ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠬᠦᠮᠦᠨ ᠠᠮᠠ ᠶᠢᠨ ᠰᠦᠬᠡᠷᠬᠦ ᠦᠰᠦᠯᠳᠡ ᠶᠢᠨ ᠳᠣᠬᠠᠢ ᠮᠢᠨᠦ  ᠰᠠᠨᠠᠭᠠᠰᠢᠷᠠᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2009/12/18
              ᠠᠷᠪᠠᠨ ᠭᠤᠷᠪᠠᠳᠣᠭᠠᠷ ᠵᠠᠭᠤᠨ ᠤ ᠡᠬᠢ ᠪᠠᠷ ᠠᠷᠣ ᠭᠠᠵᠠᠷ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠬᠦᠭᠵᠢᠨ ᠮᠠᠨᠳᠣᠵᠦ᠂ ᠮᠣᠷᠢᠨ ᠳᠣᠭᠤᠷᠠᠢ ᠪᠠᠷ ᠠᠽᠢᠶ᠎ᠠ᠂ ᠡᠸᠦ᠋ᠷᠣᠫᠠ ᠶᠢ ᠵᠠᠶᠢᠳᠠᠯᠠᠭᠰᠠᠨ ᠬᠦᠴᠦᠷᠬᠡᠭ ᠦᠨᠳᠦᠰᠦᠳᠡᠨ ᠪᠣᠯᠵᠦ ᠬᠦᠮᠦᠨ ᠠᠮᠠ ᠵᠣᠵᠠᠭᠠᠷᠠᠭᠰᠠᠨ ᠮᠣᠨᠳᠠᠭ ᠣᠭᠰᠠᠭᠠᠳᠠᠨ ᠳᠡᠣᠬᠡ ᠶᠢᠨ ᠳᠠᠪᠴᠠᠩ ᠳᠡᠭᠡᠷ᠎ᠡ ᠬᠡᠳᠡᠶᠢᠵᠦ ᠪᠠᠶᠢᠵᠠᠢ᠃ ᠳᠡᠣᠬᠡᠨ ᠬᠦᠷᠳᠦ ᠡᠷᠬᠢᠯᠳᠦᠭᠰᠡᠬᠡᠷ ᠪᠠᠶᠢᠵᠦ ᠴᠢᠩ ᠤᠨ ᠵᠠᠬᠢᠷᠭᠠᠨ ᠳᠤ ᠣᠷᠣᠭᠰᠠᠨ ᠠᠴᠠ ᠬᠤᠶᠢᠰᠢ ᠬᠦᠮᠦᠨ ᠠᠮᠠ ᠶᠢᠨ ᠦᠰᠦᠯᠳᠡ ᠣᠭᠵᠢᠮ ᠪᠠᠭᠤᠷᠠᠵᠦ᠂ ᠳᠠᠶᠢᠨ ᠪᠠᠶᠢᠯᠳᠣᠭᠠᠨ ᠳᠤ ᠬᠤᠬᠢᠷᠠᠭᠰᠠᠳ ᠪᠣᠯᠣᠨ ᠡᠵᠡᠯᠡᠭᠰᠡᠨ ᠣᠷᠣᠨ ᠳᠠᠭᠠᠨ ᠦᠯᠡᠳᠡᠵᠦ ᠬᠠᠶᠢᠯᠣᠭᠰᠠᠨ ᠨᠢᠬᠡ ᠪᠦᠯᠦᠭ ᠣᠯᠣᠰ ᠢ ᠭᠠᠷᠭᠠᠭᠠᠳ ᠭᠤᠪᠢ ᠶᠢᠨ ᠡᠮᠦᠨᠡᠳᠦ ᠣᠮᠠᠷ᠎ᠠ ᠳᠤ ᠳᠠᠷᠬᠠᠨ ᠦᠯᠡᠳᠡᠭᠰᠡᠳ ᠢ ᠴᠢᠩ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ︿︿ᠮᠣᠩᠭᠤᠯ ᠢ ᠡᠵᠡᠮᠰᠢᠬᠦ ᠳᠤ ᠠᠷᠪᠠᠨ ᠳᠦᠮᠡᠨ ᠴᠡᠷᠢᠭ ᠳᠡᠵᠢᠬᠡᠬᠦ ᠶᠢᠨ ᠣᠷᠣᠨ ᠳᠤ ᠨᠢᠬᠡ ᠰᠦᠮ᠎ᠡ ᠪᠠᠷᠢᠪᠠᠯ ᠬᠤᠯᠠ ᠣᠯᠵᠠᠪᠣᠷᠢᠳᠠᠢ﹀﹀ ︵1︶ ᠬᠡᠬᠦ ᠬᠦᠳᠦᠯᠪᠦᠷᠢ ᠪᠠᠷ  ᠵᠠᠰᠠᠭ ᠶᠠᠪᠣᠭᠤᠯᠵᠦ᠂ ᠮᠣᠩᠭᠤᠯ ᠤᠨ ᠭᠠᠳᠠᠭᠠᠳᠦ ᠳᠣᠳᠣᠭᠠᠳᠣ ᠬᠤᠰᠢᠭᠤᠨ ᠤ ᠭᠠᠵᠠᠷ ᠲᠤ 50 ᠡᠷᠣᠬᠡ ᠠᠴᠠ ᠳᠡᠭᠡᠭᠰᠢ ᠪᠣᠯ ᠨᠢᠬᠡ ᠰᠦᠮ᠎ᠡ ᠪᠠᠷᠢᠵᠦ ᠪᠣᠯᠣᠨ᠎ᠠ ︵2︶ ᠬᠡᠵᠦ ᠣᠷᠢᠶᠠᠯᠠᠨ ᠵᠣᠷᠢᠭᠵᠢᠭᠤᠯᠣᠭᠠᠳ᠂ ᠳᠦᠷᠦ ᠬᠦᠷᠦᠨ ᠠᠴᠠ ᠰᠦᠮ᠎ᠡ ᠪᠠᠷᠢᠭᠰᠠᠳ ᠢ ᠵᠣᠭᠤᠰ ᠢᠶᠠᠷ ᠳᠡᠮᠵᠢᠨ ᠮᠦᠩᠬᠦ ᠪᠠᠷ ᠳᠣᠰᠠᠯᠠᠭᠰᠠᠨ ᠢᠶᠠᠷ ᠂ ᠮᠣᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠳᠡᠭᠡᠷ᠎ᠡ ᠰᠦᠮ᠎ᠡ ᠪᠠᠷᠢᠬᠤ ᠦᠷᠨᠢᠯᠳᠡ ᠭᠠᠷᠴᠦ᠂ 1936 ᠣᠨ ᠤ ᠡᠴᠦᠰ ᠪᠣᠯᠳᠠᠯ᠎ᠠ ᠵᠦᠪᠬᠡᠨ ᠦᠪᠦᠷ ᠮᠣᠩᠭᠤᠯ ᠳᠤ 1299 ᠰᠦᠮ᠎ᠡ ᠪᠠᠶᠢᠭᠤᠯᠣᠭᠳᠠᠭᠰᠠᠨ(3) ᠪᠠᠶᠢᠵᠠᠢ᠃       ᠳᠡᠭᠷᠢ ᠳᠡᠳᠬᠦᠭᠴᠢ ᠬᠠᠭᠠᠨ᠄ ︿︿ᠮᠣᠩᠭᠤᠯᠴᠣᠳ ᠪᠣᠷᠬᠠᠨ ᠱᠠᠰᠢᠨ ᠢ ᠭᠠᠭᠴᠠ ᠰᠡᠳᠬᠢᠯ ᠎ ᠢᠶᠠᠷ ᠰᠢᠳᠦᠵᠦ᠂ ᠯᠠᠮ᠎ᠠ ᠶᠢ ᠶᠡᠬᠡᠯ᠎ᠡ ᠪᠢᠰᠢᠷᠡᠨ ᠰᠦᠵᠢᠭᠯᠡᠬᠦ ᠳᠣᠯᠠ ᠡᠬᠦᠨ ᠢ ᠬᠠᠮᠠᠭᠠᠯᠠᠬᠤ ᠦᠭᠡᠢ ᠪᠠᠶᠢᠵᠦ ᠦᠯᠦ ᠪᠣᠯᠣᠮᠣᠢ᠃ ᠡᠬᠦᠨ ᠢᠶᠠᠷ ᠮᠣᠩᠭᠤᠯ ᠢ ᠢᠯᠪᠢᠨ ᠵᠠᠰᠠᠬᠤ ᠳᠦᠷᠦ ᠶᠢᠨ ᠪᠣᠳᠣᠯᠭ᠎ᠠ ᠪᠣᠯᠭᠠᠵᠦ ᠪᠣᠯᠣᠮᠣᠢ᠂᠂᠂᠂᠂﹀﹀ ︵4︶ ᠬᠡᠵᠡᠢ᠃ ᠢᠩᠬᠢᠬᠡᠳ ᠴᠢᠩ ᠤᠨ ᠵᠠᠰᠠᠭ ᠶᠡᠭᠡ ᠬᠦᠴᠦ ᠭᠠᠷᠭᠠᠨ ᠰᠦᠮ᠎ᠡ ᠪᠠᠷᠢᠬᠤ ᠶᠢ ᠵᠣᠷᠢᠭᠵᠢᠭᠤᠯᠵᠦ᠂ ᠡᠵᠡᠨ ᠬᠠᠭᠠᠨ ᠦᠪᠡᠷ ᠤᠨ ᠪᠡᠶ᠎ᠡ ᠪᠠᠷ ᠢᠶᠠᠨ ᠰᠦᠮ᠎ᠡ ᠶᠢᠨ ᠨᠡᠷ᠎ᠡ— ᠢᠯᠡᠷᠬᠡᠶᠢᠯᠡᠯ ᠪᠢᠴᠢᠬᠡᠳ ᠱᠠᠩᠨᠠᠳᠠᠭ ᠪᠦᠬᠡᠳ ᠯᠠᠮ᠎ᠠ ᠪᠣᠯᠣᠭᠰᠠᠳ ᠲᠤ ᠣᠨᠴᠠ ᠬᠠᠷᠠᠭᠠᠯᠵᠠᠯ ᠦᠵᠡᠭᠦᠯᠦᠨ ᠣᠯᠣᠰ ᠠᠴᠠ ᠭᠠᠶᠢᠯᠢ ᠳᠠᠳᠠᠪᠣᠷᠢ ᠠᠪᠬᠤ ᠦᠭᠡᠢ᠂ ᠴᠡᠷᠢᠭ ᠲᠤ ᠳᠠᠳᠠᠬᠤ ᠦᠭᠡᠢ᠂ ᠦᠷᠳᠡᠭᠡ ᠣᠯᠠᠭ᠎ᠠ ᠶᠢᠨ ᠠᠯᠪᠠ ᠣᠨᠣᠭᠳᠠᠭᠤᠯᠬᠤ ᠦᠭᠡᠢ ᠴᠢᠯᠦᠬᠡᠳᠡᠢ ᠪᠣᠯᠭᠠᠪᠠ᠃ ᠳᠡᠭᠷᠢ ᠳᠡᠳᠬᠦᠭᠴᠢ ᠶᠢᠨ ᠡᠨᠡᠬᠦ ᠳᠦᠷᠦ ᠶᠢᠨ ᠪᠣᠳᠣᠯᠭ᠎ᠠ ᠶᠡᠬᠡᠯ᠎ᠡ ᠢᠯᠭᠤᠮ ᠳᠣᠣᠱᠯᠠᠭᠳᠠᠵᠦ ᠮᠣᠩᠭᠤᠯ ᠣᠷᠣᠨ ᠳᠤ ᠰᠦᠮ᠎ᠡ ᠣᠯᠠᠰᠢᠷᠠᠨ ᠯᠠᠮ᠎ᠠ ᠠᠷᠪᠢᠳᠣᠭᠰᠠᠭᠠᠷ ᠪᠠᠶᠢᠭᠠᠳ ︿︿ᠬᠠᠮᠤᠭ ᠣᠯᠠᠨ ᠦᠶ᠎ᠡ ᠳᠡᠭᠡᠨ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠎ ᠤ ᠬᠦᠮᠦᠨ ᠠᠮᠠ ᠶᠢᠨ ᠭᠤᠷᠪᠠᠨ ᠤ ᠨᠢᠬᠡ ᠶᠢ ᠡᠵᠡᠯᠡᠬᠦ ᠰᠢᠬᠠᠪᠠ﹀﹀ ︵5︶᠃ ᠮᠣᠩᠭᠤᠯ ᠣᠯᠣᠰ ᠤᠨ ᠪᠦᠷᠢᠳᠬᠡᠯ ᠎ ᠳᠤ ᠯᠠᠮ᠎ᠠ ᠪᠣᠯᠣᠭᠰᠠᠳ ᠤᠨ ᠬᠠᠷᠢᠴᠠᠯ ᠳᠤᠭ᠎ᠠ ᠨᠢ ᠦᠪᠦᠷ ᠮᠣᠩᠭᠤᠯ ᠠᠴᠠ ᠳᠠᠪᠠᠭᠰᠠᠨ ᠪᠠᠶᠢᠳᠠᠭ᠃ ᠭᠠᠭᠴᠠ ᠬᠦ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤ 1904 ᠣᠨ ᠳᠤ 4053 ᠯᠠᠮ᠎ᠠ ᠲᠠᠢ ᠪᠠᠶᠢᠵᠦ᠂ ᠳᠣᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠬᠦᠮᠦᠨ ᠠᠮᠠ ᠶᠢᠨ ᠳᠦᠷᠪᠡᠨ ᠤ ᠨᠢᠬᠡ ᠠᠴᠠ ᠢᠯᠡᠬᠦᠦ ᠪᠠᠶᠢᠵᠠᠢ ︵6︶᠃       ᠰᠠᠶᠢᠰᠢᠶᠠᠯᠳᠦ ᠢᠷᠦᠭᠡᠯᠳᠦ ᠬᠠᠭᠠᠨ 1819 ᠣᠨ ᠳᠤ᠂ ᠬᠢᠳᠠᠳ ᠪᠢᠴᠢᠭ ᠤᠨ ᠳᠦᠰᠢᠮᠡᠯ ᠎ ᠤᠨ ᠰᠠᠨᠠᠭᠤᠯᠭ᠎ᠠ ᠪᠠᠷ ︿︿ᠮᠣᠩᠭᠤᠯ ᠯᠠᠮ᠎ᠠ ᠶᠢᠨ ᠣᠷᠤᠭ ᠪᠠᠷᠢᠯᠳᠣᠵᠦ ᠡᠬᠡᠨᠡᠷ ᠠᠪᠬᠤ ᠶᠢ ᠬᠠᠣᠯᠢ ᠪᠠᠷ ᠴᠠᠭᠠᠵᠠᠯᠠᠵᠠᠢ ︵7︶﹀﹀ ᠴᠢᠩ ᠣᠯᠣᠰ ᠤᠨ ᠡᠳᠡᠬᠡᠷ ᠴᠢᠭᠯᠡᠯᠳᠡ᠂ ᠳᠦᠷᠦ ᠶᠢᠨ ᠪᠣᠳᠣᠯᠭ᠎ᠠ ᠨᠢ ᠮᠤᠩᠭᠤᠯ ᠤᠨ ᠬᠦᠴᠦ ᠶᠢ ᠪᠠᠭᠤᠷᠠᠭᠤᠯᠣᠨ ᠣᠶᠣᠨ ᠣᠬᠠᠭᠠᠨ ᠶᠢ ᠨᠢ ᠮᠣᠩᠬᠠᠷᠠᠭᠤᠯᠵᠦ᠂ ᠬᠦᠮᠦᠨ ᠠᠮᠠ ᠶᠢ ᠨᠢ ᠴᠦᠬᠡᠳᠬᠡᠬᠦ ᠠᠷᠭ᠎ᠠ ᠪᠣᠳᠣᠯᠭ᠎ᠠ ᠎ ᠨᠢ ᠰᠠᠭᠠᠳ ᠦᠭᠡᠢ ᠬᠡᠷᠡᠭᠵᠢᠬᠦᠯᠦᠭᠳᠡᠬᠦ ᠵᠠᠮ ᠢ ᠨᠡᠬᠡᠬᠡᠭᠰᠡᠨ ᠪᠠᠶᠢᠵᠠᠢ᠃ ᠰᠡᠬᠦᠯᠳᠡᠵᠦ ᠢᠷᠡᠬᠡᠳ ᠰᠦᠮ᠎ᠡ ᠨᠢᠬᠡᠮᠦᠰᠦᠨ ᠠᠷᠪᠢᠳᠣᠭᠠᠳ ᠯᠠᠮ᠎ᠠ ᠣᠯᠠᠰᠢᠷᠠᠭᠰᠠᠨ ᠠᠴᠠ ᠴᠢᠩ ᠤᠨ ᠵᠠᠰᠠᠭ ᠠᠴᠠ ᠣᠣᠯ ᠤᠨ ᠣᠯᠠᠨ ᠬᠠᠷᠠᠭᠠᠯᠵᠠᠯ ᠤᠨ ᠳᠦᠷᠦ ᠎ ᠶᠢᠨ ᠪᠣᠳᠣᠯᠭ᠎ᠠ ᠪᠠᠨ ᠦᠬᠡᠷᠡᠴᠢᠯᠡᠨ᠂ ᠣᠯᠠᠩᠬᠢ ᠳᠡᠳᠬᠦᠮᠵᠢ ᠪᠠᠨ ᠵᠣᠭᠰᠣᠭᠠᠭᠰᠠᠨ ᠠᠴᠠ᠂ ᠡᠳᠡᠬᠡᠷ ᠣᠯᠠᠨ ᠯᠠᠮ᠎ᠠ ᠎ ᠶᠢ ᠳᠡᠵᠢᠬᠡᠬᠦ ᠬᠦᠨᠳᠦ ᠡᠬᠦᠷᠬᠡᠯᠡᠯ ᠢᠶᠠᠨ ᠠᠷᠠᠳ ᠳᠦᠮᠡᠨ ᠤ ᠪᠡᠶ᠎ᠡ ᠳᠡᠭᠡᠷ᠎ᠡ ᠳᠣᠬᠤᠭᠰᠠᠨ ᠪᠠᠶᠢᠨ᠎ᠠ᠃       ᠴᠢᠩ ᠣᠯᠣᠰ ᠤᠨ ᠦᠶ᠎ᠡ ᠳᠤ᠂ ᠮᠣᠩᠭᠤᠯᠴᠣᠳ ᠤᠨ ᠳᠣᠮᠳᠠ ᠯᠠᠮ᠎ᠠ ᠳᠠᠯᠪᠢᠬᠤ ᠦᠷᠨᠢᠯᠳᠡ ᠭᠠᠷᠴᠦ᠂ ᠳᠠᠪᠣᠨ ᠬᠦᠦ ᠲᠠᠢ ᠠᠶᠢᠯ ᠳᠦᠷᠪᠡᠨ ᠬᠦᠦ ᠪᠠᠨ ᠯᠠᠮ᠎ᠠ ᠪᠣᠯᠭᠠᠭᠰᠠᠨ ᠶᠠᠪᠣᠳᠠᠯ ᠠᠷᠪᠢᠨ ᠭᠠᠷᠣᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠭᠠᠭᠴᠠ ᠬᠦᠪᠡᠬᠦᠨ ᠢᠶᠠᠨ ᠴᠦ ᠯᠠᠮ᠎ᠠ ᠪᠣᠯᠭᠠᠭᠠᠳ ᠦᠨᠳᠦᠰᠦ ᠣᠭᠰᠠᠭ᠎ᠠ ᠪᠠᠨ ᠳᠠᠰᠣᠯᠠᠭᠰᠠᠨ ᠬᠡᠷᠡᠭ ᠠᠷᠪᠢᠨ ᠭᠠᠷᠴᠠᠢ᠃ ᠮᠣᠬᠤᠷ ᠪᠢᠰᠢᠷᠡᠯ ᠨᠢ ᠮᠣᠩᠭᠤᠯᠴᠣᠳ ᠢ ᠮᠣᠬᠤᠷ ᠭᠤᠳᠣᠮᠵᠢᠨ ᠳᠤ ᠬᠠᠰᠢᠵᠦ ᠣᠷᠣᠭᠤᠯᠣᠭᠠᠳ ᠮᠣᠩᠭᠤᠯᠴᠣᠳ ᠤᠨ ᠬᠦᠮᠦᠨ ᠠᠮᠠ ᠶᠢᠨ ᠦᠰᠦᠯᠳᠡ ᠳᠤ ᠨᠦᠬᠦᠰᠢ ᠦᠭᠡᠢ ᠶᠡᠭᠡ ᠬᠤᠬᠢᠷᠠᠯ ᠪᠣᠯᠣᠭᠰᠠᠨ ᠪᠠᠶᠢᠵᠠᠢ᠃ ᠣᠶᠢᠯᠡ ᠵᠣᠪᠠᠯᠠᠩ ᠶᠡᠬᠡᠳᠡᠢ ᠮᠣᠩᠭᠤᠯᠴᠣᠳ ᠮᠠᠨᠢ ᠢᠩᠬᠢᠵᠦ ᠴᠦᠪ ᠤᠨ ᠠᠶᠣᠯ ᠳᠠᠭᠠᠨ ᠳᠡᠯᠴᠢᠯᠡᠵᠦ ᠪᠠᠶᠢᠬᠤ ᠳᠤ᠂ ᠢᠷᠬᠡᠨ ᠣᠯᠣᠰ ᠤᠨ ᠶᠡᠭᠡ ᠬᠢᠳᠠᠳᠴᠢᠯᠠᠬᠤ ᠦᠵᠡᠯ ᠭᠠᠵᠠᠷ ᠠᠪᠴᠦ᠂ ᠣᠮᠠᠷᠠᠳᠦ ᠶᠢᠨ ᠴᠡᠷᠢᠭ ᠤᠨ ᠡᠷᠬᠡᠳᠡᠨ ᠤ ᠬᠡᠷᠴᠡᠬᠡᠶᠢᠯᠡᠯ ᠪᠠ ᠰᠠᠷᠢᠭᠠᠴᠢ ᠬᠦᠷᠦᠩᠭᠡᠳᠡᠳ ᠬᠠᠷᠢᠯᠴᠠᠨ ᠰᠦᠯᠪᠡᠬᠡᠯᠡᠵᠦ᠂ ᠮᠣᠩᠭᠤᠯᠴᠣᠳ ᠎ ᠢ ᠨᠣᠳᠤᠭ ᠠᠴᠠ ᠨᠢ ᠬᠦᠬᠡᠬᠡᠨ ᠪᠡᠯᠴᠢᠬᠡᠷ ᠢ ᠨᠢ ᠪᠣᠯᠢᠶᠠᠵᠦ ᠬᠤᠳᠠᠯᠳᠣᠭᠠᠳ ᠪᠦᠳᠦᠨ ᠬᠦᠷᠦᠰᠦ ᠦᠯᠡᠳᠡᠬᠡᠯ ᠦᠭᠡᠢ ᠬᠠᠭᠠᠯᠪᠣᠷᠢᠯᠠᠭᠰᠠᠨ ᠠᠴᠠ ᠦᠪᠦᠷ ᠮᠣᠩᠭᠤᠯᠴᠣᠳ ᠮᠠᠨᠢ ᠣᠷᠣᠬᠤ ᠬᠡᠷ ᠣᠭᠤᠴᠢᠬᠤ ᠠᠶᠠᠭ᠎ᠠ ᠦᠭᠡᠢ ᠪᠡᠳᠡᠷᠢᠭᠰᠡᠨ ᠪᠠᠶᠢᠯ᠎ᠠ᠃ ᠨᠣᠳᠤᠭ ᠠᠴᠠ ᠪᠠᠨ ᠬᠦᠬᠡᠬᠡᠭᠳᠡᠭᠰᠡᠨ ᠮᠠᠯᠴᠢᠳ ᠠᠭᠤᠯᠠᠨ ᠭᠤᠣ᠂ ᠡᠯᠡᠰᠦ ᠮᠠᠩᠬ᠎ᠠ ᠪᠠᠷ ᠳᠡᠨᠣᠭᠦᠯᠴᠢᠯᠡᠨ᠂ ᠬᠦᠢᠳᠡᠨ ᠨᠣᠶᠢᠳᠡᠨ ᠳᠤ ᠨᠡᠬᠦᠳᠡᠯᠯᠡᠵᠦ᠂ ᠬᠦᠴᠢᠷ ᠵᠣᠪᠠᠯᠠᠩ ᠤᠨ ᠳᠣᠮᠳᠠ ᠳᠡᠯᠴᠢᠯᠡᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤᠨ ᠪᠠᠳᠣᠯᠭ᠎ᠠ ᠦᠭᠡᠢ ᠠᠴᠠ ᠪᠣᠯᠣᠭᠠᠳ ᠡᠷ᠎ᠡ ᠡᠮ᠎ᠡ ᠬᠡᠰᠡᠨ ᠦᠭᠡᠢ ᠡᠪᠡᠳᠴᠢᠨ ᠡᠮᠬᠡᠭ ᠲᠤ ᠪᠠᠷᠢᠭᠳᠠᠭᠠᠳ ᠬᠡᠣᠬᠡᠳ ᠳᠦᠷᠦᠬᠦ ᠦᠭᠡᠢ ᠡᠮᠡᠭᠳᠡᠶᠢᠴᠣᠳ ᠣᠯᠠᠰᠢᠷᠠᠵᠠᠢ᠃ ᠨᠢᠬᠡ ᠪᠦᠯᠦᠭ ᠨᠢ ᠵᠣᠯ ᠢᠶᠠᠷ ᠬᠡᠣᠬᠡᠳ ᠳᠣᠭᠳᠠᠵᠦ ᠬᠦᠩᠬᠡᠵᠢᠭᠰᠡᠨ ᠪᠣᠯᠪᠠᠴᠦ ᠳᠠᠷᠢᠯᠭ᠎ᠠ ᠵᠠᠰᠠᠯ ᠤᠨ ᠨᠦᠬᠦᠴᠡᠯ ᠦᠭᠡᠢ ᠠᠴᠠ ᠬᠡᠬᠡᠭᠳᠡᠴᠢᠬᠡᠳᠡᠭ ᠨᠢ ᠵᠦᠩᠳᠡᠬᠡᠨ᠃ ᠢᠩᠬᠢᠬᠡᠳ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠬᠦᠮᠦᠨ ᠠᠮᠠ ᠶᠡᠭᠡ ᠪᠠᠷ ᠬᠤᠷᠣᠭᠳᠠᠵᠦ ᠴᠦᠬᠡᠷᠡᠵᠡᠢ᠃       1947 ᠣᠨ ᠤ 5 ᠰᠠᠷᠠᠶᠢᠨ 1᠎ ᠤ ᠡᠳᠦᠷ᠂ ᠣᠯᠠᠭᠠᠨᠬᠤᠳᠠ ᠳᠤ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠪᠠᠶᠢᠭᠤᠯᠣᠭᠳᠠᠵᠦ ᠣᠯᠠᠭᠠᠨᠬᠦᠦ ᠨᠦᠬᠦᠷ ᠳᠡᠷᠢᠬᠦᠯᠡᠭᠴᠢ ᠪᠠᠷ ᠰᠣᠩᠭᠤᠭᠳᠠᠭᠠᠳ᠂ ᠦᠪᠦᠷ ᠮᠣᠩᠭᠤᠯ ᠤᠨ ᠪᠣᠳᠠᠳᠠᠢ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠠᠨ ︿︿ᠭᠤᠷᠪᠠᠨ ᠦᠭᠡᠢ᠂ ᠬᠤᠶᠠᠷ ᠲᠤ ᠠᠰᠢᠭᠳᠠᠢ ᠪᠠᠶᠢᠬᠤ ﹀﹀ ᠴᠢᠭᠯᠡᠯᠳᠠ ᠶᠢ ᠳᠣᠷᠠᠳᠣᠨ ᠭᠠᠷᠭᠠᠵᠦ᠂ ᠣᠶᠢᠯᠡᠳᠪᠦᠷᠢᠯᠡᠯ ᠢ ᠬᠦᠭᠵᠢᠬᠦᠯᠦᠭᠰᠡᠨ ᠪᠦᠬᠡᠳ᠂ ᠵᠠᠯᠠᠭᠤ ᠯᠠᠮ᠎ᠠ ᠨᠠᠷ ᠢ ᠣᠬᠠᠭᠤᠯᠣᠨ ᠰᠦᠮ᠎ᠡ ᠠᠴᠠ ᠭᠠᠷᠭᠠᠵᠦ ᠬᠡᠷ ᠪᠦᠯᠢ ᠪᠠᠶᠢᠭᠤᠯᠠᠭᠤᠯᠣᠨ ᠣᠶᠢᠯᠡᠳᠪᠦᠷᠢᠯᠡᠯ ᠬᠦᠳᠡᠯᠮᠦᠷᠢ ᠳᠤ ᠣᠷᠣᠯᠴᠠᠭᠤᠯᠵᠦ᠂ ᠬᠦᠮᠦᠨ ᠠᠮᠠ ᠶᠢ ᠦᠰᠬᠡᠬᠦ ᠢᠳᠡᠪᠬᠢᠳᠡᠢ ᠠᠷᠭ᠎ᠠ ᠠᠪᠣᠭᠠᠳ ᠰᠢᠨ᠎ᠡ ᠬᠤᠪᠢᠷᠠᠯᠳᠠ ᠭᠠᠷᠭᠠᠭᠰᠠᠨ ᠪᠢᠯᠠ᠃ ᠪᠠᠰᠠ ᠬᠤᠷᠢᠳᠣᠭᠠᠷ ᠵᠠᠭᠤᠨ ᠤ ᠳᠠᠪᠢᠭᠠᠳ ᠣᠨ ᠤ ᠡᠬᠢ ᠪᠠᠷ᠂ ᠦᠪᠦᠷ ᠮᠣᠩᠭᠤᠯ ᠳᠤ  ︿︿ᠬᠦᠮᠦᠨ ᠮᠠᠯ ᠢ ᠵᠡᠷᠬᠡ ᠪᠠᠷ ᠦᠰᠬᠡᠬᠦ ︵8︶﹀﹀ ᠴᠢᠭᠯᠡᠯᠳᠠ ᠶᠢ ᠳᠣᠷᠠᠳᠣᠨ ᠭᠠᠷᠭᠠᠵᠦ᠂ ᠮᠠᠯᠵᠢᠬᠤ ᠣᠷᠣᠨ ᠳᠤ ᠣᠷᠣᠰᠢᠵᠦ ᠪᠠᠶᠢᠭ᠎ᠠ ᠬᠡᠣᠬᠡᠳ ᠳᠦᠷᠦᠬᠦ ᠦᠭᠡᠢ ᠬᠡᠮ ᠠᠷᠬᠠᠭ ᠢ ᠰᠢᠨᠵᠢᠯᠡᠨ ᠰᠣᠳᠣᠯᠣᠭᠠᠳ᠂ ᠭᠤᠣᠯ ᠨᠢ ᠳᠠᠮᠪᠣᠣ ᠶᠠᠷ᠎ᠠ ᠮᠡᠳᠦ ᠎ ᠶᠢᠨ ᠦᠩᠬᠡᠨ ᠤ ᠡᠪᠡᠳᠴᠢᠨ ᠰᠠᠭᠠᠳ ᠬᠢᠵᠦ ᠪᠠᠶᠢᠬᠤ ᠶᠢ ᠣᠯᠵᠦ ᠮᠡᠳᠡᠬᠡᠳ ᠳᠠᠷᠣᠢ ᠳᠦᠷᠬᠡᠨ ᠪᠦᠬᠦ ᠳᠠᠯ᠎ᠠ ᠪᠠᠷ ᠰᠡᠷᠬᠡᠶᠢᠯᠡᠨ ᠵᠠᠰᠠᠬᠤ ᠰᠢᠢᠳᠪᠦᠷᠢ ᠭᠠᠷᠭᠠᠵᠦ ᠳᠦᠪ ᠬᠤᠷᠢᠶᠠᠨ ᠳᠤ ᠮᠠᠳᠠᠭᠦᠯᠦᠭᠰᠡᠨ ᠳᠤ᠂ ᠵᠸᠦ ᠡᠸ᠋ᠨ ᠯᠠᠢ ᠶᠡᠷᠦᠩᠬᠡᠢ ᠰᠠᠶᠢᠳ ᠬᠦᠴᠦᠳᠡᠢ ᠳᠡᠮᠵᠢᠵᠦ᠂ ᠪᠡᠬᠡᠵᠢᠩ ᠤᠨ ᠨᠡᠷᠡᠳᠡᠢ ᠶᠡᠭᠡ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶ᠎ᠠ ᠪᠣᠯᠣᠨ ᠪᠦᠬᠦ ᠣᠯᠣᠰ ᠤᠨ ᠡᠯ᠎ᠡ ᠮᠣᠵᠢ ᠬᠤᠳᠠ ᠶᠢᠨ ᠮᠡᠷᠬᠡᠵᠢᠯᠳᠡᠢ ᠡᠮᠴᠢᠳ ᠢ ᠣᠯᠠᠨ ᠳᠤᠭ᠎ᠠ ᠪᠠᠷ ᠳᠣᠮᠢᠯᠠᠨ ᠦᠪᠦᠷ ᠮᠣᠩᠭᠤᠯ ᠳᠤ ᠳᠠᠮᠪᠣᠣ ᠶᠠᠷ᠎ᠠ ᠶᠢ ᠣᠰᠠᠳᠬᠠᠬᠤ ᠳᠡᠮᠡᠴᠡᠯ ᠳᠤ ᠣᠷᠣᠯᠴᠠᠭᠤᠯᠵᠠᠢ᠃ ᠦᠪᠦᠷ ᠮᠣᠩᠭᠤᠯ ᠣᠷᠣᠨ ᠪᠦᠷᠢᠨ ᠪᠡᠯᠡᠳᠬᠡᠭᠰᠡᠨ ᠤ ᠰᠠᠭᠤᠷᠢᠨ ᠳᠡᠭᠡᠷ᠎ᠡ᠂ 1952 ᠣᠨ ᠳᠤ ᠡᠯ᠎ᠡ ᠠᠶᠢᠮᠠᠭ ᠪᠦᠬᠦᠨ ᠳᠤ ᠰᠢᠭᠤᠳ ᠡᠮᠨᠡᠯᠬᠡ ᠶᠢᠨ ᠠᠩᠬᠢ ᠳᠣᠮᠢᠯᠠᠵᠦ᠂ ᠳᠣᠰᠬᠤᠨ ᠢᠶᠠᠷ ᠨᠢᠬᠡᠴᠢ ᠪᠣᠯᠭᠠᠨ ᠨᠢᠬᠡ ᠴᠦ ᠬᠦᠮᠦᠨ ᠦᠯᠡᠳᠡᠬᠡᠯ ᠦᠭᠡᠢ ᠨᠠᠷᠢᠨ ᠨᠢᠭᠳᠠ ᠪᠠᠶᠢᠴᠠᠭᠠᠵᠦ᠂ ᠡᠪᠡᠳᠴᠢᠨᠳᠡᠢ ᠪᠣᠯᠭᠠᠨ ᠢ ᠣᠯᠣᠰ ᠠᠴᠠ ᠦᠨ᠎ᠡ ᠳᠦᠯᠦᠪᠦᠷᠢ ᠦᠭᠡᠢ ᠪᠠᠷ ᠵᠠᠰᠠᠵᠦ ᠦᠭᠬᠦᠬᠡᠳ ᠣᠬᠤᠷᠬᠠᠨ ᠭᠤᠷᠪᠠᠨ ᠵᠢᠯ ᠳᠤ ᠦᠩᠬᠡ ᠶᠢᠨ ᠡᠪᠡᠳᠴᠢᠨ ᠢ ᠪᠦᠷᠢᠨ ᠣᠰᠠᠳᠬᠠᠭᠰᠠᠨ ᠠᠴᠠ᠂ ᠮᠠᠯᠴᠢᠳ ᠦᠬᠡᠳᠡᠯᠡᠯ ᠮᠠᠨᠳᠣᠯ ᠤᠨ ᠬᠦᠯᠦᠭ ᠎ ᠤᠨ ᠵᠢᠯᠣᠭᠤ ᠰᠣᠩᠭᠠᠨ ᠬᠦᠮᠦᠨ ᠠᠮᠠ ᠰᠢᠨ᠎ᠡ ᠦᠰᠦᠯᠳᠡ ᠶᠢᠨ ᠪᠠᠶᠢᠳᠠᠯ ᠳᠤ ᠣᠷᠣᠭᠰᠠᠨ ᠪᠠᠶᠢᠪᠠ᠃ ᠢᠩᠬᠢᠭᠡᠳ ᠲᠦᠷᠦᠬᠦ ᠨᠠᠰᠣᠨ ᠤ ᠡᠮᠡᠭᠳᠡᠶᠢᠴᠣᠳ ᠪᠦᠷ ᠡᠷᠡᠬᠦᠯ ᠡᠰᠡᠨ ᠬᠦᠩᠬᠡᠵᠢᠬᠦ ᠪᠣᠯᠵᠣ᠂ ᠬᠤᠷᠢᠮᠯᠠᠭᠠᠳ ᠬᠤᠷᠢ ᠭᠠᠷᠣᠢ ᠵᠢᠯ ᠵᠢᠷᠮᠣᠰᠣᠯᠡᠭᠰᠡᠨ ᠦᠭᠡᠢ ᠪᠦᠰᠡᠬᠦᠶᠢᠴᠣᠣᠯ ᠳᠦᠴᠢ ᠭᠠᠷᠴᠢᠬᠠᠭᠠᠳ ᠬᠡᠣᠬᠡᠳ ᠲᠠᠢ ᠪᠣᠯᠣᠭᠰᠠᠨ ᠶᠠᠪᠣᠳᠠᠯ ᠠᠷᠪᠢᠨ ᠭᠠᠷᠣᠭᠰᠠᠨ ᠪᠠᠶᠢᠨ᠎ᠠ᠃ ᠳᠣᠬᠠᠢ ᠶᠢᠨ ᠦᠶ᠎ᠡ ᠳᠤ ᠨᠠᠮ ᠵᠠᠰᠠᠭ ᠴᠦ ᠣᠯᠠᠨ ᠬᠡᠣᠭᠡᠳ ᠲᠠᠢ ᠪᠦᠰᠡᠬᠦᠢ ᠶᠢ ︿︿ᠰᠠᠶᠢᠨ ᠡᠬᠡᠴᠣᠣᠯ﹀﹀᠎ ᠤᠨ ᠴᠣᠯᠠ ᠣᠯᠭᠤᠵᠦ ᠱᠠᠩᠨᠠᠨ ᠬᠦᠬᠢᠬᠦᠯᠵᠦ ᠪᠠᠶᠢᠪᠠ᠃         1960 — 1961 ᠣᠨ ᠤ ᠬᠤᠶᠠᠷ ᠵᠢᠯ ᠳᠤ ᠣᠷᠢᠳ ᠬᠤᠵᠢᠳ ᠱᠠᠩᠬᠠᠢ᠂ ᠵᠧᠵᠢᠶᠠᠩ᠂ ᠠᠨᠾᠦ᠋ᠢ ᠵᠡᠷᠬᠡ ᠮᠣᠵᠢ ᠬᠤᠳᠠ ᠠᠴᠠ ᠬᠡᠳᠦᠨ ᠮᠢᠩᠭᠠᠨ ᠦᠨᠦᠴᠢᠨ ᠬᠡᠣᠬᠡᠳ ᠢ ᠳᠡᠳᠬᠦᠵᠦ ᠠᠪᠣᠭᠠᠳ ᠮᠠᠯᠴᠢᠳ ᠲᠤ ᠳᠡᠵᠢᠬᠡᠯᠬᠡᠵᠦ᠂ ᠦᠪᠦᠷ ᠮᠣᠩᠭᠤᠯ ᠤᠨ ᠠᠮᠠ ᠪᠦᠯᠢ ᠪᠠᠨ ᠨᠡᠮᠡᠭᠳᠡᠬᠦᠯᠦᠭᠰᠡᠨ ᠪᠠᠶᠢᠯ᠎ᠠ᠃ ᠡᠨᠡ ᠶᠠᠪᠣᠳᠠᠯ ᠎ ᠢ ᠶᠡᠷᠦᠩᠬᠡᠢ ᠰᠠᠶᠢᠳ ᠵᠸᠣ ᠡᠸ᠋ᠨ ᠯᠠᠢ ᠰᠣᠨᠣᠰᠣᠭᠠᠳ ᠳᠣᠶᠢᠯ ᠢᠶᠠᠷ ᠪᠠᠶᠠᠷᠯᠠᠵᠦ ᠣᠯᠠᠭᠠᠨᠬᠦᠦ ᠳᠤ ᠄ ︿︿᠁ ᠁ ᠡᠨᠡ ᠶᠡᠭᠡ ᠰᠠᠶᠢᠨ ᠪᠠᠶᠢᠨ᠎ᠠ᠂ ᠦᠪᠦᠷ ᠮᠣᠩᠭᠤᠯ ᠭᠠᠵᠠᠷ ᠠᠭᠤᠳᠠᠮ᠂ ᠬᠦᠮᠦᠨ ᠴᠦᠬᠡᠨ᠂ ᠣᠨᠴᠠᠭᠠᠶᠢᠯᠠᠨ ᠮᠠᠯᠵᠢᠬᠤ ᠣᠷᠣᠨ ᠳᠤ ᠬᠡᠣᠬᠡᠳ ᠴᠦᠬᠡᠨ ᠣᠴᠢᠷ ᠠᠴᠠ᠂ ᠴᠦᠬᠡᠨ ᠳᠣᠭᠠᠳᠦ ᠦᠨᠳᠦᠰᠦᠳᠡᠨ ᠤ ᠬᠦᠮᠦᠨ ᠠᠮᠠ ᠪᠣᠯᠣᠨ ᠪᠦᠳᠦᠬᠡᠨ ᠪᠠᠶᠢᠭᠤᠯᠣᠯᠳᠠ ᠬᠦᠭᠵᠢᠯᠳᠡ ᠳᠤ ᠪᠦᠷ ᠠᠰᠢᠭᠳᠠᠢ᠃ ᠪᠠᠰᠠ ︿ᠬᠦᠮᠦᠨ ᠮᠠᠯ ᠢ ᠵᠡᠷᠬᠡ ᠪᠠᠷ ᠦᠰᠬᠡᠬᠦ﹀ ᠣᠷᠢᠶᠠᠯᠭ᠎ᠠ ᠲᠠᠢ ᠨᠡᠶᠢᠴᠡᠨ᠎ᠡ﹀﹀ ︵9︶ ᠬᠡᠵᠡᠢ᠃ ᠡᠬᠦᠨ ᠠᠴᠠ ᠦᠵᠡᠬᠦ ᠳᠤ᠂ ᠵᠸᠣ ᠶᠡᠷᠦᠩᠬᠡᠢ ᠰᠠᠶᠢᠳ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠬᠦᠮᠦᠨ ᠠᠮᠠ ᠴᠦᠬᠡᠨ ᠠᠰᠠᠭᠤᠳᠠᠯ ᠳᠤ ᠶᠡᠭᠡ ᠰᠡᠳᠬᠢᠯ ᠳᠠᠯᠪᠢᠵᠦ ᠪᠠᠶᠢᠵᠠᠢ᠃         ᠳᠡᠷᠢᠬᠦᠯᠡᠭᠴᠢ ᠣᠯᠠᠭᠠᠨᠬᠦᠦ ᠶᠢᠨ ᠴᠢᠷᠮᠠᠶᠢᠯᠭ᠎ᠠ ᠪᠠᠷ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠬᠦᠮᠦᠨ ᠠᠮᠠ ᠦᠳᠳᠦᠷ ᠳᠦᠷᠬᠡᠨ ᠦᠰᠴᠠᠢ᠃ ᠵᠦᠪᠬᠡᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ 1954 ᠣᠨ ᠎ ᠳᠤ30180 ᠠᠮᠠ ᠮᠣᠩᠭᠤᠯ ᠬᠦᠮᠦᠨ ᠪᠠᠶᠢᠭᠰᠠᠨ ᠢᠶᠠᠨ 1982 ᠣᠨ ᠪᠣᠯᠬᠤ ᠳᠤ 57762 ᠠᠮᠠ ᠬᠦᠮᠦᠨ ᠪᠣᠯᠣᠨ ᠦᠰᠦᠬᠡᠳ 27582 ᠬᠦᠮᠦᠨ ᠨᠡᠮᠡᠭᠳᠡᠵᠡᠢ᠃ ᠡᠨᠡ ᠨᠢ ᠬᠤᠷᠢᠨ ᠨᠠᠢᠮᠠᠨ ᠵᠢᠯ ᠳᠤ  91.4%᠎ ᠪᠠᠷ ᠴᠡᠪᠡᠷ ᠦᠰᠦᠭᠰᠡᠨ ᠢ ᠬᠠᠷᠠᠭᠤᠯᠵᠦ ᠪᠣᠢ᠃         2002 ᠣᠨ ᠤ 9 ᠰᠠᠷᠠᠶᠢᠨ 27᠎ ᠤ ᠡᠳᠦᠷ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠣᠷᠣᠨ ᠤ ᠶᠢᠰᠦᠳᠦᠬᠡᠷ ᠬᠤᠭᠤᠴᠠᠭᠠᠨ ᠤ ᠠᠷᠠᠳ ᠤᠨ ᠳᠦᠯᠦᠬᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠪᠠᠶᠢᠩᠭᠤ ᠎ ᠶᠢᠨ ᠬᠤᠷᠢᠶᠠᠨ ᠤ ᠭᠤᠴᠢᠨ ᠬᠤᠶᠠᠳᠣᠭᠠᠷ ᠣᠳᠠᠭᠠᠨ ᠤ ᠬᠤᠷᠠᠯ ᠠᠴᠠ ︿︿ᠪᠦᠬᠦᠳᠡ ᠨᠠᠶᠢᠷᠠᠮᠳᠠᠬᠤ ᠳᠣᠮᠳᠠᠳᠣ ᠠᠷᠠᠳ ᠣᠯᠣᠰ ᠤᠨ ᠬᠦᠮᠦᠨ ᠠᠮᠠ ᠬᠢᠬᠡᠳ ᠳᠦᠯᠦᠪᠯᠡᠬᠡᠳᠦ ᠦᠷᠡᠵᠢᠯ ᠤᠨ ᠬᠠᠣᠯᠢ﹀﹀᠎ ᠶᠢ ᠦᠨᠳᠦᠰᠦᠯᠡᠨ ᠭᠤᠷᠪᠠᠨᠳᠠ ᠵᠠᠰᠠᠪᠣᠷᠢ ᠣᠷᠣᠭᠤᠯᠣᠭᠠᠳ ᠳᠣᠭᠳᠠᠭᠠᠭᠰᠠᠨ ︿︿ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠣᠷᠣᠨ ᠎ ᠤ ᠬᠦᠮᠦᠨ ᠠᠮᠠ ᠬᠢᠬᠡᠳ ᠳᠦᠯᠦᠪᠯᠡᠭᠡ ᠲᠠᠢ ᠬᠡᠣᠬᠡᠳ ᠠᠪᠬᠤ ᠠᠵᠢᠯ ᠤᠨ ᠳᠦᠷᠢᠮ﹀﹀᠎ ᠤᠨ ᠭᠤᠷᠪᠠᠳᠣᠭᠠᠷ ᠪᠦᠯᠦᠭ ᠤᠨ ᠠᠷᠪᠠᠨ ᠶᠢᠰᠦᠳᠦᠬᠡᠷ ᠵᠣᠶᠢᠯ ᠳᠤ᠄ ︿︿ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠡᠷ᠎ᠡ ᠡᠮ᠎ᠡ ᠬᠤᠶᠠᠭᠤᠯᠠ ᠪᠠᠨ ᠬᠤᠶᠠᠷ ᠬᠡᠣᠬᠡᠳ ᠠᠪᠴᠦ ᠪᠣᠯᠣᠨ᠎ᠠ᠃ ᠡᠷ᠎ᠡ ᠡᠮ᠎ᠡ ᠬᠤᠶᠠᠭᠤᠯᠠ ᠪᠠᠨ ᠪᠦᠷ ᠬᠤᠳᠠ ᠪᠠᠯᠭᠠᠰᠣᠨ ᠤ ᠡᠷᠦᠬᠡ ᠠᠮᠠ ᠎ ᠲᠠᠢ ᠪᠦᠬᠡᠳ ᠮᠠᠯ ᠠᠵᠦ ᠠᠬᠤᠢ ᠳᠠᠷᠢᠶᠠᠯᠠᠩ ᠤᠨ ᠣᠶᠢᠯᠡᠳᠪᠦᠷᠢᠯᠡᠯ ᠳᠤ ᠣᠷᠣᠯᠴᠠᠵᠦ᠂ ᠬᠤᠶᠠᠷ ᠬᠡᠣᠬᠡᠳ ᠨᠢ ᠴᠦᠮ ᠬᠡᠣᠬᠡᠨ ᠪᠠᠶᠢᠪᠠᠯ ᠵᠦᠪᠰᠢᠶᠡᠷᠡᠯ ᠢᠶᠠᠷ ᠭᠤᠷᠪᠠᠳᠣᠭᠠᠷ ᠬᠡᠣᠬᠡᠳ ᠠᠪᠴᠦ ᠪᠣᠯᠣᠨ᠎ᠠ﹀﹀ ᠬᠡᠵᠦ ᠳᠣᠭᠳᠠᠭᠠᠵᠠᠢ᠃ ᠭᠡᠳᠡᠯ᠎ᠡ ᠣᠳᠣᠬᠠᠨ ᠤ ᠣᠯᠣᠰ ᠬᠤᠪᠢ ᠶᠢᠨ ᠠᠮᠣᠷ ᠵᠢᠷᠭᠠᠯ ᠢ ᠬᠦᠬᠡᠬᠡᠴᠡᠯᠳᠦᠬᠡᠳ ᠭᠠᠭᠴᠠ ᠬᠡᠣᠬᠡᠳ ᠠᠪᠬᠤ ᠪᠣᠶᠣ ᠬᠡᠣᠬᠡᠳ ᠠᠪᠬᠤ ᠦᠭᠡᠢ ᠪᠣᠯᠴᠠᠭᠠᠵᠦ ᠪᠠᠶᠢᠨ᠎ᠠ᠂ ᠳᠦᠴᠢᠨ ᠵᠢᠯ ᠤᠨ ᠡᠮᠦᠨᠡᠬᠢ ᠠᠪᠤ ᠡᠵᠢ ᠨᠠᠷ ᠠᠭᠠᠭ ᠢᠳᠡᠵᠦ ᠠᠷᠠᠯ ᠴᠢᠩᠭᠠᠭᠠᠵᠦ ᠪᠠᠶᠢᠭᠠᠳ ᠳᠠᠪᠤ ᠳᠣᠯᠤᠭ᠎ᠠ ᠶᠢ ᠳᠦᠷᠦᠬᠦᠯᠵᠦ ᠪᠠᠶᠢᠭᠰᠠᠨ ᠪᠦᠬᠡᠳ᠂ ᠠᠪ ᠠᠳᠠᠯᠢᠬᠠᠨ ᠬᠡᠷ ᠪᠣᠰᠬᠠᠨ ᠪᠡᠷᠢ ᠪᠠᠭᠤᠯᠭᠠᠭᠠᠳ ᠬᠢᠯᠡᠷᠡᠭᠤᠯᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠣᠳᠣᠬᠠᠨ ᠤ ᠠᠮᠢᠳᠣᠷᠠᠯ ᠤᠨ ᠨᠦᠬᠦᠴᠡᠯ ᠳᠡᠷᠡ ᠦᠶ᠎ᠡ ᠶᠢᠨ ᠬᠢ ᠶᠢ ᠪᠣᠳᠣᠪᠠᠯ ᠬᠤᠯᠠ ᠰᠠᠶᠢᠵᠢᠷᠠᠴᠢᠬᠠᠭᠰᠠᠨ ᠪᠠᠶᠢᠭᠠᠳ ᠦᠷ᠎ᠡ ᠦᠨᠳᠦᠰᠦ ᠵᠠᠯᠭᠠᠬᠤ ᠶᠡᠭᠡ ᠶᠠᠪᠣᠳᠠᠯ ᠳᠡᠭᠡᠷ᠎ᠡ ᠨᠠᠵᠠᠭᠠᠢ ᠬᠠᠨᠳᠣᠬᠤ ᠪᠣᠯᠣᠭᠰᠠᠨ ᠨᠢ ᠮᠠᠨ ᠤ ᠦᠨᠳᠦᠰᠦᠳᠡᠨ ᠤ ᠬᠦᠴᠦᠷᠬᠡᠭᠵᠢᠯ ᠤᠨ ᠵᠠᠮ ᠳᠡᠭᠡᠷᠡᠬᠢ ᠶᠡᠭᠡ ᠰᠠᠭᠠᠳ ᠪᠣᠯᠵᠦ ᠪᠠᠶᠢᠨ᠎ᠠ ᠰᠢᠦ︕ ᠳᠣᠣᠷ᠎ᠠ ᠪᠢ ᠨᠢᠬᠡᠨ ᠭᠠᠴᠠᠭᠠᠨ ᠤ ᠬᠦᠮᠦᠨ ᠠᠮᠠ ᠶᠢᠨ ᠪᠣᠳᠠᠳᠠᠢ ᠳᠤᠭ᠎ᠠ ᠪᠠᠷ ᠵᠢᠱᠢᠶᠡᠯᠡᠨ ᠶᠠᠷᠢᠶ᠎ᠠ᠃        ᠨᠢᠬᠡᠨ ᠭᠠᠴᠠᠭ᠎ᠠ ᠳᠤ 112 ᠡᠷᠣᠬᠡ ᠶᠢᠨ ᠨᠡᠶᠢᠳᠡ 403 ᠬᠦᠮᠦᠨ ᠠᠮᠠ ᠲᠠᠢ᠂ ᠡᠭᠦᠨ ᠎ ᠤ ᠳᠣᠳᠣᠷᠡᠬᠢ 50 ᠨᠠᠰᠣᠨ ᠠᠴᠠ ᠳᠡᠬᠡᠭᠰᠢ ᠬᠦᠮᠦᠨ 95 ᠪᠠᠶᠢᠵᠦ᠂ 50 —40 ᠨᠠᠰᠣᠨ ᠤ ᠬᠦᠮᠦᠰ ᠤᠨ ᠬᠡᠷ ᠪᠦᠯᠢ ᠨᠢ ᠣᠯᠠᠩᠬᠢ ᠨᠢ ᠬᠤᠶᠠᠷ ᠬᠡᠣᠭᠡᠳ ᠲᠠᠢ᠂  ᠡᠶᠢᠮᠦ ᠮᠠᠶ᠋ᠢᠭ ᠢᠶᠠᠷ ᠦᠷᠬᠦᠯᠵᠢᠯᠡᠬᠦᠯᠬᠦ ᠳᠤ ᠬᠦᠷᠪᠡᠯ ᠴᠠᠭ ᠤᠨ ᠣᠷᠣᠰᠬᠠᠯ ᠢ ᠳᠠᠭᠠᠭᠠᠳ ᠬᠦᠮᠦᠨ ᠠᠮᠠ ᠶᠢᠨ ᠨᠡᠮᠡᠭᠳᠡᠯ ᠬᠤᠷᠣᠭᠳᠠᠯ ᠳᠡᠩᠴᠡᠬᠦᠦ ᠪᠠᠷ ᠶᠠᠪᠣᠭᠳᠠᠵᠦ ᠪᠣᠯᠣᠨ᠎ᠠ᠃ ᠬᠡᠳᠡᠯ᠎ᠡ ᠳᠦᠴᠢᠨ ᠨᠠᠰᠣᠨ ᠠᠴᠠ ᠳᠣᠭᠤᠭᠰᠢᠬᠢ ᠬᠡᠷ ᠪᠦᠯᠢ ᠨᠢ ᠴᠦᠮ ᠨᠢᠬᠡ ᠬᠡᠣᠬᠡᠳ ᠠᠪᠴᠠᠭᠠᠵᠦ ᠪᠠᠶᠢᠨ᠎ᠠ᠂ ᠡᠶᠢᠮᠦ ᠮᠠᠶ᠋ᠢᠭ ᠢᠶᠠᠷ ᠦᠷᠬᠦᠯᠵᠢᠯᠡᠬᠦᠯᠬᠦ ᠳᠤ ᠬᠦᠷᠪᠡᠯ ᠬᠤᠵᠢᠮ ᠤᠨ ᠬᠦᠮᠦᠨ ᠠᠮᠠ 50%᠎ ᠪᠠᠷ ᠬᠠᠰᠣᠭᠳᠠᠬᠤ ᠳᠤ ᠬᠦᠷᠦᠨ᠎ᠡ᠃ ᠡᠨᠡ ᠮᠡᠳᠦ ᠪᠠᠷ ᠬᠤᠶᠡᠷ ᠦᠶ᠎ᠡ ᠳᠠᠮᠵᠢᠵᠦ ᠣᠬᠤᠷᠬᠠᠨ ᠳᠠᠪᠢᠨ ᠵᠢᠯ ᠤᠨ ᠳᠠᠷᠠᠭ᠎ᠠ ᠡᠨᠡ ᠭᠠᠴᠠᠭᠠᠨ ᠳᠤ ᠬᠡᠳᠦᠢ ᠬᠦᠮᠦᠨ ᠦᠯᠡᠳᠡᠳᠡᠭ ᠪᠣᠯ︖ ᠳᠠᠬᠢᠭᠠᠳ ᠬᠡᠯᠡᠪᠡᠯ ᠪᠢᠳᠡ ᠴᠢᠨᠢ ᠬᠠᠮᠤᠭ ᠳᠡᠭᠡᠳᠦ ᠣᠬᠠᠭᠠᠨ ᠮᠡᠳᠡᠷᠡᠯ ᠲᠠᠢ ᠬᠦᠮᠦᠨ ᠪᠣᠯᠵᠦ ᠳᠦᠷᠦᠭᠰᠡᠨ ᠤ ᠬᠤᠪᠢ ᠳᠤ ᠨᠡᠶᠢᠬᠡᠮ ᠨᠡᠶᠢᠳᠡ ᠶᠢᠨ ᠠᠰᠢᠭ ᠳᠣᠰᠠ ᠶᠢ ᠬᠠᠷᠠᠭᠠᠯᠵᠠᠨ ᠦᠨᠳᠦᠰᠦᠳᠡᠨ ᠤ ᠪᠠᠨ ᠬᠤᠵᠢᠮ ᠢᠷᠡᠬᠡᠳᠦᠢ ᠳᠤ ᠢᠯᠡᠬᠦᠬᠡᠨ ᠰᠠᠨᠠᠭᠠᠰᠢᠷᠠᠪᠠᠯ ᠳᠠᠭᠠᠷᠠᠨ᠎ᠠ᠃ ᠬᠦᠳᠡᠯᠮᠦᠷᠢ ᠬᠦᠴᠦ  ᠪᠣᠯ ᠨᠡᠶᠢᠬᠡᠮ ᠤᠨ ᠣᠶᠢᠯᠡᠳᠪᠦᠷᠢᠯᠡᠯ ᠤᠨ ᠰᠠᠭᠤᠷᠢ ᠮᠥᠨ ᠪᠦᠬᠡᠳ ᠪᠦᠳᠦᠬᠡᠨ ᠪᠠᠶᠢᠭᠤᠯᠣᠯᠳᠠ ᠶᠢᠨ ᠬᠦᠳᠡᠯᠬᠡᠭᠴᠢ ᠬᠦᠴᠦᠨ ᠮᠥᠨ᠃ ᠬᠦᠳᠡᠯᠮᠦᠷᠢ ᠬᠦᠴᠦ ᠪᠠᠨ ᠠᠯᠳᠠᠪᠠᠯ ᠠᠮᠢᠳᠣᠷᠠᠯ ᠤᠨ ᠰᠠᠭᠤᠷᠢ ᠨᠣᠷᠠᠵᠦ ᠨᠡᠶᠢᠬᠡᠮ ᠤᠨ ᠪᠦᠳᠦᠴᠡ ᠭᠤᠶᠢᠪᠠᠯᠵᠠᠬᠤ ᠳᠤ ᠬᠦᠷᠦᠨ᠎ᠡ᠃ ᠡᠳᠦᠬᠡ ᠨᠠᠰᠣᠳᠠᠶᠢᠴᠣᠣᠯ ᠤᠨ ᠨᠡᠶᠢᠬᠡᠮ ᠳᠤ ᠳᠠᠪᠰᠢᠨ ᠣᠷᠣᠬᠤ ᠨᠢ ᠶᠡᠭᠡ ᠬᠠᠨᠳᠣᠰᠢ ᠪᠣᠯᠣᠭᠰᠠᠨ ᠳᠣᠯᠠ᠂ ᠬᠡᠣᠬᠡᠳ ᠠᠪᠬᠤ ᠠᠰᠠᠭᠤᠳᠠᠯ ᠨᠢ ᠭᠠᠭᠴᠠᠬᠦ ᠬᠤᠪᠢ ᠬᠦᠮᠦᠨ ᠤ ᠠᠰᠠᠭᠤᠳᠠᠯ ᠪᠢᠰᠢ ᠂ ᠪᠦᠬᠦᠶᠢᠯᠡ ᠨᠡᠶᠢᠬᠡᠮ ᠤᠨ ᠳᠣᠭᠳᠠᠯᠴᠠᠭ᠎ᠠ ᠲᠠᠢ ᠬᠤᠯᠪᠣᠭᠳᠠᠬᠤ ᠶᠡᠭᠡ ᠶᠠᠪᠣᠳᠠᠯ ᠪᠣᠯᠪᠠ᠃ ᠮᠠᠨ ᠤ ᠣᠯᠣᠰ ᠤᠨ ᠬᠦᠮᠦᠨ ᠠᠮᠠ ᠶᠢᠨ ᠵᠠᠭᠤᠨ ᠤ ᠨᠠᠶᠠ ᠨᠢ ᠳᠠᠷᠢᠶᠠᠴᠢᠨ ᠪᠣᠯᠬᠤᠷ᠂ ᠨᠠᠰᠣᠳᠠᠶᠢᠴᠣᠣᠯ ᠤᠨ ᠨᠡᠶᠢᠬᠡᠮ ᠨᠢ ᠯᠠᠪᠳᠠᠢ ᠨᠡᠶᠢᠬᠡᠮ ᠤᠨ ᠠᠰᠠᠷᠠᠮᠵᠢ ᠶᠢᠨ ᠶᠡᠭᠡ ᠳᠣᠯᠭᠠᠮᠳᠠᠯ ᠢ ᠪᠣᠢ ᠪᠣᠯᠭᠠᠵᠦ᠂ ᠣᠶᠢᠯᠡᠳᠪᠦᠷᠢᠯᠡᠯ ᠤᠨ ᠬᠦᠴᠦᠨ ᠤ ︿︿ᠶᠡᠭᠡ ᠬᠢᠮᠣᠷᠡᠯ﹀﹀᠎ ᠢ ᠪᠣᠢ ᠪᠣᠯᠭᠠᠬᠤ ᠨᠢ ᠳᠠᠮᠵᠢᠭ ᠦᠭᠡᠢ᠃ ᠢᠩᠬᠢᠬᠦᠯᠡᠷ ᠬᠦᠮᠦᠨ ᠠᠮᠠ ᠶᠢᠨ ᠦᠰᠦᠯᠳᠡ ᠶᠢ ᠰᠢᠨᠵᠢᠯᠡᠬᠦ ᠣᠬᠠᠭᠠᠨᠴᠢ ᠪᠠᠷ ᠳᠣᠬᠢᠷᠠᠭᠤᠯᠬᠤ ᠪᠣᠯ ᠮᠠᠨ ᠤ ᠨᠢᠳᠦᠨ ᠡᠮᠦᠨ᠎ᠡ ᠳᠠᠯᠪᠢᠭᠳᠠᠵᠦ ᠪᠠᠶᠢᠭ᠎ᠠ ᠳᠡᠷᠢᠬᠦᠨ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠪᠣᠯᠵᠦ ᠪᠠᠶᠢᠨ᠎ᠠ᠃        ᠬᠤᠷᠢᠳᠣᠭᠠᠷ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠤ ᠡᠬᠢ ᠪᠠᠷ ᠦᠨᠳᠦᠰᠦᠳᠡᠨ ᠢᠶᠠᠨ ᠦᠬᠡᠷᠡᠴᠢᠯᠡᠬᠦ ᠦᠷᠨᠢᠯᠳᠡ ᠭᠠᠷᠣᠭᠰᠠᠨ ᠢᠶᠠᠷ᠂ 1990 ᠣᠨ ᠤ ᠳᠦᠷᠪᠡᠳᠦᠬᠡᠷ ᠣᠳᠠᠭᠠᠨ ᠤ ᠬᠦᠮᠦᠨ ᠠᠮᠠ ᠶᠢᠨ ᠨᠡᠶᠢᠳᠡᠮ ᠤᠨ ᠪᠠᠶᠢᠴᠠᠭᠠᠯᠳᠠ ᠶᠢᠨ ᠪᠦᠷᠢᠳᠬᠡᠯ ᠳᠤ᠂ ᠪᠦᠬᠦ ᠣᠯᠣᠰ ᠤᠨ ᠮᠤᠩᠭᠤᠯ ᠬᠦᠮᠦᠨ ᠤ ᠳᠤᠭ᠎ᠠ 4806849 ᠪᠣᠯᠵᠦ᠂ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠣᠷᠣᠨ ᠳᠠᠬᠢ ᠮᠣᠩᠭᠤᠯ ᠬᠦᠮᠦᠨ 4121700 ᠠᠮᠠ ᠪᠣᠯᠣᠨ ᠨᠡᠮᠡᠭᠳᠡᠬᠡᠳ ᠦᠨᠢᠷ ᠦᠰᠦᠯᠳᠡ ᠶᠢᠨ ᠳᠡᠮᠳᠡᠭᠯᠡᠯ ᠢ ᠡᠭᠦᠳᠴᠡᠢ᠃ ᠳᠣᠬᠠᠢ ᠶᠢᠨ ᠦᠶ᠎ᠡ ᠎ ᠳᠤ ᠳᠦᠯᠦᠪᠯᠡᠭᠡ ᠲᠠᠢ ᠦᠷᠡᠵᠢᠯ ᠢ ᠴᠢᠩᠭ᠎ᠠ ᠠᠳᠬᠤᠵᠦ ᠪᠠᠶᠢᠭᠰᠠᠨ ᠪᠣᠯᠬᠤᠷ᠂ ᠬᠦᠮᠦᠨ ᠠᠮᠠ ᠶᠢᠨ ᠦᠨᠢᠷ ᠦᠰᠦᠯᠳᠡ ᠨᠢ ᠨᠢᠬᠡᠯᠡ ᠳᠣᠣᠷ᠎ᠠ ᠠᠷᠪᠢᠨ ᠬᠡᠣᠬᠡᠳ ᠳᠦᠷᠦᠬᠦᠯᠦᠭᠰᠡᠨ ᠶᠠᠪᠣᠳᠠᠯ ᠪᠢᠰᠢ᠂ ᠬᠠᠷᠢᠨ ᠬᠠᠷᠢ ᠦᠨᠳᠦᠰᠦᠳᠡᠨ ᠤ ᠬᠦᠮᠦᠨ ᠮᠣᠩᠭᠤᠯ ᠳᠠᠩᠰᠠᠨ ᠳᠤ ᠣᠷᠣᠭᠰᠠᠨ ᠤ ᠣᠴᠢᠷ ᠪᠣᠯᠬᠤ ᠶᠤᠮ᠃ ᠡᠨᠡᠬᠦ ᠦᠨᠳᠦᠰᠦᠳᠡᠨ ᠎ ᠢᠶᠠᠨ ᠦᠬᠡᠷᠡᠴᠢᠯᠡᠬᠦ ᠶᠡᠭᠡ ᠳᠦᠷᠬᠢᠬᠡᠨ ᠨᠢ ᠬᠤᠶᠡᠷ ᠵᠣᠶᠢᠯ ᠢᠶᠠᠷ ᠰᠢᠯᠳᠠᠭᠠᠯᠠᠭᠳᠠᠭᠰᠠᠨ ᠪᠠᠶᠢᠨ᠎ᠠ᠄ ᠨᠢᠬᠡ ᠨᠢ ᠮᠢᠩ ᠣᠯᠣᠰ ᠤᠨ ᠶᠡᠭᠡ ᠬᠢᠳᠣᠯᠭ᠎ᠠ ᠠᠴᠠ ᠠᠮᠢ ᠵᠣᠯᠪᠣᠭᠰᠠᠳ᠂ ᠴᠢᠩ ᠬᠦᠷᠦᠨ ᠤ ᠰᠢᠬᠠᠯᠳᠠ᠂ ᠢᠷᠬᠡᠨ ᠣᠯᠣᠰ ᠤᠨ ᠦᠶ᠎ᠡ ᠶᠢᠨ ᠶᠡᠭᠡ ᠬᠢᠳᠠᠳᠴᠢᠯᠠᠬᠤ ᠦᠵᠡᠯᠳᠡᠨ ᠤ ᠬᠠᠷᠬᠢᠰ ᠬᠡᠷᠴᠡᠬᠡᠢ ᠳᠠᠷᠣᠯᠠᠯ ᠤᠨ ᠳᠣᠣᠷ᠎ᠠ ᠣᠷᠣᠰᠢᠨ ᠳᠣᠭᠳᠠᠨᠢᠬᠤ ᠎ ᠶᠢᠨ ᠳᠦᠯᠦᠬᠡ ᠦᠨᠳᠦᠰᠦᠳᠡᠨ ᠢᠶᠠᠨ ᠪᠣᠷᠣᠭᠤᠯᠠᠨ ᠨᠢᠭᠤᠵᠦ ᠬᠠᠪᠴᠢᠭᠳᠠᠨ ᠣᠷᠣᠩᠨᠠᠭᠰᠠᠳ ᠨᠠᠮ ᠤᠨ ᠦᠨᠳᠦᠰᠦᠳᠡᠨ ᠤ ᠳᠦᠷᠦ ᠶᠢᠨ ᠪᠣᠳᠣᠯᠭ᠎ᠠ ᠶᠢᠨ ᠳᠣᠶᠠᠭᠠᠯᠠᠯ ᠳᠣᠣᠷ᠎ᠠ ᠣᠭ ᠠᠶᠢᠮᠠᠭ ᠣᠪᠣᠭ ᠢᠶᠠᠨ ᠰᠡᠷᠬᠦᠬᠡᠭᠰᠡᠨ ᠪᠠᠶᠢᠨ᠎ᠠ᠃ ᠨᠦᠬᠦᠬᠡ ᠨᠢᠬᠡ ᠪᠦᠯᠦᠭ ᠨᠢ ᠣᠯᠣᠰ ᠠᠴᠠ ᠴᠦᠬᠡᠨ ᠳᠣᠭᠠᠳᠦ ᠦᠨᠳᠦᠰᠦᠳᠡᠨ ᠳᠤ ᠣᠯᠭᠤᠭᠰᠠᠨ ᠣᠨᠴᠠ ᠬᠠᠷᠠᠭᠠᠯᠵᠠᠯ ᠳᠤ ᠭᠤᠷᠢᠯᠠᠭᠠᠳ ᠦᠨᠳᠦᠰᠦᠳᠡᠨ ᠢᠶᠠᠨ ᠦᠬᠡᠷᠡᠴᠢᠯᠡᠭᠰᠡᠳ ᠶᠡᠭᠡ ᠳᠤᠭ᠎ᠠ ᠶᠢ ᠡᠵᠡᠯᠡᠨ᠎ᠡ᠃ ᠳᠣᠬᠠᠢ ᠶᠢᠨ ᠦᠶ᠎ᠡ ᠳᠤ ᠴᠦᠬᠡᠨ ᠳᠣᠭᠠᠳᠦ ᠦᠨᠳᠦᠰᠦᠳᠡᠨ ᠨᠢ ᠶᠡᠭᠡ ᠰᠣᠷᠭᠠᠭᠤᠯᠢ ᠳᠠᠪᠰᠢᠬᠤ ᠳᠤ ᠬᠤᠪᠢ ᠶᠢᠨ ᠬᠠᠷᠠᠭᠠᠯᠵᠠᠯ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠬᠢᠳᠠᠳ ᠦᠨᠳᠦᠰᠦᠳᠡᠨ ᠠᠴᠠ ᠢᠯᠡᠬᠦᠦ ᠨᠢᠬᠡ ᠬᠡᠣᠬᠡᠳ ᠠᠪᠴᠦ ᠪᠣᠯᠳᠠᠭ ᠪᠠᠶᠢᠵᠠᠢ᠃ ᠮᠣᠩᠭᠤᠯᠴᠣᠳ ᠬᠦᠦ ᠬᠡᠣᠬᠡᠨ ᠢ ᠠᠳᠠᠯᠢᠬᠠᠨ ᠦᠵᠡᠳᠡᠭ ᠪᠣᠯᠬᠤᠷ ᠭᠠᠭᠴᠠᠬᠠᠨ ᠬᠡᠣᠬᠡᠨ ᠲᠠᠢ ᠪᠣᠯᠪᠠᠴᠦ ᠰᠡᠳᠬᠢᠯ ᠬᠠᠩᠬᠤᠯᠠᠬᠤᠨ ᠶᠠᠪᠣᠨ᠎ᠠ᠂ ᠬᠢᠳᠡᠳ ᠤᠳ ᠪᠣᠯ ᠣᠭᠰᠠᠭ᠎ᠠ ᠵᠠᠯᠭᠠᠨ ᠭᠤᠯᠣᠮᠳᠠ ᠪᠠᠳᠠᠷᠠᠭᠠᠬᠤ ᠣᠬᠠᠮᠰᠠᠷ ᠢᠶᠠᠷ ᠴᠢᠩᠭ᠎ᠠ ᠪᠣᠯᠬᠤᠷ ᠶᠠᠯᠠᠳᠠᠭᠳᠠᠵᠦ ᠳᠣᠷᠭᠠᠭᠳᠠᠵᠦ ᠪᠠᠶᠢᠯ᠎ᠠ ᠴᠦ ᠬᠦᠦ ᠳᠦᠷᠦᠬᠦᠯᠬᠦ ᠦᠭᠡᠢ ᠪᠣᠯ ᠵᠣᠭᠰᠣᠬᠤ ᠦᠭᠡᠢ ᠠᠵᠢ᠃ ᠬᠦᠦ ᠬᠡᠣᠬᠡᠨ ᠢ ᠠᠳᠠᠯᠢᠬᠠᠨ ᠦᠵᠡᠬᠦ ᠡᠨᠡ ᠨᠢᠬᠡ ᠠᠷᠣᠣᠬᠠᠨ ᠣᠳᠣᠮᠰᠢᠯ ᠨᠢ ᠶᠠᠪᠣᠭᠤᠳᠠ ᠪᠠᠨ ᠦᠨᠳᠦᠰᠦᠳᠡᠨ ᠤ ᠦᠰᠦᠯᠳᠡ ᠶᠢᠨ ᠰᠠᠭᠠᠳ ᠪᠣᠯᠬᠤ ᠶᠢ ᠬᠡᠨ ᠮᠡᠳᠡᠵᠢᠮ︕        ᠦᠷ᠎ᠡ ᠬᠡᠣᠬᠡᠳ ᠪᠣᠯ ᠮᠠᠨ ᠤ ᠬᠤᠵᠢᠮ ᠢᠷᠡᠬᠡᠳᠦᠢ ᠮᠥᠨ᠃ ᠪᠢᠳᠡ ᠬᠦᠮᠦᠨ ᠪᠣᠯᠵᠦ ᠬᠦᠵᠦᠬᠦᠦ ᠰᠡᠬᠡᠷ ᠲᠠᠢ ᠶᠠᠪᠣᠬᠤ ᠳᠠᠭᠠᠨ ᠭᠠᠭᠴᠠᠬᠦ‍ ᠨᠢᠬᠡ ᠬᠦᠮᠦᠨ ᠤ ᠣᠬᠤᠷᠬᠠᠨ ᠴᠠᠭ ᠤᠨ ᠵᠢᠷᠭᠠᠯ ᠴᠡᠩᠬᠡᠯ ᠢ ᠬᠦᠬᠡᠬᠡᠴᠡᠯᠳᠦᠬᠡᠳ ᠪᠠᠶᠢᠵᠦ ᠪᠣᠯᠬᠤ ᠦᠭᠡᠢ᠂ ᠡᠷᠬᠡᠪᠰᠢ ᠡᠩᠬᠦᠷᠡᠢ ᠬᠠᠶᠢᠷᠳᠠᠢ ᠦᠨᠳᠦᠰᠦᠳᠡᠨ ᠶᠠᠰᠣᠳᠠᠨ᠂ ᠡᠯᠢᠬᠡᠨ ᠬᠤᠯᠪᠣᠭᠠᠳᠠᠢ ᠡᠬᠡ ᠣᠯᠣᠰ ᠤᠨ ᠮᠠᠨᠳᠣᠯ ᠬᠦᠭᠵᠢᠯ ᠳᠤ ᠰᠠᠨᠠᠭᠠᠰᠢᠷᠠᠵᠦ ᠦᠪᠡᠷ ᠤᠨ ᠨᠢᠬᠡᠨ ᠬᠤᠪᠢ ᠶᠢᠨ ᠨᠡᠮᠡᠷᠢ ᠬᠠᠨᠳᠢᠪ ᠢᠶᠠᠨ ᠦᠵᠡᠬᠦᠯᠪᠡᠯ ᠵᠣᠬᠢᠨ᠎ᠠ᠃ ᠪᠢᠳᠡ ᠦᠨᠦᠳᠦᠷ ᠢᠶᠠᠨ ᠬᠠᠷᠠᠭᠠᠳ ᠪᠠᠶᠢᠵᠦ ᠪᠣᠯᠬᠤ ᠦᠭᠡᠢ᠂ ᠮᠠᠷᠭᠠᠰᠢ ᠶᠢ ᠪᠠᠰᠠ ᠪᠣᠳᠣᠯᠬᠢᠯᠠᠵᠦ᠂ ᠬᠤᠶᠢᠴᠢ ᠦᠶ᠎ᠡ ᠶᠢᠨ ᠢᠶᠠᠨ ᠡᠬᠦᠷᠬᠡ ᠳᠠᠷᠣᠭᠠᠰᠦ ᠶᠢ ᠬᠦᠩᠬᠡᠯᠡᠬᠦ ᠳᠤ ᠣᠬᠠᠭᠠᠨ ᠢᠶᠠᠨ ᠰᠢᠪᠬᠠᠬᠤ ᠬᠡᠷᠡᠭᠳᠡᠢ᠃ ᠳᠡᠮᠡᠢ ᠣᠳᠠᠯ ᠦᠭᠡᠢ 10 —20 ᠵᠢᠯ ᠤᠨ ᠳᠠᠷᠠᠭ᠎ᠠ ᠪᠢᠳᠡᠨ ᠤ ᠭᠠᠭᠴᠠ ᠬᠡᠣᠬᠡᠳ ᠠᠶᠢᠯ ᠡᠷᠦᠬᠡ ᠪᠣᠰᠬᠠᠨ᠎ᠠ᠂ ᠡᠨᠡ ᠦᠶ᠎ᠡ ᠳᠤ ᠪᠢᠳᠡ ᠴᠦ ᠣᠷᠴᠢᠯᠠᠩ ᠤᠨ ᠵᠢᠮ᠎ᠡ ᠶᠣᠰᠦ ᠪᠠᠷ ᠦᠰᠦ ᠬᠡᠵᠢᠬᠡ ᠴᠠᠶᠢᠭᠠᠳ ᠡᠭᠦᠳᠡᠨ ᠰᠢᠳᠦ ᠣᠨᠠᠭᠰᠠᠨ ᠨᠠᠰᠣᠳᠠᠳ ᠪᠣᠯᠣᠨ᠎ᠠ᠃ ᠬᠦᠮᠦᠨ ᠵᠢᠷᠠ ᠭᠠᠷᠣᠭᠰᠠᠭᠠᠷ ᠬᠦᠴᠦᠨ ᠳᠠᠮᠢᠷ ᠰᠣᠯᠠᠷᠠᠵᠦ ᠬᠦᠳᠡᠯᠮᠦᠷᠢ ᠶᠢᠨ ᠴᠢᠳᠠᠪᠣᠷᠢ ᠪᠠᠨ ᠠᠯᠳᠠᠭᠠᠳ᠂ ᠢᠳᠡᠵᠦ ᠡᠮᠦᠰᠬᠦ ᠳᠡᠳᠦᠶᠢᠯᠡ ᠬᠡᠷᠡᠭᠴᠡᠬᠡᠨ ᠠᠴᠠ ᠪᠠᠨ ᠭᠠᠷᠣᠭᠰᠠᠨ ᠬᠦᠮᠦᠨ ᠪᠣᠯᠳᠠᠭ᠃ ᠢᠩᠬᠢᠬᠡᠳ ᠬᠤᠶᠢᠰᠢ ᠶᠢᠨ ᠠᠮᠢᠳᠣᠷᠠᠯ ᠢᠶᠠᠨ ᠦᠷ᠎ᠡ ᠬᠡᠣᠬᠡᠳ ᠲᠡᠭᠡᠨ ᠳᠦᠰᠢᠭᠯᠡᠵᠦ ᠦᠳᠡᠯᠡᠭᠡ ᠨᠠᠰᠣᠨ ᠤ ᠠᠶᠠᠯᠠᠯ ᠢᠶᠠᠨ ᠬᠦᠬᠡᠬᠡᠬᠦ ᠳᠤ ᠬᠦᠷᠳᠡᠭ᠃ ᠳᠡᠷᠡ ᠦᠶ᠎ᠡ ᠳᠤ ᠬᠦᠦ ᠪᠣᠯᠣᠨ ᠪᠡᠷᠢ ᠴᠢᠨᠢ ︵ᠡᠰᠡᠬᠦᠯ᠎ᠡ ᠦᠬᠢᠨ ᠬᠦᠷᠬᠡᠨ︶ ᠠᠪᠤ ᠡᠵᠢ ᠪᠣᠯᠣᠨ ᠬᠠᠳᠠᠮ ᠠᠪᠤ ᠡᠵᠢ ᠳᠦᠷᠪᠡᠬᠦᠯᠡ ᠶᠢ ᠳᠡᠵᠢᠬᠡᠬᠦ ᠡᠬᠦᠷᠬᠡ ᠶᠢ ᠡᠬᠦᠷᠬᠡᠯᠡᠬᠦ ᠪᠣᠯᠣᠨ᠎ᠡ᠃ ᠳᠡᠬᠡᠬᠡᠳ ᠪᠠᠰᠠ ᠭᠤᠯᠣᠮᠳᠠ ᠪᠠᠳᠠᠷᠭᠠᠬᠤ ᠦᠷ᠎ᠡ ᠬᠡᠣᠬᠡᠳ ᠨᠢᠬᠡ ᠬᠤᠶᠡᠷ ᠠᠪᠬᠤ ᠲᠠᠢ ᠠᠷᠪᠠᠭᠠᠳ ᠠᠮᠠ ᠬᠦᠮᠦᠨ ᠢ ᠳᠡᠵᠢᠬᠡᠬᠦ ᠠᠯᠪᠠ ᠳᠣᠯᠭᠠᠷᠠᠨ᠎ᠠ᠃ ᠨᠡᠩ ᠴᠢᠨᠠᠭᠰᠢᠯᠠᠭᠠᠳ ᠡᠳᠦᠬᠡ ᠶᠢᠨ ᠵᠢᠷᠭᠠᠯᠳᠦ ᠨᠡᠶᠢᠬᠡᠮ ᠳᠤ ᠰᠢᠮ᠎ᠡ ᠳᠡᠵᠢᠬᠡᠯ ᠲᠠᠢ ᠬᠤᠭᠤᠯᠠ ᠢᠳᠡᠵᠦ᠂ ᠳᠦᠷᠪᠡᠨ ᠴᠠᠭ ᠤᠨ ᠬᠤᠪᠴᠠᠰᠦ ᠳᠣᠬᠢᠷᠠᠭᠤᠯᠣᠨ ᠪᠡᠶ᠎ᠡ ᠰᠣᠪᠢᠯᠠᠵᠦ ᠪᠠᠶᠢᠬᠤ ᠎ ᠶᠢᠨ ᠳᠡᠭᠡᠷ᠎ᠡ᠂ ᠡᠮ ᠡᠮᠨᠡᠯᠬᠡ ᠶᠢᠨ ᠨᠦᠬᠦᠴᠡᠯ ᠰᠠᠶᠢᠵᠢᠷᠠᠭᠰᠠᠨ ᠢᠶᠠᠷ ᠡᠩ ᠤᠨ ᠡᠪᠡᠳᠴᠢᠨ ᠢᠶᠠᠷ ᠦᠬᠦᠬᠦ ᠬᠦᠮᠦᠨ ᠦᠭᠡᠢ ᠪᠣᠯᠵᠦ᠂ ᠣᠷᠳᠦ ᠨᠠᠰᠣᠯᠠᠬᠤ ᠨᠢ ᠠᠷᠪᠢᠨ ᠪᠣᠯᠵᠠᠢ᠃ ᠡᠶᠢᠮᠦ ᠠᠴᠠ ᠮᠠᠨ ᠤ ᠬᠡᠣᠬᠡᠳ ᠡᠪᠦᠭᠡ ᠡᠮᠡᠭᠡ᠂ ᠨᠠᠭᠠᠴᠦ ᠡᠪᠦᠭᠡ ᠨᠠᠭᠠᠴᠦ ᠡᠮᠡᠭᠡ ᠢᠶᠠᠨ ᠴᠦ ᠳᠡᠵᠢᠬᠡᠬᠦ ᠳᠠᠪᠬᠤᠷ ᠡᠬᠦᠷᠬᠡ ᠲᠠᠢ ᠪᠠᠶᠢᠵᠦ᠂ ᠨᠢᠬᠡ ᠬᠡᠷ ᠤᠨ 12 ᠠᠮᠠ ᠎ ᠶᠢᠨ 10᠎ ᠨᠢ ᠳᠡᠵᠢᠭᠡᠭᠳᠡᠬᠦ ᠪᠣᠯᠣᠨ᠎ᠠ᠃ ᠬᠦᠬᠡᠷᠦᠬᠦᠢ ᠬᠤᠶᠠᠷ ᠬᠡᠣᠬᠡᠳ ᠮᠠᠨᠢ ᠨᠠᠢᠮᠠᠨ ᠨᠠᠰᠣᠳᠠᠨ ᠠᠰᠠᠷᠠᠭᠠᠳ ᠪᠠᠰᠠ ᠬᠡᠣᠬᠡᠳ ᠦᠰᠬᠡᠨ ᠪᠣᠶᠢᠵᠢᠭᠤᠯᠵᠦ ᠰᠣᠷᠭᠠᠭᠤᠯᠢ ᠰᠣᠶᠣᠯ ᠶᠢᠨ ᠮᠦᠷ ᠬᠦᠬᠡᠯᠬᠡᠨ᠎ᠡ ᠬᠡᠭᠴᠢ ᠦᠨᠡᠬᠡᠷ ᠬᠢᠯᠪᠠᠷ ᠠᠵᠢᠯ ᠪᠢᠰᠢ ᠪᠣᠯᠬᠤ ᠨᠢ ᠡ︕ ᠬᠡᠷᠪᠡ ᠬᠤᠶᠠᠷ ᠠᠴᠠ ᠳᠡᠭᠡᠭᠰᠢ ᠬᠡᠣᠬᠡᠳ ᠲᠠᠢ ᠪᠠᠶᠢᠭᠰᠠᠨ ᠪᠣᠯ ᠡᠨᠡ ᠬᠦᠨᠳᠦ ᠡᠬᠦᠷᠬᠡ ᠬᠠᠭᠠᠰ ᠢᠶᠠᠷ ᠬᠦᠩᠬᠡᠷᠡᠬᠦ ᠪᠢᠰᠢᠣ︖       ᠬᠡᠷ ᠪᠦᠯᠢ ᠪᠣᠯ ᠨᠡᠶᠢᠬᠡᠮ ᠢ ᠪᠦᠷᠢᠯᠳᠦᠬᠦᠯᠦᠭᠰᠡᠨ ᠦᠨᠳᠦᠰᠦᠨ ᠨᠢᠬᠡᠴᠡ ᠪᠣᠯᠬᠤ ᠳᠣᠯᠠ᠂ ᠬᠡᠷ ᠪᠦᠯᠢ ᠶᠢᠨ ᠳᠠᠷᠣᠭᠠᠰᠦ ᠬᠦᠩᠬᠡᠷᠡᠪᠡᠯ ᠨᠡᠶᠢᠬᠡᠮ ᠤᠨ ᠳᠠᠷᠣᠭᠠᠰᠦ ᠬᠦᠩᠭᠡᠷᠡᠵᠦ ᠳᠣᠭᠳᠠᠭᠤᠨ ᠢᠶᠠᠷ ᠬᠦᠭᠵᠢᠬᠦ ᠪᠣᠯᠣᠨ᠎ᠠ᠂ ᠳᠣᠭᠳᠠᠭᠤᠨ ᠨᠡᠶᠢᠬᠡᠮ ᠵᠢᠷᠭᠠᠯᠳᠦ ᠠᠮᠢᠳᠣᠷᠠᠯ ᠤᠨ ᠳᠦᠯᠦᠬᠡ ᠢᠯᠡᠬᠦᠦ ᠬᠡᠣᠬᠡᠳ ᠠᠪᠴᠠᠭᠠᠶ᠎ᠠ︕             ᠠᠰᠢᠭᠯᠠᠭᠰᠠᠨ ᠨᠣᠮ᠄      ︵1︶᠂ ︵2︶ ︿︿ᠵᠢᠷᠢᠮ ᠤᠨ ᠰᠦᠮ᠎ᠡ ᠬᠡᠶᠢᠳ﹀﹀ ᠦᠪᠦᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶ᠎ᠠ᠂1993 ᠣᠨ ᠤ ᠬᠡᠪᠯᠡᠯ᠃      ︵3︶ ᠳ᠋ᠧᠯᠢᠭ ︿︿ᠦᠪᠦᠷ ᠮᠣᠩᠭᠤᠯ ᠤᠨ ᠱᠠᠰᠢᠨ ᠤ ᠳᠡᠣᠬᠡ﹀﹀ ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶ᠎ᠡ᠂  1998 ᠣᠨ ᠤ ᠬᠡᠪᠯᠡᠯ᠃      ︵4︶ ︵5︶ ︵7︶  ᠳ᠋ᠠᠮᠪᠠ ︿︿ᠮᠣᠩᠭᠤᠯ ᠳᠡᠣᠬᠡ ᠶᠢᠨ ᠯᠧᠺᠽᠢ﹀﹀ ᠦᠪᠦᠷ ᠮᠣᠩᠭᠤᠯ ᠤᠨ ᠶᠡᠭᠡ ᠰᠣᠷᠭᠠᠭᠤᠯᠢ ᠶᠢᠨ ᠬᠡᠪᠯᠡᠯ ᠤᠨ ᠬᠤᠷᠢᠶ᠎ᠡ᠂1993 ᠣᠨ ᠤ ᠬᠡᠪᠯᠡᠯ᠃      ︵6︶ ᠨᠠ᠊᠂ ᠪᠣᠶᠠᠨᠬᠡᠰᠢᠭ ︿︿ᠠᠯᠳᠠᠨ ᠪᠣᠭᠳᠠ ᠶᠢᠨ ᠰᠢᠯᠢ﹀﹀ ᠦᠪᠦᠷ ᠮᠣᠩᠭᠤᠯ ᠤᠨ ᠰᠣᠶᠣᠯ ᠎ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶ᠎ᠠ᠂2004 ᠣᠨ ᠤ ᠬᠡᠪᠯᠡᠯ᠃      ︵8︶ ︵9︶ ︿︿ᠨᠠᠰᠣᠳᠠᠶᠢᠴᠣᠳ ᠤᠨ ᠶᠢᠷᠳᠢᠨᠴᠦ﹀﹀ ᠰᠡᠳᠬᠦᠯ ︵  ᠬᠢᠳᠡᠳ ᠬᠡᠪᠯᠡᠯ︶ 2005 ᠣᠨ ᠤ15 ᠳ᠋ᠣᠬᠡᠷ ᠬᠤᠭᠤᠴᠠᠭ᠎ᠠ᠃      (2007 ᠣᠨ ᠤ ᠬᠠᠪᠣᠷ ᠪᠢᠴᠢᠵᠦ᠂2009 ᠣᠨ ᠤ ᠡᠪᠦᠯ ᠳᠠᠬᠢᠨ ᠵᠠᠰᠠᠪᠠ᠃)                           ᠬᠠᠶ᠋ᠢᠭ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠵᠢᠷᠭᠠᠯ ᠵᠠᠮ ᠰᠣᠮᠣ ᠶᠢᠨ ᠴᠣᠩᠵᠢᠨ ᠭᠠᠴᠠᠭᠠᠨ ᠤ ᠰᠦᠮ᠎ᠡ ᠳᠣᠭᠤᠶᠢᠯᠠᠩ᠃ 
  
ᠢᠷᠡᠯᠲᠡ᠄ www.kqmw.gov.cn
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备09001939号