| | ᠬᠡᠤᠬᠡᠳ ᠦᠯᠦᠬᠡᠶᠢᠳᠡᠬᠦ ᠶᠤᠰᠤᠨ ᠪᠤᠯ ᠮᠠᠨ ᠤ ᠢᠰᠡᠬᠡᠢ ᠲᠤᠭᠤᠷᠭᠠᠳᠠᠨ ᠤ ᠨᠡᠬᠦᠳᠠᠯ ᠮᠠᠯᠵᠢᠯ ᠤᠨ | ᠠᠮᠢᠳᠤᠷᠠᠯ ᠢ ᠲᠠᠭᠠᠯᠳᠤᠨ ᠮᠠᠰᠢ ᠡᠷᠳᠡ ᠦᠶᠡ ᠳᠤ ᠪᠤᠢ ᠪᠤᠯᠵᠤ ᠮᠤᠩᠭᠤᠯᠴᠤᠳ ᠤᠨ ᠲᠤᠮᠳᠠ ᠦᠷᠬᠡᠨ ᠢᠶᠠᠷ | ᠬᠡᠷᠡᠭᠯᠡᠭᠳᠡᠵᠤ ᠢᠷᠡᠭᠰᠡᠨ ᠲᠡᠤᠬᠡ ᠲᠠᠢ ᠶᠤᠮ᠃ ᠦᠯᠦᠬᠡᠢ ᠶᠢᠨ ᠲᠤᠬᠠᠢ ᠲᠡᠤᠬᠡ ᠱᠠᠰᠲᠢᠷ ᠲᠤ ᠲᠡᠤᠬᠡᠴᠢ᠂ | ᠵᠤᠬᠢᠶᠠᠯᠴᠢ ᠶᠡᠭᠡ ᠪᠠᠭᠰᠢ ᠢᠨᠵᠠᠨᠨᠠᠰᠢ ︽ᠶᠤᠸᠠᠨ ᠤᠯᠤᠰ ᠤᠨ ᠮᠠᠨᠳᠤᠭᠰᠠᠨ ᠲᠦᠷᠤ ᠶᠢᠨ ᠬᠦᠬᠡ ᠰᠤᠳᠤᠷ︾ ᠬᠡᠰᠡᠨ | ᠠᠭᠤᠤ ᠪᠦᠳᠦᠬᠡᠯ ᠳᠡᠭᠡᠨ ᠦᠬᠡᠯᠦᠨ ᠦᠵᠢᠨ ᠪᠤᠷᠬᠠᠨ ᠬᠠᠯᠳᠤᠨ ᠤ ᠲᠡᠯᠢᠬᠦᠨ ᠪᠤᠯᠳᠤᠭ ᠲᠤ ᠪᠤᠭᠳᠠ ᠲᠡᠮᠦᠵᠢᠨ ᠢ | ᠮᠡᠨᠳᠤᠯᠡᠬᠦ ᠳᠤ ᠭᠠᠷ ᠲᠠᠭᠠᠨ ᠱᠠᠭᠠ ᠶᠢᠨ ᠴᠢᠨᠡᠬᠡᠨ ᠨᠦᠵᠢ ᠠᠳᠬᠤᠵᠤ ᠲᠦᠷᠦᠭᠰᠡᠨ ᠲᠡᠮᠦᠵᠢᠨ ᠢ ᠡᠩ ᠤᠨ ᠰᠦᠨᠡᠰᠤ | ᠪᠢᠰᠢ ᠬᠡᠵᠤ ᠤᠷᠢᠶᠠᠩᠬᠠᠨ ᠤ ᠵᠠᠷᠴᠢᠭᠤᠳᠠᠢ ᠡᠪᠤᠬᠡᠨ ᠮᠡᠳᠡᠬᠡᠳ᠂ ᠪᠤᠷᠠᠭᠠᠰᠤᠨ ᠦᠯᠦᠬᠡᠢ ᠬᠢᠵᠤ ᠪᠠᠯᠡᠭᠯᠡᠨ ᠦᠪᠡᠷ | ᠤᠨ ᠬᠦᠪᠡᠬᠦᠨ ᠢᠶᠠᠨ ᠲᠡᠮᠦᠵᠢᠨ ᠲᠠᠢ ᠬᠠᠮᠳᠤ ᠦᠰᠴᠤ᠂ ᠲᠦᠷᠦᠬᠡ ᠶᠢ ᠨᠢ ᠲᠦᠰᠢᠵᠤ᠂ ᠲᠠᠰᠢᠭᠤᠷ ᠢ ᠨᠢ ᠡᠷᠬᠦᠵᠤ | ᠶᠠᠪᠤᠳᠤᠭᠠᠢ ᠬᠡᠵᠤ ᠲᠤᠰᠢᠶᠠᠵᠤ ᠦᠭᠬᠦᠭᠰᠡᠨ ᠠᠴᠠ ᠤᠷᠢᠶᠠᠩᠬᠠᠨ ᠵᠠᠯᠮᠠ ᠨᠠᠰᠤᠨ ᠲᠤᠷᠰᠢ ᠴᠢᠩᠬᠢᠰ ᠬᠠᠭᠠᠨ ᠤ | ᠮᠤᠩᠭᠤᠯ ᠤᠨ ᠶᠡᠭᠡ ᠲᠦᠷᠦ ᠳᠤ ᠨᠢᠬᠡᠨ ᠰᠡᠳᠬᠢᠯ ᠢᠶᠠᠷ ᠵᠢᠳᠬᠦᠨ ᠪᠠᠯᠠᠷᠠᠰᠢ ᠦᠭᠡᠢ ᠭᠠᠪᠢᠶᠠ ᠪᠠᠶᠢᠭᠤᠯᠵᠤ᠂ | ᠴᠢᠩᠬᠢᠰ ᠬᠠᠭᠠᠨ ᠤ ᠶᠢᠰᠦᠨ ᠦᠷᠯᠦᠭ ᠤᠨ ᠨᠢᠬᠡᠨ ᠪᠤᠯᠤᠭᠰᠠᠨ ᠢ ᠲᠠᠮᠳᠡᠭᠯᠡᠵᠤ ᠪᠠᠶᠢᠳᠠᠭ᠃ | ᠮᠡᠨ ᠤ ᠬᠡᠰᠢᠭᠳᠡᠨᠴᠤᠳ ᠴᠦ ᠨᠡᠶᠢᠳᠠ ᠮᠤᠩᠭᠤᠯᠴᠤᠳ ᠲᠠᠢ ᠠᠳᠠᠯᠢ ᠪᠠᠷ ᠦᠷᠡ ᠬᠡᠤᠬᠡᠳ ᠢᠶᠠᠨ | ᠦᠯᠦᠬᠡᠢ ᠳᠤ ᠦᠯᠦᠬᠡᠶᠢᠳᠠᠵᠤ ᠦᠰᠬᠡᠬᠦ ᠵᠠᠩᠰᠢᠯ ᠲᠡᠭᠡᠷᠡ ᠵᠠᠭᠤᠨ ᠤ ᠲᠠᠯᠠᠭᠠᠳ ᠤᠨ ᠪᠤᠯᠳᠠᠯᠠ ᠨᠡᠶᠢᠳᠡᠮ | ᠬᠡᠷᠡᠭᠯᠡᠭᠳᠡᠵᠤ ᠪᠠᠶᠢᠭᠰᠠᠨ ᠪᠦᠬᠡᠳ ᠤᠷᠴᠢᠮ ᠤᠨ ᠵᠢᠯ ᠪᠤᠯᠳᠠᠯᠠ ᠵᠠᠷᠢᠮ ᠠᠶᠢᠯ ᠤᠳ ᠢᠶᠠᠷ ᠦᠯᠦᠬᠡᠢ ᠬᠠᠶᠠ | ᠬᠠᠷᠠᠭᠳᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠬᠠᠷᠠᠮᠰᠠᠯᠳᠠᠢ ᠨᠢ ᠤᠬᠤᠷᠬᠠᠨ ᠲᠠᠪᠤ ᠠᠷᠪᠠᠨ ᠵᠢᠯ ᠳᠤ ᠴᠦᠮ ᠬᠡᠭᠡᠭᠳᠡᠨ ᠪᠠᠯᠠᠷᠠᠵᠠᠢ᠃ | ᠬᠡᠰᠢᠭᠳᠡᠨ ᠮᠤᠩᠭᠤᠯ ᠲᠠᠷᠬᠠᠨᠴᠤᠳ ᠬᠡᠤᠬᠡᠳ ᠤᠨ ᠦᠯᠦᠬᠡᠢ ᠬᠢᠬᠦ ᠳᠡᠭᠡᠨ ᠤᠯᠠᠨ ᠵᠦᠢᠯ ᠤᠨ ᠮᠤᠳᠤ ᠤᠷᠤᠭᠤᠯᠵᠤ | ᠲᠠᠷᠬᠠᠯᠠᠳᠠᠭ ᠲᠦᠷᠢᠮ ᠲᠠᠢ᠂ ᠡᠬᠦᠨ ᠳᠤ ᠦᠯᠦᠬᠡᠢ ᠶᠢᠨ ᠬᠠᠷᠠᠭᠠᠮ ᠤᠨ ᠮᠦᠬᠡ ᠶᠢᠨ ᠮᠤᠶᠢᠯ ᠤᠨ ᠮᠤᠳᠤ ᠪᠤᠶᠤ | ᠦᠷᠢᠯ ᠤᠨ ᠮᠤᠳᠤ ᠪᠠᠷ ᠬᠢᠳᠡᠭ ᠨᠢ ᠦᠷᠡ ᠬᠡᠤᠬᠡᠳ ᠤᠨ ᠦᠷᠢᠯ᠂ ᠮᠤᠶᠢᠯ ᠰᠢᠭ᠋ ᠦᠨᠢᠷ ᠤᠯᠠᠨ ᠪᠠᠶᠢᠬᠤ ᠶᠢ | ᠪᠡᠯᠭᠡᠳᠡᠭᠰᠡᠨ ᠪᠡᠯᠬᠡᠳᠡᠯ ᠤᠨ ᠰᠠᠨᠠᠭᠠ ᠶᠤᠮ᠃ ᠦᠯᠦᠬᠡᠢ ᠶᠢᠨ ᠲᠦᠷᠪᠡᠨ ᠠᠷᠠᠯ ᠪᠤᠯᠤᠨ ᠲᠦᠷᠪᠡᠨ ᠪᠤᠯᠤᠩ ᠤᠨ | ᠲᠤᠯᠭᠠᠭᠤᠷᠢ ᠮᠤᠳᠤ ᠶᠢ ᠬᠤᠰᠤ᠂ ᠬᠠᠶᠢᠯᠠᠰᠤ ᠶᠢᠨ ᠶᠠᠰᠤᠯᠢᠭ ᠪᠦᠬᠡ ᠮᠤᠳᠤ ᠪᠠᠷ ᠬᠢᠳᠡᠭ ᠨᠢ ᠬᠡᠤᠬᠡᠳ ᠤᠨ ᠶᠠᠰᠤ | ᠬᠠᠳᠠᠭᠤ᠂ ᠵᠤᠷᠢᠭ ᠪᠤᠰᠤᠭᠠ ᠡᠷᠡ ᠪᠤᠯᠬᠤ ᠶᠢ ᠵᠦᠩᠨᠡᠭᠰᠡᠨ ᠪᠡᠯᠬᠡᠳᠡᠯ ᠪᠤᠯᠬᠤ ᠶᠤᠮ᠃ ᠦᠯᠦᠬᠡᠢ ᠶᠢᠨ ᠲᠤᠤᠷᠠ | ᠲᠠᠯᠠ ᠶᠢᠨ ᠲᠡᠪᠢᠰᠬᠡᠷ ᠪᠠᠩᠵᠠ ᠶᠢ ᠤᠯᠢᠶᠡᠰᠤ ᠪᠤᠶᠤ ᠲᠤᠮ ᠵᠡᠷᠬᠡ ᠵᠦᠬᠡᠯᠡᠨ ᠰᠢᠷᠬᠡᠭ ᠲᠠᠢ ᠮᠤᠳᠤ ᠪᠠᠷ ᠬᠢᠭᠰᠡᠨ ᠨᠢ | ᠬᠡᠤᠬᠡᠳ ᠤᠨ ᠪᠡᠶᠡ ᠶᠢᠨ ᠦᠰᠦᠯᠳᠠ ᠪᠤᠶᠢᠵᠢᠯᠳᠠ ᠳᠤ ᠲᠤᠰᠠᠳᠠᠢ ᠮᠦᠷᠳᠡᠬᠡᠨ ᠬᠡᠤᠬᠡᠳ ᠢᠶᠠᠨ ᠬᠤᠵᠢᠮ ᠤᠶᠠᠨ | ᠵᠦᠬᠡᠯᠡᠨ ᠵᠠᠩ ᠲᠠᠢ ᠦᠭᠬᠢᠶᠡᠮᠦᠷᠴᠢ ᠰᠠᠶᠢᠬᠠᠨ ᠰᠡᠳᠬᠢᠯ ᠲᠠᠢ᠂ ᠦᠨᠡᠨᠴᠢ ᠴᠠᠶᠢᠯᠭᠠᠨ ᠬᠦᠮᠦᠨ ᠪᠤᠯᠬᠤ ᠶᠢ | ᠬᠦᠰᠡᠭᠰᠡᠨ ᠰᠠᠨᠠᠭᠠ ᠠᠬᠤᠭᠤᠯᠵᠤ ᠪᠠᠶᠢᠭᠠ ᠶᠤᠮ᠃ ᠦᠯᠦᠬᠡᠢ ᠶᠢᠨ ᠬᠤᠶᠠᠷ ᠬᠠᠵᠠᠭᠤ ᠶᠢᠨ ᠤᠷᠤ ᠲᠤᠱᠠ ᠶᠢ | ᠪᠤᠷᠭᠠᠰᠤ ᠮᠤᠳᠤ᠂ ᠠᠭᠠᠷᠤ ᠮᠤᠳᠤ ᠮᠡᠳᠤ ᠲᠦᠷᠬᠡᠨ ᠤᠷᠭᠤᠳᠠᠭ ᠮᠤᠳᠤ ᠪᠠᠷ ᠬᠢᠳᠡᠭ ᠨᠢ ᠬᠡᠤᠬᠡᠳ ᠢᠶᠠᠨ ᠤᠳᠠ | ᠪᠤᠷᠭᠠᠰᠤ ᠮᠡᠳᠤ ᠲᠦᠷᠬᠡᠨ ᠦᠰᠦᠬᠡᠷᠠᠢ ᠬᠡᠵᠤ ᠪᠡᠯᠬᠡᠳᠡᠭᠰᠡᠨ ᠶᠤᠮ᠃ ᠬᠠᠷᠢᠨ ᠦᠯᠦᠬᠡᠢ ᠶᠢᠨ ᠬᠠᠷᠠᠭᠠᠮ ᠤᠨ ᠪᠠᠩᠵᠠ | ᠶᠢ ᠨᠠᠷᠠᠰᠤᠨ ᠮᠤᠳᠤ᠂ ᠰᠤᠮᠤᠨ ᠮᠤᠳᠤ᠂ ᠽᠠᠨᠳᠠᠨ ᠮᠤᠳᠤ ᠤᠷᠤᠭᠤᠯᠵᠤ ᠬᠢᠳᠡᠭ ᠨᠢ ᠪᠤᠷᠬᠠᠨ ᠱᠠᠰᠢᠨ ᠤ ᠰᠢᠳᠦᠯᠬᠡ | ᠪᠢᠰᠢᠷᠡᠯ ᠤᠨ ᠰᠠᠨᠠᠭᠠ ᠠᠬᠤᠢ ᠲᠠᠢ ᠠᠴᠠ ᠭᠠᠳᠠᠨᠠ ᠬᠡᠤᠬᠡᠳ ᠢᠶᠠᠨ ᠡᠷᠳᠡᠨᠢ ᠶᠢᠨ ᠮᠤᠳᠤ ᠲᠠᠷᠡᠯᠡᠵᠤ ᠡᠩᠬᠡ ᠮᠡᠨᠳᠤ | ᠦᠰᠴᠤ ᠨᠠᠷᠠᠰᠤᠨ ᠮᠤᠳᠤ ᠰᠢᠭ᠋ ᠮᠦᠩᠬᠡ ᠨᠤᠭᠤᠭᠠᠨ ᠶᠠᠪᠤᠭᠠᠷᠠᠢ ᠬᠡᠵᠤ ᠢᠷᠦᠬᠡᠭᠰᠡᠨ ᠤᠳᠬᠠ ᠲᠠᠢ ᠪᠠᠶᠢᠬᠠ ᠡ᠃ | ᠬᠡᠰᠢᠭᠳᠡᠨ ᠨᠤᠳᠤᠭ ᠢ ᠬᠡᠤᠬᠡᠳ ᠤᠨ ᠦᠯᠦᠬᠡᠢ ᠶᠢᠨ ᠵᠠᠰᠠᠯ ᠴᠢᠮᠡᠭᠯᠡᠯ ᠳᠤ ᠪᠠᠰᠠ ᠡᠳ᠋ ᠡᠷᠳᠡᠨᠢᠰ | ᠤᠨ ᠵᠦᠢᠯ ᠤᠯᠠᠨ ᠪᠠᠶᠢᠳᠠᠭ᠂ ᠡᠬᠦᠨ ᠢ ᠨᠠᠷᠢᠪᠴᠢᠯᠠᠵᠤ ᠬᠡᠯᠡᠪᠡᠯ ᠦᠯᠦᠬᠡᠢ ᠶᠢᠨ ᠬᠠᠷᠠᠭᠠᠮ ᠲᠡᠭᠡᠷᠡ ᠠᠯᠳᠠᠨ ᠲᠤᠶᠢᠭ᠂ | ᠮᠦᠩᠬᠦᠨ ᠶᠤᠸ᠋ᠨᠮᠪᠤᠤ᠂ ᠬᠦᠷᠡᠯ ᠵᠤᠭᠤᠰ᠂ ᠶᠢᠰᠦᠨ ᠭᠠᠤᠯᠢᠨ ᠵᠤᠭᠤᠰ᠂ ᠲᠦᠷᠦᠬᠡᠨ ᠵᠤᠭᠤᠰ ᠵᠡᠷᠬᠡ ᠶᠢ ᠡᠯᠬᠦᠳᠡᠭ | ᠨᠢ ᠬᠡᠤᠬᠡᠳ ᠦᠷᠬᠦᠯᠵᠢ ᠡᠳ᠋ ᠡᠷᠳᠡᠨᠢᠰ ᠦᠵᠡᠵᠤ ᠦᠰᠪᠠᠯ ᠬᠤᠵᠢᠮ ︽ᠨᠠᠢᠮᠠᠨ ᠨᠠᠮᠰᠠᠷᠠᠢ ᠰᠢᠭ᠋ ᠪᠠᠶᠠᠨ︾ ᠬᠦᠮᠦᠨ | ᠪᠤᠯᠤᠨᠠ ᠬᠡᠵᠤ ᠨᠠᠮᠰᠠᠷᠠᠢ ᠪᠤᠷᠬᠠᠨ ᠳᠤ ᠵᠠᠯᠪᠠᠷᠢᠭᠰᠠᠨ ᠲᠠᠭᠠᠳᠬᠠᠯ ᠪᠡᠯᠬᠡᠰᠢᠶᠡᠯ ᠪᠤᠯᠤᠨᠠ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ᠂ | ᠦᠯᠦᠬᠡᠢ ᠶᠢᠨ ᠲᠤᠳᠤᠷᠠ ᠬᠡᠤᠬᠡᠳ ᠲᠡᠷᠡ ᠶᠢᠨ ᠬᠠᠵᠠᠭᠤᠳᠠ ︽ᠲᠡᠭᠷᠢ ᠶᠢᠨ ᠰᠤᠮᠤᠨ ᠤ ᠬᠢᠯᠦᠪᠠᠷ︾᠂ ᠮᠦᠩᠬᠦ᠂ | ᠬᠦᠷᠡᠯ᠂ ᠭᠠᠤᠯᠢ ᠶᠢᠨ ᠲᠤᠯᠢ ᠲᠠᠯᠪᠢᠳᠠᠭ ᠨᠢ ᠬᠡᠤᠬᠡᠳ ᠢ ᠭᠠᠢ ᠪᠠᠷᠴᠢᠳ ᠠᠴᠠ ᠵᠠᠶᠢᠯᠠᠭᠤᠯᠵᠤ ᠬᠡᠤᠬᠡᠳ ᠤᠨᠳᠠᠭᠠ | ᠦᠶᠡ ᠳᠤ ᠤᠶᠢᠷᠠᠳᠬᠤ ᠠᠯᠢᠪᠠ ᠮᠠᠭᠤ ᠮᠠᠭᠤᠬᠠᠢ ᠵᠦᠢᠯᠡᠰ ᠬᠢᠬᠡᠳ ᠴᠢᠳᠬᠦᠷ ᠱᠤᠯᠤᠮ ᠪᠦᠬᠦᠨ ᠢ ᠲᠤᠯᠢᠳᠠᠨ | ᠠᠶᠤᠯᠭᠠᠵᠤ᠂ ᠬᠡᠤᠬᠡᠳ ᠤᠨ ᠡᠩᠬᠡ ᠲᠠᠶᠢᠪᠤᠩ ᠦᠰᠴᠤ ᠪᠤᠶᠢᠵᠢᠬᠤ ᠶᠢ ᠬᠠᠮᠠᠭᠠᠯᠠᠵᠤ ᠪᠠᠶᠢᠨᠠ ᠬᠡᠵᠤ ᠦᠵᠡᠳᠡᠭ | ᠶᠤᠰᠤ ᠵᠠᠩᠰᠢᠯ ᠪᠠᠶᠢᠭᠠ᠃ ᠬᠡᠤᠬᠡᠳ ᠤᠨ ᠦᠯᠦᠬᠡᠢ ᠶᠢᠨ ᠲᠡᠪᠢᠰᠬᠡᠷ ᠤᠨ ᠲᠤᠤᠷᠠ ᠵᠠᠪᠠᠯ ᠡᠯᠡᠰᠤᠨ ᠤᠭᠤᠳᠠ | ᠲᠡᠪᠢᠰᠳᠡᠭ ᠨᠢ ᠬᠡᠰᠢᠭᠳᠡᠨ ᠳᠤ ︽ᠨᠤᠳᠤᠭ ᠤᠨ ᠰᠢᠷᠤᠢ ᠠᠯᠳᠠ︾᠂ ᠬᠦᠮᠦᠨ ᠡᠷᠬᠡᠪᠰᠢ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠰᠢᠮᠡ | ᠪᠤᠶᠠᠨ ᠲᠡᠭᠡᠷᠡ ᠬᠦᠷᠪᠡᠵᠤ ᠦᠰᠴᠤ ᠪᠤᠶᠢᠵᠢᠨᠠ ᠬᠡᠳᠡᠭ ᠵᠠᠩ ᠵᠠᠩᠰᠢᠯ ᠲᠠᠢ ᠬᠤᠯᠪᠤᠭᠠ ᠲᠠᠢ ᠶᠤᠮ᠃ ᠦᠯᠦᠬᠡᠢ ᠶᠢᠨ | ᠮᠤᠳᠤᠨ ᠳᠤ ᠵᠠᠪᠠᠯ ᠵᠢᠮᠢᠰ ᠤᠨ ᠮᠤᠳᠤ ᠤᠷᠤᠭᠤᠯᠵᠤ ᠲᠠᠷᠬᠠᠯᠠᠳᠠᠭ ᠨᠢ ᠲᠠᠷᠬᠠᠨᠴᠤᠳ ᠤᠨ ᠬᠢᠭᠰᠡᠨ ᠦᠯᠦᠬᠡᠢ ᠳᠤᠨᠢ | ᠦᠰᠦᠭᠰᠡᠨ ᠬᠡᠤᠬᠡᠳ ᠤᠯᠠᠰᠢᠷᠠᠭᠠᠳ ︽ᠨᠠᠶᠢᠳᠠᠨᠵᠤᠷᠢᠭ ᠪᠤᠷᠬᠠᠨ ᠰᠢᠭ᠋ ᠦᠨᠢᠷ ᠪᠤᠯᠤᠭᠠᠷᠠᠢ︾ ᠬᠡᠰᠡᠨ ᠪᠡᠯᠬᠡ | ᠢᠷᠦᠬᠡᠯ ᠤᠨ ᠶᠤᠰᠤ ᠶᠤᠮ᠃ | ᠪᠠᠭᠴᠠᠯᠠᠪᠠᠯ᠂ ᠭᠡᠰᠢᠭᠳᠡᠨᠴᠤᠳ ᠬᠡᠤᠬᠡᠳ ᠤᠨ ᠦᠯᠦᠬᠡᠢ ᠶᠢᠨ ᠲᠤᠬᠠᠢ ᠡᠶᠢᠮᠤ ᠤᠯᠠᠨ ᠶᠤᠰᠤ | ᠲᠦᠷᠢᠮ ᠲᠠᠢ ᠪᠠᠶᠢᠭᠠ ᠨᠢ ᠡᠪᠦᠭᠡ ᠲᠠᠭᠡᠳᠤᠰ ᠤᠨ ᠦᠪ ᠰᠤᠶᠤᠯ᠂ ᠵᠠᠩ ᠵᠠᠩᠰᠢᠯ ᠢᠶᠠᠨ ᠡᠷᠬᠢᠮᠨᠡᠨ ᠲᠡᠭᠡᠳᠦᠯᠡᠵᠤ᠂ | ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠳᠠᠭ ᠡᠷᠬᠢᠮ ᠨᠠᠨᠳᠢᠨ ᠰᠤᠷᠳᠠᠬᠤᠨ ᠤ ᠬᠡᠷᠡᠴᠢᠯᠡᠯ ᠮᠦᠨ᠃ ᠡᠶᠢᠮᠤ ᠠᠴᠠ ᠮᠠᠨ ᠤ ᠨᠤᠳᠤᠭ | ᠲᠤ ᠦᠯᠦᠬᠡᠢ ᠲᠠᠢ ᠬᠡᠤᠬᠡᠳ ᠢ ᠰᠠᠭᠠᠳᠠᠭᠤᠯᠤᠨ ᠪᠦᠪᠠᠶᠢᠯᠠᠬᠦ ᠲᠠᠭᠤᠨ ᠳᠤ ︽ᠦᠷᠢᠯ ᠤᠨ ᠰᠠᠶᠢᠬᠠᠨ ᠮᠤᠳᠤ ᠪᠠᠷ | ᠦᠯᠦᠬᠡᠢ ᠶᠢ ᠮᠢᠨᠢ ᠬᠢᠭᠰᠡᠨ ᠠᠪᠤ᠂ ᠡᠪᠤᠯ ᠤᠨ ᠰᠦᠨᠢ ᠶᠢᠨ ᠦᠨᠳᠤᠷ ᠲᠤ ᠦᠯᠦᠬᠡᠶᠢᠳᠠᠵᠤ ᠬᠦᠬᠦᠬᠦᠯᠦᠭᠰᠡᠨ ᠡᠵᠢ︾ | ᠬᠡᠵᠤ ᠲᠠᠭᠤᠯᠠᠳᠠᠭ ᠤᠶᠠᠬᠠᠨ ᠪᠦᠪᠠᠢ ᠶᠢᠨ ᠲᠠᠭᠤᠤ ᠤᠳᠤ ᠬᠦᠷᠳᠡᠯᠡ ᠲᠠᠭᠤᠯᠠᠭᠳᠠᠭᠰᠠᠭᠠᠷ ᠪᠤᠢ᠃ | | ᠬᠠᠶ᠋ᠢᠭ᠄ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠴᠠᠭᠠᠨ ᠰᠤᠮᠤ | |