| | | | ᠥᠯᠥᠭᠡᠢ ᠪᠣᠯ ᠮᠣᠩᠭᠤᠯᠴᠤᠳ ᠤᠨ ᠡᠷᠲᠡ ᠦᠶᠡ ᠠᠴᠠ ᠤᠯᠠᠮᠵᠢᠯᠠᠨ ᠬᠡᠷᠡᠭᠯᠡᠭᠰᠡᠭᠡᠷ | ᠢᠷᠡᠭᠰᠡᠨ ᠬᠡᠦᠬᠡᠳ ᠥᠰᠬᠡᠬᠦ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠮᠥᠨ᠃ ᠥᠯᠥᠭᠡᠢ ᠪᠣᠯ ᠮᠣᠩᠭᠤᠯᠴᠤᠳ ᠤᠨ ᠦᠢᠯᠡᠳᠪᠦᠷᠢᠯᠡᠯ | ᠠᠮᠢᠳᠤᠷᠠᠯ ᠤᠨ ᠤᠷᠲᠤ ᠤᠳᠠᠭᠠᠨ ᠲᠡᠦᠬᠡᠨ ᠶᠠᠪᠤᠴᠠ ᠳᠤ ᠪᠣᠢ ᠪᠣᠯᠣᠭᠰᠠᠨ ᠪᠣᠳᠠᠰ ᠤᠨ ᠣᠶᠣᠨ ᠤ ᠰᠣᠶᠣᠯ | ᠪᠣᠯᠪᠠᠰᠤᠨ ᠤ ᠪᠦᠲᠦᠭᠡᠭᠳᠡᠬᠦᠨ ᠶᠤᠮ᠃ ᠥᠯᠥᠭᠡᠢ ᠨᠢ ᠮᠣᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠠᠩᠨᠠᠯ᠂ ᠮᠠᠯᠵᠢᠯ᠂ | ᠲᠠᠷᠢᠶᠠᠯᠠᠩ ᠤᠨ ᠠᠵᠤ ᠠᠬᠤᠢ ᠵᠢᠴᠢ ᠲᠡᠭᠦᠨ ᠤ ᠰᠠᠭᠤᠷᠢᠨ ᠳᠡᠭᠡᠷᠡ ᠪᠣᠢ ᠪᠣᠯᠣᠭᠰᠠᠨ ᠠᠮᠢᠳᠤᠷᠠᠯ ᠤᠨ ᠬᠡᠯᠪᠡᠷᠢ | ᠮᠠᠶ᠋ᠢᠭ ᠲᠠᠢ ᠨᠢᠭᠲᠠ ᠤᠶᠠᠯᠳᠤᠵᠤ᠂ ᠬᠡᠦᠬᠡᠳ ᠤᠨ ᠪᠡᠶᠡ ᠮᠠᠬᠠᠪᠤᠳ᠂ ᠰᠡᠳᠬᠢᠬᠦᠢ ᠶᠢᠨ ᠦᠰᠦᠨ | ᠪᠣᠶᠢᠵᠢᠯᠲᠠ ᠳᠤ ᠴᠢᠬᠤᠯᠠ ᠦᠢᠯᠡᠳᠦᠯ ᠢᠶᠠᠨ ᠦᠵᠡᠭᠦᠯᠵᠦ ᠪᠠᠶᠢᠳᠠᠭ᠃ ᠡᠭᠦᠰᠦᠯ ᠬᠥᠭᠵᠢᠯ ᠤᠨ ᠶᠠᠪᠤᠴᠠ ᠳᠠᠭᠠᠨ | ᠠᠳᠠᠯᠢ ᠪᠤᠰᠤ ᠬᠡᠯᠪᠡᠷᠢ ᠳᠦᠷᠰᠦ᠂ ᠬᠢᠴᠡ ᠪᠦᠲᠦᠴᠡ ᠪᠠ ᠠᠳᠠᠯᠢ ᠪᠤᠰᠤ ᠭᠠᠵᠠᠷ ᠣᠷᠣᠨ ᠂ ᠴᠠᠭ ᠦᠶᠡ ᠶᠢᠨ | ᠵᠠᠩ ᠵᠠᠩᠰᠢᠯ ᠤᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠢ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠪᠠᠶᠢᠨᠠ᠃ | ᠲᠡᠦᠬᠡᠨ ᠮᠠᠲ᠋ᠧᠷᠢᠶᠠᠯ ᠠᠴᠠ ᠦᠵᠡᠬᠦ ᠳᠤ ᠮᠣᠩᠭᠤᠯᠴᠤᠳ ᠤᠨ ᠥᠯᠥᠭᠡᠢ ᠪᠠ | ᠥᠯᠥᠭᠡᠢ ᠶᠢᠨ ᠰᠣᠶᠣᠯ ᠨᠢ ᠮᠣᠩᠭᠤᠯ ᠤᠭᠰᠠᠭᠠᠲᠠᠨ ᠲᠡᠦᠬᠡ ᠶᠢᠨ ᠲᠠᠪᠴᠠᠩ ᠳᠤ ᠮᠠᠨᠳᠤᠭᠰᠠᠨ ᠠᠷᠪᠠᠨ | ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠠᠴᠠ ᠡᠮᠦᠨᠡ ᠨᠢᠭᠡᠨᠲᠡ ᠡᠭᠦᠰᠦᠨ ᠪᠦᠷᠢᠯᠳᠦᠵᠦ᠂ ᠨᠡᠶᠢᠳᠡᠮ ᠬᠡᠷᠡᠭᠯᠡᠭᠳᠡᠵᠦ ᠪᠠᠶᠢᠭᠰᠠᠨ ᠨᠢ | ᠲᠣᠳᠣᠷᠬᠠᠢ᠃ ᠮᠣᠩᠭᠤᠯᠴᠤᠳ ᠤᠨ ᠥᠯᠥᠭᠡᠢ ᠶᠢᠨ ᠲᠥᠷᠥᠯ ᠵᠦᠢᠯ ᠣᠯᠠᠨ᠃ ᠠᠷᠠᠳ ᠤᠨ ᠦᠯᠢᠭᠡᠷ ᠳᠣᠮᠤᠭ | ᠪᠠ ᠠᠮᠢᠳᠤᠷᠠᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠵᠠᠩᠰᠢᠯ ᠢ ᠮᠥᠷᠳᠡᠪᠡᠯ᠂ ᠥᠩᠭᠡᠷᠡᠭᠰᠡᠨ ᠳᠤ ᠮᠣᠩᠭᠤᠯ ᠨᠤᠲᠤᠭ ᠲᠤ᠂ ᠨᠡᠩ | ᠢᠯᠠᠩᠭᠤᠶᠠ ᠠᠩ ᠠᠩᠨᠠᠯ᠂ ᠮᠠᠯᠵᠢᠯ ᠠᠵᠤ ᠠᠬᠤᠢ ᠪᠠᠷ ᠭᠤᠣᠯᠯᠠᠭᠰᠠᠨ ᠣᠷᠣᠨ ᠳᠤ ᠠᠩᠬᠠ ᠡᠬᠢᠨ ᠳᠡᠭᠡᠨ | ᠳᠡᠭᠦᠵᠢᠩ ᠥᠯᠥᠭᠡᠢ ᠶᠢ ᠨᠡᠶᠢᠳᠡᠮ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠲᠤᠬᠠᠶᠢᠯᠠᠪᠠᠯ ᠴᠣᠷᠣᠰ ᠳᠥᠷᠪᠡᠳ ᠤᠨ | ᠤᠭᠰᠠᠭᠠ ᠭᠠᠷᠤᠯ ᠤᠨ ᠲᠤᠬᠠᠢ ᠳᠣᠮᠤᠭ ᠲᠤ ᠥᠨᠳᠥᠷ ᠮᠣᠳᠣᠨ ᠳᠡᠭᠦᠵᠢᠩ ᠥᠯᠥᠭᠡᠢ ᠳᠤ ᠨᠢᠯᠬᠠ | ᠬᠡᠦᠬᠡᠳ ᠢᠶᠠᠨ ᠤᠨᠲᠠᠭᠤᠯᠵᠤ ᠪᠠᠶᠢᠭᠰᠠᠨ ᠢᠶᠠᠷ ᠤᠯᠠᠮᠵᠢᠯᠠᠨ ᠶᠠᠷᠢᠳᠠᠭ᠃ ᠬᠤᠵᠢᠮ ᠨᠢ ᠬᠡᠰᠡᠭ ᠮᠣᠩᠭᠤᠯᠴᠤᠳ | ᠰᠠᠭᠤᠷᠢᠰᠢᠯ ᠤᠨ ᠠᠮᠢᠳᠤᠷᠠᠯ ᠵᠦᠭ ᠠᠶᠠᠨᠳᠠᠭᠠᠨ ᠰᠢᠯᠵᠢᠬᠦ ᠶᠢ ᠳᠠᠭᠠᠯᠳᠤᠨ ᠬᠠᠨᠵᠤᠨ ᠳᠡᠭᠡᠷᠡ ᠲᠠᠯᠪᠢᠬᠤ | ᠲᠠᠯᠪᠢᠭᠤᠷ ᠥᠯᠥᠭᠡᠢ ᠪᠣᠢ ᠪᠣᠯᠵᠤ ᠥᠷᠭᠡᠨ ᠢᠶᠠᠷ ᠳᠡᠯᠭᠡᠷᠡᠵᠡᠢ᠃ ᠡᠶᠢᠮᠦ ᠠᠴᠠ ᠮᠣᠩᠭᠤᠯᠴᠤᠳ ᠤᠨ ᠥᠯᠥᠭᠡᠢ ᠶᠢ | ᠬᠡᠷᠡᠭᠯᠡᠭᠡᠨ ᠤ ᠬᠢᠨᠢ ᠬᠤᠪᠢ ᠠᠴᠠ ᠳᠡᠭᠦᠵᠢᠩ ᠥᠯᠥᠭᠡᠢ ᠪᠠ ᠲᠠᠯᠪᠢᠭᠤᠷ ᠥᠯᠥᠭᠡᠢ ᠭᠡᠵᠤ ᠬᠤᠶᠠᠷ ᠲᠥᠷᠥᠯ ᠳᠤ | ᠬᠤᠪᠢᠶᠠᠨ ᠦᠵᠡᠵᠦ ᠪᠣᠯᠣᠨᠠ ᠃ ᠬᠡᠷᠡᠭᠯᠡᠭᠡᠨ ᠤ ᠮᠠᠲ᠋ᠧᠷᠢᠶᠠᠯ ᠪᠠ ᠬᠡᠯᠪᠡᠷᠢ ᠳᠦᠷᠰᠦ ᠶᠢᠨ ᠬᠤᠪᠢ ᠠᠴᠠ ᠨᠢ | ᠳᠡᠭᠦᠵᠢᠩ ᠥᠯᠥᠭᠡᠢ ᠶᠢ ᠠᠷᠠᠰᠤᠨ ᠳᠡᠭᠦᠵᠢᠩ ᠂ ᠪᠥᠰ ᠳᠡᠭᠦᠵᠢᠩ ᠭᠡᠵᠤ ᠬᠤᠪᠢᠶᠠᠨ ᠦᠵᠡᠵᠦ ᠪᠣᠯᠬᠤ ᠪᠥᠭᠡᠳ | ᠲᠠᠯᠪᠢᠭᠤᠷ ᠥᠯᠥᠭᠡᠢ ᠶᠢ ᠪᠤᠷᠭᠠᠰᠤᠨ ᠥᠯᠥᠭᠡᠢ᠂ ᠠᠷᠠᠯ ᠦᠭᠡᠢ ᠥᠯᠥᠭᠡᠢ᠂ ᠬᠤᠶᠠᠷ ᠠᠷᠠᠯᠲᠤ ᠥᠯᠥᠭᠡᠢ ᠪᠠ | ᠳᠥᠷᠪᠡᠨ ᠠᠷᠠᠯᠲᠤ ᠥᠯᠥᠭᠡᠢ ᠭᠡᠵᠤ ᠬᠡᠳᠦᠨ ᠵᠦᠢᠯ ᠳᠤ ᠬᠤᠪᠢᠶᠠᠵᠤ ᠪᠣᠯᠣᠨᠠ᠃ ᠥᠯᠥᠭᠡᠢ ᠶᠢᠨ ᠬᠢᠴᠡ | ᠪᠦᠲᠦᠴᠡ ᠳᠤ ᠬᠠᠷᠠᠭᠠ᠂ ᠬᠥᠪᠴᠢ᠂ ᠠᠷᠠᠯ ᠪᠠ ᠬᠠᠪᠢᠷᠭᠠ᠂ ᠢᠯᠡᠦ᠂ ᠭᠤᠭᠴᠤᠭᠠ᠂ ᠲᠠᠲᠠᠭᠤᠷ ᠪᠠ ᠳ᠋ᠠᠶᠢᠰᠠ᠂ | ᠮᠥᠭᠡᠷ᠂ ᠬᠤᠯᠪᠣᠭᠠᠰᠤ ᠪᠠ ᠲᠤᠰᠢᠶᠠ᠂ ᠬᠠᠪᠲᠠᠰᠤ᠂ ᠳᠡᠷᠡ᠂ ᠬᠤᠴᠢᠯᠭᠠ ᠵᠡᠷᠭᠡ ᠪᠠᠭᠲᠠᠨᠠ᠃ | | ᠮᠣᠩᠭᠤᠯᠴᠤᠳ ᠥᠯᠥᠭᠡᠢ ᠶᠢ ᠣᠳᠣ ᠪᠣᠯᠲᠠᠯᠠ ᠤᠯᠠᠮᠵᠢᠯᠠᠨ ᠬᠡᠷᠡᠭᠯᠡᠵᠦ᠂ ᠮᠠᠯᠵᠢᠬᠤ | ᠲᠠᠷᠢᠶᠠᠯᠠᠬᠤ ᠬᠥᠳᠡᠭᠡ ᠨᠤᠲᠤᠭ ᠲᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠮᠣᠩᠭᠤᠯᠴᠤᠳ ᠴᠦ ᠭᠡᠰᠡᠨ ᠬᠤᠲᠠ ᠪᠠᠯᠭᠠᠰᠤᠨ ᠳᠤ | ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠮᠣᠩᠭᠤᠯᠴᠤᠳ ᠴᠦ ᠭᠡᠰᠡᠨ ᠵᠥᠩᠳᠡᠭᠡᠨ ᠬᠡᠷᠡᠭᠯᠡᠳᠡᠭ᠃ ᠡᠶᠢᠮᠦᠷᠬᠦᠦ ᠪᠣᠳᠠᠲᠤ ᠪᠠᠶᠢᠳᠠᠯ ᠨᠢ | ᠮᠣᠩᠭᠤᠯᠴᠤᠳ ᠤᠨ ᠦᠷᠡ ᠬᠡᠦᠬᠡᠳ ᠢᠶᠠᠨ ᠥᠰᠬᠡᠨ ᠪᠣᠶᠢᠵᠢᠭᠤᠯᠬᠤ ᠳᠤ ᠥᠯᠥᠭᠡᠢ ᠲᠤᠩ ᠶᠡᠭᠡ ᠠᠴᠢ | ᠬᠤᠯᠪᠣᠭᠳᠠᠯ ᠲᠠᠢ ᠭᠡᠳᠡᠭ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠬᠤ ᠶᠤᠮ᠃ ᠥᠯᠥᠭᠡᠢ ᠶᠢᠨ ᠦᠢᠯᠡᠳᠦᠯ ᠬᠡᠷᠡᠭᠴᠡᠭᠡ ᠶᠢ | ᠬᠡᠦᠬᠡᠳ ᠤᠨ ᠥᠰᠦᠯᠲᠡ ᠪᠣᠶᠢᠵᠢᠯᠲᠠ ᠳᠤ ᠦᠵᠡᠭᠦᠯᠬᠦ ᠦᠢᠯᠡᠳᠦᠯ ᠪᠠ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠳᠤ | ᠦᠵᠡᠭᠦᠯᠬᠦ ᠦᠢᠯᠡᠳᠦᠯ ᠭᠡᠵᠤ ᠬᠤᠶᠠᠷ ᠲᠠᠯᠠ ᠠᠴᠠ ᠰᠢᠨᠵᠢᠵᠦ ᠪᠣᠯᠣᠨᠠ ᠃ | | ᠨᠢᠭᠡ᠂ ᠬᠡᠦᠬᠡᠳ ᠤᠨ ᠥᠰᠦᠯᠲᠡ ᠪᠣᠶᠢᠵᠢᠯᠲᠠ ᠳᠤ ᠦᠵᠡᠭᠦᠯᠬᠦ ᠦᠢᠯᠡᠳᠦᠯ | | ᠠᠨᠠᠭᠠᠬᠤ ᠤᠬᠠᠭᠠᠨ᠂ ᠰᠡᠳᠬᠢᠬᠦᠢ ᠶᠢᠨ ᠤᠬᠠᠭᠠᠨ ᠳᠤ ᠬᠡᠦᠬᠡᠳ ᠤᠨ ᠭᠤᠷᠪᠠᠨ | ᠨᠠᠰᠤᠨ ᠠᠴᠠ ᠡᠮᠦᠨᠡᠬᠢ ᠬᠤᠭᠤᠴᠠᠭᠠᠨ ᠤ ᠪᠡᠶᠡ ᠶᠢᠨ ᠪᠠ ᠣᠶᠣᠨ ᠤ ᠪᠣᠶᠢᠵᠢᠯᠲᠠ ᠶᠢ ᠬᠥᠮᠥᠨ ᠤ ᠨᠢᠭᠡ ᠨᠠᠰᠤᠨ ᠤ | ᠪᠣᠶᠢᠵᠢᠯᠲᠠ ᠶᠢᠨ ᠬᠠᠮᠤᠭ ᠤᠨ ᠵᠠᠩᠭᠢᠯᠠᠭᠠ ᠶᠢᠨ ᠱᠠᠲᠤ ᠦᠶᠡ ᠮᠥᠨ ᠭᠡᠵᠤ ᠥᠭᠦᠯᠡᠳᠡᠭ᠃ ᠮᠣᠩᠭᠤᠯᠴᠤᠳ | ᠲᠤᠰ ᠬᠤᠭᠤᠴᠠᠭᠠᠨ ᠤ ᠬᠡᠦᠬᠡᠳ ᠤᠨ ᠪᠣᠶᠢᠵᠢᠯᠲᠠ ᠶᠢ ᠲᠤᠩ ᠠᠩᠬᠠᠷᠴᠤ᠂ ᠥᠪᠡᠷᠰᠡᠳ ᠤᠨ ᠦᠢᠯᠡᠳᠪᠦᠷᠢᠯᠡᠯ | ᠠᠮᠢᠳᠤᠷᠠᠯ ᠤᠨ ᠪᠣᠳᠠᠲᠤ ᠪᠠᠶᠢᠳᠠᠯ ᠳᠠᠭᠠᠨ ᠵᠣᠬᠢᠴᠠᠭᠰᠠᠨ ᠬᠡᠦᠬᠡᠳ ᠪᠣᠶᠢᠵᠢᠭᠤᠯᠬᠤ ᠠᠷᠭᠠ ᠶᠢ ᠡᠭᠦᠳᠦᠭᠰᠡᠨ | ᠪᠠᠶᠢᠳᠠᠭ᠃ ᠡᠨᠡ ᠬᠦ ᠠᠷᠭᠠ ᠶᠢᠨ ᠴᠢᠬᠤᠯᠠ ᠢᠯᠡᠷᠡᠯ ᠪᠣᠯ ᠥᠯᠥᠭᠡᠢ ᠶᠢ ᠬᠡᠷᠡᠭᠯᠡᠭᠰᠡᠨ ᠶᠠᠪᠤᠳᠠᠯ ᠪᠣᠯᠣᠨᠠ᠃ | | ᠥᠯᠥᠭᠡᠢ ᠶᠢᠨ ᠬᠠᠷᠠᠭᠠ ᠪᠠᠷ ᠠᠪᠴᠤ ᠦᠵᠡᠭᠰᠡᠨ ᠴᠦ ᠲᠡᠷᠡ ᠨᠢ ᠬᠡᠦᠬᠡᠳ | ᠥᠯᠥᠭᠡᠢ ᠠᠴᠠ ᠳᠡᠭᠡᠭᠰᠢ ᠰᠤᠭᠤᠷᠠᠨ ᠭᠠᠷᠬᠤ ᠶᠢ ᠬᠢᠴᠢᠶᠡᠭᠰᠡᠨ ᠤ ᠬᠠᠮᠲᠤ ᠬᠡᠦᠬᠡᠳ ᠤᠨ ᠵᠤᠯᠠᠢ ᠪᠠᠷ ᠵᠢᠪᠠᠷ | ᠣᠷᠣᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠦᠢᠯᠡᠳᠦᠯ ᠲᠠᠢ᠃ ᠨᠢᠷᠠᠢ ᠬᠡᠦᠬᠡᠳ ᠵᠤᠯᠠᠢ ᠨᠢᠮᠭᠡᠨ ᠪᠠᠶᠢᠳᠠᠭ ᠪᠣᠯᠬᠤᠷ ᠰᠠᠯᠬᠢ | ᠣᠷᠣᠪᠠᠯ ᠠᠮᠠᠷᠬᠠᠨ ᠬᠢᠮᠤᠷᠠᠳᠠᠭ᠃ ᠬᠠᠷᠠᠭᠠ ᠨᠢ ᠪᠠᠰᠠ ᠬᠡᠦᠬᠡᠳ ᠤᠨ ᠭᠠᠪᠠᠯᠠ ᠶᠢᠨ ᠬᠡᠰᠡᠭ ᠲᠡᠭᠰᠢ ᠰᠠᠶᠢᠬᠠᠨ | ᠪᠣᠶᠢᠵᠢᠬᠤ ᠳᠤ ᠲᠤᠩ ᠶᠡᠭᠡ ᠦᠢᠯᠡᠳᠦᠯ ᠲᠠᠢ᠃ ᠤᠴᠢᠷ ᠨᠢ ᠥᠨᠳᠥᠷ ᠬᠦᠵᠦᠭᠦᠦ ᠶᠢ ᠣᠬᠤᠷ ᠪᠣᠯᠭᠠᠬᠤ᠂ | ᠭᠤᠵᠣᠭᠤᠷ ᠲᠣᠯᠣᠭᠠᠢ ᠶᠢ ᠲᠥᠭᠦᠷᠢᠭ ᠪᠣᠯᠭᠠᠬᠤ᠂ ᠬᠠᠵᠠᠭᠠᠢ ᠲᠣᠯᠣᠭᠠᠢ ᠶᠢ ᠲᠡᠭᠰᠢ ᠪᠣᠯᠭᠠᠬᠤ᠂ ᠭᠠᠪᠠᠯᠠ ᠶᠢᠨ | ᠶᠠᠰᠤ ᠶᠢ ᠲᠡᠭᠰᠢᠬᠡᠨ ᠤᠷᠭᠤᠭᠤᠯᠬᠤ ᠨᠢ ᠬᠠᠷᠠᠭᠠ ᠶᠢᠨ ᠪᠥᠰ ᠤᠨ ᠴᠢᠩᠭᠠ ᠰᠤᠯᠠ ᠲᠠᠢ ᠰᠢᠭᠤᠳ ᠬᠤᠯᠪᠣᠭᠠ | ᠲᠠᠢ ᠶᠤᠮ᠃ ᠡᠶᠢᠮᠦ ᠠᠴᠠ ᠬᠡᠦᠬᠡᠳ ᠢ ᠥᠯᠥᠭᠡᠶᠢᠳᠡᠬᠦ ᠳᠡᠭᠡᠨ ᠦᠷᠭᠦᠯᠵᠢ ᠬᠠᠷᠠᠭᠠ ᠶᠢᠨ ᠪᠥᠰ ᠢ ᠵᠠᠰᠠᠵᠤ᠂ | ᠬᠡᠦᠬᠡᠳ ᠤᠨ ᠲᠣᠯᠣᠭᠠᠢ ᠬᠠᠵᠠᠭᠠᠢ ᠪᠣᠯᠬᠤ᠂ ᠮᠥᠷᠥ ᠳᠠᠯᠤ ᠱᠣᠪᠳᠤᠩ ᠪᠣᠯᠬᠤ ᠶᠢ ᠣᠨᠴᠠ ᠬᠢᠴᠢᠶᠡᠳᠡᠭ᠃ | ᠥᠯᠥᠭᠡᠢ ᠳᠤ ᠥᠰᠦᠭᠰᠡᠨ ᠬᠡᠦᠬᠡᠳ ᠤᠨ ᠮᠥᠷᠥ ᠳᠠᠯᠤ ᠲᠡᠭᠰᠢ᠂ ᠲᠣᠯᠣᠭᠠᠢ ᠨᠢ ᠲᠡᠭᠰᠢᠬᠡᠨ ᠡᠪᠯᠢᠭ᠂ ᠬᠥᠯ | ᠭᠠᠷ ᠤᠨ ᠪᠣᠶᠢᠵᠢᠯᠲᠠ ᠡᠷᠡᠭᠦᠯ ᠪᠠᠶᠢᠳᠠᠭ᠃ | ᠥᠯᠥᠭᠡᠢ ᠶᠢᠨ ᠳᠡᠷᠡ ᠶᠢ ᠴᠠᠭᠠᠨ᠂ ᠬᠥᠬᠡ᠂ ᠤᠯᠠᠭᠠᠨ ᠪᠥᠰ ᠢᠶᠠᠷ ᠣᠶᠣᠵᠤ᠂ ᠳᠣᠲᠣᠷᠠ | ᠨᠢ ᠬᠠᠷᠠ ᠮᠣᠩᠭᠤᠯ ᠠᠮᠤ ᠪᠤᠶᠤ ᠨᠠᠷᠢᠮᠤ᠂ ᠰᠠᠭᠠᠭ ᠤᠨ ᠬᠠᠯᠢᠰᠤ ᠵᠡᠷᠭᠡ ᠶᠢ ᠬᠢᠳᠡᠭ᠃ ᠡᠷᠳᠡᠮᠲᠡᠳ ᠤᠨ | ᠰᠤᠳᠤᠯᠭᠠᠨ ᠢ ᠦᠨᠳᠦᠰᠦᠯᠡᠪᠡᠯ ᠮᠣᠩᠭᠤᠯ ᠠᠮᠤ᠂ ᠨᠠᠷᠢᠮᠤ᠂ ᠰᠠᠭᠠᠭ ᠵᠡᠷᠭᠡ ᠨᠢ ᠰᠢᠮᠡ ᠲᠡᠵᠢᠭᠡᠯ ᠡᠯᠪᠡᠭ᠂ | ᠬᠥᠮᠥᠨ ᠤ ᠪᠡᠶᠡ ᠶᠢᠨ ᠡᠷᠡᠭᠦᠯ ᠮᠡᠨᠳᠦ ᠳᠤ ᠲᠤᠰᠠᠲᠠᠢ ᠡᠯᠧᠮᠧᠨ᠋ᠲ ᠣᠯᠠᠨ ᠠᠭᠤᠯᠤᠭᠳᠠᠵᠤ ᠪᠠᠶᠢᠳᠠᠭ᠃ | ᠡᠶᠢᠮᠦ ᠠᠴᠠ ᠬᠡᠦᠬᠡᠳ ᠤᠨ ᠳᠡᠷᠡ ᠳᠤ ᠡᠳᠡᠭᠡᠷ ᠠᠮᠤ ᠶᠢ ᠬᠢᠬᠦ ᠨᠢ ᠨᠢᠷᠠᠢ ᠬᠡᠦᠬᠡᠳ ᠤᠨ ᠲᠠᠷᠢᠬᠢ ᠰᠡᠷᠭᠡᠭ᠂ ᠪᠡᠶᠡ | ᠡᠷᠡᠭᠦᠯ ᠢᠶᠠᠷ ᠦᠰᠦᠨ ᠪᠣᠶᠢᠵᠢᠬᠤ ᠳᠤ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠭᠦᠯᠦᠨᠡ᠃ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ ︽ | ᠮᠣᠩᠭᠤᠯ ᠠᠮᠤ ᠶᠢ ᠵᠠᠭᠤᠨ ᠣᠨ ᠬᠠᠳᠠᠭᠠᠯᠠᠭᠰᠠᠨ ᠴᠦ ᠢᠯᠵᠢᠷᠡᠳᠡᠭ ᠦᠭᠡᠢ︾ ᠭᠡᠳᠡᠭ᠃ ᠡᠶᠢᠮᠦ ᠠᠴᠠ | ᠥᠯᠥᠭᠡᠢ ᠳᠤ ᠬᠡᠷᠡᠭᠯᠡᠬᠦ ᠬᠡᠦᠬᠡᠳ ᠤᠨ ᠳᠡᠷᠡ ᠳᠤ ᠴᠢᠨᠠᠷ ᠨᠢ ᠰᠠᠶᠢᠨ᠂ ᠥᠩᠭᠡ ᠨᠢ ᠭᠢᠯᠲᠠᠭᠠᠨᠠᠭᠰᠠᠨ ᠮᠣᠩᠭᠤᠯ | ᠠᠮᠤ᠂ ᠨᠠᠷᠢᠮᠤ᠂ ᠰᠠᠭᠠᠭ ᠵᠡᠷᠭᠡ ᠶᠢ ᠰᠣᠩᠭᠤᠨ ᠬᠡᠷᠡᠭᠯᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠮᠠᠨ ᠤ ᠤᠯᠤᠰ ᠤᠨ ᠵᠡᠭᠦᠨ | ᠬᠤᠶᠢᠲᠤ ᠣᠷᠣᠨ ᠤ ᠮᠠᠨᠵᠤ ᠦᠨᠳᠦᠰᠦᠲᠡᠨ ᠴᠦ ᠬᠡᠦᠬᠡᠳ ᠢᠶᠠᠨ ᠥᠯᠥᠭᠡᠶᠢᠳᠡᠬᠦ ᠵᠠᠩᠰᠢᠯ ᠲᠠᠢ ᠪᠥᠭᠡᠳ ︽ | ᠬᠡᠦᠬᠡᠳ ᠤᠨ ᠳᠡᠷᠡ ᠳᠤ ᠨᠣᠭᠤᠭᠠᠨ ᠪᠤᠷᠴᠠᠭ ᠬᠢᠵᠦ ᠳᠡᠷᠡᠯᠡᠭᠦᠯᠦᠨ᠂ ᠬᠡᠦᠬᠡᠳ ᠤᠨ ᠲᠣᠯᠣᠭᠠᠢ ᠭᠤᠵᠣᠭᠤᠷ | ᠪᠣᠯᠬᠤ ᠶᠢ ᠰᠡᠷᠭᠡᠶᠢᠯᠡᠳᠡᠭ︾ ① ᠵᠠᠩᠰᠢᠯ ᠪᠠᠶᠢᠳᠠᠭ᠃ | ᠬᠠᠩ ᠬᠡᠤᠳᠡᠢ ︵糠口袋 ᠭᠡᠰᠡᠨ ᠬᠢᠲᠠᠳ ᠦᠭᠡ ᠪᠣᠯᠣᠯᠲᠠᠢ︶ ᠨᠢ ᠴᠠᠭᠠᠨ | ᠪᠥᠰ ᠢ ᠤᠭᠤᠲᠠ ᠪᠣᠯᠭᠠᠨ ᠬᠥᠰᠢᠵᠦ᠂ ᠳᠣᠲᠣᠷᠠ ᠨᠢ ᠰᠠᠭᠠᠭ ᠤᠨ ᠬᠠᠯᠢᠰᠤ ᠪᠤᠶᠤ ᠠᠭᠠᠭ ᠢ ᠳᠦᠭᠦᠷᠭᠡᠭᠡᠳ | ᠥᠯᠥᠭᠡᠢ ᠶᠢᠨ ᠳᠣᠲᠣᠷᠠ ᠳᠡᠪᠢᠰᠬᠡᠷ ᠪᠣᠯᠭᠠᠨ ᠲᠠᠭᠠᠷᠠᠭᠤᠯᠤᠭᠰᠠᠨ ᠵᠦᠢᠯ ᠶᠤᠮ᠃ ᠲᠡᠷᠡ ᠨᠢ ᠬᠡᠪᠲᠡᠬᠦ ᠳᠤ | ᠵᠥᠭᠡᠯᠡᠨ᠂ ᠴᠢᠭᠢᠭ ᠨᠣᠶᠢᠲᠠᠨ ᠢ ᠰᠡᠷᠭᠡᠶᠢᠯᠡᠬᠦ ᠳᠤ ᠰᠠᠶᠢᠨ᠂ ᠬᠡᠦᠬᠡᠳ ᠤᠨ ᠰᠢᠭᠡᠰᠦ ᠶᠢ ᠰᠢᠩᠭᠡᠭᠡᠵᠦ ᠴᠢᠳᠠᠬᠤ | ᠮᠥᠷᠲᠡᠭᠡᠨ ᠬᠠᠯᠠᠭᠤᠨ ᠬᠦᠢᠲᠡᠨ ᠢ ᠵᠣᠬᠢᠴᠠᠭᠤᠯᠬᠤ ᠳᠤ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ᠃ ᠡᠭᠦᠨ ᠤ ᠬᠠᠮᠲᠤ | ᠡᠷᠭᠦᠵᠦ ᠰᠢᠯᠵᠢᠭᠦᠯᠬᠦ ᠳᠤ ᠬᠥᠩᠭᠡᠨ᠂ ᠬᠠᠲᠠᠬᠤ ᠨᠢ ᠬᠤᠷᠳᠤᠨ ᠵᠡᠷᠭᠡ ᠣᠯᠠᠨ ᠰᠠᠶᠢᠨ ᠲᠠᠯᠠ ᠲᠠᠢ ᠪᠠᠶᠢᠭᠠ ᠶᠤᠮ | ᠃ | ᠥᠯᠥᠭᠡᠢ ᠶᠢᠨ ᠲᠠᠲᠠᠭᠤᠷ ᠪᠠ ᠳ᠋ᠠᠶᠢᠰᠨ ᠦᠢᠯᠡᠳᠦᠯ ᠬᠡᠷᠡᠭᠴᠡᠭᠡ ᠨᠡᠩ ᠣᠯᠠᠨ ᠪᠠᠶᠢᠳᠠᠭ᠃ | ᠬᠡᠦᠬᠡᠳ ᠢᠶᠠᠨ ᠥᠯᠥᠭᠡᠶᠢᠳᠡᠬᠦ ᠳᠤ ᠡᠷᠬᠡᠪᠰᠢ ᠬᠤᠶᠠᠷ ᠬᠥᠯ ᠢ ᠨᠢ ᠲᠡᠭᠰᠢ ᠴᠢᠴᠠᠤᠯᠠᠨ᠂ ᠬᠤᠴᠢᠯᠭᠠ ᠪᠠᠷ ᠴᠢᠩᠭᠠ | ᠪᠠᠭᠯᠠᠭᠠᠳ ᠲᠠᠲᠠᠭᠤᠷ ᠢᠶᠠᠨ ᠨᠢᠭᠡ ᠦᠵᠦᠭᠦᠷ ᠠᠴᠠ ᠨᠢ ᠭᠤᠭᠴᠤᠭᠠ ᠠᠯᠤᠰᠯᠠᠯ ᠦᠭᠡᠢ ᠴᠢᠩᠭᠠ ᠰᠦᠯᠵᠢᠨ | ᠲᠠᠲᠠᠳᠠᠭ ᠪᠥᠭᠡᠳ ᠭᠤᠣᠯᠳᠠᠭᠤ ᠬᠥᠯ ᠭᠠᠷ ᠤᠨ ᠠᠰᠬᠠᠨ ᠪᠠᠶᠢᠬᠤ ᠪᠠ ᠲᠠᠲᠠᠭᠤᠷ ᠤᠨ ᠴᠢᠩᠭᠠ ᠰᠤᠯᠠ ᠶᠢ | ᠬᠢᠴᠢᠶᠡᠳᠡᠭ᠃ ᠥᠯᠥᠭᠡᠢ ᠶᠢᠨ ᠭᠤᠭᠴᠤᠭᠠ ᠳᠤ ᠶᠡᠷᠦ ᠳᠡᠭᠡᠨ ᠴᠡᠭᠡᠵᠢ᠂ ᠳᠠᠪᠤᠰᠠᠩ᠂ ᠬᠥᠯ ᠤᠨ ᠭᠤᠭᠴᠤᠭᠠ | ᠭᠡᠵᠤ ᠪᠣᠢ ᠪᠣᠯᠬᠤᠷ ᠲᠡᠭᠦᠨ ᠳᠤ ᠲᠣᠬᠢᠷᠠᠭᠰᠠᠨ ᠴᠡᠭᠡᠵᠢ ᠶᠢᠨ ᠳ᠋ᠠᠶᠢᠰᠠ᠂ ᠲᠠᠪᠤᠰᠠᠩ ᠤᠨ ᠳ᠋ᠠᠶᠢᠰᠠ ᠪᠠ ᠬᠥᠯ ᠤᠨ | ᠳ᠋ᠠᠶᠢᠰᠠ ᠭᠡᠵᠤ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠳ᠋ᠠᠶᠢᠰᠠ ᠨᠤᠭᠤᠳ ᠨᠢ ᠬᠡᠦᠬᠡᠳ ᠤᠨ ᠮᠥᠷᠥ ᠳᠠᠯᠤ ᠶᠢᠨ ᠲᠡᠭᠰᠢᠬᠡᠨ᠂ | ᠭᠡᠳᠡᠰᠦᠨ ᠤ ᠪᠠ ᠬᠥᠯ ᠤᠨ ᠪᠤᠯᠴᠢᠷᠬᠠᠢ ᠶᠢᠨ ᠥᠰᠦᠯᠲᠡ ᠪᠣᠶᠢᠵᠢᠯᠲᠠ ᠶᠢ ᠪᠠᠲᠤᠯᠠᠳᠠᠭ᠂ ᠢᠯᠠᠩᠭᠤᠶᠠ | ᠬᠡᠦᠬᠡᠳ ᠤᠨ ᠬᠥᠯ ᠮᠤᠷᠤᠢ ᠥᠰᠬᠦ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠳᠤ ᠣᠨᠴᠠ ᠲᠤᠰᠠᠲᠠᠢ ᠭᠡᠳᠡᠭ᠃ ︽ᠥᠯᠥᠭᠡᠢ ᠠᠴᠠ | ᠬᠡᠦᠬᠡᠳ ᠢᠶᠠᠨ ᠲᠠᠶᠢᠯᠵᠤ ᠠᠪᠬᠤ ᠳᠠᠭᠠᠨ ᠲᠠᠪᠤᠰᠠᠩ ᠢ ᠨᠢ ᠬᠥᠩᠭᠡᠬᠡᠨ ᠢᠯᠢᠵᠦ ︿ᠲᠠᠪᠤᠰᠠᠩ ᠴᠢᠩᠭᠠ᠂ | ᠲᠠᠪᠤᠰᠠᠩ ᠴᠢᠩᠭᠠ﹀ ᠭᠡᠵᠤ ᠬᠡᠳᠦ ᠤᠳᠠᠭᠠ ᠬᠡᠯᠡᠳᠡᠭ᠃ ᠢᠩᠭᠢᠪᠡᠯ ᠬᠡᠦᠬᠡᠳ ᠤᠨ ᠲᠠᠪᠤᠰᠠᠩ ᠨᠢ ᠴᠢᠩᠭᠠ | ᠪᠣᠯᠵᠤ ᠬᠤᠵᠢᠮ ᠴᠠᠭ ᠬᠤᠭᠤᠴᠠᠭᠠ ᠦᠭᠡᠢ ᠰᠢᠭᠡᠬᠦ ᠮᠠᠭᠤ ᠵᠠᠩᠰᠢᠯ ᠲᠠᠢ ᠪᠣᠯᠬᠤ ᠦᠭᠡᠢ ᠭᠡᠨᠡ︾ ②᠃ | ᠮᠣᠩᠭᠤᠯᠴᠤᠳ ᠬᠡᠦᠬᠡᠳ ᠢᠶᠠᠨ ᠥᠯᠥᠭᠡᠢ ᠳᠤ ᠬᠡᠵᠢᠶᠡᠳᠡ ᠴᠢᠩᠭᠠ ᠤᠶᠠᠵᠤ ᠥᠯᠥᠭᠡᠶᠢᠳᠡᠳᠡᠭ ᠪᠣᠯᠬᠤᠷ ᠬᠡᠦᠬᠡᠳ | ᠤᠨᠠᠵᠤ ᠲᠤᠰᠬᠤ᠂ ᠬᠤᠳᠣᠭᠤᠳᠤ ᠭᠡᠳᠡᠰᠦ ᠤᠷᠪᠠᠭ᠋ᠤ ᠵᠡᠷᠭᠡ ᠠᠴᠠ ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠳᠠᠭ᠃ | | ᠬᠠᠷᠠᠭᠠ ᠶᠢᠨ ᠳᠡᠭᠡᠷᠡ ᠦᠵᠦᠭᠦᠷ ᠪᠣᠯᠣᠨ ᠥᠯᠥᠭᠡᠢ ᠶᠢᠨ ᠲᠤᠰᠢᠶᠠ ᠶᠢ ᠬᠤᠯᠪᠣᠭᠰᠠᠨ | ᠬᠥᠪᠴᠢ ᠨᠢ ᠬᠡᠦᠬᠡᠳ ᠤᠨ ᠨᠢᠳᠦᠨ ᠬᠠᠷᠠᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠳᠤ ᠮᠠᠰᠢ ᠰᠠᠶᠢᠨ ᠦᠢᠯᠡᠳᠦᠯ ᠲᠠᠢ ᠶᠤᠮ᠃ | ᠡᠭᠦᠨ ᠤ ᠳᠠᠭᠤ ᠬᠠᠯᠠᠭᠤᠨ ᠵᠤᠨ ᠤ ᠴᠠᠭ ᠲᠤ᠂ ᠬᠥᠪᠴᠢ ᠶᠢᠨ ᠳᠡᠭᠡᠷᠡ ᠦᠷᠭᠦᠯᠵᠢ ᠨᠢᠮᠭᠡᠨ ᠱᠠ ᠪᠥᠰ ᠲᠠᠯᠪᠢᠵᠤ | ᠥᠯᠥᠭᠡᠢ ᠲᠠᠢ ᠬᠡᠦᠬᠡᠳ ᠢᠶᠠᠨ ᠪᠦᠲᠡᠭᠡᠳᠡᠭ ᠵᠠᠩᠰᠢᠯ ᠲᠠᠢ ᠪᠣᠯᠬᠤᠷ ᠪᠠᠲᠠᠭᠠᠨᠠ᠂ ᠰᠢᠮᠠᠭᠤᠯ ᠤᠨ ᠬᠠᠵᠠᠬᠤ ᠪᠠ | ᠬᠡᠦᠬᠡᠳ ᠤᠨ ᠨᠢᠭᠤᠷ ᠴᠢᠷᠠᠢ ᠳᠤ ᠢᠯᠠᠭᠠ ᠰᠠᠭᠤᠬᠤ ᠠᠴᠠ ᠰᠡᠷᠭᠡᠶᠢᠯᠡᠨ ᠠᠮᠤᠷ ᠵᠢᠮᠤᠷ ᠤᠨᠲᠠᠬᠤ ᠶᠢ ᠨᠢ | ᠪᠠᠲᠤᠯᠠᠵᠤ ᠴᠢᠳᠠᠬᠤ ᠮᠥᠷᠲᠡᠭᠡᠨ ᠠᠭᠤᠷ ᠤᠲᠤᠭᠠᠨ ᠠᠴᠠ ᠴᠦ ᠵᠠᠶᠢᠯᠠᠭᠤᠯᠵᠤ ᠴᠢᠳᠠᠨᠠ᠃ | | ᠥᠯᠥᠭᠡᠢ ᠶᠢᠨ ᠮᠥᠭᠡᠷ ᠨᠢ ᠭᠠᠵᠠᠷ ᠪᠤᠶᠤ ᠬᠠᠨᠵᠤᠨ ᠤ ᠴᠢᠭᠢᠭ᠂ ᠬᠠᠯᠠᠭᠤᠨ ᠠᠴᠠ | ᠬᠡᠦᠬᠡᠳ ᠤᠨ ᠪᠡᠶᠡ ᠳᠤ ᠦᠵᠡᠭᠦᠯᠬᠦ ᠬᠤᠣᠷ ᠬᠥᠨᠥᠭᠡᠯ ᠢ ᠰᠡᠷᠭᠡᠶᠢᠯᠡᠨ ᠬᠠᠨᠵᠤ ᠬᠡᠳᠦᠢ ᠬᠠᠯᠠᠭᠤᠨ᠂ ᠭᠠᠵᠠᠷ | ᠬᠡᠳᠦᠢ ᠴᠢᠭᠢᠭ ᠲᠠᠢ ᠪᠠᠶᠢᠭᠰᠠᠨ ᠳᠤ ᠬᠡᠦᠬᠡᠳ ᠠᠮᠤᠷ ᠲᠠᠶᠢᠪᠤᠩ ᠤᠨᠲᠠᠨ ᠠᠮᠠᠷᠠᠵᠤ ᠳᠡᠶᠢᠯᠳᠡᠭ᠃ ᠥᠯᠥᠭᠡᠢ ᠲᠠᠢ | ᠬᠡᠦᠬᠡᠳ ᠤᠨ ᠪᠡᠶᠡ ᠶᠢᠨ ᠳᠤᠯᠠᠭᠠᠨ ᠢ ᠭᠤᠣᠯᠳᠠᠭᠤ ᠭᠡᠷ ᠤᠨ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠪᠠᠷ ᠵᠣᠬᠢᠴᠠᠭᠤᠯᠳᠠᠭ᠃ | ᠢᠩᠭᠢᠭᠰᠡᠨ ᠠᠴᠠ ᠭᠠᠵᠠᠷ ᠬᠠᠨᠵᠤᠨ ᠤ ᠬᠠᠯᠠᠭᠤᠨ ᠬᠦᠢᠲᠡᠨ ᠲᠡᠭᠰᠢ ᠦᠭᠡᠢ᠂ ᠴᠢᠭᠢᠭ ᠨᠣᠶᠢᠲᠠᠨ ᠠᠴᠠ ᠪᠣᠯᠵᠤ | ᠲᠠᠭᠰᠢᠭᠤᠷ ᠬᠦᠷᠬᠦ᠂ ᠪᠠᠭᠠᠰᠤ ᠠᠯᠳᠠᠬᠤ᠂ ᠴᠠᠭᠠᠰᠢᠯᠠᠪᠠᠯ ᠠᠭᠤᠰᠬᠢᠨ ᠰᠦᠷᠢᠶᠡ ᠮᠡᠲᠦ ᠶᠢᠨ ᠦᠷᠭᠦᠯᠵᠢ ᠶᠢᠨ | ᠴᠢᠨᠠᠷᠲᠠᠢ ᠡᠪᠡᠳᠴᠢᠨ ᠲᠠᠬᠤᠯ ᠳᠤ ᠨᠡᠷᠪᠡᠭᠳᠡᠬᠦ ᠪᠣᠯᠣᠯᠴᠠᠭᠠ ᠶᠢ ᠶᠡᠭᠡ ᠪᠠᠷ ᠪᠠᠭᠠᠰᠬᠠᠵᠤ ᠴᠢᠳᠠᠨᠠ᠃ | ᠥᠯᠥᠭᠡᠢ ᠶᠢᠨ ᠮᠥᠭᠡᠷ ᠨᠢ ᠬᠠᠭᠠᠰ ᠲᠣᠭᠤᠷᠢᠭ ᠬᠡᠯᠪᠡᠷᠢ ᠲᠠᠢ ᠪᠣᠯᠬᠤᠷ ᠰᠠᠭᠠᠲᠠᠭᠤᠯᠤᠨ ᠬᠥᠳᠡᠯᠭᠡᠬᠦ ᠳᠤ ᠠᠮᠠᠷ᠂ | ᠳᠡᠭᠦᠵᠢᠩ ᠰᠢᠭ ᠨᠠᠭᠠᠰᠢ ᠴᠠᠭᠠᠰᠢ ᠰᠠᠵᠢᠯᠠᠬᠤ ᠨᠢ ᠬᠡᠦᠬᠡᠳ ᠤᠨ ᠪᠡᠶᠡ ᠳᠤ ᠲᠠᠭᠠᠯᠠᠮᠵᠢᠲᠠᠢ᠂ ᠬᠡᠦᠬᠡᠳ ᠤᠨ | ᠲᠠᠶᠢᠪᠤᠩ ᠤᠨᠲᠠᠬᠤ ᠳᠤ ᠠᠰᠢᠭᠲᠠᠢ᠃ ᠥᠯᠥᠭᠡᠢ ᠶᠢᠨ ᠡᠮᠦᠨᠡ ᠬᠤᠶᠢᠨᠠ ᠮᠥᠭᠡᠷ ᠤᠨ ᠶᠡᠭᠡ ᠪᠠᠭᠠ ᠨᠢ ᠠᠳᠠᠯᠢ | ᠦᠭᠡᠢ᠂ ᠳᠡᠷᠡ ᠲᠠᠯᠠ ᠶᠢᠨ ᠮᠥᠭᠡᠷ ᠨᠢ ᠲᠣᠮᠣ᠂ ᠬᠥᠯ ᠲᠠᠯᠠ ᠶᠢᠨ ᠬᠢᠨᠢ ᠵᠢᠵᠢᠭ᠂ ᠡᠨᠡ ᠨᠢ ᠬᠡᠦᠬᠡᠳ ᠤᠨ | ᠪᠡᠶᠡ ᠶᠢᠨ ᠴᠢᠰᠤ ᠲᠣᠯᠣᠭᠠᠢ ᠵᠦᠭ ᠬᠦᠨᠳᠤᠷᠬᠦ ᠶᠢ ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠬᠤ ᠪᠣᠯᠣᠨᠠ᠃ | ᠮᠣᠩᠭᠤᠯᠴᠤᠳ ᠬᠡᠦᠬᠡᠳ ᠢᠶᠠᠨ ᠥᠯᠥᠭᠡᠶᠢᠳᠡᠬᠦ ᠳᠡᠭᠡᠨ ᠡᠯᠡᠰᠦ ᠳᠡᠪᠢᠰᠳᠡᠭ ᠵᠠᠩᠰᠢᠯ ᠲᠠᠢ᠃ | ᠠᠷᠠᠳ ᠤᠨ ᠦᠭᠡᠨ ᠳᠤ ︽ᠤᠨᠠᠭᠰᠠᠨ ᠰᠢᠷᠣᠢ ᠠᠯᠲᠠ᠂ ᠤᠤᠭᠤᠭᠰᠠᠨ ᠤᠰᠤ ᠷᠠᠰᠢᠶᠠᠨ︾ ᠭᠡᠳᠡᠭᠴᠢᠯᠡᠨ | ᠬᠤᠷᠴᠢᠨ ᠨᠤᠲᠤᠭ ᠤᠨ ᠪᠦᠰᠡᠭᠦᠶᠢᠴᠦᠳ ᠬᠥᠩᠭᠡᠵᠢᠬᠦ ᠳᠡᠭᠡᠨ ᠴᠡᠪᠡᠷ ᠰᠠᠶᠢᠬᠠᠨ ᠴᠠᠭᠠᠨ ᠡᠯᠡᠰᠦᠨ ᠳᠡᠭᠡᠷᠡ | ᠬᠡᠦᠬᠡᠳ ᠢᠶᠠᠨ ᠲᠤᠰᠴᠤ᠂ ᠬᠡᠦᠬᠡᠳ ᠢᠶᠠᠨ ᠪᠠᠰᠠ ᠡᠯᠡᠰᠦᠨ ᠳᠡᠭᠡᠷᠡ ᠥᠯᠥᠭᠡᠶᠢᠳᠡᠳᠡᠭ ᠪᠢᠯᠡ᠃ ᠥᠯᠥᠭᠡᠢ ᠳᠤ | ᠬᠡᠷᠡᠭᠯᠡᠬᠦ ᠡᠯᠡᠰᠦ ᠰᠢᠷᠣᠢ ᠪᠠᠨ ᠮᠠᠩᠬᠠᠨ ᠡᠩᠭᠡᠷ ᠤᠨ ᠴᠡᠪᠡᠷ ᠭᠠᠵᠠᠷ ᠠᠴᠠ ᠰᠣᠩᠭᠤᠵᠤ᠂ ᠬᠠᠯᠠᠭᠤᠯᠵᠤ ᠴᠢᠭᠢᠭ ᠢ | ᠨᠢ ᠭᠠᠷᠭᠠᠭᠠᠳ ᠬᠡᠷᠡᠭᠯᠡᠳᠡᠭ ᠪᠣᠯᠬᠤᠷ ᠬᠡᠦᠬᠡᠳ ᠤᠨ ᠪᠡᠶᠡ ᠳᠤ ᠬᠤᠣᠷ ᠬᠥᠨᠥᠭᠡᠯ ᠦᠭᠡᠢ᠂ ᠬᠠᠷᠢᠨ ᠡᠶᠢᠮᠦᠷᠬᠦᠦ | ᠡᠯᠡᠰᠦ ᠰᠢᠷᠣᠢ ᠶᠢ ᠬᠡᠷᠡᠭᠯᠡᠬᠦ ᠨᠢ ᠬᠡᠦᠬᠡᠳ ᠤᠨ ᠪᠡᠶᠡ ᠶᠢᠨ ᠳᠤᠯᠠᠭᠠᠨ ᠢ ᠪᠠᠲᠤᠯᠠᠵᠤ᠂ ᠬᠥᠯ ᠨᠢᠷᠤᠭᠤ᠂ ᠦᠶᠡ | ᠭᠡᠰᠢᠭᠦᠦ ᠶᠢᠨ ᠥᠰᠦᠯᠲᠡ ᠪᠣᠶᠢᠵᠢᠯᠲᠠ ᠳᠤ ᠲᠤᠩ ᠶᠡᠭᠡ ᠠᠴᠢ ᠲᠤᠰᠠ ᠲᠠᠢ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠭᠠᠰᠤ | ᠰᠢᠭᠡᠰᠦᠨ ᠳᠡᠭᠡᠨ ᠪᠢᠯᠳᠠᠬᠤ ᠶᠢ ᠰᠡᠷᠭᠡᠶᠢᠯᠡᠨ᠂ ᠪᠠᠭᠠᠰᠤ ᠰᠢᠭᠡᠰᠦ ᠶᠢ ᠨᠢ ᠠᠷᠢᠯᠭᠠᠵᠤ ᠴᠡᠪᠡᠷᠯᠡᠬᠦ ᠳᠤ ᠲᠥᠬᠦᠮ | ᠪᠠᠶᠢᠳᠠᠭ᠃ | ᠥᠯᠥᠭᠡᠢ ᠶᠢ ᠬᠠᠶᠢᠯᠠᠰᠤ᠂ ᠶᠠᠰᠢᠯ ᠮᠡᠲᠦ ᠶᠢᠨ ᠮᠣᠳᠣ ᠪᠠᠷ ᠬᠢᠳᠡᠭ ᠤᠨ ᠤᠴᠢᠷ ᠨᠢ | ᠬᠠᠶᠢᠯᠠᠰᠤ᠂ ᠶᠠᠰᠢᠯ ᠮᠣᠳᠣ ᠪᠠᠲᠤ ᠪᠠᠬᠢᠯᠢᠭ᠌᠂ ᠴᠢᠭᠢᠭ ᠨᠣᠶᠢᠲᠠᠨ ᠳᠤ ᠭᠠᠵᠢᠵᠤ ᠮᠤᠷᠤᠶᠢᠬᠤ ᠦᠭᠡᠢ ᠵᠡᠷᠭᠡ | ᠣᠨᠴᠠᠯᠢᠭ ᠲᠠᠢ ᠪᠠᠶᠢᠬᠤ ᠠᠴᠠ ᠭᠠᠳᠠᠨᠠ ᠨᠠᠷᠠᠰᠤᠨ ᠮᠣᠳᠣ ᠰᠢᠭ᠋ ᠣᠨᠴᠠᠭᠠᠢ ᠦᠨᠦᠷ ᠲᠠᠨᠢᠷ ᠪᠠᠶᠢᠬᠤ ᠦᠭᠡᠢ᠃ | ᠡᠨᠡ ᠣᠨᠴᠠᠯᠢᠭ ᠨᠢ ᠬᠡᠦᠬᠡᠳ ᠤᠨ ᠬᠠᠮᠠᠷ ᠲᠤ ᠰᠡᠳᠡᠯᠳᠠ ᠥᠭᠬᠦ ᠦᠭᠡᠢ᠂ ᠥᠷᠭᠡᠰᠦ ᠭᠠᠷᠬᠤ ᠦᠭᠡᠢ ᠪᠣᠯᠬᠤᠷ | ᠬᠡᠦᠬᠡᠳ ᠤᠨ ᠭᠠᠷ ᠬᠥᠯ ᠢ ᠰᠢᠯᠪᠤᠯᠵᠤ ᠭᠡᠮᠲᠦᠭᠡᠬᠦ ᠦᠭᠡᠢ ᠪᠠᠶᠢᠳᠠᠭ᠃ | ᠬᠡᠦᠬᠡᠳ ᠥᠯᠥᠭᠡᠶᠢᠳᠡᠬᠦ ᠳᠡᠭᠡᠨ ᠲᠣᠯᠣᠭᠠᠢ ᠶᠢᠨ ᠦᠵᠦᠭᠦᠷ ᠤᠨ ᠬᠠᠷᠠᠭᠠᠨ ᠪᠥᠰ ᠤᠨ | ᠳᠡᠭᠡᠷᠡ ᠵᠦᠢᠯ ᠪᠦᠷᠢ ᠶᠢᠨ ᠬᠤᠩᠬᠤ ᠳᠠᠮᠠᠷᠤ ᠲᠠᠭᠠᠷᠠᠭᠤᠯᠳᠠᠭ᠃ ᠡᠳᠡᠭᠡᠷ ᠬᠤᠩᠬᠤ ᠳᠠᠮᠠᠷᠤ ᠨᠢ ᠥᠯᠥᠭᠡᠢ ᠶᠢᠨ | ᠰᠠᠵᠢᠯᠠᠬᠤ ᠶᠢ ᠳᠠᠭᠠᠯᠳᠤᠨ ᠰᠣᠨᠣᠰᠪᠤᠷᠢᠲᠠᠢ ᠰᠠᠶᠢᠬᠠᠨ ᠬᠥᠭ ᠠᠶᠢᠵᠠᠮ ᠭᠠᠷᠭᠠᠬᠤ ᠪᠣᠯᠬᠤᠷ ᠬᠡᠦᠬᠡᠳ ᠤᠨ ᠳᠠᠭᠤ | ᠴᠢᠮᠡᠭᠡ ᠶᠢ ᠢᠯᠭᠠᠨ ᠲᠠᠨᠢᠬᠤ ᠰᠣᠨᠣᠷ ᠤᠨ ᠰᠡᠷᠡᠯ ᠤᠨ ᠴᠢᠳᠠᠪᠤᠷᠢ ᠶᠢ ᠪᠣᠶᠢᠵᠢᠭᠤᠯᠤᠨ᠂ ᠬᠤᠷᠴᠠ ᠰᠡᠷᠭᠡᠭ | ᠪᠣᠯᠬᠤ ᠳᠤ ᠨᠢ ᠲᠤᠰᠠ ᠲᠠᠢ ᠪᠠᠶᠢᠳᠠᠭ᠃ ᠨᠡᠩ ᠢᠯᠠᠩᠭᠤᠶᠠ ᠨᠠᠮᠵᠢᠭᠤᠨ ᠲᠠᠶᠢᠪᠤᠩ ᠠᠶᠠᠰ ᠬᠥᠭᠵᠢᠮ ᠤᠨ | ᠳᠤᠮᠳᠠ ᠭᠦᠨ ᠨᠣᠶᠢᠷ ᠲᠠᠭᠠᠨ ᠣᠷᠣᠬᠤ ᠨᠢ ᠬᠡᠦᠬᠡᠳ ᠤᠨ ᠤᠨᠲᠠᠵᠤ ᠠᠮᠠᠷᠠᠬᠤ ᠳᠤ ᠲᠠᠭᠠᠯᠠᠮᠵᠢᠲᠠᠢ ᠰᠠᠶᠢᠬᠠᠨ | ᠭᠠᠳᠠᠭᠠᠳᠤ ᠨᠥᠬᠦᠴᠡᠯ ᠢ ᠪᠦᠷᠢᠯᠳᠦᠭᠦᠯᠵᠦ ᠥᠭᠳᠡᠭ᠃ | | ᠬᠤᠶᠠᠷ᠂ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠳᠤ ᠦᠵᠡᠭᠦᠯᠬᠦ | ᠦᠢᠯᠡᠳᠦᠯ | | | ᠬᠡᠦᠬᠡᠳ ᠥᠯᠥᠭᠡᠶᠢᠳᠡᠬᠦ ᠵᠠᠩᠰᠢᠯ ᠨᠢ ᠮᠣᠩᠭᠤᠯ ᠭᠠᠵᠠᠷ ᠤᠨ ᠣᠷᠴᠢᠨ ᠲᠣᠭᠤᠷᠢᠨ᠂ | ᠡᠳ᠋ ᠭᠠᠷᠤᠯᠲᠠ᠂ ᠠᠵᠤ ᠠᠬᠤᠢ ᠶᠢᠨ ᠨᠥᠬᠦᠴᠡᠯ ᠲᠠᠢ ᠮᠠᠰᠢ ᠲᠣᠬᠢᠷᠠᠭᠰᠠᠨ ᠪᠠᠶᠢᠳᠠᠭ᠃ ᠥᠯᠥᠭᠡᠢ ᠬᠢᠬᠦ ᠳᠤ | ᠣᠯᠠᠩᠬᠢ ᠳᠠᠭᠠᠨ ᠲᠤᠬᠠᠢ ᠶᠢᠨ ᠭᠠᠵᠠᠷ ᠲᠤ ᠤᠷᠭᠤᠳᠠᠭ ᠮᠣᠳᠣ ᠶᠢ ᠬᠡᠷᠡᠭᠯᠡᠳᠡᠭ᠃ ᠬᠡᠦᠬᠡᠳ ᠤᠨ ᠳᠡᠷᠡ ᠪᠠ ᠬᠠᠩ | ᠬᠡᠦᠳᠠᠢ ᠵᠡᠷᠭᠡ ᠳᠤ ᠬᠢᠳᠡᠭ ᠠᠮᠤ ᠶᠢᠨ ᠵᠦᠢᠯ ᠠᠴᠠ ᠠᠪᠴᠤ ᠦᠵᠡᠭᠰᠡᠨ ᠴᠦ ᠪᠦᠷ ᠮᠣᠩᠭᠤᠯ ᠨᠤᠲᠤᠭ ᠲᠤ ᠯᠡ | ᠪᠠᠶᠢᠳᠠᠭ ᠣᠨᠴᠠ ᠭᠠᠷᠤᠯᠲᠠ ᠪᠣᠯᠣᠨᠠ᠃ ᠡᠶᠢᠮᠦ ᠠᠴᠠ ᠥᠯᠥᠭᠡᠢ ᠬᠢᠬᠦ ᠪᠠ ᠬᠡᠦᠬᠡᠳ ᠢᠶᠠᠨ ᠥᠯᠥᠭᠡᠶᠢᠳᠡᠬᠦ | ᠨᠥᠬᠦᠴᠡᠯ ᠢ ᠪᠦᠷᠢᠯᠳᠦᠭᠦᠯᠬᠦ ᠳᠤ ᠵᠣᠭᠤᠰ ᠮᠥᠩᠭᠦ᠂ ᠡᠳ᠋ ᠬᠤᠭᠰᠢᠯ ᠲᠡᠳᠦᠢ ᠣᠯᠠᠨ ᠬᠡᠷᠡᠭᠰᠡᠬᠦ ᠦᠭᠡᠢ᠂ ᠠᠵᠤ | ᠠᠬᠤᠢ ᠶᠢᠨ ᠡᠭᠦᠷᠭᠡᠯᠡᠯ ᠲᠡᠶᠢᠮᠦ ᠬᠦᠨᠳᠦ ᠪᠢᠰᠢ ᠶᠤᠮ᠃ | ᠥᠩᠭᠡᠷᠡᠭᠰᠡᠨ ᠦᠶᠡ ᠶᠢᠨ ᠮᠣᠩᠭᠤᠯ ᠨᠤᠲᠤᠭ ᠲᠤ᠂ ᠢᠯᠠᠩᠭᠤᠶᠠ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ | ᠠᠵᠤ ᠠᠬᠤᠢ ᠪᠠᠷ ᠭᠤᠣᠯᠯᠠᠭᠰᠠᠨ ᠭᠠᠵᠠᠷ ᠣᠷᠣᠨ ᠳᠤ ᠥᠯᠥᠭᠡᠢ ᠪᠠᠨ ᠭᠡᠷ ᠤᠨ ᠣᠨᠢ ᠠᠴᠠ ᠳᠡᠭᠦᠵᠢᠯᠡᠨ | ᠬᠡᠷᠡᠭᠯᠡᠳᠡᠭ ᠵᠠᠩᠰᠢᠯ ᠵᠥᠩᠳᠡᠭᠡᠨ ᠪᠠᠶᠢᠵᠠᠢ᠃ ᠡᠨᠡ ᠨᠢ ᠳᠡᠭᠦᠵᠢᠩ ᠥᠯᠥᠭᠡᠢ ᠶᠢᠨ ᠬᠡᠯᠪᠡᠷᠢ ᠪᠣᠯᠣᠨᠠ᠃ ᠢᠩᠭᠢᠵᠦ | ᠭᠡᠷ ᠤᠨ ᠣᠨᠢ ᠪᠤᠶᠤ ᠨᠢᠷᠤᠭᠤᠨ ᠠᠴᠠ ᠳᠡᠭᠦᠵᠢᠯᠡᠬᠦ ᠳᠡᠭᠦᠵᠢᠩ ᠥᠯᠥᠭᠡᠢ ᠨᠢ ᠬᠡᠦᠬᠡᠳ ᠰᠠᠭᠠᠲᠠᠭᠤᠯᠬᠤ ᠳᠤ | ᠬᠢᠯᠪᠠᠷ ᠲᠥᠬᠦᠮ᠂ ᠣᠨᠴᠠᠭᠠᠶᠢᠯᠠᠨ ᠬᠡᠦᠬᠡᠳ ᠢᠶᠠᠨ ᠤᠨᠲᠠᠭᠤᠯᠤᠭᠠᠳ ᠭᠡᠷ ᠵᠠᠭᠤᠷᠠ ᠶᠢᠨ ᠪᠣᠯᠣᠨ ᠬᠡᠭᠡᠷᠡ ᠶᠢᠨ | ᠠᠵᠢᠯ ᠬᠢᠳᠡᠭ ᠪᠦᠰᠡᠭᠦᠶᠢᠴᠦᠳ ᠲᠤ ᠠᠪᠴᠤ ᠬᠡᠯᠡᠪᠡᠯ᠂ ᠬᠡᠦᠬᠡᠳ ᠢᠶᠠᠨ ᠬᠡᠭᠡᠷᠡ ᠶᠢᠨ ᠨᠣᠬᠠᠢ᠂ ᠮᠤᠤᠷ ᠵᠡᠷᠭᠡ | ᠠᠷᠢᠶᠠᠲᠠᠨ ᠠᠮᠢᠲᠠᠨ ᠤ ᠬᠤᠣᠷ ᠬᠥᠨᠥᠭᠡᠯ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠮᠠᠰᠢ ᠰᠠᠶᠢᠨ ᠠᠷᠭᠠ ᠪᠣᠯᠬᠤ ᠶᠤᠮ᠃ | | ᠥᠯᠥᠭᠡᠢ ᠨᠢ ᠮᠥᠭᠡᠷ ᠲᠠᠢ ᠪᠠᠶᠢᠳᠠᠭ ᠪᠣᠯᠬᠤᠷ ᠰᠠᠭᠠᠲᠠᠭᠤᠯᠬᠤ ᠳᠤ ᠳᠡᠮᠡᠢ ᠬᠦᠴᠦ | ᠬᠡᠷᠡᠭᠰᠡᠬᠦ ᠦᠭᠡᠢ᠂ ᠨᠠᠰᠤ ᠠᠬᠢᠭᠰᠠᠨ ᠪᠤᠭᠤᠷᠤᠯ ᠠᠴᠠ ᠨᠠᠢᠮᠠ᠂ ᠶᠢᠰᠦᠲᠡᠢ ᠪᠠᠭᠠ ᠬᠡᠦᠬᠡᠳ ᠬᠦᠷᠲᠡᠯᠡ ᠪᠦᠷ | ᠨᠢᠯᠬᠠ ᠬᠡᠦᠬᠡᠳ ᠢ ᠠᠷᠭᠠᠳᠠᠵᠤ ᠴᠢᠳᠠᠨᠠ᠃ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠨᠢᠯᠬᠠ ᠬᠡᠦᠬᠡᠳ ᠢ ᠬᠠᠷᠠᠵᠤ | ᠬᠠᠷᠠᠭᠠᠯᠵᠠᠬᠤ ᠳᠤ ᠬᠢᠯᠪᠠᠷ ᠲᠥᠬᠦᠮ᠂ ᠲᠡᠪᠡᠷᠢᠵᠦ ᠡᠭᠦᠷᠬᠦ ᠶᠠᠷᠰᠢᠭ ᠲᠦᠪᠡᠭ ᠢ ᠪᠠᠭᠠᠰᠬᠠᠭᠰᠠᠨ ᠶᠤᠮ᠃ ᠶᠠᠭ | ᠡᠶᠢᠮᠦ ᠠᠴᠠ ᠡᠨᠡ ᠨᠢ ᠠᠵᠢᠯᠴᠢ ᠪᠣᠷᠣᠭᠵᠢᠭᠤᠨ ᠮᠣᠩᠭᠤᠯ ᠪᠦᠰᠡᠭᠦᠢ ᠶᠢᠨ ᠦᠨᠢᠶᠡ ᠰᠠᠭᠠᠬᠤ᠂ ᠲᠤᠭᠤᠯ | ᠬᠠᠷᠢᠭᠤᠯᠬᠤ᠂ ᠬᠤᠷᠤᠳ ᠬᠢᠬᠦ᠂ ᠠᠷᠭᠠᠯ ᠲᠡᠭᠦᠬᠦ᠂ ᠴᠠᠢ ᠴᠢᠨᠠᠵᠤ ᠪᠤᠳᠠᠭᠠ ᠪᠣᠯᠭᠤᠬᠤ᠂ ᠭᠤᠲᠤᠯ ᠣᠶᠣᠵᠤ | ᠠᠷᠠᠰᠤ ᠡᠯᠳᠡᠬᠦ ᠵᠢᠴᠢ ᠵᠣᠴᠢᠨ ᠳᠠᠶᠢᠯᠠᠬᠤ ᠵᠡᠷᠭᠡ ᠡᠳᠦᠷ ᠳᠣᠳᠥᠮ ᠤᠨ ᠠᠵᠢᠯ ᠳᠤ ᠨᠢ ᠬᠠᠪᠰᠤᠷᠤᠮᠵᠢ ᠪᠣᠯᠬᠤ | ᠮᠥᠷᠲᠡᠭᠡᠨ ᠴᠠᠭ ᠤᠨ ᠲᠠᠯᠠ ᠪᠠᠷ ᠠᠷᠪᠢᠲᠠᠢ ᠶᠤᠮ᠃ ᠡᠨᠡ ᠨᠢ ᠭᠡᠷ ᠪᠦᠯᠢ ᠶᠢᠨ ᠣᠯᠠᠨ ᠵᠦᠢᠯ ᠤᠨ ᠠᠵᠢᠯ ᠢ ᠭᠡᠷ | ᠳᠣᠲᠣᠷᠠᠬᠢ ᠬᠥᠭᠰᠢᠨ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠬᠠᠮᠵᠢᠯᠴᠠᠨ ᠪᠡᠶᠡᠯᠡᠭᠦᠯᠵᠦ ᠴᠢᠳᠠᠬᠤ ᠨᠥᠬᠦᠴᠡᠯ ᠢ ᠪᠣᠢ ᠪᠣᠯᠭᠠᠭᠰᠠᠨ | ᠪᠠᠶᠢᠨᠠ᠃ | ᠥᠯᠥᠭᠡᠢ ᠲᠠᠢ ᠬᠡᠦᠬᠡᠳ ᠢᠶᠠᠨ ᠬᠥᠬᠦᠭᠦᠯᠬᠦ ᠦᠶᠡ ᠳᠤ ᠥᠯᠥᠭᠡᠢ ᠶᠢᠨ ᠥᠨᠳᠥᠷ ᠤᠨ | ᠬᠡᠮᠵᠢᠶᠡ ᠶᠠᠭ ᠲᠣᠬᠢᠷᠠᠭᠰᠠᠨ ᠠᠴᠠ ᠬᠡᠦᠬᠡᠳ ᠬᠥᠬᠦᠨ ᠰᠦ ᠳᠡᠭᠡᠨ ᠬᠠᠭ᠋ᠠᠵᠤ ᠴᠠᠴᠠᠬᠤ ᠦᠭᠡᠢ᠂ ᠪᠦᠰᠡᠭᠦᠶᠢᠴᠦᠳ | ᠬᠡᠦᠬᠡᠳ ᠢᠶᠠᠨ ᠡᠪᠦᠷ ᠳᠡᠭᠡᠷᠡ ᠪᠠᠨ ᠲᠡᠪᠡᠷᠢᠬᠦ ᠦᠭᠡᠢ ᠴᠦ ᠬᠥᠬᠦᠭᠦᠯᠵᠦ ᠴᠢᠳᠠᠳᠠᠭ ᠶᠤᠮ᠃ | | ᠥᠯᠥᠭᠡᠢ ᠨᠢ ᠪᠠᠰᠠ ᠮᠣᠩᠭᠤᠯᠴᠤᠳ ᠤᠨ ᠮᠠᠯᠵᠢᠯ ᠠᠵᠤ ᠠᠬᠤᠢ ᠶᠢᠨ ᠣᠲᠣᠷ | ᠨᠡᠭᠦᠳᠡᠯ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠤᠨ ᠣᠨᠴᠠᠯᠢᠭ ᠲᠠᠢ ᠨᠢᠭᠲᠠ ᠤᠶᠠᠯᠳᠤᠭᠰᠠᠨ ᠪᠠᠶᠢᠳᠠᠭ᠃ ᠤᠯᠠᠷᠢᠯ ᠢ | ᠲᠠᠭᠠᠨ ᠨᠡᠭᠦᠳᠡᠯᠯᠡᠬᠦ ᠳᠡᠭᠡᠨ ᠨᠢᠯᠬᠠ ᠬᠡᠦᠬᠡᠳ ᠢ ᠥᠯᠥᠭᠡᠶᠢᠳᠡᠭᠰᠡᠨ ᠬᠡᠪ ᠢᠶᠠᠷ ᠨᠢ ᠠᠪᠴᠤ ᠶᠠᠪᠤᠵᠤ ᠪᠣᠯᠳᠠᠭ᠃ | ᠢᠩᠭᠢᠬᠦ ᠨᠢ ᠬᠡᠦᠬᠡᠳ ᠢ ᠠᠪᠴᠤ ᠶᠠᠪᠤᠬᠤ ᠳᠤ ᠲᠥᠬᠦᠮ᠂ ᠨᠡᠭᠦᠳᠡᠯ ᠪᠠᠭᠤᠳᠠᠯ ᠤᠨ ᠶᠠᠪᠤᠴᠠ ᠳᠤ ᠬᠢᠴᠢᠶᠡᠮᠵᠢ | ᠦᠭᠡᠢ ᠪᠠᠷ ᠬᠡᠦᠬᠡᠳ ᠤᠨ ᠭᠠᠷ ᠬᠥᠯ᠂ ᠦᠶᠡ ᠭᠡᠰᠢᠭᠦᠦ ᠶᠢ ᠭᠡᠮᠲᠦᠭᠡᠬᠦ ᠪᠠ ᠡᠪᠦᠯ ᠤᠨ ᠬᠦᠢᠲᠡᠨ ᠳᠤ ᠭᠠᠷ | ᠬᠥᠯ ᠢ ᠨᠢ ᠬᠥᠯᠳᠡᠭᠡᠬᠦ᠂ ᠵᠤᠨ ᠤ ᠬᠠᠯᠠᠭᠤᠨ ᠳᠤ ᠢᠯᠠᠭᠠ ᠪᠠᠲᠠᠭᠠᠨᠠ ᠣᠶᠢᠷᠠᠳᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠨᠠ | ᠃ ᠬᠠᠰᠠᠭ ᠲᠡᠷᠭᠡᠨ ᠳᠤ ᠪᠠᠶᠢᠲᠤᠭᠠᠢ᠂ ᠬᠠᠲᠠᠷᠢᠭᠠ ᠮᠣᠷᠢᠨ ᠳᠡᠭᠡᠷᠡ ᠴᠦ ᠥᠯᠥᠭᠡᠢ ᠲᠠᠢ ᠬᠡᠦᠬᠡᠳ ᠢᠶᠠᠨ | ᠰᠤᠭᠤᠪᠴᠢᠯᠠᠨ ᠶᠠᠪᠤᠵᠤ ᠪᠣᠯᠳᠠᠭ ᠨᠢ ᠲᠤᠩ ᠭᠠᠶᠢᠬᠠᠯᠲᠠᠢ ᠶᠤᠮ᠃ | ᠡᠷᠲᠡᠨ ᠠᠴᠠ ᠠᠪᠤᠭᠠᠳ ᠮᠣᠩᠭᠤᠯᠴᠤᠳ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠭᠠᠪᠰᠢᠭᠠᠢ᠂ | ᠨᠡᠭᠦᠳᠡᠯᠯᠡᠨ ᠪᠠᠭᠤᠬᠤ ᠳᠠᠭᠠᠨ ᠪᠤᠰᠢᠭᠤ ᠱᠠᠯᠠᠮᠠᠭᠠᠢ᠂ ᠬᠥᠳᠡᠯᠭᠡᠭᠡᠨᠲᠦ ᠴᠢᠨᠠᠷ ᠢᠶᠠᠷ ᠶᠡᠭᠡ ᠪᠠᠶᠢᠭᠰᠠᠨ᠃ ᠡᠭᠦᠨ ᠳᠤ | ᠥᠯᠥᠭᠡᠢ ᠨᠢ ᠪᠠᠰᠠ ᠣᠷᠣᠯᠠᠭᠤᠯᠵᠤ ᠪᠣᠯᠣᠰᠢ ᠦᠭᠡᠢ ᠦᠢᠯᠡᠳᠦᠯ ᠢᠶᠠᠨ ᠪᠠᠳᠠᠷᠠᠭᠤᠯᠤᠭᠰᠠᠨ ᠶᠤᠮ᠃ ᠨᠡᠭᠦᠨ | ᠪᠠᠭᠤᠳᠠᠯᠯᠠᠬᠤ ᠶᠠᠪᠤᠴᠠ ᠳᠤ ᠠᠭᠲᠠ ᠮᠣᠷᠢ᠂ ᠠᠷᠠᠯᠲᠤ ᠲᠡᠷᠭᠡ ᠨᠢ ᠬᠡᠳᠦᠢ ᠬᠤᠷᠳᠤᠨ ᠳᠠᠪᠬᠢᠭᠰᠠᠨ ᠴᠦ ᠬᠡᠦᠬᠡᠳ | ᠨᠢ ᠥᠯᠥᠭᠡᠢ ᠳᠣᠲᠣᠷᠠ ᠪᠠᠨ ᠪᠠᠶᠢᠪᠠᠯ ᠬᠡᠦᠬᠡᠳ ᠤᠨ ᠭᠡᠳᠡᠰᠦ ᠤᠷᠪᠠᠭ᠋ᠤ᠂ ᠬᠤᠳᠣᠭᠤᠳᠤ ᠰᠢᠯᠵᠢᠬᠦ ᠠᠶᠤᠯ | ᠭᠠᠷᠬᠤ ᠦᠭᠡᠢ᠃ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠳᠤᠮᠳᠠ ᠳᠤ ᠴᠦ ᠬᠡᠦᠬᠡᠳ ᠨᠢ ᠠᠮᠤᠷ ᠲᠠᠶᠢᠪᠤᠩ ᠤᠨᠲᠠᠨ ᠠᠮᠠᠷᠠᠵᠤ᠂ | ᠬᠤᠣᠷ ᠬᠥᠨᠥᠭᠡᠯ ᠠᠮᠰᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠡᠭᠦᠨ ᠤ ᠬᠠᠮᠲᠤ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ᠂ ᠣᠲᠣᠷ ᠨᠡᠭᠦᠳᠡᠯ ᠳᠤ | ᠶᠠᠪᠤᠵᠤ ᠪᠠᠶᠢᠭᠠ ᠪᠦᠰᠡᠭᠦᠶᠢᠴᠦᠳ ᠴᠦ ᠭᠡᠷ ᠪᠦᠯᠢ᠂ ᠦᠷᠡ ᠬᠡᠦᠬᠡᠳ ᠤᠨ ᠢᠶᠠᠨ ᠬᠠᠮᠲᠤ ᠶᠠᠪᠤᠬᠤ ᠪᠣᠯᠬᠤᠷ ᠠᠷᠤ | ᠲᠠᠯᠠ ᠶᠢᠨ ᠭᠡᠷ ᠡᠷᠦᠬᠡ᠂ ᠦᠷᠡ ᠨᠢᠯᠬᠠ ᠭᠡᠵᠤ ᠰᠠᠨᠠᠭᠠ ᠪᠣᠯᠬᠤ ᠦᠭᠡᠢ᠂ ᠨᠢᠭᠡ ᠰᠡᠳᠬᠢᠯ ᠭᠠᠭᠴᠠ | ᠵᠣᠷᠢᠭ ᠢᠶᠠᠷ ᠠᠵᠢᠯ ᠬᠥᠳᠡᠯᠮᠦᠷᠢ ᠳᠡᠭᠡᠨ ᠵᠢᠳᠬᠦᠳᠡᠭ᠃ | ᠮᠣᠩᠭᠤᠯᠴᠤᠳ ᠬᠡᠦᠬᠡᠳ ᠤᠨ ᠥᠯᠥᠭᠡᠢ ᠶᠢᠨ ᠬᠠᠷᠠᠭᠠ᠂ ᠠᠷᠠᠯ᠂ ᠢᠯᠡᠦ᠂ ᠮᠥᠭᠡᠷ᠂ | ᠳ᠋ᠡᠶᠢᠰᠨ᠂ ᠭᠤᠭᠴᠤᠭᠠ ᠵᠡᠷᠭᠡ ᠭᠠᠵᠠᠷ ᠲᠤ ᠥᠯᠵᠡᠢ ᠵᠠᠩᠭᠢᠶᠠ᠂ ᠬᠠᠰ ᠲᠠᠮᠠᠭᠠ᠂ ᠳᠥᠷᠪᠡᠨ ᠬᠦᠴᠦᠲᠡᠨ᠂ ᠲᠤᠩ | ᠂ ᠨᠠᠷᠠ ᠰᠠᠷᠠ᠂ ᠨᠠᠪᠴᠢ ᠴᠡᠴᠡᠭ ᠵᠡᠷᠭᠡ ᠶᠢᠨ ᠬᠡ ᠤᠭᠠᠯᠵᠠ ᠵᠢᠷᠤᠵᠤ ᠰᠡᠶᠢᠯᠬᠦ᠂ ᠣᠶᠣᠵᠤ ᠪᠠᠷᠢᠬᠤ᠂ | ᠬᠠᠳᠬᠤᠵᠤ ᠴᠢᠳᠬᠤᠬᠤ ᠵᠠᠩᠰᠢᠯ ᠲᠠᠢ ᠪᠠ ᠨᠤᠮᠤ ᠰᠤᠮᠤ᠂ ᠲᠡᠭᠷᠢ ᠶᠢᠨ ᠰᠤᠮᠤ᠂ ᠭᠠᠤᠯᠢᠨ ᠵᠣᠭᠤᠰ᠂ ᠮᠥᠩᠭᠦᠨ | ᠬᠢᠲᠤᠭᠠ᠂ ᠬᠦᠷᠡᠯ ᠲᠣᠯᠢ ᠵᠡᠷᠭᠡ ᠲᠡᠮᠦᠷᠯᠢᠭ ᠤᠨ ᠵᠦᠢᠯ ᠬᠢᠭᠡᠳ ᠱᠠᠭᠠ᠂ ᠬᠡᠦᠬᠡᠳ ᠤᠨ ᠬᠦᠢᠰᠦ᠂ ᠦᠷᠪᠡᠭᠡ | ᠵᠡᠷᠭᠡ ᠶᠢ ᠳᠡᠭᠦᠵᠢᠯᠡᠨ ᠡᠯᠭᠦᠵᠦ ᠪᠡᠯᠭᠡᠳᠡᠯ ᠪᠣᠯᠭᠠᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠥᠯᠥᠭᠡᠢ ᠶᠢ ᠪᠦᠲᠦᠭᠡᠭᠰᠡᠨ | ᠡᠯᠡ ᠲᠥᠷᠥᠯ ᠤᠨ ᠮᠣᠳᠣᠨ ᠤᠷᠭᠤᠮᠠᠯ᠂ ᠠᠮᠤ ᠪᠥᠰ ᠵᠡᠷᠭᠡ ᠨᠢ ᠪᠠᠰᠠ ᠭᠦᠨ ᠭᠦᠨᠵᠡᠭᠡᠢ ᠪᠡᠯᠭᠡᠳᠡᠯ ᠤᠨ ᠤᠳᠬᠠ | ᠲᠠᠢ ᠪᠠᠶᠢᠳᠠᠭ᠃ ᠥᠯᠥᠭᠡᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ ᠪᠠ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠨᠢ ᠲᠡᠭᠦᠨ ᠳᠤ ᠠᠭᠤᠯᠤᠭᠰᠠᠨ ᠪᠡᠯᠭᠡᠳᠡᠯ | ᠤᠳᠬᠠ ᠲᠠᠢ ᠪᠠᠨ ᠨᠥᠬᠦᠴᠡᠯᠳᠦᠨ ᠠᠭᠤᠰᠤᠯᠴᠠᠵᠤ ᠪᠠᠶᠢᠳᠠᠭ᠃ ᠬᠡᠦᠬᠡᠳ ᠤᠨ ᠢᠶᠠᠨ ᠡᠷᠡᠭᠦᠯ ᠮᠡᠨᠳᠦ᠂ ᠰᠠᠶᠢᠨ | ᠰᠠᠶᠢᠬᠠᠨ ᠢ ᠢᠷᠦᠭᠡᠨ ᠳᠠᠭᠠᠳᠬᠠᠵᠤ᠂ ᠬᠠᠮᠠᠭᠠᠯᠠᠨ ᠪᠠᠲᠤᠯᠠᠬᠤ ᠭᠤᠣᠯ ᠵᠣᠷᠢᠯᠭᠠ ᠳᠤ ᠦᠢᠯᠡᠴᠢᠯᠡᠵᠦ ᠪᠠᠶᠢᠭᠠ | ᠶᠤᠮ᠃ ᠡᠨᠡ ᠨᠢ ᠬᠠᠭᠤᠴᠢᠨ ᠴᠠᠭ ᠲᠤ ᠦᠷᠡ ᠬᠡᠦᠬᠡᠳ ᠤᠨ ᠡᠷᠡᠭᠦᠯ ᠰᠠᠶᠢᠬᠠᠨ ᠥᠰᠦᠯᠲᠡ ᠪᠣᠶᠢᠵᠢᠯᠲᠠ | ᠪᠠᠲᠤᠯᠠᠭᠠ ᠦᠭᠡᠢ ᠪᠠᠶᠢᠭᠰᠠᠨ᠂ ᠪᠠᠶᠢᠭᠠᠯᠢ ᠶᠢᠨ ᠭᠠᠢ ᠭᠠᠮᠰᠢᠭ ᠪᠠ ᠡᠪᠡᠳᠴᠢᠨ ᠲᠠᠬᠤᠯ ᠢ ᠪᠦᠷᠢᠮᠦᠰᠦᠨ ᠢᠯᠠᠵᠤ | ᠳᠡᠶᠢᠯᠬᠦ ᠦᠭᠡᠢ ᠪᠠᠶᠢᠭᠰᠠᠨ ᠲᠠᠢ ᠬᠤᠯᠪᠣᠭᠠᠲᠠᠢ ᠪᠥᠭᠡᠳ ᠬᠥᠮᠥᠰ ᠪᠡᠯᠭᠡᠳᠡᠯ ᠢᠶᠠᠷ ᠳᠠᠮᠵᠢᠨ ᠭᠠᠢ ᠪᠠᠷᠴᠢᠳ ᠢ | ᠦᠯᠳᠡᠨ ᠠᠷᠢᠯᠭᠠᠵᠤ᠂ ᠠᠵᠠ ᠵᠢᠷᠭᠠᠯ᠂ ᠵᠣᠯ ᠵᠠᠪᠰᠢᠶᠠᠨ ᠢ ᠤᠷᠢᠨ ᠳᠠᠭᠤᠳᠠᠬᠤ ᠳᠣᠮ ᠰᠢᠪᠰᠢᠯᠭᠡ ᠪᠣᠯᠬᠤ | ᠦᠢᠯᠡᠳᠦᠯ ᠲᠠᠢ ᠶᠤᠮ᠃ | ᠪᠠᠭᠴᠠᠯᠠᠭᠠᠳ ᠬᠡᠯᠡᠪᠡᠯ᠂ ᠥᠯᠥᠭᠡᠢ ᠨᠢ ᠮᠣᠩᠭᠤᠯᠴᠤᠳ ᠤᠨ ᠪᠣᠳᠠᠰ ᠤᠨ ᠪᠠ ᠣᠶᠣᠨ ᠤ | ᠰᠣᠶᠣᠯ ᠤᠨ ᠥᠪ ᠬᠥᠷᠥᠩᠭᠡ ᠪᠣᠯᠣᠭᠰᠠᠨ ᠤ ᠬᠤᠪᠢ ᠳᠤ ᠮᠣᠩᠭᠤᠯ ᠨᠤᠲᠤᠭ ᠤᠨ ᠢᠶᠠᠨ ᠵᠤᠵᠠᠭᠠᠨ | ᠬᠥᠷᠥᠰᠥᠨ ᠳᠤ ᠤᠷᠭᠤᠵᠤ᠂ ᠮᠣᠩᠭᠤᠯᠴᠤᠳ ᠤᠨ ᠠᠵᠤ ᠠᠬᠤᠢ᠂ ᠰᠣᠶᠣᠯ᠂ ᠦᠵᠡᠯ ᠤᠬᠠᠮᠰᠠᠷ ᠤᠨ | ᠣᠨᠴᠠᠯᠢᠭ ᠢ ᠪᠦᠷᠢᠨ ᠬᠠᠳᠠᠭᠠᠯᠠᠵᠤ᠂ ᠮᠣᠩᠭᠤᠯ ᠬᠥᠮᠥᠨ ᠤ ᠠᠵᠤ ᠠᠮᠢᠳᠤᠷᠠᠯ᠂ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠠᠷᠭᠠ | ᠪᠠᠷᠢᠯ᠂ ᠤᠷᠠᠨ ᠰᠡᠳᠬᠢᠮᠵᠢ᠂ ᠣᠶᠣᠨ ᠪᠢᠯᠢᠭ᠂ ᠭᠤᠸᠠ ᠵᠦᠢ᠂ ᠶᠣᠰᠣ ᠮᠣᠷᠠᠯ᠂ ᠵᠠᠩ ᠳᠠᠳᠬᠠᠯ ᠢ | ᠲᠥᠪᠯᠡᠷᠡᠭᠦᠯᠦᠨ ᠲᠤᠰᠬᠠᠵᠤ ᠪᠠᠶᠢᠭᠠ ᠶᠤᠮ᠃ ᠡᠶᠢᠨ ᠬᠦ ᠥᠯᠥᠭᠡᠢ ᠨᠢ ᠤᠷᠲᠤ ᠤᠳᠠᠭᠠᠨ ᠲᠡᠦᠬᠡᠨ | ᠬᠥᠭᠵᠢᠯᠲᠡ ᠶᠢᠨ ᠶᠠᠪᠤᠴᠠ ᠳᠤ ᠮᠣᠩᠭᠤᠯᠴᠤᠳ ᠤᠨ ᠦᠷᠡ ᠬᠡᠦᠬᠡᠳ ᠢᠶᠠᠨ ᠥᠰᠬᠡᠨ ᠪᠣᠶᠢᠵᠢᠭᠤᠯᠬᠤ ᠣᠯᠠᠨ | ᠲᠠᠯᠠ ᠳᠤ ᠢᠳᠡᠪᠬᠢ ᠦᠢᠯᠡᠳᠦᠯ ᠦᠵᠡᠭᠦᠯᠵᠦ᠂ ᠥᠨᠥᠳᠥᠷ ᠲᠤ ᠢᠷᠠᠲᠠᠯᠠ ᠤᠯᠠᠮᠵᠢᠯᠠᠭᠳᠠᠨ ᠬᠠᠳᠠᠭᠠᠯᠠᠭᠳᠠᠵᠤ᠂ | ᠤᠷᠲᠤ ᠤᠳᠠᠭᠠᠨ ᠠᠮᠢᠯᠠᠯ ᠤᠨ ᠬᠦᠴᠦᠨ ᠢᠶᠠᠨ ᠢᠯᠡᠷᠡᠭᠦᠯᠦᠭᠰᠡᠭᠡᠷ ᠪᠠᠶᠢᠨᠠ᠃ | | ᠵᠡᠭᠦᠯᠲᠡ᠄ | ① 佟靖仁:《内蒙古的满族》内蒙古大学出版社，一九 | 九三年，第二七一页。 | ② ᠬᠦᠷᠡᠯᠪᠠᠭᠠᠲᠤᠷ᠂ ᠤᠷᠠᠨᠴᠢᠮᠡᠭ᠄ ︽ᠬᠤᠷᠴᠢᠨ ᠤ ᠵᠠᠩ ᠠᠭᠠᠯᠢ︾᠂ ᠥᠪᠥᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ | ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1988 ᠣᠨ᠂ 108 ᠳ᠋ᠤᠭᠠᠷ ᠨᠢᠭᠤᠷ᠃ | | ︵ᠪᠠᠢ ᠮᠸᠢ ᠶᠦᠨ᠂ ᠴᠤᠪᠤᠭᠠ︶ | | | |