ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠡᠬᠡ ︵ᠪᠢᠴᠢᠯᠯᠡᠭᠡ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2014/11/20
           ᠦᠷᠯᠦᠬᠡ ᠪᠤᠯᠬᠤ ᠳᠤ ᠠᠩᠬᠠᠨ ᠤ ᠴᠠᠰᠤ ᠠᠭᠤᠯᠠ ᠲᠠᠯ᠎ᠠ ᠶᠢ ᠨᠡᠶᠢᠳᠡᠮ ᠪᠦᠷᠬᠦᠵᠡᠢ᠃                 ᠡᠬᠡ ᠶᠢᠨ ᠬᠠᠯᠠᠭᠤᠨ ᠠᠮᠢᠰᠬᠤᠯ ᠢᠶᠠᠷ ᠲᠡᠷᠡ ᠠᠮᠳᠠᠳᠤ ᠨᠤᠶᠢᠷ ᠠᠴᠠ ᠪᠠᠨ ᠰᠡᠷᠢᠪᠠ᠃                 ᠡᠬᠡ ᠲᠡᠭᠦᠨ ᠢ ᠲᠠᠭᠠᠭᠤᠯᠤᠨ ᠬᠢᠷ᠎ᠡ ᠲᠠᠭᠠᠵᠤ ᠴᠠᠰᠤ ᠨᠢᠮᠭᠡᠨ ᠭᠠᠵᠠᠷ ᠤᠨ ᠡᠪᠡᠰᠦᠨ ᠨᠠᠮᠠᠭ᠎ᠠ ᠎ ᠶᠢ ᠲᠠᠰᠤᠳᠠᠨ ᠢᠳᠡᠰᠢᠯᠡᠨ᠎ᠡ᠃                 ᠴᠠᠰᠤ ᠤᠷᠤᠵᠤ ᠵᠢᠩ ᠲᠠᠭᠠᠭᠠᠭᠰᠠᠨ ᠤ ᠬᠢ ᠴᠦ ᠪᠤᠯᠪᠠᠤ ᠡᠨᠡ ᠡᠳᠦᠷ ᠡᠬᠡ ᠲᠡᠭᠦᠨ ᠤ ᠨᠢᠳᠦᠨ ᠳᠤ ᠠᠯᠢ ᠴᠦ ᠡᠳᠦᠷ ᠠᠴᠠ ᠢᠯᠡᠬᠦᠦ ᠤᠨᠴᠠ ᠶᠢᠨ ᠲᠤᠯᠠᠭᠠᠬᠠᠨ ᠬᠠᠷᠠᠭᠳᠠᠵᠠᠢ᠃                 ᠴᠠᠰᠤᠨ ᠤ ᠵᠢᠩᠬᠡᠷᠭᠡ ᠳᠤ ᠲᠡᠭᠦᠨ ᠤ ᠪᠠᠶ᠎ᠠ ᠦᠶ᠎ᠡ ᠦᠶ᠎ᠡ ᠵᠢᠪᠡᠬᠦᠴᠡᠭᠦ ᠪᠤᠯᠪᠠᠴᠤ᠂ ᠡᠭᠡ ᠶᠢᠨ ᠪᠡᠶ᠎ᠡ ᠰᠡᠳᠬᠢᠯ ᠤᠨ ᠬᠠᠶᠢᠷ᠎ᠠ ᠢᠯᠴᠢ ᠲᠡᠭᠦᠨ ᠵᠦᠭ ᠬᠠᠷᠠᠮ ᠦᠭᠡᠢ ᠨᠦᠬᠡᠯᠡᠨ ᠨᠦᠬᠡᠯᠡᠨ᠂ ᠠᠩᠬ᠎ᠠ ᠴᠠᠰᠤᠨ ᠤ ᠬᠦᠢᠳᠡᠨ ᠵᠢᠩ ᠢ ᠦᠶ᠎ᠡ ᠦᠶ᠎ᠡ ᠠᠭᠤᠰᠬᠠᠵᠤ ᠪᠠᠶᠢᠪᠠ᠃                 ᠬᠡᠨᠡᠳᠳᠡ ᠡᠬᠦᠰᠦᠭᠰᠡᠨ ᠨᠦᠰᠡᠷ ᠲᠠᠭᠤᠨ ᠬᠠᠳᠠ ᠴᠤᠤᠷᠢᠶᠠᠯᠠᠨ ᠲᠠᠮᠵᠢᠵᠤ᠂ ᠠᠮᠤᠭᠤᠯᠠᠩ ᠲᠠᠶᠢᠪᠤᠩ ᠪᠠᠶᠢᠭᠠᠯᠢ ᠶᠢᠨ ᠨᠠᠮ ᠰᠡᠯᠡᠬᠦᠬᠡᠨ ᠢ ᠡᠪᠳᠡᠯ᠎ᠡ᠃                 ᠡᠬᠡ ᠭᠤᠳᠤᠴᠢᠨ ᠤᠨᠠᠪᠠ᠃                 ᠠᠮᠢᠰᠬᠤᠭᠠᠨ ᠲᠤᠭᠠᠯᠠᠩ ᠢᠶᠠᠷ ᠨᠢ ᠪᠤᠷ ᠪᠤᠷ ᠪᠤᠷᠬᠢᠯᠬᠤ ᠬᠦᠷᠡᠩ ᠤᠯᠠᠭᠠᠨ ᠴᠢᠰᠤ᠂ ᠰᠢᠨᠡᠬᠡᠨ ᠤᠷᠤᠭᠰᠠᠨ ᠴᠠᠪ ᠴᠠᠭᠠᠨ ᠴᠠᠰᠤ ᠶᠢ ᠪᠤᠳᠤᠭᠰᠢᠭᠤᠯᠵᠤ ᠪᠠᠶᠢᠪᠠ᠃                 ᠬᠦᠷᠦᠭᠡᠰᠦᠨ ᠤ ᠶᠢᠷᠳᠢᠨᠴᠤ ᠳᠤ ᠲᠦᠷᠦᠭᠰᠡᠨ ᠠᠴᠠ ᠠᠪᠤᠭᠠᠳ ᠡᠶᠢᠮᠤ ᠬᠠᠷᠠᠰᠠᠯᠳᠤ ᠦᠵᠡᠭᠳᠡᠯ ᠢ ᠠᠩᠬ᠎ᠠ ᠬᠠᠷᠠᠭᠰᠠᠨ ᠲᠡᠷᠡ ᠴᠤᠬᠤᠮ ᠶᠠᠭᠤ ᠪᠤᠯᠤᠭ᠎ᠠ ᠶᠢ ᠮᠡᠳᠡᠯ ᠦᠭᠡᠢ ᠠᠮᠢ ᠲᠡᠮᠡᠴᠡᠨ ᠲᠡᠯᠴᠢᠯᠡᠵᠤ ᠪᠠᠶᠢᠭ᠎ᠠ ᠡᠬᠡ ᠪᠠᠨ ᠦᠨᠦᠷᠯᠡᠬᠦ ᠳᠤ᠂ ᠡᠬᠡ ᠶᠢᠨ ᠨᠢᠳᠦᠨ ᠠᠴᠠ ᠨᠢᠯᠪᠤᠰᠤ ᠮᠡᠯᠳᠡᠭᠡᠨᠡᠵᠤ ᠪᠠᠶᠢᠭ᠎ᠠ ᠶᠢ ᠴᠦ ᠠᠩᠬ᠎ᠠ ᠬᠠᠷᠠᠵᠠᠢ᠃                 ᠲᠡᠷᠳᠡᠭᠡ ᠬᠤᠯᠠ ᠠᠴᠠ ᠪᠤᠰᠤᠭ᠎ᠠ ᠬᠠᠷ᠎ᠠ ᠶᠠᠭᠤᠮ᠎ᠠ ᠨᠠᠪᠳᠠᠯᠵᠠᠨ‌ᠢᠷᠡᠭᠦ ᠨᠢ ᠬᠠᠷᠠᠭᠳᠠᠪᠠ᠃                 ᠡᠬᠡ ᠶᠢᠨ ᠡᠪᠡᠷᠰᠢᠶᠡᠯᠡᠨ‌ᠦᠦᠨᠢᠬᠦ ᠲᠠᠭᠤᠨ ᠪᠠ ᠡᠬᠡ ᠠᠮᠢᠳᠠᠨ ᠳᠤ ᠯᠠ ᠪᠠᠶᠢᠳᠠᠭ ᠡᠶᠡᠪᠡᠷᠭᠦᠦ ᠵᠦᠬᠡᠯᠡᠬᠡᠨ ᠬᠠᠷᠠᠴᠠᠨ ᠲᠡᠭᠦᠨ ᠢ ︽ᠠᠶᠤᠯ ᠢᠷᠡᠯ᠎ᠡ ᠲᠦᠷᠭᠡᠬᠡᠨ ᠵᠠᠶᠢᠯᠠ︾ ᠬᠡᠬᠦ‍ ᠰᠢᠭ᠃ ᠲᠡᠷᠡ ᠡᠬᠡ ᠶᠢ ᠪᠠᠨ ᠡᠷᠬᠢᠴᠠᠨ ᠶᠠᠭᠠᠬᠢᠬᠤ ᠪᠠᠨ ᠤᠯᠬᠤ ᠦᠭᠡᠢ ᠬᠢᠩᠬᠢᠨᠡᠨ ᠪᠠᠶᠢᠬᠤ ᠳᠤ ᠡᠬᠡ ᠲᠡᠭᠦᠨ ᠢ ᠭᠤᠳᠤᠴᠢᠳᠠᠯ᠎ᠠ ᠲᠡᠶᠢᠷᠤᠯ᠎ᠠ᠃ ᠡᠨᠡᠬᠦ ᠲᠡᠶᠢᠷᠤᠯᠳᠠ ᠨᠢ ᠲᠡᠬᠦᠨ ᠢ ᠬᠤᠯᠠᠬᠠᠨ ᠵᠠᠶᠢᠳᠠ ᠬᠡᠰᠡᠨ ᠰᠠᠨᠠᠭ᠎ᠠ ᠪᠠᠶᠢᠵᠠᠢ᠃                 ᠲᠡᠷᠡ ᠲᠡᠷᠳᠡᠭᠡ ᠪᠢᠴᠢᠬᠠᠨ ᠲᠤᠪᠤᠴᠠᠭ ᠲᠡᠭᠡᠷ᠎ᠡ ᠭᠠᠷᠤᠭᠠᠳ ᠡᠷᠬᠢᠵᠤ ᠬᠠᠷᠠᠪᠠ᠃                 ᠡᠬᠡ ᠲᠡᠯᠴᠢᠯᠡᠭᠰᠡᠭᠡᠷ᠃                 ᠲᠡᠷᠡ ᠡᠬᠡ ᠵᠦᠭ ᠢᠶᠠᠨ ᠬᠡᠰᠡᠭ ᠤᠶᠢᠷᠠᠳᠤᠭᠰᠠᠨ ᠪᠤᠯᠪᠠᠴᠤ᠂ ᠲᠡᠷᠭᠡᠳᠡ ᠨᠢ ᠤᠴᠢᠬᠤ ᠵᠤᠷᠢᠭ ᠬᠦᠷᠦᠭᠡ ᠦᠭᠡᠢ᠂ ᠪᠤᠰᠤᠭ᠎ᠠ ᠠᠮᠢᠳᠠᠨ ᠤ ᠪᠠᠷᠢᠭᠰᠠᠨ ᠬᠦᠢᠳᠡᠨ ᠲᠠᠮᠤᠷ ᠠᠴᠠ ᠬᠠᠬᠢᠷ ᠬᠡᠷᠡᠯ ᠰᠠᠴᠤᠷᠠᠨ᠎ᠠ᠃ ᠡᠬᠡ ᠎ ᠶᠢᠨ ᠲᠡᠷᠭᠡᠳᠡ ᠪᠦᠳᠦᠴᠢᠨ ᠬᠦᠷᠴᠤ ᠠᠮᠢ ᠲᠡᠮᠡᠴᠡᠨ ᠲᠡᠯᠴᠢᠯᠡᠭᠡ ᠡᠭᠡ ᠶᠢᠨ ᠲᠤᠬᠤ ᠤᠷᠤᠭᠤ ᠨᠢ ᠬᠦᠢᠳᠡᠨ ᠲᠡᠮᠦᠷ ᠎ ᠢᠶᠠᠷ ᠢᠶᠠᠨ ᠬᠦᠴᠦᠳᠡᠢ ᠪᠠᠯᠪᠠᠭ᠋ᠤ ᠳᠤ᠂ ᠡᠬᠡ ᠬᠡᠳᠦᠨᠳᠡ ᠠᠳᠤᠪᠠᠯᠵᠠᠭᠰᠠᠨ ᠢᠶᠠᠨ ᠬᠦᠳᠡᠯᠬᠦ ᠪᠠᠨ ᠪᠤᠯᠢᠵᠠᠢ᠃                 ᠲᠡᠷᠡ ᠬᠠᠮᠢᠭᠠᠰᠢ ᠶᠠᠪᠤᠬᠤ ᠪᠠᠨ ᠴᠦ ᠮᠡᠳᠡᠯ ᠦᠭᠡᠢ ᠰᠢᠭᠤᠢ ᠵᠦᠭ ᠢᠶᠠᠨ ᠠᠮᠢ ᠲᠡᠮᠡᠴᠡᠨ ᠵᠢᠷᠡᠶᠢᠵᠡᠢ᠃                 ᠦᠳᠡᠰᠢ ᠶᠢᠨ ᠬᠡᠪᠳᠡᠷᠢ ᠠᠴᠠ ᠬᠠᠯᠠᠭᠤᠨ ᠠᠭᠤᠷ ᠪᠠᠭᠠᠬᠢᠭᠰᠠᠭᠠᠷ᠃                 ᠰᠠᠯᠬᠢ ᠰᠢᠷᠦᠬᠦᠰᠤᠨ᠂ ᠭᠠᠵᠠᠷ ᠤᠨᠠᠭᠰᠠᠨ ᠨᠠᠪᠴᠢᠰ ᠨᠠᠰᠢ ᠴᠠᠰᠢ ᠬᠤᠶᠢᠯᠠᠷᠠᠨ ᠬᠡᠶᠢᠰᠤᠨ᠎ᠠ᠃                 ᠮᠤᠳᠤᠳ ᠤᠨ ᠨᠠᠮᠠᠭ᠎ᠠ ᠴᠦ ᠤᠶᠠᠷᠯᠳᠡᠢ ᠪᠠᠷ ᠱᠤᠤᠬᠢᠵᠤ ᠪᠠᠶᠢᠪᠠ᠃                 ᠲᠡᠷᠡ ᠡᠬᠢᠯᠡᠨ ᠲᠠᠭᠵᠢᠯ᠎ᠠ᠃ ᠡᠬᠡ ᠦᠭᠡᠢ ᠡᠳᠦᠷ ᠲᠡᠭᠦᠨ ᠳᠤ ᠤᠯᠠᠮ ᠬᠦᠢᠳᠡᠨ ᠪᠤᠯᠤᠭ᠎ᠠ ᠰᠢᠭ᠋ ᠰᠠᠨᠠᠭᠳᠠᠪᠠ᠃                 ᠲᠡᠷᠡ ᠤᠶᠠᠷᠠᠯᠳᠠᠢ ᠨᠢᠷᠠᠢ ᠲᠠᠭᠤᠨ ᠢᠶᠠᠷ ᠡᠬᠡ ᠪᠠᠨ ᠦᠬᠡᠶᠢᠯᠡᠨ ᠤᠷᠤᠮᠳᠠᠪᠠ᠃ ᠲᠡᠭᠦᠨ ᠤ ᠨᠢᠷᠡᠢ ᠬᠤᠩᠭᠤᠷ ᠲᠠᠭᠤᠨ ᠱᠤᠤᠬᠢᠨ ᠢᠰᠬᠢᠷᠭᠦ ᠮᠤᠳᠤᠳ ᠤᠨ ᠨᠠᠮᠠᠭ᠎ᠠ ᠲᠠᠢ ᠠᠶᠠᠰ ᠨᠡᠶᠢᠯᠵᠤ᠂ ᠬᠤᠯᠠ ᠶᠢᠨ ᠬᠤᠯᠠ ᠴᠤᠤᠷᠢᠶᠠᠳᠤᠬᠤ ᠳᠤ ᠡᠬᠡ ᠪᠠᠶᠢᠭᠠᠯᠢ᠂ ᠬᠦᠮᠦᠨ ᠵᠤᠨ᠂ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠤ ᠬᠤᠭᠤᠷᠤᠨᠳᠤᠬᠢ ᠠᠮᠢᠳᠤᠷᠠᠯ ᠤᠷᠤᠩᠨᠠᠯ ᠢᠵᠢᠯᠰᠢᠯ ᠲᠠᠶᠢᠰᠤᠩᠨᠠᠯ ᠠᠯᠢᠪᠠ ᠪᠦᠬᠦᠨ ᠢ ᠨᠠᠮᠢᠶᠠᠳᠤᠨ ᠰᠡᠬᠦᠭᠰᠡᠨ ᠠᠭᠤᠯᠠᠰ᠂ ᠨᠡᠯᠦᠶᠢᠨ ᠴᠠᠶᠢᠷᠠᠭᠰᠠᠨ ᠲᠠᠯ᠎ᠠ ᠬᠦᠳᠡᠭᠡ ᠳᠤ ᠢᠯᠡᠴᠢᠯᠡᠨ ᠮᠡᠳᠡᠭᠡᠯᠡᠵᠤ ᠪᠠᠶᠢᠭ᠎ᠠ ᠴᠦ ᠶᠤᠮ ᠰᠢᠭ᠋᠃                 ᠲᠡᠷᠡ ᠬᠠᠳᠠᠵᠤ ᠬᠤᠪᠬᠠᠶᠢᠷᠠᠭᠰᠠᠨ ᠨᠠᠪᠴᠢᠰ ᠢ ᠬᠦᠯ ᠢᠶᠠᠷ ᠢᠶᠠᠨ ᠴᠠᠪᠴᠢᠯᠠᠨ ᠵᠠᠶᠢᠴᠢᠯᠠᠵᠤ᠂ ᠡᠬᠡ ᠲᠡᠷᠡ ᠬᠤᠶᠠᠭᠤᠯᠠ ᠶᠢᠨ ᠬᠤᠨᠤᠭᠰᠠᠨ ᠬᠡᠪᠳᠡᠷᠢ ᠪᠠᠨ ᠦᠨᠦᠷᠯᠡᠬᠦ ᠳᠤ ᠡᠬᠡ ᠭᠠᠵᠠᠷ ᠤᠨ ᠡᠯᠢᠬᠡᠨ ᠬᠠᠯᠠᠭᠤᠨ ᠦᠨᠦᠷ ᠲᠡᠭᠦᠨ ᠤ ᠰᠠᠷᠠᠯ ᠳᠤ ᠮᠡᠳᠡᠷᠡᠭᠳᠡᠵᠤ᠂ ᠲᠡᠷᠡ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠲᠡᠷᠡᠭᠦ ᠬᠡᠰᠡᠭ ᠵᠦᠬᠡᠯᠡᠨ ᠬᠦᠷᠦᠰᠤᠨ ᠳᠤ ᠡᠯᠢᠬᠡ ᠪᠠᠨ ᠨᠠᠭᠠᠨ ᠬᠡᠪᠳᠡᠯ᠎ᠡ᠃                 ᠡᠬᠡ ᠭᠠᠵᠠᠷ ᠲᠡᠬᠦᠨ ᠤ ᠲᠤᠤᠷ᠎ᠠ ᠠᠴᠠ ᠡᠷᠳᠡ ᠨᠠᠮᠤᠷ ᠤᠨ ᠶᠤᠮ ᠰᠢᠭ ᠪᠦᠯᠢᠶᠠᠨ ᠲᠤᠯᠠᠭᠠᠨ ᠎ ᠢ ᠤᠯᠭᠤᠭᠰᠠᠨ ᠪᠤᠯᠪᠠᠴᠤ᠂ ᠡᠬᠡ ᠶᠢᠨ ᠬᠠᠶᠢᠷ᠎ᠠ ᠰᠢᠭ᠋ ᠬᠠᠯᠠᠭᠤᠨ ᠬᠠᠶᠢᠷ᠎ᠠ ᠯᠠ ᠡᠷᠬᠢᠵᠤ ᠢᠷᠡᠰᠢ ᠦᠭᠡᠢ ᠦᠨᠢ ᠮᠦᠩᠬᠡ ᠶᠢᠨ ᠵᠤᠶᠢᠯ ᠪᠤᠯᠤᠨ ᠡᠵᠡᠬᠦᠶᠢᠳᠡᠵᠤ᠂ ᠡᠬᠡ ᠪᠠᠨ ᠦᠬᠡᠶᠢᠯᠡᠭᠰᠡᠨ ᠦᠨᠦᠴᠢᠨ ᠲᠡᠭᠦᠨ ᠤ ᠡᠮᠬᠡᠨᠢᠯ ᠤᠨ ᠨᠢᠯᠪᠤᠰᠤ ᠯᠠ ᠬᠤᠪᠬᠠᠶᠢᠷᠠᠭᠰᠠᠨ ᠨᠠᠪᠴᠢᠨ ᠲᠡᠭᠡᠷ᠎ᠡ ᠠᠶᠠᠷ ᠠᠶᠠᠷᠬᠠᠨ ᠲᠤᠰᠤᠯᠠᠵᠤ ᠪᠠᠶᠢᠪᠠ ᠃   
  
ᠢᠷᠡᠯᠲᠡ᠄ ᠬᠡᠰᠢᠭᠳᠡᠨ ᠮᠣᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备09001939号