| ᠪᠠᠶᠠᠰᠬᠤᠯᠠᠩ ᠠᠮᠤᠭᠤᠯᠠᠩᠳᠤ ᠰᠦᠮᠡ ᠶᠢ ᠨᠤᠳᠤᠭ ᠤᠨ ᠠᠷᠠᠳ ᠪᠠᠰᠠ ︽ᠪᠢᠷᠠᠭᠤ ᠰᠦᠮᠡ︾ | ᠬᠡᠳᠡᠭ᠃ ᠰᠦᠮᠡ ᠪᠠᠶᠢᠭᠤᠯᠤᠭᠰᠠᠨ ᠭᠠᠵᠠᠷ ᠤᠨ ᠤᠷᠴᠢᠨ ᠳᠤ ᠬᠡᠰᠢᠭᠳᠡᠨ ᠵᠠᠰᠠᠭ ᠨᠤᠶᠠᠨ ᠤ ᠪᠢᠷᠠᠭᠤ ᠶᠢᠨ ᠰᠦᠷᠦᠭ | ᠢ ᠮᠠᠯᠵᠢᠵᠤ ᠪᠠᠶᠢᠭᠰᠠᠨ ᠢᠶᠠᠷ ᠨᠢ ᠡᠨᠡᠬᠦ ᠭᠠᠵᠠᠷ ᠢ ︽ᠪᠢᠷᠠᠭᠤ ᠰᠦᠮᠡ︾ ᠭᠡᠵᠤ ᠤᠯᠠᠨ ᠢᠶᠠᠷ ᠢᠶᠠᠨ ᠨᠡᠷᠡᠯᠡᠵᠡᠭᠡᠵᠤ | ᠪᠠᠶᠢᠪᠠ᠃ ᠡᠶᠢᠮᠤ ᠨᠡᠷᠡ ᠲᠠᠢ ᠭᠠᠵᠠᠷ ᠰᠦᠮᠡ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠬᠡᠰᠢᠭᠳᠡᠨᠴᠤᠳ ︽ᠪᠢᠷᠠᠭᠤ ᠰᠦᠮᠡ︾ ᠭᠡᠵᠤ | ᠭᠠᠵᠠᠷ ᠨᠤᠳᠤᠭ ᠤᠨ ᠨᠡᠷᠡ ᠪᠠᠷ ᠰᠦᠮᠡ ᠪᠠᠨ ᠨᠡᠷᠡᠯᠡᠨ ᠲᠠᠭᠤᠳᠠᠳᠠᠭ ᠪᠤᠯᠵᠠᠢ᠃ | ᠬᠡᠰᠢᠭᠳᠡᠨ ᠵᠠᠰᠠᠭ ᠨᠤᠶᠠᠨ ᠰᠡᠪᠡᠭᠵᠠᠪ ᠡᠷᠭᠡ ᠪᠠᠷᠢᠵᠤ ᠪᠠᠶᠢᠭᠰᠠᠨ ᠦᠶᠡ᠂ ᠲᠠᠷᠤᠢ ᠴᠢᠩ ᠤᠯᠤᠰ | ᠤᠨ ︽ᠲᠡᠭᠷᠢ ᠲᠡᠳᠭᠦᠭᠴᠢ︾ ᠬᠠᠭᠠᠨ ᠤ ᠬᠤᠷᠢᠨ ᠲᠠᠪᠤᠳᠤᠭᠠᠷ ᠤᠨ ︵1760 ᠤᠨ︶ ᠤ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ | ᠷᠠᠪᠵᠤᠩ ᠤᠨ ᠴᠠᠭᠠᠨ ᠯᠤᠤ ᠵᠢᠯ ᠲᠤᠰ ᠰᠦᠮᠡ ᠶᠢ ᠠᠩᠬᠠ ᠪᠠᠶᠢᠭᠤᠯᠵᠠᠢ᠃ ᠤᠳᠤ ᠪᠤᠯᠳᠠᠯᠠ ᠡᠨᠡ ᠰᠦᠮᠡ | ᠬᠡᠳᠦᠨ ᠵᠠᠭᠤᠭᠠᠳ ᠵᠢᠯ ᠤᠨ ᠲᠡᠤᠭᠡ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠪᠠᠶᠠᠰᠬᠤᠯᠠᠩ ᠠᠮᠤᠭᠤᠯᠠᠩᠳᠤ ᠰᠦᠮᠡ ᠬᠡᠰᠡᠨ ᠨᠡᠷᠡ ᠪᠤᠯ ᠰᠦᠮᠡ ᠬᠡᠶᠢᠳ ᠢᠶᠠᠨ ᠪᠠᠶᠢᠭᠤᠯᠵᠤ | ᠪᠦᠳᠦᠭᠡᠭᠰᠡᠨ ᠤ ᠰᠡᠭᠦᠯᠡᠷ ᠬᠤᠰᠢᠭᠤ ᠵᠠᠰᠠᠭ ᠠᠴᠠ ᠴᠢᠩ ᠤᠯᠤᠰ ᠤᠨ ᠲᠦᠷᠦ ᠳᠤ ᠵᠢᠩᠬᠢᠨᠢ ᠪᠠᠷ ᠮᠡᠳᠡᠬᠦᠯᠦᠭᠡᠳ | ᠲᠦᠷᠦ ᠶᠢᠨ ᠢᠯᠡᠷᠭᠡᠶᠢᠯᠡᠯ ᠤᠨ ᠪᠢᠴᠢᠭ ᠢ ᠤᠯᠭᠤᠨ ᠵᠦᠪᠰᠢᠶᠡᠷᠡᠭᠰᠡᠨ ︽庆宁寺︾ ᠬᠡᠮᠡᠭᠰᠡᠨ ᠨᠡᠷᠡ ᠶᠢ | ᠮᠤᠩᠭᠤᠯ ᠢᠶᠠᠷ ᠤᠷᠴᠢᠭᠤᠯᠤᠭᠠᠳ ︽ᠪᠠᠶᠠᠰᠬᠤᠯᠠᠩ ᠠᠮᠤᠭᠤᠯᠠᠩᠳᠤ ᠰᠦᠮᠡ︾ ᠪᠤᠯᠭᠠᠨ ᠲᠠᠭᠤᠳᠠᠪᠠ᠃ | ᠪᠢᠷᠠᠭᠤ ᠰᠦᠮᠡ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠰᠡᠭᠦᠯᠡᠷ ᠡᠨᠡ ᠭᠠᠵᠠᠷ ᠲᠤ ᠵᠠᠬᠠ ᠲᠡᠯᠭᠡᠭᠦᠷ ᠤᠯᠠᠮ | ᠢᠶᠠᠷ ᠬᠦᠭᠵᠢᠭᠡᠳ ᠠᠷᠠᠯᠵᠢᠶᠡ ᠮᠠᠶᠢᠮᠠᠢ ᠤᠯᠠᠰᠢᠷᠠᠨ ᠬᠡᠰᠢᠭᠳᠡᠨ ᠤ ᠭᠤᠤᠯ ᠬᠦᠢᠰᠤ ᠪᠤᠯᠵᠤ ︽ᠪᠢᠷᠠᠭᠤ ᠬᠤᠳᠠ︾ | ᠬᠡᠭᠳᠡᠵᠤ ᠬᠡᠰᠢᠭᠳᠡᠨ ᠵᠠᠰᠠᠭ ᠵᠠᠬᠢᠷᠭᠠ ᠶᠢᠨ ᠲᠦᠪ ᠰᠠᠭᠤᠷᠢᠰᠢᠯ ᠤᠨ ᠭᠠᠵᠠᠷ ᠪᠤᠯᠪᠠ᠃ ᠬᠤᠰᠢᠭᠤ ᠵᠠᠰᠠᠭ ᠠᠴᠠ | ᠪᠠᠶᠠᠰᠬᠤᠯᠠᠩ ᠠᠮᠤᠭᠤᠯᠠᠩᠳᠤ ᠰᠦᠮᠡ ᠪᠠᠨ ᠬᠤᠰᠢᠭᠤᠨ ᠤ ᠭᠤᠤᠯᠳᠠᠯᠭᠠ ᠲᠠᠢ ᠰᠦᠮᠡ ᠪᠤᠯᠭᠠᠬᠤ ᠪᠠᠷ ᠲᠤᠭᠳᠠᠭᠠᠵᠤ | ᠪᠦᠬᠦ ᠬᠤᠰᠢᠭᠤᠨ ᠤ ︽ᠲᠠᠪᠤᠨ ᠢᠯᠡᠷᠭᠡᠶᠢᠯᠡᠯ︾ ᠰᠦᠮᠡ ᠬᠡᠶᠢᠳ ᠪᠠ ᠪᠤᠰᠤᠳ ᠰᠢᠷᠡ ᠶᠢᠨ ᠱᠠᠰᠢᠨ ᠤ ᠰᠦᠮᠡ ᠶᠢ | ᠶᠡᠷᠦᠩᠬᠡᠶᠢᠯᠡᠨ ᠬᠠᠮᠢᠶᠠᠷᠬᠤ ᠰᠦᠮᠡ ᠬᠡᠵᠤ ᠲᠤᠭᠳᠠᠭᠠᠭᠠᠳ ᠬᠤᠰᠢᠭᠤ ᠵᠠᠰᠠᠭ ᠨᠤᠶᠠᠨ ᠠᠴᠠ ᠲᠤᠰᠬᠠᠶᠢᠯᠠᠨ | ᠶᠡᠷᠦᠩᠬᠡᠶᠢᠯᠡᠭᠴᠢ ᠯᠠᠮᠠ ᠲᠤᠮᠢᠯᠠᠨ ᠬᠠᠮᠢᠶᠠᠷᠤᠭᠤᠯᠵᠤ ᠪᠠᠶᠢᠵᠠᠢ᠃ ᠡᠨᠡᠬᠦ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠭᠰᠠᠨ ᠨᠡᠷᠡ | ᠬᠦᠨᠳᠦᠳᠤ ᠯᠠᠮᠠ ᠨᠠᠷ ᠠᠴᠠ ᠲᠤᠷᠠᠳᠪᠠᠯ ᠠᠭᠸᠠᠩᠸᠠᠩᠳᠠᠨ᠂ ᠯᠢᠭᠳᠡᠨ᠂ ᠨᠠᠴᠢᠨ ᠵᠡᠷᠭᠡ ᠶᠢᠨ ᠯᠠᠮᠠ ᠨᠠᠷ ᠪᠠᠶᠢᠵᠠᠢ᠃ | ᠪᠢᠷᠠᠭᠤ ᠰᠦᠮᠡ ᠨᠢ ᠬᠡᠳᠦᠨ ᠵᠠᠭᠤᠨ ᠵᠢᠯ ᠤᠨ ᠰᠠᠯᠬᠢ ᠪᠤᠷᠤᠭᠠᠨ ᠢ ᠠᠵᠢᠭ ᠦᠭᠡᠢ | ᠦᠩᠭᠡᠷᠡᠭᠡᠵᠤ᠂ ᠤᠳᠤ ᠪᠤᠯᠳᠠᠯᠠ ᠰᠡᠭᠦᠶᠢᠨ ᠰᠦᠨᠳᠡᠷᠯᠡᠵᠤ ᠪᠤᠢ᠃ ᠡᠨᠡᠬᠦ ᠰᠦᠮᠡ ᠶᠢᠨ ᠪᠠᠷᠢᠯᠭᠠ ᠠᠴᠠ ᠦᠵᠡᠪᠡᠯ | ᠰᠦᠮᠡ ᠶᠢᠨ ᠬᠦᠷᠢᠶᠡ ᠶᠢᠨ ᠬᠠᠯᠬᠠᠪᠴᠢ ᠬᠡᠷᠡᠮ᠂ ᠵᠢᠭᠦᠷ ᠤᠨ ᠭᠡᠷ᠂ ᠮᠠᠬᠠᠷᠠᠨᠽᠠ ᠶᠢᠨ ᠰᠦᠮᠡ᠂ ᠵᠡᠬᠦᠨ ᠪᠠᠷᠠᠭᠤᠨ | ᠬᠠᠴᠠᠷ ᠤᠨ ᠰᠦᠮᠡ᠂ ᠭᠤᠤᠯ ᠶᠡᠭᠡ ᠰᠦᠮᠡ ︵ᠰᠢᠳᠦᠭᠡᠨ ᠪᠤᠷᠬᠠᠨ ᠪᠠ ᠲᠠᠬᠢᠯᠭᠠ ᠬᠤᠷᠠᠯ ᠬᠢᠬᠦ ᠭᠤᠤᠯ ᠤᠷᠳᠤᠨ︶ | ᠂ ᠵᠤᠤ ᠶᠢᠨ ᠰᠦᠮᠡ᠂ ᠨᠢᠪᠳᠠᠭ ᠤᠨ ᠰᠦᠮᠡ᠂ ᠮᠦᠩᠬᠡ ᠮᠠᠨᠢ ᠶᠢᠨ ᠰᠦᠮᠡ ᠬᠡᠬᠦ ᠵᠡᠷᠭᠡ ᠡᠷᠳᠡᠨ ᠤ ᠪᠠᠷᠢᠯᠭᠠ ᠪᠠᠷ | ᠪᠦᠷᠢᠯᠳᠦᠭᠰᠡᠨ ᠲᠦᠮᠡ ᠢᠯᠡᠬᠦᠤ ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠭᠠᠵᠠᠷ ᠡᠵᠡᠯᠡᠵᠤ ᠪᠠᠶᠢᠭᠠ ᠶᠤᠮ᠃ | ᠶᠡᠭᠡ ᠰᠦᠮᠡ ᠶᠢᠨ ᠬᠦᠷᠢᠶᠡ ᠠᠴᠠ ᠪᠠᠷᠠᠭᠤᠨ ᠡᠮᠦᠨᠡ ᠪᠡᠶᠡ ᠳᠤ ︽ᠴᠠᠭᠠᠨ ᠰᠢᠭᠦᠳᠡᠷᠢ ᠶᠢᠨ | ᠰᠦᠮᠡ︾ ᠪᠤᠯᠤᠨ ︽ᠲᠠᠮᠠᠴᠤᠭ ᠤᠨ ᠰᠦᠮᠡ︾ ᠬᠡᠵᠤ ᠪᠠᠶᠢᠵᠠᠢ᠃ ᠡᠨᠡ ᠬᠤᠶᠠᠷ ᠪᠠᠭᠠ ᠰᠦᠮᠡ ᠨᠢ 1945 | ᠤᠨ ᠤ ᠤᠷᠢᠳ ᠬᠤᠵᠢᠳ ᠢᠶᠠᠷ ᠠᠶᠠᠨᠳᠠᠭᠠᠨ ᠨᠤᠷᠠᠵᠤ ᠰᠦᠢᠳᠴᠠᠢ᠃ | ᠪᠢᠷᠠᠭᠤ ᠰᠦᠮᠡ ᠶᠢᠨ ᠲᠠᠬᠢᠯᠭᠠ ᠶᠢᠨ ᠬᠤᠷᠠᠯ ᠨᠢ ᠲᠤᠭᠳᠠᠭᠰᠠᠨ ᠰᠠᠷᠠ ᠡᠳᠦᠷ ᠢᠶᠠᠨ ᠪᠠᠷᠢᠮᠳᠠᠯᠠᠨ | ᠬᠤᠷᠠᠯ ᠨᠤᠮ ᠢᠶᠠᠨ ᠬᠤᠷᠠᠳᠠᠭ᠃ ᠶᠡᠭᠡ ᠰᠢᠭ ᠲᠠᠬᠢᠯᠭᠠ ᠶᠢᠨ ᠬᠤᠷᠠᠯ ᠨᠢ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠵᠢᠷᠭᠤᠳᠤᠭᠠᠷ | ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠲᠤᠯᠤᠭᠠᠨ ᠤ ᠡᠳᠦᠷ ᠠᠴᠠ ᠡᠬᠢᠯᠡᠨ ᠲᠤᠯᠤᠭᠠᠨ ᠡᠳᠦᠷ ᠤᠨ ᠪᠦᠬᠦ ᠬᠤᠰᠢᠭᠤᠨ ᠤ ᠶᠡᠭᠡ | ᠢᠷᠦᠭᠡᠯ ᠮᠤᠯᠤᠮ ᠤᠨ ᠲᠠᠬᠢᠯᠭᠠ ᠶᠢ ᠬᠢᠳᠡᠭ᠃ ᠲᠠᠬᠢᠯᠭᠠ ᠶᠢᠨ ᠬᠤᠷᠠᠯ ᠳᠤ ᠷᠠᠰᠢᠶᠠᠨ ᠰᠦᠮᠡ᠂ ᠲᠤᠯᠢ ᠶᠢᠨ | ᠰᠦᠮᠡ᠂ ᠬᠦᠬᠦᠷᠭᠡ ᠰᠦᠮᠡ᠂ ᠮᠢᠰᠠᠩ ᠰᠦᠮᠡ ᠠᠴᠠ ᠲᠤᠰᠪᠦᠷᠢ ᠠᠷᠪᠠ ᠠᠴᠠ ᠬᠤᠷᠢᠨ ᠯᠠᠮᠠ ᠵᠢᠯ ᠪᠦᠷᠢ | ᠰᠠᠭᠠᠳᠠᠯ ᠦᠭᠡᠢ ᠢᠷᠡᠵᠤ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠳᠠᠭ᠃ ᠠᠷᠪᠠ ᠭᠤᠷᠪᠠᠨ ᠤ ᠡᠳᠦᠷ ᠰᠠᠬᠢᠭᠤᠰᠤ ᠲᠠᠬᠢᠵᠤ᠂ ᠰᠤᠷ | ᠬᠠᠶᠠᠬᠤ ᠮᠡᠳᠤ ᠶᠢᠨ ᠰᠢᠷᠡ ᠶᠢᠨ ᠱᠠᠰᠢᠨ ᠤ ᠠᠵᠢᠯᠯᠠᠭᠠ ᠶᠢ ᠶᠡᠭᠡ ᠪᠠᠷ ᠶᠠᠪᠤᠭᠳᠠᠭᠤᠯᠵᠤ ᠪᠠᠶᠢᠵᠠᠢ᠃ ᠡᠨᠡᠬᠦ | ᠲᠠᠬᠢᠯᠭᠠ ᠪᠠᠨ ︽ᠵᠢᠷᠭᠤᠳᠤᠭᠠᠷ ᠰᠠᠷᠠ ᠶᠢᠨ ᠶᠡᠭᠡ ᠬᠤᠷᠠᠯ︾ ᠭᠡᠵᠤ ᠪᠦᠬᠦ ᠬᠤᠰᠢᠭᠤᠨ ᠤ ᠮᠠᠰᠢ ᠤᠯᠠᠨ | ᠦᠭᠯᠢᠭᠡ ᠶᠢᠨ ᠡᠵᠡᠳ ᠪᠤᠯᠤᠨ ᠮᠦᠷᠬᠦᠯᠴᠢᠨ ᠬᠤᠯᠠ ᠤᠶᠢᠷᠠ ᠠᠴᠠ ᠴᠤᠭᠯᠠᠷᠠᠨ ᠢᠷᠡᠵᠤ᠂ ᠪᠤᠷᠬᠠᠨ ᠳᠤ ᠮᠦᠷᠬᠦᠨ | ᠰᠦᠰᠦᠭ ᠪᠢᠰᠢᠷᠡᠯ ᠢᠶᠠᠨ ᠬᠦᠢᠴᠡᠳᠭᠡᠵᠤ᠂ ︽ᠪᠤᠶᠠᠨ ᠦᠢᠯᠡᠳᠦᠨ ᠦᠭᠯᠢᠭᠡ ᠦᠭᠬᠦ︾᠂ ᠠᠶᠢᠯ ᠡᠷᠦᠭᠡ ᠶᠢᠨ | ᠠᠯᠢᠪᠠ ᠦᠢᠯᠡᠰ ᠢᠶᠠᠨ ᠲᠠᠭᠠᠳᠬᠠᠵᠤ᠂ ︽ᠴᠠᠮ ᠬᠠᠷᠠᠶᠢᠬᠤ︾ ᠶᠢ ᠰᠤᠨᠢᠷᠬᠠᠨ ᠦᠵᠡᠳᠡᠭ ᠵᠠᠩᠰᠢᠯ ᠲᠠᠢ᠃ | ᠪᠢᠷᠠᠭᠤ ᠰᠦᠮᠡ ᠶᠢᠨ ᠯᠠᠮᠠ ᠬᠤᠸᠠᠷᠠᠭ ᠬᠠᠮᠤᠭ ᠠᠷᠪᠢᠨ ᠳᠠᠭᠠᠨ ᠵᠠᠭᠤ ᠢᠯᠡᠬᠦᠤ ᠳᠤ ᠬᠦᠷᠴᠤ | ᠪᠠᠶᠢᠵᠠᠢ᠃ 1937 ᠤᠨ ᠤ ᠲᠡᠤᠭᠡ ᠶᠢᠨ ᠲᠤᠭᠠ ᠪᠦᠷᠢᠳᠭᠡᠯ ᠠᠴᠠ ᠦᠵᠡᠪᠡᠯ ᠨᠠᠶᠠᠨ ᠲᠦᠷᠪᠡᠨ ᠯᠠᠮᠠ ᠪᠠᠶᠢᠯᠠ | ᠭᠡᠵᠤ ᠲᠡᠮᠳᠡᠭᠯᠡᠵᠤ ᠪᠤᠢ᠃ | ᠲᠦᠷᠦ ᠬᠤᠪᠢᠷᠠᠵᠤ ᠴᠢᠯᠦᠭᠡᠯᠡᠭᠳᠡᠬᠦ ᠦᠶᠡ ᠳᠤ ᠯᠠᠮᠠ ᠨᠠᠷ ᠬᠦᠳᠡᠭᠡ ᠭᠡᠷ ᠲᠡᠭᠡᠨ ᠬᠠᠷᠢᠵᠤ᠂ | ᠬᠤᠪᠢ ᠶᠢᠨ ᠠᠵᠢᠯ ᠦᠢᠯᠡᠰ ᠢᠶᠠᠨ ᠡᠷᠬᠢᠯᠡᠬᠦ ᠪᠤᠶᠤ ᠵᠠᠷᠢᠮ ᠨᠢ ᠱᠠᠰᠢᠨ ᠤ ᠰᠠᠬᠢᠯ ᠢᠶᠠᠨ ᠬᠠᠮᠠᠭᠠᠯᠠᠨ ᠰᠤᠯᠠ ᠯᠠᠮᠠ | ᠪᠤᠯᠪᠠ᠃ ᠰᠦᠮᠡ ᠶᠢᠨ ᠡᠵᠡᠨ ᠱᠠᠪᠷᠤᠩ ᠴᠤᠶᠢᠵᠢ ︵ᠲᠦᠭᠦᠮ ᠲᠠᠭᠤᠳᠠᠬᠤ ᠨᠡᠷᠡ︶ ᠮᠠᠯᠵᠢᠯ ᠤᠨ ᠦᠭᠡᠷᠡᠴᠢᠯᠡᠯᠳᠡ | ᠳᠤ ᠤᠷᠤᠯᠴᠠᠨ᠂ ᠭᠠᠷᠤᠯ ᠲᠡᠤᠭᠡ ᠪᠠᠨ ᠲᠤᠳᠤᠷᠬᠠᠶᠢᠯᠠᠭᠠᠳ ᠲᠦᠷᠦᠭᠰᠡᠨ ᠨᠤᠳᠤᠭ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ | ᠠᠪᠠᠭᠠᠨᠠᠷ ᠬᠤᠰᠢᠭᠤᠨ ᠤ ᠬᠦᠳᠡᠭᠡ ᠬᠡᠷ ᠲᠡᠭᠡᠨ ᠬᠠᠷᠢᠵᠠᠢ᠃ | ᠰᠦᠮᠡ ᠶᠢᠨ ᠡᠳ᠋ ᠬᠦᠷᠦᠩᠭᠡ᠂ ᠮᠠᠯ ᠰᠦᠷᠦᠭ ᠨᠢ ᠮᠠᠯᠵᠢᠯ ᠤᠨ ᠦᠭᠡᠷᠡᠴᠢᠯᠡᠯᠳᠡ ᠶᠢᠨ | ᠬᠦᠳᠡᠯᠭᠡᠭᠡᠨ ᠳᠤ ᠬᠤᠷᠢᠶᠠᠮᠵᠢᠯᠠᠭᠳᠠᠵᠤ᠂ ᠰᠦᠮᠡ ᠶᠢᠨ ᠠᠯᠳᠠ᠂ ᠮᠦᠩᠬᠦ᠂ ᠵᠡᠰ᠂ ᠭᠠᠤᠯᠢᠨ ᠪᠤᠷᠬᠠᠨ ᠪᠤᠯᠤᠨ | ᠬᠤᠪᠤᠷ ᠦᠨᠡᠳᠤ ᠡᠷᠳᠡᠨᠢᠰ ᠤᠨ ᠵᠦᠢᠯ ᠵᠢᠴᠢ ᠨᠤᠮ ᠰᠤᠳᠤᠷ ᠨᠢ ᠴᠡᠷᠢᠭ ᠲᠠᠶᠢᠨ ᠤ ᠬᠦᠯ᠂ ᠲᠡᠭᠡᠷᠡᠮ ᠬᠤᠯᠠᠭᠠᠢ ᠶᠢᠨ | ᠭᠠᠷ ᠲᠤ ᠰᠢᠭᠦᠷᠦᠭᠳᠡᠨ ᠰᠦᠢᠳᠪᠡ᠃ ᠭᠠᠭᠴᠠ ᠬᠦ᠋ ᠰᠦᠮᠡ ᠶᠢᠨ ᠬᠡᠷ ᠪᠠᠷᠢᠯᠭᠠ ᠡᠪᠳᠡᠷᠡᠵᠤ ᠰᠦᠢᠳᠦᠭᠰᠡᠨ ᠦᠭᠡᠢ | ᠪᠠᠷ ᠤᠭ ᠭᠡᠪ ᠢᠶᠠᠷ ᠦᠯᠡᠳᠡᠵᠤ᠂ 1949 ᠤᠨ ᠤ ᠦᠶᠡ ᠪᠠᠷ ᠬᠤᠰᠢᠭᠤ ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ ᠬᠤᠰᠢᠭᠤᠨ | ᠤ ᠬᠠᠩᠭᠠᠨ ᠪᠤᠷᠤᠯᠠᠭᠤᠯᠬᠤ ᠬᠤᠷᠰᠢᠶᠠ᠂ ᠠᠮᠤ ᠪᠤᠳᠠᠭᠠ ᠶᠢᠨ ᠲᠤᠪᠴᠢᠶᠠ ᠵᠡᠷᠭᠡ ᠶᠢᠨ ᠠᠯᠪᠠᠨ ᠪᠠᠶᠢᠭᠤᠯᠤᠯᠭᠠ ᠳᠤ | ᠦᠭᠴᠤ ᠠᠰᠢᠭᠯᠠᠭᠤᠯᠤᠭᠰᠠᠨ ᠠᠴᠠ ᠤᠳᠤ ᠪᠤᠯᠳᠠᠯᠠ ᠦᠨᠳᠦᠰᠦᠨ ᠳᠡᠭᠡᠨ ᠪᠦᠷᠢᠨ ᠪᠦᠳᠦᠨ ᠬᠡᠪ ᠢᠶᠠᠷ ᠢᠶᠠᠨ | ᠪᠠᠶᠢᠨᠠ᠃ | 1974 ᠤᠨ ᠳᠤ ᠬᠤᠰᠢᠭᠤ ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ ᠲᠤᠭᠳᠠᠭᠠᠯ ᠭᠠᠷᠭᠠᠵᠤ᠂ ᠪᠢᠷᠠᠭᠤ | ᠰᠦᠮᠡ ᠶᠢᠨ ᠪᠦᠬᠦ ᠪᠠᠷᠢᠯᠭᠠ ᠶᠢ ᠴᠦᠮ ᠬᠤᠰᠢᠭᠤᠨ ᠤ ᠰᠤᠶᠤᠯ ᠤᠨ ᠲᠤᠪᠴᠢᠶᠠ ᠳᠤ ᠲᠤᠰᠢᠶᠠᠨ ᠬᠠᠮᠢᠶᠠᠷᠠᠭᠤᠯᠵᠠᠢ | ᠃ 1975 ᠤᠨ ᠤ ᠲᠠᠪᠤᠳᠤᠭᠠᠷ ᠰᠠᠷᠠ ᠳᠤ ︽ᠬᠤᠰᠢᠭᠤᠨ ᠤ ᠭᠤᠤᠯ ᠪᠤᠯᠤᠭᠰᠠᠨ ᠲᠡᠤᠭᠡ ᠶᠢᠨ ᠲᠤᠷᠠᠰᠬᠠᠯᠳᠤ | ᠰᠦᠮᠡ︾ ᠪᠠᠷ ᠬᠠᠮᠠᠭᠠᠯᠠᠬᠤ ᠲᠤᠬᠠᠢ ᠲᠤᠭᠳᠠᠭᠠᠯ ᠭᠠᠷᠭᠠᠵᠠᠢ᠃ 1984 ᠤᠨ ᠳᠤ ᠰᠤᠶᠤᠯ ᠤᠨ ᠲᠤᠪᠴᠢᠶᠠ ᠶᠢᠨ | ᠰᠤᠶᠤᠯ ᠲᠡᠤᠭᠡ ᠶᠢᠨ ᠭᠠᠵᠠᠷ ᠲᠤ ᠭᠤᠤᠯᠯᠠᠨ ᠬᠠᠮᠢᠶᠠᠷᠠᠭᠤᠯᠵᠤ ᠡᠵᠡᠩᠨᠡᠬᠦ ᠶᠢᠨ ᠬᠠᠮᠳᠤ ᠬᠤᠰᠢᠭᠤᠨ ᠤ | ᠦᠨᠳᠦᠰᠦᠳᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ ᠡᠨᠡᠬᠦ ᠰᠦᠮᠡ ᠶᠢ ᠬᠠᠮᠢᠶᠠᠷᠤᠨ ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠳᠠᠢ ᠬᠡᠵᠤ ᠬᠤᠰᠢᠭᠤ | ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ ᠲᠤᠭᠳᠠᠭᠠᠪᠠ᠃ | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠ᠂ ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ ᠲᠤᠭᠳᠠᠭᠠᠯ | ᠭᠠᠷᠭᠠᠵᠤ᠂ ᠤᠷᠢᠳ ᠬᠤᠵᠢᠳ ᠰᠡᠯᠪᠢᠨ ᠵᠠᠰᠠᠵᠤ ᠬᠠᠮᠠᠭᠠᠯᠠᠭᠰᠠᠨ ᠠᠴᠠ ᠲᠤᠰ ᠰᠦᠮᠡ ᠤᠳᠤ ᠪᠤᠯᠳᠠᠯᠠ | ᠦᠨᠳᠦᠰᠦᠨ ᠳᠡᠭᠡᠨ ᠪᠦᠷᠢᠨ ᠪᠦᠳᠦᠨ ᠪᠠᠶᠢᠭᠠ ᠴᠤᠷ ᠤᠨ ᠭᠠᠭᠴᠠ ᠰᠦᠮᠡ ᠬᠡᠶᠢᠳ ᠪᠤᠯᠤᠨ ᠦᠯᠡᠳᠡᠭᠰᠡᠭᠡᠷ ᠪᠤᠢ᠃ |