| | ᠡᠯᠡᠩᠭᠡᠢ ᠬᠠᠭᠤᠴᠢᠨ ᠡᠬᠦᠷᠦᠪᠴᠢ ᠮᠦᠷᠦᠨ ᠠᠴᠠ ᠪᠠᠨ ᠵᠡᠬᠦᠵᠤ᠂ ᠮᠥᠨ ᠲᠡᠶᠢᠮᠦᠷᠬᠦ ᠨᠤᠭᠤᠭᠠᠨ | ᠴᠤᠪᠠ ᠡᠬᠡᠯᠳᠦᠷᠬᠢᠯᠡᠭᠰᠡᠨ ᠨᠢᠭᠡᠨ ᠡᠷᠠ ᠲᠡᠯᠭᠡᠬᠦᠷ ᠤᠨ ᠡᠬᠦᠳᠡᠨ ᠲᠡᠭᠡᠷᠠ ᠵᠤᠭᠰᠤᠵᠤ ᠪᠠᠶᠢᠭᠠ ᠶᠢ ᠬᠠᠷᠠᠭᠠᠳ ᠬᠡᠰᠢᠭ | ᠤᠨ ᠨᠢᠳᠤ ᠲᠤᠮᠤᠷᠠᠨ ᠬᠦᠯᠢᠷᠡᠴᠢᠭᠡᠪᠡ᠃ ᠮᠠᠰᠢᠨ ᠤ ᠪᠠᠨ ᠬᠠᠭᠠᠯᠭᠠᠨ ᠤ ᠪᠠᠷᠢᠭᠤᠯ ᠲᠡᠭᠡᠷᠠ᠂ ᠤᠴᠢᠭᠰᠠᠨ ᠭᠠᠷ ᠨᠢ | ᠬᠦᠷᠳᠡᠯᠠ ᠲᠡᠨᠳᠠ ᠪᠠᠨ ᠬᠦᠰᠢᠴᠢᠭᠡᠬᠦ ᠰᠢᠭ ᠪᠤᠯᠤᠯᠠ᠃ | ᠲᠡᠷᠨ ᠭᠠᠷᠬᠤ ᠬᠡᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠮᠠᠷᠳᠠᠴᠢᠬᠠᠭᠰᠠᠨ ᠮᠡᠳᠤ ᠦᠨᠦᠭᠢ ᠡᠯᠡᠩᠭᠡᠢ | ᠬᠤᠪᠴᠠᠰᠤᠳᠤ ᠶᠢ ᠰᠢᠷᠳᠡᠨ ︽ᠮᠥᠨ ᠪᠠᠶᠢᠨᠠ᠂ ᠵᠤᠷᠢᠭᠳᠤ ᠮᠥᠨ ᠪᠠᠶᠢᠨᠠ︾ ᠬᠡᠵᠤ ᠰᠡᠳᠬᠢᠯ ᠵᠢᠷᠦᠭᠡᠨ ᠳᠡᠭᠡᠨ | ᠲᠠᠭᠤ ᠠᠯᠳᠠᠪᠠ᠃ ᠲᠡᠭᠡᠵᠤ ᠪᠠᠶᠢᠳᠠᠯᠠ ᠪᠠᠰᠠ ᠨᠢᠭᠡᠨ ᠰᠠᠯᠪᠠᠷᠬᠠᠢ ᠴᠤᠪᠠ᠂ ᠮᠠᠶᠢᠵᠢᠬᠢ ᠱᠠᠬᠠᠢ ᠤᠭᠯᠠᠭᠰᠠᠨ ᠬᠠᠷᠠ | ᠴᠢᠷᠠᠢ ᠲᠠᠢ ᠡᠷᠠ ᠵᠤᠷᠢᠭᠳᠤ ᠲᠠᠢ ᠠᠭᠤᠯᠵᠠᠨ ᠭᠠᠷ ᠪᠠᠷᠢᠭᠠᠳ ᠶᠠᠭᠤ ᠴᠤ ᠶᠤᠮ ᠶᠠᠷᠢᠵᠤ ᠪᠠᠶᠢᠨᠠ᠃ ᠵᠤᠷᠢᠭᠳᠤ | ᠨᠢᠭᠤᠷ ᠤᠨ ᠢᠶᠠᠨ ᠡᠮᠦᠨᠠ ᠭᠠᠷ ᠢᠶᠠᠨ ᠡᠷᠬᠦᠭᠡᠳ ᠵᠢᠭᠳᠡᠶᠢᠬᠡᠨ ᠢᠷᠪᠠᠶᠢᠨ ᠲᠤᠯᠤᠭᠠᠢ ᠰᠡᠭᠰᠦᠷᠴᠤ ᠪᠠᠶᠢᠭᠠ ᠨᠢ ᠲᠤᠩ | ᠴᠤ ᠠᠷᠴᠠᠭᠠ ᠦᠭᠡᠢ ᠪᠠᠰᠠ ᠦᠷᠦᠪᠳᠦᠮᠡᠷ ᠬᠠᠷᠠᠭᠳᠠᠨᠠ᠃ ︽ᠰᠢᠷᠠᠳᠠᠭᠠᠳ ᠦᠬᠦᠬᠦ ᠬᠡᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ | ︾ ᠬᠡᠵᠤ ᠬᠡᠰᠢᠭ ᠪᠤᠳᠤᠭᠠᠳ ᠦᠪᠡᠷ ᠢᠶᠠᠨ ᠮᠡᠳᠡᠯ ᠦᠭᠡᠢ ᠲᠤᠯᠤᠭᠠᠢ ᠰᠡᠭᠰᠦᠷᠴᠤ ᠰᠠᠭᠤᠯᠠ᠃ ᠵᠤᠷᠢᠭᠳᠤ ᠴᠠᠭᠠᠳᠤ | ᠬᠦᠮᠦᠨ ᠳᠡᠭᠡᠨ ᠨᠢᠭᠡ ᠶᠠᠭᠤᠮᠠ ᠬᠡᠯᠡᠵᠤ᠂ ᠮᠠᠭᠤᠬᠠᠨ ᠢᠨᠢᠶᠡᠬᠦ ᠳᠤ ᠡᠬᠦᠳᠡᠨ ᠰᠢᠳᠤ ᠦᠭᠡᠢ ᠤᠩᠭᠤᠷᠬᠠᠢ ᠬᠠᠷᠠ | ᠠᠮᠠ ᠬᠠᠷᠠᠭᠳᠠᠯᠠ ᠁ | ᠬᠡᠰᠢᠭ ᠰᠦᠷᠡᠭᠡᠢ ᠰᠠᠨᠠᠭᠠ ᠠᠯᠳᠠᠭᠠᠳ ᠮᠠᠰᠢᠨ ᠢᠶᠠᠨ ᠠᠰᠠᠭᠠᠨ ᠠᠶᠠᠷᠬᠠᠨ ᠬᠤᠯᠠᠳᠠᠭᠠᠳ ᠬᠤᠷᠳᠤ | ᠨᠡᠮᠡᠯᠠ᠃ ᠲᠡᠬᠦᠨ ᠤ ᠭᠤᠤᠯ ᠬᠠᠷᠠᠯᠠᠨ ᠨᠢᠳᠦᠨ ᠳᠤᠨᠢ ᠨᠢᠯᠪᠤᠰᠤ ᠴᠢᠢᠯᠡᠵᠤ ᠢᠷᠡᠯᠠ᠃ ᠰᠡᠳᠬᠢᠯ ᠳᠤᠨᠢ ᠠᠷᠪᠠᠨ | ᠭᠤᠷᠪᠠᠨ ᠵᠢᠯ ᠤᠨ ᠡᠮᠦᠨᠡᠬᠢ ᠵᠤᠷᠢᠭᠳᠤ ᠬᠠᠷᠠᠭᠳᠠᠨ᠂ ᠵᠢᠷᠦᠭᠡ ᠨᠢ ᠬᠦᠴᠦᠳᠠᠢ ᠲᠡᠯᠡᠰᠬᠦ ᠲᠤᠯᠨ ᠵᠠᠮ ᠤᠨ ᠬᠠᠵᠠᠭᠤ | ᠤᠷᠤᠭᠤ ᠰᠢᠬᠠᠨ ᠮᠠᠰᠢᠨ ᠢᠶᠠᠨ ᠵᠤᠭᠰᠤᠭᠠᠭᠠᠳ᠂ ᠵᠠᠯᠠᠭᠤᠷ ᠢᠶᠠᠨ ᠲᠡᠷᠡᠯᠡᠨ ᠬᠤᠯᠨ ᠶᠢᠨ ᠲᠤᠷᠠᠳᠬᠠᠯ ᠳᠠᠭᠠᠨ | ᠠᠪᠳᠠᠪᠠ ᠁ | ᠠᠶᠢᠮᠠᠭ ᠤᠨ ᠲᠢᠶᠠᠲᠷ ᠤᠨ ᠵᠢᠷᠤᠭᠠᠴᠢ ᠪᠠᠶᠢᠬᠤ ᠳᠠᠭᠠᠨ ᠵᠤᠷᠢᠭᠳᠤ ᠦᠨᠡᠭᠡᠷ ᠬᠡᠶᠢᠮᠤᠷᠢ ᠲᠠᠢ | ᠰᠠᠶᠢᠬᠠᠨ ᠵᠠᠯᠠᠭᠤ ᠶᠠᠪᠤᠵᠠᠢ᠃ ᠲᠤᠯᠬᠢᠶᠠᠳᠤᠭᠰᠠᠨ ᠦᠳᠭᠡᠨ ᠬᠠᠷᠠ ᠦᠰᠤ ᠦᠷᠭᠡᠨ ᠴᠠᠭᠠᠨ ᠲᠤᠬᠤ ᠶᠢ ᠡᠮᠵᠢᠵᠤ᠂ | ᠢᠨᠢᠶᠡᠮᠰᠦᠭᠯᠡᠯ ᠲᠤᠳᠤᠷᠠᠬᠤ ᠴᠡᠪᠡᠷᠭᠡᠨ ᠨᠢᠮᠭᠡᠨ ᠤᠷᠤᠭᠤᠯ ᠤᠨ ᠴᠠᠭᠠᠨᠠ ᠠᠴᠠ ᠲᠡᠭᠰᠢᠭᠡᠨ ᠴᠠᠭᠠᠨ ᠰᠢᠳᠤ | ᠢᠷᠠᠰᠬᠢᠳᠡᠭ ᠰᠡᠨ᠃ | ᠲᠡᠷᠨ ᠴᠠᠭ ᠲᠤ ᠬᠡᠰᠢᠭ ᠨᠡᠶᠢᠳᠠ ᠶᠢᠨ ᠬᠤᠭᠤᠯᠠᠨ ᠤ TMC ᠲᠡᠬᠦᠰᠭᠡᠭᠡᠳ ᠠᠶᠢᠮᠠᠭ ᠤᠨ | ᠲᠦᠪ ᠤᠨ ᠲᠤᠮᠤ ᠭᠤᠸᠠᠨᠵᠠᠨ ᠳᠤ ᠬᠤᠭᠤᠯᠨ ᠵᠦᠭᠡᠭᠴᠢ ᠬᠢᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠠᠷᠪᠠᠨ ᠨᠠᠢᠮᠠᠬᠠᠨ ᠨᠠᠰᠤᠳᠠᠢ | ᠤᠷᠠᠨ ᠭᠤᠤᠯ ᠰᠢᠭ᠋ ᠪᠦᠰᠡᠬᠦᠢ ᠶᠢ ᠤᠷᠤᠯᠳᠤᠬᠤ ᠵᠠᠯᠠᠭᠤᠰ ᠴᠦᠭᠡᠨ ᠦᠭᠡᠢ᠃ ᠠᠶᠢᠮᠠᠭ ᠤᠨ ᠲᠦᠪ ᠤᠨ ᠵᠠᠯᠠᠭᠤᠰ | ᠲᠡᠷᠨ ᠭᠤᠸᠠᠨᠵᠠ ᠶᠢ ︽ᠷᠧᠰᠲ᠋ᠤᠷᠠᠨ︾ ① ᠬᠡᠵᠤ ᠡᠷᠬᠦᠮᠵᠢᠯᠡᠭᠡᠳ ᠤᠷᠤᠢ ᠦᠳᠡᠰᠢ ᠬᠡᠳᠤ ᠬᠡᠳᠤ ᠪᠠᠷ ᠢᠶᠠᠨ | ᠨᠡᠶᠢᠯᠡᠨ ᠤᠷᠤᠵᠤ ᠰᠠᠭᠤᠵᠠᠭᠠᠨᠠ᠃ | ᠲᠡᠳᠠ ᠬᠤᠳᠠ ᠠᠴᠠ ᠲᠡᠭᠡᠭᠡᠵᠤ ᠠᠪᠴᠢᠷᠠᠳᠠᠭ ᠰᠤᠯᠠᠬᠠᠨ ᠰᠢᠷᠠ ᠠᠶᠢᠷᠠᠭ ᠤᠤᠭᠤᠵᠠᠭᠠᠭᠠᠳ | ᠲᠠᠭᠤ ᠱᠤᠤ ᠪᠤᠯᠤᠨ ᠱᠤᠤᠬᠢᠯᠳᠤᠵᠤ᠂ ᠤᠪᠤᠭᠠ ᠮᠦᠩᠬᠦ ᠲᠠᠢ ᠵᠠᠷᠢᠮ ᠨᠢ ᠪᠤᠹᠢᠲ ② ᠠᠴᠠ ᠨᠡᠮᠡᠭᠳᠡᠯ ᠦᠨᠠ ᠲᠠᠢ | ᠠᠷᠢᠬᠢ ᠬᠤᠳᠠᠯᠳᠤᠨ ᠠᠪᠴᠤ ᠦᠨᠦᠬᠢ ᠰᠢᠩᠭᠡᠨ ᠰᠢᠷᠠ ᠪᠠᠷ ᠢᠶᠠᠨ ᠲᠠᠷᠤᠭᠤᠯᠤᠨ ᠶᠡᠭᠡᠳᠠ ᠰᠤᠭᠳᠤᠨ ᠮᠤᠨᠳᠠᠷ ᠢᠶᠠᠨ | ᠬᠤᠳᠬᠤᠬᠤ ᠨᠢ ᠴᠤ ᠪᠤᠢ᠃ | ᠲᠡᠳᠡᠭᠡᠷ ᠵᠠᠯᠠᠭᠤᠰ ᠤᠨ ᠨᠢᠭᠡ ᠨᠢ ᠵᠤᠷᠢᠭᠳᠤ ᠪᠠᠶᠢᠪᠠ᠃ ᠲᠡᠷᠨ ᠬᠡᠳᠦᠨ ᠨᠠᠶᠢᠵᠠ ᠲᠠᠢ ᠪᠠᠨ | ᠪᠠᠶᠢᠰᠬᠢᠭᠡᠳ ︽ᠷᠧᠰᠲᠷᠤᠨᠳᠠᠨᠠ︾᠃ ᠵᠤᠷᠢᠭᠳᠤ ᠶᠢᠨ ᠡᠯᠪᠡᠭ ᠴᠠᠭᠠᠨ ᠢᠨᠢᠶᠡᠳᠤ᠂ ᠠᠯᠢᠶᠠ ᠬᠤᠱᠤᠩ ᠶᠠᠷᠢᠶᠠ᠂ | ᠪᠡᠶᠠ ᠳᠤᠨᠢ ᠶᠠᠪ ᠴᠠᠪ ᠲᠠᠭᠠᠷᠠᠭᠰᠠᠨ ᠲᠡᠭᠵᠢᠨ ᠬᠤᠪᠴᠠᠰᠤ᠂ ᠬᠦᠵᠦᠬᠦᠤ ᠪᠠᠨ ᠤᠷᠢᠶᠠᠨ ᠡᠩᠭᠡᠷ ᠤᠷᠤᠭᠤ ᠪᠠᠨ | ᠤᠨᠵᠢᠭᠤᠯᠤᠭᠰᠠᠨ ᠬᠢᠯᠪᠠᠮᠠ ᠲᠤᠷᠭᠠᠨ ᠤᠷᠢᠶᠠᠯᠳᠠ ᠨᠢ ᠬᠦᠷᠳᠡᠯᠠ ᠰᠤᠳᠤᠨ᠃ | ᠨᠢᠭᠡᠨᠳᠠ ᠲᠡᠷᠨ ᠬᠡᠰᠢᠭ ᠢ ᠵᠢᠷᠤᠵᠤ ᠦᠪᠡᠷ ᠲᠤᠨᠢ ᠦᠭᠬᠦᠭᠰᠡᠨ ᠶᠤᠮ᠃ ᠲᠡᠳᠡᠨ ᠤ ᠬᠤᠭᠤᠯᠨ | ᠤᠮᠳᠠ ᠶᠢᠨ ᠵᠠᠬᠢᠶᠠᠯᠠᠭᠠ ᠶᠢ ᠠᠪᠴᠤ ᠪᠠᠶᠢᠳᠠᠯᠠ ᠵᠤᠷᠢᠭᠳᠤ ᠰᠤᠭᠤᠪᠴᠢᠯᠠᠵᠤ ᠶᠠᠪᠤᠳᠠᠭ ᠬᠠᠪᠳᠠᠰᠤᠨ ᠠᠴᠠ ᠪᠠᠨ | ᠨᠢᠭᠡ ᠬᠠᠭᠤᠳᠠᠰᠤ ᠴᠠᠭᠠᠰᠤ ᠰᠤᠭᠤ ᠲᠠᠳᠠᠨ ᠠᠪᠴᠤ ︽ᠵᠠ ᠴᠢ ᠵᠢᠭᠠᠬᠠᠨ ᠬᠦᠯᠢᠶᠡᠭᠡᠷᠡᠢ︾ ᠬᠡᠰᠡᠨ ᠢᠶᠠᠨ ᠨᠢᠭᠤᠷ | ᠤᠷᠤᠭᠤ ᠨᠢ ᠦᠶᠠ ᠦᠶᠠ ᠬᠠᠷᠠᠨ᠂ ᠪᠠᠷᠢᠭᠰᠠᠨ ᠬᠠᠷᠠᠨᠳᠠ ᠪᠠᠨ ᠲᠦᠷᠭᠡᠨ ᠲᠦᠷᠭᠡᠨ ᠬᠦᠶᠦᠯᠭᠡᠵᠤ᠂ ᠬᠤᠷᠤᠮᠬᠠᠨ | ᠵᠠᠭᠤᠷᠠ ᠲᠠᠳᠠᠯᠠᠨ ᠵᠢᠷᠤᠭᠠᠳ ︽ᠠᠳᠠᠯᠢᠬᠠᠨ ᠪᠤᠯᠤᠭᠰᠠᠨ ᠪᠤᠯ ᠲᠤᠷᠠᠰᠬᠠᠯ ᠪᠤᠯᠭᠠᠵᠤ ᠬᠠᠳᠠᠭᠠᠯᠠᠭᠠᠷᠠᠢ︾ ᠬᠡᠳ | ᠦᠭᠭᠦᠭᠰᠡᠨ ᠪᠢᠯᠨ᠃ ᠵᠦᠭᠡᠭᠴᠢ ᠶᠢᠨ ᠲᠡᠷᠪᠡᠭᠡᠷ ᠮᠠᠯᠠᠭᠠᠢ ᠡᠮᠦᠰᠴᠤ᠂ ᠬᠤᠷᠮᠤᠶᠢᠪᠴᠢ ᠵᠡᠬᠦᠭᠰᠡᠨ ᠲᠡᠬᠦᠨ ᠤ ᠨᠢᠭᠤᠷ | ᠴᠢᠷᠠᠢ ᠶᠢ ᠦᠨᠡᠭᠡᠷ ᠠᠳᠠᠯᠢᠬᠠᠨ ᠲᠦᠷᠰᠦᠯᠡᠭᠰᠡᠨ ᠪᠠᠶᠢᠨᠠ᠃ | ᠵᠤᠷᠢᠭᠳᠤ ᠶᠢᠨ ᠲᠤᠬᠠᠢ ᠳᠤ ᠬᠡᠰᠢᠭ ︽ᠮᠠᠨ ᠤ ᠠᠳᠠ ᠡᠨᠡ ᠰᠢᠭ ᠠᠪᠢᠶᠠᠰ ᠲᠠᠢ᠂ ᠲᠡᠭᠵᠢᠨ | ᠱᠠᠪᠠᠢ ᠵᠠᠯᠠᠭᠤ ᠪᠠᠶᠢᠬᠤ ᠦᠭᠡᠢ ᠡ︾ ᠬᠡᠵᠤ ᠪᠤᠳᠤᠭᠰᠠᠨ ᠪᠢᠯᠨ᠃ ᠵᠠᠬᠢᠶᠠᠯᠠᠭᠠ ᠠᠪᠬᠤ᠂ ᠵᠠᠬᠢᠭᠰᠠᠨ ᠬᠤᠭᠤᠯᠨ | ᠤᠮᠳᠠᠭᠠ ᠶᠢ ᠨᠢ ᠠᠪᠠᠴᠢᠵᠤ ᠦᠭᠬᠦ ᠪᠤᠯᠭᠠᠨ ᠳᠤ ᠬᠠᠮᠳᠤ ᠶᠠᠪᠤᠳᠠᠭ ᠬᠡᠳᠦ ᠲᠠᠢ ᠪᠠᠨ ᠤᠷᠠᠨ ᠵᠢᠷᠤᠭ᠂ ᠨᠤᠮ | ᠵᠤᠬᠢᠶᠠᠯ᠂ ᠵᠠᠷᠢᠮ ᠳᠠᠭᠠᠨ ᠢᠨᠢᠶᠡᠳᠤ ᠲᠠᠢ ᠬᠤᠱᠤᠩ ᠤᠨᠢᠭᠠ ᠶᠠᠷᠢᠵᠤ ᠰᠠᠭᠤᠬᠤ ᠨᠢ ᠬᠦᠷᠳᠡᠯᠠ ᠭᠤᠳᠤᠮᠵᠢᠨ ᠤ | ᠶᠠᠪᠤᠳᠠᠯ᠂ ᠬᠤᠪ ᠵᠢᠪ᠂ ᠤᠷᠤ ᠲᠡᠷᠡ ᠶᠢᠨ ᠪᠠᠯᠢᠶᠠᠷ ᠬᠦᠭ ᠶᠠᠷᠢᠵᠠᠭᠠᠵᠤ᠂ ᠲᠡᠬᠦᠨ ᠠᠴᠠ ᠪᠠᠨ ᠰᠤᠨᠤᠰᠬᠠᠬᠤ ᠬᠡᠵᠤ | ᠬᠠᠨᠴᠤᠢ ᠬᠤᠷᠮᠤᠢ ᠠᠴᠠ ᠨᠢ ᠲᠠᠳᠠᠵᠤ ᠴᠢᠩᠭᠠᠭᠠᠳᠠᠭ ᠲᠢᠭ ᠦᠭᠡᠢ ᠬᠠᠷᠠᠴᠤᠤᠯ ᠠᠴᠠ ᠱᠠᠯ ᠤᠨᠳᠤᠤ᠃ | ᠬᠡᠰᠢᠭ ᠤᠨ ᠬᠤᠪᠢ ᠳᠤ ᠴᠤᠬᠤᠮ ᠯᠡ ︽ᠠᠩᠬᠠᠨ ᠤ ᠪᠠᠨ ᠬᠠᠷᠠᠴᠨ ᠪᠠᠷ ᠲᠤᠷᠠᠯᠠᠪᠠ︾ ᠬᠡᠭᠴᠢ | ᠪᠤᠯᠤᠭᠰᠠᠨ ᠬᠡᠷᠡᠭ᠃ ᠬᠡᠪᠡᠴᠤ ᠬᠦᠳᠡᠭᠡ ᠶᠢᠨ ᠡᠬᠡᠯ ᠲᠠᠷᠤᠤ ᠠᠬᠤᠢ ᠳᠤ ᠦᠰᠦᠭᠰᠡᠨ᠂ ᠤᠭ ᠤᠨ ᠨᠤᠮᠤᠬᠠᠨ | ᠲᠦᠯᠦᠪ ᠵᠠᠩ ᠲᠠᠢ ᠪᠦᠰᠡᠬᠦᠢ ᠳᠤ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠪᠠᠨ ᠢᠯᠡᠴᠢᠯᠡᠬᠦ ᠠᠷᠭᠠ ᠤᠬᠠᠭᠠᠨ ᠲᠠᠩᠴᠢ ᠤᠯᠳᠠᠭᠰᠠᠨ | ᠦᠭᠡᠢ᠃ ᠲᠡᠮᠡᠢ ᠯᠡ ᠭᠤᠸᠠᠨᠵᠠᠨ ᠤ ᠬᠢ ᠪᠠᠨ ᠡᠬᠦᠳᠠ ᠶᠢ ᠦᠶᠠ ᠦᠶᠠ ᠬᠠᠷᠠᠭᠤᠯᠳᠠᠨ᠂ ᠬᠡᠵᠢᠶᠠ ᠤᠷᠤᠭᠠᠳ | ᠢᠷᠡᠬᠦ ᠪᠤᠯ ᠬᠡᠮᠡᠨ ᠬᠦᠯᠢᠶᠡᠨᠠ᠃ | ᠨᠢᠭᠡᠨ ᠤᠳᠠᠭᠠ ᠲᠡᠷᠨ ᠦᠨᠦᠬᠢ ᠯᠡ ᠭᠤᠷᠪᠠᠨ ᠨᠠᠶᠢᠵᠠ ᠲᠠᠢ ᠪᠠᠨ ᠤᠷᠤᠵᠤ ᠢᠷᠡᠪᠡ᠃ ᠰᠤᠯᠨ | ᠰᠢᠷᠡᠭᠡ ᠡᠵᠡᠯᠡᠩᠬᠦᠳᠠ ᠨᠢ ᠬᠡᠰᠢᠭ ᠶᠠᠭᠠᠷᠠᠨ ᠤᠴᠢᠯᠠ᠃ ᠤᠳᠠᠪᠠᠯ ᠦᠭᠡᠷᠠ ᠵᠦᠭᠡᠭᠴᠢ ᠤᠴᠢᠭᠠᠳ | ᠦᠢᠯᠡᠴᠢᠯᠡᠴᠢᠭᠡᠨᠠ ᠬᠡᠵᠤ ᠪᠤᠳᠤᠭᠠᠳ ᠲᠡᠭᠡᠵᠤ ᠶᠠᠭᠠᠷᠠᠭᠰᠠᠨ ᠬᠡᠷᠡᠭ᠃ ᠵᠤᠷᠢᠭᠳᠤ ᠦᠨᠦᠭᠢ ᠯᠡ ᠬᠠᠭᠤᠴᠢᠨ ᠰᠢᠭ | ᠢᠶᠠᠨ ᠢᠨᠢᠶᠡᠮᠰᠦᠭᠯᠡᠨ᠄ ︽ᠵᠠ ᠬᠡᠰᠢᠭ ᠤᠨ ᠢᠶᠠᠨ ᠬᠡᠰᠢᠭ ᠢ ᠰᠡᠬᠦᠯᠴᠢ ᠶᠢᠨ ᠤᠳᠠᠭᠠ ᠬᠦᠷᠳᠡᠶᠠ ᠳ᠋ᠧ︾ ᠬᠡᠬᠦ ᠳᠤ | ᠵᠦᠭᠡᠭᠴᠢ ᠶᠢᠨ ᠨᠢᠳᠤ ᠲᠦᠷᠡᠯᠵᠡᠰᠬᠢᠨ ︽ᠶᠠᠭᠤ ᠬᠡᠨᠡᠪ ᠳ᠋ᠧ︾ ᠬᠡᠵᠤ ᠪᠤᠳᠤᠭᠠᠳ ᠲᠡᠪᠳᠡᠷ ᠢᠶᠠᠨ ᠪᠠᠷᠢᠨ | ᠤᠶᠢᠷᠠᠳᠤᠪᠠ᠃ | ︽ᠡᠨᠡ ᠮᠠᠨᠢ ᠮᠠᠷᠭᠠᠰᠢ ᠨᠡᠶᠢᠰᠯᠡᠯ ᠤᠷᠤᠭᠤ ᠪᠠᠨ ᠪᠤᠴᠠᠬᠤ ᠬᠡᠨᠠ︾ ᠬᠡᠮᠡᠨ ᠬᠠᠵᠠᠭᠤᠳᠠ ᠨᠢ | ᠰᠠᠭᠤᠭᠠ ᠠᠶᠢᠮᠠᠭ ᠤᠨ ᠰᠤᠨᠢᠨ ᠤ ᠰᠤᠷᠪᠤᠯᠵᠢᠯᠠᠭᠴᠢ ᠢᠳᠡᠷ ᠬᠡᠮᠡᠬᠦ ᠵᠠᠯᠠᠭᠤ ᠢᠨᠢᠶᠡᠭᠡᠳ᠄ ︽ᠮᠠᠨ ᠤ ᠠᠶᠢᠮᠠᠭ ᠤᠨ | ᠲᠦᠪ ᠪᠠᠭᠠᠳᠠᠭᠠᠳ ᠪᠠᠶᠢᠭᠠ ᠶᠤᠮ ᠪᠠᠶᠢᠬᠠ︾ ᠬᠡᠵᠤ ᠨᠡᠮᠡᠪᠡ᠃ ᠪᠠᠰᠠ ᠨᠢᠭᠡ ᠨᠢ᠄ ︽ᠬᠤᠶᠠᠷ ᠯᠢᠲᠷ ᠫᠢᠸᠤ᠋᠂ ᠨᠢᠭᠡ | ᠰᠢᠯ ᠠᠷᠢᠬᠢ ᠠᠪᠤᠭᠠᠳ ᠢᠷᠡ︾ ᠬᠡᠪᠡ᠃ ᠲᠡᠭᠡᠳᠡᠯᠠ ᠵᠤᠷᠢᠭᠳᠤ᠄ ︽ᠪᠠᠰᠠ ᠬᠤᠭᠤᠯᠨ︾ ᠬᠡᠯᠠ᠃ | ︽ᠠ ᠲᠡᠶᠢᠮᠤ ᠭᠤᠯᠢᠶᠠᠰᠢ ᠯᠡ ᠪᠠᠶᠢᠭᠠ ᠪᠢᠵᠠ ᠳ᠋ᠧ᠃ ᠲᠦᠷᠪᠡ ᠶᠢ︾ ᠬᠡᠵᠤ ᠨᠢᠭᠡ ᠨᠢ ᠬᠡᠯᠡᠯᠠ | ᠃ | ︽ᠬᠦᠭᠡᠮᠡᠯ ᠪᠤᠤᠵᠠ ᠭᠠᠷᠤᠭᠰᠨ︾ ᠬᠡᠪᠡᠯ ᠢᠳᠡᠷ᠄ ︽ ᠨᠠᠢᠮᠠ ᠶᠢ︾ ᠬᠡᠵᠤ ᠭᠠᠭᠴᠨ ᠦᠭᠡ | ᠪᠠᠷ ᠵᠠᠬᠢᠶᠠᠯᠠᠪᠠ᠃ | ︽ᠬᠤᠶᠠᠷ ᠬᠠᠶᠢᠷᠴᠠᠭ ᠶᠠᠩᠵᠤᠤᠷ︾ ᠬᠡᠵᠤ ᠭᠤᠯᠢᠶᠠᠰᠢ ᠵᠠᠬᠢᠶᠠᠯᠠᠭᠴᠢ ᠨᠡᠮᠡᠯᠠ᠃ | ᠵᠠᠬᠢᠶᠠᠯᠠᠭᠰᠠᠨ ᠪᠦᠬᠦᠳᠠ ᠶᠢ ᠨᠢ ᠴᠤᠭᠯᠠᠭᠤᠯᠵᠤ ᠵᠦᠭᠡᠵᠤ ᠶᠠᠪᠤᠬᠤ ᠳᠠᠭᠠᠨ ︽ᠵᠤᠷᠢᠭᠳᠤ ᠮᠠᠨᠢ | ᠶᠠᠪᠤᠴᠢᠬᠠᠬᠤ ᠬᠡᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠵᠠᠢ᠃ ᠡᠳᠡᠨᠠᠷ ᠨᠢ ᠦᠳᠡᠵᠤ ᠶᠠᠪᠤᠭᠠ ᠬᠡᠷᠡᠭ᠃ ᠤᠳᠤ ᠶᠠᠭᠠᠬᠢᠬᠤᠪ︾ | ᠬᠡᠵᠤ ᠵᠢᠷᠦᠭᠡ ᠨᠢ ᠭᠠᠰᠠᠯᠠᠬᠤ ᠠᠳᠠᠯᠢ ᠲᠦᠭᠰᠢᠨ ᠪᠠᠶᠢᠪᠠ᠃ | ᠲᠡᠳᠡᠨ ᠢ ᠢᠳᠡᠵᠤ ᠤᠤᠭᠤᠵᠤ᠂ ᠬᠦᠭᠵᠢᠯᠳᠤᠨ ᠪᠠᠶᠢᠬᠤ ᠳᠤ ᠬᠡᠰᠢᠭ ᠡᠯᠡᠢ ᠪᠠᠯᠠᠢ ᠶᠤᠮ ᠰᠢᠭ᠋ | ᠯᠡ ᠶᠠᠪᠤᠭᠰᠠᠨ ᠰᠠᠨ᠃ ᠬᠡᠳᠦᠨ ᠬᠦᠮᠦᠨ ᠠᠴᠠ ᠵᠠᠬᠢᠶᠠᠯᠠᠭᠠ ᠠᠪᠴᠤ ᠶᠠᠭᠠᠬᠢᠵᠤ ᠦᠢᠯᠡᠴᠢᠯᠡᠭᠰᠡᠨ ᠢᠶᠠᠨ ᠴᠤ ᠰᠡᠬᠦᠯ | ᠳᠤ ᠰᠠᠨᠠᠬᠤ ᠦᠭᠡᠢ ᠪᠠᠶᠢᠵᠠᠢ᠃ ᠬᠠᠷᠢᠨ ᠨᠢᠭᠡ ᠵᠠᠪ ᠲᠠᠭᠠᠨ ᠪᠤᠹᠢᠲ ᠠᠴᠠ ᠨᠢᠭᠡ ᠰᠢᠯ ᠠᠷᠢᠬᠢ ᠠᠪᠴᠤ ᠱᠦᠬᠦᠢ | ᠳᠡᠭᠡᠨ ᠬᠢᠬᠦ ᠤᠬᠠᠭᠠᠨ ᠤᠷᠤᠭᠰᠠᠨ ᠪᠢᠯᠨ᠃ | ᠬᠠᠯᠠᠮᠴᠠᠭᠰᠠᠨ ᠨᠠᠶᠢᠵᠠ ᠤᠳ ᠢ ᠶᠠᠪᠤᠬᠤ ᠪᠠᠷ ᠡᠯᠬᠦᠬᠦᠷ ᠤᠨ ᠲᠡᠷᠭᠡᠳᠠ ᠱᠤᠤᠬᠢᠯᠳᠤᠵᠤ ᠪᠠᠶᠢᠬᠤ | ᠳᠤᠨᠢ ᠰᠢᠯ ᠠᠷᠢᠬᠢ ᠪᠠᠨ ᠪᠠᠷᠢᠨ ᠤᠴᠢᠵᠤ ᠵᠤᠷᠢᠭᠳᠤ ᠳᠤ ᠦᠭᠬᠦ ᠳᠤ᠄ ︽ᠡᠨᠡ ᠴᠢᠨᠢ ᠶᠠᠭᠤ ᠪᠤᠢ︾ ᠬᠡᠵᠤ | ᠴᠠᠭᠠᠳᠤᠬᠢ ᠨᠢ ᠭᠠᠶᠢᠬᠠᠯᠠ᠃ | ︽ᠪᠢᠳᠡᠨ ᠳᠤ ᠴᠢᠨᠢ ᠮᠦᠩᠬᠦ ᠪᠠᠨ ᠁︾ ᠬᠡᠵᠤ ᠨᠢᠭᠡ ᠨᠢ ᠬᠠᠯᠠᠭᠠᠰᠤ ᠪᠠᠨ ᠲᠡᠮᠳᠡᠷᠢᠪᠡ᠃ | ᠬᠡᠰᠢᠭ᠄ ︽ᠲᠠ ᠨᠠᠷ ᠲᠤ ᠬᠦᠮᠦᠨ ᠦᠭᠬᠦᠬᠦᠯᠦᠭᠰᠡᠨ ᠶᠤᠮ︾ ᠬᠡᠵᠤ ᠡᠭᠡᠷᠡᠨ ᠲᠦᠭᠳᠡᠷᠡᠨ ᠬᠡᠯᠡᠭᠡᠳ᠂ ᠤᠯᠠᠶᠢᠵᠤ | ᠴᠢᠨᠦᠷᠡᠭᠰᠡᠨ ᠨᠢᠭᠤᠷ ᠢᠶᠠᠨ ᠨᠢᠭᠤᠬᠤ ᠬᠡᠰᠡᠨ ᠮᠡᠳᠤ ᠶᠠᠭᠠᠷᠠᠨ ᠡᠷᠬᠢᠵᠤ ᠪᠢᠯᠨ᠃ ᠲᠡᠭᠡᠭᠡᠳ ᠲᠡᠳᠡᠨ ᠤ ᠰᠢᠷᠡᠭᠡ ᠶᠢ | ᠴᠡᠪᠡᠷᠯᠡᠬᠦ ᠳᠡᠭᠡᠨ ᠵᠤᠷᠢᠭᠳᠤ ᠶᠢᠨ ᠤᠤᠭᠤᠵᠤ ᠪᠠᠶᠢᠭᠰᠠᠨ ᠬᠤᠨᠳᠠᠭᠠ᠂ ᠲᠠᠳᠠᠵᠤ ᠪᠠᠶᠢᠭᠰᠠᠨ ᠲᠠᠮᠠᠬᠢᠨ ᠤ ᠬᠢᠨᠢ ᠡᠰᠢ | ᠶᠢ ᠦᠪᠡᠷ ᠢᠶᠠᠨ ᠪᠠᠷᠤᠭ ᠮᠡᠳᠡᠯ ᠦᠭᠡᠢ ᠠᠪᠤᠭᠠᠳ ᠱᠦᠬᠦᠢ ᠳᠡᠭᠡᠨ ᠬᠢᠭᠰᠡᠨ ᠰᠡᠨ᠃ ᠤᠳᠤ ᠬᠦᠷᠳᠡᠯᠠ | ᠪᠦᠳᠡᠬᠢᠷᠡᠭᠰᠡᠨ ᠲᠠᠳᠠᠯᠠᠪᠤᠷᠢ᠂ ᠬᠠᠳᠠᠵᠤ ᠦᠷᠴᠡᠶᠢᠭᠰᠡᠨ ᠲᠠᠮᠠᠬᠢᠨ ᠤ ᠡᠰᠢ᠂ ᠨᠢᠭᠡ ᠰᠢᠯᠦᠨ ᠬᠤᠨᠳᠠᠭᠠ ᠲᠡᠬᠦᠨ ᠳᠤ | ᠬᠠᠳᠠᠭᠠᠯᠠᠰᠤᠳᠠᠢ ᠪᠠᠶᠢᠭᠠ᠃ | ᠬᠠᠶᠠ ᠨᠢᠭᠡ ᠲᠡᠳᠡᠭᠡᠷ ᠢ ᠦᠵᠡᠬᠦ ᠳᠤ ︽ᠶᠠᠭ ᠯᠡ ᠲᠡᠷᠨ ᠴᠠᠭ ᠤᠨ ᠢᠶᠠᠷ ᠨᠢ ᠵᠤᠷᠢᠭᠳᠤ | ᠶᠢᠨ ᠵᠢᠰᠤ ᠶᠢ ᠰᠡᠳᠬᠢᠯ ᠳᠡᠭᠡᠨ ᠬᠠᠷᠠᠵᠤ᠂ ᠤᠳᠤ ᠬᠠᠮᠢᠭᠠ᠂ ᠶᠠᠭᠠᠬᠢᠰᠬᠢᠵᠤ ᠶᠠᠪᠤᠳᠠᠭ ᠪᠤᠯ︾ ᠬᠡᠵᠤ ᠪᠤᠳᠤᠳᠠᠭ | ᠪᠠᠶᠢᠯᠠ᠃ | ᠶᠠᠪᠤᠭᠠᠨ ᠳᠠᠭᠠᠨ ᠡᠬᠢᠨ ᠤ ᠦᠶᠠ ᠶᠢᠨ ᠬᠢ ᠰᠢᠭ ᠦᠷᠬᠦᠯᠵᠢ ᠪᠤᠳᠤᠨ ᠵᠢᠷᠦᠭᠡ ᠨᠢ ᠰᠢᠮᠰᠢᠷᠡᠬᠦ | ᠪᠠᠨ ᠪᠤᠯᠢᠵᠠᠢ᠃ ᠬᠡᠳᠡᠯᠠ ᠦᠨᠦᠳᠦᠷ ᠪᠠᠷᠠ ᠶᠢ ᠨᠢ ᠬᠠᠷᠠᠭᠠᠳ ᠳ᠋ᠠᠬᠢᠨ ᠡᠯᠢᠭᠡ ᠡᠮᠳᠡᠷᠡᠵᠤ᠂ ᠰᠡᠳᠬᠢᠯ ᠨᠢ ᠱᠠᠷᠬᠢᠷᠠᠬᠤ | ᠰᠢᠭ᠋ ᠪᠤᠯᠪᠠ᠃ ︽ᠡᠶᠢᠮᠤ ᠪᠤᠯᠴᠢᠬᠠᠭᠰᠠᠨ ᠶᠠᠪᠤᠬᠤ ᠬᠡᠵᠤ᠃ ᠬᠤᠷᠸᠠ ᠲᠡᠬᠦᠨ ᠢᠶᠠᠷ ᠶᠠᠭᠠᠬᠢᠭᠰᠠᠨ ᠬᠠᠳᠠᠭᠤ | ᠲᠤᠭᠯᠠᠭᠠ ᠪᠤᠢ︾ ᠬᠡᠵᠤ ᠪᠤᠳᠤᠬᠤ ᠳᠤ ᠬᠡᠨ ᠳᠤ ᠴᠤ᠂ ᠶᠠᠭᠤᠨ ᠳᠤ ᠴᠤ ᠶᠤᠮ ᠪᠤᠢ ᠭᠤᠮᠤᠳᠠᠨ ᠭᠤᠤᠯ ᠨᠢ | ᠬᠠᠷᠠᠯᠠᠵᠤ ᠪᠠᠶᠢᠪᠠ᠃ | ᠵᠤᠷᠢᠭᠳᠤ ᠶᠢ ᠶᠠᠪᠤᠭᠠᠳ ᠵᠢᠯ ᠭᠠᠷᠤᠢ ᠪᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠢᠳᠡᠷ ᠠᠴᠠ ᠨᠢᠭᠡ ᠤᠳᠠᠭᠠ | ᠰᠤᠷᠠᠭᠯᠠᠪᠠᠯ ︽ᠰᠠᠶᠢᠨ ᠶᠠᠪᠤᠨᠠ᠃ ᠵᠢᠷᠤᠭ ᠨᠢ ᠦᠵᠡᠰᠬᠦᠯᠡᠩ ᠳᠤ ᠲᠠᠯᠪᠢᠭᠳᠠᠭᠰᠠᠨ ᠮᠡᠳᠡᠭᠡ ᠰᠤᠨᠢᠨ ᠲᠡᠭᠡᠷᠠ | ᠭᠠᠷᠤᠭᠰᠠᠨ ᠪᠠᠶᠢᠨᠠ ᠯᠠᠢ︾ ᠬᠡᠰᠡᠨ ᠰᠡᠨ᠃ ᠰᠠᠶ᠋ᠢᠬᠠᠨ ᠪᠠᠰᠠ ᠨᠢᠭᠡ ᠨᠠᠶᠢᠵᠠ ᠨᠢ ᠬᠡᠰᠢᠭ ᠤᠨ ᠭᠤᠸᠠᠨᠵᠠᠨ ᠳᠤ | ᠬᠤᠭᠤᠯᠠᠯᠠᠬᠤ ᠵᠠᠭᠤᠷᠠ ᠪᠠᠨ ︽ᠪᠢ ᠰᠠᠶ᠋ᠢᠬᠠᠨ ᠬᠤᠳᠠ ᠤᠷᠤᠭᠠᠳ ᠢᠷᠡᠯᠠ᠃ ᠮᠠᠨ ᠤ ᠠᠳᠠ ᠪᠠᠶᠢᠭᠰᠠᠨ ᠳ᠋ᠠ᠂ | ᠶᠠᠭᠠᠬᠢᠪᠠ ᠪᠢᠳᠠᠨ ᠤ ᠨᠠᠶᠢᠵᠠ ᠵᠤᠷᠢᠭᠳᠤ ᠠᠷᠢᠬᠢᠨ ᠳᠤ ᠪᠦᠷ ᠤᠷᠤᠴᠢᠬᠠᠵᠠᠢ᠃ ᠡᠪᠦᠭᠡᠨᠳᠤ ᠶᠢᠨ ᠬᠢᠨ ᠤ ᠨᠢᠭᠡ | ᠪᠤᠯᠴᠢᠬᠠᠵᠤ᠃ ᠪᠢ ᠲᠠᠭᠠᠷᠢᠯᠳᠤᠴᠢᠬᠠᠭᠠᠳ ᠬᠡᠳᠦᠨ ᠴᠠᠭᠠᠰᠤ ᠦᠭᠴᠤ ᠠᠷᠠᠢ ᠬᠡᠵᠤ ᠰᠠᠯᠤᠯᠠ︾ ᠬᠡᠮᠡᠨ ᠰᠤᠨᠢᠨ | ᠪᠤᠯᠭᠠᠬᠤ ᠳᠤ ᠬᠡᠰᠢᠭ ᠶᠠᠭᠤ ᠬᠡᠬᠦ ᠪᠠᠨ ᠮᠡᠳᠡᠬᠦ ᠦᠭᠡᠢ ᠬᠡᠰᠡᠭ ᠵᠤᠭᠰᠤᠭᠠᠳ ︽ᠬᠦᠭᠡᠷᠦᠬᠦᠢ ᠳ᠋ᠧ︾ ᠬᠡᠮᠡᠨ ᠰᠠᠨᠠᠭᠠ | ᠠᠯᠳᠠᠭᠰᠠᠨ ᠪᠤᠯᠪᠠᠴᠤ ᠯᠠᠪᠳᠠᠢ ᠢᠳᠡᠭᠡᠭᠰᠡᠨ ᠦᠭᠡᠢ ᠪᠢᠯᠨ᠃ | ᠰᠠᠬᠦᠯ ᠤᠨ ᠠᠷᠪᠠᠨ ᠵᠢᠯ ᠵᠤᠷᠢᠭᠳᠤ ᠶᠢ ᠪᠤᠳᠤᠭᠰᠠᠨ ᠨᠢ ᠲᠠᠩᠴᠢ ᠴᠦᠭᠡᠨ᠂ ᠬᠠᠶᠠᠬᠠᠨ ᠨᠢᠭᠡ | ᠪᠤᠳᠤᠬᠤ ᠳᠠᠭᠠᠨ ᠦᠪᠡᠷ ᠤᠨ ᠢᠶᠠᠨ ᠬᠡᠨᠡᠨ ᠬᠤᠩᠭᠤᠷ ᠶᠠᠪᠤᠭᠰᠠᠨ ᠴᠠᠭ ᠢᠶᠠᠨ ᠦᠷᠦᠪᠳᠦᠯᠳᠠᠶᠢᠬᠡᠨ ᠲᠤᠷᠠᠰᠤᠳᠠᠭ | ᠪᠠᠶᠢᠨᠠ᠃ ᠦᠨᠡᠨᠳᠡᠭᠡᠨ ᠲᠡᠬᠦᠨ ᠢ ᠪᠤᠳᠤᠭᠠᠳ ᠪᠠᠶᠢᠬᠤ ᠴᠠᠭ ᠵᠠᠪ ᠪᠠᠭᠠ ᠪᠠᠶᠢᠭᠰᠠᠨ ᠪᠠᠶᠢᠬᠤ᠃ ᠬᠤᠪᠢ ᠵᠠᠶᠠᠭᠠᠨ ᠤ | ᠱᠠᠩᠨᠠᠯ ᠮᠡᠳᠤ ᠰᠠᠶᠢᠨ ᠬᠦᠮᠦᠨ ᠲᠠᠢ ᠤᠴᠠᠷᠠᠵᠤ᠂ ᠦᠶᠠ ᠴᠠᠭ ᠤᠨ ᠢᠶᠠᠨ ᠠᠶᠠᠰ ᠢ ᠲᠠᠭᠠᠨ ᠨᠤᠶᠢᠷ᠂ ᠪᠡᠶᠠ | ᠬᠠᠶᠢᠷᠠᠯᠠᠯ ᠦᠭᠡᠢ ᠵᠢᠳᠬᠦᠭᠰᠡᠨ ᠤ ᠬᠦᠴᠦᠨ ᠳᠤ ᠪᠤᠰᠤᠳ ᠤᠨ ᠭᠠᠷ ᠬᠠᠷᠠᠯ ᠦᠭᠡᠢ ᠪᠤᠯᠤᠭᠰᠠᠨ᠃ ᠰᠠᠶᠢᠨ ᠬᠠᠨᠢ | ᠶᠢᠨ ᠤᠬᠠᠭᠠᠨ᠂ ᠬᠤᠪᠢ ᠶᠢᠨ ᠵᠢᠳᠬᠦᠯ ᠢᠶᠠᠷ ᠤᠳᠤ ᠪᠤᠯ ᠦᠪᠡᠷ ᠤᠨ ᠭᠤᠸᠠᠨᠵᠠ᠂ ᠬᠦᠨᠡᠰᠦᠨ ᠤ ᠦᠢᠯᠡᠳᠪᠤᠷᠢ᠂ | ᠲᠡᠯᠭᠡᠬᠦᠷ ᠲᠠᠢ ᠪᠤᠯᠵᠤ᠂ ᠨᠤᠳᠤᠭ ᠤᠨ ᠢᠶᠠᠨ ︽ᠶᠡᠭᠡᠴᠦᠳ︾ ᠤᠨ ᠲᠤᠭᠠᠨ ᠳᠤ ᠤᠷᠤᠬᠤ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ | ᠰᠠᠶ᠋ᠢ ᠠᠵᠢᠯ ᠬᠦᠭᠡᠭᠡᠴᠡᠯᠳᠦᠬᠦ ᠲᠠᠯᠢᠮ ᠳᠠᠭᠠᠨ ᠠᠮᠠᠷᠠᠵᠤ ᠪᠠᠶᠢᠭᠠ ᠲᠤᠮᠤ ᠬᠦᠤ ᠳᠡᠭᠡᠨ ᠬᠤᠳᠠ | ᠦᠵᠡᠬᠦᠯᠬᠦ ᠪᠠᠷ ᠨᠡᠶᠢᠰᠯᠡᠯ ᠳᠤ ᠢᠷᠡᠬᠦ ᠳᠡᠭᠡᠨ ᠵᠤᠷᠢᠭᠳᠤ ᠲᠠᠢ ᠲᠠᠭᠠᠷᠢᠯᠳᠤᠨᠠ ᠴᠢᠨᠡᠭᠡ ᠤᠭᠳᠤ ᠪᠤᠳᠤᠭᠰᠠᠨ ᠦᠭᠡᠢ᠃ | ᠲᠡᠭᠡᠳᠡᠯᠠ ᠰᠠᠶ᠋ᠢ ᠪᠠᠷᠠ ᠶᠢ ᠨᠢ ᠬᠠᠷᠠᠵᠤ᠂ ᠡᠷᠳᠠ ᠵᠠᠯᠠᠭᠤ ᠶᠢᠨ ᠲᠤᠷᠠᠳᠬᠠᠯ ᠵᠢᠷᠦᠭᠡ ᠶᠢ ᠨᠢ ᠰᠢᠮᠰᠢᠷᠡᠬᠦᠯᠬᠦ ᠨᠢ | ᠡᠨᠡ᠃ ︽ᠨᠠᠳᠠᠳᠤ ᠬᠡᠮ ᠬᠢᠭᠰᠡᠨ ᠪᠢᠰᠢ ᠳ᠋ᠧ᠃ ᠵᠢᠭᠠᠬᠠᠨ ᠲᠤᠰᠠ ᠪᠤᠯᠬᠤ ᠰᠠᠨ᠃ ᠵᠠ ᠪᠠᠶᠢᠵᠠ ᠁ | ᠶᠠᠭᠠᠬᠢᠬᠤᠪ︾ ᠬᠡᠵᠤ ᠪᠤᠳᠤᠭᠠᠳ ᠮᠠᠰᠢᠨ ᠢᠶᠠᠨ ᠠᠰᠠᠭᠠᠨ᠂ ᠪᠠᠭᠤᠳᠠᠯ ᠳᠤ ᠬᠦᠯᠢᠶᠡᠵᠤ ᠪᠠᠶᠢᠭᠠ ᠬᠦᠤ ᠤᠷᠤᠭᠤ ᠪᠠᠨ | ᠶᠠᠪᠤᠯᠠ᠃ | ᠁ ᠬᠤᠶᠠᠷ ᠬᠤᠨᠤᠭ ᠤᠨ ᠲᠠᠷᠠᠭᠠ᠃ ᠦᠨᠦᠭᠢ ᠲᠡᠯᠭᠡᠬᠦᠷ ᠠᠴᠠ ᠨᠡᠯᠢᠶᠡᠳ ᠵᠠᠶᠢᠳᠠᠢ | ᠵᠤᠭᠰᠤᠭᠠᠯ ᠲᠡᠭᠡᠷᠠ ᠬᠡᠰᠢᠭ ᠵᠤᠷᠢᠭᠳᠤ ᠶᠢ ᠬᠦᠯᠢᠶᠡᠵᠤ᠂ ᠮᠠᠰᠢᠨ ᠲᠤᠳᠤᠷᠠ ᠪᠠᠨ ᠰᠠᠭᠤᠵᠤ ᠪᠠᠶᠢᠯᠠ᠃ ︽ᠲᠡᠷᠨ | ᠬᠦᠮᠦᠨ ᠴᠢᠨᠢ ᠢᠷᠡᠬᠦ ᠦᠭᠡᠢ ᠪᠤᠯ ᠶᠠᠭᠠᠬᠢᠬᠤ ᠶᠤᠮ ᠪᠤᠢ︾ ᠬᠡᠵᠤ ᠶᠢᠰᠦᠨ ᠨᠠᠰᠤᠳᠠᠢ ᠬᠦᠤ ᠨᠢ ᠦᠢᠳᠠᠭᠰᠠᠨ | ᠶᠠᠩᠵᠤ ᠲᠠᠢ ᠠᠰᠠᠭᠤᠪᠠ᠃ ︽ᠢᠷᠡᠬᠦ ᠪᠠᠶᠢᠬᠠ︾ ᠬᠡᠵᠤ ᠬᠡᠰᠢᠭ ᠲᠤᠩ ᠢᠳᠡᠭᠡᠯ ᠦᠭᠡᠢ ᠶᠠᠩᠵᠤᠳᠠᠢ ᠬᠡᠯᠡᠭᠡᠳ | ᠤᠷᠢᠳᠤᠬᠢ ᠬᠠᠶᠢᠷᠴᠠᠭ ᠢᠶᠠᠨ ᠨᠡᠭᠡᠭᠡᠵᠤ᠂ ᠪᠠᠨᠳᠠᠭᠠᠷ ᠲᠤᠭᠳᠤᠢ ᠶᠢ ᠬᠠᠷᠠᠪᠠ᠃ ᠲᠡᠬᠦᠨ ᠲᠤᠳᠤᠷᠠ ︽ᠰᠠᠶᠢᠨ ᠪᠠᠶᠢᠨᠤ | ᠂ ᠵᠤᠷᠢᠭᠳᠤ ᠡ︕ ᠡᠨᠡ ᠬᠡᠳᠦᠨ ᠴᠠᠭᠠᠰᠤ ᠪᠠᠷ ᠬᠤᠪᠴᠠᠰᠤ ᠠᠪᠤᠭᠠᠷᠠᠢ᠃ ᠠᠭᠤᠯᠵᠠᠬᠤ ᠪᠤᠯᠤᠮᠵᠢ ᠭᠠᠷᠤᠭᠰᠠᠨ | ᠦᠭᠡᠢ᠃ ᠴᠢᠮᠠ ᠶᠢ ᠬᠦᠨᠳᠦᠳᠭᠡᠭᠴᠢ︾ ᠬᠡᠰᠡᠨ ᠵᠤᠷᠪᠤᠰ᠂ ᠬᠤᠶᠠᠷ ᠵᠠᠭᠤᠨ ᠮᠢᠩᠭᠠᠨ ᠲᠦᠬᠦᠷᠢᠭ ᠬᠢᠭᠰᠡᠨ ᠶᠤᠮ | ᠪᠠᠶᠢᠵᠠᠢ᠃ | ᠲᠡᠭᠡᠵᠤ ᠪᠠᠶᠢᠳᠠᠯᠠ ᠵᠤᠷᠢᠭᠳᠤ ᠦᠪᠡᠷ ᠰᠢᠭ ᠢᠶᠠᠨ ᠨᠢᠭᠡ ᠬᠦᠮᠦᠨ ᠲᠠᠢ ᠬᠠᠮᠳᠤ ᠲᠡᠯᠭᠡᠬᠦᠷ | ᠤᠷᠤᠭᠤ ᠢᠷᠡᠪᠡ᠃ ᠶᠠᠭ ᠯᠡ ᠬᠤᠶᠠᠷ ᠬᠤᠨᠤᠭ ᠤᠨ ᠡᠮᠦᠨᠡᠬᠢ ᠶᠠᠩᠵᠤ ᠪᠠᠷ ᠢᠶᠠᠨ ᠶᠠᠪᠤᠨᠠ᠃ ᠴᠤᠭ ᠶᠠᠪᠤᠭᠠ | ᠬᠦᠮᠦᠨ ᠨᠢ ᠴᠠᠮᠴᠨ ᠪᠤᠯᠤᠯᠳᠠᠢ ᠨᠢᠭᠡ ᠶᠠᠭᠤᠮᠠ ᠭᠠᠷ ᠲᠡᠭᠡᠷᠠ ᠪᠠᠨ ᠲᠤᠬᠤᠵᠠᠢ᠃ ᠲᠡᠳᠠ ᠦᠨᠦᠬᠢ ᠶᠠᠭᠤᠮᠠ ᠪᠠᠨ | ᠲᠡᠯᠭᠡᠬᠦᠷ ᠠᠴᠠ ᠭᠠᠷᠴᠤ ᠢᠷᠡᠭᠰᠡᠨ ᠬᠤᠶᠠᠷ ᠴᠤ ᠪᠦᠰᠡᠬᠦᠢ ᠳᠤ ᠦᠵᠡᠬᠦᠯᠪᠡ᠃ ᠡᠮᠡᠭᠳᠠᠢ ᠬᠦᠮᠦᠨ ᠤ ᠯᠡ | ᠬᠤᠪᠴᠠᠰᠤ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ ᠨᠠᠶᠢᠵᠠ ᠨᠢ ᠭᠠᠷ ᠰᠤᠩᠭᠠᠨ ᠦᠨᠦᠬᠢ ᠪᠠᠨ ᠦᠵᠡᠬᠦᠯᠵᠤ᠂ ᠵᠤᠷᠢᠭᠳᠤ ᠭᠠᠷ | ᠬᠤᠷᠤᠭᠤ ᠪᠠᠨ ᠭᠤᠵᠤᠭᠤᠨᠠᠭᠤᠯᠤᠨ ᠶᠠᠭᠤᠮᠠ ᠶᠠᠷᠢᠬᠤ ᠨᠢ ︽ᠷᠢᠺᠯᠠᠮᠳᠠᠵᠤ︾ ③ ᠪᠠᠶᠢᠭᠠ ᠬᠡᠷᠡᠭ᠃ | ᠬᠡᠰᠢᠭ ᠲᠤᠭᠳᠤᠢ ᠪᠠᠨ ᠠᠪᠴᠤ ᠬᠦᠤ ᠳᠡᠭᠡᠨ ᠦᠭᠬᠦᠭᠡᠳ᠄ ︽ᠰᠠᠶᠢᠨ ᠬᠠᠷᠠᠵᠤ ᠠᠪ᠃ ᠲᠡᠷᠨ | ᠨᠤᠭᠤᠭᠠᠨ ᠴᠤᠪ ᠲᠠᠢ᠂ ᠡᠬᠦᠷᠦᠪᠴᠢ ᠲᠠᠢ ᠬᠦᠮᠦᠨ ᠳᠤ ᠦᠭᠬᠦ ᠶᠠᠭᠤᠮᠠ︾ ᠬᠡᠪᠡ᠃ | ︽ᠡᠨᠡ ᠴᠢᠨᠢ ᠶᠠᠭᠤ ᠶᠤᠮ ᠪᠤᠢ︖ ᠴᠢ ᠬᠡᠨ ᠤ ᠬᠦᠤ ᠪᠤᠢ ᠬᠡᠪᠡᠯ ᠶᠠᠭᠠᠬᠢᠬᠤ ᠶᠤᠮ ᠪᠤᠢ︖︾ | | ︽ᠲᠠᠨ ᠳᠤ ᠬᠦᠮᠦᠨ ᠦᠭᠬᠦᠬᠦᠯᠦᠭᠰᠡᠨ ᠶᠤᠮ ᠬᠡᠵᠤ ᠬᠡᠯᠡᠭᠡᠷᠡᠢ ᠬᠡᠵᠤ ᠴᠢᠮᠠᠳᠤ ᠬᠡᠯᠡᠭᠰᠡᠨ | ᠬᠡᠯᠡᠭᠰᠡᠨ ᠰᠢᠤ ᠳ᠋ᠧ᠃ ᠲᠡᠭᠡᠵᠤ ᠬᠡᠯᠡᠩᠬᠦᠳᠠ ᠭᠠᠷ ᠲᠤᠨᠢ ᠪᠠᠷᠢᠭᠤᠯᠴᠢᠬᠠᠭᠠᠳ ᠱᠠᠯᠠᠪᠬᠠᠨ ᠲᠡᠯᠭᠡᠬᠦᠷ ᠤᠨ ᠴᠠᠭᠠᠭᠤᠷ | ᠲᠤᠭᠤᠷᠢᠭᠠᠳ ᠬᠦᠷᠦᠭᠡᠳ ᠢᠷᠡ︾ ᠬᠡᠪᠡ᠃ ᠦᠢᠯᠨ ᠶᠠᠪᠤᠳᠠᠯ ᠬᠤᠷᠤᠮᠬᠠᠨ ᠵᠠᠭᠤᠷᠠ ᠳᠤ ᠪᠤᠯᠪᠠ᠃ ᠬᠦᠤ ᠶᠢ | ᠲᠡᠯᠭᠡᠬᠦᠷ ᠲᠤᠭᠤᠷᠢᠨ ᠠᠯᠠᠭᠠ ᠪᠤᠯᠬᠤ ᠳᠤ ᠭᠠᠶᠢᠬᠠᠵᠤ ᠠᠯᠮᠠᠶᠢᠷᠠᠭᠰᠠᠨ ᠵᠤᠷᠢᠭᠳᠤ ᠡᠷᠬᠢᠨ ᠲᠤᠭᠤᠷᠢᠨ ᠢᠶᠠᠨ ᠨᠢᠭᠡ | ᠬᠠᠷᠠᠭᠠᠳ ᠲᠤᠭᠳᠤᠢ ᠶᠢ ᠵᠠᠳᠠᠯᠪᠠ᠃ ᠲᠡᠬᠦᠨ ᠢ ᠵᠤᠷᠪᠤᠰ ᠤᠩᠰᠢᠵᠤ ᠪᠠᠶᠢᠬᠤ ᠳᠤ ᠮᠦᠩᠬᠦ ᠬᠠᠷᠠᠭᠰᠠᠨ ᠨᠠᠶᠢᠵᠠ ᠨᠢ | ᠢᠨᠢᠶᠡᠳᠤ ᠠᠯᠳᠠᠨ ᠦᠨᠦᠬᠢ ᠴᠠᠮᠴᠠ ᠪᠠᠷ ᠢᠶᠠᠨ ᠲᠠᠯᠠᠯᠤᠨ ᠲᠡᠪᠬᠡᠴᠡᠬᠦ ᠲᠦᠬᠦᠵᠤ ᠪᠠᠶᠢᠨᠠ᠃ ᠵᠤᠷᠢᠭᠳᠤ ᠬᠡᠪ | ᠬᠡᠨᠡᠳᠳᠠ ᠪᠤᠷᠬᠠᠨ ᠳᠤ ᠲᠡᠪᠡᠷᠢᠬᠦᠯᠦᠭᠰᠡᠨ ᠮᠡᠳᠤ ᠭᠠᠶᠢᠬᠠᠭᠰᠠᠨ ᠮᠦᠷᠳᠡᠯᠠ ᠪᠠᠨ ᠪᠠᠶᠠᠷ ᠬᠡᠷᠡᠯᠳᠦᠭᠰᠡᠨ ᠨᠢᠳᠤ ᠪᠠᠷ | ᠬᠦᠯᠢᠷᠡᠨ ᠵᠤᠭᠰᠤᠪᠠ᠃ | ᠬᠡᠰᠢᠭ ᠮᠠᠰᠢᠨ ᠢᠶᠠᠨ ᠠᠰᠠᠭᠠᠨ ᠬᠦᠳᠡᠯᠦᠯᠠ᠃ ᠲᠤᠯᠢᠨ ᠳᠠᠭᠠᠨ ᠬᠠᠷᠠᠪᠠᠯ ᠵᠤᠷᠢᠭᠳᠤ ᠬᠤᠶᠢᠨᠠ | ᠠᠴᠠ ᠨᠢ ᠠᠵᠢᠭᠯᠠᠵᠤ ᠪᠠᠶᠢᠬᠤ ᠰᠢᠭ᠋ ᠰᠠᠨᠠᠭᠳᠠᠵᠠᠢ᠃ | ︽ᠡᠵᠢ ᠡ᠂ ᠡᠨᠡ ᠬᠡᠨ ᠬᠡᠳᠡᠭ ᠬᠦᠮᠦᠨ ᠪᠤᠢ︖︾ | ︽ᠡᠵᠢ ᠨᠢ ᠲᠠᠨᠢᠬᠤ ᠦᠭᠡᠢ ᠶᠤᠮ ᠪᠢᠯᠠ᠃︾ | ︽ᠲᠡᠭᠡᠪᠡᠯ ᠲᠠ ᠶᠠᠭᠠᠬᠢᠭᠠᠳ ᠶᠠᠭᠤᠮᠠ ᠦᠭᠴᠤ ᠪᠠᠶᠢᠭᠠ ᠶᠤᠮ ᠪᠤᠢ︖︾ | ︽ᠶᠠᠳᠠᠷᠠᠭᠰᠠᠨ ᠠᠮᠢᠳᠠᠨ ᠳᠤ ᠪᠤᠶᠠᠨ ᠪᠤᠯᠤᠭ ᠬᠡᠳ ᠁︾ ᠬᠡᠰᠡᠨ ᠳᠤ ᠬᠦᠤ ᠲᠠᠬᠢᠭᠠᠳ | ᠶᠠᠭᠤᠮᠠ ᠠᠰᠠᠭᠤᠭᠰᠠᠨ ᠦᠭᠡᠢ᠃ ᠬᠡᠰᠢᠭ ︽ᠠᠮᠢᠳᠤᠷᠠᠯ ᠤᠨ ᠬᠤᠤᠷᠯᠠᠩᠳᠠᠢ ᠲᠤᠭᠯᠠᠭᠠᠮ ᠢ ᠲᠠᠭᠠᠭᠠᠭᠠ | ᠦᠭᠡᠢ ᠬᠦᠭᠡᠷᠦᠬᠦᠢ ᠮᠢᠨᠢ︕ ᠵᠠ ᠪᠤᠶᠠᠨ ᠢᠶᠠᠷ ᠢᠶᠠᠨ ᠪᠤᠯᠤᠭ ᠳ᠋ᠧ︾ ᠬᠡᠵᠤ ᠪᠤᠳᠤᠭᠠᠳ ᠬᠤᠷᠳᠤ ᠪᠠᠨ ᠨᠡᠮᠡᠯᠠ᠃ | ᠲᠡᠬᠦᠨ ᠤ ᠲᠤᠤᠭᠤᠷ ᠲᠤᠯᠢᠭᠠᠷ ᠬᠠᠷᠠ ᠵᠠᠮ ᠤᠷᠤᠰᠴᠤ᠂ ᠤᠯᠠᠨ ᠮᠠᠰᠢᠨ ᠦᠩᠭᠡᠷᠡᠵᠤ ᠪᠠᠶᠢᠳᠠᠭ ᠡᠳᠦᠷ ᠤᠳ ᠰᠢᠭ᠋ | ᠵᠦᠷᠢᠵᠤ ᠪᠠᠶᠢᠪᠠ᠃ | | ᠲᠠᠶᠢᠯᠪᠤᠷᠢ᠄ | ① ᠷᠧᠰᠲ᠋ᠤᠷᠠᠨ — ᠬᠤᠭᠤᠯᠠᠨ ᠬᠡᠷ᠃ | ② ᠪᠤᠹᠢᠲ — ᠦᠪᠡᠷ ᠢᠶᠠᠨ ᠦᠢᠯᠡᠴᠢᠯᠡᠳᠡᠭ ᠬᠤᠭᠤᠯᠨ᠃ | ③ ᠷᠢᠺᠯᠠᠮ — ᠵᠠᠷ᠃ | | ︵www.biirbeh.mn ᠠᠴᠠ ᠬᠦᠷᠪᠡᠬᠦᠯᠪᠡ︶ | |