| | | | ᠤᠯᠠᠩᠬᠢ ᠥᠷᠦ ᠵᠥᠭᠡᠯᠡᠨ ᠥᠷᠦᠪᠴᠢᠬᠡᠨ ᠰᠡᠳᠬᠢᠯ ᠲᠠᠢ ᠮᠤᠩᠭᠤᠯ ᠥᠬᠢᠴᠤᠤᠯ ᠲᠠᠢ | ᠬᠠᠷᠢᠴᠠᠭᠤᠯᠪᠠᠯ ᠪᠢ ᠨᠢᠭᠡ ᠬᠢᠷᠢ ᠲᠡᠩᠴᠡᠬᠦ ᠦᠭᠡᠢ ᠨᠢ ᠬᠡᠥᠬᠡᠳ ᠤᠳ ᠠᠴᠠ ᠶᠡᠭᠡ ᠡᠭᠳᠡᠭᠦᠴᠡᠳᠡᠭ᠃ ᠮᠢᠨᠢ ᠪᠤᠳᠤᠯ | ᠳᠤ ᠬᠡᠥᠬᠡᠳ ᠪᠤᠯ ᠶᠤᠰᠤ ᠦᠭᠡᠢ᠂ ᠪᠥᠲᠥᠯ ᠦᠭᠡᠢ ᠶᠢᠨ ᠪᠥᠷᠢᠯᠸᠠ᠃ ᠠᠪᠠᠭᠠ ᠡᠵᠢ ᠶᠢᠨ ᠪᠢᠴᠢᠬᠠᠨ ᠳᠠᠶᠢᠰᠥᠨ | ᠲᠠᠢ ᠨᠢ ᠬᠡᠳᠦᠨ ᠡᠳᠦᠷ ᠰᠠᠭᠤᠬᠤ ᠪᠤᠯᠤᠭᠰᠠᠨ ᠮᠢᠨᠢ ᠪᠥᠷᠢᠮᠰᠥᠨ ᠠᠯᠪᠠᠳᠠᠯᠭᠠ ᠳᠤᠤᠷᠠᠬᠢ ᠠᠷᠭᠠ ᠦᠭᠡᠢ | ᠰᠤᠩᠭᠤᠯᠲᠠ ᠪᠠᠶᠢᠯᠠ᠃ ᠠᠵᠢᠯ᠂ ᠰᠤᠷᠤᠯᠭᠠ᠂ ᠠᠮᠢᠳᠤᠷᠠᠯ᠂ ᠬᠠᠶᠢᠷᠠ ᠠᠯᠢᠪᠠ ᠪᠥᠬᠦᠨ ᠰᠠᠨᠠᠭᠠ ᠪᠠᠷ ᠪᠤᠯᠬᠤ | ᠦᠭᠡᠢ ᠴᠠᠭ ᠲᠤ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠬᠡᠳᠦᠨ ᠡᠳᠦᠷ ᠰᠡᠳᠬᠢᠯ ᠢᠶᠠᠨ ᠰᠡᠷᠭᠦᠭᠡᠬᠦ ᠭᠡᠵᠦ ᠶᠠᠪᠤᠬᠤ ᠳᠠᠯᠢᠮ ᠢᠶᠠᠷ | ᠠᠪᠠᠭᠠ ᠡᠵᠢ ᠶᠢᠨ ᠬᠢᠨ ᠪᠠᠷ ᠳᠠᠭᠠᠷᠢᠵᠤ ᠤᠷᠤᠭᠰᠠᠨ ᠮᠢᠨᠢ ᠪᠤᠷᠤᠭᠤᠲᠠᠴᠢᠬᠠᠵᠤ ᠪᠡᠶᠡ ᠳᠡᠭᠡᠨ ᠭᠠᠢ ᠲᠠᠷᠢᠭᠰᠠᠨ᠃ | ᠠᠪᠠᠭᠠ ᠡᠵᠢ ᠲᠥᠪ ᠲᠤ ᠪᠡᠶᠡ ᠪᠠᠨ ᠦᠵᠡᠭᠦᠯᠬᠦ ᠪᠠᠷ ᠶᠠᠪᠤᠬᠤ ᠭᠡᠵᠦ ᠬᠡᠥᠬᠡᠨ ᠢᠶᠠᠨ ᠬᠤᠴᠤᠷᠭᠠᠵᠤ ᠥᠭᠬᠦ ᠬᠥᠮᠥᠨ | ᠤᠯᠳᠠᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠨᠢ ᠪᠢ ᠥᠷᠲᠡᠴᠢᠬᠡᠵᠦ ᠬᠠᠲᠠᠭᠤ ᠠᠯᠪᠠᠨ ᠳᠤ ᠬᠠᠰᠢᠭᠳᠠᠭᠰᠠᠨ ᠪᠢᠯᠡ᠃ | ᠪᠢᠴᠢᠬᠠᠨ ᠳᠠᠶᠢᠰᠥᠨ ᠤ ᠨᠡᠷᠡ ᠦᠯᠡᠮᠵᠢ᠂ ᠳᠥᠷᠪᠡᠨ ᠨᠠᠰᠤᠲᠠᠢ᠂ ᠡᠵᠢ ᠠᠴᠠ ᠪᠠᠨ ᠪᠤᠰᠤᠳ | ᠠᠶᠤᠬᠤ ᠬᠥᠮᠥᠨ ᠦᠭᠡᠢ᠂ ᠲᠦᠢᠪᠡᠭᠡᠬᠦ ᠠᠴᠠ ᠪᠤᠰᠤᠳ ᠬᠢᠬᠦ ᠠᠵᠢᠯ ᠦᠭᠡᠢ᠃ ᠢᠳᠡᠬᠦ ᠤᠨᠲᠠᠬᠤ ᠨᠢ ᠲᠤᠷᠤᠢ ᠶᠢᠨ | ᠠᠮᠢᠳᠤᠷᠠᠯ᠂ ᠳᠡᠭᠡᠷᠡᠨᠢ ᠨᠠᠭᠠᠳᠤᠬᠤ ᠶᠢ ᠨᠡᠮᠡᠪᠡᠯ ᠦᠯᠡᠮᠵᠢ ᠶᠢᠨ ᠠᠮᠢᠳᠤᠷᠠᠯ᠃ ᠭᠡᠪᠡᠴᠦ ᠨᠠᠳᠠ ᠳᠤ ᠠᠪᠴᠤ ᠬᠡᠯᠡᠪᠡᠯ | ᠦᠯᠡᠮᠵᠢ ᠲᠠᠢ ᠨᠠᠭᠠᠳᠤᠬᠤ ᠶᠢᠨ ᠤᠷᠤᠨ ᠳᠤ ᠲᠤᠷᠤᠢ ᠪᠤᠯᠤᠭᠰᠠᠨ ᠨᠢ ᠵᠢᠷᠭᠠᠯᠲᠠᠢ᠃ ᠵᠠᠷᠢᠮ ᠳᠠᠭᠠᠨ ᠲᠧᠯᠸᠢᠰ | ᠦᠵᠡᠵᠦ ᠰᠠᠭᠤᠭᠠᠳᠤᠶᠢᠳᠬᠤ ᠳᠠᠭᠠᠨ ᠪᠡᠶᠡ ᠪᠠᠨ ᠠᠷᠭᠠᠳᠠᠨ ᠭᠠᠭᠴᠠᠭᠠᠷ ᠨᠠᠭᠠᠳᠴᠤ ᠰᠠᠭᠤᠭᠰᠠᠨ ᠦᠯᠡᠮᠵᠢ ᠪᠠᠨ | ᠥᠳᠦᠭᠡᠵᠤ᠄ ︽ᠳᠡᠭᠦᠤᠳᠠᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠤᠷᠳᠤᠰ ᠠᠴᠠ ᠬᠦᠷᠭᠡᠨ ᠤᠯᠤᠶᠠ᠂ ᠲᠡᠭᠡᠬᠦ ᠤᠤ︖︾ ᠭᠡᠬᠦ | ᠳᠤ ᠥᠭᠡᠳᠡ ᠠᠴᠠ ᠪᠥᠷ ᠬᠢᠨᠠᠮᠠᠭᠠᠢ ᠳᠦᠷᠢᠯᠡᠴᠢᠬᠡᠭᠰᠡᠨ ︽ᠪᠢ ᠳᠡᠯᠭᠡᠭᠦᠷ ᠠᠴᠠ ᠠᠪᠤᠨᠠ︾ ᠭᠡᠬᠦ ᠶᠤᠮ᠃ ᠠᠷᠭᠠ | ᠦᠭᠡᠢ ᠥᠭᠡᠳᠡᠡᠴᠠ ᠨᠢ᠄ ︽ᠠᠪ ᠡ ᠠᠪ᠂ ᠳᠡᠯᠭᠡᠭᠦᠷ ᠠᠴᠠ ᠠᠪ︾ ᠭᠡᠵᠦ ᠵᠠᠩᠨᠠᠭᠠᠳ ᠲᠧᠯᠸᠢᠰ ᠢᠶᠠᠨ ᠦᠵᠡᠵᠦ | ᠰᠠᠭᠤᠯᠠ᠃ᠰᠥᠨᠢᠤᠨᠲᠠᠬᠤ ᠪᠤᠯᠬᠤ ᠳᠤ ᠨᠠᠳᠠ ᠠᠴᠠ ᠡᠵᠢ ᠪᠠᠨ ᠨᠡᠬᠡᠵᠦ ᠤᠬᠢᠯᠠᠬᠤ ᠶᠤᠮ᠃ ᠡᠵᠢ ᠶᠢ ᠴᠢᠨᠢ ᠪᠢ | ᠬᠤᠪᠢᠯᠭᠠᠵᠤ ᠠᠪᠴᠢᠷᠠᠵᠤᠴᠢᠳᠠᠬᠤ ᠦᠭᠡᠢ ᠰᠢᠤ ᠭᠡᠳ ᠪᠢ ᠴᠦ ᠠᠷᠠᠢ ᠤᠬᠢᠯᠠᠴᠢᠬᠠᠭᠰᠠᠨ ᠦᠭᠡᠢ᠃ ᠪᠥᠷ ᠰᠡᠭᠦᠯ | ᠳᠤ ᠨᠢ ᠪᠢ ᠬᠠᠮᠢᠶᠠᠷᠴᠦ ᠳᠡᠶᠢᠯᠬᠦ ᠦᠭᠡᠢ ᠺᠢᠨᠤ᠋ ᠦᠵᠡᠭᠡᠳ ᠰᠠᠭᠤᠴᠢᠬᠠᠭᠰᠠᠨ ᠴᠢᠨᠢ ᠭᠡᠨᠡᠳᠲᠡ ᠨᠤᠮᠬᠠᠷᠠᠬᠤ ᠪᠠᠷ ᠨᠢ | ᠨᠢᠭᠡ ᠬᠠᠷᠠᠬᠤ ᠳᠤ ᠰᠤᠷᠮᠤᠰᠤᠨ ᠳᠡᠭᠡᠷᠡ ᠪᠠᠨ ᠨᠢᠯᠪᠤᠰᠤ ᠲᠠᠢ ᠪᠢᠴᠢᠬᠠᠨ ᠠᠮᠢᠲᠠᠨ ᠤᠬᠢᠯᠠᠵᠤ ᠮᠤᠬᠤᠭᠠᠳ | ᠤᠨᠲᠠᠴᠢᠬᠠᠭᠰᠠᠨ ᠪᠠᠶᠢᠨᠠ᠃ ᠢᠩᠬᠢᠵᠤ ᠨᠠᠳᠠ ᠳᠤ ᠠᠩᠬᠠ ᠤᠳᠠᠭᠠ ᠶᠡᠭᠡ ᠬᠥᠭᠡᠷᠦᠬᠦᠨ ᠰᠠᠨᠠᠭᠳᠠᠭᠰᠠᠨ ᠰᠠᠨ᠃ | ᠭᠡᠪᠡᠴᠦ ᠡᠨᠡ ᠨᠢ ᠲᠦᠷ ᠴᠠᠭ ᠶᠢᠨ ᠬᠢ᠃ᠥᠷᠯᠦᠭᠡ ᠨᠢᠭᠡ ᠮᠡᠳᠡᠬᠦ ᠳᠤ ᠯᠠ ᠪᠢᠴᠢᠬᠠᠨ ᠳᠠᠶᠢᠰᠥᠨ ᠤ ᠳᠠᠭᠤ | ᠰᠤᠨᠤᠰᠳᠠᠵᠤ ︽ᠬᠥᠶ᠋ᠢ᠂ ᠰᠡᠷᠢᠭᠡᠴᠢ ᠡ᠂ ᠴᠢ ᠰᠢᠮᠨᠤ ᠪᠤᠯ᠂ ᠪᠢ ᠪᠠᠭᠠᠲᠤᠷ ᠪᠤᠯᠤᠶᠠ᠂ ᠲᠡᠭᠡᠭᠡᠳ ᠬᠤᠶᠠᠭᠤᠯᠠ | ᠪᠠᠶᠢᠯᠳᠤᠶᠠ︕︾ ᠭᠡᠵᠦ ᠬᠠᠮᠠᠷ ᠠᠮᠠᠨ ᠳᠤ ᠬᠤᠷᠤᠭᠤ ᠪᠠᠨ ᠬᠢᠬᠦ ᠳᠤ ᠡᠭᠳᠡᠭᠦᠤ ᠬᠥᠳᠡᠯᠵᠦ᠄ ︽ᠴᠢ ᠰᠠᠶ᠋ᠢ | ᠵᠢᠩᠬᠢᠨᠢ ᠰᠢᠮᠨᠤ︕︾ᠭᠡᠵᠦ ᠤᠷᠢᠯᠠᠭᠠᠳ ᠦᠰᠦᠷᠴᠦ ᠪᠤᠰᠬᠤ ᠳᠤ ᠲᠡᠷᠡ ᠨᠥᠬᠦᠷ᠄ ︽ᠦᠭᠡᠢ᠂ ᠪᠢ ᠪᠠᠭᠠᠲᠥᠷ | ᠪᠠᠶᠢᠨᠠ︾ ᠭᠡᠳ ᠬᠢᠯᠢᠰ ᠳᠦᠷᠢ ᠲᠠᠢ ᠰᠠᠭᠤᠵᠤ ᠪᠠᠶᠢᠯᠠ᠃ ᠳᠡᠬᠡᠬᠡᠳ ᠪᠢᠴᠢᠬᠠᠨ ᠪᠠᠭᠠᠳᠤᠷ ᠳᠠᠭᠠᠨ ᠪᠤᠳᠠᠭᠠ ᠶᠢ ᠨᠢ | ᠢᠳᠡᠬᠦᠯᠴᠢᠬᠡᠬᠡᠳ ᠬᠤᠶᠠᠭᠤᠯᠠ ᠪᠠᠨ ᠬᠤᠪᠢ ᠬᠤᠪᠢᠨ ᠤ ᠪᠠᠨ ᠳᠤᠭᠤᠢ ᠪᠠᠨ ᠵᠢᠳᠬᠦᠬᠡᠳ ᠭᠠᠳᠠᠭᠰᠢ ᠭᠠᠷᠤᠭᠰᠠᠨ | ᠨᠢ ᠦᠬᠡᠷᠡ ᠨᠢᠬᠡ ᠵᠢᠭᠠᠯ ᠳᠠᠶᠢᠰᠤᠨ ᠲᠠᠢ ᠬᠠᠷᠭᠤᠯᠠ᠃ ᠦᠯᠠᠮᠵᠢ ᠶᠡᠭᠡ ᠬᠦᠮᠦᠨ ᠤ ᠤᠪᠤᠷ ᠢᠶᠠᠷ ︽ᠪᠢ ᠬᠦᠮᠦᠨ | ᠲᠠᠢ ᠠᠭᠤᠯᠵᠠᠭᠠᠳ ᠢᠷᠡᠶᠡ︾ ᠬᠡᠵᠤ ᠶᠠᠪᠤᠭᠠᠳ ᠳᠡᠳᠡ ᠬᠤᠶᠠᠭᠤᠯᠠ ᠳᠡᠨᠳᠡ ᠵᠤᠭᠤᠭᠳᠠᠵᠠᠢ᠃ | ᠦᠯᠡᠮᠵᠢ᠄ ︽ᠢᠷᠠᠭᠤ ᠡ᠂ ᠴᠢ ᠪᠠᠰᠠ ᠳᠤᠭᠤᠢ ᠠᠪᠴᠢᠬᠠᠭᠰᠠᠨ ᠶᠤᠮ ᠤᠤ︖︾ | ᠢᠷᠠᠭᠤ᠄ ︽ᠡᠩ᠂ ᠮᠢᠨᠤ ᠳᠤᠭᠤᠢ ᠬᠤᠩᠬᠤ ᠲᠠᠢ︾ | ᠦᠯᠡᠮᠵᠢ᠄ ︽ᠪᠢ ᠪᠠᠰᠠ ᠳᠤᠭᠤᠢ ᠳᠠᠭᠠᠨ ᠬᠤᠩᠬᠤ ᠳᠠᠭᠠᠷᠠᠭᠤᠯᠤᠶᠠ︾ | ᠢᠷᠠᠭᠤ᠄ ︽ᠴᠢ ᠡᠶᠢᠮᠦ ᠭᠤᠶᠤ ᠬᠤᠩᠬᠤ ᠶᠢ ᠬᠠᠮᠢᠭᠠ ᠠᠴᠠ ᠠᠪᠬᠤ ᠶᠢ ᠮᠡᠳᠡᠬᠦ ᠦᠭᠡᠢ︾ | ᠦᠯᠡᠮᠵᠢ᠄ ︽ᠪᠢ ᠦᠬᠡᠷᠡ ᠭᠠᠵᠠᠷ ᠠᠴᠠ ᠠᠪᠤᠨᠠ︾ | ᠢᠷᠠᠭᠤ᠄ ︽ᠳᠡᠬᠡᠪᠡᠯ ᠪᠢ ᠴᠢᠮᠠ ᠲᠠᠢ ᠨᠠᠭᠠᠳᠬᠤ ᠦᠭᠡᠢ︾ | ᠦᠯᠡᠮᠵᠢ᠄ ︽ᠪᠢ ᠪᠠᠰᠠ ᠴᠢᠮᠠ ᠲᠠᠢ ᠨᠠᠭᠠᠳᠬᠤ ᠦᠭᠡᠢ ᠯᠠᠢ︾ | ᠡᠨᠡ ᠳᠥᠭᠦᠮᠬᠡᠨ ᠶᠠᠷᠢᠶᠠᠨ ᠳᠤᠨᠢ ᠢᠨᠢᠶᠡᠳᠦ ᠬᠦᠷᠴᠦ ᠠᠭᠤᠷ ᠲᠠᠢ ᠪᠤᠴᠠᠵᠤ ᠢᠷᠡᠬᠦ ᠦᠯᠡᠮᠵᠢ ᠶᠢ | ᠳᠤᠰᠴᠤ ᠤᠴᠢᠭᠠᠳ᠄ ︽ᠳᠡᠷᠡ ᠬᠡᠤᠬᠡᠳ ᠬᠡᠨ ᠪᠤᠢ︖︾ ᠬᠡᠬᠦ ᠳᠤ ᠨᠢ᠄ ︽ᠮᠢᠨᠤ ᠬᠠᠮᠳᠤ ᠰᠤᠷᠤᠭᠴᠢ︾ ᠬᠡᠵᠤ | ᠳᠤᠷᠠ ᠦᠬᠡᠶᠢᠬᠡᠨ ᠬᠡᠯᠡᠬᠡᠳ ᠶᠠᠪᠤᠵᠤ ᠤᠳᠯᠠ᠃ ᠪᠤᠳᠤᠪᠠᠯ ᠬᠡᠤᠬᠡᠳ ᠤᠨ ᠴᠡᠴᠡᠷᠯᠢᠭ ᠲᠤ ᠳᠠᠨᠢᠯᠴᠠᠭᠰᠠᠨ ᠬᠡᠤᠬᠡᠳ | ᠯᠠ ᠪᠢᠵᠡ᠃ ᠬᠤᠶᠠᠭᠤᠯᠠ ᠵᠡᠬᠡᠯᠢ ᠪᠠᠷ ᠬᠡᠰᠦᠵᠤ ᠪᠠᠶᠢᠵᠤ ᠪᠢ ᠬᠤᠭ ᠳᠡᠬᠦᠳᠡᠭ ᠡᠮᠡᠬᠡᠨ ᠤᠯᠵᠤ ᠬᠠᠷᠠᠭᠠᠳᠤᠯᠠᠨ | ᠶᠠᠭᠤᠮᠠ ᠪᠤᠳᠤᠵᠤ ᠶᠠᠪᠤᠬᠤ ᠳᠠᠭᠠᠨ᠄ ︽ᠦᠯᠡᠮᠵᠢ ᠡ᠂ ᠡᠬᠡᠴᠢ ᠨᠢ ᠡᠮᠡᠬᠡᠨ ᠪᠤᠯᠴᠢᠬᠠᠪᠠᠯ ᠴᠢ ᠳᠡᠵᠢᠬᠡᠬᠦ ᠶᠤᠮ ᠤᠤ︖ | ︾ ︽ᠳᠡᠵᠢᠬᠡᠨᠡ︾ ᠬᠡᠵᠤ ᠳᠡᠬᠦᠨ ᠤ ᠪᠤᠳᠤᠯᠬᠢᠯᠠᠬᠤ ᠴᠦ ᠦᠭᠡᠢ ᠬᠠᠷᠢᠭᠤᠯᠬᠤ ᠲᠤᠨᠢ ᠪᠢ ᠶᠡᠭᠡ ᠬᠦᠬᠡᠷᠴᠤ᠄ ︽ | ᠶᠠᠭᠤ ᠪᠠᠷ ᠳᠡᠵᠢᠬᠡᠬᠦ ᠪᠤᠢ︖︾ ᠬᠡᠪᠡᠯ ᠦᠬᠡᠳᠡ ᠠᠴᠠ ᠮᠦᠨ ᠪᠤᠳᠤᠯᠬᠢᠯᠠᠭᠰᠠᠨ ᠴᠦ ᠦᠭᠡᠢ ᠪᠠᠷ᠄ ︽ᠰᠢᠰᠢᠨ | ᠭᠤᠯᠢᠷ︾ ᠬᠡᠯᠡ᠃ ᠪᠢ ᠶᠠᠮᠠᠷ ᠳᠠᠭᠠᠨ ᠨᠤᠬᠠᠢ ᠶᠤᠮ ᠬᠡᠵᠤ ᠪᠤᠳᠤᠭᠠᠳ ᠨᠢᠨᠢᠶᠡᠳᠦ ᠬᠦᠷᠪᠡ᠃ ᠤᠷᠤᠢ ᠨᠢ ᠦᠯᠡᠮᠵᠢ | ᠡᠵᠢ ᠪᠠᠨ ᠨᠡᠬᠡᠬᠡ ᠦᠭᠡᠢ᠂ ᠳᠡᠬᠦᠨ ᠳᠤ ᠦᠯᠢᠬᠡᠷ ᠶᠠᠷᠢᠵᠤ ᠦᠭᠴᠦ ᠪᠠᠶᠢᠵᠤ ᠤᠨᠳᠠᠭᠤᠯᠬᠤ ᠬᠡᠳ ᠠᠷᠠᠢ ᠯᠠ ᠦᠪᠡᠷ | ᠢᠶᠠᠨ ᠤᠷᠢᠳᠠᠪᠡᠷ ᠤᠨᠳᠠᠴᠢᠬᠠᠬᠤ ᠰᠢᠬᠠᠯᠠ᠃ | ᠳᠠᠷᠠᠭᠠ ᠡᠳᠦᠷ ᠨᠢ ᠬᠢᠳᠡᠯ ᠠᠯᠳᠠᠭᠰᠠᠨ ᠪᠢᠳᠡ ᠬᠤᠶᠠᠷ ᠠᠮᠢᠳᠠᠨ ᠤ ᠬᠦᠷᠢᠶᠡᠯᠡᠩ ᠪᠠᠷ | ᠳᠤᠭᠤᠷᠢᠯᠠ᠃ ᠪᠢᠴᠢᠬᠠᠨ ᠳᠠᠶᠢᠰᠤᠨ ᠵᠢᠵᠢᠭᠬᠡᠨ ᠬᠤᠷᠤᠭᠤ ᠪᠠᠷ ᠢᠶᠠᠨ ᠪᠢᠳᠡᠬᠦᠦ ᠳᠡᠷᠬᠡᠨ ᠤ ᠰᠢᠯ ᠢᠶᠠᠷ ᠭᠠᠳᠠᠭᠰᠢ | ᠪᠠᠨ ᠵᠢᠭᠠᠭᠠᠳ᠄ ︽ᠡᠬᠡᠴᠢ ᠡ᠂ ᠳᠡᠷᠡ ᠬᠤᠯᠠᠬᠢ ᠴᠢᠨᠢ ᠬᠤᠯᠤᠭᠠᠨᠠ ᠪᠢᠯᠢᠤ︖ ᠴᠢᠨ᠋ᠸᠠ ᠪᠢᠯᠢᠤ︖︾ ᠬᠡᠵᠤ | ᠠᠰᠠᠭᠤᠬᠤ ᠶᠤᠮ᠃ ᠳᠡᠷᠡ ᠨᠢᠬᠡ ᠳᠤᠮᠤ ᠨᠢᠬᠡ ᠪᠢᠴᠢᠯ ᠠᠮᠢᠳᠠᠨ ᠢ ᠬᠦᠷᠳᠡᠯᠡ ᠠᠳᠡᠭᠦᠷᠡᠵᠦ ᠨᠢᠭᠤᠷ ᠪᠠᠷᠠᠯᠠ | ᠬᠡᠵᠤ ᠦᠯᠡᠮᠵᠢ ᠲᠠᠢ ᠪᠦᠬᠡᠮ ᠪᠠᠶᠢᠯᠳᠤᠭᠠᠨ ᠬᠢᠭᠰᠡᠨ ᠰᠠᠨ᠃ | ᠭᠡᠷ ᠲᠤ ᠪᠠᠨ ᠬᠠᠷᠢᠭᠠᠳᠨᠠᠳᠠ ᠲᠠᠢ ᠠᠶᠢᠯ ᠪᠤᠯᠵᠤ ᠨᠠᠭᠠᠳᠬᠤ ᠬᠡᠵᠤ ᠠᠭᠠᠰᠢᠯᠠᠭᠠᠳ | ᠪᠠᠶᠢᠬᠤᠯᠠᠷ ᠨᠢ ᠠᠷᠭᠠ ᠦᠭᠡᠢ ᠨᠠᠭᠠᠳᠤᠯᠠ᠃ ᠠᠯᠢᠪᠠ ᠰᠠᠶᠢᠬᠠᠨ ᠨᠠᠭᠠᠳᠤᠮ ᠢᠶᠠᠨ ᠪᠦᠷ ᠦᠯᠡᠮᠵᠢ ᠪᠠᠨ ᠦᠪᠡᠷ ᠢᠶᠠᠨ | ᠠᠪᠴᠢᠬᠠᠭᠰᠠᠨ᠂ ᠮᠠᠨᠠᠶᠢᠬᠢᠨ ᠬᠡᠵᠤ ᠪᠦᠬᠦ ᠶᠠᠭᠤᠮᠠ ᠨᠢ ᠪᠦᠷ ᠡᠪᠳᠡᠷᠬᠡᠢ ᠪᠠᠯᠪᠠᠷᠬᠠᠢ ᠵᠦᠳᠡᠬᠦᠬᠡᠨ ︽ᠠᠶᠢᠯ︾ | ᠦᠯᠡᠮᠵᠢ ᠶᠢᠨ ᠬᠢᠨ ᠤ ᠬᠤᠳᠠᠨ ᠳᠤ ᠰᠠᠭᠤᠵᠤ ᠪᠠᠶᠢᠨᠠ ᠳ᠋ᠠ᠃ ᠪᠢ ᠠᠷᠭᠠ ᠮᠤᠬᠤᠬᠤ ᠳᠠᠭᠠᠨ ᠪᠦᠬᠡᠮ ᠴᠠᠭᠠᠰᠤ | ᠵᠦᠰᠦᠵᠤ ︽ᠵᠤᠭᠤᠰ︾ ᠬᠢᠵᠤ ᠳᠠᠨᠠᠶᠢᠬᠢᠨ ︽ᠳᠡᠯᠬᠡᠬᠦᠷ︾ ᠬᠡᠨᠡ ᠬᠡᠵᠤ ᠤᠬᠠᠭᠠᠯᠠᠵᠤ ᠪᠠᠶᠢᠵᠤ ︽ᠬᠡᠷ︾ ᠳᠠᠬᠢ | ᠶᠠᠭᠤᠮᠠ ᠶᠢ ᠨᠢ ᠪᠦᠷ ᠨᠢᠬᠡ ᠨᠢᠬᠡ ᠪᠠᠷ ᠵᠤᠯᠢᠵᠤ ᠠᠪᠠᠴᠢᠭᠰᠠᠭᠠᠷ ᠪᠠᠶᠢᠵᠤ ᠡᠴᠦᠰ ᠲᠤ ᠪᠦᠬᠦ ᠨᠠᠭᠠᠳᠤᠮ ︽ᠮᠠᠨ ᠤ | ᠬᠢ︾ ᠪᠤᠯᠵᠤ ᠦᠯᠡᠮᠵᠢ ᠶᠢᠨ ᠭᠠᠷ ᠲᠤ ᠨᠢᠬᠡ ᠠᠳᠬᠤ ︽ᠵᠤᠭᠤᠰ︾ ᠯᠠ ᠦᠯᠡᠳᠡᠬᠦ ᠪᠠᠷ ᠨᠢ ᠦᠯᠡᠮᠵᠢ ᠤᠬᠢᠯᠠᠯᠠ᠃ | ᠪᠢ ᠴᠦ ᠠᠮᠵᠢᠯᠳᠠ ᠲᠠᠢ ᠴᠢᠯᠦᠬᠡᠯᠡᠭᠳᠡᠵᠤ ︽ᠪᠢ ᠴᠢᠮᠠ ᠲᠠᠢ ᠨᠠᠭᠠᠳᠬᠤ ᠦᠭᠡᠢ︾ ᠬᠡᠰᠡᠨ ᠦᠬᠡᠨ ᠳᠤᠨᠢ | ᠪᠠᠶᠠᠷᠯᠠᠨ ᠬᠠᠷᠠᠶᠢᠯᠭᠠᠵᠤ ᠺᠢᠨᠤ᠋ ᠪᠠᠨ ᠦᠵᠡᠬᠦ ᠪᠠᠷ ᠤᠳᠪᠠ᠃ | ᠤᠷᠤᠢ ᠶᠢᠨ ᠪᠤᠳᠠᠭᠠ ᠢᠳᠡᠬᠦ ᠪᠤᠯᠬᠤ ᠳᠤ ᠵᠢᠭᠠᠯ ᠳᠠᠶᠢᠰᠤᠨ ᠢᠳᠡᠵᠤ ᠦᠭᠬᠦ ᠦᠭᠡᠢ ᠦᠢᠯᠡ ᠶᠢ | ᠪᠠᠷᠠᠯᠠ᠃ ︽ᠨᠠᠳᠠ ᠲᠠᠢ ᠠᠳᠠᠯᠢ ᠳᠤᠮᠤ ᠬᠡᠤᠬᠡᠳ ᠪᠤᠯᠤᠨᠠ ᠰᠢᠦ︾ ᠬᠡᠵᠤ ᠳᠠᠭᠤᠷᠢᠶᠠᠯ ᠦᠵᠡᠬᠦᠯᠦᠭᠰᠠᠨ ᠪᠤᠯᠵᠤ | ᠪᠢ ᠡᠳᠦᠢ ᠳᠡᠳᠦᠢ ᠢᠳᠡᠭᠰᠡᠨ ᠬᠤᠶᠢᠨᠠ ᠳᠡᠷᠡ ᠬᠤᠶᠠᠷ ᠠᠮᠠ ᠡᠮᠬᠦᠨᠡ᠃ ᠤᠷᠤᠯᠳᠤᠵᠤ᠂ ᠪᠢ ᠨᠢᠬᠡ ᠠᠶᠠᠭᠠ | ᠳᠡᠷᠡ ᠬᠤᠶᠠᠷ ᠬᠠᠯᠪᠠᠭᠠ ᠪᠠᠨ ᠴᠤᠭ ᠪᠠᠷᠭᠠᠨᠠ᠃ ᠪᠤᠳᠠᠭᠠ ᠶᠢ ᠨᠢ ᠪᠤᠯᠢᠶᠠᠨᠠ ᠬᠡᠵᠤ ᠠᠶᠤᠯᠭᠠᠵᠤ ᠪᠠᠶᠢᠵᠤ ᠬᠤᠶᠠᠷ | ᠠᠮᠠ ᠢᠳᠡᠬᠦᠯᠦᠨᠡ᠃ ︽ᠶᠠᠮᠠᠷ ᠠᠮᠳᠠ ᠲᠠᠢ ᠭᠤᠶᠤ ᠪᠤᠳᠠᠭᠠ ᠪᠤᠢ︖︾ ᠬᠡᠵᠤ ᠳᠠᠮᠰᠢᠶᠠᠯᠠᠵᠤ ᠮᠠᠶ᠋ᠢᠭᠯᠠᠵᠤ | ᠪᠠᠶᠢᠵᠤ ᠳᠡᠬᠦᠨ ᠢ ᠬᠡᠳᠦᠨ ᠬᠠᠯᠪᠠᠭᠠ ᠢᠳᠡᠬᠦᠯᠦᠨᠡ᠂ ᠢᠩᠬᠢᠵᠤ ᠳᠡᠩᠰᠡᠯᠬᠡᠵᠤ ᠪᠠᠶᠢᠵᠤ ᠦᠯᠡᠮᠵᠢ ᠴᠠᠳᠬᠤ ᠳᠤ | ᠮᠢᠨᠤ ᠬᠤᠳᠤᠭᠤᠳᠤ ᠳᠡᠯᠪᠡᠷᠡᠬᠦ ᠰᠢᠬᠠᠨᠠ᠃ | ᠤᠷᠤᠢ ᠡᠵᠢ ᠨᠢ ᠬᠠᠷᠢᠵᠤ ᠢᠷᠡᠯᠡ᠃ ᠡᠬᠢᠯᠡᠬᠡᠳ ᠶᠡᠭᠡ ᠯᠠ ᠤᠶᠢᠰᠢᠶᠠᠬᠤ ᠦᠭᠡᠢ ᠨᠠᠭᠠᠳᠴᠤ | ᠪᠠᠶᠢᠭᠰᠠᠨ ᠵᠢᠭᠠᠯ ᠳᠠᠶᠢᠰᠤᠨ ᠬᠡᠷᠡᠭ ᠦᠭᠡᠢ ᠶᠠᠭᠤᠮᠠᠨ ᠳᠤ ᠦ ᠡᠷᠢᠵᠤ ᠪᠠᠶᠢᠵᠤ ᠬᠠᠨᠳᠠᠯᠠ ᠤᠬᠢᠯᠠᠵᠤ ᠠᠪᠤᠭᠠᠳ | ᠡᠵᠢ ᠢᠶᠠᠨ ᠬᠤᠶᠢᠨᠠ ᠠᠴᠠ ᠪᠤᠷᠪᠢᠳᠠᠨ ᠳᠠᠭᠠᠵᠤ ᠬᠦᠬᠡᠷᠴᠤ ᠨᠠᠭᠠᠳᠴᠤ ᠬᠦᠯᠦᠰᠦ ᠪᠠᠨ ᠭᠠᠷᠳᠠᠯᠠ ᠠᠯᠢᠶᠠᠯᠠᠭᠠᠳ | ᠶᠠᠳᠠᠷᠠᠵᠤ ᠳᠤᠶᠢᠯᠳᠠᠬᠤ ᠳᠠᠭᠠᠨ ᠤᠨᠳᠠᠵᠤ ᠤᠷᠬᠢᠯᠠ᠃ ᠳᠠᠷᠠᠭᠠ ᠦᠷᠯᠦᠬᠡ ᠨᠢ ᠨᠠᠮᠠ ᠶᠢ ᠶᠠᠪᠤᠬᠤ ᠬᠡᠬᠦ ᠳᠤ | ᠦᠯᠡᠮᠵᠢ ᠮᠢᠨᠢ ᠠᠷᠭᠠ ᠠᠭᠠᠰᠢ ᠨᠢ ᠠᠯᠳᠠᠷᠠᠵᠤ ᠶᠠᠪᠤᠭᠤᠯᠬᠤ ᠦᠭᠡᠢ ᠬᠡᠮᠡᠨ ᠶᠡᠭᠡ ᠯᠡ ᠴᠢᠷᠮᠠᠶᠢᠯᠠ᠃ ᠠᠷᠭᠠᠳᠠᠵᠤ | ᠭᠤᠶᠤᠵᠤ ᠮᠤᠬᠤᠭᠠᠳ ᠡᠵᠢ ᠳᠤᠨᠢ ᠲᠡᠪᠡᠷᠢᠭᠦᠯᠵᠦ ᠲᠠᠯᠪᠢᠭᠠᠳ ᠭᠠᠷᠴᠦ ᠶᠠᠪᠤᠬᠤ ᠳᠤ ᠠᠷᠤ ᠳᠤ ᠤᠬᠢᠯᠠᠵᠤ | ᠬᠤᠴᠤᠷᠠᠭᠰᠠᠨ ᠶᠤᠮᠰᠠᠨ᠃ ᠭᠡᠨᠡᠳᠲᠡ ᠡᠨᠡ ᠪᠢᠴᠢᠬᠠᠨ ᠳᠠᠶᠢᠰᠥᠨ ᠳᠤ ᠶᠡᠭᠡ ᠯᠡ ᠬᠤᠷᠭᠤᠳᠠᠬᠤ ᠶᠤᠮ᠃ ᠡᠨᠡ | ᠬᠡᠳᠦᠨ ᠡᠳᠦᠷ ᠪᠢ ᠦᠯᠡᠮᠵᠢ ᠶᠢ ᠬᠠᠷᠢᠭᠤᠯᠵᠤ ᠰᠠᠭᠤᠭᠰᠠᠨ ᠪᠢᠰᠢ᠂ ᠦᠯᠡᠮᠵᠢ ᠨᠠᠳᠠᠳᠤ ᠬᠠᠨᠢ ᠪᠤᠯᠵᠤ ᠰᠠᠭᠤᠭᠰᠠᠨ | ᠴᠦ ᠶᠤᠮ ᠤᠤ᠃ | | | | ᠬᠠᠶ᠋ᠢᠭ᠄ ᠦᠪᠦᠷ ᠮᠤᠩᠭᠤᠯ | ᠤᠨ ᠳᠠᠷᠢᠶᠠᠯᠠᠩ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ | | | |