| | | | ᠦᠴᠦᠬᠡᠳᠦᠷ | | | | ᠦᠯᠦᠬᠡᠢ ᠬᠡᠳᠡᠭ ᠨᠤᠳᠤᠭ ᠢᠶᠠᠨ | ᠦᠭᠬᠢᠶᠡᠮᠦᠷᠯᠡᠵᠤ ᠪᠤᠰᠤᠳ ᠲᠤ ᠡᠷᠬᠦᠬᠡ ᠦᠬᠡᠢ | ᠦᠮᠴᠢ ᠬᠡᠳᠡᠭ ᠮᠠᠯ ᠢᠶᠠᠨ | ᠦᠭᠯᠢᠬᠡ ᠪᠤᠯᠭᠠᠨ ᠬᠠᠶᠢᠷᠠᠯᠠᠭᠠ ᠦᠬᠡᠢ | | ᠡᠬᠡ ᠬᠡᠳᠡᠭ ᠬᠡᠯᠡ ᠪᠠᠨ | ᠡᠷᠢᠨ ᠤ ᠲᠡᠪᠵᠢᠶᠡᠨ ᠳᠤ ᠬᠠᠶᠠᠭᠠ ᠦᠬᠡᠢ | ᠡᠴᠢᠬᠡ ᠬᠡᠳᠡᠭ ᠲᠡᠭᠷᠢ ᠪᠠᠨ | ᠠᠳᠡᠬᠦᠷᠡᠵᠤ ᠲᠡᠳᠡ ᠭᠤᠮᠤᠳᠠᠭᠠᠭᠠ ᠦᠬᠡᠢ | | ᠮᠤᠩᠭᠤᠯ ᠬᠡᠳᠡᠭ ᠨᠡᠷᠡ ᠪᠠᠨ | ᠮᠤᠬᠤᠭᠠᠵᠤ ᠲᠡᠳᠡ ᠰᠢᠷᠤᠶᠢᠳᠠᠭᠤᠯᠤᠭᠠ ᠦᠬᠡᠢ | ᠮᠢᠨᠤᠬᠢ ᠬᠡᠳᠡᠭ ᠰᠦᠰᠦ ᠪᠠᠨ | ᠮᠤᠯᠳᠤᠷᠠᠭᠤᠯᠵᠤ ᠲᠡᠳᠡᠨ ᠴᠢᠷᠦᠬᠦᠯᠦᠬᠡ ᠦᠬᠡᠢ | | ᠦᠴᠦᠬᠡᠳᠦᠷ ᠤᠨ ᠮᠠᠨ ᠤ ᠮᠤᠩᠭᠤᠯ | ᠦᠬᠡᠳᠡ ᠲᠠᠢ ᠯᠠ ᠶᠠᠪᠤᠭᠰᠠᠨ ᠤᠮᠤᠭ | ᠦᠷᠬᠡᠨ ᠲᠡᠯᠡᠬᠡᠢ ᠶᠢᠨ ᠨᠢᠷᠤᠭᠤᠨ ᠳᠤ | ᠦᠪ ᠲᠠᠢ ᠯᠠ ᠢᠷᠡᠭᠰᠡᠨ ᠲᠤᠮᠤᠭ᠃ | | | ᠦᠨᠦᠳᠦᠷ | | ᠲᠤᠭᠠᠳᠠᠢ ᠬᠡᠳᠦᠨ ᠮᠠᠯ ᠢᠶᠠᠨ | ᠲᠤᠤᠷ ᠲᠤ ᠤᠷᠤᠭᠤᠯᠵᠤ ᠬᠤᠷᠢᠴᠢᠬᠠᠭᠠᠳ | ᠲᠤᠭᠤᠨᠤᠳᠤ ᠮᠤᠩᠭᠤᠯ ᠬᠡᠷ ᠢᠶᠠᠨ | ᠲᠤᠭᠯᠠᠭᠠᠮ ᠤᠨ ᠭᠠᠵᠠᠷ ᠠᠷᠠᠯᠵᠢᠴᠢᠬᠠᠭᠠᠳ | ᠮᠤᠷᠢ ᠬᠡᠳᠡᠭ ᠲᠦᠰᠢᠭ ᠢᠶᠠᠨ | ᠮᠤᠲ᠋ᠤᠷ ᠢᠶᠠᠷ ᠰᠤᠯᠢᠵᠤ ᠬᠠᠪᠴᠢᠴᠢᠬᠠᠭᠠᠳ | ᠮᠤᠯᠤᠷ ᠬᠡᠳᠡᠭ ᠨᠤᠳᠤᠭ ᠢᠶᠠᠨ | ᠮᠦᠩᠬᠦ ᠪᠠᠷ ᠲᠠᠩᠰᠠᠯᠠᠵᠤ ᠲᠠᠨᠵᠢᠯᠠᠴᠢᠬᠠᠭᠠᠳ | | ᠲᠡᠦᠬᠡᠨ ᠬᠠᠯᠠᠭᠤᠨ ᠢ ᠲᠠᠭᠠᠬᠤ ᠬᠡᠳ | ᠲᠡᠭ ᠲᠤᠮᠳᠠᠭᠤᠷ ᠨᠢ ᠲᠡᠷᠪᠡᠭᠰᠡᠬᠡᠷ | ᠲᠡᠩᠳᠠ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠦᠬᠡᠢ | ᠲᠡᠨᠦᠬᠦᠯ ᠬᠡᠰᠦᠬᠦᠯ ᠮᠠᠴᠤᠭᠰᠠᠭᠠᠷ | | ᠨᠡᠶᠢᠬᠡᠮ ᠤᠨ ᠤᠷᠤᠰᠬᠠᠯ ᠠᠴᠠ ᠬᠤᠴᠤᠷᠬᠤ ᠦᠬᠡᠢ ᠬᠡᠳ | ᠨᠢᠬᠡᠮᠦᠰᠦᠨ ᠠᠩᠩᠯᠢ ᠪᠠᠷ ᠶᠠᠷᠢᠭᠰᠠᠭᠠᠷ | ᠨᠢᠬᠡ ᠮᠡᠳᠡᠬᠦ ᠳᠤ ᠦᠪᠡᠷ ᠢᠶᠠᠨ | ᠨᠠᠭᠠᠳᠤᠮ ᠲᠤᠭᠤᠬᠢ ᠳᠤ ᠤᠨᠠᠴᠢᠬᠠᠭᠠᠳ | | ᠦᠨᠦᠳᠦᠷ ᠤᠨ ᠮᠠᠨ ᠤ ᠮᠤᠩᠭᠤᠯ | ᠦᠷᠦᠬᠡᠰᠦᠨ ᠬᠦᠯ ᠢᠶᠠᠨ ᠠᠯᠳᠠᠪᠠ ᠤᠤ︖ | ᠦᠷᠨᠢᠭᠰᠡᠨ ᠲᠡᠦᠬᠡᠨ ᠭᠠᠶᠢᠬᠠᠮᠰᠢᠭ ᠢᠶᠠᠨ | ᠦᠷᠪᠡᠯᠵᠡᠭᠰᠡᠨ ᠭᠠᠯ ᠳᠤ ᠰᠢᠳᠡᠬᠦ ᠤᠤ︖ | | | ︽ ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠢᠶᠠᠨ | ᠮᠦᠽᠸᠢ ᠳᠤ ᠦᠷᠦᠬᠡᠳ ᠱᠤᠬᠤᠭᠤᠷᠬᠠᠬᠤ ᠤᠤ︖ | ᠮᠦᠩᠬᠡ ᠶᠢᠨ ᠰᠦᠯᠳᠠ ᠴᠢᠩᠬᠢᠰ ᠢᠶᠠᠨ | ᠮᠦᠯᠢᠭᠰᠡᠨ ᠯᠤᠩᠬᠤᠨ ᠳᠤ ᠨᠠᠭᠠᠬᠤ ᠤᠤ︖ | | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ | ᠲᠡᠦᠬᠡ ᠲᠠᠢ ᠪᠠᠨ ᠬᠠᠮᠳᠤ ᠤᠷᠤᠰᠬᠠᠬᠤ ᠤᠤ︖ | ᠲᠡᠶᠢᠮᠦ ᠨᠢᠬᠡ ᠪᠠᠶᠢᠭᠰᠠᠨ ᠬᠡᠵᠤ | ᠲᠡᠮᠦᠷ ᠱᠤᠭᠤᠮᠠᠯ ᠢ ᠨᠢ ᠬᠠᠷᠠᠬᠤ ᠤᠤ︖ | | ᠢᠷᠡᠬᠡᠳᠦᠢ ᠳᠤ ᠮᠤᠩᠭᠤᠯ ᠮᠢᠨᠤ | ᠶᠢᠷᠳᠢᠨᠴᠤ ᠶᠢᠨ ᠪᠠᠶᠢᠷᠢ ᠳᠤ ᠶᠠᠭᠠᠬᠢᠳᠠᠭ ᠪᠣᠯ︖ | ᠢᠯᠴᠢᠬᠢᠨᠡᠭᠰᠡᠨ ᠬᠠᠶᠢᠷᠠ ᠲᠠᠢ ᠨᠠᠯᠤᠶᠢᠳᠠᠭ ᠪᠣᠯ ᠤᠤ︖ | ᠢᠯᠵᠢᠷᠠᠭᠰᠠᠨ ᠦᠨᠦᠷ ᠲᠠᠢ ᠨᠠᠮᠤᠶᠢᠳᠠᠭ ᠴᠦ ᠪᠣᠯ ᠤᠤ︖ | | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠪᠤᠤ ᠶᠢᠨ ᠱᠠᠨ | |