| | ᠠᠭᠤᠯᠭᠠ ᠶᠢᠨ ᠲᠤᠪᠴᠢ ᠄ ᠲᠤᠰ ᠦᠭᠦᠯᠡᠯ ᠳᠤ ᠵᠤᠬᠢᠶᠠᠭᠴᠢ ᠠᠴᠠ ᠵᠢᠪᠽᠤᠨᠳᠠᠮᠪᠠ ᠬᠤᠳᠤᠭᠳᠤ ᠶᠢᠨ ᠲᠤᠬᠠᠢ | ᠲᠤᠪᠴᠢ ᠲᠠᠨᠢᠯᠴᠠᠭᠤᠯᠬᠤ ᠶᠢᠨ ᠬᠠᠮᠳᠤ᠂ ᠤᠷᠢᠳᠠᠬᠢ ᠡᠷᠳᠡᠮᠳᠡᠳ ᠤᠨ ᠰᠤᠳᠤᠯᠭᠠᠨ ᠤ ᠰᠠᠭᠤᠷᠢᠨ ᠳᠡᠭᠡᠷᠡ | ᠲᠠᠶᠢᠴᠢᠩ ᠭᠦᠷᠦᠨ ᠠᠴᠠ ᠵᠢᠪᠽᠤᠨᠳᠠᠮᠪᠠ ᠬᠤᠳᠤᠭᠳᠤ ᠳᠤ ᠤᠯᠭᠤᠭᠰᠠᠨ ᠤᠨᠴᠠᠭᠠᠢ ᠡᠷᠬᠡ ᠠᠰᠢᠭ᠂ ᠪᠠᠶᠢᠷᠢ | ᠰᠠᠭᠤᠷᠢ ᠶᠢᠨ ᠲᠤᠬᠠᠢ ᠵᠠᠳᠠᠯᠤᠨ ᠰᠢᠨᠵᠢᠯᠡᠬᠦ ᠶᠢᠨ ᠳᠠᠭᠠᠤ ᠵᠢᠪᠽᠤᠨᠳᠠᠮᠪᠠ ᠬᠤᠳᠤᠭᠳᠤ ᠶᠢᠨ ᠴᠢᠩ ᠬᠡᠮᠡᠭᠦ ᠦᠨᠡᠨ | ᠰᠡᠳᠬᠢᠯ ᠠᠴᠠ ᠴᠢᠩ ᠤᠨ ᠲᠦᠷᠦ ᠲᠦᠮᠡᠨ ᠦᠶᠡ ᠪᠠᠳᠤᠵᠢᠵᠤ᠂ ᠡᠵᠡᠨ ᠬᠠᠭᠠᠨ ᠡᠭᠦᠷᠢᠳᠡ ᠠᠮᠤᠭᠤᠯᠠᠩ | ᠪᠠᠶᠢᠬᠤ ᠶᠢ ᠡᠳᠤᠷ ᠰᠦᠨᠢ ᠶᠢᠨ ᠬᠤᠪᠢᠨ ᠳᠤ ᠵᠠᠯᠪᠠᠷᠢᠵᠤ ᠳᠠᠭᠠᠳᠬᠠᠵᠤ ᠪᠠᠶᠢᠭᠰᠠᠨ ᠲᠤᠬᠠᠢ ᠦᠭᠦᠯᠡᠭᠰᠡᠨ ᠪᠠᠶᠢᠨᠠ᠃ | | ᠲᠦᠯᠬᠢᠭᠦᠷ ᠦᠭᠡ ᠄ ᠲᠠᠶᠢᠴᠢᠩ ᠭᠦᠷᠦᠨ ᠵᠢᠪᠽᠤᠨᠳᠠᠮᠪᠠ | ᠬᠤᠳᠤᠭᠳᠤ ᠤᠨᠴᠠᠭᠠᠢ ᠡᠷᠬᠡ ᠪᠠᠶᠢᠷᠢ ᠰᠠᠭᠤᠷᠢ | | 16 ᠳ᠋ᠤᠭᠠᠷ ᠵᠠᠭᠤᠨ ᠤ ᠲᠤᠮᠳᠠᠴᠢ ᠪᠠᠷ ᠮᠤᠩᠭᠤᠯ ᠤᠷᠤᠨ ᠳᠤ ᠰᠢᠷᠠ ᠶᠢᠨ ᠱᠠᠰᠢᠨ | ᠳᠡᠯᠭᠡᠷᠡᠭᠰᠡᠨ ᠠᠴᠠ ᠨᠠᠭᠠᠰᠢ᠂ ᠮᠤᠩᠭᠤᠯ ᠤᠨ ᠡᠯᠡ ᠠᠶᠢᠮᠠᠭ ᠤᠨ ᠨᠤᠶᠠᠳ ᠢᠵᠠᠭᠤᠷᠲᠠᠨ ︽ᠬᠠᠮᠤᠭ ᠠᠮᠢᠲᠠᠨ | ᠵᠢᠷᠭᠤᠭᠠᠨ ᠵᠤᠶᠢᠯ ᠤᠨ ᠵᠢᠷᠭᠠᠯᠠᠩ ᠤᠨ ᠲᠦᠯᠤᠭᠡ︾ ᠬᠡᠮᠡᠨ ᠶᠡᠭᠡ ᠬᠡᠮᠵᠢᠶᠡᠨ ᠤ ᠡᠳ᠋ ᠮᠦᠩᠭᠦ ᠭᠠᠷᠭᠠᠨ ᠰᠦᠮᠡ | ᠬᠡᠶᠢᠳ ᠦᠢᠯᠡᠳᠤᠨ ᠨᠤᠮ ᠭᠦᠷᠢᠮ ᠬᠢᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠠᠴᠠ ᠡᠬᠢᠯᠡᠨ ᠴᠢᠩ | ᠤᠨ ᠲᠦᠷᠤ ᠠᠷᠤ ᠦᠪᠤᠷ ᠮᠤᠩᠭᠤᠯ ᠢ ᠡᠷᠬᠡᠰᠢᠶᠡᠯ ᠳᠡᠭᠡᠨ ᠤᠷᠤᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠮᠤᠩᠭᠤᠯᠴᠤᠳ ᠤᠨ | ᠡᠷᠬᠡ ᠬᠦᠴᠦᠨ ᠢ ᠠᠰᠢᠭᠯᠠᠵᠤ᠂ ᠦᠪᠡᠷ ᠤᠨ ᠲᠦᠰᠢᠭ ᠨᠠᠶᠢᠳᠠᠪᠤᠷᠢ ᠪᠠᠨ ᠪᠤᠯᠭᠠᠬᠤ ᠪᠤᠳᠤᠯᠭᠠ ᠪᠠᠷ ᠮᠠᠰᠢ ᠤᠯᠠᠨ | ᠸᠠᠩ ᠭᠦᠩ ᠲᠠᠶᠢᠵᠢ᠂ ᠲᠠᠪᠤᠨᠠᠩ ᠯᠤᠭᠠ ᠦᠬᠢᠳ ᠬᠡᠤᠬᠡᠳ ᠢᠶᠠᠨ ᠰᠤᠯᠢᠯᠴᠠᠨ ᠤᠷᠤᠭ ᠰᠠᠳᠤᠨ ᠪᠤᠯᠵᠤ᠂ ᠪᠠᠰᠠ | ᠮᠤᠩᠭᠤᠯ ᠢᠵᠠᠭᠤᠷᠲᠠᠨ ᠤ ᠵᠡᠷᠭᠡ ᠬᠡᠷᠬᠡᠮ ᠢ ᠲᠤᠭᠳᠠᠭᠠᠵᠤ᠂ ᠴᠠᠯᠢᠩ ᠹᠦᠩᠯᠤ ᠤᠯᠭᠤᠨ᠂ ᠴᠡᠷᠢᠭ ᠵᠠᠰᠠᠭ ᠢ | ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠨ᠂ ᠬᠢᠯᠢ ᠬᠢᠵᠠᠭᠠᠷ ᠢ ᠰᠠᠬᠢᠭᠤᠯᠬᠤ ᠪᠤᠶᠤ ᠮᠤᠩᠭᠤᠯ ᠴᠡᠷᠢᠭ ᠢ ᠲᠠᠶᠢᠴᠢᠯᠠᠨ ᠪᠤᠰᠤᠳ | ᠦᠨᠳᠤᠰᠤᠲᠡᠨ ᠤ ᠴᠢᠩ ᠤᠨ ᠨᠤᠶᠠᠷᠬᠠᠯ ᠢ ᠡᠰᠡᠷᠭᠦᠴᠡᠬᠦ ᠶᠢ ᠳᠠᠷᠤᠩᠭᠤᠶᠢᠯᠠᠵᠤ᠂ ᠮᠠᠨᠵᠤ ᠮᠤᠩᠭᠤᠯ ᠤᠨ | ᠬᠤᠭᠤᠷᠤᠨᠳᠤ ᠪᠠᠨ ︽ᠮᠠᠰᠢ ᠨᠠᠶᠢᠷᠳᠠᠢ︾ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠶᠠᠭ ᠡᠶᠢᠮᠤ ᠨᠢᠭᠡᠨ ᠵᠠᠩᠭᠢᠯᠠᠭᠠ ᠶᠢᠨ ᠦᠶᠡ ᠳᠤ᠂ | ᠬᠠᠯᠬᠠ ᠶᠢᠨ ᠲᠦᠰᠢᠶᠡᠳᠤ ᠬᠠᠨ ᠭᠤᠮᠪᠤᠳᠤᠷᠵᠢ ᠶᠢᠨ ᠭᠡᠷ ᠲᠤ ︽ᠬᠤᠪᠢᠯᠭᠠᠨ︾ ᠬᠦᠪᠡᠭᠦᠨ ᠮᠡᠨᠳᠤᠯᠡᠭᠰᠡᠨ ᠴᠢᠮᠡᠭᠡ | ᠬᠠᠯᠬᠠ ᠲᠠᠶᠠᠭᠠᠷ ᠲᠦᠭᠡᠬᠦ ᠳᠤ᠂ ᠪᠠᠷᠠᠭᠤᠨ ᠵᠤᠤ ᠶᠢᠨ ᠲᠠᠯᠠᠢ ᠪᠯᠠᠮᠠ᠂ ᠪᠠᠨᠴᠢᠨ ᠡᠷᠳᠡᠨᠢ ᠪᠠᠷ ᠦᠵᠡᠭᠦᠯᠪᠡᠰᠤ᠂ | ᠲᠡᠭᠡᠳᠤ ᠲᠦᠷᠦᠯ ᠤᠨ ᠲᠠᠷᠠᠨᠠᠳᠠ ᠶᠢᠨ ᠬᠤᠪᠢᠯᠭᠠᠨ ᠬᠡᠮᠡᠨ ᠲᠠᠨᠢᠭᠰᠠᠨ ᠢ ᠴᠢᠩ ᠤᠨ ᠲᠦᠷᠦ ᠶᠢᠨ ᠡᠩᠬᠡ | ᠠᠮᠤᠭᠤᠯᠠᠩ ᠬᠠᠭᠠᠨ ᠰᠤᠨᠤᠰᠤᠭᠠᠳ ᠮᠠᠰᠢᠳᠠ ᠪᠠᠶᠠᠷᠯᠠᠵᠤ ᠲᠤᠬᠢᠶᠠᠯ ᠪᠤᠯᠪᠠ ᠭᠡᠵᠤ ᠵᠢᠪᠽᠤᠨᠳᠠᠮᠪᠠ ᠶᠢ ︽ᠱᠠᠰᠢᠨ ᠢ | ᠮᠠᠨᠳᠤᠭᠤᠯᠬᠤ ᠠᠮᠢᠲᠠᠨ ᠢ ᠵᠢᠷᠭᠠᠭᠤᠯᠤᠭᠴᠢ ᠪᠤᠭᠳᠠ ᠬᠤᠳᠤᠭᠳᠤ︾ ᠬᠡᠮᠡᠨ ᠡᠷᠭᠦᠮᠵᠢᠯᠡᠵᠤ᠂ ᠡᠳ᠋ ᠮᠦᠩᠭᠦ ᠭᠠᠷᠭᠠᠨ᠂ | ᠪᠤᠭᠳᠠ ᠶᠢᠨ ᠬᠦᠷᠢᠶᠡ ︵ᠡᠳᠤᠭᠡ ᠶᠢᠨ ᠤᠯᠠᠭᠠᠨᠪᠠᠭᠠᠳᠤᠷ ᠬᠤᠳᠠ︶ ᠶᠢ ᠡᠭᠦᠰᠭᠡᠨ ᠪᠠᠶᠢᠭᠤᠯᠵᠤ᠂ ᠰᠢᠷᠠ ᠶᠢᠨ | ᠱᠠᠰᠢᠨ ᠢ ᠶᠡᠭᠡ ᠪᠠᠷ ᠲᠡᠯᠭᠡᠷᠡᠭᠦᠯᠵᠦ ᠱᠠᠰᠢᠨ ᠳᠤ ᠪᠢᠰᠢᠷᠡᠯᠲᠠᠢ ᠬᠠᠯᠬᠠᠴᠤᠳ ᠢ ᠤᠶᠤᠨ ᠰᠠᠨᠠᠭᠠᠨ ᠠᠴᠠ ᠨᠢ | ᠭᠦᠯᠢᠶᠡᠰᠦᠯᠡᠭᠰᠡᠨ ᠪᠠᠶᠢᠨᠠ᠃ | ᠲᠤᠬᠠᠢ ᠶᠢᠨ ᠦᠶᠡ ᠳᠤ᠂ ᠲᠦᠪᠡᠳ ᠤᠨ ᠪᠤᠷᠬᠠᠨ ᠱᠠᠰᠢᠨ ᠤ ᠳᠤᠲᠤᠷᠠ ᠬᠠᠮᠤᠭ ᠤᠨ ᠰᠦᠷ | ᠬᠦᠴᠤᠨ ᠲᠠᠢ ᠨᠢ ᠳᠠᠯᠠᠢ ᠪᠯᠠᠮᠠ ᠬᠢᠭᠡᠳ ᠪᠠᠨᠴᠢᠨ ᠡᠷᠳᠡᠨᠢ ᠪᠤᠯᠤᠨᠠ᠃ ᠮᠤᠩᠭᠤᠯ ᠤᠷᠤᠨ ᠳᠤ ᠬᠠᠮᠤᠭ ᠤᠨ | ᠡᠷᠬᠡ ᠰᠦᠷ ᠲᠠᠢ ᠨᠢ ᠵᠢᠪᠽᠤᠨᠳᠠᠮᠪᠠ ᠬᠤᠲᠤᠭᠳᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠵᠢᠪᠽᠤᠨᠳᠠᠮᠪᠠ ᠬᠤᠲᠤᠭᠳᠤ ᠪᠤᠯ | 1635 ᠤᠨ ᠳᠤ ᠬᠠᠯᠬᠠ ᠶᠢᠨ ᠲᠦᠰᠢᠶᠡᠳᠤ ᠬᠠᠨ ᠭᠤᠮᠪᠤᠳᠤᠷᠵᠢ ᠶᠢᠨ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠪᠤᠯᠤᠨ | ᠵᠠᠶᠠᠭᠠᠵᠠᠢ᠃ ᠲᠡᠭᠦᠨ ᠤ ᠡᠬᠡ ᠨᠢ ᠬᠠᠳᠠᠨᠵᠠᠮᠰᠤ ᠪᠤᠯᠤᠨᠠ᠃ ᠲᠡᠭᠦᠨ ᠤ ᠪᠠᠭᠠ ᠶᠢᠨ ᠨᠡᠷᠡ ᠨᠢ ᠵᠠᠨᠠᠪᠠᠽᠠᠷ ᠭᠡᠳᠡᠭ᠃ | ︽ᠵᠢᠪᠽᠤᠨ︾ ︽ᠳ᠋ᠠᠮᠪᠠ︾ ᠭᠡᠳᠡᠭ ᠨᠢ ᠲᠦᠪᠡᠳ ᠦᠭᠡ ︽ᠡᠷᠬᠢᠮ ᠳᠡᠭᠡᠳᠤ︾ ︽ᠲᠦᠪ ᠶᠤᠰᠤᠲᠠᠨ︾ ᠭᠡᠬᠦ | ᠤᠳᠬᠠ ᠲᠠᠢ᠃ ︽ᠬᠤᠲᠤᠭᠳᠤ︾ ᠬᠡᠮᠡᠭᠴᠢ ᠲᠦᠷᠤ ᠶᠢᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠮᠡᠳᠡᠷᠡᠭᠰᠡᠨ ︽ᠤᠷᠢᠳᠤ ᠶᠢᠨ | ᠡᠯᠡ ᠲᠦᠷᠤᠯ ᠤᠨ ᠬᠤᠪᠢᠯᠭᠠᠨ ︵ᠲᠦᠷᠥᠯ ᠲᠤᠳᠤᠷᠠᠬᠤ︶ ᠡᠳᠤᠭᠡ ᠲᠦᠷᠤᠯ ᠳᠤᠷ ᠳᠠᠬᠢᠨ ᠲᠦᠷᠤᠯ ᠲᠤᠳᠤᠷᠠᠬᠤ | ᠪᠠᠷ ᠢᠷᠡᠭᠰᠡᠨ ᠪᠯᠠᠮᠠ︾① ᠬᠡᠮᠡᠬᠦ ᠮᠤᠩᠭᠤᠯ ᠦᠭᠡ ᠪᠤᠯᠤᠨᠠ᠃ ᠵᠢᠪᠽᠤᠨᠳᠠᠮᠪᠠ ᠬᠤᠲᠤᠭᠳᠤ ᠶᠢ ᠮᠤᠩᠭᠤᠯᠴᠤᠳ | ᠪᠠᠰᠠ ︽ᠦᠨᠳᠤᠷ ᠭᠡᠭᠡᠨ︾ ᠪᠤᠶᠤ ︽ᠠᠷᠤ ᠪᠤᠭᠳᠠ︾ ᠭᠡᠵᠤ ᠳᠠᠭᠤᠳᠠᠳᠠᠭ᠃ ᠡᠶᠢᠮᠤ ᠨᠢᠭᠡᠨ ᠴᠢᠬᠤᠯᠠ | ᠵᠠᠩᠭᠢᠯᠭᠠ ᠶᠢᠨ ᠴᠢᠨᠠᠷ ᠲᠠᠢ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠲᠤᠯᠤᠭᠠᠶᠢᠯᠠᠭᠴᠢ ᠪᠤᠯᠬᠤ ᠵᠢᠪᠽᠤᠨᠳᠠᠮᠪᠠ ᠶᠢᠨ ᠲᠦᠷᠢ ᠤᠳᠠᠭᠠ | ᠲᠠᠷᠠᠭᠠᠯᠠᠨ ᠢᠯᠡᠷᠡᠨ ᠵᠠᠯᠠᠭᠳᠠᠵᠤ᠂ ᠡᠵᠡᠨ ᠬᠠᠭᠠᠨ ᠤ ︽ᠨᠠᠶᠢᠳᠠᠪᠤᠷᠢᠲᠤ ᠲᠦᠰᠢᠭ︾ ᠪᠤᠯᠵᠤ᠂ ᠴᠢᠩ ᠤᠯᠤᠰ ᠤᠨ | ᠡᠩᠭᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠠᠴᠠ ᠲᠠᠷᠠᠭᠠᠬᠢ ᠬᠠᠭᠠᠳ ᠴᠤ ᠵᠢᠪᠽᠤᠨᠳᠠᠮᠪᠠ ᠬᠤᠳᠤᠭᠲᠤ ᠳᠤ ᠬᠠᠯᠠᠭᠤᠨ | ᠲᠤᠳᠤᠨᠤ ᠬᠠᠨᠳᠤᠵᠤ᠂ ᠠᠰᠢᠭ ᠹᠦᠩᠯᠤ ᠤᠯᠭᠤᠵᠤ᠂ ᠪᠠᠶᠢᠷᠢ ᠰᠠᠭᠤᠷᠢ ᠡᠷᠭᠡ ᠬᠦᠴᠦᠨ ᠤ ᠲᠠᠯᠠ ᠪᠠᠷ ᠤᠨᠴᠠᠭᠠᠢ | ᠪᠠᠶᠢᠭᠰᠠᠨ ᠶᠤᠮ᠃ | ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠡᠯᠡ ᠡᠷᠬᠡ ᠪᠠᠷᠢᠭᠴᠢ | ᠲᠦᠷᠥᠭᠦᠦ ᠪᠯᠠᠮᠠ ᠪᠠ ᠬᠤᠳᠤᠭᠳᠤ ᠨᠠᠷ ᠲᠤ ᠵᠡᠷᠭᠡ ᠳᠡᠰ ᠪᠤᠯᠤᠨ ᠲᠡᠭᠦᠨ ᠤ ᠴᠢᠩ ᠤᠯᠤᠰ ᠤᠨ ᠲᠦᠷᠤ ᠳᠤ | ᠦᠵᠡᠭᠦᠯᠦᠭᠰᠡᠨ ᠭᠠᠪᠢᠶᠠ ᠵᠢᠳᠬᠦᠯ᠂ ᠠᠰᠢᠭᠯᠠᠵᠤ ᠪᠤᠯᠬᠤᠶᠢᠴᠠ ᠬᠡᠷᠡᠭᠴᠡᠭᠡ ᠶᠢᠨ ᠬᠡᠮᠵᠢᠶᠡ ᠶᠢ ᠦᠨᠳᠦᠰᠦᠯᠡᠵᠤ ᠲᠤᠰ | ᠲᠤᠰ ᠠᠯᠳᠠᠨ ᠲᠠᠮᠠᠭᠠ᠂ ᠬᠠᠰ ᠲᠠᠮᠠᠭᠠ᠂ ᠠᠯᠳᠠ ᠪᠠᠷ ᠦᠩᠭᠡᠯᠡᠭᠰᠡᠨ ᠮᠦᠩᠭᠦᠨ ᠲᠠᠮᠠᠭᠠ ᠪᠠ ᠮᠦᠩᠭᠦᠨ ᠲᠠᠮᠠᠭᠠ | ᠰᠤᠶᠤᠷᠬᠠᠳᠠᠭ᠃ ︽ᠪᠯᠠᠮᠠ ᠨᠠᠷ ᠤᠨ ᠬᠡᠷᠡᠭ ᠤᠨ ᠬᠠᠤᠯᠢ︾ ᠤᠨ 1352 ᠵᠤᠶᠢᠯ ᠳᠤ ︽᠂᠂᠂᠂ | ᠵᠢᠪᠽᠤᠨᠳᠠᠮᠪᠠ ᠬᠤᠳᠤᠭᠳᠤ ᠬᠡᠷᠪᠡ ᠬᠡᠰᠢᠭ ᠢ ᠬᠦᠷᠳᠡᠵᠤ ᠲᠠᠮᠠᠭᠠ ᠨᠠᠪᠴᠢᠳᠤ ᠲᠠᠮᠠᠭᠠ ᠱᠠᠩᠨᠠᠪᠠᠰᠤ᠂ ᠲᠠᠮᠠᠭᠠ | ᠨᠠᠪᠴᠢᠳᠤ ᠴᠦᠮ ᠠᠯᠳᠠᠨ ᠢ ᠬᠡᠷᠡᠭᠯᠡ᠃ ᠂᠂᠂᠂︾② ᠭᠡᠰᠡᠨ ᠠᠴᠠ ᠪᠢᠳᠡ ᠲᠤᠳᠤᠷᠬᠠᠢ ᠤᠯᠵᠤ ᠬᠠᠷᠠᠵᠤ | ᠪᠤᠯᠤᠨᠠ᠃ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠵᠢᠪᠽᠤᠨᠳᠠᠮᠪᠠ ᠬᠤᠳᠤᠭᠳᠤ ᠳᠤ ᠠᠯᠳᠠᠨ ᠲᠠᠮᠠᠭᠠ | ᠰᠤᠶᠤᠷᠬᠠᠭᠰᠠᠨ ᠮᠦᠷᠲᠡᠭᠡᠨ ᠲᠠᠮᠠᠭᠠ ᠬᠠᠳᠠᠭᠠᠯᠠᠬᠤ ᠲᠤᠰᠬᠠᠢ ᠭᠠᠵᠠᠷ ᠪᠠᠶᠢᠭᠤᠯᠵᠤ ᠦᠭᠭᠦᠭᠰᠡᠨ ᠪᠠᠶᠢᠨᠠ᠃ ︽ | ᠭᠠᠳᠠᠭᠠᠳᠤ ᠮᠤᠩᠭᠤᠯ ᠤᠨ ᠲᠦᠷᠤ ᠶᠢ ᠵᠠᠰᠠᠬᠤ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠤ ᠬᠠᠤᠯᠢ ᠵᠤᠶᠢᠯ ᠤᠨ ᠪᠢᠴᠢᠭ︾ ᠳᠠᠬᠢ ︽ | ᠪᠯᠠᠮᠠ ᠨᠠᠷ ᠤᠨ ᠬᠡᠷᠡᠭ ᠤᠨ ᠬᠠᠤᠯᠢ︾ ᠤᠨ 1353 ᠵᠤᠶᠢᠯ ᠳᠤ ︽ᠪᠯᠠᠮᠠ ᠶᠢᠨ ᠲᠠᠮᠠᠬᠠ ᠶᠢᠨ ᠬᠠᠵᠠᠷ ᠢ | ᠲᠤᠰᠬᠠᠶᠢᠯᠠᠨ ᠶᠡᠭᠡ ᠦᠷᠦᠰᠶᠡᠯᠳᠤ ᠰᠦᠮᠡ ᠳᠤᠷ ᠪᠠᠶᠢᠬᠤᠯᠵᠤ᠂ ᠦᠪᠡᠷᠡ ᠠᠷᠢᠬᠤᠨ ᠳ᠋ᠤᠪ ᠲᠤᠬᠤᠢ ᠴᠢᠩᠬᠠ ᠨᠠᠷᠢᠨ | ᠬᠠᠵᠠᠷ ᠢ ᠰᠤᠩᠬᠤᠵᠤ ᠲᠠᠮᠠᠬᠠ ᠶᠢᠨ ᠺᠤᠤ ᠪᠤᠯᠬᠠᠵᠤ ᠲᠠᠮᠠᠬᠠ ᠶᠢ ᠬᠠᠳᠠᠬᠠᠯᠠᠬᠤᠯ᠃ ᠂᠂᠂᠂᠂ ︾③ | ᠬᠡᠮᠡᠨ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃ | ᠵᠢᠪᠽᠤᠨᠳᠠᠮᠪᠠ ᠬᠤᠳᠤᠭᠳᠤ ᠨᠡᠶᠢᠰᠯᠡᠯ ᠬᠤᠳᠠᠨ ᠳᠤ ᠢᠷᠡᠵᠤ ᠴᠢᠩ ᠤᠯᠤᠰ ᠤᠨ | ᠬᠠᠭᠠᠨ ᠡᠵᠡᠨ ᠲᠠᠢ ᠤᠴᠠᠷᠠᠵᠤ ᠵᠤᠯᠭᠠᠬᠤ ᠳᠤ ᠪᠠᠰᠠ ᠨᠠᠷᠢᠨ ᠲᠤᠳᠤᠷᠬᠠᠢ ᠳᠦᠷᠢᠮ ᠲᠤᠭᠳᠠᠭᠠᠯ ᠲᠠᠢ ᠪᠠᠶᠢᠳᠠᠭ᠃ | ︽ᠪᠯᠠᠮᠠ ᠨᠠᠷ ᠤᠨ ᠬᠡᠷᠡᠭ ᠤᠨ ᠬᠠᠤᠯᠢ︾ ᠤᠨ 1363 ᠵᠤᠶᠢᠯ ᠳᠤ ︽ᠵᠢᠪᠽᠤᠨᠳᠠᠮᠪᠠ ᠬᠤᠳᠤᠭᠳᠤ ᠨᠡᠶᠢᠰᠯᠡᠯ | ᠬᠤᠳᠠᠨ ᠳᠤᠷ ᠢᠷᠡᠵᠤ᠂ ᠳᠡᠭᠡᠷᠡ ᠪᠠᠷᠠᠬᠠᠯᠬᠠᠬᠤᠢ ᠳᠤᠷ ᠤᠷᠢᠳᠬᠠᠨ ᠢᠶᠠᠷ ᠬᠦᠷᠢᠶᠡᠨ ᠳᠤᠷ ᠰᠠᠬᠤᠵᠤ ᠬᠡᠷᠡᠭ | ᠰᠢᠳᠬᠡᠭᠴᠢ ᠰᠠᠶᠢᠳ ᠤᠳ ᠤᠨ ᠬᠠᠵᠠᠷ ᠠᠴᠠ ᠬᠤᠶᠤᠨ ᠠᠶᠢᠯᠠᠳᠬᠠᠵᠤ᠂ ᠵᠠᠷᠯᠢᠭ ᠢᠶᠠᠷ ᠶᠤᠰᠤᠬᠠᠷ ᠪᠤᠯᠬᠠᠭᠰᠠᠨ ᠤ | ᠬᠤᠶᠢᠨᠠ ᠬᠠᠷᠢᠶᠠᠳᠤ ᠰᠠᠶᠢᠳ ᠤᠳ ᠤᠨ ᠬᠠᠵᠠᠷ ᠠᠴᠠ ᠬᠠᠷᠢᠶᠠᠳᠤ ᠬᠠᠵᠠᠷ ᠤᠨ ᠬᠡᠷᠡᠭ ᠰᠢᠳᠭᠡᠭᠴᠢ | ᠰᠠᠶᠢᠳ ᠤᠳ ᠤᠨ ᠲᠤᠳᠤᠷᠠᠴᠠ ᠨᠢᠭᠡᠨ ᠬᠦᠮᠦᠨ ᠢ ᠠᠶᠢᠯᠠᠳᠬᠠᠨ ᠬᠠᠷᠬᠠᠵᠤ ᠲᠤᠰᠬᠠᠶᠢᠯᠠᠨ ᠬᠠᠷᠬᠠᠯᠵᠠᠬᠤᠯ᠃ | ᠬᠠᠯᠬᠠ ᠶᠢᠨ ᠳᠦᠷᠪᠡᠨ ᠠᠶᠢᠮᠠᠭ ᠤᠨ ᠮᠤᠩᠬᠤᠯ ᠪᠠᠶᠢᠯᠠ ᠪᠠᠶᠢᠰᠠ ᠬᠦᠩ ᠵᠠᠰᠠᠭ ᠲᠠᠶᠢᠵᠢ᠂ ᠰᠤᠯᠠ ᠲᠠᠶᠢᠵᠢᠨᠠᠷ ᠤᠨ | ᠲᠤᠲᠤᠷᠠᠴᠠ ᠠᠶᠢᠮᠠᠭ ᠪᠦᠷᠢ ᠬᠤᠰᠢᠶᠠᠬᠠᠳ ᠬᠦᠮᠦᠨ ᠬᠠᠷᠬᠠᠵᠤ᠂ ᠪᠦᠬᠦᠲᠡ ᠨᠠᠶᠢᠮᠠᠨ ᠬᠦᠮᠦᠨ ᠢ ᠵᠠᠮ ᠤᠨ ᠬᠤᠳᠤᠰ | ᠬᠠᠷᠠᠬᠠᠯᠵᠠᠵᠤ ᠶᠠᠪᠤᠬᠤᠯ᠃ ᠨᠢᠭᠡᠨ ᠲᠡᠬᠡᠬᠦᠷ ᠬᠠᠷᠢᠶᠠᠲᠤ ᠬᠤᠳᠤᠭᠲᠤ ᠶᠢᠨ ᠮᠤᠷᠲᠠᠭᠰᠠᠨ ᠡᠳᠦᠷ᠂ ᠶᠠᠪᠤᠬᠤ ᠵᠠᠮ᠂ | ᠲᠠᠬᠠᠯᠲᠤᠬᠤ ᠬᠦᠮᠦᠨ ᠤ ᠨᠡᠷᠡ ᠶᠢᠨ ᠲᠤᠭᠠ᠂ ᠪᠠᠷᠢᠬᠤ ᠠᠯᠪᠠ ᠶᠠᠬᠤᠮᠠᠨ ᠤ ᠲᠤᠲᠤᠷᠬᠠᠢ ᠬᠠᠭ᠋ᠤᠲᠠᠰᠤ ᠶᠢ ᠮᠠᠨᠵᠤ | ᠬᠢᠲᠠᠳ ᠦᠰᠦᠭ ᠢᠶᠠᠷ ᠪᠢᠴᠢ᠃ ᠲᠤᠯᠤᠨ ᠨᠠᠬᠤᠷ ᠤᠨ ᠬᠠᠵᠠᠷ ᠲᠤᠷ ᠬᠦᠷᠴᠤ᠂ ᠬᠠᠷᠠᠬᠠᠯᠵᠠᠬᠤ ᠰᠠᠶᠢᠳ ᠤᠨ | ᠬᠠᠵᠠᠷ ᠠᠴᠠ ᠤᠷᠢᠲᠠ ᠴᠡᠷᠢᠭ ᠤᠨ ᠲᠤᠬᠠᠢ ᠶᠢᠨ ᠬᠠᠵᠠᠷ᠂ ᠬᠠᠲᠠᠬᠠᠲᠤ ᠮᠤᠩᠬᠤᠯ ᠤᠨ ᠲᠦᠷᠦ ᠶᠢ ᠵᠠᠰᠠᠬᠤ | ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠳᠤᠷ ᠮᠡᠳᠡᠬᠦᠯᠤᠨ ᠶᠠᠪᠤᠬᠤᠯᠵᠤ ᠠᠶᠢᠯᠠᠳᠬᠠ᠃ ᠠᠶᠢᠯᠠᠳᠬᠠᠬᠠᠳ ᠵᠠᠷᠯᠢᠭ ᠢᠶᠠᠷ ᠭᠡᠷᠪᠡ ᠰᠢᠲᠠᠷ᠂ | ᠬᠢᠶᠠᠨ ᠴᠢᠩ ᠮᠧᠨ ᠤ ᠬᠢᠶᠠ ᠶᠢ ᠬᠠᠷᠬᠠᠵᠤ ᠱᠠᠩᠨᠠᠬᠤ ᠵᠦᠢᠯ ᠢ ᠠᠪᠴᠤ ᠤᠭᠳᠤᠷᠠ ᠤᠳᠤᠬᠤᠯᠪᠠᠰᠤ᠂ ᠵᠤᠷᠬᠠᠨ ᠠᠴᠠ | ᠨᠢᠭᠡᠨ ᠭᠡᠯᠲᠡᠰ ᠤᠨ ᠲᠦᠰᠢᠮᠡᠯ ᠬᠠᠷᠬᠠᠵᠤ ᠬᠠᠮᠲᠤ ᠤᠳᠤᠭᠳᠤᠨ᠃︾ ④ ᠭᠡᠵᠤ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠰᠢᠷᠠ | ᠶᠢᠨ ᠱᠠᠰᠢᠨ ᠤ ᠵᠢᠪᠽᠤᠨᠳᠠᠮᠪᠠ ᠬᠤᠳᠤᠭᠳᠤ ᠮᠡᠳᠤ ᠶᠢᠨ ᠲᠡᠭᠡᠳᠤ ᠪᠯᠠᠮᠠ ᠨᠠᠷ ᠨᠡᠶᠢᠰᠯᠡᠯ ᠬᠤᠳᠠᠨ ᠳᠤ ᠤᠷᠤᠵᠤ | ᠲᠦᠷᠦ ᠶᠢᠨ ᠪᠠᠷᠠᠭᠠᠯᠠᠯ ᠳᠤ ᠤᠷᠤᠯᠴᠠᠬᠤ᠂ ᠬᠠᠭᠠᠨ ᠡᠵᠡᠨ ᠳᠤ ᠪᠠᠷᠢᠴᠠ ᠡᠷᠭᠦᠴᠡ ᠡᠷᠭᠦᠬᠦ᠂ ᠰᠢᠨᠡᠯᠡᠬᠦ ᠮᠡᠳᠤ ᠶᠢᠨ | ᠡᠯᠡ ᠵᠤᠶᠢᠯ ᠤᠨ ᠶᠤᠰᠤᠯᠠᠯ ᠪᠠᠷᠠᠭᠠᠯᠠᠯ ᠤᠨ ᠠᠵᠢᠯᠯᠠᠭᠠ ᠳᠤ ᠤᠷᠤᠯᠴᠠᠬᠤ ᠳᠤ ᠴᠦᠮ ᠨᠠᠷᠢᠨ ᠨᠢᠮᠪᠠᠢ ᠬᠠᠷᠠᠭᠠᠯᠵᠠᠯᠠᠯ | ᠤᠨ ᠰᠢᠰᠲᠡᠮ ᠲᠠᠢ ᠪᠠᠶᠢᠵᠤ᠂ ᠨᠡᠩ ᠴᠢᠨᠠᠭᠰᠢᠯᠠᠪᠠᠯ ᠭᠠᠷ ᠲᠤ ᠪᠠᠷᠢᠬᠤ ᠬᠠᠳᠠᠭ ᠤᠨ ᠦᠩᠭᠡ᠂ ᠲᠤᠭᠠ ᠠᠴᠠ ᠡᠬᠢᠯᠡᠨ | ᠤᠭᠳᠤᠬᠤ ᠤᠷᠤᠨ ᠴᠠᠭ᠂ ᠲᠠᠭᠠᠯᠳᠠ ᠲᠦᠰᠢᠶᠡ ᠶᠢᠨ ᠲᠤᠭᠠ᠂ ᠠᠮᠠᠷᠠᠬᠤ ᠦᠷᠦᠭᠡ᠂ ᠬᠤᠪᠴᠠᠰᠤ ᠶᠢᠨ ᠦᠩᠭᠡ | ᠪᠤᠳᠤᠭ᠂ ᠡᠵᠡᠨ ᠤ ᠱᠠᠩ ᠬᠡᠰᠢᠭ᠂ ᠤᠩᠰᠢᠬᠤ ᠨᠤᠮ᠂ ᠬᠤᠳᠤᠭᠳᠤ ᠪᠯᠠᠮᠠ ᠨᠠᠷ ᠤᠨ ᠤᠨᠤᠭᠠ ᠭᠦᠰᠭᠡ ᠶᠢᠨ ᠬᠢᠨ | ᠪᠤᠷᠳᠤᠭᠠ ᠪᠡᠯᠴᠢᠭᠡᠷ ᠳᠤ ᠬᠦᠷᠳᠡᠯᠡ ᠨᠠᠷᠢᠨ ᠲᠤᠳᠤᠷᠬᠠᠢ ᠲᠤᠭᠳᠠᠭᠠᠵᠤ ᠦᠭᠭᠦᠭᠰᠡᠨ ᠪᠠᠶᠢᠳᠠᠭ᠃ | ᠵᠡᠭᠦᠯᠳᠡ᠄ | ① ︵ᠶᠠᠫᠤᠨ︶ ᠬᠠᠰᠢᠮᠤᠲ᠋ᠤ᠋ ᠺᠤᠤᠬᠤ᠋᠄ ︽ᠵᠢᠪᠽᠤᠨᠳᠠᠮᠪᠠ ᠬᠤᠳᠤᠭᠳᠤ ᠶᠢᠨ ᠨᠠᠢᠮᠠᠨ ᠲᠦᠷᠢ ᠶᠢᠨ ᠲᠤᠪᠴᠢ ᠨᠠᠮᠳᠠᠷ︾ | ᠂ ᠦᠪᠤᠷ ᠮᠤᠩᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠰᠡᠳᠭᠦᠯ 1991 | ᠤᠨ | ②③ ᠨᠠᠶᠢᠷᠠᠯᠳᠤ᠂ ᠠᠯᠳ᠋ᠬᠠᠤᠷᠭᠢᠯ᠄ ︽ᠭᠠᠳᠠᠭᠠᠳᠤ ᠮᠤᠩᠭᠤᠯ ᠤᠨ ᠲᠦᠷᠦ ᠶᠢ ᠵᠠᠰᠠᠬᠤ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠤ | ᠬᠠᠤᠯᠢ ᠵᠤᠶᠢᠯ ᠤᠨ ᠪᠢᠴᠢᠭ︾᠂ ᠦᠪᠤᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ 1989 | ᠤᠨ | | ᠬᠠᠶ᠋ᠢᠭ᠄ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠦᠨᠳᠤᠰᠦᠳᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ | |