| | | ᠲᠠᠯᠤᠨᠠᠭᠤᠷ ᠨᠢ ᠲᠠᠩᠰᠤᠭ ᠰᠠᠶᠢᠬᠠᠨ ᠥᠵᠡᠮᠵᠢ᠂ ᠥᠪᠡᠷᠮᠢᠴᠡ ᠭᠤᠸᠠ ᠥᠩᠭᠡ ᠲᠥᠷᠬᠦ | ᠪᠠᠷ ᠪᠤᠰᠤᠳ ᠨᠠᠭᠤᠷ ᠲᠠᠩᠭᠢᠰ ᠠᠴᠠ ᠤᠨᠴᠠ ᠢᠯᠭᠠᠪᠤᠷᠢᠳᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠡᠩ ᠦᠭᠡᠢ ᠠᠭᠤᠳᠠᠮ ᠬᠥᠩᠭᠡᠷ | ᠤᠨ ᠲᠠᠯᠠ ᠶᠢᠨ ᠴᠢᠮᠡᠭ ᠪᠤᠯᠤᠨ ᠲᠤᠷᠮᠤᠶᠢᠵᠤ᠂ ᠱᠠᠷ ᠤᠨ ᠭᠤᠤᠯ ᠪᠤᠯᠤᠨ ᠬᠤᠭᠤᠯᠠᠢ ᠶᠢᠨ ᠭᠤᠤᠯ ᠢᠶᠠᠷ ᠭᠠᠩᠭᠠᠨ | ᠨᠠᠭᠤᠷ ᠪᠤᠯᠤᠨ ᠲᠥᠷᠤᠭᠡᠨᠠᠭᠤᠷ ᠲᠠᠢ ᠵᠠᠯᠭᠠᠯᠳᠤᠨ᠂ ᠬᠥᠩᠭᠡᠷ ᠤᠨ ᠭᠤᠤᠯ᠂ ᠰᠢᠷᠭᠤᠭᠠ ᠶᠢᠨ ᠭᠤᠤᠯ ᠴᠢᠳᠬᠤᠭᠰᠠᠨ | ᠠᠴᠠ ᠶᠤᠰᠤᠳᠠᠢ ᠤᠭ᠍ᠶᠤ ᠨᠤᠭᠤᠭᠠᠨ ᠲᠠᠯᠠ ᠳᠠᠬᠢ ᠱᠤᠭᠤᠵᠤ ᠰᠢᠳᠬᠡᠭᠰᠡᠨ ᠮᠥᠩᠭᠦᠨ ᠲᠤᠯᠢ ᠰᠢᠤᠬᠠᠨ ᠪᠥᠳᠤᠨ | ᠵᠢᠷᠤᠭ ᠪᠤᠯᠵᠤ ᠬᠠᠷᠠᠭᠳᠠᠨᠠ᠃ ᠶᠠᠭ ᠡᠶᠢᠮᠤ ᠪᠤᠯᠬᠤᠷ ᠲᠠᠯᠤᠨᠠᠭᠤᠷ ᠢ《 ᠭᠠᠵᠠᠷ ᠤᠨ ᠰᠥ》 ᠬᠡᠮᠡᠨ ᠵᠥᠢᠷᠯᠡᠳᠡᠭ | ᠠᠵᠠᠢ᠃ ᠡᠨᠡ ᠬᠦ ᠨᠠᠭᠤᠷ ᠤᠨ ᠵᠢᠩᠭᠢᠨᠢ ᠨᠡᠷᠡ ᠨᠢ《 ᠲᠠᠯᠤᠨᠠᠭᠤᠷ》 ᠮᠥᠨ᠃ ᠬᠠᠷᠢᠨ《 ᠲᠠᠯᠠᠶᠢᠨᠠᠭᠤᠷ》 ᠪᠢᠰᠢ | ᠶᠤᠮ᠃ ᠨᠠᠭᠤᠷ ᠤᠨ ᠵᠡᠬᠦᠨ ᠲᠠᠯᠠ ᠳᠤ ᠪᠠᠶᠢᠭᠠ ᠭᠠᠴᠠᠭᠠ ᠶᠢ ᠠᠳᠡᠬᠢ ᠮᠤᠩᠭᠤᠯᠴᠤᠳ ᠤᠳᠤ ᠴᠣ᠋ ᠭᠡᠰᠡᠨ ᠮᠠᠰᠢ | ᠲᠤᠳᠤᠷᠬᠠᠢ《 ᠲᠠᠯᠤ ᠭᠠᠴᠠᠭᠠ》 ᠭᠡᠵᠤ ᠲᠠᠭᠤᠳᠠᠳᠠᠭ ᠠᠴᠠ ᠪᠢᠰᠢ ᠬᠠᠷᠢᠨ《 ᠲᠠᠯᠠᠢ ᠭᠠᠴᠠᠭᠠ》 ᠭᠡᠵᠤ | ᠨᠡᠷᠡᠯᠡᠳᠡᠭ ᠦᠭᠡᠢ᠃ ᠨᠠᠭᠤᠷ ᠤᠨ ᠬᠡᠯᠪᠡᠷᠢ ᠲᠥᠷᠬᠦ ᠶᠢ ᠭᠠᠵᠠᠷ ᠤᠨ ᠵᠢᠷᠤᠭ ᠠᠴᠠ ᠰᠢᠨᠵᠢᠪᠡᠯ ᠬᠤᠨᠢᠨ ᠤ ᠲᠠᠯᠤ | ᠶᠠᠰᠤᠨ ᠤ ᠰᠢᠨᠵᠢ ᠲᠠᠢ ᠰᠢᠭ᠋ ᠬᠠᠷᠠᠭᠳᠠᠳᠠᠭ᠃ ᠲᠡᠶᠢᠮᠤ ᠳᠡᠭᠡᠨ《 ᠲᠠᠯᠤ ᠨᠠᠭᠤᠷ》 ᠭᠡᠵᠤ ᠲᠠᠭᠤᠳᠠᠭᠰᠠᠨ ᠪᠠᠶᠢᠨᠠ᠃ | ᠬᠡᠰᠢᠭᠳᠡᠨ ᠳᠤ ᠲᠠᠯᠤᠨᠠᠭᠤᠷ ᠤᠨ ᠲᠤᠬᠠᠢ ᠡᠶᠢᠮᠤ ᠨᠢᠬᠡᠨ ᠲᠤᠮᠤᠭ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠳᠠᠭ᠃ | ᠡᠷᠳᠡ ᠤᠷᠢᠳᠤ ᠶᠢᠨ ᠴᠠᠭ ᠲᠤ ᠲᠠᠯᠤᠨᠠᠭᠤᠷ ᠭᠡᠵᠤ ᠪᠠᠶᠢᠭᠠ ᠦᠭᠡᠢ᠂ ᠠᠳᠡ ᠥᠷᠭᠡᠨ | ᠠᠭᠤᠳᠠᠮ ᠲᠠᠯᠠ ᠪᠠᠶᠢᠵᠤ᠂ ᠠᠷᠣᠰᠢᠳᠠᠢ ᠪᠠᠶᠠᠨ ᠤ ᠬᠢᠨ ᠭᠡᠳᠡᠭ ᠠᠶᠢᠯ ᠠᠳᠤᠭᠤ ᠮᠠᠯ ᠥᠨᠢᠷ᠂ ᠠᠮᠤᠷ ᠵᠢᠷᠭᠠᠯᠳᠠᠢ | ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ᠃ | ᠨᠢᠬᠡᠨ ᠡᠳᠤᠷ ᠡᠮᠣᠨᠡ ᠭᠠᠵᠠᠷ ᠠᠴᠠ ᠨᠠᠨ ᠫᠠᠨ ᠽᠢ ᠭᠡᠭᠴᠢ ᠭᠠᠵᠠᠷ ᠰᠢᠨᠵᠢᠭᠡᠴᠢ | ᠬᠥᠶᠤᠬᠦᠷ ᠬᠥᠮᠤᠨ ᠢᠷᠡᠵᠤ ᠠᠷᠣᠰᠢᠳᠠᠢ ᠪᠠᠶᠠᠨ ᠤ ᠬᠤᠨᠢ ᠶᠢ ᠬᠠᠷᠢᠭᠤᠯᠤᠶᠠ ᠭᠡᠵᠤ ᠭᠤᠶᠤᠭᠠᠳ ᠬᠤᠨᠢᠴᠢᠨ ᠪᠤᠯᠵᠤ | ᠬᠡᠳᠤᠨ ᠵᠢᠯ ᠰᠠᠭᠤᠵᠠᠢ᠃ | ᠡᠨᠡ ᠬᠥᠮᠤᠨ ᠰᠠᠶᠢᠨ ᠭᠠᠵᠠᠷ ᠰᠢᠨᠵᠢᠳᠡᠭ ᠪᠤᠯᠬᠤᠷ ᠡᠨᠡ ᠤᠷᠤᠨ ᠤ ᠭᠠᠵᠠᠷ ᠣᠰᠣ ᠶᠢ | ᠰᠢᠨᠵᠢᠨ᠂ ᠪᠤᠷᠬᠠᠨ ᠬᠠᠳᠠ ᠪᠤᠯᠤᠨ ᠰᠡᠷᠪᠡᠩ ᠬᠠᠳᠠᠨ ᠤ ᠬᠤᠭᠤᠷᠤᠨᠳᠤ ᠨᠢᠬᠡᠨ ᠠᠯᠳᠠᠨ ᠤᠨᠠᠭᠠ ᠠᠯᠢᠶᠠᠯᠠᠨ | ᠲᠤᠭᠯᠠᠵᠤ ᠪᠠᠶᠢᠬᠤ ᠶᠢ ᠮᠡᠳᠡᠭᠡᠳ ᠪᠠᠷᠢᠵᠤ ᠠᠪᠬᠤ ᠰᠠᠨᠠᠭᠠ ᠲᠠᠢ ᠬᠤᠨᠢᠴᠢᠨ ᠪᠤᠯᠵᠤ ᠡᠨᠡᠭᠦᠷ ᠡᠷᠬᠢᠴᠡᠨ ᠪᠠᠶᠢᠭᠠ | ᠠᠵᠠᠢ᠃ ᠭᠡᠳᠡᠯᠡ ᠲᠡᠷᠡ ᠠᠯᠳᠠᠨ ᠤᠨᠠᠭᠠ ᠮᠠᠰᠢ ᠰᠡᠷᠬᠡᠢ᠂ ᠲᠡᠬᠦᠨ ᠤ ᠬᠥᠯ ᠤᠨ ᠴᠢᠮᠡᠭᠡ᠂ ᠬᠥᠯᠤᠰᠤᠨ ᠤ ᠥᠨᠣᠷ | ᠢᠶᠠᠷ ᠵᠢᠭᠤᠳᠠᠳᠠᠭ ᠲᠤᠯᠠ ᠨᠠᠨ ᠫᠠᠨ ᠽᠢ ᠡᠳᠤᠷ ᠤᠨ ᠤᠳᠠᠭᠠᠨ ᠳᠤ ᠴᠥᠬᠦᠷᠡᠩ ᠢᠶᠠᠨ ᠪᠠᠷᠠᠵᠠᠢ᠃ | ᠲᠡᠭᠡᠭᠡᠳ ᠲᠡᠷᠡ᠂ ᠤᠨᠠᠭᠠ ᠪᠠᠷᠢᠬᠤ ᠰᠠᠨᠠᠭᠠ ᠪᠠᠨ ᠬᠤᠷᠢᠶᠠᠵᠤ ᠠᠭᠤᠯᠠ ᠶᠢᠨ ᠵᠡᠬᠦᠨ | ᠰᠣᠭᠤ ᠪᠠᠷ ᠪᠡᠯᠴᠢᠳᠡᠭ ᠡᠷᠳᠡᠨᠢ ᠶᠢᠨ ᠲᠤᠯᠤᠭᠠᠨ ᠪᠤᠷᠤᠯᠠᠭ ᠬᠤᠨᠢ ᠶᠢ ᠨᠤᠮᠤᠬᠠᠨ ᠢᠶᠠᠷ ᠨᠢ ᠪᠠᠷᠢᠵᠤ ᠠᠪᠠᠴᠢᠬᠤ ᠪᠠᠷ | ᠪᠠᠶᠢᠨ ᠪᠠᠶᠢᠨ ᠤᠴᠢᠬᠤ ᠳᠤ ᠡᠳᠡᠭᠡᠷ ᠬᠤᠨᠢ ᠪᠠᠰᠠ ᠲᠡᠬᠦᠨ ᠢ ᠥᠢᠷᠠᠳᠤᠭᠤᠯᠬᠤ ᠦᠭᠡᠢ ᠪᠠᠶᠢᠭᠠ ᠳᠤ ᠨᠠᠨ ᠫᠠᠨ ᠽᠢ | ᠪᠡᠯᠡᠳᠭᠡᠵᠤ ᠠᠪᠤᠭᠰᠠᠨ ᠲᠤᠯᠤᠭᠠᠨ ᠨᠤᠭᠳᠤ᠂ ᠲᠤᠯᠤᠭᠠᠨ ᠪᠤᠷᠳᠤᠭᠠᠨ ᠲᠡᠪᠢᠬᠦᠷ ᠢᠶᠠᠨ ᠠᠪᠴᠤ ᠡᠳᠤᠷ ᠪᠤᠯᠭᠠᠨ | ᠬᠠᠷᠢᠭᠤᠯᠤᠭᠰᠠᠨ ᠬᠤᠨᠢ ᠲᠠᠢ ᠪᠠᠨ ᠢᠵᠢᠯᠢᠰᠢᠬᠦᠯᠵᠤ᠂ ᠲᠡᠪᠢᠭᠦᠷ ᠲᠤ ᠬᠢᠭᠰᠡᠨ ᠠᠮᠳᠠᠳᠠᠢ ᠪᠤᠷᠳᠤᠭᠠ ᠪᠠᠨ ᠪᠠᠭᠠ | ᠪᠠᠭᠠ ᠪᠠᠷ ᠢᠳᠡᠭᠦᠯᠤᠨ ᠪᠡᠶᠡ ᠥᠵᠡᠬᠦᠯᠤᠨ ᠠᠭᠠᠵᠢᠮ ᠳᠠᠭᠠᠨ ᠬᠤᠨᠢ ᠪᠥᠬᠦᠳᠡ ᠶᠢ ᠡᠳᠤᠷ ᠲᠤ ᠲᠤᠯᠤᠭᠠᠨ | ᠲᠤᠯᠤᠭᠠ ᠲᠥᠴᠢ ᠶᠢᠰᠤ ᠤᠳᠠᠭᠠ ᠢᠯᠪᠢᠨ ᠮᠠᠭᠠᠵᠢᠵᠤ ᠠᠷᠭᠠᠳᠠᠭᠰᠠᠭᠠᠷ ᠪᠠᠶᠢᠭᠠᠳ ᠪᠡᠶᠡ ᠳᠡᠭᠡᠨ ᠲᠠᠰᠬᠠᠭᠰᠠᠨ | ᠪᠤᠯᠪᠠᠴᠤ ᠭᠠᠭᠴᠠᠭᠠᠷ ᠲᠡᠬᠦᠨ ᠢ ᠨᠤᠭᠳᠤᠯᠠᠨ ᠠᠪᠴᠤ ᠪᠥᠷ ᠲᠡᠶᠢᠯᠥᠭᠰᠡᠨ ᠦᠭᠡᠢ᠃ ᠨᠠᠨ ᠫᠠᠨ ᠽᠢ ᠲᠤᠰ ᠭᠠᠵᠠᠷ | ᠤᠨ ᠬᠠᠮᠤᠭ ᠤᠨ ᠭᠤᠤᠯᠴᠢ ᠰᠢᠳᠤᠷᠭᠤ ᠬᠥᠮᠤᠨ ᠪᠤᠯᠬᠤ ᠬᠥᠷᠡᠯᠳᠠᠢ ᠬᠥᠤ ᠲᠠᠢ ᠨᠠᠶᠢᠵᠠ ᠪᠤᠯᠪᠠ᠃ ᠲᠡᠭᠡᠭᠡᠳ ᠨᠢᠬᠡ | ᠡᠳᠤᠷ ᠬᠤᠨᠢ ᠪᠠᠷᠢᠬᠤ ᠤᠴᠢᠷ ᠢᠶᠠᠨ ᠬᠡᠯᠡᠵᠤ ᠮᠠᠷᠭᠠᠰᠢ ᠥᠷᠯᠤᠭᠡ ᠨᠢ ᠨᠠᠷᠠᠨ ᠢᠶᠠᠷ ᠣᠴᠢᠵᠤ ᠪᠠᠷᠢᠯᠴᠠᠬᠤ ᠪᠠᠷ | ᠬᠥᠷᠡᠯᠳᠠᠢ ᠬᠥᠤ ᠲᠠᠢ ᠪᠤᠯᠵᠣᠵᠤ ᠭᠡᠨᠡ᠃ | ᠲᠡᠷᠡ ᠥᠳᠡᠰᠢ ᠬᠥᠷᠡᠯᠳᠠᠢ ᠬᠥᠤ ᠣᠨᠳᠠᠬᠤ ᠪᠤᠯᠬᠤ ᠳᠤ ᠲᠡᠬᠦᠨ ᠤ ᠬᠠᠯᠳᠠᠷ ᠲᠠᠶᠢᠭᠠ ᠨᠢ | ᠬᠠᠳᠠᠪᠴᠢ ᠪᠠᠨ ᠲᠠᠷᠤᠨ ᠭᠠᠰᠠᠯᠵᠤ ᠭᠠᠩᠭᠢᠨᠠᠭᠠᠳ ᠨᠢᠬᠡ ᠵᠢᠭᠳᠡᠢ ᠬᠤᠷᠭᠤᠭᠤᠬᠤ ᠲᠤᠯᠠ ᠲᠡᠷᠡ ᠶᠠᠭᠤ ᠪᠤᠯᠤᠭᠰᠠᠨ ᠢ | ᠮᠡᠳᠡᠭᠦ ᠭᠡᠵᠤ ᠭᠡᠷ ᠠᠴᠠ ᠭᠠᠷᠳᠠᠯᠠ᠂ ᠥᠨᠤᠬᠢ ᠨᠤᠬᠠᠢ ᠤᠷᠢᠳᠠᠢ ᠠᠶᠢᠯ ᠤᠷᠤᠭᠤ ᠪᠠᠨ ᠬᠤᠷᠭᠤᠭᠠᠭᠰᠠᠭᠠᠷ ᠬᠥᠶᠤᠵᠠᠢ | ᠃ ᠬᠥᠷᠡᠯᠳᠠᠢ ᠶᠢᠨ ᠭᠡᠷ ᠤᠨ ᠣᠷᠢᠳᠠᠢ ᠨᠢ ᠲᠠᠯᠠᠨ ᠨᠠᠰᠤᠳᠠᠢ ᠲᠠᠯᠠ ᠡᠮᠡᠭᠡᠨ ᠭᠡᠵᠤ ᠪᠣᠳᠠᠭᠠ ᠭᠤᠶᠤᠵᠤ ᠢᠳᠡᠳᠡᠭ | ᠭᠤᠶᠢᠷᠠᠨᠴᠢ ᠡᠮᠡᠬᠡᠨ ᠮᠠᠶᠢᠵᠢᠬᠢ ᠭᠡᠷ ᠲᠠᠢ ᠰᠠᠭᠤᠵᠤ ᠪᠠᠶᠢᠵᠠᠢ᠃ ᠨᠤᠬᠠᠢ ᠨᠢ ᠲᠡᠳᠡᠨ ᠤ ᠭᠠᠳᠠᠨᠠ ᠤᠴᠢᠭᠠᠳ ᠨᠢᠬᠡ | ᠬᠥᠭ ᠢᠶᠠᠷ ᠬᠤᠷᠭᠤᠭᠠᠬᠤ ᠳᠤᠨᠢ ᠬᠥᠷᠡᠯᠳᠠᠢ ᠬᠥᠤ ᠲᠤᠳᠤᠷᠠ ᠪᠠᠨ ᠶᠠᠭᠤ ᠪᠤᠯᠪᠠ︖ ᠭᠡᠵᠤ ᠪᠤᠳᠤᠭᠠᠳ | ᠭᠤᠶᠢᠷᠠᠨᠴᠢ ᠡᠮᠡᠭᠡᠨ ᠤ ᠳᠤ ᠣᠷᠣᠵᠣ ᠤᠴᠢᠮᠠᠭᠴᠠ ᠨᠤᠬᠠᠢ ᠬᠤᠷᠭᠤᠭᠠᠬᠤ ᠪᠠᠨ ᠪᠤᠯᠢᠵᠠᠢ᠃ | ᠡᠮᠡᠭᠡᠨ ᠬᠥᠷᠡᠯᠳᠠᠢ ᠬᠥᠤ ᠶᠢ ᠥᠵᠡᠭᠡᠳ ᠶᠡᠭᠡ ᠯᠡ ᠪᠠᠶᠠᠷᠯᠠᠵᠤ ᠬᠠᠨᠠ ᠶᠢᠨ ᠲᠤᠯᠤᠭᠠᠢ | ᠳᠤ ᠲᠡᠭᠦᠵᠢᠯᠡᠭᠰᠡᠨ ᠬᠠᠷᠠ ᠬᠡᠤᠳᠠᠢ ᠲᠠᠢ ᠭᠤᠯᠢᠷ᠂ ᠬᠠᠭᠠᠷᠬᠠᠢ ᠸᠠᠭᠠᠷ ᠲᠤ ᠴᠡᠷᠴᠠᠭᠠᠭᠰᠠᠨ ᠰᠢᠷᠠ ᠲᠤᠰᠤ ᠪᠠᠨ | ᠬᠠᠮᠳᠤ ᠳᠤᠨᠢ ᠲᠡᠬᠦᠨ ᠤ ᠡᠮᠤᠨᠡ ᠥᠷᠣᠭᠡᠳ ᠴᠠᠢ ᠤᠤᠭᠤᠯᠭᠠᠬᠤ ᠳᠠᠭᠠᠨ᠄《 ᠬᠥᠤ ᠮᠢᠨᠢ ᠲᠠ ᠶᠡᠭᠡ ᠯᠡ ᠬᠥᠳᠤᠰ | ᠰᠢᠳᠤᠷᠭᠤ ᠬᠥᠮᠤᠨ ᠪᠠᠶᠢᠨᠠ ᠳ᠋ᠠ︕》 ᠭᠡᠳ᠄《 ᠮᠠᠷᠭᠠᠰᠢ ᠶᠠᠮᠠᠷ ᠠᠵᠢᠯ ᠬᠢᠬᠦ ᠪᠠᠨ ᠡᠵᠢ ᠳᠡᠭᠡᠨ ᠬᠡᠯᠡᠭᠡᠳ ᠠᠯᠢ | ᠳ᠋ᠠ》 ᠭᠡᠵᠤ ᠬᠡᠯᠡᠬᠦ ᠳᠤᠨᠢ᠂ ᠬᠥᠷᠡᠯᠳᠠᠢ ᠬᠥᠤ ᠨᠠᠨ ᠫᠠᠨ ᠽᠢ ᠳᠤ ᠬᠤᠨᠢ ᠡᠪᠰᠡᠵᠤ ᠪᠠᠷᠢᠵᠤ ᠥᠭᠬᠦ ᠤᠴᠢᠷ ᠢᠶᠠᠨ | ᠥᠨᠡᠨ ᠢᠶᠠᠷ ᠬᠡᠯᠡᠬᠦ ᠳᠤ᠂ ᠡᠮᠡᠭᠡᠨ᠄《 ᠲᠡᠷᠡ ᠬᠥᠤ ᠬᠤᠨᠢ ᠪᠠᠨ ᠠᠯᠳᠠᠵᠠᠢ ᠤᠤ︖》 ᠭᠡᠵᠤ ᠠᠰᠠᠭᠤᠪᠠᠯ᠂ | ᠬᠥᠷᠡᠯᠳᠠᠢ 《ᠲᠡᠶᠢᠮᠤ 》ᠭᠡᠵᠤ ᠬᠠᠷᠢᠭᠤᠯᠵᠠᠢ᠃《 ᠲᠡᠭᠡᠪᠡᠯ ᠲᠠ ᠡᠯᠪᠡᠵᠤ ᠪᠠᠷᠢᠵᠤ ᠥᠭ︕ ᠵᠠᠪᠠᠯ ᠵᠡᠭᠦᠨ ᠵᠠᠮ | ᠢᠶᠠᠷ ᠨᠢ ᠨᠠᠨ ᠫᠠᠨ ᠽᠢ ᠶᠢ ᠭᠠᠷᠭᠠᠵᠤ ᠥᠭᠭᠦᠨᠡ ᠰᠢᠤ︕ ᠡᠬᠦᠨ ᠢ ᠮᠠᠷᠳᠠᠵᠤ ᠪᠤᠯᠬᠤ ᠦᠭᠡᠢ》 ᠭᠡᠵᠤ ᠵᠠᠬᠢᠵᠠᠢ᠃ | | ᠲᠠᠷᠠᠭᠠ ᠥᠷᠯᠤᠭᠡ ᠨᠢ ᠬᠥᠷᠡᠯᠳᠠᠢ ᠬᠥᠤ ᠪᠤᠯᠵᠣᠭᠰᠠᠨ ᠶᠤᠰᠤᠭᠠᠷ ᠤᠴᠢᠵᠤ ᠨᠠᠨ ᠫᠠᠨ ᠽᠢ ᠳᠤ ᠲᠤᠯᠣᠭᠠᠨ ᠪᠤᠷᠤᠯᠠᠭ | ᠬᠤᠨᠢ ᠶᠢ ᠴᠥᠮ ᠨᠤᠭᠳᠤᠯᠠᠨ ᠥᠭᠴᠤ ᠡᠵᠢ ᠶᠢᠨ ᠵᠠᠬᠢᠭᠰᠠᠨ ᠶᠤᠰᠤᠭᠠᠷ ᠵᠡᠬᠦᠨ ᠵᠠᠮ ᠤᠷᠤᠭᠤ ᠭᠠᠷᠭᠠᠵᠤ ᠥᠭᠬᠦ | ᠭᠡᠭᠦ ᠳᠤ᠂ ᠨᠠᠨ ᠫᠠᠨ ᠽᠢ ᠶᠠᠭᠠᠬᠢᠭᠰᠠᠨ ᠴᠣ᠋ ᠵᠥᠪᠰᠢᠶᠡᠷᠡᠭᠰᠡᠨ ᠦᠭᠡᠢ ᠥᠬᠡ ᠲᠠᠭᠤᠨ ᠦᠭᠡᠢ ᠡᠮᠤᠨᠡᠰᠢ ᠬᠥᠳᠤᠯᠤᠨ | ᠤᠳᠴᠠᠢ᠃ ᠬᠥᠷᠡᠯᠳᠠᠢ ᠬᠥᠤ ᠡᠵᠢ ᠶᠢᠨ ᠵᠠᠬᠢᠶᠠ ᠶᠢ ᠪᠡᠶᠡᠯᠡᠬᠦᠯᠵᠤ ᠲᠡᠶᠢᠯᠥᠭᠰᠡᠨ ᠦᠭᠡᠢ ᠬᠤᠳᠠᠯ ᠬᠡᠯᠡᠵᠤ ᠪᠤᠯᠬᠤ | ᠦᠭᠡᠢ ᠲᠤᠯᠠ ᠨᠠᠨ ᠫᠠᠨ ᠽᠢ ᠶᠢᠨ ᠠᠷᠣ ᠠᠴᠠ ᠰᠡᠮᠡᠭᠡᠷ ᠬᠥᠷᠴᠤ ᠬᠤᠷᠮᠤᠢ ᠪᠠᠨ ᠬᠥᠪᠢᠵᠤ ᠬᠤᠨᠢᠳ ᠢ | ᠥᠷᠭᠦᠭᠡᠭᠰᠡᠨ ᠳᠤ ᠲᠤᠯᠤᠭᠠᠨ ᠪᠤᠷᠤᠯᠠᠭ ᠬᠤᠨᠢ ᠨᠠᠨ ᠫᠠᠨ ᠽᠢ ᠶᠢ ᠴᠢᠷᠤᠨ ᠪᠤᠵᠢᠬᠢᠨᠠᠯᠳᠤᠨ ᠬᠥᠶᠤᠪᠡ᠃ ᠨᠠᠨ ᠫᠠᠨ | ᠽᠢ ᠬᠤᠨᠢ ᠶᠢ ᠠᠮᠢ ᠲᠠᠢ ᠪᠠᠨ ᠬᠤᠯᠪᠤᠵᠤ ᠵᠢᠭᠤᠷᠠᠨ ᠴᠢᠷᠤᠯᠳᠥᠭᠰᠡᠭᠡᠷ ᠪᠠᠶᠢᠵᠤ ᠲᠥᠩᠭᠡᠭᠡᠳ ᠵᠢᠷᠭᠤᠭᠠ ᠶᠢ ᠨᠢ | ᠲᠤᠭᠳᠠᠭᠠᠨ ᠠᠪᠴᠤ ᠨᠢᠬᠡ ᠶᠢ ᠠᠯᠳᠠᠵᠤ ᠶᠠᠪᠤᠭᠤᠯᠵᠠᠢ᠃ ᠲᠡᠭᠡᠭᠡᠳ ᠲᠡᠷᠡ ᠡᠷᠳᠡᠨᠢ ᠶᠢᠨ ᠵᠢᠷᠭᠤᠭᠠᠨ ᠬᠤᠨᠢ ᠶᠢ | ᠠᠪᠠᠴᠢᠵᠤ ᠨᠤᠳᠤᠭ ᠤᠨ ᠢᠶᠠᠷ ᠠᠭᠤᠯᠠ ᠪᠤᠯᠭᠠᠨ ᠳᠤ ᠲᠠᠯᠪᠢᠵᠤ᠂ ᠤᠰᠤ ᠪᠥᠬᠦᠨ ᠳᠤ ᠲᠠᠰᠠᠬᠠᠭᠰᠠᠨ ᠪᠤᠯᠪᠠᠴᠤ | ᠨᠢᠬᠡ ᠡᠷᠳᠡᠨᠢ ᠶᠢᠨ ᠬᠤᠨᠢ ᠶᠢ ᠠᠯᠳᠠᠵᠤ ᠶᠠᠪᠤᠭᠤᠯᠤᠭᠰᠠᠨ ᠤ ᠤᠷᠰᠢᠭ ᠠᠴᠠ ᠪᠤᠰᠤᠳ ᠨᠢ ᠲᠡᠳᠡᠨ ᠤ ᠨᠤᠳᠤᠭ ᠲᠤ | ᠡᠴᠤᠰ ᠲᠡᠭᠡᠨ ᠲᠤᠭᠳᠠᠭᠰᠠᠨ ᠦᠭᠡᠢ᠃ | ᠨᠠᠨ ᠫᠠᠨ ᠽᠢ ᠡᠬᠦᠨ ᠳᠤ ᠬᠤᠷᠤᠰᠤᠯᠳᠠᠢ ᠪᠠᠷ ᠪᠤᠴᠠᠵᠤ ᠢᠷᠡᠭᠡᠳ ᠬᠥᠷᠡᠯᠳᠠᠢ ᠬᠥᠤ ᠳᠤ | ᠄《 ᠲᠠᠨ ᠤ ᠠᠳᠡ ᠨᠢᠬᠡ ᠤᠳᠠᠭᠠᠨ ᠤ ᠤᠰᠤᠨ ᠭᠠᠮᠰᠢᠭ ᠭᠠᠷᠤᠨᠠ᠃ ᠲᠠᠨᠤᠰ ᠠᠳᠡ ᠠᠴᠠ ᠡᠷᠳᠡᠬᠡᠨ ᠵᠠᠶᠢᠯᠠᠵᠤ | ᠶᠠᠪᠤᠪᠠᠯ ᠲᠠᠭᠠᠷᠠᠨᠠ》 ᠭᠡᠵᠤ ᠶᠠᠷᠢᠬᠤ ᠳᠤ ᠬᠥᠷᠡᠯᠳᠠᠢ᠄《 ᠭᠠᠮᠰᠢᠭ ᠬᠡᠵᠢᠶᠡ ᠭᠠᠷᠬᠤ ᠪᠤᠢ︖》 ᠭᠡᠵᠤ | ᠠᠰᠠᠭᠤᠬᠤ ᠳᠤ᠄《 ᠠᠶᠢᠯ ᠤᠨ ᠪᠠᠷᠠᠭᠤᠨ ᠡᠮᠤᠨᠡᠬᠢ ᠬᠤᠳᠳᠤᠭ ᠤᠨ ᠲᠡᠷᠭᠡᠳᠡᠬᠢ ᠴᠢᠯᠠᠭᠤᠨ ᠠᠷᠰᠠᠯᠠᠨ ᠤ ᠨᠢᠳᠤ | ᠬᠡᠵᠢᠶᠡ ᠤᠯᠠᠶᠢᠪᠠᠯ ᠲᠡᠷᠡ ᠴᠠᠭ ᠲᠤ ᠬᠤᠳᠳᠤᠭ ᠠᠴᠠ ᠶᠡᠭᠡ ᠤᠰᠤ ᠥᠢᠯᠵᠤ ᠭᠠᠮᠰᠢᠭ ᠪᠤᠯᠤᠨᠠ》 ᠭᠡᠵᠠᠢ᠃ | ᠬᠥᠷᠡᠯᠳᠠᠢ ᠬᠥᠤ ᠲᠡᠬᠦᠨ ᠤ ᠶᠠᠪᠤᠭᠰᠠᠨ ᠠᠴᠠ ᠰᠡᠭᠦᠯᠡᠷ᠂ ᠡᠳᠤᠷ ᠪᠤᠯᠭᠠᠨ ᠴᠢᠯᠠᠭᠤᠨ ᠠᠷᠰᠠᠯᠠᠨ ᠤ ᠨᠢᠳᠤ ᠤᠯᠠᠶᠢᠵᠤ | ᠪᠠᠶᠢᠬᠤ ᠡᠰᠡᠬᠦ ᠶᠢ ᠪᠠᠶᠢᠴᠠᠭᠠᠵᠣ ᠥᠵᠡᠳᠡᠭ ᠪᠤᠯᠵᠠᠢ ᠭᠡᠨᠡ᠃ ᠭᠡᠳᠡᠯᠡ ᠭᠤᠷᠪᠠᠨ ᠵᠢᠯ ᠥᠩᠭᠡᠷᠡᠳᠡᠯᠡ ᠠᠷᠰᠠᠯᠠᠨ ᠤ | ᠨᠢᠳᠤ ᠶᠡᠷᠤ ᠨᠢ ᠤᠯᠠᠶᠢᠭᠰᠠᠨ ᠦᠭᠡᠢ᠃ ᠲᠡᠷᠡ ᠢᠳᠡᠭᠡᠵᠤ ᠶᠠᠳᠠᠨ ᠪᠢ ᠤᠴᠢᠭᠠᠳ ᠠᠷᠰᠠᠯᠠᠨ ᠤ ᠨᠢᠳᠤ ᠶᠢ ᠤᠯᠠᠭᠠᠨ | ᠰᠢᠩᠬᠤ ᠪᠠᠷ ᠪᠤᠳᠤᠴᠢᠬᠠᠶᠠ᠂ ᠲᠡᠭᠡᠪᠡᠯ ᠶᠠᠭᠠᠬᠢᠳᠠᠭ ᠪᠤᠯ ᠭᠡᠵᠤ ᠬᠥᠷᠡᠯᠳᠠᠢ ᠲᠤᠳᠤᠷᠠ ᠪᠠᠨ ᠪᠤᠳᠤᠭᠰᠠᠨ ᠴᠢᠭ ᠢᠶᠠᠷ | ᠢᠶᠠᠨ ᠬᠥᠷᠴᠤ ᠠᠷᠰᠠᠯᠠᠨ ᠤ ᠨᠢᠳᠤ ᠶᠢ ᠪᠤᠳᠤᠵᠤ ᠪᠠᠶᠢᠳᠠᠯᠠ ᠴᠢᠯᠠᠭᠤᠨ ᠠᠷᠰᠠᠯᠠᠨ ᠤ ᠨᠢᠳᠤᠨ ᠠᠴᠠ ᠨᠢᠯᠪᠤᠰᠤ | ᠲᠣᠰᠣᠯᠠᠵᠤ ᠬᠤᠳᠳᠤᠭ ᠠᠴᠠ ᠤᠰᠤ ᠥᠢᠯᠵᠤ ᠶᠡᠭᠡ ᠥᠶᠡᠷ ᠪᠤᠯᠵᠠᠢ ᠭᠡᠨᠡ᠃ | ᠡᠬᠦᠨ ᠳᠤ ᠭᠤᠶᠢᠷᠠᠨᠴᠢ ᠡᠮᠡᠭᠡᠨ ᠲᠠᠯᠠᠨ ᠨᠠᠰᠤᠳᠠᠢ ᠲᠠᠯᠠ ᠡᠵᠢ ᠠᠶᠢᠮᠠᠭ ᠤᠰᠤᠨ ᠤ ᠬᠥᠮᠤᠰ | ᠢᠶᠠᠨ ᠲᠠᠭᠠᠭᠤᠯᠵᠤ ᠲᠠᠯᠪᠢᠭᠳᠠᠭᠰᠠᠨ ᠤᠰᠤᠨ ᠰᠤᠳᠠᠰᠤ ᠶᠢ ᠪᠥᠭᠯᠡᠬᠦᠯᠵᠤ ᠴᠠᠭᠠᠨ ᠰᠣᠪᠤᠷᠭᠠ ᠪᠤᠰᠬᠠᠭᠠᠳ | ᠰᠣᠪᠤᠷᠭᠠᠨ ᠤ ᠠᠯᠳᠠᠨ ᠭᠠᠨᠵᠤᠷᠠ ᠶᠢ ᠲᠠᠯᠪᠢᠳᠠᠯᠠ ᠠᠮᠠᠭᠠᠢ ᠵᠢᠯᠤᠭᠤ ᠦᠭᠡᠢ ᠥᠶᠡᠷ ᠤᠨ ᠤᠰᠤ ᠢᠳᠡᠭ ᠢᠳᠡᠭ | ᠢᠶᠠᠷ ᠲᠠᠳᠠᠭᠤᠷᠠᠵᠤ ᠬᠡᠳᠤ ᠬᠡᠳᠤᠨ ᠨᠠᠭᠤᠷ ᠪᠤᠯᠵᠤ ᠲᠤᠭᠳᠠᠵᠠᠢ᠃ ᠲᠡᠳᠡᠭᠡᠷ ᠨᠠᠭᠤᠷ ᠨᠢ ᠤᠳᠤ ᠶᠢᠨ ᠲᠠᠯᠤᠨᠠᠭᠤᠷ᠂ | ᠲᠠᠭᠠ ᠶᠢᠨ ᠨᠠᠭᠤᠷ᠂ ᠬᠠᠩᠭᠠᠨ ᠨᠠᠭᠤᠷ᠂ ᠤᠯᠥᠩ ᠨᠠᠭᠤᠷ᠂ ᠲᠥᠷᠤᠭᠡ ᠨᠠᠭᠤᠷ ᠮᠥᠨ ᠭᠡᠨᠡ᠃ | | | |