| | ᠠᠭᠤᠯᠨ ᠣᠰᠤᠨ ᠤ ᠲᠠᠬᠢᠯᠭᠠ ᠨᠢ ᠴᠠᠭ ᠬᠤᠭᠤᠴᠠᠭᠠᠨ ᠤ ᠬᠤᠪᠢ ᠳᠤ᠂ ᠦᠨᠢ ᠡᠷᠳᠡᠨ ᠠᠴᠠ | ᠡᠳᠦᠬᠡ ᠬᠦᠷᠲᠡᠯᠡ ᠣᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠨᠡᠶᠢᠳᠡ ᠮᠤᠩᠭᠤᠯᠴᠤᠳ ᠲᠡᠳᠦᠢ ᠦᠬᠡᠢ᠂ ᠠᠬᠤᠢ ᠰᠤᠶᠤᠯ ᠤᠨ ᠬᠡᠪ | ᠰᠢᠨᠵᠢ ᠪᠠᠷ ᠮᠤᠩᠭᠤᠯᠴᠤᠳ ᠲᠠᠢ ᠣᠶᠢᠷᠠᠯᠴᠠᠭᠠ ᠪᠤᠰᠤᠳ ᠣᠯᠠᠨ ᠣᠬᠰᠠᠭᠠᠳᠠᠨ ᠤ ᠲᠤᠮᠳᠠ ᠦᠷᠬᠡᠨ ᠲᠠᠷᠬᠠᠬᠰᠡᠨ | ᠵᠠᠩ ᠦᠢᠯᠨ ᠶᠢᠨ ᠨᠢᠬᠡ ᠬᠡᠯᠪᠡᠷᠢ ᠶᠤᠮ᠃ ᠡᠳᠡᠬᠡᠷ ᠪᠦᠬᠦ ᠣᠯᠠᠮᠵᠢᠯᠠᠯ᠂ ᠶᠤᠰᠤ ᠵᠠᠩᠰᠢᠯ ᠪᠤᠯ ᠣᠰᠤ ᠶᠢ ᠲᠡᠬᠡᠳᠦᠯᠡᠨ | ᠂ ᠲᠡᠬᠦᠨ ᠤ ᠪᠤᠬᠢᠷᠳᠠᠭᠤᠯᠤᠯ ᠦᠬᠡᠢ ᠠᠷᠢᠭᠤᠨ ᠴᠢᠨᠠᠷ ᠢ ᠬᠠᠳᠠᠭᠠᠯᠬᠤ᠂ ᠡᠬᠢ ᠣᠨᠳᠤᠷᠤᠭᠠ ᠶᠢ ᠨᠢ ᠬᠦᠨᠳᠡᠵᠤ᠂ | ᠰᠢᠷᠬᠢᠯ ᠦᠬᠡᠢ ᠠᠮᠢᠳᠤᠷᠠᠯ ᠠᠬᠤᠢ ᠳᠠᠭᠠᠨ ᠵᠦᠪ ᠵᠤᠶᠢᠳᠠᠢ ᠬᠡᠷᠡᠭᠯᠡᠬᠦ᠂ ᠬᠠᠮᠠᠭᠠᠯᠠᠬᠤ ᠬᠡᠰᠡᠨ ᠠᠷᠠᠳ ᠤᠨ ᠮᠡᠷᠬᠡᠨ | ᠣᠠᠬᠭᠠᠨ ᠪᠠᠶᠢᠵᠠᠢ᠃ ᠪᠢᠳᠡᠨ ᠤ ᠡᠪᠦᠭᠡ ᠲᠡᠬᠡᠳᠦᠰ ᠣᠰᠤ ᠶᠢ ︽ᠴᠢᠨᠳᠠᠮᠤᠨᠢ ᠡᠷᠳᠡᠨᠢ︾ ᠭᠡᠮᠡᠨ ᠰᠢᠳᠢᠨ | ᠲᠡᠭᠡᠳᠦᠯᠡᠵᠤ ᠠᠷᠭᠠ ᠪᠢᠯᠢᠭ ᠤᠨ ᠣᠬᠠᠭᠠᠨ ᠢᠶᠠᠷ ᠰᠠᠷᠨ᠂ ᠣᠰᠤ᠂ ᠪᠦᠰᠡᠬᠦᠢ ᠭᠤᠷᠪᠠ ᠶᠢ ᠪᠢᠯᠢᠭ ᠤᠨ ᠴᠢᠨᠠᠷᠳᠠᠢ | ᠭᠡᠵᠤ ᠦᠵᠡᠵᠤ᠂ ᠡᠮᠡᠭᠳᠠᠢ ᠬᠦᠮᠦᠨ ᠢ ︽ᠯᠤᠣᠰ ᠤᠨ ᠲᠠᠬᠢᠨᠢ︾ ᠬᠡᠮᠡᠨ ᠵᠤᠶᠢᠷᠯᠡᠵᠤ ᠢᠷᠡᠭᠰᠡᠨ᠃ ᠣᠰᠤ ᠲᠤᠯᠤᠭᠠᠨ | ᠭᠠᠶᠢᠬᠠᠮᠰᠢᠬᠳᠤ ᠴᠢᠨᠠᠷᠳᠠᠢ ᠪᠦᠬᠡᠳ ᠲᠡᠬᠦᠨ ᠤ ᠨᠢᠬᠡ ᠨᠢ ᠪᠤᠰᠤᠳ ᠡᠷᠦᠳᠡᠰᠦ ᠪᠠᠶᠠᠯᠢᠭ ᠲᠠᠢ ᠠᠳᠠᠯᠢ ᠦᠬᠡᠷᠡ ᠶᠠᠮᠠᠷ | ᠨᠢᠬᠡᠨ ᠡᠷᠤᠳᠡᠰᠤ ᠪᠠᠷ ᠣᠷᠤᠯᠠᠭᠤᠯᠬᠤ ᠪᠤᠶᠤ ᠵᠤᠬᠢᠶᠠᠮᠠᠯ ᠢᠶᠠᠷ ᠬᠢᠵᠤ ᠪᠤᠯᠳᠠᠭ ᠦᠬᠡᠢ ᠬᠡᠨᠡ᠃ ᠮᠤᠩᠭᠤᠯᠴᠤᠳ | ᠣᠰᠤᠨ ᠤ ᠰᠢᠨᠵᠢ ᠴᠢᠨᠠᠷ ᠢ ︽ᠣᠰᠤᠨ ᠤ ᠱᠠᠰᠳᠢᠷ︾ ᠬᠡᠮᠡᠬᠦ ᠰᠤᠳᠤᠷ ᠲᠠᠭᠠᠨ ᠣᠨᠴᠠ ᠮᠡᠷᠬᠡᠨ ᠢᠶᠠᠷ ᠲᠦᠷᠰᠦᠯᠡᠨ | ᠪᠢᠴᠢᠭᠰᠡᠨ ᠨᠢ ᠪᠤᠢ᠃ ︽ᠣᠷᠭᠤᠵᠤ ᠪᠠᠶᠢᠭᠠ ᠠᠷᠴᠠ ᠨᠢᠬᠡ ᠠᠷᠢᠭᠤᠨ᠂ ᠣᠭᠤᠬᠢᠵᠤ ᠪᠠᠶᠢᠭᠠ ᠬᠦᠵᠢ ᠨᠢᠬᠡ | ᠠᠷᠢᠭᠤᠨ᠂ ᠣᠷᠤᠰᠴᠦ ᠪᠠᠶᠢᠭᠠ ᠣᠰᠤ ᠨᠢᠬᠡ ᠠᠷᠢᠭᠤᠨ︾ ᠬᠡᠰᠡᠨ ᠠᠷᠠᠳ ᠤᠨ ᠰᠠᠶᠢᠬᠠᠨ ᠦᠬᠡ ᠪᠠᠶᠢᠳᠠᠭ᠃ | ᠮᠤᠩᠭᠤᠯ ᠣᠷᠤᠨ ᠡᠮᠴᠢᠯᠡᠬᠡᠨ ᠤ ᠴᠢᠨᠠᠷ ᠲᠠᠢ ᠷᠠᠰᠢᠶᠠᠨ ᠣᠰᠤ ᠪᠠᠷ ᠡᠯᠪᠡᠭ ᠪᠠᠶᠢᠳᠠᠭ᠃ | ᠷᠠᠰᠢᠶᠠᠨ ᠣᠰᠤ ᠨᠢ ᠵᠦᠪᠬᠡᠨ ᠬᠦᠮᠦᠨ ᠠᠮᠢᠳᠠᠨ ᠤ ᠣᠮᠳᠠᠭᠠᠨ ᠤ ᠬᠡᠷᠡᠭᠴᠡᠭᠡ ᠶᠢ ᠬᠠᠩᠭᠠᠭᠠᠳ ᠵᠤᠬᠰᠤᠬᠤ ᠦᠬᠡᠢ | ᠠᠳᠢᠰ ᠷᠠᠰᠢᠶᠠᠨ ᠪᠤᠯᠵᠠᠢ᠂ ᠠᠷᠠᠰᠤ ᠮᠢᠬᠠᠨ ᠤ ᠵᠠᠪᠰᠠᠷ ᠢᠶᠠᠷ ᠡᠮ ᠲᠠᠩ ᠪᠤᠯᠵᠤ ᠡᠯᠳᠡᠪ ᠡᠮᠬᠡᠭ ᠡᠪᠡᠳᠴᠢᠨ ᠢ | ᠢᠯᠡᠷᠢᠰᠢᠬᠦᠯᠤᠨ ᠡᠮᠴᠢᠯᠡᠬᠡᠨ ᠤ ᠵᠤᠷᠢᠭᠤᠯᠤᠯᠳᠠ ᠪᠠᠷ ᠠᠰᠢᠬᠯᠠᠵᠤ ᠢᠷᠡᠭᠰᠡᠨ᠃ ᠬᠠᠨ ᠬᠡᠨᠳᠠᠢ ᠶᠢᠨ ᠠᠷᠤ ᠲᠠᠶᠢᠭᠠ | ᠠᠴᠠ ᠡᠬᠢ ᠠᠪᠣᠬᠰᠡᠨ᠂ ᠣᠨᠣᠨ᠂ ᠮᠢᠭᠵᠢ᠂ ᠡᠷᠦᠬᠡ ᠶᠢᠨ ᠬᠠᠯᠠᠭᠤᠨ ᠷᠠᠰᠢᠶᠠᠨ ᠢ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ | ᠦᠶᠡ ᠳᠤ ᠠᠰᠢᠬᠠᠯᠵᠤ ᠪᠠᠶᠢᠬᠰᠡᠨ ᠪᠦᠬᠡᠳ ᠬᠤᠵᠢᠮ ᠦᠨᠳᠦᠷ ᠬᠡᠬᠡᠨ ᠵᠠᠨᠠᠪᠠᠽᠠᠷ ᠰᠡᠷᠬᠦᠬᠡᠨ ᠲᠤᠬᠢᠵᠢᠭᠤᠯᠵᠤ᠂ | ᠲᠡᠬᠦᠨ ᠢ ᠲᠦᠰᠢᠭᠯᠡᠨ ᠵᠦᠩ ᠰᠦᠮᠡ ᠪᠠᠶᠢᠭᠤᠯᠵᠤ᠂ ᠷᠠᠰᠢᠶᠠᠨ ᠤ ᠡᠬᠢ ᠣᠨᠳᠤᠷᠤᠭᠠ ᠪᠦᠷᠢ ᠶᠢᠨ ᠬᠢᠨᠢ ᠡᠮᠴᠢᠯᠡᠬᠡᠨ | ᠤ ᠰᠢᠨᠵᠢ ᠴᠢᠨᠠᠷ᠂ ᠣᠨᠴᠠᠯᠢᠭ ᠲᠤ ᠲᠤᠬᠢᠷᠠᠭᠤᠯᠤᠨ ᠬᠡᠷᠡᠭᠯᠡᠬᠦ ᠵᠤᠷ ᠪᠢᠴᠢᠵᠤ᠂ ᠦᠷᠬᠡᠨ ᠣᠯᠠᠨ ᠤ ᠬᠦᠷᠲᠡᠬᠡᠯ | ᠪᠤᠯᠭᠠᠬᠰᠡᠨ ᠨᠢ ᠨᠣᠲᠤᠭ ᠤᠨ ᠠᠷᠠᠳ ᠲᠦᠮᠡᠨ ᠠᠴᠠ ᠷᠠᠰᠢᠶᠠᠨ ᠬᠦᠷᠲᠡᠨ ᠡᠪᠡᠳᠴᠢᠨ ᠡᠮᠬᠡᠭ ᠠᠴᠠ ᠪᠠᠨ ᠰᠠᠯᠬᠤ | ᠨᠢᠬᠡᠨ ᠪᠤᠶᠠᠨ ᠲᠠᠢ ᠦᠢᠯᠡᠰ ᠪᠤᠯᠤᠬᠰᠡᠨ ᠬᠡᠳᠡᠭ᠃ ︽ᠡᠮ ᠤᠨ ᠲᠡᠬᠡᠳᠦ ᠪᠤᠴᠠᠯᠤᠬᠰᠡᠨ ᠣᠰᠤ︾ ᠭᠡᠵᠤ ᠮᠠᠨ ᠤ | ᠠᠷᠠᠳ ᠲᠦᠮᠡᠨ ᠡᠷᠬᠢᠮᠯᠡᠨ ᠲᠡᠭᠡᠳᠦᠯᠡᠵᠤ᠂ ᠡᠳᠦᠷ ᠲᠤᠳᠤᠮ ᠤᠨ ᠠᠬᠤᠢ ᠠᠮᠢᠳᠤᠷᠠᠯ ᠳᠤ ᠦᠷᠬᠡᠨ ᠢᠶᠠᠷ ᠬᠡᠷᠡᠭᠯᠡᠵᠦ | ᠢᠷᠡᠭᠰᠡᠨ ᠨᠢ ᠣᠰᠤ ᠬᠡᠴᠢᠨᠡᠨ ᠦᠨᠡ ᠴᠠᠨᠠ ᠲᠠᠢ᠂ ᠠᠴᠢ ᠬᠤᠯᠪᠣᠬᠳᠠᠯ ᠲᠠᠢ ᠪᠤᠯᠬᠤ ᠶᠢ ᠬᠡᠷᠡᠴᠢᠯᠡᠨᠡ᠃ ᠠᠯᠢᠪᠠ | ᠶᠢ ᠲᠦᠯᠵᠢᠬᠦᠯᠦᠨᠡ᠂ ᠣᠶᠠᠯᠳᠤᠭᠤᠯᠵᠤ ᠦᠰᠬᠡᠬᠦ ᠦᠢᠯᠡᠳᠤᠯ ᠲᠠᠢ ᠣᠰᠤᠨ ᠤ ᠮᠦᠨ ᠴᠢᠨᠠᠷ᠂ ᠠᠴᠠ ᠲᠤᠰᠨ ᠶᠢ | ᠮᠤᠩᠭᠤᠯᠴᠤᠳ ᠪᠡᠯᠬᠡᠰᠢᠶᠡᠨ ︽ᠣᠰᠤᠨ ᠤ ᠲᠦᠷᠪᠡᠨ ᠡᠷᠳᠡᠮ︾ ᠬᠡᠮᠡᠨ ᠣᠨᠴᠠᠯᠠᠨ ᠮᠠᠬᠳᠠᠳᠠᠭ ᠪᠠᠶᠢᠨᠠ᠃ | ᠡᠬᠦᠨ ᠳᠤ᠄ | — ᠣᠰᠤ ᠶᠢ ᠬᠢᠳᠤᠭᠠ ᠪᠠᠷ ᠵᠦᠰᠦᠭᠰᠡᠨ ᠴᠦ ᠣᠷᠤᠮ ᠦᠯᠡᠳᠡᠳᠡᠭ ᠦᠬᠡᠢ᠂᠂ ᠲᠡᠬᠦᠨ ᠢ | ᠶᠠᠮᠠᠷ ᠴᠦ ᠰᠠᠪᠠᠨ ᠳᠤ ᠠᠭᠤᠯᠤᠬᠰᠡᠨ ᠴᠦ ᠲᠡᠷᠨ ᠬᠡᠯᠪᠡᠷᠢ ᠶᠢ ᠣᠯᠳᠠᠭ ᠲᠠᠶᠢᠮᠦ ᠣᠶᠠᠨ ᠴᠢᠨᠠᠷ ᠲᠠᠢ ᠲᠤᠯᠨ ᠲᠡᠬᠦᠨ | ᠢ ︽ᠣᠰᠤᠨ ᠤ ᠪᠠᠭᠠᠳᠤᠷ ᠡᠷᠳᠡᠮ︾ ᠬᠡᠨᠡ᠃ | — ᠣᠰᠤ ᠶᠠᠮᠠᠷ ᠴᠦ ᠲᠤᠬᠢᠶᠠᠯᠳᠤᠯ ᠳᠤ ᠲᠡᠭᠡᠷᠡ ᠠᠴᠠ ᠲᠤᠷᠤᠬᠰᠢ ᠣᠷᠤᠰᠳᠠᠭ᠂ ᠲᠡᠬᠡᠳᠦ | ᠬᠡᠰᠡᠭ ᠢᠶᠠᠨ ᠲᠦᠬᠦᠷᠬᠡᠨ ᠴᠠᠭᠠᠰᠢ ᠣᠷᠤᠰᠳᠠᠭ ᠲᠡᠭᠰᠢ ᠴᠢᠨᠠᠷᠳᠠᠢ ᠲᠡᠳᠦᠢ ᠦᠬᠡᠢ ᠬᠠᠮᠢᠭᠠ ᠬᠦᠷᠬᠦ ᠶᠤᠰᠤᠳᠠᠢ | ᠭᠠᠵᠠᠷ ᠢᠶᠠᠨ ᠬᠦᠷᠬᠦ ᠶᠢ ᠡᠷᠮᠡᠯᠵᠡᠨ ᠠᠯᠭᠤᠷ ᠠᠭᠠᠵᠢᠮ ᠪᠤᠯᠪᠠᠴᠦ ᠣᠷᠤᠬᠰᠢᠯᠠᠳᠠᠭ ᠴᠢᠨᠠᠷᠳᠠᠢ᠃ ᠡᠬᠦᠨ ᠢ ︽ᠣᠰᠤᠨ | ᠤ ᠮᠡᠷᠭᠡᠨ ᠡᠷᠳᠡᠮ︾ ᠬᠡᠨᠡ᠃ | — ᠣᠰᠤ ᠨᠢ ᠠᠯᠢᠪᠠ ᠪᠤᠬᠢᠷ ᠢ ᠦᠵᠡᠨ ᠶᠠᠳᠠᠵᠤ᠂ ᠭᠬᠢᠷ ᠪᠤᠷᠳᠠᠭ ᠢ ᠴᠡᠪᠡᠷᠯᠡᠬᠦ᠂ | ᠠᠷᠢᠭᠤᠳᠬᠠᠨ ᠣᠬᠢᠶᠠᠬᠤ ᠴᠢᠨᠠᠷᠳᠠᠢ ᠲᠤᠯᠨ ᠲᠡᠬᠦᠨ ᠢ ︽ᠣᠰᠤᠨ ᠤ ᠬᠠᠶᠢᠷᠠᠯᠠᠬᠤ ᠡᠷᠳᠡᠮ︾ ᠬᠡᠳᠡᠭ ᠪᠠᠶᠢᠨᠠ᠃ | ᠡᠨᠡ ᠪᠦᠬᠦᠨ ᠠᠴᠠ ᠦᠵᠡᠬᠦ ᠳᠤ ᠮᠤᠩᠭᠤᠯᠴᠤᠳ ᠣᠰᠤ ᠶᠢ ᠶᠠᠮᠠᠷ ᠴᠦ ᠦᠨᠡᠳᠦ ᠪᠠᠶᠠᠯᠢᠭ᠂ | ᠪᠤᠷᠬᠠᠨ ᠰᠢᠳᠦᠬᠡᠨ ᠠᠴᠠ ᠴᠦ ᠢᠯᠡᠬᠦᠦ ᠳᠤ ᠲᠡᠭᠡᠳᠦᠯᠡᠳᠡᠭ ᠨᠢ ᠪᠠᠭ᠋ᠠᠷᠤᠭᠤᠰᠢᠳᠠᠢ ᠪᠦᠬᠡᠳ ᠡᠨᠡ ᠡᠷᠬᠢᠮ ᠣᠯᠠᠮᠵᠢᠯᠠᠯ | ᠂ ᠶᠤᠰᠤ ᠵᠠᠩᠰᠢᠯ ᠢᠶᠠᠨ ᠦᠶᠡ ᠶᠢᠨ ᠦᠶᠡ ᠳᠤ ᠦᠪᠯᠡᠨ ᠣᠯᠠᠮ ᠪᠠᠶᠠᠵᠢᠭᠤᠯᠵᠤ ᠶᠠᠪᠣᠬᠤ ᠨᠢ ᠬᠠᠳᠠᠵᠤ ᠰᠢᠷᠬᠢᠵᠤ | ᠪᠠᠶᠢᠭᠠ ᠭᠤᠣᠯ ᠭᠤᠷᠤᠭᠠ᠂ ᠷᠠᠰᠢᠶᠠᠨ ᠪᠤᠯᠠᠭ ᠢᠶᠠᠨ ᠠᠪᠣᠷᠠᠵᠤ ᠬᠠᠮᠠᠭᠠᠯᠠᠬᠤ ᠳᠤ ᠴᠢᠬᠤᠯᠨ ᠠᠴᠢ ᠬᠤᠯᠪᠣᠬᠳᠠᠯ ᠲᠠᠢ | ᠪᠤᠯᠤᠨᠠ᠃ ︵ᠬᠤᠯᠪᠤᠭᠠ ᠰᠦᠯᠵᠢᠶᠡ︶ | |