮᠡᠨ ᠳᠠᠯᠠᠯᠤᠨ ᠳᠤᠬᠢᠭᠰᠠᠨ ᠳᠤ ᠲᠠᠷᠢᠶᠠᠴᠢᠨ ᠡᠷᠡᠰ ᠪᠡᠶᠡ | ᠪᠡᠶᠡᠨ ᠢᠶᠠᠨ ᠬᠠᠷᠠᠭᠰᠠᠨ ᠢᠶᠠᠨ ᠴᠤᠪᠤᠷᠠᠨ ᠢᠷᠡᠯᠡ᠃ ᠬᠠᠷᠠ ᠪᠤᠤᠷᠠ ᠬᠤᠶᠢᠳᠣ ᠬᠤᠶᠠᠷ ᠬᠦᠯ ᠲᠡᠬᠡᠷᠡ ᠪᠠᠨ | ᠬᠠᠨᠳᠠᠷᠣᠨᠰᠠᠭᠤᠵᠦ ᠬᠦᠵᠦᠭᠦᠦ ᠪᠠᠨ ᠤᠭᠲᠠᠷᠭᠤᠢ ᠦᠭᠡᠳᠡ ᠰᠣᠩᠭᠠᠨ᠂ ᠬᠦᠭᠡᠰᠦ ᠠᠰᠬᠠᠷᠠᠭᠤᠯᠤᠨ ᠰᠢᠳᠤ | ᠬᠠᠪᠢᠷᠤᠨ ᠰᠡᠭᠦᠯ ᠰᠢᠪᠰᠢᠨ ᠡᠬᠢᠯᠡᠬᠦ ᠳᠤ ᠬᠦᠮᠦᠰ ᠰᠦᠷᠳᠡᠨ ᠠᠶᠣᠵᠣ ᠪᠠᠶᠢᠪᠠ᠃ ᠢᠲᠠᠭ ᠲᠠᠳᠠᠭ ᠭᠡᠭᠰᠡᠭᠡᠷ | ᠣᠶᠢᠷᠠᠳᠴᠦ ᠢᠷᠡᠭᠰᠡᠨ ᠬᠢᠲᠠᠳ ᠡᠷᠡᠰ ᠲᠠᠢ ᠪᠦᠬᠡᠴᠢᠨ ᠢᠳᠡᠷ ᠮᠠᠭᠤᠬᠠᠨ ᠬᠢᠲᠠᠳ ᠬᠡᠯᠡ ᠪᠠᠷ ᠮᠡᠨᠳᠦᠴᠢᠯᠡᠬᠦ ᠳᠤ | ᠨᠢᠭᠤᠷ ᠣᠴᠠᠷᠠᠵᠦ ᠦᠩᠭᠡᠷᠡᠭᠰᠡᠨ ᠲᠠᠷᠢᠶᠠᠴᠢᠨ ᠴᠤ ᠪᠠᠶᠢᠭᠠ ᠲᠤᠯᠠ ᠶᠡᠭᠡ ᠯᠡ ᠨᠠᠶᠢᠷᠰᠠᠭ ᠪᠠᠶᠢᠪᠠ᠃ ᠢᠳᠡᠷ ᠲᠡᠳᠡᠨ | ᠳᠤ ︽ᠪᠤᠤᠷᠠ ᠶᠢ ᠬᠢᠴᠢᠶᠡᠭᠳᠤᠨ︾ ᠭᠡᠰᠡᠨ ᠮᠠᠶ᠋ᠢᠭ ᠲᠠᠢ ᠳᠣᠬᠢᠶᠠ ᠦᠭᠴᠤ᠂ ᠦᠪᠡᠷ ᠢᠶᠠᠨ ᠠᠮᠤ ᠪᠤᠳᠠᠭᠠ | ᠬᠤᠳᠠᠯᠳᠣᠨ ᠠᠪᠬᠤ ᠪᠠᠷ ᠢᠷᠡᠭᠰᠡᠨ ᠢᠶᠠᠨ ᠬᠡᠯᠡᠪᠡ᠃ ᠲᠠᠷᠢᠶᠠᠴᠢᠳ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠶᠢᠨ ᠤᠴᠢᠷ ᠢ ᠲᠡᠳᠦᠶᠢᠯᠡ | ᠰᠣᠨᠢᠷᠬᠠᠭᠰᠠᠨ ᠦᠭᠡᠢ ᠬᠠᠷᠢᠨ ᠬᠠᠷᠠ ᠪᠤᠤᠷᠠ ᠶᠢ ᠨᠢ ᠲᠡᠭᠦᠨ ᠠᠴᠠ ᠢᠯᠡᠭᠦᠤ ᠰᠤᠨᠢᠷᠬᠠᠨ ᠬᠤᠯᠠᠭᠤᠷ ᠲᠤᠭᠤᠷᠢᠨ | ᠰᠢᠨᠵᠢᠵᠦ ᠦᠨᠡᠯᠡᠨ ᠶᠠᠷᠢᠯᠴᠠᠵᠦ ᠢᠳᠡᠷ᠂ ᠬᠠᠷᠠ ᠪᠤᠤᠷᠠ ᠬᠤᠶᠠᠭᠤᠯᠠ ᠶᠢ ᠲᠤᠭᠤᠷᠢᠭᠯᠠᠨ ᠭᠦᠷᠢᠶᠡᠯᠡᠵᠦ ᠼᠢᠺ ᠤᠨ | ᠲᠤᠭᠯᠠᠭᠴᠢ ᠮᠡᠳᠦ ᠪᠤᠯᠭᠠᠪᠠ᠃ ᠬᠠᠷᠠ ᠪᠤᠤᠷᠠ ᠨᠡᠩᠳᠡ ᠤᠮᠣᠭᠰᠢᠨ ᠭᠠᠶᠢᠬᠠᠭᠤᠯᠬᠤ ᠮᠡᠳᠦ ᠤᠯᠠᠮ ᠴᠤ | ᠬᠦᠷᠴᠢᠭᠢᠨᠡᠨ ᠬᠦᠯ ᠲᠡᠪᠰᠡᠯᠡᠨ ᠪᠠᠶᠢᠪᠠ᠃ ᠡᠶᠢᠮᠦ ᠬᠦᠳᠡᠷ ᠴᠢᠬᠢᠷᠠᠭ ᠲᠤᠮᠤ ᠡᠷᠡ᠂ ᠲᠡᠶᠢᠮᠦ ᠰᠦᠷᠯᠢᠭ ᠪᠦᠳᠦᠬᠦᠨ | ᠪᠤᠤᠷᠠ ᠶᠢ ᠠᠩᠬᠠ ᠬᠠᠷᠠᠵᠦ ᠪᠠᠶᠢᠭᠠ ᠬᠢᠲᠠᠳᠡᠮᠡᠰ ᠦᠬᠢᠳᠠᠯᠮᠠᠰ ᠬᠠᠷᠠᠵᠦ ᠵᠠᠭᠠᠨ ᠦᠵᠡᠭᠰᠡᠨ ᠮᠡᠲᠦ | ᠱᠤᠤᠭᠢᠯᠳᠤᠨ᠂ ᠬᠢᠲᠠᠳ ᠡᠷᠡᠰ ᠲᠡᠮᠡᠭᠡᠨ ᠤ ᠬᠦᠴᠤ ᠴᠢᠳᠠᠯ ᠤᠨ ᠲᠤᠬᠠᠢ ᠲᠠᠭᠠᠮᠠᠭᠯᠠᠨ ᠮᠠᠷᠭᠤᠯᠳᠣᠵᠣ ᠬᠡᠣᠬᠡᠳ | ᠰᠢᠣᠬᠠᠳ ᠬᠦᠭᠰᠡᠨ ᠪᠠᠷᠬᠢᠷᠠᠯᠳᠣᠵᠣ᠂ ᠲᠦᠮᠡᠨ ᠲᠦᠴᠢᠬᠢᠨᠡᠵᠦ ᠪᠤᠮᠠᠨ ᠪᠤᠵᠢᠭᠢᠨᠠᠯᠳᠣᠭᠰᠠᠨ ᠱᠤᠤᠭᠢᠶᠠᠨ ᠪᠤᠯᠪᠠ᠃ | ᠢᠳᠡᠷ ᠶᠠᠭᠠᠬᠢᠬᠤ ᠪᠠᠨ ᠤᠯᠬᠤ ᠦᠭᠡᠢ ᠲᠦᠳᠡᠭᠡᠯᠵᠡᠨ ᠵᠤᠭᠰᠣᠲᠠᠯᠠ ᠤᠯᠠᠨ ᠡᠷᠡᠰ ᠤᠨ ᠲᠤᠲᠤᠷᠠ ᠠᠴᠠ ᠨᠢᠭᠡᠨ | ᠬᠦᠳᠡᠷ ᠴᠢᠬᠢᠷᠠᠭ ᠡᠷᠡ ᠤᠷᠤᠭᠰᠢ ᠢᠷᠡᠵᠦ᠄ ︽ᠴᠢᠨᠤ ᠡᠨᠡ ᠲᠡᠮᠡᠭᠡ ᠴᠢᠨᠢ ᠬᠡᠳᠦᠢ ᠴᠢᠳᠠᠯ ᠲᠠᠢ ᠪᠤᠢ︖︾ ᠭᠡᠰᠡᠨ | ᠳᠤ ᠢᠳᠡᠷ ᠲᠡᠭᠦᠨ ᠢ ᠠᠶᠤᠯᠭᠠᠬᠤ ᠰᠠᠨᠠᠭᠠ ᠲᠠᠢ ︽ᠲᠦᠴᠢᠨ ᠳ᠋ᠸᠦ ᠠᠮᠣ ᠠᠴᠢᠵᠦ ᠲᠡᠶᠢᠯᠦᠨᠡ︾ ᠭᠡᠰᠡᠨ ᠳᠤ | ᠲᠡᠷᠡ ᠬᠢᠲᠠᠳ ᠡᠷᠡ ᠰᠤᠴᠢᠭᠰᠠᠨ ᠮᠡᠳᠦ ᠬᠤᠶᠢᠰᠢ ᠤᠬᠤᠷᠢᠭᠰᠠᠨ ᠢᠶᠠᠨ ᠱᠠᠯᠠᠪᠬᠠᠨ ᠡᠷᠭᠢᠵᠦ ᠲᠤᠯᠤᠭᠠᠢ ᠰᠡᠭᠰᠦᠷᠤᠨ | ᠄ ︽ᠲᠦᠴᠢᠨ ᠳ᠋ᠸᠦ ᠠᠮᠣ ᠠᠴᠢᠨᠠ ᠭᠡᠳᠡᠭ ᠢ ᠪᠢ ᠢᠳᠡᠭᠡᠬᠦ ᠦᠭᠡᠢ᠂ ᠦᠯᠢᠶᠡᠵᠦ ᠪᠠᠶᠢᠨᠠ ᠪᠠ︖︾ ᠭᠡᠰᠡᠨ ᠳᠤ | ᠴᠠᠭᠠᠳᠣᠭᠤᠯᠠ ᠨᠢ ᠬᠦᠭ ᠨᠡᠮᠡᠵᠦ ︽ᠦᠯᠢᠶᠡᠵᠦ ᠪᠠᠶᠢᠨᠠ᠂ ᠦᠯᠢᠶᠡᠵᠦ ᠪᠠᠶᠢᠨᠠ︾ ︽ᠢᠳᠡᠬᠡᠬᠦ ᠦᠬᠡᠢ᠂ ᠢᠲᠡᠭᠡᠬᠦ | ᠦᠬᠡᠢ︾ ᠭᠡᠵᠦ ᠬᠠᠰᠬᠢᠷᠤᠯᠳᠣᠭᠰᠠᠨ ᠳᠤ ᠡᠮᠡᠰ ᠬᠡᠤᠬᠡᠳ ᠴᠤ ᠲᠠᠭᠠᠨ ᠱᠤᠤᠬᠢᠯᠳᠣᠪᠠ᠃ ᠡᠨᠡ ᠱᠤᠤᠭᠢᠶᠠᠨ ᠳᠤ | ᠬᠠᠷᠠ ᠪᠤᠤᠷᠠ ᠠᠭᠤᠷᠰᠠᠨ ᠬᠢᠯᠢᠩᠨᠡᠵᠦ ᠬᠦᠷᠴᠢᠭᠢᠨᠡᠨ ᠬᠦᠩᠭᠢᠨᠡᠭᠰᠡᠨ ᠳᠤ ᠬᠢᠳᠠᠳ ᠲᠠᠷᠢᠶᠠᠴᠢᠳ ᠠᠶᠤᠯᠳᠣᠵᠦ ᠠᠷᠠᠢ | ᠭᠡᠵᠦ ᠱᠣᠣᠭᠢᠶᠠᠨ ᠨᠠᠮᠳᠠᠪᠠ᠃ ᠢᠳᠡᠷ ᠲᠠᠰᠢᠭᠤᠷ ᠢᠶᠠᠨ ᠲᠠᠰ ᠨᠢᠰ ᠳᠤᠤᠭᠠᠷᠭᠠᠨ ᠲᠡᠮᠡᠭᠡ ᠪᠠᠨ ᠨᠤᠮᠤᠬᠠᠷᠠᠭᠤᠯᠲᠠᠯᠠ | ᠠᠩᠬᠠᠨ ᠤ ᠬᠢᠲᠠᠳ ᠤᠷᠤᠭᠰᠢ ᠢᠷᠡᠵᠦ᠄ ︽ᠴᠢᠨᠤ ᠲᠡᠮᠡᠭᠡ ᠲᠦᠴᠢᠨ ᠳ᠋ᠸᠦ ᠠᠮᠣ ᠠᠴᠢᠭᠠᠳ ᠶᠠᠪᠤᠵᠦ ᠴᠢᠳᠠᠪᠠᠯ | ᠪᠢᠳᠠ ᠲᠦᠴᠢᠨ ᠳ᠋ᠸᠦ ᠪᠤᠳᠠᠭᠠ ᠪᠠᠨ ᠴᠢᠮᠠ ᠳᠤ ᠵᠦᠭᠡᠷ ᠦᠭᠬᠦᠶᠡ᠂ ᠲᠡᠶᠢᠯᠬᠦ ᠦᠭᠡᠢ ᠪᠤᠯ ᠲᠡᠮᠡᠭᠡ ᠪᠠᠨ ᠮᠠᠨ ᠳᠤ | ᠦᠭ︾ ᠭᠡᠰᠡᠨ ᠳᠤ ᠪᠦᠬᠦ ᠬᠢᠲᠠᠳ ︽ᠵᠦᠪ ᠵᠦᠪ︾ ᠬᠡᠵᠦ ᠢᠳᠡ ᠨᠡᠮᠡᠨ ᠬᠠᠰᠭᠢᠷᠬᠤ ᠳᠤ ᠬᠠᠷᠠ ᠪᠤᠤᠷᠠ ᠮᠦᠨ | ᠬᠦ ᠬᠢᠯᠢᠩᠨᠡᠨ ᠬᠦᠷᠬᠢᠷᠡᠪᠡ᠃ ᠱᠣᠣᠬᠢᠶᠠᠨ ᠨᠠᠮᠳᠠᠬᠤ ᠳᠤ ᠡᠷᠡ ᠶᠢᠨ ᠮᠡᠯᠵᠢᠶᠡ ᠠᠯᠳᠠᠵᠦ ᠶᠠᠪᠤᠭᠰᠠᠨ ᠦᠭᠡᠢ ᠪᠦᠬᠡᠴᠢᠨ | ᠢᠳᠡᠷ᠄ ︽ᠪᠤᠯᠤᠨᠠ᠂ ᠪᠤᠯᠤᠨᠠ᠂ ᠬᠡᠯᠡᠭᠰᠡᠨ ᠳᠤ ᠪᠠᠨ ᠰᠠᠭᠤᠬᠤ ᠬᠡᠷᠡᠭᠲᠠᠢ ᠰᠢᠦ︾ ᠭᠡᠵᠦ ᠯᠠᠪᠰᠢᠷᠠᠭᠤᠯᠬᠤ ᠳᠤ | ᠤᠯᠠᠨ ᠬᠦᠮᠦᠰ ︽ᠤᠤᠬᠠᠢ︾ ᠬᠠᠰᠭᠢᠷᠤᠨ ᠲᠠᠬᠢᠨᠲᠠ ᠲᠡᠪᠵᠢᠶᠡᠷᠡᠪᠡ᠃ ᠬᠠᠷᠠ ᠪᠤᠤᠷᠠ ᠮᠦᠨ ᠯᠡ ᠬᠦᠷᠬᠢᠷᠡᠨ | ᠲᠤᠭᠰᠢᠷᠠᠵᠦ ᠦᠢᠮᠡᠭᠡᠨ ᠢ ᠲᠠᠷᠤᠵᠦ ᠪᠠᠶᠢᠯᠠ᠃ | ᠮᠡᠯᠵᠢᠶᠡ ᠲᠤᠭᠳᠠᠵᠦ ᠬᠢᠲᠠᠳ ᠠᠶᠢᠯ ᠤᠨ ᠬᠢᠨ ᠠᠮᠤ ᠪᠠᠨ ᠴᠤᠭᠯᠠᠭᠤᠯᠵᠦ᠂ ᠢᠳᠡᠷ ᠬᠤᠮ ᠪᠡᠯᠡᠳᠭᠡᠪᠡ᠃ | ᠢᠷᠡᠬᠦ ᠦᠶᠡ ᠳᠤ ᠪᠠᠨ ᠲᠡᠮᠡᠭᠡᠨ ᠬᠤᠮ ᠢᠶᠠᠨ ᠠᠪᠴᠢᠷᠠᠭᠰᠠᠨ ᠦᠭᠡᠢ᠂ ᠡᠶᠢᠮᠦ ᠮᠡᠯᠵᠢᠶᠡ ᠪᠣᠯᠣᠨᠠ ᠬᠡᠵᠦ ᠬᠡᠨ | ᠮᠡᠳᠡᠬᠦᠪ ᠳ᠋ᠠ᠃ ᠬᠢᠲᠠᠳ ᠠᠶᠢᠯ ᠠᠴᠠ ᠡᠪᠡᠰᠦ ᠣᠯᠤᠰᠤᠨ ᠤᠭᠤᠲᠠ ᠮᠣᠳᠣ ᠲᠡᠬᠡᠰᠦ ᠴᠣᠭᠯᠠᠭᠤᠯᠵᠣ ᠲᠠᠷᠤᠶᠢᠬᠠᠨ | ᠬᠤᠮ ᠬᠢᠪᠡ᠃ ᠠᠷᠪᠠᠭᠠᠳ ᠤᠭᠤᠲᠠ ᠪᠤᠳᠠᠭᠠ ᠶᠢ ᠲᠡᠮᠡᠭᠡᠨ ᠤ ᠬᠤᠶᠠᠷ ᠪᠦᠬᠦ ᠶᠢᠨ ᠬᠤᠭᠤᠷᠤᠨᠳᠣ ᠶᠠᠭᠠᠬᠢᠯᠠ ᠬᠡᠳ | ᠠᠴᠢᠵᠦ ᠪᠠᠭᠳᠠᠭᠠᠬᠤ ᠦᠭᠡᠢ ᠲᠤᠯᠠ ᠬᠤᠮ ᠬᠡᠷᠡᠭᠯᠡᠬᠦ ᠯᠡ ᠤᠴᠢᠷ ᠲᠠᠢ᠃ ᠬᠢᠲᠠᠳ ᠲᠠᠷᠢᠶᠠᠴᠢᠳ ᠦᠢᠮᠡᠯᠳᠦᠨ | ᠱᠣᠣᠭᠢᠯᠳᠣᠭᠰᠠᠭᠠᠷ ᠱᠧᠩ ᠳ᠋ᠧᠤ ᠪᠡᠯᠡᠳᠭᠡᠨ ᠠᠮᠤ ᠪᠣᠳᠠᠭᠠ ᠪᠠᠨ ᠬᠡᠮᠵᠢᠶᠡ ᠶᠤᠰᠤᠭᠠᠷ ᠪᠡᠯᠡᠳᠭᠡᠵᠦ ᠮᠡᠯᠵᠢᠶᠡ | ᠠᠯᠳᠠᠵᠦ ᠤᠨᠤᠬᠤ ᠶᠢᠨ ᠲᠤᠬᠠᠢ ᠬᠡᠷᠡᠭᠦᠯ ᠬᠡᠯᠡᠯᠴᠡᠭᠡᠨ ᠪᠤᠯᠵᠦ ᠵᠤᠳᠤᠯᠳᠣᠬᠤ ᠠᠴᠠ ᠲᠤᠯᠤᠭᠠᠨ ᠳᠣᠣᠷᠠ ᠶᠠᠭᠤᠮᠠ | ᠪᠤᠯᠵᠦ ᠪᠠᠶᠢᠪᠠ᠃ ᠮᠡᠯᠵᠢᠶᠡ ᠠᠯᠳᠠᠪᠠᠯ ᠬᠤᠭᠤᠯᠠ ᠪᠠᠨ ᠠᠯᠳᠠᠨᠠ ᠰᠢᠦ ᠳ᠋ᠠ᠃ ᠬᠡᠪᠡᠴᠦ ᠨᠢᠭᠡ ᠲᠡᠮᠡᠭᠡᠨ ᠳᠤ ᠲᠡᠶᠢᠮᠦ | ᠠᠷᠪᠢᠨ ᠲᠡᠶᠢᠮᠦ ᠬᠦᠨᠳᠣ ᠪᠤᠳᠠᠭᠠ ᠶᠢ ᠠᠴᠢᠵᠦ ᠪᠠᠭᠳᠠᠭᠠᠨᠠ᠂ ᠡᠷᠬᠦᠵᠦ ᠲᠠᠭᠠᠭᠠᠨᠠ ᠬᠡᠳᠡᠭ ᠢ ᠲᠡᠳᠡ ᠬᠡᠷᠬᠢᠨ | ᠢᠲᠡᠭᠡᠬᠦ ᠪᠤᠢ︖ ᠵᠠᠷᠢᠮ ᠨᠢᠬᠡ ᠨᠢ ᠮᠡᠯᠵᠢᠶᠡ ᠤᠯᠪᠠᠯ ᠬᠠᠷᠢᠨ ᠲᠡᠮᠡᠭᠡ ᠶᠢ ᠬᠡᠷᠬᠢᠨ ᠬᠤᠪᠢᠶᠠᠬᠤ ᠲᠤᠬᠠᠢ ᠬᠡᠯᠡ ᠠᠮᠠ | ᠪᠤᠯᠵᠦ ᠪᠠᠶᠢᠭᠠ ᠨᠢ ᠴᠤ ᠪᠠᠶᠢᠪᠠ᠃ | ᠪᠡᠯᠡᠳᠭᠡᠯ ᠪᠦᠷᠢᠨ ᠪᠤᠯᠤᠭᠰᠠᠨ ᠳᠤ ᠢᠳᠡᠷ ᠬᠠᠷᠠ ᠪᠤᠤᠷᠠ ᠪᠠᠨ ᠵᠠᠩᠳᠠᠨ ᠰᠦᠭᠦᠳᠭᠡᠵᠦ ᠲᠡᠮᠡᠭᠡ | ᠳᠡᠪᠬᠡᠷᠦᠨ ᠪᠤᠰᠬᠤ ᠠᠴᠠ ᠬᠢᠴᠢᠶᠡᠵᠦ ᠲᠦᠷᠪᠡᠨ ᠮᠦᠴᠢ ᠶᠢ ᠨᠢ ᠪᠤᠭᠤᠨ ᠤᠶᠠᠪᠠ᠃ ᠢᠳᠡᠷ ᠬᠤᠮ ᠢᠶᠠᠨ ᠪᠣᠣᠷᠠᠨ | ᠳᠤ ᠪᠠᠨ ᠡᠪᠯᠢᠭ ᠰᠠᠶᠢᠬᠠᠨ ᠲᠠᠭᠠᠷᠠᠭᠤᠯᠵᠦ ᠳᠡᠭᠡᠰᠦ ᠲᠠᠷᠤᠭᠤᠯᠭᠠ ᠪᠠᠨ ᠨᠤᠮ ᠤᠨ ᠶᠣᠰᠤ ᠪᠠᠷ ᠳᠡᠯᠭᠡᠨ ᠤᠭᠤᠲᠠ | ᠲᠠᠢ ᠠᠮᠦ ᠪᠠᠨ ᠲᠡᠮᠡᠭᠡᠨ ᠤ ᠵᠦᠪ ᠲᠠᠯᠠ ᠳᠤ ᠵᠡᠷᠭᠡᠯᠡᠨ ᠲᠠᠯᠪᠢᠵᠦ ᠪᠠᠭᠴᠠᠨ ᠣᠶᠠᠵᠣ ᠡᠬᠢᠯᠡᠪᠡ᠃ ᠤᠭᠤᠳᠠ | ᠤᠭᠤᠳᠠ ᠠᠮᠦ ᠶᠢ ᠬᠦᠪ ᠬᠦᠩᠬᠡᠬᠡᠨ ᠡᠷᠬᠦᠵᠦ ᠬᠠᠶᠢᠷᠴᠠᠭ ᠰᠢᠭ᠋ ᠵᠡᠷᠬᠡᠯᠡᠨ ᠣᠶᠠᠬᠤ ᠢᠳᠡᠷ ᠢ ᠬᠠᠷᠠᠭᠰᠠᠨ | ᠬᠢᠲᠠᠳᠡᠷᠡᠰ ᠬᠠᠪᠰᠣᠷᠤᠨ ᠬᠠᠮᠵᠢᠬᠤ ᠶᠢ ᠤᠮᠠᠷᠲᠠᠨ ᠨᠢᠳᠤ ᠪᠦᠯᠳᠡᠶᠢᠯᠬᠡᠵᠦ ᠴᠢᠬᠢ ᠲᠡᠯᠳᠡᠶᠢᠯᠭᠡᠨ ᠠᠮᠢᠰᠬᠤᠭᠠ | ᠲᠠᠷᠤᠨ ᠠᠵᠢᠭᠯᠠᠵᠠᠭᠠᠨᠠ ᠁ ᠢᠳᠡᠷ ᠤᠭᠤᠲᠠ ᠲᠠᠢ ᠪᠤᠳᠠᠭᠠ ᠶᠢ ᠬᠠᠭᠠᠰ ᠢ ᠨᠢ ᠰᠢᠬᠢᠷ ᠰᠢᠭ ᠲᠦᠷᠪᠡᠯᠵᠢᠯᠡᠨ | ᠤᠶᠠᠭᠰᠠᠨ ᠢᠶᠠᠨ ᠲᠠᠬᠢᠨ ᠨᠦᠬᠦᠭᠡ ᠬᠠᠭᠠᠰ ᠢ ᠨᠢ ᠮᠦᠨ ᠲᠡᠭ ᠲᠦᠷᠪᠡᠯᠵᠢᠯᠡᠨ ᠤᠶᠠᠵᠦ ᠬᠤᠶᠠᠷ ᠬᠡᠰᠡᠭ ᠢ ᠬᠤᠯᠪᠤᠨ | ᠡᠪ ᠲᠡᠮ ᠡᠷᠡ ᠬᠦᠴᠦ ᠪᠠᠨ ᠭᠠᠷᠭᠠᠨ ᠲᠡᠬᠡᠷᠡ ᠲᠡᠬᠡᠷᠡ ᠨᠢ ᠳᠠᠪᠬᠤᠷᠯᠠᠨ ᠲᠠᠯᠪᠢᠪᠠ᠃ ᠠᠶᠠᠨ ᠵᠢᠩ ᠳᠤ ᠶᠠᠪᠣᠵᠣ | ᠠᠴᠢᠶᠠ ᠬᠦᠰᠬᠡ ᠲᠠᠢ ᠨᠣᠣᠷᠯᠳᠣᠳᠠᠭ ᠢᠳᠡᠷ ᠲᠤ ᠡᠨᠡᠣᠬᠡᠨ ᠠᠵᠢᠯ ᠨᠢ ᠭᠠᠷ ᠤᠨ ᠠᠶᠠ ᠪᠠᠷ ᠪᠠᠶᠢᠯᠠ᠃ ᠲᠤᠭᠰᠢᠨ | ᠬᠠᠷᠠ ᠪᠤᠤᠷᠠ ᠨᠢ ᠮᠤᠭᠠᠢ ᠡᠷᠳᠡᠨᠢ ᠶᠢᠨ ᠨᠢᠳᠦ ᠪᠠᠷ ᠢᠶᠠᠨ ᠡᠷᠭᠢᠨ ᠲᠤᠭᠤᠷᠢᠨ ᠢᠶᠠᠨ ᠠᠭᠤᠷᠰᠠᠨ ᠬᠠᠷᠠᠵᠦ ᠪᠤᠰᠴᠤ | ᠴᠢᠳᠠᠯ ᠦᠭᠡᠢ ᠪᠤᠬᠢᠮᠳᠠᠭᠰᠠᠨ ᠳᠤ ᠪᠠᠨ ᠲᠤᠯᠤᠭᠠᠢ ᠰᠡᠭᠰᠦᠷᠦᠨ ᠰᠦᠷ ᠮᠠᠨᠳᠣᠭᠤᠯᠵᠦ ᠪᠠᠶᠢᠪᠠ᠃ | ᠢᠳᠡᠷ ᠲᠡᠮᠡᠭᠡᠨ ᠤ ᠪᠤᠷᠤᠭᠤ ᠲᠠᠯᠠ ᠳᠤ ᠭᠠᠷᠴᠤ ᠬᠤᠶᠠᠷ ᠪᠦᠬᠦ ᠶᠢᠨ ᠬᠤᠭᠤᠷᠣᠨᠳᠣᠭᠤᠷ ᠲᠠᠪᠠᠵᠦ ᠵᠦᠪ | ᠲᠠᠯᠠ ᠳᠤ ᠨᠢ ᠪᠠᠶᠢᠭᠠ ᠪᠠᠭᠴᠠᠯᠠᠵᠦ ᠤᠶᠠᠭᠰᠠᠨ ᠤᠭᠤᠲᠠ ᠲᠠᠢ ᠠᠮᠣ ᠶᠢᠨ ᠲᠠᠷᠤᠭᠤᠯᠭᠠ ᠠᠴᠠ ᠨᠢᠭᠡᠨᠲᠡ | ᠲᠣᠭᠳᠣᠷᠠᠨᠲ᠋ᠠᠳᠠᠭᠰᠠᠨ ᠳᠤ ᠲᠦᠷᠪᠡᠯᠵᠡᠯᠡᠨᠣᠶᠠᠭᠰᠠᠨ ᠣᠭᠤᠳᠠ ᠲᠠᠢ ᠠᠮᠣ ᠨᠢ ᠬᠤᠪᠬᠤ ᠡᠷᠭᠦᠭᠳᠡᠨ ᠬᠤᠶᠠᠷ ᠲᠠᠯᠠ | ᠪᠤᠭᠤᠳᠠᠯ ᠨᠢ ᠲᠡᠮᠡᠭᠡᠨ ᠳᠤ ᠴᠢᠪᠬᠢᠳᠡᠯᠡ ᠰᠠᠶᠢᠬᠠᠨ ᠠᠴᠢᠭᠳᠠᠪᠠ᠃ ᠬᠢᠲᠠᠳ ᠲᠠᠷᠢᠶᠠᠴᠢᠤᠨ ᠤᠨ ︽ᠠᠶᠠ᠂ ᠮᠠᠶᠠ︾ | ᠬᠡᠵᠦ ᠳᠠᠭᠤ ᠠᠯᠳᠠᠨ ᠠᠶᠤᠵᠦ ᠭᠠᠶᠢᠬᠠᠬᠠᠤ᠂ ᠬᠠᠷᠠᠮᠰᠠᠵᠣ ᠭᠠᠰᠢᠭᠤᠳᠠᠬᠤ ᠳᠠᠭᠤᠨ ᠠᠭᠤᠯᠠ ᠨᠣᠷᠠᠵᠣ ᠲᠠᠯᠠᠢ | ᠴᠠᠯᠬᠢᠯᠠᠬᠤ ᠮᠡᠳᠣ᠃ ᠬᠠᠷᠠ ᠪᠤᠤᠷᠠ ᠬᠢᠯᠢᠩᠯᠡᠨ ᠠᠭᠤᠷᠰᠠᠵᠦ ᠪᠡᠶᠡ ᠪᠠᠨ ᠰᠢᠯᠭᠡᠭᠡᠨ ᠲᠤᠯᠤᠭᠠᠢ ᠪᠠᠨ ᠲᠠᠮᠠᠷᠣᠳᠠᠬᠤ | ᠳᠤ ᠴᠠᠭᠠᠨ ᠬᠦᠭᠡᠰᠦ ᠬᠦᠪᠦᠩ ᠴᠠᠰᠤᠨ ᠮᠡᠲᠤ ᠪᠤᠲᠠᠷᠠᠵᠦ ᠪᠠᠶᠢᠪᠠ᠃ ᠡᠪᠦᠯ ᠤᠨ ᠬᠦᠢᠲᠡᠨ ᠠᠲᠠᠯᠠ ᠬᠦᠷᠠᠩ ᠴᠢᠷᠠᠢ | ᠳᠤ ᠨᠢ ᠬᠦᠯᠦᠰᠦ ᠲᠠᠭᠠᠪᠣᠷᠢᠯᠠᠵᠣ ᠡᠩᠭᠡᠷ ᠵᠠᠭᠠᠮᠠ ᠠᠴᠠ ᠨᠢ ᠠᠭᠤᠷ ᠪᠠᠭᠠᠬᠢᠬᠤ ᠬᠦᠳᠡᠷ ᠴᠢᠬᠢᠷᠠᠭ ᠢᠳᠡᠷ ᠡᠷᠡ ᠶᠢ | ᠬᠠᠷᠠᠭᠰᠠᠨ ᠬᠢᠲᠠᠳ ᠡᠮᠡᠰ ᠦᠬᠢᠳ ᠠᠶᠤᠨ ᠰᠦᠷᠳᠡᠵᠦ ᠪᠠᠭ᠋ᠠᠷᠬᠠᠨ ᠪᠢᠰᠢᠷᠡᠵᠦ ᠪᠠᠶᠢᠯᠠ᠃ ᠨᠢᠭᠡᠨᠲᠡ ᠮᠡᠯᠵᠢᠶᠡ | ᠠᠪᠲᠠᠵᠦ ᠠᠮᠤ ᠪᠤᠳᠠᠭᠠ ᠪᠠᠨ ᠠᠯᠳᠠᠬᠤ ᠪᠤᠯᠤᠭᠰᠠ ᠬᠢᠳᠠᠳ ᠡᠷᠡᠴᠤᠤᠯ ᠤᠨ ᠴᠢᠷᠠᠢ ᠰᠢᠷᠤᠢ ᠮᠡᠲᠦ ᠬᠤᠵᠢᠢᠵᠦ | ᠠᠶᠤᠵᠦ ᠬᠤᠷᠤᠰᠬᠤ ᠬᠤᠤᠰᠯᠠᠨ ᠱᠣᠣᠬᠢᠯᠳᠣᠨ ᠦᠢᠮᠡᠬᠦ ᠠᠴᠠ ᠴᠠᠭᠠᠰᠢ ᠦᠬᠡᠢ᠃ | ᠪᠡᠨᠡ ᠪᠡᠨᠠᠯᠳᠠᠭᠰᠠᠨ ᠬᠢᠳᠠᠳ ᠬᠦᠮᠦᠨ ᠬᠡᠢ ᠨᠢ ᠭᠠᠷᠣᠭᠰᠠᠨ ᠪᠦᠮᠪᠦᠭᠡ ᠰᠢᠭ ᠪᠣᠯᠳᠠᠭ ᠬᠡᠳᠡᠭ ᠨᠢ | ᠦᠨᠡᠨ ᠠᠵᠠᠢ᠃ ᠣᠷᠣᠭᠤ ᠴᠢᠷᠠᠶᠢᠯᠠᠵᠣ ᠣᠴᠠᠭᠠᠷᠯᠠᠵᠣ ᠪᠣᠬᠢᠮᠳᠣᠭᠰᠠᠨ ᠬᠢᠳᠡᠳ ᠢᠷᠬᠡᠨ ᠬᠤᠭᠤᠷᠣᠨᠳᠣ ᠪᠠᠨ | ᠬᠡᠷᠡᠬᠦᠯ ᠬᠡᠯᠡᠯᠴᠡᠬᠡᠨ ᠪᠣᠯᠵᠣ ᠡᠨᠡ ᠣᠴᠢᠷ ᠢ ᠡᠬᠦᠰᠬᠡᠭᠰᠡᠨ ᠨᠢᠬᠡ ᠳᠤ ᠪᠠᠨ ᠲᠡᠭᠷᠢ ᠪᠠᠭᠤᠵᠣ ᠦᠳᠦᠬᠡᠭᠰᠡᠨ ᠨᠢᠬᠡ | ᠪᠠᠨ ᠴᠢᠷᠦᠨ ᠭᠠᠷᠭᠠᠵᠣ ᠡᠷᠡ ᠡᠮᠡ ᠬᠠᠷᠢᠶᠠᠯᠳᠣᠨ ᠬᠠᠰᠬᠢᠷᠴᠦ ᠶᠢᠷᠲᠢᠨᠴᠤ ᠶᠢᠨ ᠪᠦᠬᠦ ᠱᠣᠣᠬᠢᠶᠠᠨ ᠠᠳᠡ | ᠬᠤᠷᠠᠭᠰᠠᠨ ᠮᠡᠲᠤ ᠪᠤᠯᠪᠠ᠃ ᠦᠢᠮᠡᠬᠡᠨ ᠱᠣᠣᠬᠢᠶᠠᠨ ᠲᠣᠮᠳᠠᠭᠤᠷ ᠨᠦᠬᠦᠬᠡᠬᠢ ᠬᠢᠳᠠᠳ ᠢᠷᠡᠵᠦ ᠢᠳᠡᠷ ᠲᠤ | ᠦᠬᠦᠯᠡᠷᠦᠨ᠄ ︽ᠮᠡᠯᠵᠢᠶᠡ ᠶᠣᠮ ᠴᠢᠨᠢ ᠦᠬᠡᠨ ᠳᠤ ᠪᠠᠨ ᠰᠠᠭᠤᠶᠠ᠂ ᠲᠦᠴᠢᠨ ᠳ᠋ᠸᠦ ᠠᠮᠣ ᠪᠠᠨ ᠦᠭᠬᠦᠶᠡ᠂ ᠲᠠ | ᠠᠳᠡ ᠬᠤᠨᠣᠴᠢᠬᠠ᠂ ᠪᠢᠳᠠ ᠠᠬᠠ ᠲᠡᠬᠦᠦ ᠪᠣᠯᠣᠶᠠ︾ ᠬᠡᠰᠡᠨ ᠳᠤ ᠢᠳᠡᠷ ᠨᠠᠷᠠ ᠣᠷᠣᠢ ᠪᠣᠯᠣᠭᠰᠠᠨ ᠪᠦᠬᠡᠳ ᠵᠠᠮ | ᠬᠤᠯᠠ ᠦᠯᠣᠰᠴᠦ ᠣᠮᠳᠠᠭᠠᠰᠬᠤ ᠪᠠᠰᠠᠴᠣ ᠬᠡᠴᠡᠬᠦᠦ ᠲᠣᠯᠠ ᠲᠠᠷᠣᠶᠢᠬᠠᠨ ᠵᠦᠪᠰᠢᠶᠠᠷᠠᠵᠣ ᠠᠴᠢᠶᠠ ᠪᠠᠨ ᠪᠠᠭᠤᠯᠭᠠᠪᠠ | ᠃ ᠲᠠᠷᠠ ᠬᠢᠳᠠᠳ ᠡᠷᠡ ᠶᠡᠬᠡᠳᠡ ᠰᠠᠶᠢᠮᠰᠣᠷᠠᠨ ᠠᠭᠠᠰᠢᠯᠠᠵᠣ ᠪᠠᠭᠤᠳᠠᠯ ᠤᠨ ᠭᠠᠵᠠᠷ ᠣᠯᠵᠣ ᠪᠣᠣᠷᠠ ᠳᠤ ᠨᠢ ᠰᠠᠶᠢᠨ | ᠣᠶᠠᠭᠠ ᠡᠷᠢᠵᠦ ᠦᠭᠪᠡ᠃ | ᠣᠷᠣᠢ ᠶᠢᠨ ᠬᠤᠭᠤᠯᠠᠨ ᠳᠤ ᠲᠣᠯᠣᠭᠠᠨ ᠬᠢᠳᠡᠳ ᠡᠷᠡ ᠢᠷᠡᠵᠦ ᠳ᠋ᠧᠹᠦ᠋᠂ ᠭᠠᠭ᠋ᠠᠢ ᠮᠢᠬᠠ᠂ ᠮᠠᠨᠵᠢᠨ | ᠯᠣᠣᠪᠠᠩ ᠮᠡᠳᠣ ᠶᠢᠨ ᠬᠢᠳᠠᠳ ᠨᠣᠭᠤᠭᠠ ᠣᠷᠣᠭᠤᠯᠵᠣ ᠲᠣᠭᠰᠢᠨ ᠬᠠᠷᠠ ᠭᠠᠷᠭᠠᠵᠣ ᠢᠳᠡᠷ ᠢ ᠵᠣᠴᠢᠯᠠᠪᠠ᠃ ᠢᠳᠡᠷ | ᠴᠣ᠋ ᠡᠷᠢᠶᠡᠯᠡᠵᠦ ᠨᠠᠷᠢᠯᠠᠯ ᠦᠬᠡᠢ ᠢᠳᠡᠵᠦ ᠣᠣᠭᠤᠨ ᠬᠢᠳᠠᠳ ᠬᠦᠮᠦᠨ ᠤ ᠣᠷᠠᠨ ᠰᠠᠶᠢᠬᠠᠨ ᠦᠬᠡᠨ ᠳᠤ ᠴᠢᠬᠢ | ᠪᠠᠶᠠᠰᠬᠠᠨ᠂ ᠲᠡᠮᠡᠭᠡ ᠪᠦᠬᠡ ᠶᠢᠨ ᠲᠣᠬᠠᠢ ᠦᠪᠡᠷ ᠤᠨ ᠮᠡᠳᠡᠳᠡᠭ ᠢᠶᠠᠨ ᠮᠠᠭᠤᠬᠠᠨ ᠬᠢᠳᠠᠳ ᠬᠡᠯᠡ ᠪᠠᠷ ᠶᠠᠷᠢᠵᠦ | ᠪᠠᠶᠢᠪᠠ᠃ ᠬᠢᠳᠠᠳ ᠡᠷᠡᠴᠣᠣᠯ ᠤᠨ ᠡᠷᠬᠦᠯ ᠮᠠᠭᠳᠠᠭᠠᠯ᠂ ᠬᠠᠭᠤᠷᠮᠠᠭᠴᠢ ᠢᠨᠢᠶᠡᠳᠣ ᠪᠡ ᠨᠢᠳᠣ ᠴᠢᠬᠢ ᠰᠡᠮ | ᠲᠣᠬᠢᠯᠴᠠᠨ ᠠᠭᠠᠰᠢᠯᠠᠬᠤ ᠶᠢ ᠠᠵᠢᠨ ᠰᠠᠭᠤᠭᠰᠠᠨ ᠢᠳᠡᠷ ᠲᠡᠳᠦᠶᠢᠯᠡ ᠰᠣᠭᠳᠣᠳᠠᠯᠠ ᠣᠣᠭᠤᠵᠣ ᠪᠣᠯᠬᠤ ᠦᠬᠡᠢ ᠶᠢ | ᠰᠡᠷᠡᠪᠡ᠃ ᠠᠷᠢᠬᠢᠨ ᠳᠤ ᠲᠠᠭᠠᠭᠠᠴᠠ ᠪᠠᠷ ᠠᠨᠠᠢ ᠬᠢᠳᠠᠳ ᠡᠷᠡᠰ ᠴᠣ᠋ ᠢᠳᠡᠷ ᠢ ᠣᠨᠠᠭᠠᠵᠣ ᠲᠡᠶᠢᠯᠦᠯ ᠦᠬᠡᠢ ᠪᠠᠨ | ᠮᠡᠳᠡᠵᠦ ᠨᠢᠬᠡ ᠬᠤᠶᠠᠷ ᠢᠶᠠᠷ ᠭᠤᠯᠭᠤᠨ ᠠᠷᠢᠯᠪᠠ᠃ ᠨᠡᠯᠢᠶᠡᠳ ᠬᠠᠯᠠᠰᠠᠭᠤ ᠪᠣᠯᠣᠭᠰᠠᠨ ᠢᠳᠡᠷ ᠮᠣᠷᠢ ᠬᠠᠷᠠᠵᠣ | ᠪᠣᠣᠷᠠᠨ ᠲᠡᠮᠡᠭᠡ ᠪᠠᠨ ᠦᠵᠡᠬᠡᠳ ᠪᠠᠭᠤᠳᠠᠯ ᠤᠨ ᠦᠷᠦᠬᠡ ᠳᠤ ᠪᠠᠨ ᠣᠷᠣᠬᠤ ᠳᠤ ᠬᠡᠷ ᠲᠤᠨᠢ ᠲᠣᠶᠠᠬᠠᠨ ᠨᠢᠷᠣᠭᠤ | ᠲᠠᠢ᠂ ᠠᠷᠢᠯᠭᠠᠭᠰᠠᠨ ᠰᠣᠩᠬᠢᠨᠠ ᠮᠡᠳᠣ ᠴᠡᠪᠡᠷᠬᠡᠨ ᠲᠦᠷᠦᠭᠰᠡᠨ ᠣᠷᠠᠨ ᠬᠦᠮᠦᠰᠬᠡ ᠲᠠᠢ ᠣᠶᠠᠬᠠᠨ ᠨᠢᠳᠦ ᠲᠠᠢ | ᠬᠡᠬᠡᠨᠴᠡᠷ ᠦᠬᠢᠨ ᠰᠠᠭᠤᠵᠣ ᠪᠠᠶᠢᠯᠠ᠃ ᠲᠡᠷᠡ ᠦᠬᠢᠨ ᠢᠳᠡᠷ ᠢ ᠦᠵᠡᠮᠡᠭᠴᠡ ᠣᠯᠠᠪᠣᠷ ᠴᠢᠷᠠᠢ ᠪᠠᠨ | ᠢᠰᠪᠡᠯᠵᠡᠬᠦᠯᠦᠨ ᠣᠳᠠᠪᠠᠯᠠ ᠶᠢᠨ ᠣᠷᠣᠭᠤᠯ ᠢᠶᠠᠨ ᠵᠢᠮᠡᠶᠢᠯᠬᠡᠵᠦ᠄ ︽ᠰᠠᠶᠢᠨ ᠦᠦ︖ ᠠᠬᠠ ᠡ︾ ᠬᠡᠮᠡᠨ | ᠨᠠᠭᠠᠯᠢᠩᠬᠠᠢ ᠵᠦᠬᠡᠯᠡᠨ ᠲᠣᠣᠭᠠᠷᠣᠯᠠ᠃ ᠢᠳᠡᠷ ᠶᠡᠬᠡᠯᠡ ᠭᠠᠶᠢᠬᠠᠵᠣ ︽ᠰᠠᠶᠢᠨ︾ ᠬᠡᠵᠦ ᠬᠠᠷᠢᠭᠤ ᠦᠴᠢᠨ | ᠲᠦᠳᠡᠬᠡᠯᠵᠡᠨ ᠵᠣᠭᠰᠣᠯᠠ᠃ ᠢᠳᠡᠷ ᠤᠨ ᠭᠠᠶᠢᠬᠠᠨ ᠬᠠᠷᠠᠬᠤ ᠳᠤ ᠢᠴᠢᠨ ᠰᠢᠷᠪᠡᠳᠦᠭᠰᠡᠨ ᠦᠬᠢᠨ ᠲᠡᠪᠢᠨ ᠲᠡᠪᠢᠬᠦ | ᠣᠷᠳᠣ ᠬᠠᠷᠠ ᠰᠣᠷᠮᠣᠣᠰᠣ ᠪᠠᠨ ᠲᠣᠷᠣᠭᠰᠢ ᠪᠠᠭᠤᠯᠭᠠᠵᠣ ᠦᠯᠮᠡᠢ ᠪᠠᠨ ᠰᠢᠷᠳᠡᠨ ᠠᠪᠠᠢ᠃ ︽ᠡᠶᠢᠮᠦ ᠰᠠᠶᠢᠬᠠᠨ | ᠬᠢᠳᠠᠳ ᠦᠬᠢᠨ ᠢ ᠣᠷᠢᠳᠣ ᠨᠢ ᠯᠠᠪ ᠦᠵᠡᠭᠰᠡᠨ ᠦᠬᠡᠢ ᠳ᠋ᠡ︾ ᠬᠡᠵᠦ ᠰᠡᠳᠬᠢᠯ ᠳᠤ ᠪᠠᠨ ᠰᠢᠪᠡᠨᠡᠭᠰᠡᠨ ᠢᠳᠡᠷ | ᠭᠤᠸᠠᠢ ᠠᠷᠢᠬᠢᠨ ᠤ ᠬᠦᠴᠦᠨ ᠳᠤ ᠰᠡᠳᠬᠢᠯ ᠬᠦᠪᠰᠡᠬᠦ ᠮᠡᠳᠣ ᠲᠣᠭᠳᠣᠯᠵᠦ ᠭᠠᠷᠪᠠ᠃ ᠬᠠᠩᠬᠠᠭᠠᠷ ᠴᠡᠬᠡᠵᠢ ᠲᠠᠢ᠂ | ᠬᠠᠳᠠᠭᠤ ᠰᠢᠷᠪᠦᠰᠦ ᠲᠠᠢ ᠮᠣᠩᠭᠤᠯ ᠡᠷᠡ ᠶᠢᠨ ᠢᠳᠡ ᠴᠢᠳᠠᠯ ᠣᠮᠤᠭ ᠰᠦᠷ ᠢ ᠡᠳᠦᠷ ᠬᠠᠷᠠᠭᠰᠠᠨ ᠡᠨᠡ ᠦᠬᠢᠨ | ᠠᠭᠤᠯᠵᠠᠨ ᠣᠴᠠᠷᠠᠬᠤ ᠶᠢᠨ ᠬᠦᠰᠡᠯ ᠮᠦᠷᠦᠬᠡᠳᠦᠯ ᠪᠣᠯᠵᠣ ᠪᠠᠶᠢᠬᠤ ᠳᠤ ᠲᠣᠮᠣᠴᠣᠣᠯ ᠨᠢ ᠦᠬᠢᠨ ᠤ ᠰᠠᠨᠠᠭᠠ ᠶᠢ | ᠮᠡᠳᠡᠭᠰᠡᠨ ᠶᠣᠮ ᠰᠢᠭ ᠲᠣᠰᠬᠠᠶᠢᠯᠠᠨᠠᠳᠡ ᠢᠷᠡᠬᠦᠯᠦᠭᠰᠡᠨ ᠪᠦᠯᠦᠬᠡ᠃ ︽ᠠᠬᠠ ᠡ᠂ ᠬᠠᠮᠵᠢᠭᠤᠯᠬᠤ ᠣᠴᠢᠷ ᠪᠣᠢ | ᠦᠦ︖︾ ᠬᠡᠮᠡᠬᠦ ᠣᠶᠠᠬᠠᠨ ᠵᠦᠬᠡᠯᠡᠨ ᠦᠬᠡ᠂ ᠣᠷᠠᠨ ᠨᠠᠭᠠᠯᠢᠩᠬᠠᠢ ᠠᠭᠠᠰᠢ ᠨᠢ ᠡᠷᠡ ᠬᠦᠮᠦᠨ ᠤ ᠰᠦᠨᠡᠰᠦ ᠶᠢ | ᠲᠠᠯᠠᠯᠦᠨ ᠲᠠᠭᠤᠳᠠᠬᠤ ᠠᠵᠣᠭᠤ᠃ ᠢᠳᠡᠷ ᠵᠡᠬᠦᠳᠣ ᠵᠡᠷᠬᠡᠯᠬᠡᠨ ᠳᠤ ᠪᠠᠨ ᠪᠠᠶᠢᠬᠤ ᠮᠡᠳᠣ ᠮᠡᠯᠡᠷᠡᠵᠦ ᠦᠬᠢᠨ ᠢ ᠯᠠᠪᠯᠠᠨ | ᠰᠢᠷᠳᠡᠳᠡᠯᠡ ᠰᠡᠳᠬᠢᠯ ᠳᠤ ᠨᠢ ᠲᠦᠷᠯᠡᠬᠡᠷ ᠬᠠᠷᠠ ᠨᠢᠳᠣ ᠪᠠᠷ ᠢᠶᠠᠨ ᠲᠣᠭᠤᠬᠢ ᠲᠠᠢ ᠢᠨᠢᠶᠡᠬᠦ ᠣᠶᠣᠨᠠ ᠶᠢᠨ | ᠦᠵᠡᠰᠬᠦᠯᠡᠩᠳᠣ ᠲᠦᠷᠢ ᠴᠢᠬᠢᠷᠠᠭ ᠮᠠᠬᠠᠪᠣᠳ ᠣᠷᠭᠤᠨ ᠢᠷᠡᠬᠦ ᠳᠤ ᠢᠳᠡᠷ ᠪᠣᠳᠣᠯ ᠠᠴᠠ ᠪᠠᠨ ᠰᠣᠴᠢᠨ ᠬᠠᠴᠠᠷ | ᠭᠤᠸᠠ ᠦᠬᠢᠨ ᠠᠴᠠ ᠵᠠᠶᠢᠯᠠᠰᠬᠢᠨ ᠵᠣᠭᠰᠣᠵᠣ ︽ᠣᠴᠢᠷ ᠦᠬᠡᠢ ᠡ᠂ ᠲᠠ ᠶᠠᠪᠣᠴᠢᠬᠠ︾ ᠬᠡᠵᠦ ᠡᠷᠡᠰ ᠬᠡᠯᠡᠯᠡ᠃ | ᠬᠢᠳᠠᠳ ᠦᠬᠢᠨ ᠤ ᠴᠢᠷᠠᠢ ᠣᠯᠠᠰᠬᠢᠨ ᠮᠢᠰᠢᠶᠡᠵᠦ᠂ ᠨᠢᠳᠣᠨ ᠳᠤ ᠨᠢ ᠭᠤᠮᠣᠳᠠᠯ ᠤᠨ ᠬᠡᠬᠡ᠂ ᠭᠤᠷᠢ ᠲᠠᠰᠣᠷᠠᠯ ᠤᠨ | ᠮᠠᠨᠠᠨ ᠪᠦᠷᠳᠦᠯᠵᠡᠭᠰᠡᠨ ᠢᠶᠠᠨ ︽ᠡᠩ︾ ᠬᠡᠵᠦ ᠰᠣᠯᠠᠬᠠᠨ ᠲᠣᠣᠭᠠᠷᠴᠣ ᠨᠠᠬᠢᠯᠣᠨ ᠨᠣᠬᠤᠯᠣᠨ ᠠᠯᠬᠤᠨᠭᠠᠷᠬᠤ ᠳᠤ | ᠪᠠᠨ ᠮᠡᠯᠡᠰᠬᠢᠳᠡᠯᠡ ᠬᠠᠷᠠᠵᠣ ᠵᠣᠮᠠᠰᠬᠢᠳᠠᠯᠠ ᠢᠨᠢᠶᠡᠬᠦ ᠨᠢ ᠦᠨᠡᠬᠡᠷ ᠲᠣᠷᠠ ᠶᠢ ᠪᠣᠯᠢᠶᠠᠨᠠᠮ᠃ ᠣᠯᠠᠨ ᠣᠯᠠᠨ | ᠪᠦᠬᠡᠴᠦᠦᠯ ᠲᠠᠢ ᠪᠠᠷᠢᠴᠠ ᠠᠯᠳᠠᠯ ᠦᠬᠡᠢ ᠪᠣᠰᠤᠭᠠ ᠵᠣᠭᠰᠤᠭᠠ ᠶᠠᠪᠣᠭᠰᠠᠨ ᠰᠠᠶᠢᠨ ᠪᠦᠬᠡ ᠢᠳᠡᠷ ᠣᠷᠠᠨ ᠭᠤᠪᠠᠢ | ᠬᠢᠳᠠᠳ ᠦᠬᠢᠨ ᠤ ᠲᠡᠷᠬᠡᠳᠡ ᠠᠷᠠᠢ ᠯᠡ ᠬᠦᠯ ᠠᠯᠳᠠᠵᠣ ᠪᠠᠷᠢᠴᠠ ᠲᠠᠯᠪᠢᠭᠰᠠᠨ ᠦᠬᠡᠢ ᠳᠤ ᠪᠠᠨ ᠪᠠᠶᠠᠰᠣᠨ ᠡᠨᠡ | ᠪᠦᠬᠦᠨ ᠢ ᠣᠶᠣᠨᠠ ᠳᠤ ᠪᠠᠨ ᠬᠡᠯᠡᠬᠦ ᠰᠣᠨᠢᠨ ᠲᠠᠢ ᠪᠣᠯᠪᠠ ᠬᠡᠵᠦ ᠣᠯᠵᠠᠭᠤᠷᠬᠠᠨ ᠪᠣᠳᠣᠵᠣ ᠡᠬᠦᠳᠡ ᠪᠠᠨ ᠴᠦᠯᠡᠵᠦ | ︽ᠶᠠᠭᠤ ᠴᠣ᠋ ᠪᠣᠯᠵᠣ ᠮᠠᠭᠠᠳ︾ ᠬᠡᠮᠡᠨ ᠬᠤᠪᠴᠠᠰᠣ ᠪᠠᠨ ᠲᠠᠶᠢᠯᠦᠯ ᠦᠬᠡᠢ ᠪᠦᠬᠦᠯᠡᠢ ᠪᠠᠷ ᠣᠨᠳᠠᠬᠤ ᠬᠡᠮᠡᠨ | ᠬᠠᠵᠠᠭᠤᠯᠪᠠ᠃ ᠭᠠᠳᠠᠨᠠ ᠶᠢᠰᠦ ᠶᠢᠨ ᠭᠤᠣᠯ ᠤᠨ ᠬᠦᠢᠳᠡᠨ ᠵᠢᠪᠡᠷ ᠬᠠᠣᠬᠢᠵᠦ᠂ ᠬᠤᠷᠢᠳ ᠤᠨ ᠰᠠᠷᠠ ᠮᠡᠯᠳᠡᠶᠢᠨ᠂ | ᠭᠠᠭᠴᠠ ᠬᠦ ᠬᠠᠷᠠ ᠪᠣᠣᠷᠠ ᠶᠢᠨ ᠬᠢᠨᠢ ᠬᠢᠬᠤᠨᠠᠨ ᠬᠦᠷᠬᠢᠷᠡᠬᠦ ᠴᠢᠮᠡᠭᠡ ᠨᠠᠮ ᠵᠢᠮ ᠢ ᠡᠪᠳᠡᠵᠦ ᠪᠠᠶᠢᠪᠠ᠃ | ᠰᠦᠨᠢ ᠲᠣᠮᠳᠠ ᠶᠢᠨ ᠦᠶᠡ ᠪᠠᠷ ᠬᠡᠨᠡᠳᠳᠡ ᠡᠬᠦᠳᠡ ᠲᠣᠭᠰᠢᠬᠤ ᠪᠠᠴᠢᠮ ᠴᠢᠮᠡᠭᠡ ᠪᠠᠷ ᠢᠳᠡᠷ ᠰᠡᠷᠢᠪᠡ᠃ | ᠡᠬᠦᠳᠡ ᠪᠠᠨ ᠠᠶᠠᠷᠬᠠᠨ ᠨᠡᠬᠡᠬᠡᠬᠦ ᠳᠤ ᠦᠨᠦᠬᠢ ᠦᠬᠢᠨ ᠴᠡᠴᠡᠷᠡᠩᠬᠡᠨ ᠵᠣᠭᠰᠣᠵᠣ᠄ ︽ᠠᠬᠠ ᠡ᠂ ᠪᠢ ᠲᠠᠨ ᠳᠤ | ᠴᠢᠮᠡᠭᠡ ᠦᠭᠬᠦ ᠪᠠᠷ ᠢᠷᠡᠭᠰᠡᠨ᠂ ᠣᠯᠠᠨ ᠬᠦᠮᠦᠨ ᠪᠣᠴᠠᠬᠤ ᠵᠠᠮ ᠢ ᠴᠢᠨᠢ ᠲᠣᠰᠬᠤ ᠬᠡᠵᠦ ᠪᠣᠢ᠂ ᠬᠡᠴᠢᠶᠡᠭᠳᠣᠨ᠃ | ᠨᠠᠮᠠ ᠶᠢ ᠢᠳᠡᠬᠡᠷᠡᠢ︾ ᠬᠡᠵᠦ ᠰᠡᠮᠬᠡᠨ ᠬᠡᠯᠡᠬᠡᠳ ᠢᠳᠡᠷ ᠤᠨ ᠬᠠᠷᠢᠭᠤ ᠶᠢ ᠬᠦᠯᠢᠶᠡᠯ ᠦᠬᠡᠢ ᠶᠠᠭᠠᠷᠠᠯᠳᠠᠢ ᠶᠠᠪᠣᠵᠣ | ᠣᠳᠣᠯᠠ᠃ ᠬᠢᠳᠡᠳ ᠤᠨ ᠰᠠᠶᠢᠬᠠᠨ ᠦᠬᠢᠨ ᠤ ᠣ ᠡᠩᠰᠡᠭᠡ᠂ ᠡᠮᠡᠭᠳᠡᠢ ᠬᠦᠮᠦᠨ ᠤ ᠰᠣᠳᠣᠨ ᠬᠤᠷᠴᠠ ᠦᠨᠦᠷ | ᠬᠠᠮᠠᠷ ᠢ ᠨᠢ ᠴᠣᠷᠬᠢᠭᠰᠠᠨ ᠢᠶᠠᠨ ᠵᠠᠮᠬᠠᠷᠠᠨ ᠬᠤᠯᠠᠳᠠᠬᠤ ᠳᠤ ᠰᠠᠶ᠋ᠢ ᠶᠠᠭᠤ ᠪᠣᠯᠬᠤ ᠬᠡᠵᠦ ᠪᠠᠶᠢᠭᠠ ᠶᠢ ᠣᠬᠠᠭᠰᠠᠨ | ᠢᠳᠡᠷ ᠠᠶᠣᠨ ᠴᠣᠴᠢᠷᠳᠠᠪᠠ᠃ ᠬᠢᠳᠠᠳ ᠬᠦᠮᠦᠨ ᠣᠯᠠᠨ᠂ ᠪᠢ ᠭᠠᠭᠴᠠ᠃ ᠠᠮᠣ ᠪᠣᠳᠠᠭᠠ ᠪᠠᠨ ᠠᠯᠳᠠᠬᠤ | ᠪᠣᠯᠣᠭᠰᠠᠨ ᠬᠢᠳᠠᠳ ᠲᠠᠷᠢᠶᠠᠴᠢᠨ ᠠᠮᠢ ᠲᠡᠮᠡᠴᠡᠨ ᠦᠵᠡᠯᠴᠡᠬᠦ ᠨᠢ ᠯᠠᠪᠳᠠᠢ᠃ ᠲᠡᠳᠡᠨ ᠤ ᠬᠠᠭᠤᠷᠮᠠᠭ ᠢᠨᠢᠶᠡᠳᠣ | ᠬᠤᠷᠣᠰᠣᠯᠳᠣ ᠬᠠᠷᠠᠴᠠ ᠨᠢ ᠡᠷᠳᠡ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠯᠡ ᠳ᠋ᠡ᠃ ᠢᠳᠡᠷ ᠣᠨᠳᠠᠵᠣ ᠣᠷᠣᠬᠤ ᠪᠠᠨ ᠪᠣᠯᠢᠵᠣ | ᠬᠤᠪᠴᠠᠰᠣ ᠪᠠᠨ ᠲᠡᠭᠰᠢᠯᠡᠨ ᠭᠠᠳᠠᠨᠠ ᠭᠠᠷᠪᠠ᠃ ᠬᠢᠳᠠᠳ ᠠᠶᠢᠯ ᠤᠨ ᠬᠢᠨ ᠲᠤᠭ ᠨᠣᠶᠢᠷ ᠲᠤ ᠠᠪᠳᠠᠵᠣ᠂ ᠬᠠᠷᠠ | ᠪᠣᠣᠷᠠ ᠶᠢᠨ ᠬᠦᠷᠴᠢᠬᠢᠨᠡᠬᠦ ᠴᠢᠮᠡᠭᠡ ᠪᠠᠷ ᠨᠣᠬᠠᠳ ᠪᠣᠷᠠᠯᠠᠯᠳᠣᠨ ᠪᠠᠶᠢᠪᠠ᠃ ᠰᠠᠯᠬᠢ ᠨᠠᠮ ᠪᠣᠯᠵᠣ ᠰᠠᠷᠠᠨ ᠤ ᠬᠡᠬᠡ | ᠰᠦ ᠠᠰᠬᠠᠭᠰᠠᠨ ᠮᠳᠣ ᠣᠷᠴᠢᠨ ᠲᠣᠭᠤᠷᠢᠨ ᠢ ᠴᠠᠶᠢᠷᠠᠭᠤᠯᠣᠨᠠ᠃ ︽ᠲᠣᠳᠠᠭᠠᠵᠣ ᠶᠠᠪᠣᠪᠠᠯ ᠨᠡᠷᠡ ᠪᠠᠨ | ᠬᠤᠭᠤᠯᠣᠨᠠ᠂ ᠲᠣᠰᠴᠦ ᠪᠠᠶᠢᠯᠳᠣᠪᠠᠯ ᠶᠠᠰᠣ ᠪᠠᠨ ᠬᠤᠭᠤᠯᠣᠨᠠ᠂ ᠶᠠᠭᠠᠬᠢᠯᠳᠠᠢ ᠪᠢᠯᠡ︖︾ ᠬᠡᠵᠦ ᠪᠦᠬᠡᠴᠢᠨ | ᠢᠳᠡᠷ ᠠᠷᠭᠠ ᠮᠣᠬᠤᠷᠳᠠᠨ ᠡᠷᠬᠢᠴᠡᠵᠦ ᠶᠠᠪᠣᠳᠠᠯᠠ ᠬᠢᠳᠠᠳ ᠠᠶᠢᠯ ᠤᠨ ᠬᠠᠰᠢᠶᠠᠨ ᠤ ᠭᠠᠳᠠᠨᠠ ᠲᠣᠮᠣ ᠲᠡᠬᠡᠷᠡᠮᠡ | ᠬᠠᠷᠠᠭᠳᠠᠯᠠ᠃ ᠢᠳᠡᠷ ᠤᠨ ᠣᠢ ᠣᠬᠠᠭᠠᠨ ᠳᠤ ᠨᠢᠬᠡᠨ ᠪᠣᠳᠣᠯ ᠬᠢᠯᠠᠰᠬᠢᠨ ᠪᠠᠭᠤᠵᠣ ︽ᠣᠣᠬᠠᠢ᠂ ᠲᠡᠬᠡᠷᠡᠮᠡ ᠶᠢᠨ | ᠪᠣᠯᠣ ᠶᠢ ᠨᠢ ᠣᠨᠠᠭᠠᠵᠣ ᠣᠷᠬᠢᠶᠠ᠂ ᠲᠡᠬᠡᠪᠡᠯ ᠨᠢᠬᠡ ᠠᠷᠭᠠ ᠭᠠᠷᠬᠤ ᠪᠣᠢ︾ ᠬᠡᠵᠦ ᠠᠮᠠᠨ ᠳᠤ ᠪᠠᠨ ᠦᠬᠦᠯᠡᠵᠦ | ᠰᠢᠭᠤᠳ ᠲᠡᠬᠡᠷᠡᠮᠡ ᠶᠢᠨ ᠲᠡᠷᠬᠡᠳᠡ ᠬᠦᠷᠴᠦ ᠲᠡᠬᠡᠷᠡᠮᠡ ᠶᠢᠨ ᠪᠣᠯᠣ ᠶᠢ ᠠᠷᠠᠯ ᠠᠴᠠ ᠨᠢ ᠰᠠᠯᠭᠠᠵᠣ ᠲᠣᠮᠣ ᠪᠣᠯᠣ ᠶᠢ | ︽ᠲᠦᠰ︾ ᠬᠢᠳᠡᠯᠡ ᠲᠦᠯᠬᠢᠨ ᠣᠨᠠᠭᠠᠪᠠ᠃ ᠲᠡᠬᠡᠬᠡᠳ ᠰᠡᠮᠬᠡᠨ ᠢᠨᠢᠶᠡᠭᠰᠡᠬᠡᠷ ᠪᠠᠭᠤᠳᠠᠯ ᠳᠤ ᠪᠠᠨ ᠣᠷᠣᠵᠣ ᠨᠠᠮ | ᠣᠨᠳᠠᠵᠣ ᠪᠢᠯᠡ᠃ | ᠭᠤᠷᠪᠠᠨ ᠨᠣᠬᠠᠢ ᠭᠤᠳᠣᠶᠢᠵᠣ ᠲᠠᠬᠢᠶᠠ ᠲᠣᠣᠭᠠᠷᠬᠤ ᠦᠶᠡ ᠪᠠᠷ ᠬᠢᠳᠠᠳ ᠠᠶᠢᠯ ᠳᠤ ᠦᠢᠮᠡᠬᠡᠨ ᠲᠡᠭᠳᠡᠪᠡ᠃ | ᠦᠷᠯᠦᠬᠡ ᠪᠦᠷᠢ ᠦᠷᠢᠰᠦᠯᠳᠣᠨ ᠪᠣᠰᠴᠦ ᠪᠣᠳᠠᠭᠠ ᠴᠠᠶᠢᠯᠭᠠᠵᠣ ᠲᠣᠭᠤᠭᠠ ᠬᠦᠳᠡᠯᠬᠡᠳᠡᠭ ᠬᠢᠳᠠᠳ ᠡᠮᠡᠰ ᠡᠨᠡ | ᠠᠶᠢᠯ ᠤᠨ ᠭᠠᠭᠴᠠ ᠲᠡᠬᠡᠷᠡᠮᠡ ᠳᠤ ᠰᠢᠪᠠᠭᠠᠷᠠᠯᠳᠣᠨ ᠪᠦᠳᠡᠳᠡᠭ ᠠᠪᠠᠢ᠃ ᠡᠨᠡ ᠦᠷᠯᠦᠬᠡ ᠭᠠᠢ ᠪᠣᠯᠵᠣ ᠲᠡᠬᠡᠷᠡᠮᠡ | ᠶᠢᠨ ᠪᠣᠯᠣ ᠭᠠᠵᠠᠷ ᠣᠨᠠᠭᠰᠠᠨ ᠶᠡᠭᠡ ᠬᠡᠷᠡᠭ ᠭᠠᠷᠣᠭᠰᠠᠨ ᠳᠤ ᠬᠢᠳᠠᠳ ᠡᠮᠡᠰ ᠬᠤᠭᠤᠯᠠᠢ ᠰᠢᠬᠠᠨ ᠣᠷᠢᠯᠠᠯᠳᠣᠵᠣ | ᠦᠢᠮᠡᠨ ᠱᠣᠣᠬᠢᠯᠳᠣᠨ ᠡᠬᠦᠰᠬᠡᠪᠡ᠃ ᠡᠨᠡ ᠴᠢᠮᠡᠭᠡ ᠠᠶᠢᠯ ᠠᠴᠠ ᠠᠶᠢᠯ ᠲᠠᠮᠵᠢᠨ ᠣᠯᠠᠨ ᠡᠬᠡᠨᠡᠷ ᠬᠡᠣᠬᠡᠳ | ᠴᠣᠭᠯᠠᠷᠠᠨ ᠡᠳᠣᠷ ᠤᠨ ᠦᠢᠮᠡᠬᠡᠨ ᠠᠴᠠ ᠲᠣᠣᠷᠠ ᠦᠬᠡᠢ ᠪᠣᠯᠪᠠ᠃ ᠬᠦᠮᠦᠨ ᠣᠯᠠᠨ ᠴᠣ᠋ ᠲᠦᠩᠬᠡᠯᠴᠡᠭ ᠪᠦᠳᠦᠬᠦᠨ | ᠪᠣᠯᠣ ᠶᠢ ᠠᠪᠴᠦ ᠲᠠᠯᠪᠢᠬᠤ ᠠᠷᠭᠠ ᠣᠬᠠᠭᠠᠨ ᠬᠦᠴᠦ ᠴᠢᠳᠠᠯ ᠪᠠᠶᠢᠭᠰᠠᠨ ᠦᠬᠡᠢ᠃ ᠠᠳᠡ ᠲᠡᠨᠳᠡ ᠠᠴᠠ ᠬᠡᠳᠣᠨ | ᠡᠷᠡ ᠢᠷᠡᠭᠰᠡᠨ ᠴᠣ᠋ ᠪᠠᠷᠢᠳᠠᠯ ᠦᠬᠡᠢ ᠪᠣᠯᠣ ᠴᠢᠯᠠᠭᠤ ᠶᠢ ᠡᠷᠬᠦᠵᠦ ᠲᠠᠮᠨᠠᠬᠤ ᠣᠬᠠᠭᠠᠨ ᠲᠠᠩᠴᠣ ᠣᠯᠳᠠᠭᠰᠠᠨ ᠦᠬᠡᠢ | ᠃ ᠲᠡᠬᠡᠷᠡᠮᠡ ᠵᠠᠰᠠᠨ ᠪᠣᠳᠠᠭᠠ ᠴᠠᠶᠢᠯᠭᠠᠬᠤ ᠳᠤ ᠡᠳᠦᠷ ᠪᠣᠯᠬᠤ ᠶᠢ ᠬᠦᠯᠢᠶᠡᠬᠦ ᠴᠢᠬᠤᠯᠠ ᠲᠠᠢ ᠪᠣᠯᠣᠯᠠ ᠬᠡᠰᠡᠨ ᠢ | ᠮᠡᠳᠡᠭᠰᠡᠨ ᠡᠬᠡᠨᠡᠷ ᠬᠡᠣᠬᠡᠳ ᠦᠷᠯᠦᠬᠡ ᠬᠤᠭᠤᠯᠠ ᠦᠬᠡᠢ ᠬᠤᠭᠤᠰᠣᠨ ᠰᠠᠭᠤᠬᠤ ᠶᠢ ᠰᠠᠨᠠᠵᠣ ᠨᠡᠩᠳᠡ ᠣᠷᠢᠯᠠᠯᠳᠣᠨ | ᠦᠢᠮᠡᠪᠡ᠃ ᠡᠨᠡ ᠦᠶᠡ ᠳᠤ ᠬᠡᠮ ᠢᠶᠠᠨ ᠬᠢᠭᠰᠡᠨ ᠪᠦᠬᠡᠴᠢᠨ ᠢᠳᠡᠷ ᠦᠢᠮᠡᠬᠡᠨ ᠤ ᠲᠣᠮᠳᠠ ᠠᠯᠭᠤᠷ ᠢᠷᠡᠵᠦ | ᠬᠢᠳᠠᠳ ᠡᠷᠡᠰ ᠢ ᠲᠦᠯᠬᠢᠨ ᠵᠠᠶᠢᠯᠠᠭᠤᠯᠵᠣ᠂ ᠲᠡᠬᠡᠷᠡᠮᠡ ᠶᠢᠨ ᠪᠣᠯᠣ ᠶᠢ ᠣᠷᠳᠣ ᠬᠤᠶᠠᠷ ᠭᠠᠷ ᠢᠶᠠᠷ | ᠯᠠᠪᠳᠠᠭᠤᠬᠠᠨᠲ᠋ᠠᠪᠡᠷᠢᠨ ᠠᠪᠴᠣ ︽ᠬᠡᠩ︾ ᠬᠡᠵᠦ ᠢᠳᠡᠯᠡᠮᠡᠭᠴᠡ ᠭᠠᠵᠠᠷ ᠠᠴᠠ ᠰᠠᠯᠭᠠᠨ ᠡᠪᠦᠳᠦᠭ ᠲᠡᠬᠡᠷᠡ ᠪᠠᠨ | ᠲᠣᠯᠭᠠᠭᠤᠷᠢᠯᠠᠨ ᠲᠡᠬᠡᠷᠡᠮᠡ ᠶᠢᠨ ᠨᠢᠭᠤᠷ ᠲᠤ ︽ᠰᠢᠷ︾ ᠬᠢᠳᠡᠯᠡ ᠲᠠᠯᠪᠢᠪᠠ᠃ ︽ᠠᠶᠠ᠂ ᠮᠠᠶᠠ︾ ᠬᠡᠵᠦ ᠬᠢᠳᠠᠳ | ᠡᠷᠡ ᠡᠮᠡ ᠦᠬᠡᠢ ᠭᠠᠶᠢᠬᠠᠨ ᠬᠠᠰᠬᠢᠷᠣᠯᠳᠣᠬᠤ ᠨᠢ ᠡᠷᠳᠡ ᠶᠢᠨ ᠴᠣᠣᠷᠢ ᠪᠣᠯᠵᠣ ᠠᠯᠣᠰ ᠲᠤ ᠲᠠᠮᠵᠢᠭᠳᠠᠨᠠ᠃ | ᠢᠳᠡᠷ ᠶᠠᠭᠤ ᠴᠣ᠋ ᠪᠣᠯᠤᠭᠠ ᠦᠬᠡᠢ ᠶᠣᠮ ᠰᠢᠭ ᠬᠡᠩᠬᠦᠯᠵᠡᠨ ᠠᠯᠬᠤᠯᠠᠰᠠᠭᠠᠷ ᠶᠠᠪᠣᠵᠣ ᠣᠳᠬᠤ ᠳᠤ ᠬᠢᠳᠠᠳ ᠡᠮᠡᠰ | ᠠᠮᠠ ᠠᠮᠠᠨ ᠳᠤ ᠪᠠᠨ ︽ᠬᠡᠴᠡᠬᠦᠦ ᠬᠡᠴᠡᠬᠦᠦ︾ ᠬᠡᠮᠡᠯᠴᠡᠨ ᠪᠣᠳᠠᠭᠠ ᠴᠠᠶᠢᠯᠭᠠᠬᠤ ᠪᠣᠯᠣᠭᠰᠠᠨ ᠳᠤ ᠪᠠᠨ ᠪᠠᠶᠠᠷᠳᠠᠢ ᠨᠢ | ᠠᠷᠭᠠ ᠦᠬᠡᠢ ᠱᠣᠣᠬᠢᠯᠳᠣᠨᠠ᠃ ᠲᠡᠮᠡᠬᠡᠨ ᠠᠴᠢᠶᠠ ᠶᠢ ᠭᠠᠭᠴᠠᠭᠠᠷ ᠠᠴᠢᠵᠣ ᠲᠡᠬᠡᠷᠡᠮᠡ ᠶᠢᠨ ᠪᠣᠯᠣ ᠶᠢ ᠨᠢᠬᠡᠯᠡ | ᠡᠷᠬᠦᠭᠰᠡᠨ ᠪᠦᠬᠡᠴᠢᠨ ᠡᠷᠡ ᠶᠢᠨ ᠪᠢᠷᠠ ᠴᠢᠳᠠᠯ ᠬᠢᠵᠠᠭᠠᠯᠠᠰᠢ ᠦᠬᠡᠢ ᠶᠢ ᠮᠡᠳᠡᠭᠰᠡᠨ ᠬᠢᠳᠠᠳ ᠡᠷᠡᠰ ᠪᠠᠭᠠᠰᠣ | ᠠᠯᠳᠠᠳᠠᠯᠠ ᠠᠶᠣᠵᠣ ᠡᠷᠡᠦ ᠠᠮᠠ ᠪᠠᠨ ᠲᠣᠬᠢᠯᠴᠠᠨ ᠨᠢᠳᠣ ᠴᠢᠬᠢ ᠪᠠᠨ ᠣᠶᠢᠷᠠᠳᠣᠭᠤᠯᠣᠨ ︽ᠬᠤᠷᠳᠣᠨ ᠪᠣᠴᠠᠭᠠ᠂ | ᠬᠤᠷᠳᠣᠨ ᠪᠣᠴᠠᠭᠠ︾ ᠬᠡᠮᠡᠨ ᠶᠠᠭᠠᠷᠠᠯᠳᠣᠨ ᠬᠦᠶᠦᠯᠳᠦᠪᠡ᠃ ᠣᠣᠯ ᠨᠢ ᠮᠡᠯᠵᠢᠶᠡ ᠠᠯᠳᠠᠭᠰᠠᠨ ᠳᠤ ᠪᠠᠨ | ᠬᠠᠷᠠᠰᠠᠭᠰᠠᠨ ᠬᠢᠳᠠᠳ ᠲᠠᠷᠢᠶᠠᠴᠢᠳ ᠢᠳᠡᠷ ᠤᠨ ᠵᠠᠮ ᠢ ᠲᠣᠰᠣᠨ ᠵᠣᠳᠣᠨ ᠰᠢᠷᠬᠠᠳᠣᠭᠤᠯᠵᠣ ᠪᠣᠯᠢᠶᠠᠨ ᠲᠡᠬᠡᠷᠡᠮᠳᠡᠬᠦ | ᠪᠠᠷ ᠠᠷᠪᠠᠭᠠᠳ ᠡᠷᠡ ᠶᠢ ᠪᠦᠭᠬᠦᠨ ᠬᠦᠯᠢᠶᠡᠯᠬᠡᠭᠰᠡᠨ ᠢᠶᠠᠨ ᠡᠳᠦᠬᠡ ᠠᠪᠣᠷᠭᠤ ᠬᠦᠴᠦᠳᠡᠨ ᠲᠠᠢ ᠬᠠᠯᠳᠠᠪᠠᠯ ︽ᠠᠮᠢ | ᠪᠠᠨ ᠠᠯᠳᠠᠬᠤ ᠠᠶᠣᠯᠳᠠᠢ᠂ ᠬᠤᠷᠳᠣᠨ ᠪᠣᠴᠠ︾ ᠬᠡᠮᠡᠨ ᠬᠡᠯᠡ ᠢᠯᠡᠬᠡᠵᠦ ᠪᠠᠶᠢᠭᠠ ᠨᠢ ᠡᠨᠡ ᠠᠵᠣᠭᠤ᠃ | ᠦᠴᠦᠭᠡᠳᠦᠷ ᠤᠨ ᠬᠢᠲᠠᠳ ᠡᠷᠡᠴᠤᠤᠯ ᠦᠷᠯᠦᠭᠡ ᠮᠦᠨ ᠢᠳᠡᠷ ᠤᠨ ᠲᠡᠷᠬᠡᠳᠡ ᠢᠷᠡᠵᠦ ᠪᠦᠬᠦᠯᠵᠡᠨ | ᠨᠠᠬᠢᠯᠵᠠᠨ ᠡᠷᠲᠡ ᠶᠢᠨ ᠬᠤᠭᠤᠯᠠ ᠢᠳᠡᠭᠦᠯᠦᠭᠰᠡᠨ ᠪᠦᠭᠡᠳ ᠮᠤᠩᠭᠤᠯ ᠬᠦᠮᠦᠨ ᠤ ᠬᠦᠴᠤ ᠴᠢᠳᠠᠯ᠂ ᠲᠡᠮᠡᠭᠡ ᠮᠤᠷᠢᠨ | ᠤ ᠢᠳᠡ ᠪᠢᠷᠠ ᠶᠢ ᠮᠠᠭᠳᠠᠨ ᠰᠠᠶᠢᠰᠢᠶᠠᠵᠦ ᠦᠨᠡᠨ ᠰᠡᠳᠬᠢᠯ ᠠᠴᠠ ᠪᠠᠨ ᠪᠢᠰᠢᠷᠡᠵᠦ ᠪᠠᠶᠢᠯᠠ᠃ ᠬᠢᠲᠠᠳ ᠬᠦᠮᠦᠨ | ᠠᠶᠤᠪᠠᠯ ᠨᠢᠭᠡᠮᠦᠰᠦᠨᠠᠶᠤᠵᠦ ᠪᠢᠰᠢᠷᠡᠪᠡᠯ ᠦᠬᠦᠨ ᠪᠢᠰᠢᠷᠡᠳᠡᠭ ᠪᠠᠶᠢᠵᠠᠢ ᠳ᠋ᠡ᠃ ᠢᠳᠡᠷ ᠴᠠᠳᠲᠠᠯᠠ ᠪᠠᠨ ᠢᠳᠡᠵᠦ | ᠪᠤᠤᠷᠠ ᠪᠠᠨ ᠠᠪᠴᠤ ᠦᠴᠦᠭᠡᠳᠦᠷ ᠤᠨ ᠮᠠᠶ᠋ᠢᠭ ᠢᠶᠠᠷ ᠪᠤᠳᠠᠭᠠ ᠪᠠᠨ ᠠᠴᠢᠶᠠᠯᠠᠵᠦ ᠲᠡᠮᠡᠭᠡ ᠶᠢ ᠪᠤᠭᠤᠵᠦ ᠤᠶᠠᠭᠰᠠᠨ | ᠣᠶᠠᠳᠠᠯ ᠢᠶᠠᠨ ᠲᠠᠶᠢᠯᠵᠦ ᠮᠤᠷᠢᠨ ᠡᠷᠳᠡᠨᠢ ᠶᠢᠨ ᠬᠤᠨᠳᠤᠯᠠᠢ ᠳᠤ ᠨᠢ ᠬᠦᠴᠦᠳᠡᠶᠢᠬᠡᠨ ᠳᠠᠪᠰᠢᠵᠦ ︽ᠴᠦᠬᠦ︾ ᠭᠡᠬᠦ | ᠳᠤ ᠬᠠᠷᠠ ᠪᠤᠤᠷᠠ ︽ᠬᠦᠷ︾ ᠭᠢᠲᠡᠯᠡ ᠲᠤᠭᠤᠰᠤ ᠮᠠᠨᠠᠷᠠᠭᠤᠯᠤᠨ ᠪᠤᠰᠬᠤ ᠳᠤ ᠲᠦᠴᠢᠨ ᠳ᠋ᠸᠦ ᠪᠤᠳᠠᠭᠠ ᠨᠢ ᠰᠢᠷ | ᠬᠢᠲᠡᠯᠡ ᠲᠠᠷᠣᠰᠢᠨ ᠰᠠᠭᠤᠵᠦ ᠪᠠᠶᠢᠪᠠ᠃ ︽ᠲᠡᠮᠡᠭᠡ ᠨᠢ ᠪᠤᠰᠴᠤ ᠲᠡᠶᠢᠯᠬᠦ ᠦᠬᠡᠢ ᠪᠠᠶᠢᠭᠠᠰᠠᠢ︾ ᠬᠡᠵᠦ ᠡᠴᠤᠰ ᠤᠨ | ᠡᠷᠮᠡᠯᠵᠡᠯᠡᠯ ᠬᠦᠯᠢᠶᠡᠭᠰᠡᠨ ᠬᠢᠳᠠᠳ ᠡᠷᠡᠴᠤᠤᠯ ︽ᠸᠠ᠂ ᠶᠠ︾ ︽ᠠᠶᠠ ᠮᠠᠶᠠ︾ ᠭᠡᠵᠦ ᠭᠠᠶᠢᠬᠠᠨ ᠰᠣᠴᠢᠨ᠂ | ᠭᠤᠷᠢ ᠲᠠᠰᠣᠷᠠᠯ ᠤᠨ ᠳᠠᠭᠤ ᠪᠠᠨ ᠲᠠᠳᠠᠨ ᠦᠢᠮᠡᠯᠳᠦᠭᠰᠡᠬᠡᠷ᠃ ᠢᠳᠡᠷ᠂ ᠲᠤᠭᠰᠢᠨ ᠬᠠᠷᠠ ᠪᠤᠤᠷᠠ ᠪᠠᠨ ᠬᠦᠳᠦᠯᠵᠦ | ᠳ᠋ᠦᠮᠡᠨ ᠳ᠋ᠦᠮᠡᠨ ᠠᠯᠬᠤᠭᠤᠯᠣᠭᠰᠠᠭᠠᠷ ᠠᠷᠴᠠᠨ ᠪᠡᠷᠬᠡ ᠠᠷᠤ ᠭᠡᠷ ᠠᠮᠠᠷᠠᠭ ᠪᠦᠰᠡᠭᠦᠢ ᠪᠠᠨ ᠵᠣᠷᠢᠪᠠ᠃ ᠬᠢᠲᠠᠳ | ᠲᠠᠷᠢᠶᠠᠴᠢᠳ ᠬᠤᠶᠢᠨᠠ ᠠᠴᠠ ᠨᠢ ᠡᠯᠢᠬᠡ ᠪᠠᠨ ᠲᠡᠪᠡᠷᠢᠵᠦ᠂ ᠬᠦᠯ ᠢᠶᠠᠨ ᠳᠡᠪᠢᠰᠦᠭᠰᠡᠭᠡᠷ ᠬᠤᠴᠤᠷᠪᠠ᠃ ᠠᠮᠠ | ᠶᠡᠬᠡᠲᠦ ᠠᠩᠭᠠᠶᠢᠬᠤ ᠳᠤ ᠪᠤᠶᠠᠨ ᠶᠡᠬᠡᠲᠦ ᠪᠤᠯᠢᠶᠠᠨᠠ ᠭᠡᠭᠴᠢ ᠡᠨᠡ ᠤᠤ ᠳ᠋ᠠ᠂ ᠨᠢᠬᠡ ᠪᠦᠯᠦᠭ ᠬᠡᠤᠬᠡᠳ ᠰᠢᠤᠬᠠᠳ | ᠦᠬᠢᠳ ᠪᠡᠷᠢᠶᠡᠳ ᠬᠤᠰᠢᠭᠤᠷᠠᠨ ᠳᠠᠭᠠᠭᠰᠠᠨ ᠤ ᠲᠣᠲᠣᠷᠠ ᠦᠴᠦᠭᠡᠳᠦᠷ ᠦᠳᠡᠰᠢ ᠶᠢᠨ ᠤᠶᠠᠬᠠᠨ ᠨᠢᠳᠦ ᠲᠠᠢ | ᠲᠤᠶᠠᠬᠠᠨ ᠨᠢᠷᠤᠭᠤ ᠲᠠᠢ ᠦᠬᠢᠨ ᠬᠠᠷᠠᠭᠳᠠᠭᠰᠠᠨ ᠳᠤ ᠢᠳᠡᠷ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠲᠡᠭᠰᠢ ᠴᠠᠭᠠᠨ ᠰᠢᠳᠦ ᠪᠠᠨ | ᠢᠷᠠᠯᠵᠠᠭᠤᠯᠤᠨ ᠢᠨᠢᠶᠡᠵᠦ ᠲᠡᠭᠦᠨ ᠳᠤ ᠵᠤᠷᠢᠭᠤᠯᠵᠦ ᠲᠤᠯᠤᠭᠠᠢ ᠳᠣᠬᠢᠭᠰᠠᠨ ᠢ ᠦᠬᠢᠨ ᠮᠡᠳᠡᠭᠰᠡᠨ ᠴᠤ ᠪᠣᠯᠪᠠ ᠤᠤ | ᠳ᠋ᠠ ᠁ ᠦᠢᠮᠡᠭᠡᠨ ᠢ ᠲᠠᠷᠣᠬᠤ ᠭᠡᠰᠡᠨ ᠮᠡᠲᠦ ᠬᠠᠷᠠ ᠪᠤᠤᠷᠠ ᠮᠦᠨ ᠯᠡ ᠬᠦᠷᠴᠢᠬᠢᠨᠡᠨ ᠬᠦᠷᠴᠢᠭᠢᠨᠡᠨ | ᠲᠤᠭᠰᠢᠷᠠᠵᠦ ᠪᠠᠶᠢᠭᠰᠠᠨ ᠠᠵᠠᠢ᠃ | ᠢᠳᠡᠷ ᠲᠤᠭᠰᠢᠨ ᠬᠠᠷᠠ ᠪᠤᠤᠷᠠ ᠪᠠᠨ ᠬᠦᠲᠦᠯᠵᠦ ᠰᠠᠯᠬᠢ ᠰᠦᠷᠦᠨ ᠠᠯᠬᠤᠯᠠᠬᠤ ᠳᠤ ᠪᠠᠨ ᠬᠠᠷᠠ ᠪᠣᠣᠷᠠ | ᠳᠤ ᠪᠠᠨ ᠬᠠᠨᠳᠤᠨ ︽ᠤᠳᠤ ᠴᠢ ᠲᠤᠭᠰᠢᠷᠠᠵᠦ ᠦᠵᠡ ᠳ᠋ᠠ᠂ ᠬᠤᠶᠠᠷ ᠮᠢᠩᠭᠠᠨ ᠵᠢᠩ ᠢ ᠠᠴᠢᠭᠠᠳ ᠠᠵᠢᠭ ᠦᠭᠡᠢ | ᠶᠠᠪᠣᠨᠠ ᠭᠡᠭᠴᠢ︾ ᠬᠡᠵᠦ ᠪᠤᠤᠷᠠ ᠪᠠᠨ ᠪᠠᠭ᠋ᠠᠷᠬᠠᠨ ᠰᠡᠳᠬᠢᠯ ᠲᠦᠭᠦᠷᠡᠩ ᠶᠠᠪᠤᠪᠠ᠃ ᠵᠠᠭᠤᠨ ᠭᠠᠵᠠᠷ ᠤᠨ ᠲᠡᠷᠲᠡᠭᠡ | ᠵᠢᠷᠭᠠᠯᠲᠤ ᠪᠦᠰᠡᠭᠦᠢ ᠨᠢ ᠰᠠᠷᠠᠪᠴᠢᠯᠠᠨ ᠬᠦᠯᠢᠶᠡᠵᠦ ᠪᠠᠶᠢᠭᠠ ᠰᠢᠤ ᠳ᠋ᠠ᠃ | ᠢᠩᠬᠢᠵᠦ ᠳᠦᠴᠢᠭᠡᠳ ᠭᠠᠵᠠᠷ ᠶᠠᠪᠤᠲᠠᠯᠠ ᠡᠷᠡ ᠶᠠᠳᠠᠷᠠᠵᠦ ᠪᠤᠤᠷᠠ ᠰᠤᠯᠠᠳᠠᠪᠠ᠃ ᠠᠷᠭᠠ ᠦᠭᠡᠢ ᠳ᠋ᠠ᠃ | ᠲᠤᠭᠰᠢᠨ ᠬᠠᠷᠠ ᠪᠣᠣᠷᠠ ᠶᠢᠨ ᠠᠯᠬᠤᠭᠠ ᠨᠢ ᠰᠭᠠᠷᠠᠵᠦ᠂ ᠰᠢᠳᠦ ᠬᠠᠪᠢᠷᠤᠨ ᠬᠦᠷᠴᠢᠬᠢᠨᠡᠬᠦ ᠲᠠᠭᠤ ᠨᠢ ᠲᠠᠰᠤᠯᠳᠠᠵᠦ | ᠲᠦᠢᠯᠳᠠᠬᠤ ᠮᠡᠳᠦ ᠪᠤᠯᠤᠯᠠ᠃ ᠬᠡᠴᠡᠬᠦᠤ ᠶᠠᠪᠤᠳᠠᠯ ᠪᠤᠯᠬᠤ ᠨᠢ ᠡ᠂ ᠬᠦᠴᠤ ᠲᠤᠷᠪᠢ ᠪᠠᠷ ᠬᠡᠵᠢᠶᠡᠳᠡ ᠢᠯᠠᠭᠳᠠᠰᠢ | ᠦᠭᠡᠢ ᠵᠢᠳᠬᠦᠳᠡᠭ ᠲᠤᠭᠰᠢᠨ ᠬᠠᠷᠠ ᠪᠣᠣᠷᠠ ᠨᠢ ᠠᠮᠢᠰᠬᠤᠭᠠ ᠲᠠᠪᠬᠤᠴᠠᠨ᠂ ᠠᠯᠬᠤᠬᠤ ᠲᠤᠷᠠ ᠦᠭᠡᠢ ᠪᠤᠯᠵᠦ | ᠵᠣᠭᠰᠣᠬᠤ ᠮᠡᠲᠦ ᠬᠡᠪᠲᠡᠬᠦ ᠮᠡᠳᠦ ᠠᠪᠣᠷᠢᠯᠠᠬᠤ ᠪᠣᠯᠪᠠ᠃ ᠢᠳᠡᠷ ᠶᠡᠬᠡᠳᠡ ᠰᠠᠨᠳᠣᠷᠣᠨ ᠪᠤᠷᠠᠨᠲᠠᠭ ᠢ ᠨᠢ ᠲᠤᠭᠳᠣᠷᠴᠤ | ᠴᠢᠩᠭᠠ ᠴᠢᠩᠭᠠ ᠵᠠᠩᠳᠣᠷᠤᠨ ᠬᠦᠴᠤ ᠵᠤᠷᠢᠭ ᠦᠭᠴᠤ ᠠᠷᠠᠢ ᠶᠠᠳᠠᠨ ᠡᠮᠦᠨᠡᠰᠢ ᠵᠢᠳᠭᠦᠬᠦᠯᠵᠦ ᠪᠠᠶᠢᠪᠠ᠃ ᠤᠳᠤ | ᠤᠳᠠᠯ ᠦᠭᠡᠢ ᠨᠤᠲᠤᠭ ᠤᠨ ᠵᠠᠬᠠ ᠪᠠᠷᠠᠳᠠᠨᠠ᠂ ᠨᠤᠲᠤᠭ ᠲᠤ ᠪᠠᠨ ᠤᠷᠤᠪᠠᠯ ᠠᠴᠢᠶᠠ ᠶᠢ ᠨᠢ ᠬᠦᠩᠬᠡᠯᠡᠵᠦ ᠪᠣᠴᠠᠨ | ᠢᠷᠡᠵᠦ ᠠᠪᠠᠴᠢᠬᠤ ᠳᠤ ᠶᠠᠮᠠᠷ ᠬᠠᠮᠢᠶᠠ ᠲᠠᠢ ᠪᠣᠢ᠃ ᠡᠮᠦᠨᠡ ᠨᠢ ᠬᠤᠶᠠᠷ ᠨᠤᠲᠤᠭ ᠤᠨ ᠵᠠᠭᠠᠭ ᠪᠤᠯᠤᠭᠰᠠᠨ ᠦᠨᠳᠦᠷ | ᠳᠠᠪᠠᠭᠠ — ᠪᠣᠷᠭᠠᠰᠣᠳᠣ ᠵᠢᠯᠠᠭᠠ ᠰᠡᠬᠦᠶᠢᠨ ᠬᠠᠷᠠᠭᠳᠠᠪᠠ᠃ ᠡᠨᠡ ᠲᠠᠪᠠᠭᠠ ᠶᠢ ᠲᠠᠪᠠᠭᠠᠳ ᠯᠡ ᠭᠠᠷᠪᠠᠯ | ᠠᠷᠢᠭᠤᠨ ᠲᠠᠭᠰᠢᠨ ᠠᠷᠴᠠᠨ ᠪᠡᠷᠬᠡ ᠶᠢᠨ ᠬᠦᠨ ᠲᠠᠢ ᠪᠠᠨ ᠵᠣᠯᠭᠠᠴᠢᠬᠠᠬᠤ ᠶᠣᠮ ᠰᠢᠦ ᠃ ᠪᠤᠷᠭᠠᠰᠤᠲᠤ ᠵᠢᠯᠠᠭᠠ | ᠬᠡᠵᠦ ᠡᠨᠡ ᠨᠤᠲᠤᠭ ᠲᠤ ᠪᠠᠷᠲᠠᠭᠠ ᠰᠦᠷᠯᠢᠭ ᠢᠶᠠᠷ ᠢᠶᠠᠨ ᠠᠯᠳᠠᠷᠰᠢᠭᠰᠠᠨ ᠭᠠᠵᠠᠷ᠃ ᠤᠷᠲᠤᠯᠵᠠᠨ ᠰᠤᠨᠤᠯᠵᠠᠭᠰᠠᠨ | ᠬᠤᠷᠮᠤᠢ ᠠᠴᠠ ᠨᠢ ᠳᠡᠭᠡᠭᠰᠢ ᠬᠠᠷᠠᠬᠤ ᠳᠤ ᠠᠭᠤᠯᠠ ᠵᠢᠯᠠᠭᠠ ᠬᠡᠮᠡᠷ ᠦᠨᠳᠦᠷ᠂ ᠬᠤᠶᠢᠰᠢ ᠤᠷᠤᠭᠰᠢ ᠪᠠᠨ | ᠰᠤᠨᠤᠯᠵᠠᠭᠰᠠᠨ ᠡᠨᠡ ᠮᠠᠩᠬᠠᠨ ᠵᠢᠯᠠᠭᠠ ᠶᠢᠨ ᠬᠦᠪᠡᠭᠡ ᠵᠠᠬᠠ ᠪᠠᠷ ᠲᠤᠭᠤᠷᠢᠵᠦ ᠭᠠᠷᠬᠤ ᠳᠤ ᠴᠤ ᠪᠠᠷᠤᠭ ᠠᠷᠪᠠᠨ | ᠲᠠᠪᠠᠭᠠ ᠲᠠᠪᠠᠭ᠋ᠤ ᠲᠠᠢ ᠲᠩᠴᠡᠳᠡᠭ ᠠᠪᠠᠢ᠃ ᠶᠠᠳᠠᠷᠠᠭᠰᠠᠨ ᠡᠷᠡ ᠮᠠᠭᠤᠲᠠᠭᠰᠠᠨ ᠪᠤᠤᠷᠠ ᠶᠢᠨ ᠡᠮᠦᠨᠡ ᠡᠶᠢᠮᠦᠷᠬᠦ | ᠳᠠᠪᠠᠭᠠ ᠬᠦᠨᠳᠡᠯᠢᠳᠤᠨ ᠪᠠᠶᠢᠪᠠ᠃ ᠢᠳᠡᠷ ᠪᠠᠷᠲᠠᠭᠠᠲᠤ ᠵᠢᠯᠠᠭᠠ ᠶᠢ ᠰᠦᠷᠳᠡᠨ ᠬᠠᠷᠠᠵᠦ ︽ᠨᠤᠲᠤᠭ ᠤᠨ ᠪᠠᠷᠠ | ᠬᠠᠷᠠᠯᠠ᠂ ᠪᠤᠷᠬᠠᠨ ᠮᠢᠨᠢ᠂ ᠲᠡᠭᠷᠢ ᠮᠢᠨᠢ ᠦᠷᠦᠰᠢᠶᠡ︾ ᠭᠡᠵᠦ ᠪᠠᠴᠢᠮᠳᠠᠨ ᠵᠠᠯᠪᠠᠷᠢᠭᠰᠠᠨ ᠢᠶᠠᠨ ᠬᠦᠭᠡᠷᠦᠬᠦᠢ ᠪᠤᠤᠷᠠ | ᠪᠠᠨ ᠡᠷᠭᠢᠨ ᠬᠠᠷᠠᠵᠦ ︽ᠪᠤᠤᠷᠠ ᠮᠢᠨᠢ ᠲᠡᠰᠪᠦᠷᠢᠯᠡ᠂ ᠡᠨᠡ ᠲᠠᠪᠠᠭᠠ ᠶᠢ ᠲᠠᠪᠠᠭᠰᠠᠭᠠᠷ ᠯᠡ ᠪᠣᠯᠣᠯᠠ︾ ᠭᠡᠵᠦ ᠦᠭᠡ | ᠲᠦᠬᠦᠬᠡᠷᠡᠭᠦᠯᠬᠦ ᠪᠠᠷ ᠤᠷᠤᠯᠳᠤᠨᠠ᠃ ᠢᠳᠡᠷ ᠲᠡᠮᠡᠭᠡ ᠪᠠᠨ ᠬᠦᠳᠦᠯᠵᠦ ᠳᠠᠪᠠᠭᠠ ᠶᠢ ᠠᠯᠬᠤᠮ ᠠᠯᠬᠤᠮ ᠢᠶᠠᠷ | ᠲᠠᠪᠠᠵᠣ ᠪᠠᠶᠢᠯᠠ᠂ ᠪᠤᠤᠷᠠᠨ ᠲᠡᠮᠡᠭᠡ ᠨᠢ ᠨᠤᠬᠠᠢ ᠡᠷᠳᠡᠨᠢ ᠶᠢᠨ ᠪᠤᠷᠪᠢ ᠪᠠᠨ ᠠᠷᠠᠶᠢᠬᠠᠨ ᠡᠷᠭᠦᠵᠦ ᠪᠠᠷᠰ ᠡᠷᠳᠡᠨᠢ ᠶᠢᠨ | ᠬᠢᠮᠤᠰᠤ ᠲᠠᠢ ᠲᠤᠮᠤ ᠲᠠᠪᠠᠭ᠋ᠠᠢ ᠪᠠᠨ ᠳᠠᠭᠠᠭᠠᠵᠦ ᠶᠠᠳᠠᠨ ᠵᠦᠬᠡᠬᠡᠵᠦ ᠤᠯᠠᠮ ᠤᠶᠢᠷᠠ ᠤᠶᠢᠷᠠᠬᠠᠨ ᠠᠯᠬᠤᠯᠠᠵᠦ | ᠤᠷᠤᠭᠰᠢ ᠵᠢᠳᠬᠦᠵᠦ ᠪᠠᠶᠢᠪᠠ᠃ ᠶᠠᠪᠤᠬᠤ ᠲᠤᠲᠤᠮ ᠦᠭᠰᠦᠵᠦ᠂ ᠨᠤᠷᠠ ᠡᠯᠡᠰᠦ ᠲᠡᠮᠡᠭᠡᠨ ᠲᠠᠪᠠᠭ ᠢ ᠴᠤ | ᠭᠤᠳᠤᠷᠤᠭᠤᠯᠤᠮᠠᠷ ᠠᠵᠠᠢ᠃ ᠬᠠᠷᠠ ᠪᠣᠣᠷᠠ ᠪᠦᠷ ᠴᠤ ᠲᠡᠰᠴᠤ ᠶᠠᠳᠠᠮᠠ ᠪᠤᠯᠵᠦ ᠯᠤᠤ ᠡᠷᠳᠡᠨᠢ ᠶᠢᠨ ᠬᠦᠵᠦᠬᠦᠤ | ᠪᠠᠨ ᠰᠤᠩᠭᠠᠨ ᠬᠦᠴᠦᠯᠡᠨ ᠬᠦᠴᠦᠯᠡᠨ ᠵᠢᠳᠬᠦᠬᠦ ᠳᠤ ᠲᠠᠥᠯᠠᠢ ᠡᠷᠳᠡᠨᠢ ᠶᠢᠨ ᠬᠠᠮᠠᠷ ᠠᠴᠠ ᠨᠢ ᠴᠠᠭᠠᠨ ᠠᠭᠤᠷ | ᠪᠠᠭᠠᠬᠢᠨᠠ᠃ ᠠᠶᠠ ᠬᠦᠭᠡᠷᠦᠬᠦᠢ ᠬᠦᠴᠦᠲᠦ ᠲᠣᠭᠰᠢᠨ ᠪᠤᠤᠷᠠ ᠮᠢᠨᠤ᠃ ᠪᠦᠬᠡᠴᠢᠨ ᠡᠷᠡ ᠢᠳᠡᠷ ᠲᠡᠮᠡᠭᠡ ᠪᠠᠨ | ᠵᠠᠩᠳᠤᠴᠢᠨ ᠵᠤᠷᠢᠭᠵᠢᠭᠤᠯᠵᠦ ᠬᠡᠪᠳᠡᠬᠦ ᠠᠴᠠ ᠪᠤᠯᠭᠤᠮᠵᠢᠯᠠᠨ ᠲᠡᠮᠡᠭᠡᠨ ᠤ ᠪᠤᠶᠢᠯᠠ ᠤᠷᠴᠢᠮ ᠠᠴᠠ ᠠᠳᠬᠤᠵᠦ | ᠰᠣᠨᠣᠨ ᠲᠣᠷᠣᠭᠰᠢᠯᠠᠭᠰᠠᠨ ᠲᠤᠯᠤᠭᠠᠢ ᠶᠢ ᠨᠢ ᠲᠡᠭᠡᠭᠰᠢ ᠡᠷᠭᠦᠨ ᠲᠠᠳᠠᠵᠣ ᠦᠨᠳᠦᠷ ᠳᠠᠪᠠᠭᠠ ᠵᠦᠭ ᠲᠡᠮᠡᠣᠯᠦᠭᠰᠡᠬᠡᠷ ᠁ | ᠵᠣᠭᠰᠣᠵᠣ ᠪᠠᠶᠢᠭᠠ ᠳᠠᠪᠠᠭᠠ ᠶᠢᠨ ᠤᠷᠤᠢ ᠳᠤ ᠶᠠᠪᠤᠵᠦ ᠪᠠᠶᠢᠭᠠ ᠬᠤᠶᠠᠷ ᠮᠠᠨᠢ ᠠᠯᠬᠤᠮ ᠠᠯᠬᠤᠮ ᠢᠶᠠᠷ | ᠤᠶᠢᠷᠠᠲᠤᠭᠰᠠᠭᠠᠷ ᠪᠠᠶᠢᠪᠠ᠃ ᠶᠠᠳᠠᠵᠦ ᠵᠦᠳᠡᠷᠡᠭᠰᠡᠨ ᠬᠤᠶᠠᠷ ᠲᠤ ᠠᠷᠪᠠ ᠠᠯᠬᠤᠮ ᠴᠤ ᠠᠷᠪᠠᠨ ᠳᠠᠪᠠᠭᠠ ᠮᠡᠲᠤ᠃ | ᠬᠠᠷᠠ ᠪᠤᠤᠷᠠ ᠨᠢ ᠨᠢᠭᠡᠮᠦᠰᠦᠨ ᠲᠦᠢᠯᠳᠠᠵᠦ ᠬᠡᠳᠦᠨᠲᠡ ᠬᠡᠪᠲᠡᠬᠦ ᠠᠯᠳᠠᠯᠠ᠃ ᠢᠳᠡᠷ ᠵᠠᠩᠳᠣᠴᠢᠨ ᠬᠠᠰᠬᠢᠴᠠᠵᠦ | ᠪᠤᠯᠢᠭᠤᠯᠬᠤ ᠳᠤ ᠬᠠᠷᠠ ᠪᠤᠤᠷᠠ ᠦᠴᠦᠬᠡᠨ ᠪᠤᠶᠢᠯᠠᠵᠦ ᠰᠦᠢᠯᠬᠢᠯᠠᠨ᠂ ᠤᠷᠤᠭᠰᠢ ᠶᠠᠭᠠᠬᠢᠭᠰᠠᠨ ᠴᠤ ᠠᠯᠬᠤᠬᠤ ᠪᠠᠨ | ᠪᠤᠯᠢᠪᠠ᠃ ᠣᠳᠣ ᠬᠡᠳᠦᠬᠡᠨ ᠠᠯᠬᠤᠮ ᠲᠠᠢ ᠪᠣᠯ ᠲᠠᠪᠠᠭᠠᠨ ᠤ ᠣᠷᠣᠢ ᠳᠤ ᠭᠠᠷᠴᠢᠬᠠᠬᠤ ᠪᠠᠶᠢᠪᠠ᠃ ᠲᠠᠪᠠᠭᠠᠨ ᠤ | ᠴᠠᠭᠠᠨᠠ ᠠᠴᠠ ᠲᠠᠨᠢᠯ ᠲᠠᠰᠣᠯ ᠪᠣᠯᠣᠭᠰᠠᠨ ᠠᠷᠢᠭᠤᠨ ᠠᠷᠴᠠ ᠶᠢᠨ ᠠᠩᠬᠢᠯᠣᠮᠠ ᠦᠨᠦᠷ ᠨᠢ ᠡᠪᠦᠯ ᠤᠨ ᠬᠦᠢᠳᠡᠨ | ᠰᠠᠯᠬᠢ ᠲᠠᠢ ᠵᠣᠴᠢᠯᠠᠨ ᠢᠷᠡᠵᠦ ᠢᠳᠡᠷ ᠲᠡᠮᠡᠭᠡ ᠬᠤᠶᠠᠷ ᠤᠨ ᠬᠠᠮᠠᠷ ᠲᠤ ᠦᠨᠦᠰᠦᠭᠳᠡᠨ ᠠᠭᠤᠰᠬᠢ ᠴᠡᠬᠡᠵᠢ ᠣᠷᠣᠭᠤ | ᠨᠢ ᠰᠡᠩᠬᠢᠨᠡᠨ ᠣᠷᠣᠬᠤ ᠳᠤ ᠲᠡᠷᠡ ᠬᠤᠶᠠᠭᠤᠯᠠ ᠲᠠᠭᠠᠳᠠᠶᠢᠶᠠ ᠬᠦᠨ ᠠᠮᠢᠰᠬᠤᠯᠠᠯᠵᠦ ᠪᠠᠶᠢᠪᠠ᠃ ᠶᠠᠭᠤ ᠴᠣ᠋ ᠬᠡᠰᠡᠨ | ᠨᠣᠳᠤᠭ ᠤᠨ ᠪᠠᠷᠠ ᠬᠠᠷᠠᠯᠠ ᠳ᠋ᠡ᠂ ᠣᠨᠠᠭᠰᠠᠨ ᠰᠢᠷᠦᠢ ᠣᠣᠭᠤᠭᠰᠠᠨ ᠣᠰᠣ ᠮᠢᠨᠢ ᠳ᠋ᠡ᠃ ᠬᠦᠮᠦᠨ ᠮᠠᠯ ᠠᠯᠢ ᠨᠢ | ᠴᠣ᠋ ᠬᠡᠰᠡᠨ ᠲᠠᠨ ᠠᠴᠠ ᠪᠡᠨᠠᠮᠢ ᠨᠠᠰᠣ ᠬᠦᠴᠦ ᠰᠢᠮᠠ ᠣᠯᠳᠠᠭ ᠰᠢᠦ ᠳ᠋ᠠ ᠁ ᠬᠡᠪᠡᠴᠦ ᠬᠠᠷᠠ ᠪᠣᠣᠷᠠ ᠨᠢ | ᠰᠦᠬᠦᠮ ᠠᠯᠬᠤᠬᠤ ᠲᠡᠩᠬᠡᠯ ᠦᠬᠡᠢ ᠪᠣᠯᠵᠠᠢ᠃ ᠤᠯᠠᠨ ᠤᠯᠠᠨ ᠠᠳᠠ ᠪᠤᠤᠷᠠ ᠶᠢ ᠲᠤᠭᠰᠢᠨ ᠰᠦᠷ ᠢᠶᠠᠷ | ᠠᠶᠤᠯᠭᠠᠵᠦ ᠤᠯᠠᠨ ᠤᠯᠠᠨ ᠢᠩᠭᠡᠨ ᠲᠡᠮᠡᠭᠡᠳ ᠢ ᠢᠳᠡ ᠬᠦᠴᠤ ᠪᠠᠷ ᠢᠶᠠᠨ ᠲᠠᠶᠢᠯᠠᠨ ᠳᠠᠭᠠᠭᠤᠯᠵᠦ ᠶᠠᠪᠤᠭᠰᠠᠨ ︽ | ᠨᠤᠲᠤᠭ ᠤᠨ ᠵᠠᠭᠠᠨ︾ ᠠᠪᠤᠷᠭᠤ ᠪᠤᠤᠷᠠ ᠶᠢᠨ ᠬᠦᠴᠤ ᠰᠣᠯᠠᠷᠠᠵᠦ ᠣᠨᠠᠮᠠ ᠣᠨᠠᠮᠠ ᠪᠤᠯᠪᠠ᠃ ᠪᠦᠬᠡᠴᠢᠨ ᠡᠷᠡ | ᠲᠡᠮᠡᠭᠡ ᠪᠠᠨ ᠬᠡᠪᠲᠡᠴᠢᠬᠡᠬᠦ ᠠᠴᠠ ᠦᠬᠦᠲᠡᠯᠡ ᠠᠶᠤᠵᠦ ᠪᠢᠷᠠ ᠬᠦᠴᠤ ᠪᠠᠨ ᠭᠠᠷᠭᠠᠨ ᠲᠡᠮᠡᠭᠡᠨ ᠤ ᠪᠤᠶᠢᠯᠠ ᠠᠴᠠ | ᠳᠡᠭᠡᠭᠰᠢ ᠡᠷᠭᠦᠨ ᠲᠠᠳᠠᠵᠣ ᠡᠷᠡ ᠬᠠᠷᠠ ᠳᠠᠭᠤ ᠪᠠᠷ ︽ᠴᠦᠬᠦ︾ ᠬᠡᠮᠡᠨ ᠵᠠᠩᠳᠣᠷᠬᠤ ᠶᠢᠨ ᠬᠠᠮᠲᠤ ᠰᠣᠷ ᠲᠠᠰᠢᠭᠤᠷ | ᠢᠶᠠᠨ ᠡᠷᠬᠢᠯᠳᠦᠬᠦᠯᠦᠨ ᠪᠣᠣᠷᠠᠨ ᠲᠡᠮᠡᠬᠡᠨ ᠤ ᠪᠡᠴᠢᠨ ᠡᠷᠳᠡᠨᠢ ᠶᠢᠨ ᠭᠤᠶᠠ ᠶᠢ ᠨᠢᠬᠡᠨᠳᠡ ᠣᠷᠢᠶᠠᠯᠭᠠᠭᠰᠠᠨ ᠳᠤ ᠬᠠᠷᠠ | ᠪᠣᠣᠷᠠ ᠡᠴᠦᠰ ᠤᠨ ᠬᠦᠴᠦ ᠪᠠᠨ ᠰᠢᠪᠬᠠᠨ ︽ᠸᠠᠭ︾ ᠬᠡᠮᠡᠨ ᠴᠢᠩᠭᠠ ᠲᠣᠣᠭᠠᠷᠣᠨ ᠨᠢᠬᠡᠨᠳᠡ ᠲᠡᠪᠬᠡᠷᠦᠨ ᠲᠠᠪᠠᠭᠠ | ᠶᠢᠨ ᠣᠷᠣᠢ ᠳᠤ ᠡᠯᠡᠰᠦ ᠮᠠᠨᠠᠷᠠᠭᠤᠯᠣᠨ ᠭᠠᠷᠪᠠ᠃ ᠢᠳᠡᠷ ᠤᠨ ᠭᠠᠷ ᠲᠤ ᠲᠡᠮᠦᠷ ᠭᠠᠷᠠᠬᠠ ᠪᠠᠷ ᠣᠭᠤᠰᠣᠷᠯᠠᠨ | ᠬᠢᠭᠰᠡᠨ ᠪᠣᠷᠠᠨᠳᠠᠭ ᠬᠤᠯᠣᠰᠣᠨ ᠪᠦᠢᠯᠠ ᠶᠢᠨ ᠬᠠᠮᠳᠣ ᠰᠣᠭᠤᠷᠠᠨ ᠬᠤᠴᠣᠷᠴᠦ ᠰᠢᠷᠪᠦᠰᠦᠨ ᠲᠡᠪ ᠰᠡᠳᠡ ᠦᠰᠦᠷᠦᠨ | ᠨᠢᠰᠦᠨ ᠣᠳᠪᠠ᠃ ᠪᠠᠯᠢᠳᠣᠨ ᠰᠠᠨᠳᠣᠷᠣᠭᠰᠠᠨ ᠢᠳᠡᠷ ᠨᠢᠳᠦ ᠬᠠᠮᠠᠷ ᠲᠤ ᠣᠷᠣᠭᠰᠠᠨ ᠬᠤᠮᠠᠭ ᠰᠢᠷᠣᠢ ᠶᠢ ᠠᠷᠴᠢᠨ | ᠪᠣᠣᠷᠠᠨ ᠤ ᠬᠤᠶᠢᠨᠠ ᠠᠴᠠ ᠨᠢ ᠲᠡᠮᠡᠣᠯᠣᠨ ᠭᠠᠷᠳᠠᠯᠠ ᠬᠠᠷᠠ ᠪᠣᠣᠷᠠ ᠲᠡᠰᠬᠡᠯ ᠦᠬᠡᠢ ︽ᠬᠦᠰ︾ ᠬᠡᠮᠡᠳᠡᠯᠡ | ᠬᠦᠯᠳᠡᠬᠦᠦ ᠭᠠᠵᠠᠷ ᠲᠤ ᠰᠦᠬᠦᠳᠦᠨ ᠣᠨᠠᠬᠤ ᠳᠤ ᠪᠠᠨ ︽ᠸᠠᠭ︾ ᠬᠢᠳᠡᠯᠡ ᠭᠤᠣᠯ ᠤᠨ ᠲᠠᠭᠤᠨ ᠢᠶᠠᠷ ᠡᠮᠬᠡᠨᠢᠯᠳᠡᠢ | ᠪᠣᠶᠢᠯᠠᠯᠠ᠃ ᠬᠦᠨᠳᠣ ᠠᠴᠢᠶᠠ ᠪᠠᠷ ᠬᠡᠨᠡᠳᠳᠡ ᠲᠠᠷᠣᠭᠤᠯᠵᠣ ᠲᠠᠪ ᠬᠢᠨ ᠬᠡᠪᠳᠡᠬᠦ ᠳᠤ ᠶᠠᠰᠣ ᠬᠤᠭᠤᠷᠠᠵᠣ ᠰᠢᠷᠪᠦᠰᠦ | ᠲᠠᠰᠣᠷᠠᠬᠤ ᠪᠢᠳᠡᠬᠦᠬᠡᠨ ᠴᠢᠮᠡᠭᠡ ᠭᠠᠷᠬᠤ ᠶᠢ ᠢᠳᠡᠷ ᠵᠦᠩ ᠢᠶᠠᠷ ᠢᠶᠠᠨ ᠰᠣᠨᠣᠰᠪᠠ᠃ ᠪᠠᠷᠠᠵᠠᠢ︕ ᠬᠠᠷᠠ ᠪᠣᠣᠷᠠ | ᠰᠦᠬᠦᠳᠦᠨ ᠣᠨᠠᠬᠤ ᠳᠤ ᠲᠠᠯᠣ ᠰᠡᠬᠦᠵᠢ ᠨᠢ ᠮᠦᠯᠳᠦᠷᠡᠨ ᠪᠡᠷᠳᠡᠭᠰᠡᠨ ᠨᠢ ᠵᠠᠶᠢᠯᠠᠰᠢ ᠦᠬᠡᠢ ᠡ᠃ ᠡᠮᠬᠡᠨᠢᠨ | ᠭᠠᠰᠢᠭᠤᠳᠠᠭᠰᠠᠨ ᠢᠳᠡᠷ ᠶᠠᠭᠠᠷᠠᠯᠳᠠᠢ ᠪᠠᠷ ᠠᠴᠢᠶᠠ ᠶᠢ ᠨᠢ ᠬᠤᠪᠬᠤ ᠲᠠᠳᠠᠨ ᠪᠠᠭᠤᠯᠭᠠᠵᠣ ᠬᠠᠶᠢᠷᠠᠳᠣ ᠪᠣᠣᠷᠠ ᠪᠠᠨ | ᠠᠪᠣᠷᠠᠬᠤ ᠶᠢ ᠣᠷᠣᠯᠳᠣᠪᠠ᠃ ᠲᠣᠭᠰᠢᠨ ᠬᠠᠷᠠ ᠪᠣᠣᠷᠠ ᠨᠢ ᠰᠢᠳᠣ ᠪᠠᠨ ᠠᠷᠠᠶᠢᠬᠠᠨ ᠬᠠᠪᠢᠷᠣᠭᠰᠠᠨ ᠢᠶᠠᠨ ᠪᠣᠰᠬᠤ | ᠶᠢ ᠰᠠᠨᠠᠵᠣ ᠲᠣᠯᠣᠭᠠᠢ ᠴᠡᠬᠡᠵᠢ ᠪᠠᠨ ᠡᠷᠬᠦᠬᠦ ᠮᠡᠳᠣ ᠪᠣᠯᠣᠭᠰᠠᠨ ᠴᠣ᠋ ᠲᠦᠷᠪᠡᠨ ᠮᠦᠴᠢ ᠨᠢ ᠬᠦᠮᠦᠨ ᠤ ᠣᠷᠮᠠ ᠳᠤ | ᠦᠴᠦᠬᠡᠨ ᠴᠣ᠋ ᠬᠦᠳᠡᠯᠦᠭᠰᠡᠨᠦᠬᠡᠢ ᠪᠢᠯᠡ᠃ ᠢᠳᠡᠷ ᠲᠡᠮᠡᠭᠡ ᠪᠠᠨ ᠶᠠᠭᠠᠬᠢᠵᠦ ᠣᠷᠣᠯᠳᠣᠵᠦ ᠨᠣᠴᠣᠯᠳᠣᠭᠰᠠᠨᠴᠣ | ᠮᠦᠴᠢ ᠮᠦᠯᠳᠦᠷᠴᠣ ᠶᠠᠰᠣ ᠪᠡᠷᠳᠡᠭᠰᠡᠨ ᠬᠠᠷᠠ ᠪᠣᠣᠷᠠ ᠨᠢ ᠨᠢᠬᠡᠨᠳᠡ ᠪᠣᠰᠬᠤ ᠠᠴᠠ ᠦᠩᠬᠡᠷᠡᠵᠡᠢ᠃ ᠢᠳᠡᠷ | ᠲᠣᠭᠰᠢᠨ ᠪᠣᠣᠷᠠ ᠶᠢᠨ ᠯᠣᠣ ᠡᠷᠳᠡᠨᠢ ᠶᠢᠨ ᠬᠦᠵᠦᠬᠦᠦ ᠠᠴᠠ ᠲᠡᠪᠡᠷᠢᠵᠦ ᠬᠡᠣᠬᠡᠳ ᠰᠢᠭ ᠱᠣᠷᠬᠢᠷᠠᠨ ᠣᠬᠢᠯᠠᠪᠠ᠃ | ᠶᠠᠭᠤᠨ ᠳᠤ ᠣᠯᠵᠠᠨ ᠳᠤ ᠲᠣᠷᠠᠯᠠᠵᠣ ᠣᠯᠢᠭ ᠦᠬᠡᠢ ᠬᠢᠳᠡᠳ ᠲᠠᠢ ᠮᠡᠯᠵᠢᠶᠡ ᠲᠠᠯᠪᠢᠵᠦ ᠬᠠᠶᠢᠷᠠᠨ ᠲᠡᠮᠡᠭᠡ ᠪᠠᠨ | ᠡᠶᠢᠮᠦ ᠪᠣᠯᠭᠠᠪᠠ ᠳ᠋ᠠ᠂ ︽ᠬᠠᠷᠠ ᠪᠣᠣᠷᠠ ᠮᠢᠨᠢ᠂ ᠲᠡᠰᠴᠦ ᠦᠵᠡ᠂ ᠪᠣᠰᠴᠦ ᠦᠵᠡ ᠁︾ ᠬᠡᠮᠡᠨ ᠲᠦᠮᠡᠨ | ᠪᠣᠷᠣᠭᠤ ᠪᠠᠨ ᠲᠠᠭᠤᠳᠠᠨ ᠡᠬᠡᠷ ᠲᠠᠳᠠᠬᠤ ᠳᠤ ᠬᠠᠷᠠ ᠪᠣᠣᠷᠠ ᠨᠢ ᠪᠣᠳᠣᠭᠤᠨ ᠪᠣᠷᠣ ᠨᠢᠳᠦᠨ ᠠᠴᠠ ᠪᠠᠨ ᠪᠦᠯᠢᠶᠡᠨ | ᠨᠢᠯᠪᠣᠰᠣ ᠪᠠᠨ ᠴᠣᠪᠣᠷᠠᠭᠤᠯᠣᠨ ᠵᠦᠬᠡᠯᠡᠨ ᠵᠦᠬᠡᠯᠡᠨ ᠪᠣᠶᠢᠯᠠᠬᠤ ᠠᠴᠠ ᠴᠠᠭᠠᠰᠢ ᠦᠬᠡᠢ᠃ ᠭᠠᠰᠠᠯᠠᠩ ᠵᠣᠪᠠᠯ ᠢ ᠲᠡᠭᠷᠢ | ᠳᠤ ᠬᠡᠯᠡᠶᠡ ᠬᠡᠬᠦ ᠳᠤ ᠲᠡᠭᠷᠢ ᠬᠤᠯᠠ᠂ ᠭᠠᠵᠠᠷ ᠲᠤ ᠬᠡᠯᠡᠶᠡ ᠬᠡᠬᠦ ᠳᠤ ᠭᠠᠵᠠᠷ ᠬᠠᠳᠠᠭᠤ ᠬᠡᠭᠴᠢ ᠡᠨᠡᠠᠵᠠᠢ᠃ | ᠲᠣᠭᠰᠢᠨ ᠰᠦᠷ ᠢᠶᠠᠷ ᠢᠶᠠᠨ ᠨᠣᠳᠤᠭ ᠣᠰᠣᠨ ᠳᠤ ᠪᠠᠨ ᠲᠣᠮᠤᠭ ᠮᠡᠳᠣ ᠠᠯᠳᠠᠷᠰᠢᠨ ᠶᠠᠪᠣᠭᠰᠠᠨ ᠬᠠᠷᠠ | ᠪᠣᠣᠷᠠ ᠡᠶᠢᠨᠬᠦ ᠲᠦᠷᠦᠭᠰᠡᠨ ᠨᠣᠳᠤᠭ ᠤᠨ ᠢᠶᠠᠨ ᠵᠦᠭ ᠠᠶᠣᠮᠰᠢᠭᠳᠣ ᠲᠣᠮᠣ ᠲᠣᠯᠣᠭᠠᠢ ᠪᠠᠨ ᠬᠠᠨᠳᠣᠭᠤᠯᠵᠣ | ᠪᠣᠳᠣᠭᠤᠨ ᠪᠣᠷᠣ ᠨᠢᠳᠦᠨ ᠠᠴᠠ ᠪᠠᠨ ᠪᠦᠯᠢᠶᠡᠨ ᠨᠢᠯᠪᠣᠰᠣ ᠪᠠᠨ ᠴᠣᠪᠣᠷᠠᠭᠤᠯᠣᠭᠰᠠᠭᠠᠷ ᠬᠡᠪᠳᠡᠭᠡ ᠶᠠᠩᠵᠣ ᠪᠠᠷ ᠢᠶᠠᠨ | ᠠᠮᠢᠰᠬᠤᠯ ᠬᠤᠷᠢᠶᠠᠪᠠ᠃ ᠡᠷᠡ ᠵᠣᠷᠢᠭ ᠢᠶᠠᠷ ᠢᠶᠠᠨ ᠨᠠᠶᠢᠷ ᠨᠠᠭᠠᠳᠣᠮ ᠳᠤ ᠭᠠᠶᠢᠬᠠᠭᠤᠯᠵᠣ ᠶᠠᠪᠣᠭᠰᠠᠨ ᠪᠦᠬᠡᠴᠢᠨ | ᠢᠳᠡᠷ ᠡᠮᠬᠡᠨᠢᠨ ᠭᠠᠰᠢᠭᠤᠳᠠᠵᠣ ᠨᠢᠯᠪᠣᠰᠣ ᠪᠠᠨ ᠠᠷᠴᠢᠨ ᠠᠷᠴᠢᠨ ᠣᠬᠢᠯᠠᠬᠤ ᠳᠤ ᠪᠠᠨ ᠶᠠᠭᠠᠷᠠᠯᠳᠠᠢ ᠬᠦᠳᠡᠯᠦᠨ | ᠰᠣᠨᠵᠣ ᠣᠨᠠᠭᠰᠠᠨ ᠪᠣᠣᠷᠠ ᠶᠢᠨ ᠲᠣᠯᠣᠭᠠᠢ ᠶᠢ ᠲᠡᠭᠰᠢᠯᠡᠨ ᠵᠠᠰᠠᠵᠣ ᠦᠪᠦᠩ ᠳᠤ ᠨᠢ ᠣᠶᠠᠭᠰᠠᠨ ᠣᠯᠠᠭᠠᠨ ᠪᠦᠰ ᠢ | ᠨᠢ ᠲᠠᠶᠢᠯᠣᠨ ᠠᠪᠴᠣ ᠲᠣᠬᠤᠮ ᠲᠦᠷᠦᠬᠡ ᠪᠠᠨ ᠵᠠᠶᠢᠯᠠᠭᠤᠯᠵᠣ ᠬᠤᠶᠢᠳᠣ ᠪᠦᠬᠦ ᠠᠴᠠ ᠨᠢ ᠲᠠᠳᠠᠨ ᠣᠶᠠᠭᠰᠠᠨᠰᠡᠬᠦᠯ | ᠤᠨ ᠣᠭᠤᠰᠣᠷ ᠢᠶᠠᠨ ᠮᠣᠯᠳᠣᠯᠣᠨ ᠠᠪᠣᠪᠠ ᠁ | ᠪᠣᠷᠭᠠᠰᠣᠳᠣ ᠵᠢᠯᠠᠭᠠᠨ ᠳᠤ ᠶᠢᠰᠦ ᠶᠢᠨ ᠵᠢᠪᠡᠷ ᠰᠡᠶᠢᠬᠢᠵᠦ ᠡᠪᠦᠯ ᠤᠨ ᠴᠠᠶᠢᠪᠠᠭᠠᠷ ᠨᠠᠷᠠ ᠬᠡᠷᠡᠯ ᠢᠶᠠᠨ | ᠦᠭᠴᠦ ᠪᠠᠶᠢᠪᠠᠴᠦ ᠪᠦᠬᠡᠴᠢᠨ ᠢᠳᠡᠷ ᠤᠨ ᠭᠤᠨᠢᠭ ᠬᠠᠷᠠᠮᠰᠠᠯ ᠢ ᠨᠢᠮᠬᠡᠯᠡᠵᠦ ᠴᠢᠳᠠᠭᠠ ᠦᠬᠡᠢ᠃ ᠢᠳᠡᠷ ᠬᠠᠷᠠ | ᠪᠣᠣᠷᠠ ᠠᠴᠠ ᠪᠠᠨ ᠰᠠᠯᠵᠣ ᠲᠦᠪᠳᠡᠬᠦ ᠦᠬᠡᠢ ᠲᠣᠮᠣ ᠲᠣᠯᠣᠭᠠᠢ ᠶᠢ ᠨᠢ ᠡᠪᠦᠳᠦᠭ ᠲᠡᠬᠡᠷᠡ ᠪᠠᠨ ᠲᠠᠯᠪᠢᠵᠦ ᠡᠬᠡᠷ | ᠲᠠᠳᠠᠬᠤ ᠳᠤ ᠪᠠᠨ ᠨᠣᠮ ᠤᠨ ᠶᠣᠰᠣᠭᠠᠷ ᠰᠦᠨᠡᠰᠦ ᠮᠦᠷ ᠢ ᠨᠢ ᠵᠢᠭᠠᠵᠣ ᠡᠬᠡ ᠨᠣᠳᠤᠭ ᠢᠵᠢᠯᠢ ᠰᠦᠷᠦᠭ ᠲᠤ | ᠲᠠᠬᠢᠨ ᠲᠦᠷᠦᠯ ᠣᠯᠬᠤ ᠶᠢ ᠰᠢᠪᠰᠢᠨ ᠲᠠᠭᠠᠳᠬᠠᠵᠣ ᠭᠠᠷᠪᠠ᠃ ᠬᠠᠷᠠ ᠪᠣᠣᠷᠠ ᠶᠢᠨ ᠪᠣᠳᠣᠭᠤᠨ ᠪᠣᠷᠣ ᠨᠢᠳᠣ | ᠬᠡᠵᠢᠶᠡ ᠴᠣ᠋ ᠲᠣᠷᠮᠣᠯᠵᠠᠨ ᠬᠠᠷᠠᠬᠤ ᠪᠠᠷ ᠦᠬᠡᠢ ᠮᠦᠩᠬᠡ ᠠᠨᠢᠵᠦ ᠡᠴᠦᠰ ᠤᠨ ᠲᠣᠰᠣᠯ ᠨᠢᠯᠪᠣᠰᠣ ᠨᠢ ᠵᠢᠷᠤᠭᠠ | ᠲᠠᠳᠠᠭᠤᠯᠣᠭᠰᠠᠭᠠᠷ ᠬᠤᠨᠢᠨ ᠡᠷᠳᠡᠨᠢ ᠶᠢᠨ ᠨᠣᠣᠰᠣ ᠲᠠᠢ ᠨᠢ ᠪᠠᠷᠢᠯᠳᠣᠨ ᠬᠦᠯᠳᠡᠵᠡᠢ᠃ ᠭᠠᠯᠵᠠᠭᠤ ᠬᠦᠷᠡᠩ ᠡᠴᠢᠬᠡ | ᠲᠠᠢ ᠭᠠᠩᠭᠠᠩ ᠣᠯᠠᠭᠠᠨ ᠡᠬᠡ ᠲᠠᠢ ᠨᠢᠬᠡᠨ ᠦᠶᠡ ᠱᠣᠣᠬᠢᠭᠤᠯᠵᠣ ᠶᠠᠪᠣᠭᠰᠠᠨ ᠲᠣᠭᠰᠢᠨ ᠬᠠᠷᠠ ᠪᠣᠣᠷᠠ ᠢᠩᠬᠢᠵᠦ | ᠨᠣᠳᠤᠭ ᠤᠨ ᠰᠢᠷᠣᠢ ᠲᠡᠷᠡᠯᠡᠩᠬᠡᠨ ᠮᠦᠩᠬᠡ ᠠᠷᠴᠠ ᠶᠢᠨ ᠢᠶᠠᠨ ᠠᠩᠬᠢᠯᠣᠮᠠ ᠦᠨᠦᠷ ᠢ ᠦᠨᠦᠰᠦᠨ ᠡᠴᠦᠰ | ᠪᠣᠯᠣᠭᠰᠠᠨ ᠪᠦᠯᠦᠬᠡ᠃ | ᠬᠠᠷᠠ ᠪᠣᠣᠷᠠ ᠶᠢᠨ ᠠᠳᠡᠭᠰᠡᠨ ᠡᠨᠡ ᠭᠦ ᠵᠢᠯᠠᠭᠠ ᠶᠢ ᠬᠤᠵᠢᠮ ᠤᠨ ᠬᠦᠮᠦᠰ ︽ᠬᠠᠷᠠ ᠲᠡᠮᠡᠬᠡᠨ ᠵᠢᠯᠠᠭᠠ︾ | ᠬᠡᠮᠡᠨ ᠲᠠᠭᠤᠳᠠᠵᠣ ᠨᠣᠳᠤᠭ ᠤᠨ ᠨᠡᠷᠡ ᠪᠣᠯᠭᠠᠨ ᠮᠦᠩᠬᠡᠯᠡᠨ ᠲᠣᠮᠤᠭ ᠲᠣᠣᠯᠢᠰ ᠮᠡᠳᠣ ᠵᠣᠭᠤᠭᠯᠠᠳᠠᠭ ᠠᠪᠠᠢ᠃ | | | ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠪᠣᠷᠣᠬᠤᠳᠠ ᠮᠣᠩᠭᠤᠯ ᠲᠣᠮᠳᠠᠳᠣ ᠰᠣᠷᠭᠠᠭᠤᠯᠢ | | | | |